رواية لا ياخذك غيري ترى خاطري فيك -17
سكرت قرأنها وهي تسمع صوت ام خيال تناديها بتروح تشوف سحر اللي منومهـ بغرفهـ تبعد عن القسم اللي فيهـ عهود.
راحت معها واول مادخلت انهارت سحر وهي تشوف وجه ام عهود الكسير المرهق
قربت لها ام عهود وبلمسهـ خفيفهـ ع شعرها جعلت سحر تزداد في بكائهآ
وبهدوء وبصوت حكيم:استغفري ربك يابنيتي وادعي لها محتاجه منك دعوه بنيتي ادعي ربي يقومها لنا سالمهـ غآنمهـ
الدموع لو هي تفيد كآن شفتي كل البشر بكو .
سحر تشاهق:ابببي اشوفهآ.
ام خيال:مايجوز اللي تسوينهـ ياخيتي مانتي صغيرهـ عشان يجهلك عظم أجر الصابرين
وكلي أمرها لربي وادعي لها احوج من دموعك اللي مابتفيدهآ.
سحر ترجع تعيد طلبها بصوت اقرب للهمس:ابي اشوفها..
ام عهود بحنيه:مانقدر الحين الدكتور مانعنا بس وعد اول ماتصحى بأخذك معي انتي بعد اختهآ.
بكت سحر ع كلام ام عهود ودموعها تنزل بغزارهـ وهالشي خلأ ام عهود تنهار وتبكي بكاء أم فقدت قوتها بلحظهـ
ومابين لحظه ولحظه تذكر ربها وتمسح دموعها اللي تعاندها ترجع تنزل بغزارهـ أكثر من اول.
أخو خيال رغم صغر سنه الا انه من شكل عهود صابه خوف فضيع وهالخوف مخليه جالس برأ بالشارع ودموعهـ
تداعب نسمات الهواء اللي تلامس وجهه
جت العمه مريم ومعها ابو منصور وحنان وام منصور ومشاعل اللي من اعرفة بوضع عهود وهي دموعهآ تعبر عن مدى حزنها وفقدانها للأخت والصديقهـ
شافو قصي جالس بالكراسي اللي برا المستشفى مسكه ابو منصور وطلب منه يدلهم ع قسم عهود
وكانو كلهم يجهلون وضع سحر الصعب
سحر اللي كانت نايمه ع سرير المستشفى وحالتها النفسيه متدهوره بعدد
ماعرفت وضع عهود اللي كانت ام عهود وام خيال مخبيتهـ عنها وعرفت بالصدفه من مشاعل اللي انهيارها قريب من انهيار سحر
لانو طبع سحر من النوع الحساس...
جت العمه مريم وابو منصور وام منصور وحنان ومشاعل يتطمنون على عهود
ونقلو عهود اللي وضعها يطالب بمستشفى كامل الاستعدادات بحكم هالمستشفى اللي اهي فيه بوسط قريهـ يفقد جميع الحاجات المستهلكهـ للمريض مستشفى فاقد جميع الاستعدادات المفاجئهـ بمثل حالة عهود الصعبهـ
وأخيراً بسهولهـ وبكل يسر جاء نقلها لمستشفى جوا الرياض
اللي كثييير من الارواح تروح بسبب عدم إمتلاكها للواسطهـ اللي مدخلينهـا حتى بالحياة والموت
ربمأ الجشع اصبح أكثر انتشاراً بالعآلم أجمــع
لاحول لنا والا قوة الا بالله عزيز ذو انتقآم............:{
"
"
بعد يومين من الحادث بعد أيام صعيبهـ مرت ع الجميع
دموعهم جميعاً ابلغ من كلامي عن وضعهم الا يرثا لهـ
بعد يومين من وضع عهود الا تطور وضعها ع ماهو عليهـ من لحظة اصطيدامها بتلك الحديدهـ الجامدهـ ذات الصلابهـ
وجود عائلتهـا بقربها اسعد الشاب جابر
اصبح شبهـ يومي يتوجه للمستشفى ليطمئن على وضع المريضهـ عهود الاشبهـ بالجثهـ لاروح فيهآ
ومن خلال استمراره بزيارتها اكتشف بوضع سحر الصعيب
رغم عدم تعمقه بعالم الطب لكن ايمانهـ بالله وشخصهـ المتدين استطآع برحمة من الله سبحانه ان يستكشف وضع سحر المجهول بالنسبهـ للأطباء ذوي الشهادات العلياء .......
عرض ع عبدالله انه يقرأ ع سحر ويستمر بقراءة أيآت الله عليها بأمل الشفاء المطلوب من الله وحدهـ سبحانه وتعالى
طلب منه اخوها انه يعالجها بالرقيهـ الشرعيهـ اللي ضامن بحول الله شفائها من بعد الله ثم منها
لانه كثييير بحكم انه متدين مرت عليه حالات نفس حالت سحر..
وطلب منه عبدالله الانتظار بينما يسأل سحر اللي رافضه أي علاج او مراجعات تلتزم فيها .........
(تعريف بالشاب اللي صدم عهود "=>اسمه جابر وعمرهـ 29 انسان واعي وثقيل
وملتزم ويخاف ربهـ
تزوج ومااستمر مع زوجته غير شهر واحد وتركها لاسباب شخصيهـ
ساكن بالقصيم وبذاك اليوم جاي يخلص شغل اهله الا وصار الحادث ومن يومه وهو بالرياض ومارجع للقصيم.."
"
عبدالله يكلم سحر:طيب الى متى بتستمرين ع هالحال؟!
سحر:شي غصب عني ياعبدالله لاتضن اني مبسوطه ع وضعي ..."وسكتت كا عادتها"
عبدالله:طيب خلي يدك في يدي وانا متفائل انك بتطلعين من هالحاله بفتره قصير بس قوي ارادتك وعزيمتك بالله..
سحر:احاول.
عبدالله:بقوم اشوف امي وفكري فيها ياسحر قومي شوفي حالتها وبتطلبين بنفسك انك تتعالجين.
سحر:بس ياعبدالله لاتتعبني اكثر.
عبدالله:ماراح اتعبك وتأكدي انه هالمره اخر مره اطلب منك هالشي ومتى مابغيتي كلميني انتي ادرى بمصلحتك.
سحر:.............."مافي رد غير دموع حاره تتساقط ع يدها بغزارهـ"
"وصف حالة سحر==> صار فيها خووووف لدرجة انها ماتطلع من غرفتها وصارت منعزله ع روحها واذا صار بالليل قامت تصيح وعادي تجرح حالها من غير ماتحس والسبب تأثرها بحالة عهود او السبب الاقرب انها تكون مسكونه "فيها مــس"
لانها طاحت عند الدرج ومثل مالكل عارف الدرج مربض الجن والعياذ بالله منهم وبسبب صراخها وطيحتها المفاجئهـ
اقرب سبب لتعبها هالمــــس"
.
.
دخل عليها ع الساعه 4 العصر وماكان فيه احد وقت الزيارهـ حاول يطل عليها ولو من ورا الشباك
وشاف كيف الاجهزه حولها ويدها اليمين مجبسه وجهها كله جروح
حس بشعور يداهـــم قلبهـ بهاللحظه ابتسم لمجرد ذكرى شقاوتها قبل كم يوم وغطس في بحر ذكرياتهـ ..
"قبل ماينزل للبقاله اهو وسحر كانت سحر تكلمه وهو وجهه ع قدام مافهم عليها زين والتفت ع ورا بسرعه
وكانت عهود تناظرهـ وبسرعهـ نزلت راسها بخجل وصارت تفرك يدينها ببعض ابتسم هو وسحر هاوشته:هييه عييب رجع نظرك لقداام ولاتلتفت .
خيال يناظر سحر بالمرايا:طيب طيب خلاص اسكتي .
سحر:ايه شاطر تسمع كلام خالتك.
>>رجعه للواقع صوت الدكتور يكلمه:انت لحد هلأ واقف هوون ؟!
خيال:كيف وضعها الحين يادكتور جسمها متفاعل مع علاجكم ؟
الدكتور:ان شاءالله وضعها بتحسن بس الله اعلم إمتى بتصحى من غيبوبتها لكن فيه شغله ماقدرنا نتأكد منها واحنا بنتزارها (بنتظارها)
لحتى تصحى.
خيال:وش هالشغله طيب فيها خطر ع حياتها؟!
الدكتور:ماقدر احكي لك شي هلأ لانو ممكن التشخيص مايصيب ويطلع احتمالنا مو بمحلهـ .
خيال:اها اوك يعطيك العافيه دكتور.
الدكتور:الله يعافيك وهلأ انا بستأزن(بستأذن).
خيال بتعب:اذنك معك.
ثواني بعد ماراح الدكتور وبعد تأمل خيال لعهود قرر يرجع للبيت ...
وهو بيطلع من المستشفى لقاء جابر يدخل ابتسم جابر لخيال وقرب يسلم عليه وبعد السؤال عن الحال>>
جابر:هاه كيف الاهل عساهم احسن؟
خيال تنهد:والله مادري الدكتور يطمن بالخير بس ماش انا مارتحت.
جابر:تفائل بالخير وانا اخوكـ.
جابر:الا الاهل اللي انصابو بصدمه بعد الحادث اخبارهم الحين؟
خيال:والله ذيك وضعها كل ماله يصعب وحتى مشكلتها غريبهـ.
جابر:المهم انا للحين ع كلمتي وقت ماترضى البنت اني اقرا عليها انا بالخدمهـ ولايردك الا لسانكـ.
خيال:تسلم وماتقصر وانا بحاول فيها وعلى الله تقتنع.
جابر:الله يكون بعونكم يالله انا جيت بتطمن على المريضه وبشوف الدكتور المشرف على حالتي يشوف الكسر هل انه بدأ يتجبر اولا عن اذنك ..!
خيال:اذنك معك........!
<<
دخل عليه ابوهـ ولقاه جالس بمكتبه وحايس بين الملفات اللي تأخر بتقديمهم بسبب انشغاله مع ابو عهود
اللي من عرف بتعب بنته اصر يرجع ورفض يكمل علاجهـ هناك وضل كل هالفتره معاهم بين المستشفى ومابين شركته وشغله اللي أهمله كثيير هاليومين
..
ابتسم له:هاه مطول بهالشغل؟
منصور:والله باقي لي شوي بخلصهم وبروح للمستشفى اتطمن ع عهود واشوف اذا محتاجين شي .
ابو منصور:طيب ياوليدي ابأخذ من وقتك شوي.
منصور:كل وقتي لك يالغالي آمـــر.
ابو منصور:وش صار على الموضوع اللي كلمتك فيه فكرت؟؟!
منصور بتردد:فكرت يايبه واللي تبيه بيصير اهم شي رضاكـ يالغالي بس ماراح يصير شي الحين لحد مايتحسن وضع عهود..
ابو منصور ابتسم بفـــــــرح:هذا الخببببر السنع ياوليدي والله يرضىى علييك مثل مارضيتني واسعدت قلبي واكيد مابنتقدم الا والكل حاضر.
منصور:ع خير امين يارب والاهم رضــاكـ لاخلا ولا عـــدم.
ابو منصور:ويشهد الله انه قلبي رااااضين عليك ليوم الدين والله يوفقك ويسهل لك وبكرا ان شاءالله بنخطبها وبعد ماتتحسن عهود نتفق ع كل شي
منصور بضيق:اللي تشوفه سوهـ وانا تحت امــركـ .
ابو منصور:الله يرضى عليك ياوليدي يالله اتركك تكمل شغلك عن اذنكـ...
منصور:اذنك معك .
دخلت لغرفة اخوها بتعب واهي تحس بدوخهـ لقته جالس ع اللاب ومنهمك بشغلهـ اهمست باسمه بتعب....
:عبدالله...."واسكتت وهي عيونها بالارض"
رفع راسه بهتمام:عيونه آمري ياقلبي وش بغيتي.
سحر تفرك ادينها ببعض:انا قررت اقرا بس مابي احد يعرف ابببد وابي الشيخ يجيني مو انا اروح له.
عبدالله بفرح:ابشري من عيوني وحتى اهو قايل لي انا اجي للبيت يعني كل شي بيمشي تمام ومن ناحية محد يعرف انا اساسا مابيك تقولين لاحد الناس ماترحم بكلامهم..
سحر بدمووع:ماخلاني اقرر الا شوفتي لحالة امي حاول ياعبدالله تغير نفسيتها.
عبدالله:امي بتتغير نفسيتها بشوفتك طيبه بس انتي خلي ارادتك قويــهـ..
سحر:ان شاءالله ."وطلعت لغرفتها وتحس انها بتبكي قدام اخوها"
:ابشر من بكرى ان شاءالله وبنداوم ع القران فتره بسيطه ان شاءالله وهي متعديه هالازمهـ .
عبدالله:الله يجزاااك الجنه ويعطيك ع قد نيتك .
جابر:هذا واجبي ياخوي واللهم اميين ولك بالمثل.
عبدالله:اشوفك بكرى ان شاءالله.
جابر:ع خير.
حنان تكلم رغد وهي تحس بعذاب الضمير مع ذلك مو قادرهـ تسيطر ع شكوكها
واللي الكل لاحظ تغيرها المفاجئ ناحية اختها وهالشي خلأ مشاعل تكلم حنان وهاوشتها ع جفاها مع اختها
حاولت جاهده حنان انها تتناسى بس موقادرهـ اكتشفت انه الافضل تقلل جلستها معها وصارت تتحجج بأي شي يشغلها من الجلسه مع رغد:احس اني اشتقت لعهود ودي اروح اشوفها.
رغد:حتى لو رحتي ماراح تستفيدين شي.
حنان وهي منزله راسها:لحظه بكلم مشاعل احسها فاقده عهود بقوه .
رغد وهي سبب وجودها بغرفة حنان تبي تقوي علاقتها فيها وترجع مثل اول ايام ماجت رغد للبيت وكانت ناويه تفاتحها بموضوع رغد الخاص بأمل انها تتفاعل معها وتتناسى سبب تغيرها المفاجئ
:ياقلبي عليها كلميها وطمنيني عليها بروح اشوف خالتي شويات واجي.
حنان تنفست براحهـ:اوك.
مشاعل بصوت مخنوق:دعواتك لها .
حنان بحزن:الله يقومها بالسلامه ويخليها لنا يارب المهم لاتضيقين صدرك غناتي وان شاءالله انها بترجع لنا بالسلامه.
مشاعل:ان شاءالله يالله حنان بسكر الحين تامريني بشي.
حنان:سلامتك ورضـــآكـ..
بيوم جديد بحيااة ابطالي
وبيوم جديد بالنسبه لي انا يابنت عبدالله
حصل............"خلونا نعيش اللحظه معاهم احسن من اختصاري مووو؟!"
دخل عبدالله وخلفه جابر وسحراللي كانت بأخر الغرفه متوسطهـ بالكنب وعبايتها ساترهـ جسمها كانت تفرك يدينها بتوتر وتدعي الله يمضي هاليوم على خير
جلس جابر مقابل سحر وسلم عليها وقام يدعي لها بالبدايه بعدين بدا يقرا عليها.
قامت تتنهد سحر وحست بشي قابض ع قلبها .
جابر لما شاف ردة فعلها زوود بالايات وصار ينفث عليها بقوهـ.
وسحر كل آيه تأثر فيها اكثر من اللي قبلها .
حس جابر انه لو زود عليها شوي ممكن تتعب اكثر وقرر يكمل بكرى ويكون علاجهم
بالتدريج افضل لطرف الثاني اللي اهي سحر
وقف وابتسم لعبدالله اللي يناظره وينتظر الاخبار منه.
طلع وطلع وراهـ عبدالله وقفو بأخر الممر وجلسو يسولفون.
جابر:لا ابشرك ان شاءالله انها بتستفيد مع القران بس يبي لها وقت.
عبدالله:الله يوفقك يارب ويحقق لك مرادكـ.
جابر:اللهم امين وياكـ ياخوي..
"
"
ابو منصور يكلم ام مرام وعطاها خبر انهم بيزورونهم المغرب ...
ع الساعهـ 6 المغرب نزل منصور وهو متجهز وريحة عطره منتشره بنحاء البيت
ابتسمت له امه وهي معها عباتها بتروح معاهم رد لها الابتسامه وهو متضايق يحس انه استعجل..
ام منصور:الله يوفقك ياوليدي وان كان بها خير لك الله يجعلها من نصيبك وان كان بها شر الله يبعدها عنك.
منصور:اميين يارب والله يخليك لي يالغاليه .
طلع ابو منصور وبصوته الجبلي:هاه جاهزين؟؟! يالله مشينا.
......
"نواف كان داخل للبيت ولاقاهم بيطلعون ابتسم لهم وسلم وبعدها سأل:وين بتروحون ؟
ابو منصور:بناصل مشيوير تروح معنا.
نواف:لالا بروح انام احس جسمي متكسر من النادي.
ابو منصور:اجل يالله نشوفك على العشاء عن اذنك.
نواف:بحفظ الرحمن....
>>ودخل للبيت نواف واهم طلعو ومنصور كان ساكت وماقال والا كلمه وطول الطريق يفكر.........
نزلت لما حست انه الصوت اختفى لانها ماحبت تنزل وهم موجدين علشان ماتحرجهم.
شافت نواف يجلس بالصاله ابتسمت له وجلست عنده وغطاها عليها لانو تستحي انها تكشف له مع انه ابو منصور طلب منها انها تكشف له بحكم صغر سنهم مع ذلك رفضت لانه الحيأ بفطرتها
رغد:مساء الخير.
نواف:مساء النور حياك.
رغد:الله يحيك
اجلست ع جنب بخجل وهو يلهي عمره بالقنوات.
نواف نطق بصعوبه والحيأ مو راضي يفك عنه:حنان وينها ماشوفها؟؟!
رغد:نايمه.
نواف:اهاا نوم العوافي .
نواف:عن اذنك بقوم اتروش وانسدح شوي قبل العشاء.
رغد:اذنك معك .
رقى نواف لغرفته وهو يحس بشي يداعب مشاعره ناحية رغد وابتسامهـ متمردهـ وكانها بانت لتظهر له مشاعرهـ المجهولهـ
قبل يدخل لغرفته جت حنان ع باله وصار فكره عندها
اللي حاسس انه هالمشوار هو خطبة منصور وطبعا نواف مافات عليه نظرات الحب اللي يتبادله كلن منهم
طق عليها باب غرفتها بس ماردت عليه قرر يكمل مسيرته لغرفته وهو يسحب رجوله وصتها مافارق مخيلتهـ....
"
"
"
قبل لاتنوي الفرقا أمانة لا توصيني ..
أنا من وين ما ودك معاك وأمري بكيفك
وغلاة الزاد والعشره والي بيني وبينك
عهد مني لأخونك كل لحظه مع طيفك.!!!!
أنا وشلون أحس بالبرد وكفوفك تدفيني
ربيعي شوفة عيونك أذوب ببردك وصيفك
وصوفك آه يا وصوفك هي الي لعبت فيني
يضيع الوصف كل الوصف من روعة تواصيفك
عليك الله أمان الله تكفى لا تجافيني
أنا ما عدت أميز من طعني الوقت أو سيفك
دخيلك لا تقولي الآه لا تبكي وتناديني
((أنا عونك بهالدنيا لا أحد يكسر مجاديفك))
هلا بالوافي الي يطول عمره ما يخليني
هلا كلي بشر بها من اللهفه لسواليفك
مدام القلب بيدينك أنا وش عاد بيديني
تفضل دارك عيوني مانتب ضيف أنا ضيفــــــك
"
"
اقتلبت حنان للجهه الثانيه بقلق وتحس بعدم الراحه بنومها قامت جلست ع حيلها وقررت تطلع.
البست بنطلون جينز وتيشيرت ابيض ساده وفيه فيونكه حمرا صغيرهـ بالوسط
ورفعت شعرها ذيل.
"
كانت تنزل ورغد ترقى ابتسمت لها ...
رغد:جايه اصحيك زين قمتي..
حنان وجوها المتعكر من اليوم وعدم رغبتها من قربها لرغد زاد الطين بلهـ:ليه فيه شي..؟!
رغد:لا بس طفشت لحالي .
حنان بحواجب معقودهـ:وين خالتي وعمي؟؟!
رغد:طالعين .
حنان:اهاا اوك قولي للخدامه تجيب القهوه جوعانه.
رغد بأمل مكسور:اوك.
"
واقف بالانتظار وينتظر الدكتور يطلع يبشرهم بخبر يفرحهم.
ساعه ونص من الانتظار وطلع الدكتور ومعه ممرضه التفت يدور ابو عهود وخالد
شاف خالد مسند راسه ع الجدار وواقف بتعب.
عدل وقفته وهو يشوف الدكتور جاي لجهتهم......
الدكتور ابتسم لهم:اتطمنو حالتها بتتحسن يوم عن يوم وفتره بسيطه وبتصحى بس عايزكم تستنو شوي ويكون املكم برب العالمين
كبير.
خالد:طيب وش سبب هالغيبوبه يادكتور..؟!
الدكتور:نتيجة تأثر الراس بالصدمه وشئ طبيعي ماتخفوش.
خالد:يعطيك العافيه يادكتور.
الدكتور:الله يعافيك عن اذنكم دلوئتي .
خالد وابو عهود:اذنك معك...
"
"
سحر تكلم عبدالله وهي تبكي:خلاص مابي اكمل والله تعبت اليوم ماشفتني ارتحت.
عبدالله:اذا تحبيني وتبين رضاي كملي الشفاء مايجي مره وحدهـ وانا اخوك.
سحر تبكي:انا مافيني شي بس ماابي اكمل مااااااااابي .
عبدالله:يصير خير اذا جاء بكره وماشفناك ارتحتي يحلها ربي.
سحر:وعد.
عبدالله يسلك لها:ان شاءالله قومي عند امي شوي وسعي صدرها.
"
"
ام مرام ببتسامه فرح:اعتبر اني عطيتك ياخوي بس لزوم اخذ راي البنت.
ابو منصور:ابد خوذو راحتكم الاهم تكون البنت مرتاحه.
"لما قال مرتاحه تمنى منصور انها ماترتاح له ويكون الرفض منها هي"
ام منصور:عاد هذي وصية الوالد لابد نتممها.
ام مرام بحزن:الله يرحمه ويجمعنا وياهـ بجناته العلا.
الكل:امييين...
ابو منصور:يالله اجل نستأذن الحين وانتظر ردك يام سعيد.
ام عهود:ان شاءالله واذنكم معاكم وخلونا نشوفكم ثاني .
ابو منصور:سلمي ع مرام.
ام منصور:يالله ياوخيتي اشوفك ع خير.
:ع خير مع السلامه...
تقدم عليهم منصور من غير أي كلمه وكان الهم يكسوو ملامحهـ.
"
بالسيارهـ>>
ام منصور:وش فيك ياوليدي احسك متضايق فيك شي؟؟!!
منصور يتصنع الابتسامه:لا يالغاليه مافيني ارتاحي.
ابو منصور:يمكن مرتبك شوي.
منصور:................."مارد الا بابتسامه باهته "
خلال دقايق دخلو لبيتهم وع طول نزل منصور وطلع لغرفته وكان ندماااان ع القرار اللي آخذهـ لانه بيظلم مرام وياهـ
دخل لغرفته رمى شماغه بعصبيه نفث نفسه بصعوبهـ أخذ جواله وهو يدور ونيسهـ الوحيد
وجاه صوته بالمقابل:هلا وغلااا بالقاطععع.
منصور:هلابك شخبارك ؟!
يوسف:تمام وين ايامك؟!
منصور:ابد والله مشغول هاليومين وينك انت بالشرقيه ماعندك نيه تجي لرياض؟
يوسف يفكر:تصدق مليت هاليومين لحالي بجي وبجيب سعود جدته تبيهـ عندها.
منصور:تعال اليوم محتاجك.
يوسف حس بضيقة صديق عمره وحب يتكلم بالموضوع لما يجي له وجه لوجه:ع خير اليوم ان شاءالله عندكم
خلني بقوم اجهز سعود واخبر جدته.
منصور:اوك انتظرك.
وسكرها............"وهو يتألم لذكرا فرآق منيتهـ حنان"
.........................
حنان بابتسامه:وين رايحين الحبايب.
ابو منصور ابتسم لها:بطلع انام انا وخلو خالتكم تقول لكم الموضوع وتبشركم فيه.
ام منصور:نوم العوافي تبي اساعدك بشي؟!
ابو منصور:لالا خليك هنا انتي انا اسنع عمري .
ام منصور:طيب على راحتك.
...>بعد ماطلع ابو منصور التفتت ام منصور ع البنات وحكت لهم السالفه رغد ابتسمت وباركت لها
لكن حنان كانت صدمتها كبيرهـ وهي تشوف اللي ملك قلبها صاار من نصيب غيرها.
ام منصور:ماسمعتك تباركين يابنيتي.؟!
حنان بصدمه:مبروك ياخاله الله يوفقهم........."ووقفت بتطلع لغرفتها"
حست فيها رغد لانها ملاحظه استلطاف وتعلق حنان بمنصور
ام منصور:وين؟!
حنان:بطلع ارتاح شوي مادري شفيني اليوم تعبانه.
ام منصور:وش فيك تحسين بتعب خلينا نوديك لطبيب.
رغد بإستعجال ماتبي يبان شي ع اختها:طيبه ياخاله بس تتغلا علينا وانا الحين اسوي لها زهورات يريحها
حنان ناظرت رغد وبكرهـ انطقت لخالتها:احس جسمي متكسر وبروح انسدح شوي مابي شي...
ام منصور بإستغراب وهي تشوف رغد نزلت راسها بألم:على راحتكـ.
"
"
بغرفة منصور "عسى ان تكرهوو شي خير لكم ">>كان يرددها وفيه تناقض بين عقله وقلبه
حس بتعب هااد عظامه هـــد وقرر يدخل يأخذ له شاور ينشطه شوي وحاول يتناسى الموضوع لانه مايستاهل هالحجم اللي ملقيه له
"
"
مرام طايره من الفرحه لانو خطبة منصور لها جت بالوقت المناسب ^_*
وعلى طول عطت امها موافقتها بس امها حبت يتأخرون بالرد علشان مايحس منصور انها ميته فيهـ
بعد ماطلعت ام مرام من عندها دق جوالها ناظرت الرقم وانتفضت بمكانها
ضلت تتأمل جوالها اللي محول ع السايلنت والشاشه منورهـ بإسمه اللي من حبها الشديد له سابقاً مسجل عندهـا"منيتي"
عكس الكرهـ اللي تحسه له هالحين ......."فصل وشويات وجتها رساله"
مــــــــخرج ~$
أحتآج :
أنّ أختبئ تحتَ ذرآعيهـ
ل/يُخف وجَع رآسيِ
(بًـ قبلتَهـ ) ق1
انتهـــــــــىا البارت
عذراً ع القصور جميعاً
وهذا البارت لعيونكم نزلتهـ مع العلم انشغالي بالعيد والحوسه تعرفونها ^^
وبحول الله البارت الجاي وقت ماحصل وقت بنزله وبيكون مرضي للجميع
توقعااتكــــــــم فديتكم لاتحرموني منها
واعيد واكرر
اساس نجاح قلمي ي ي بمتابعتكم لي وتفاعلكم اللي يولد الحماس جواتي......
اشوفكم ع خيييير
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الرابع عشر /
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك