رواية لحظات لا تنسى -5
طلعت ريما باليوم الثاني على طول وأول ما طلعت راحوا للشيخ وعقدوا وما طولوا لأن على طول رجعوا عشان ريما اللي مو قادرة تتوازن من التعب والإرهاق ...
الجدة: ألف الصلاة والسلام عليك يا...
أم جاسم بفرح: كلللللللللللللللللللللللللللللللللللوش
الجدة على طول حضنت ريما: ما عليه ريامي ... الله يوفقك وإنشاء الله سعادتك على يد جسوم
أم جاسم راحت وحضنت مرت ولدها: مبرووووووووووووووووك عمري ...
ريما بخجل: الله يبارك فيك...
أبو جاسم اللي ورى ريما: خلاص خلوا البنت تاخذ نفس وترتاح ... ريما صعدي غرفتك
ليال تخصرت: لحظه لحظه ... أنا ما باركت لمرت أخوي... (سلمت عليها وباركت ) إلا جسوم ما بيجي يشوف النظرة الشرعية ...
ريما توترت إنه يوافق بس أبو جاسم قطع عليها بحده وحزم: لااااا .... أنا ما سمحت له
أم جاسم بدهشة: أهو قال يبي يشوفها وأنت منعته؟؟؟؟
أبو جاسم هز راسه بالنفي: أنا على طول عطيته إياه في وجهه قلت له ماله داعي نظرة شرعيه........ وأنت شفتها فرررررررررررررري .... (غمز لريما)
ريما من الإحراج قلب وجهها ألوان ومشت غرفتها ترتاح...
: سلااااااااااااااااااااااام
الكل التفت ورى وليال شهقت وبسرعة تغطت عن لايشوفها
جواد بعين وعين: ليالــــــــــــــوووه ... ليه متغطية؟؟؟ ... ترى أنا زوجك
ليال تحقره وعلى طول صعدت غرفة عمتها هدى
جواد بقهر: مشت عني... لكن هين بس يومين...
دخل جاسم عليهم : ســـــ ....
ما كمل إلا أمه ونور: كلللللللللللللللللللللللللللللللللللوش
جاسم ابتسم وأمه حضنته: عقبــــــــــــال عيالك ...
جاسم: إيش؟؟؟ ... أي عيال حرام عليك توني خااااااااطب ..
أبو جاسم: وما بتطول ... كلها كم شهر وأنت معرس ...
الجد: أي لازم نزوجهم.... أنت ما تعرف هالخاله ذي وش تسوي ...
أم جاسم: لازم من الحين نحجز ... تبي صالة الأندلس ....
جاسم تخصر: أقول مو كأن أنا المعرس وإلا ....
الجدة: الحين ما علينا من جسوم علينا من ريما .... البنت تعبانه وما شرت حق عرس ليال وجواد... وش الحل ؟؟؟؟
جاسم: بكرة أوديها مو مشكله (قالها عفويه)
الكل بعين وعين: خييييييييييييييييييييير ...
جاسم انتبه للي قاله: قصدي ..... إممممممم (انحرج من نظراتهم)
الجد: مو مشكله بكره تروح هي مع السواق ...
جاسم: بلحالها .... لااا ..
أم جاسم: أنا بروح معاها ... وش قلت ؟؟؟
جاسم: طيب مو مشكله ...
************************
اليوم اللي بعده
في الليل الساعة 8 طلعت ريما مع عمتها عشان تشتري للعرس وكل شيء ما
يعجبها يا الألوان أو الموديل لأنه غير ساتر وإلا .... الخ
أم جاسم بتعب: يمه ريما ... أنا بجلس أرتاح شوي وأنت اختاري ...
ريما وهي حامله أكياس الإكسسوارات اللي شرتها: لا خلاص نجلس نرتاح (وجلست ترتاح)
بعد مده دق جوال أم جاسم وردت: هلا والله بالغالي ... ها ... لا ... بعدنا ... (طالعت ريما) ذوقها صعب... الله يكون بالعون ... والسواق... أها ... طيب لما نخلص أدق عليك ... باااااي (سكرت)
ريما وتطالع مكان قدامهم وشكله مرة شيء: عمـــــــــه... هذا المكان...(أشرت على المكان)
أم جاسم وتطالع وبإبهار: مرررره هالفستان حليو ... (وقفت وراحت مع ريما)
*************************************************
في المحل
أم جاسم: وش رايك؟؟؟ ...
ريما بإبهار: مررررره فضيع ... بس..
أم جاسم: بس إيش ...
ريما تتركه: مررره عااااااري...
أم جاسم: حرام عليك كله شفاف عند البطن
ريما: حتى ولو... ما أحب ألبس كذا ... أصلا هو هالفتحه اللي قدام وايد كبيره مو بعد شفاف ولا بعد اللي يزيد ما فيه شيء يمسكه عاري فوق....
أم جاسم: حرام عليك ... كل هذا فيه وبعدين شعرك طويل وناعم ما شاء الله يغطي وبعدين الفتحة لتحت الركبة وثالث شيء البطن شفاف بلون البشرة يعني ما أحد بيميز ...
ريما: بس...
أم جاسم حقرتها: بناخذه إذا مو للعرس حقك أيام زواجك ...
ريما انحرجت وسكتت خذوا الفستان اللي كان بيج وداخل فيه الأخضر والوردي بس البيج غالب عليه والألوان الثانية في الذيل وكله مليان كرستال وصاير مررره فخم وسعره يضرب على الراس بس أم جاسم مدام عجبها ما يهمها السعر ...
خلصت ريما أخذت الفستان والإكسسوارات وأيضا الصندل اللي كان قريب يكون طقم مع الفستان وشرت لها شنطة اللي يشوفها يقول أطفال لأنها صغيره ونعومه حيييل بس لأن عجبتها فخذتها وبعد ما خلصوا أم جاسم حقرت جاسم واتصلت لعلي ولدها وقالت يجي لها وهو ما تأخر وجاء لها ...
ركبت ريما ورى وسلمت وعلي : حيا الله مرت أخوي ... (لف لأمه) وش أسمها؟؟؟؟
أم جاسم: يخلف الله عليك ... ريما... ريمــــــــــا..
علي يضرب على جبهته: أي صح .... ريما شخبارك؟؟؟
ريما بخجل: الحمد لله...
فجأة رن جوال علي ورفعاه: هلا جسوم ... ويني؟؟؟...أبد أوصل أمك ومرتك المصون
(باعد الجوال عن إذنه) حشــــــــى ... (رجعاه) شفيك؟؟؟ ... أنت... أمي... هذي هي
(عطى أمه الجوال)
أم جاسم: هلا جسوم ... إيش .... وليه أتعبك ... لا بالله عليك وش تستفيد إذا هي ما تبي تشوفك ... لا أهي ما قالت أنا قلت... والنهاية جسوم .... مع السلامة
(ما عطته وجه وسكرت في وجهه) أولاد آخر زمن....مايستحون
علي ضحك: كل هذا لأني موصلكم ...
أم جاسم : أي ... يبي يشوف ريما ... يسلم عليها ويعني ...
علي: أها ... معاه حق مرته ... وإلا وش رايك ريما؟؟؟؟؟؟
ريما من الإحراج ما عرفت ترد وظلت طول الطريق ساكته ...
يوم الزواج
الكل انشغل اللي في الكوافير واللي يجهز البيت بالبخور وغيره ...وغيره
*********
في قصر الجد
جلست ريما الساعة 1 الظهر صلت ومشطت شعرها سوته قرنين وصارت مثل اليهال وعلى طول نزلت ....
*******************
في الصالة
الجد: جاسم أترك عنك هالأمور وأسمع كلامي ... روح الحين شوف وش ترتيبات عرس أختك ... وبعدين روح لمهدي وأما على الغداء يا تلحق يا ما تلحق
جاسم بملل: مره عاد من غداهم العدل
الجدة بعتاب: جاسم ...
جاسم: طيب طيب ... الحين تبوا أجيب الصحون هنا وإلا على طول أوصلها بيت عمي
الجد: لا جيب هنا صحن والباقي وده هناك...
جاسم: أوكي ...
طلع جاسم ومن هذي الجهة وعلى طول ريما نزلت من الجهة الثانية: سلاااااااام
الجد ظل يفتح ويسكر عينه: نــــور ...
الجدة ضحكت ولبست ريلها نظارته وهو على طول شهق: ريمـــا ... (ضحك) فكرتك نور على هالشكل ... مرررره ياااااااهل ...
ريما بملل: عاد يبه ... يعني أنا كل ما أسوي كذا أسمع منكم إني مثل الياهل ...(برطمت...)
الجدة تأشر على بجامة ريما: أبد يااااااااااهل ...
ريما تطالع بجامتها البرمود الوردية الواسعة عليها مررررره: أنا ياهل ... (تخصرت) لاااا ... كل هذا الطول وتقولوا ياهل ...
الجد يجلس على الكنبة: كل هذا ... أنت بس أطولي شوي وامتني
ريما تكتفت وبرطمت مثل اليهال: بالله عليك الطول من الله ....وبعدين جسمي وعاجبني ... طالع كاني عارضة ازياء..(لفت حول نفسها)
الجدة: بس مو حليو .... مره أعظم من العصفور حلاة البنت فيها جسم مو ...
جاسم وراها: أي والله ...(متكتف)
الكل لف وريما شهقت وحطت يدها على صدرها: بسم الله
جاسم ابتسم: لهذي الدرجة أخرع ... شبــــــــح مثلااااا
ريما من الصدمة: .................................................. .....
الجدة: ها جاسم جبت الصحن ...
جاسم وهو يعبر من جهة ريما : أي ... ما بقى شيء ... ها تبي أجيب لكم شيء وإلا ...
الجد: عطاك الله الصحة والعافية ..
الجدة: عسانا بالغين في عيالكم ...
ريما تبخرت ولا اللي زاد نظرات جاسم لها
جاسم:بذمتك ... هذا شكل وحده بتروح ثالث ثانوي
ريما في عقلها: لحظه لحظه ... إهانة علني ... (تخصرت وعلى طول) ليه شايفني ياهل؟؟؟؟؟؟ ....
جاسم يبي يحرق أعصابها وتقرب منها وسحب واحد من القرون حقها: أي... وإلا هذا شكل وحده كبيره
ريما بألم: أأآآآآآآآأي ... (بنعومه ورقه ...كعادتها قالتها)
جاسم حبس ضحكته: تألمتي ... آآآآسف فكرتك نووووووور ... (شد على الاسم)
ريما بقهر: ليه أحول ما تشوف عدل...
جاسم مستغرب جرأتها: خييييييييير ...
ريما قلبت وجهها: بالإذن... (وتوها بتصعد)
الجدة: يمه ريما تعالي تغدي ...
ريما لفت وطالعت جاسم وبطريقه تحرق الأعصاب: ما عليه ... ما أبي آكل عشان جسمي ما يتغير... تعرفي أحافظ على الرشاقة (وبسرعة صعدت)
جاسم فتح عينه على أوسعهم : طالع الـ ........... ما ينشره عليها.... ياهل ...
ريما من فوق وبصوت يسمعه الكل:ماياهل الا ......أنتتتتتتتتتت
جاسم غصب نفسه لايفطس ضحك وفي قلبه ......أكيييييييييييييييييييييييييد ياهل...الله يسامح ابوي
************************************************
في غرفة ريما
دخلت ريما بقهر وسكرت الباب بقوه حتى اللي في الصالة سمعوا صوت الباب
وهي على طول جلست على السرير... وبعد كذا خذت الجوال اللي عطاها إياه جدها
وانبطحت وهي تتصل لصديقتها أشواق ...
*************************
في الليل الساعة 9
أخيرا خلصت ريما وعلى طول لبست وطلع عليها الفستان خياااااااااال وخصوصا بعد
التضييق وسوت شعرها بالفير وهذا اللي أخرها بس صار كله مغطي ظهرها وآخر
شيء جلست على السرير وربطت الصندل وكان مررره ناعم وقفت وأخذت عطر
ورشت طالعت نفسها آخر نظره وعلى طول طلعت
***************************
في الصالة
الجد جالس ينتظر والجدة لبست وجهزت وجاسم يحوس بجواله من الملل حكم عليه الجد إلا يوصل الجدة وريما ...
دخلت ريما بسرعة وصرخت: أنا جييييييت ...
الكل منبهر ويطالع وجاسم حللها تحلل وهي مو منتبهه لجاسم وخصوصا جالس بمكان صاد شوي
الجدة بإبهار: ما شاء الله .... كل هالجمال وإحنا ما نشوف
الجد: إلا نشوف وما نحاسب على الملكة اللي عندنا
ريما بإحراج: يالله عاد ... (وبتحلطم) أصلا عاري مرررره .. أنا لازم آخذ شال ... لازم .. (وبتفكير) يمكن ما عندي اللون ..
جاسم من وراها: ما يحتاج عادي شعرك يغطي ...
ريما لفت وانزهقت: بسم الله... من وين طلعت؟؟؟ ..
جاسم يأشر على الكنبة اللي كان جالس عليها: هناك...من الكنبه السحريه ...هاهاها...(يسوي حاله نفس المارد)
ريما عطته ظهرها بلامبالاة وغمضت عينها ما تبي تشوفه منحرجه مررره وبدت
تعدل شعرها ورى عشان ما يبان شيء من ظهرها
جاسم وحس بإحراجها: لا وبعد الصبغ واااااااااااااايد .....(فكرته بيمدح بس..)......... يخــــــــــــرع
ريما فكرت بيمدح وبس سمعت كذا لفت وبقهر تخصرت: ما أحد طلب رايك
جاسم ابتسم ابتسامه تقهرها وقال: أنا بره إن ما خلصتوا في عشر دقايق مشيت ... سامعه يا.. (يحرق أعصابها) حلوة...
ريما على طول قلبت وجهها وطلعت وهو وراها هي راحت تلبس عباتها وهو طلع ينتظرهم بره
ريما وهي تلبس العباه وتتحلطم: أنا أرويك ... لازم يحرق أعصابي ... هيييييييييين
ظل جاسم ثلث ساعة ينتظر في النهاية ركبت ريما ورى
جاسم لف لها: ليه مفكرتني سواق
ريما تقهره: أوووه... فكرتك السواق ...
جاسم عدل نفسه ومشى والجدة طول الطريق ساكته وفي نفسها لازم أحد يفهم ريما الحياة الزوجية وهذي الأمور ..... الخ
**************************
وصلوا الصالة ودخلوا وعلى طول الغرفة الخاصة بالعروس لقوا ليال موجودة والكل انبهر فيها صايره مررررررره ناااااعمة
ليال بإعجاب: ريمـــــا.... مرررره تهبلي
ريما ابتسمت بإحراج وهي تسلم على ليال: أنت ملكة جمال.... اللهم لا حسد..
ليال انحرجت: صحيح ... الحمد لله في وحده مدحتني
روان تضربها على كتفها: يعني إحنا ما كنا نقول انك حلييييييوه... حتى صوتي راح فيها من كثر ما أقول تهبلي وتجنني وو ... الخ
ليال تغمز لريما: بس من ريما غيييييييير....
ريما انحرجت ونور دخلت عليهم: يالله الحين الزفة ...
ليال بتوتر: يمه خايفه ...
روان ضربتها على خفيف: بلا دلع زايد ... (وطلعت عنها)
ليال برجاء: ريما بليييز طلعي معاي ...
ريما ابتسمت: أوكي ما طلبتي بس أنت هدي بالك وشربي ماي ... (وعطتها ماي)
*************************************************
عند الرجال
مهدي: مبرووووك ... منك المال ومنها العيال
جواد ابتسم: تسلم... عقبالك ...
جاسم وهو يسلم على الناس: مو كأن المعازيم كثار منهم نعرفهم وكثير لاااااا..
مهدي ضحك: ما دريت أن أبوي وأعمامي كلهم نشروا في الجرايد وعلى فكره الدعوة عامه ...
جاسم وجواد بصدمه: أحلللللللللللللف ...
وصل فيصل: أفاااااا وأنا اللي أقول رزة عازميني وخصوصي في النهاية حتى قناة الأخبار أعلنت على الزواج ... مالت علي ما عمري أفرح فرح كامل
جاسم: تعرف أن أنا ما أدري أن الدعوة عامه ...
جواد توهق: ليكون النساء نفس الشيء ... أي عشان ليال تقلب الوجه زيادة...
جاسم: الله يعينك
فيصل: يالله عقبال عرسك جسوم ..
جاسم: تو الناس بعد سنتين إنشاء الله
من وراه: بعد 4 شهور
لف جاسم وبصدمه : يبـــــــه .... (طالع بأبوه وبعدين جده)
الجد: تجهز من الحين ما بقى شيء...
جاسم: بس ...
أبو جاسم: البنت بتجهز نفسها وأما أنت جناحك في 3 شهور يخلص ... (ومشوا)
فيصل بطنازه وبعين وعييييييين: وش قلت؟؟؟؟... سنتين..... أشك ...
***************************
عند النساء
تحولت الأنظار لجهة الباب اللي تدخل منه العروس وأول ما فتح بينت ليال
بابتسامتها الهادية دخلت شوي وكان قدامها صديقاتها اللي لابسين زي صيني
ومسوين كل شعورهم صينيه وكانوا 6 بنات فسحوا الطريق لليال وعبرت صعدت
الممر وبدت تمشي بغرور ودلع وابتسامه تذوب وتركت عنها التوتر على جنب وكل
ما تطالع جهة تشوف أحد من أهلها تبتسم له...... لين وصلت للكوشة وقفت
ودارت شوي وعلى طول بدت أغنيه صينيه بدوا صديقاتها يسووا الحركات اللي
اتفقوا عليها وكانت الحركة مناسبة للكوشة اللي فيها من الطابع الصيني حتى
طاولات الضيوف كانت ستايل صيني وفي كل طاوله شموع فخمه مذهبه....
نتكلم عن العروس شوي طبعا العروس كانت مسويه تسريحه رافعه شعرها كله
ومنزله خصل بسيطة وحاطه مكياج للعرايس وكان مررره ناعم (طلبها) وعينها
راسمتهم بالكحل السائل بشكل مو طبيعي اللي يشوفها ينبهر فيها وطبعا مع نظرات
الغرور وخر عنها وكان فستانها أبيض بدرجه أولى منفوش من بداية البطن بس
النفشه نازله مو صايره دائرة وكانت الطرحة طويلة مررررره وكلها كرستال على
الفستان المليان كرستال اللي كان عاري الصدر ما يمسكه شيء والبطن شفاف
والظهر نصه طالع.. والباقة كلها روز أبيض وتخللها الورد الأصفر القليل.... الكل انبهر
فيها من النساء ومن جمالها وحتى غرورها والكل قال معاها حق وصارت الأنظار
بس فيها وحتى حركاتها ضحكتها مشيتها حفظوها
بعد 5 دقايق وصلت أم جواد وسلمت على العروس وجات روان خطيبة علي ونفس الشيء واجتمعوا الأهل .... كلهم إلااا ريما ...
الجدة وهي ماسكه ليال عشان الصورة الجماعية: لحظه لحظه وين ريما ؟؟؟؟؟
الكل انتبه لغيابها وسجى بسرعة: أكيد مشغولة فشيء ثاني أهم من عرس حماتها... ما تدري يمكن طالعه مع أحد ...
الجدة لفت لها وبعصبيه : ما أحد طلب رايك
سجى تفشلت وسكتت وأما أم جاسم قالت: بروح أشوفها ... (ونزلت من الكوشه)
ظلت أم جاسم تدور ريما لين لقتها في غرفة العروس استغربت ولما قربت شافتها جالسة وتصيح
أم جاسم انصرعت: ريمــــــا .... وش فيك ؟؟؟؟؟؟؟؟؟
ريما تمسح دموعها بخفيف عشان ما يخترب المكياج: ها ... لا ولا شيء... (توها بتقوم)
أم جاسم وهي تمسك يد ريما وتجلس جنبها: ريما .... اعتبريني أمك ... خبريني وش فيك؟؟؟
ريما بشوية إحراج منها تمسح دموعها اللي طاحوا من جديد: لا ... بس شوي تعبانه
أم جاسم بقلق: من إيش ... شيء يعورك ...
ريما تحط يدها على راسها: لا .... بس شوي راسي ...
أم جاسم: تشربي حبة فيفادول .... بس يروح الألم
ريما هزت راسها بالإيجاب وأم جاسم عطتها الحبة ......
وبعد 5 دقايق دخلت نور بسرعة: ماما ليال تقو.... (ما كملت وظلت تطالع ريما تفتح وتسكر عينها)
أم جاسم ابتسمت على شكل بنتها: خييير نور
نور اللي نست اللي بتقوله: تجنن.... تهببببببببل ... حلييييييوه ...
ريما انحرجت منها وأم جاسم: قولي ما شاء الله
نور بإحراج: ما شاء الله
أم جاسم: سلمتي على مرت جاسم
نور بإحراج أكثر تقدمت ومدت يدها: سلااام
ريما ابتسمت: وعليكم السلام... نور
نور طالعت فيها: نعم..
ريما بلطف: اسمك حلو...
نور: أنت أحلى ...
أم جاسم: نور وش بغيتي ؟؟؟؟؟
نور تذكرت وطقت على راسها: يوووو ... خالتي نوال تقول لك ليال تبيك
أم جاسم وقفت وطالعت ريما: يالله ريما ...
ريما وقفت: طيب... (راحت عند المرايه شافت شكلها النهائي ومشت)
دخلت أم جاسم القاعة عند النساء وأما ريما ظلت شوي منحرجه مو عارفة كيف تدخل ... وحاسه نفسها بتطلع من نظرات الخادمات اللي يتأملوها بإعجاب
نور مسكت يد ريما: يالــــــلـــه
مشت نور وهي ماسكه يد ريما وريما ابتسمت لها ومشت معاها وأول ما دخلت على طول صعدت على الممر مع نور وراحت لليال ...
الجدة بفخر وخوف عن الحسد : ما شاء الله ... لازم تشببي نفسك يا ريما
ريما انحرجت وأم جواد: ما شاء الله عليك ريما... من وين هالجمال هذا كله ؟؟؟؟
ليال وهي تسلم على ريما حضنتها وقالت: الله يهني أخوي فيك ...
ريما من الكلام ساحت والمصورة لما عرفت أن هذي خطيبة أخو العروس قالت
بتاخذ لها صور معاهم كلهم سلمت ريما على الكل ولما جات لسجى لاحظت نظرات القهر والغضب والعصبية نفسها تاخذ الجزمه وتلفعها
ريما ابتسمت ببراءة: سجى محلوه اليوم
سجى بدون نفس: من زمان أنا محلوه ... وبدون ما تقولي كل يوم أنا حلوه...
ريما ما ردت عليها بس ظلت تطالعها عجبها ستايل سجى الفرنسي وشكله فخم مره
خذوا صورة جماعية وكلهم تفرقوا ما بقوا إلا البنات
نور تسحب يد ريما: رقصي معاي ...
ريما بخجل: ما أعرف...
ليال: بخلي جسوم يعلمك ...
نور بحماس: يوووه علوووووه وجسوووووووم رقااااااااصااااااااات إنما إيه ....
ريما ضحكت:هههههههههههههههههههههه
على طريقة نور في الكلام وخصوصا كلمه رقاصات ...
*********************************
في جهة النساء
1. ما شاء الله ... مرررره مرررره حليوه ... إلا بنت من هذي
2. يمكن بنت أبو مهدي
3. لا ما أتوقع يمكن بنت سالم المرحوم...
4. مخطوبه هذي وإلا ....
1. إنشاء الله مو مخطوبه ما بنلاقي أحلى منها لولدي بدر ...
2. راحت عليك سمعت أم جاسم تقول لصاحبتها إن هذي خطيبة ولدها جاسم
1. خسارة... راحت علينا ....
الساعة 1 ونص كان بيدخل أبو جاسم بلحاله عشان يصور مع روان وريما وبعدين يدخل علي معاه وأما جاسم ما يبي يدخل ...
دخل أبو جاسم وجنبه مرته وأمه وراه مع الجد وكلهم صوروا جماعة
الجد يمسك ريما ويبتسم لها: ها ريما.... وش الحلاه
سجى بلقافه: وش رايك جدي فيني.... (ودارت قدامه)
الجد ابتسم: كلكم شمعات ...
سجى تسحب يد جدها: يالله جدي بصور معاك ...
مشى الجد مع سجى وظلت ريما بلحالها عمها يصور مع بنته وزوجته ونور
وهي ما بقى لها أحد بعد مده قالوا أخو العروس بيدخل فالكل تغطى ... دخل
علي وهو ماسك يد خطيبته روان اللي كانت ناعمة ولابسه فستان برتقالي
وشعرها فالته وبس استشوار وكان يوصل لتحت الكتف بشوي ولامه على جنب شعرها وحاطه ورده ومكياجها كان ناري ...
علي وهو يحب راس أخته: مبروووووك .... منه المال و منك العيال
ليال ابتسمت بخجل: عقبالكم ...
علي يطالع روان: قريييييييب ... هي بس خلها ترضى..
ليال بصدمه: روان ... ما قلتي إنك رافضه ...
روان بإحراج: أنا مو رافضه بس ... تو الناس ...
علي: ما بقى إلا 6 شهور ويصير سنتين على خطوبتنا... ما صارت
ليال ضحكت: ترى أخوي مستعجل...
أبو جاسم: دائما وأبدا
علي برطم: أي تقصوا علي .... مره بعد شهرين والحين 6 شهور والله العالم بكره متى ...
أم جاسم بحنان: لا لا تخاف ... مع جاسم بليله وحده ...
علي بإحباط: نعم ... الله يساعد ... 10 شهور زيادة...
أبو جاسم: 4 شهور بس
علي بفرح: صج ... (وبشك) يبه رجاااااااء لا تحبطني بعدين
أبو جاسم: روان جهزي نفسك ... فاهمه
روان بأدب: إنشاء الله عمي
أبو جاسم: يالله علي ... قد آوت
علي تخصر: ليه إنشاء الله ...
أبو جاسم: أبي أصور مع ريما ...
علي: صورت وخلصت معاها ...كاشفك انااااااااا(غمز لابوه)
أبو جاسم عطاه نظره وهو على طول أستأذن وطلع وأبو جاسم نادى نور وقال لها تنادي على ريما بعد عشر دقايق وصلت ريما
ريما وهي حاطه يدها على صدرها من التعب لأنها جات مسرعه: هلا عمي
أبو جاسم ابتسم: شفيك الله يهديك .... خفي على نفسك ...
ريما: لا... بس .... (خذت نفس) خيييييييير ...
أبو جاسم: خير بوجهك أبي أصور معاك ...
بعد دقايق قالوا للكل تغطوا في مفاجأة وأبو جاسم اللي عارف المفاجأة قال لريما ما يحتاج تتغطى ..
ريما وهي مستعجلة: عاد عمي... بسرعة قبل ما ...
ما كملت إلا بدت دخلة العم مع ولد أخوه وريما أول ما شافت عمها أحمد شهقت وبخفيف: عمـــــــــي.... أحمــــــــــد ..
أبو جاسم ابتسم: وحتى جاسم معاه ...(ينبهها)
ريما ما انتبهت بس طاحوا دموعها من الفرح ولما صار عمها في الوسط ما
تحملت تصبر أكثر وبسرعة رفعت فستانها وعليه شوي وتتعكرف وتطيح بس
لوما الله ستر وأحمد وجاسم مسكوها مع بعض جاسم من خصرها وأحمد من يدها ...
ريما بعدم تصديق: حمدمد ... عمييييييييي .. (وحضنته)
أحمد حباها فوق راسها: اشتقت لك موووووووووووت
ريما طالعت فيه وهو مسح دموعها: ليه الدموع؟؟؟...
ريما: دموع الفرح... عمي ... (طالعته من فوق لتحت) صاير مرررررررره حليو ...كأنك معرس
أحمد طالع جاسم اللي طالعاه بنظرات : أقول ريما ... ترى خطيبك معاي
ريما طالعت وشهقت: جسموه... (طلعت عفويه)
جاسم وكأنه ما سمع: إيش ... إيش ناديتيني؟؟؟؟؟ ...
ريما وكأنها تذكرت إن لبسها شوي عاري تيبست لو ما عمها اللي سحبها
أحمد: يالله ريما ...
ريما بإحراج: عمي إتركني .... بطلع
أحمد بعناد: لااا .... جلسي معاي بصور معاك كم صورة ...
وصل أحمد سلم على ليال وبارك لها وبعدين جاسم سلم عليها ووقف على اليسار وأما ريما ماسكه يد أحمد طول الوقت ...
أبو جاسم: ريما ... أتركي أحمد شوي وعطي وجه لجاسم ...
ريما طالعت جاسم لقته قالب وجهه عصبت فيه وهي قلبت وجهها وأحمد لاحظ الإثنين وضحك وليال معاه وأبو جاسم ابتسم ...
ليال تبي تحرج ريما شوي: جاسم ما تبي ترقص شوي مع ريما ...
ريما سمعت طالعة في جاسم اللي طالع فيها نظره وقلب وجهه: لاا ...
ريما ابتسمت وفجأة ضحكت:ههههههههههههه
والكل طالع فيها وجاسم: على إيش إنشاء الله؟؟؟؟
ريما ميتة ضحك:هههههههههههههههه تذكرت كلام نور وهي تقول علي وجاسم رقاصات ...
الكل مات ضحك:هههههههههههههههههههههه
وجاسم انحرج وطالع في نور بنظرات توعد ...
أحمد يحاول يصالحهم: ريما.... جاسم ... و ...
جاسم بجد كان معصب عشان مو معطته وجه على الأقل قدام الناس بس وهي أبد مو مختقه وأما ريما مو فاهمه شفيه بس قالت يتغلى أنا بعد بتغلى عليه ...أهو احسن مني باييييييييييييش
بعد ربع ساعة طلع أحمد مع جاسم وعلى طول بعدهم دخل جواد مع أبوه وصل سلم على ليال حبها فوق راسها رفع الطرحة اللي تغطت بها وابتسم في وجهها وبارك لها وأبوه بعدين سلم عليها وأخذوا صور تذكاريه وطلعوا لغرفة الخاصة للعروس وطبعا فضت الصالة شوي ما بقى غير الأهل ...
روان تقدمت لريما: ريما ... تعالي نرقص شوي..
ريما: ما أعرف
روان مسكت يد ريما : بعلمك شوي ...
وقاموا على الكوشه روان ترقص وأما ريما ما تعرف فأغلب الأحيان تطالع روان وبعد كذا وصلت نور وإلا غصب طيب ريما ترقص معاها وعشان خاطرها رقصت شوي......
وبعد شوي الكل قال بيمشي خلاص صارت الساعة 4 الفجر ما بقى غير ساعة على الأذان فبدأ الكل يلم أغراضه وأما ريما اللي مو متعودة على الرقص راسها دار أكثر وزيادة بطنها ألمها فضلت على كرسي من الكراسي مده
الجدة: قولوا للسايق يجي
أم جواد : عمه السايق موجود ...
الجدة: يالله نطلع ...
الكل لبس عباته وطلع ما بقى غير ريما اللي ما تحركت وانطفت أنوار الصاله
وهي انصرعت وخصوصا إنها كانت منبطحة على السرير اللي في غرفة
العروس ومطفيه الليت ونايمه فالكل ما دخل هالغرفة لأن أغراضهم كانت بغرفة
ثانيه فما أحد حس فيها وحتى المشرفة للصالة كانت في البوفيه فما سمعت طق الباب
ريما لما عجزت بدت تصيح أهو من راسها وإلا من بطنها اللي زاد وإلا من
نسيانها فضلت تصيح مده تقريبا نص ساعة وبعد كذا حاولت تقوم وطاحت ...
****************************************
في القصر
دخل الجد وعلى طول جلس على الكنبة منهلك وبعده الجدة التعبانه وأما أحمد
طلع مع الكل من الشباب كالعادة حق يهيصون ويستانسون
الجد: إلا وين ريما؟؟؟...
الجدة: يمكن فوق نايمه ...
الجد: إيه الله يريحها ... تعرفي اليوم ما صدقت لما شفتها صحيح كانت أجمـــــــــــل البنات كلهم ....شببتيها
الجدة: أكيد وقريت عليها المعوذات قبل ما أطلع من البيت...
الجد: إلا وين ميري خلها تجيب دواي ...
الجدة تنادي: ميري .... ميري ...
دخلت ميري: نعم ماما ...
الجدة: روحي جيبي دواء بابا كبير وبعدين روحي شوفي ريما نامت وإلا بعدها ...
ميري: إنشاء الله ماما ... (وراحت تنفذ الأوامر)
بعد 5 دقايق دخلت ميري بفزع: ماما ... بابا... ريما مو موجود ...
الجدة وقفت بصدمه: إيش ...
*************************
في قصر أبو جاسم
أم جاسم كانت في غرفتها تمسح دموعها وتدعي لبنتها الله يوفقها في حياتها
ويرزقها الذرية الصالحة دخل عليها أبو جاسم وشافها وابتسم: بدينــــــا ...
ما قال كذا إلا أم جاسم كملت نياح وهو راح لها يهديها وبعد عشر دقايق ما
سمعوا إلا نور تطق الباب بقوة ودخلت تلهث: يبه ... يمه الحقـــــــــووا
أبو جاسم انصرع: خير نور ... وش السالفة ؟؟؟؟؟؟؟
نور بخوف: جدتي تسأل عن ريما... تقول مو عندهم ...
أبو جاسم جمد: إيش .... كيف؟؟؟؟؟؟؟ ... (وبسرعة نزل يكلم أمه) وأم جاسم على طول راحت وراه
************************************************** ******
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك