رواية الفئة المجنونة -9
دخل على شآرع العتبيية وهوا يلعن فيهم
أن واع الزحآم في سيارات.. والأسواق المنتشرة
والنآس كثرين منتشرين في شآرع
وقف سيآرتة وهوا ينتظر سرا الطريق متى بيخلص
مل من الأنتظآر ..و ركن سيآرتة على جنب
وهوا يدندن بصوت راخي
حتى ماخلصت صلاة العشاء..وطلعو الرجال من المسجد
أما هوا نزل من سيآرتة ودخل محل ( أستديوهات الشرق )
كآن أول شخص يدخل مع العملآء وهوا يسلم عليهم ويدردش معآهم
دخل بعدة 4 شبآب وهم مشغلين في سيدهات والأشرطة
راح قصي الجهة الغربية.. لأن ستايلة أبدا مو عربي
أخذ له شريط للفنآنة الفرنسية سلينآ
والألبوم الأخير ل ريحآنة
دفع لهم الفلوس.. وركب سيآرتة ..وهوا يفتح الغلاف ويشغل ل ريحآنة
دخل على أحد الأزقة ضيقة ..وهوا متقرف من ذي المنآظر
بيوت لاصقة لبعض.. والأسلاك لصقة على جدران البيوت
دشوش في كل بلكونة أو بيت
بقآلة .. وصالون للحلاقة..
كآبل للكهربا مكشوف وخطر على الأطفال
والقطط منتشرة في صندوق الزبالة..وآكياس مرمية بجوارها
و رائحة نتنة تصدر منها
(( أشفيها نتووس ماتوقعت أنه ذوقها يكون كدا..تتعرف على شبآب من هنا ))
نزل الشبآك وهوا يأشر لواحد من البزران إلي واقفين عند محل السوني
:هييي بووووي ..؟؟
أستغرب الولد من ذا الرجال إلي شكلة غلط وملفت للأنتباة
بسيآرتة الهمر السودة ومن داخل لون الكنبآت ب الأحمر القاتم
ومدلع سيآرتة بأكسسوارات ودببة ومخدات صغيرة
راح الولد له وهوا مبسوووط منه..:أنت ناديتني؟؟!!
قصي وهوا حاط يدة في خشمة ..يعني أنه متقرف منه:تعرف واحد هنا في
الحآرة أسمة مراد ولد عبدالرحمآن ال ######
الولد بستنكآر:هذااك القصير مراد
( وكم ان قصير.. الله يستر من شكلة ))
:أيووة فين ألاقية ؟؟
الولد وهوا يأشر للزقآق الثآني ويقول:هناك تلقية قاعد قدام
بيتة مع أصحآبة
هز راسة قصي وعدل من جلستة وهوا يرفع الشبآك
بس وقفة صوت الولد وهوا يقولة:سآعدتك مراح تعطيني فلووس
بستنكآر ناظرة قصي وقآل:نعم؟؟
الولد مقهور منه لأن على بالة أنه ساعدة ودلة على مراد
ومتوقع منة أنه يعطية بعض الريالات
بس خآب ظنة.. لمن رجع قفل الشبآك
وحرك السيآرة وهوا يدخل الزقاق الثآني
وقف بتمآم على شلة من الشباب جالسين في الونيت
خلف أحد البيوت الشعبية
نزل من سيآرة وهوا يناظر في الشبآب و وده يعرف من مراد
هوا مو نآوي أنه يضربة أو يربية
بس راح يتكلم معآه بهدوء
لأنه مجبور من أبوة أنه يروح ويدور علية
هو مؤيد فكرة البوي فرند
لمتى البنت يقعد مخها متحجر
وماتكون شلة من البنآت والعيااال
أصلا التحرر صار واجب .. ولازم البنت تتحرر
من مجتمعها وعادتها وتقالديها وتتحرر من ضغط أهلها
بسبب عيشتة للخآرج ومتأثر بحياة الغرب
صآر دماغة مغسل ومعبي من أفكآر الكفآر
بسبب أفكآر الغرب .. صار دينة و إيمانة ضعيف
بسبب عيشتة للخآرج... صار ديوث ومالة غيرة على أهل بيتة
بسبب الصحبة سيئة.. صار يدعو لتحرر المرأة ومخالطتها
للشبآب.. بهدف أنها حضاارة
~ $ (( deema ))$ ~
(($~ الفئة مجنونة ~$))
~ $ (( deema ))$ ~
مسدوحة في سريرها وتناظر في السقف وهي تفكر
بمراد أيش صار له..؟؟
المشكلة ماتعرف كيف تاخذ الأخبآر من عندهم
نآظرت بساعتها وكانت تشير على 2
قامت من سريرها وفتحت أدراج دولابها..
ماتفتكر فين حطتها بضبط ؟؟
راحت لمكتبها وفتحت الأدراج و دورت ولا لقتها
حكت راسها وهي تفكر في يكون حطتها
أخر مرة أستخدمتها قبل آمس..وحطتة في صندوق المجوهرات عالأساس
راح تشحنة إذا فضيت
راحت عالتسريحة بسرحة وفتحت الصندوق ولقت ( الكنكت )
طلعت شريحة من الكنكنت
بس بقهر رجعتها.. لأن مافية رصيد
ماتعرف كيف توصل لمراد وتتكلم معاه؟؟
طلعت من غرفتها ..و نزلت الدرج وهي تمشي على أصابع رجولها
عشان إذا شافت أبوها.. راح تتطلع بسرعة لغرفتها
وقفت عند الدربزان ونزلت راسها تشوف من فيه في دور الأرضي
لقت أمها جالسة عالكرسي البيانو وماسكة راسها والخدامة واقفة قبالها
:وهوا طيب ولا لأ؟؟
عبداللطيف:قلت لك طيب ماتفهمين..وبعدين بقفل لأني واقف عند باب المستشفى
فوزية ودموعها محجرة بعيونها :وغلاااوتك يابوقصي خليني أشوف ولدي وأطمن عليه
عبداللطيف:أطلعي فوق وشوفي بتك إلي فضحتنا و وطت راسي في الأرض
فوزية: ب.....
طوط طوط..طوووط
حطت جوالها على بيانو ..وهي ماسكة راسها وتصيح على ولدها
والمشاكل إلي صآرت بسبب نتوس
جات الخدامة وهي شايلة صينية الموية وعلبة الفتامين
أخذت فوزية العلبة وفتحته وبلعت حبة لها ولحقت وراه موية دافية
مسحت دموعها وهي تسمع صوت جوالها يرن بنغمة ( موال عراقي)
أخذت جوالها وحولتة عالصامت لمن لقت المتصل وحدة من أخواتها
سمعت صوت خلفها..والتفتت للخلف تشوف مين
لقت نسرين نازلة من درج ومنزلة راسها
فوزية مسحت دموعها وبأمر:نتوووس على وين أن شاء الله
هي حلفت أنه أمها ماتكلمها ولا تكلم أحد من أفراد عايلتها ..
ليش ألحيين تكلمها وتسألها وين بتروح..
كمان بيشكو إذا طلعت من غرفتي ..
رفعت راسها ورجعت شعرها عالورى وبان الخط المحمر إلي في خدها
:بروح أشروب موية؟؟
فوزية وهي تأشر لها بإن تتطلع فوق..وهي قهورة من خويها لأنه السبب في كل شئ
أولهم بنتووس وثانيا بقصي :أعتقد في دوركم في موية
نسرين وهي لافة وجها ولا تبي تناظر وجهة أمها:أدري بس الموية بآردة مرة وانا
مابي أشرب شئ باااارد
أتأملتها فوزية بحنان وقلبها يعصرها لبنتها.. شكلها البنوتي وكيوووت
وعيونها إلي رجعت أخيرا سودة..وبشرة وجها الخالي من أي مساحيق تجميل
:بكرة بتروحي الجامعة
نسرين..وهي ودها تتطلع ألحين لغرفتها :أكييد بكرة وراي محاضرة عالسة 9
فوزية:ومتى بتتطلعي؟؟
نسرين طفشت وطلعت الدرج:عالساعة 3 ونص
كان بتقولها فوزية عن أخوها قصي أيش صار لها ..بس سكتت وماقالت لها
ناظرتها وهي تتطلع الدرج وسألتها لأخر مرة :ماتبي موية؟؟
نسرين" ومن قال إني إبي موية..كل إلي أبية إني أخذ جوال جاكلين وأتصل على مراد":لا
مااابي موووية.. بروح آنااام تصبحي على خيير مااامي
"حتى وهي زعلانة..لاازم تمسي علي"
~ $ (( deema ))$ ~
(($~ الفئة مجنونة ~$))
~ $ (( deema ))$ ~
ناظرو الشباب في الشآب إلي واقف قدامهم ببنطلونة طيحني وتيشرت العودي
وأكسسورات إلي في يده.. ولام شعره على ورى
رجعو ناظرو بعض بستغرااب وناظرو وهم يسمعو صوتة: من فيكم مراد
رفع يدة مراد بسخرية وقال:أأنا ياعمي..أمر أيش تبغى؟؟
قصي ناظرة من فوق لتحت وهوا منتقدة على شكلة ولبسة وستايلة:ممكن أتكلم
معاك عالأنفرااااد؟؟
مراد: مابيني وبينك شئ علشآن يكون بيينا موضوع عالأنفراد
قصي :هو راح يكون عالأنفراد لمن تعرف الموضوع ؟؟
واحد من الشباب قال:طلعت مو هين يامراد من ورانا تتعرف على عيال العز
مراد بضحكة:شفت كيييييف إني موهين ؟؟
صاحبة إلي قاعد جنبة :أنت من يومك مو هين لمن طبيت على بنت الزمزمي
طق عرق قصي لمن سمع آخر كلمة " بنت الزمزمي "
وقف مراد وبآن قصرة ..كان لابس ثوب مصري ورجول حافية
والسجآرة في يدة
وقف عند قصي وهوا حاط السجآرة في فمة و بمباله :خلصني أيش عندك؟؟
أخذ قصي السجآرة من فم مراد وهوا يتآمل فيها ويقول: تعرف مآركة كلفن ماشاء الله
مع أنه حدك غصن شجرة تحطها في فمك
رمي السجآرة في الأرض ودعسها برجولة وهوا يقول:كنت حاب أكلمك بحترام وأدب
لكن بأسلوبك معآي راح تجبرني إني أكلمك بنفس أخلااقك
مراد مستغرب من الشآب ومستغرب مرررة من أسلوبة:أنا أعررفك؟؟
مرة قابلتك أو أضاربت معاك؟؟
قصي:أنت ماتعرفني.. بس تعرف إلي تكلمها بجواال؟؟
مراد حك شعرة:أكلمها بالجوال من هي؟؟ وأنت تقصد مييين؟؟
قصي ناظرة ورجع ناظر في أصحابة وقال بهمس:أقصد بنت الزمزمي..نتوس
سكت مراد وعيونة موسعة للأخر..ماتوقع إلي يكون واقف
قبالة أخوها..وأيش يبغى منه ألحين.. لايكون نتوس أنفضحت :طيب ؟؟!!
قصي:الطيب يابعد عمرك..أنه أختي أنكشفت وعرفنا
أنه لها صور معاك وأنت أنت إلي م....
مراد بتوتر بس ماحب يبين:طيب والمطلوب؟؟
سكت قصي وماعرف أيشي قولة..أصلا مو عآرف أيش يقولة بضبط
:أممممم المطلوب أنك كلمتها يعني راح تستر عليها؟؟
مراد:وليش أستر عليها..أعطيكم أغراضها وصورها والله يستر على بنتكم
ترا تفكيرك لايروح لبعيييد..ماكان بيينا شئ كبير؟؟
قصي:مو مشكلتي هذي أختي وانت لازم تصلح غلطك
مراد :وأنا ماغلطت معاها..بس أعتقد إني غلطت لمن أتصورت معاها وأعطيتها هداية
وثووواني راح أطلع عالبيت أجيب اغراضها وصورها وأسلمها لك
وعلى فكرة نسيت شئ
طلع من جيبة جوالة ( الدمعة) وطلع الذاكرة وحطها في يد أخوه وقال
:هذي الصور والفيديو حقها والله يصبركم على مصيبتكم
حس قصي من كلامة..أنه أنسآن لعووووب
وعرف يستتدرج أختة بكل سهولة
أنقهر منة ومن كلامة ومن سخريتة ومسكة من ياقة ثوبة وكان بيلفة
بس بحركة وحدة من قصي خلاها يطيح في الأرض
:أنت تحسب بناااااات النآس لعبة بيدك وبكل سهولة وببرود تنهى الموضوع
قام مراد وهوا ينفض الثوب من غبار ويقول:أأنا تدفني ياكلب ياحقيييير
كان بيضربة مراد بس قصي سبقة ورماة عالأرض ثاني
قامو علية الشبآب وأجتمعو عند قصي ومراد
قآم مراد وهوا ينفض يدة من تراب..وقال قصي لمن شاف أصحابة واقفين
ضدة: هه جايب عيآل حآرتك عشآن تتخبى وراهم
وبشماتة وهوا يضحك مراد :وإذا قصدك أني متخبي وراه شباااب
أصحى يابوييية أهالي مكة حقون الفزعات
يعني أعتدي على واحد وينزلك جيش كامل
يوريك شغلك
حس بالخوف قصي وهوا يشوف أشكال الشباب
من جميع الأجناس والألوان
أعطه نظرة للإشكال وهوا متقزز منهم
إلا عينة مضروبة ...
و لي ملامحة تخوف وثاني جسمة ضخم كأنها جثة كبيرة
ولي مشمر بنطلونة وجميع الأجراح موجودة في جسمة
هذي الحارة أول مرة يطب فيها وهوا مايعرف
حواري مكة
قصي ولد الماما والبابا وحضري للإخر
وعايش بأحياء راقية و مخططات هادئة
بين الفيلل والقصور
مو هنا حواري ومليون وزقاق منتشر في كل مكان
وأشكال وهوا مشتمز منهم
قصى بدئ يتراجع لأنه واحد وهم مجموعة : أنا جيت عشآن مراد يصلح غلطة
مراد: وأنا لمن صلحت غلطي ماعجبك..ومادري ايش عاجبك
واحد من العيال:أيش القصة ياجماعة وأيش سالفة تصلح الأخطاء ومدري أيش
مراد:واللة هذا جاااي يقول أنه أخو خوويتي إلي كنت أكلمها..ويقول أيه
إني أصلح غلطي
الشاب:خلاص فك نفسك من المشاكل وعوار الراس..إذا عندك شئ لها أعطيه لأخوها
مراد : قلت له خذ حاجة أختك..بس رفض مايبي مني لاصور ولاحتى
الميموري حقة جهااازي ميبغاه
قصي ناظرة بحتقآر وهوا يرجع لورى وناوي يركب سيارتة.. لأن هذولا من
(الفئة )ماتنفع معاهم أسلوب السياسة :آنا مراح أتكلم معاااك ياولد الهمجية..راح أخلي الهيئة
تربيك من جديد عشان تعرف أن الله واحد
مراد بعصبية :تقصد ياولد أمك أنه أمي همجية تعااال ياكلب
أهبدك أللين أجدد أيمااانك
قامو عليه عيال الحارة وطاحو فيه ضرب وتكسير
وماتركو إلا لمن طاح قصي في الأرض وفتح فمة
بيلفض الشهااادة لأن شااف الموت بعينة
ضربة مراد على فمة برجولة وهوا يقول:ألحييين وريتك الهمجية على أصولها
قصي بألم ومو قادر يفتح عيونة :م راح أع دي ها لك م
مراد وهوا يقرب منه ويشد شعره :أعلى ماف خيلك أركبة مو أنت إلي تهددني
وتسوي فيها رجال وتفرد عضلاتك وتهددني بأهلك..
بكل ألم وهوا حاس بوجع في راسه والدم يطلع من فمه : والله لا أخلي الن دم
يط لع من عي ونك
أنقهر منه مراد من تهديدة وأعطآه ركبة في بطنة
صرخ قصي بألم :آآآآآآآآآآآآآآآآآآآآآآآآآآآآآآآآي
واحد من الشبآب رمى الحجارة على رجولة بالقوى حتى سمع صوت طق
جاه واحد من العيال وهوا ويصرخ: الشرطة
جاات أهرربو بسرعة
خاف مراد و وقف مفزوع : من أتصل عليهم الشرطة؟؟
واحد من العيال وهو يجري :مدري بس أنقذ نفسك
وقف العسكري من كتابة محضر ورفع راسة يناظر
في قصي و الضابط
الضابط أبوبكر وهوا يهز راسة ويقول: وأيش سالفة أختك نسرين
عبد اللطيف أتكلم عبد اللطيف بعد ماكان ساكت ومستمع لحآدثة ولده
:لااازم تعرف يعني ؟؟
الضابط أبوبكر : لاازم نعرف لأن الموضوع متعلق ببنتكم
إلي لها يد في الموضوع ..وعلشآن نمسك مراد ويااخذ أشد العقآب
بدون ملامح قال عبد اللطيف : بنتي متعرفة على هذا الولد مرااد
وعلاقتهم ماتعددت إلا مكالمة ومقابلة
وصورهم في الاب توب وجوالها وهذي مسألة سمعة
وشرف ونحنا عايلة كبيرة مانرضى فيها
الرقيب عبد الجبآر: وفين الاب توب لازم نشوف الدليل
علشان نصدق أقولك
عبد اللطيف : الاب توب عندي وجهازها معاي
والدليل موجود والحمدالله أنه بنتي سليمة ماأعتدا فيها
~ $ (( deema ))$ ~
(($~ الفئة مجنونة ~$))
~ $ (( deema ))$ ~
أنفتح باب الطوارئ بسرعة رهيبة
وألتفتو الممرضات ودكاترة على يونس وهوا يشيل علي
وملابسة ملطخة دم
يونس بتوتر ومو عارف كيف يتصرف ركض عند الدكتور
وقآل:ألحق علي يادكتور ولد أختي سوا حآدث وضربة جات بعينة
الدكتور وهوا يأشر للممرضة أنها تفتح ستارة عشان
يسدحو علي في السرير
يونس حط علي بسرير وهوا يسمع نبرة الممرضة وهي تتكلم بخوف
: سلاماااات أيش صار لولد أختتك الصغير بضبببط؟؟؟
يونس وهوا يحك خشمة ويناظر في دكتور وهوا يعالج الجرح:والله ماأعرف أيش صااار
بضبط بس إلي سمعتة أنه كان يلعب مع أخونة وبدون قصد رمو بالمبخرة في وجة
علي وهوا يصيح بألم لأن الدكتور يطهر الجرح والممرضة تمسح الدم من وجهة:
آآآآآآآآآي أصلا هي كانت تضربني أصالة بقصد وهي متعمدة أنها تضربني
آآآآآآآآآآآآآآآآآآي
الدكتور وهوا يطمنهم :متخافش يااولدي ربي سترك دا الجرح بسيط أوي
يونس: يعني ماله خطورة في عينة؟
الدكتور: حاليا لأ هو بخير وعينة طلعت سليمة بس لااازم
نعمل خياطة أبل الدم مابيتخثر
بس سمع علي سالفة ( الخياطة ) قام صرخ وأتشنج في سرير وهو يدفهم ويحآول
ينزل من السرير
بس كتفة خالة بالقوة وهوا يخاصمة.. والممرضة تهدية أنه الخياطة ماتعوره
لأنه راح يعلو له بنج ولا راح يحس بأي شئ
أخذ الأبرة الدكتورة وضرب راس علااوي إلي كان يصآرخ وهوا يشوف راس الأبرة
تقرب من وجهة.. بس هدء لأن الألم خف ومايحس بشئ
الممرضة وهي تكمل تمسيح وتقول:شفت ماقلت لك أنك مراح تشعر شئ؟؟
علي بعدم تصديق ضرب راسة بخفة وماكان يحس بشئ..خاف وقال:خلايااا دماااغي
مااااتت؟؟
ضحكو كلهم على برائتة.. وبعد يونس عنهم وهوا يدق على أخته فاطمة ويبشرها
أنه الأصابة جات سليمة
أما الممرضة عجبتها سوالف مع علااوي وجالسة تتونس معاه وهي ميتة ضحك وخصوصا
لمن يتريق على أصالة ومهند حتى خالتة فاطمة
يعني ماترك أهلة إلا لمن حش فيهم حش
خلص الدكتور من الخياطة وغطى الجرح بشآش عشآن مايتعرض للجراثيم
~ $ (( deema ))$ ~
(($~ الفئة مجنونة ~$))
~ $ (( deema ))$ ~
نطت من مكانها وهي تمسح في مكان ضربة وبكل
وقسم بالله ماأكذب عليكي بكااء: والله كنا نلعب وجات ضربة بالغلط
غالية وهي تلف سلك وبعصبية: وهذا لعب بتلعبية
مع أخوكي كانت عينه حتروح بسببك
بس ربي ستر عليه
فاطمة وهي تمسك أختها وتهديها :خلاص ضربتني بنت
مافي الكفاية وبعدين هم كانو يلعبوا مايضاااربو بعدين هي
قالت لك ماكانت تقصد أنها تضربة
صرخت غالية وهي تدف فاطمة: أبعدي عني أنا تعبت
من أصالة ومن مشاكلها أقول عنها الكبيرة تشيل
المسؤولية مني بس أكتشفت أنها هي بكبرها مسؤولية
أصالة وهي تبكي: والله خلاااص والله ماأعيدها
غالية وهي تضربها وتجري وراها :هذا الكلام سمعته
مليون مرة بس ربي أعطاني ولد على هيئة بنت
لحقتهم فاطمة وهي تحاول تمسك غالية وتهديهم
تدخل أم يونس الشقة بعد ماعرفت أنه أبو يونس
نايم ومو عارف إلي يصير وسحبت من تحت مخدته
200 ريال عشان العلاااج
قفلت باب الشقة وهي تسمع صراخ وهوااش وبكاء
ناظرت ب مهند إلي كان واقف عند باب غرفتة
وماسك الباب يبغى يقفلة
قفل مهند الباب لمن شاف جدتة تناظرة
أصالة وهي تحتمي خلف جدتها وتحضنها من وراه :أحميني
ياجدة والله ماااقصدت أض رب علاااوي
شدتها غالية من شعرها بالقوة وهي تشد بأقوى
ماعندها :تعااااااااااالي هناا وين رايحة والله ما أتركك
أصالة وهي تبكي وتصرخ: آآآآآآآآي شعررري
تحاول فاطمة تفك يد غالية من شعر بنتها: خلاااص
قطعتي شعرها من كثر ماتجرية
أتركيها ياغالية كسرتي جسمها بسبب السلك
أم يونس وهي تشد حفيدتها
لصدرها وبصرااامة: غالية أتركي البنت
ولا تضربيها ..أصالة ماكانت تقصد أنها تعوره
غالية و وجها محمر وهي تشد بنتها وتضربها على ظهرها
بالقوة: لااااااا أنا تعبت مع أصالة وكل مرة أقول
أنها تعقل وتكبر وأتعامل معاها بأنها أدمية وبنت كبيرة
بس المرة ذي مرااح أسكت لها
صرخت أصالة وهي تصيح وماتدري كيف أمها ب ثواني تركتها
وهي فزت بجلدها من عندهم
و أتوجهت لأقرب مكان وهوا الحمام
قفلت الباب على نفسها وهي تبكي
غالية وهي تضرب الباب بالقوة: أصالة أطلعي
من الحمااام قبل لأأكسر البااب على راسك
جلست أصالة في الأرض وهي تكتم شهقاااتها
وجسمها ياكلها بسبب الضرب
أنتفض جسمها غصبن عنها لمن حست بضرب على الباب
وتسمع صوت أمها وهي تصرخ :أطلعي ولا والله راح أفرشك
وماأتركك حتى تلفضي الشهاااادة أفتحي الباب بطيب
ولا يكون أجلك على يدي هذي المرة
بين شهقاتها وفكها يرتجف : أبي أم وت أبي ألح ق
أب ويه ب س ماتض ربيني
والله ت وبة والله م رااح أع يدها ث اني
رق قلب غالية لمن سمعت توسلات بنتها وشهقاتها
كان ولدها علااوي راح يموت هذي المرة
وأبوهم ماكمل 4 شهور وهوا في قبرة
حتى جثة ماأتحللت وهوا تحت الإرض
كانت صدمة عمرها بإن زوجها وسندها وعوزتها
أختفى من نظرها!!!!!!
أختفت أول شمعة في حياتها
وماتبي الشموع صغيرة تختفى من حياتها لمرة ثانية
هذولا عيالها ذكرى من ذكريات
أبو مهند
هوا سبب وجود عياله لهذي الحياة
ماتتمنى أنه رمش عينها يغفى ويختفى لها ولد
إلا أذا ربي كاتب في لوح محفوظ
فتحت أصالة الباب ببطئ وخوف وهي ميتة رعب وخوف
ولقت أمها واقفة قبالها تناظرها وعيونها مغرقة دموع
أتحركت أم يونس تبغى تمسك غالية قبل لاتضرب أصالة
لكن فاطمة مسكتها وتأشر لها بنفي
أرتمت أصالة بحضن أمها و تصيح وتحضنها بالقوة
تشم ريحة أمها غالية: س امحيني وبين شهقاتها وهي
م ام ا والله أسف ة
حضنتها أصالة بالقوة وهي تصيح وتبكي
وحاسة بوجع أمها
شايلة أمها كتلة كبيرة من الهم والغم
أستقرو في مكة غصبن عنهم
وبعدو عن الأقااارب والأهل والأحباااااب غصبن عنهم
بعدو عن سكاكا منطقتهم وديرتهم وحياتهم
ونزلو في مكة وكأنهم أغراااب
أتحملت أمهم وهي تسدد الكهرباء وتلفون
وأحيانا تدفع الموية بحكم أنهم يستخدمو مشترك
كانت فلوسهم يدوب تكفيهم لنص الشهر
أمهم سجلت نفسها في ضمان الإجتماااعي
وياليتها لقت ربع ريال في هذا الضمااان
كان فلوسها تتحول لجيوب أبويونس
إلي كان حبة وعشقة وهوا يجمع الفلوس
ويحطها في الخزانة وياليتة يطلع شئ
لنفسة أو لأهله
هم عايشين تحت رحمة
بهمهم وفقرهم وقرفهم
نهاية الباارت الخآمس
× ديم القطبي ا×مع محبتكم
((الج السادس زء ))
يوم : السبت … 8: السااعة
فاارد الخيشة وجالس فوقها وقبالة علبة نيدو
فاضية ويمد يده على خلق الله: لله المحسنين
أعطوني مما أعطااااكم الله
الله يطرح البركه فيكم وفي حياااتكم
ريال يا فاعلين الخييير
أعطاه رجال في يده ريال وقال وهوا يمشي
:خذ الله يستر عليك
أخذ أبو يونس وهوا يحك جبينة ويعدل طاقيه
لأن الشمس بديت تضرب في راسه
وجو مكة بصفة عامه حر وجفااااف بطريقة
ودك تفسخ ملابسك وتغتص في مويه من الثلج
حط ريال في علبة النيدو مع الخمس ريالات وال 4 ريالات
ناظر في شااارع إلي صاار فاضي
بعد ماكان ممتلئ بالسيارات والطلااااب
قام من الأرض بمساعدة عصايته
و راااااااح يدور على مكان فيه ناس كثرين
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك