رواية لا ياخذك غيري ترى خاطري فيك -19
اهمست بصوت مرهق:منو فيهـ ؟؟!
.............................
..............
......
>مصدووم كل شي توقعه الا انه يشوفها ضعيفه بهالشكل.
تقدم لها شوي ومسك يدها بحنان..
حست باليد الدافيه اللي لامست كفوفها وعادت سؤالها:انت مين؟!
ترك يدهــا بسرعه وطلع من الغرفه وهو يسمع صوت جوا الحمام ......
طلعت امها من الحمام وهي تنشف يدها .
عهود برجفه:يمه انتي وينك ؟!
امها بخوف:انا هنا يابنيتي بس دخلت الحمام شوي.
عهود:مين جوا الغرفه غيرك سمعت صوت رجال؟!
امها:مافي احد يابنيتي وانا ماسمعت حس بالغرفهـ.
عهود بخوف وعدم راحه: اهاا طيب بصلي.
امها تساعدها:يالله.......
+
+
"يمشي بأسياب المستشفى وهو مو قادر يستوعب كل شي توقعه الا انها تفقد حاسه من حواسها بسببه..
جلس ع اقرب كرسي وهو يحس ضغطه منخفض يكلم نفسه:كل شي صار لها بسببي آهـ ياعهود ماكنت متوقع انك بتفقدين نعمه من نعم رب العالمين يارب اطلق عوقها ياااكريم "وحط يدهـ ع راسه وهو يتألم"
+
+
+
طلع لشباب بعد مادخل مرام للغرفه وهو راسم ابتسامه ع محياه
عزوز:اووووهـ ابو سعوود شرف والله توه ماتنور الاستراحهـ .
ابو سعود:منور بوجود شخبارك.
عزوز:الحمدلله تمام "وغمز له"جيت بوقتك.
ابو سعود رافع حاجبه:ليه وش فيه؟!
عزوز:ههههههههههههاي ابد الله يسلمك بس معنا شويت حلا بنحلي فيه اليوم "وغمز له"
ابو سعود:اهاا للحين انتم ع طبعكم.
عزوز:للحين وكل واحد يحصل له يجيب من هالمغفلات .
ابو سعود:حرام عليكم اتقو الله.
عزوز يضيع السالفه وكانه مايبي يتذكر انه فوقه رب العالمين يحاسبه:ماعلينا الحين هاه بتشاركنا اليوم؟!
ابو سعود:لا انا خلوني ع جنب اللي فيني مكفيني.
عزوز:شخبار سعود الحين ومن هو عندهـ.؟!
ابو سعود:عند جدته.
>>من ورا عزوز.
سطام:ابو العز مرام تصارخ فضحتنا وش نسوي فيها؟!
عزوز:هه خلها تصارخ الا ماتنفجر مافيه امل احد يسمعها.
سطام:هههههههههاي طيب عن اذنك.
عزوز:اذنك معك"والتفت لاأبو سعود...
ابو سعود: وش قصتها هالمرام؟!
عزوز:الله يسلمك هذي خويتي ولعبت بذيلها من وراي وحبيت اعلمها قدرها ووشهي من بنت لجل تعرف احدودها.
ابو سعود:حبيتها؟!
عزوز:هههههههههههههههههاي انا احب من هالطريق ههههههههههاي
ابو سعود رافع حاجبه:سألتك جاوبني؟!
عزوز:مو انا عزوز الـ......... احب وحدهـ مثل ذي لاحبيت احب بنت ناس وشريفهـ.
ابو سعود:طيب تذكر انك انت اللي جريتها لهالطريق.
عزوز:مأجر احد انا هي جتني برضاها وسكر الموضوع ابو سعود مالي مزاج اناقش احد فيه.
ابو سعود:مالها اخوان هالمرام يوقفونها عند حدها؟!
عزوز:مالها الا اخو واحد ومتوفي .
ابو سعود:وابوها وينه مهملها كذا؟!
عزوز بملل:متوفي.
ابو سعود بشك:اهاا طيب تعال خلنا نشوفها .
عزوز انبسط انه قدر ع ابو سعود لانو له سنين وهو يحاول يجرهـ معاهم ع هالطريق....:يالله حيياكـ
دخلو للغرفه اللي فيها مرام ولقوها ع السرير ولافه عبايتها بشكل فوضوي وهي تبكي .
عزوز:الا متى وانتي تبكين خلاص اسكتي صدعتي راسي .
التفتت مرام له وهي تحس قرب آجلها......
ابو سعود اللي كان واقف متفرج عند الباب رحم هالبنات وحس بحآميه ناحيتها .
مرام:الله لايوفقك لادنيا والا اخرهـ.
عزوز يقرب لها ويلعب بيده ع شعرها وبعدوانيهـ:ادعي ومالو الاهم اني اشبع رغبتي وآذلك.
مرام تضرب يدهـ وتحاول تمنع دموعها وتبان قويهـ:اكرررهك اكرهك ياحقير.
ابو سعود ومية شغله تدور براسه:ابو العز هالبنت فيها شي يجذب ابيها بكلمة راس اذا ماعليك امر تفضي لنا الغرفه
"وغمز له"
عزوز:هههههههههههههههههههههاي ابشر واخيراً لقيت احد يعجبك.
ابو سعود ابتسم له وهو عيونه ع البنت اللي تنتفض قدامه:::
"طلع وسكر الباب وهو يناظر مرام بانتصار ..."
ابو سعود جلس ع جنب وحط يده ع ركبتهـ ونادى باسمها:مراام.
ارفعت راسها لصوته الدافي::::.........."وضلت تناظره ودموعها مبلله يدها"
ابو سعود:انا يابنت الناس مارضى هالشي لنفسي والا لغيري ولجل رب العالمين ومنهو يحاتيك بالبيت بساعدكـ وياليت تطلعين كفو وتتركين هالطريق اللي انتي ماشيه فيهـ .
ناظرها بيشوف ردة فعلها وكمل كلامه:وتأكدي انه هالمره لقيتي من يساعدك بس بكرى ماتدرين وش مخبي لك القدر وخوذي هاللي صار لك عضه وعبرهـ.
مرام تبكي وبرجا آمل تولد جواتها:ساعدني الله يخليك.
ابو سعود تنهد:قومي البسي عباتكـ؟!
"قامت بسرعه لبست عباتها وهي ترجف وتدعي ربها يسهل لها.....
قرب لها ابو سعود ومسكها من شعرها وهمس بصوت واطي:صارخي.
مرام اللي مو فاهمه شي قامت تصارخ بأعلأ صوتها..
طلع ابو سعود من الغرفه ومرام بين ادينه وكان ضابط الموقف وهو يسحبها معه وهي تصارخ اللي يشوفهم يقول هذي اخته .
عزوز وقف بوجه ابو سعود:وين وش صار.
دفه بقوه ابو سعود وهو يتصنع العصبيه :اذلف عن وجهي وانتي ياحقيرهـ لي تصرف ثاني معك.
مرام تستنجد بعزوز وهي ضابطه الدور:آآآآآآآآآآآآآه عزوز الحقني.....
عزوز اللي واقف خلفهم ومصدوم وموقادر يستوعب اللي قدامهـ...
ركبها سيارته بقوهـ واتجهه لباب سيارته وهو كاتم ضحكته وحس انه بمسلسل ع اللي جالس يسويه.
بعد ماركب ومشى بسرعه تنفست مرام بطلاقهـ وتحس انو الهواء كان معدوم بالاستراحهـ رغم شكوك تعاودها من انه هالشخص اللي قدامهاا مو كفوو ثقه بس ارحم بالنسبه لها من هالوسخين اللي من شوييي.
ابو سعود وهو عينه ع الطريق ومالتفت لها احتراماً لهــا كلمها بكل ثقل:اتمنى انك ماتعيدين هالموقف ياختي واعتبري اللي سويته خوفاً عليك لا شفقهـ .
مرام بنكسار:الله يجزاكـ الجنه ويعطيك ع قد نيتكـ وجميلك علي ماراح انساهـ والله يقويني ع ردهـ يارب.
ابو سعود:مانتظر شي منك غير التوبه والرجوع لطريق الحق وتذكري امك اللي مالها احد غيرك بهالدنيا.
مرام:وانت وش عرفك فيني؟!
ابو سعود بعدم اهتمام:من عبدالعزيز واصلني علمك
"ووجه سؤاله لها من غير مايناظرها" وين بيتكم تدلينهـ.؟!
مرام:ايه "وبدت توصف له "
والاحتـــــــــــــــــــــرام مستوطن تلك السسسيارهـ
ضلت توصف وتجهل اللي ملاقيها بالطريييق
الصدمهـ كبيرهـ ع منصور وهو يشوف سيارة صديق عمرهـ توقف عند الباب
مشىا بسرعته من غير تفكير وتوجهـ لبابهـ افتحه واسحبه من لياقة ثوبه بعنف وصار يصارخ:
هذي نهاية صحبتنا تخوني مع بنت عمي يالنذل بتضل طول عمرك نفسك دنيئه يالكلللب.
يوسف"ابو سعود":منصور لحظه خلنا نتفاهم انت فاهم غلط.
منصور وهو ماسكه من رقبته وشاد بقبضته وعرق بجبهته ينبض من قوة العصبيه:وش تبيني افهم وانا جالس انتظرك تشرف وكذابتك تسبق حظورك وش تبيني اسوي وانــا اشوف بنت عمي معك وبسيارتك ولااا طالعه اخر الليل لجل تقابلك ومافكرت بأمها وش ممكن يصيبها بفعلتها هذي.؟!
مرام تصارخ ودموعها تتسابق ع خدها وهي تشوف فضيحتها
:منصور اتركه لولا الله ثم ابو سعود كان انا انتهيت اتركه انا ماسمح لك تتدخل فيني.
التفت منصور بعصبيه وعطاها كف ناتج من عصبية شخص ينسى امه من ابوهـ لاعصب..
منصور وهو ضاغط ع سنانه:اذا انتي مالقيتي من يربيك لي الحق اني اتدخل واربي وحدهـ واطيه مثلك .
"والتفت ع يوسف:وانت لاتضن اني بعدي سالفتك ع خير وربي لاتندم ع فعلتك يالنذل.
"مسك مرام من يدها وسحبها لجواء البيت وهو مايشوف احد قدامه من قوة الصدمه كل شي توقعه الا خيانة يوسف اللي اعتبرهـا طعنه بظهرهـ..
دخل للبيت ولقى ابوهـ وام منصور جالسين عند ام مرام
قام ابو منصور وهو يشوف منصور يسحب مرام بقسوهـ ومن غير تفكير وقفه بصوته:منصووور.
وقف منصور ووجهه احمر ومن غير تفكير دفها بقوووهـ وطاحت ع الارض وصار يأشر عليها:هالخاينه بكرى زواجها واعتبروها ماتت من هاللحظهـ .
ام مرام وهي مو حاسه بشي بس تسمع صراخ حولها ومو قادره تركز بسبب انخفاض ضغطها..
مرام منهاره:مو بكيفك انا مابي اتزوج وانت مالك كلمه علي.
ابو منصور صرخ عليها:مرااااااااام لاتطولين لسانك ع ولد عمك..
مرام:ماله حق فيني ياعمي انت الامر والناهي علي وبس.
ابو منصور:وانا اشوف انه منصور مايحكم عليك كذا الا بسبب الغلط اللي اقترفتيه .
مرام بصراخ وهي تشوف كيف الشيطان يلعب بعقولهم وبألم وخضوع:انــا .........."قاطعها منصور بعصبيه"
:والا كلمه فاهمه والا كلمه ولسانك مابيه يطلع لبكرى الصبح وعقبها
لانعرفك والا تعرفينا البنت اللي تخون اهلها يتبرى منها دينها.
ابو منصور:فهمني اللي صار طيب ووين لقيتها؟!
منصور بكرِهـ وهو يشوف خطيبته اللي مايكِّن لها الا كل احترام وحولته بفعلتها لإححتقار وكرهـ:يمه قومي ودي هالكلبه لغرفتها ولايطلع حسها والا وربي لاتكون نهايتها ع يدي.
"قامت ام منصور ومسكت مرام بشفقهـ ورقتها لغرفتها"
منصور بقهر:يبه بعد اذنك ترا بكرى العصر وموضع مرام خالص واعتبرها من الحين زوجة يوسف.
ابو منصور بصدمه:انت وش تقول مرام كانت طالعه مع يوسف؟؟؟!!!
منصور بجرح انخذل من قبل اخووه:ايه يايبه يوسف جازا عشرتنا بطعنه لي .
ابو منصور وهو يشوف ولده تصرف بشكل سليم:لاحول والا قوة الا بالله وش بنقول لهالمسكينه وين بنودي وجيهنا من الناس..؟!
منصور:خالتي ماراح نقول لها شي والا والله ان تموت ناقصه عمر بسبب فضيحة بنتها ويوسف بكرىا يتزوجها غصب عليهـ.
ابو منصور:اللي تشوفه سوهـ وياليت نستعجل بزواجهم قبل ننفضح .
منصور بصعوبة تنفسسس:ان شااءالله ويالله بقوم اشوف يوسف اخاف يرجع لشرقيه.
ابو منصور:استعجل ياوليدي..!!
+
+
مرام تبكي بألم وضيقة انسانه مظلومهـ:والله ياخاله الشاهد الله اني ماسويت شي وكيفي انا اظلومني لكن ابن الحلال لاتقربونه اهو اللي انقذني وقت حاجتي للمساعدهـ.
ورجعت تشاهق:انا اقتلوني لاكن لاتظلمونه معي لاتزوجوني اياها وتأكدوا انه هالزواج مو برضانا مابي اتزوج ياخاله كلمي منصور مااابي "وقامت تبكي بحرارهـ"
ام منصور بضيقهـ:الشكوى لله يابنيتي مابيدي شي اسويه اذا عمك ماتدخل كيف تبيني انا اتدخل ومالك مني غير الدعاء لك وخلي املك بالله كبير.
مرام تبكي:ابي حنان دقي خليها تجيني محتاجتها ياخاله "وغطت وجهها بيدينها"
ام منصور:ابشري يالله بروح اجيب جوالي.
طلعت اثاري منصور يقابلها:يمه ادخلي جيبي لي جوالها وكل وسائل الاتصال هاتيها.
ام منصور:طيب بس بجيب جوالي قبل.
منصور بعصبيه:لييه .
ام منصور:بكلم حنان تجي اكيد محتاجتها مرام.
منصور يحاول يتمالك اعصابهـ:مافي وحنان ماتطب هالبيت ويمه الله يخليك لاتخلينها تحتك بأحد لحد ماربي ييسرها.
ام منصور بضيقه:ان شاءالله بس ترا حرام اللي تسونه فيها اسمع لها طيب.
منصور بأسلوب اول مره يتعامل فيه مع امهـ:عن اذنك يمه مالي مزاج اتكلم بهالموضوع واعتبرو النقاش فيه ممنوع.
ام منصور متضايقه من اسلوبه:يصير خير"وعطته ظهرها وتعدتهـ.
ناظر امه وهي تدخل لغرفة مرام وزفــر بقوووهـ
نزل بإنكسار وهو فآقد أخــــوهـ قبل كان ينتظرهـ بكل شوق والحين يتحسب ع اللحظه اللي جاء فيها للرياض
تمنى لو انه ماجاء عشان مايحصل الحاصل
تمنى لو انه يطططلع حلم هاللي اهو فيييييه
تمنى وتمنى وكلها امنيات بتتحقق برجاء رب لايضيع أحد من خخخلقهـ
+
+
عهود مبسوطه بجيت سحر عندها:اخبارك الحين طمنيني عنكـ.؟!
سحر:تمام يالله عاد شدي حيلك واطلعي خلينا ننبسط بشوفتك
عهود:الله يعين وبعدين واذا طلعت بظل بهالعتمه الا برحمة ربي.
سحر:خلي املك بالله كبير ولاتيأسين من رحمته.
عهود:ونعم بالله المهم يذكرون نفسيتك تعبانه هاليومين كيفك الحين؟!
سحر:الحمدلله بتحسن ومداومه ع الرقيه الشرعيه.
عهود:الله يجعل فيه الشفاء يارب .
سحر:حتى خيال نفسيته تعبانهـ وماغير يقول لو صار لها شي انا السبب.
عهود :وهو وش دخله باللي صار لي؟!
سحر:مدري عنه بس مأنبه ضميرهـ بقوهـ وماغير يدق كل يوم يسألني عنكـ حتى.............."ودخلت ام عهود عليهم وقطعت سالفتها سحر"
ام عهود:سحر يمه اخوك عند الباب .
سحر:اوك يعطيك العافيه خاله ثواني واطلع له.
ام عهود ابتسمت:الله يعافيكـ .
ودعتها وطلعت ولقت اخوها ينتظرها عند الباب مشت جنبهـ وهو يسأل عن حال عهود وسمع صوت رفع راسهـ شاف خالد يسلم عليه ومعه اهله "امهـ واخته مشاعل"
عبدالله:وعليكم السلام هلا والله شخباركـ؟!
خالد:تمام الحمدلله الاهل كيفهم ان شاءالله احسن؟!
عبدالله:الحمدلله احسن واحنا تونا طالعين من عند عهود وماتشوف شر الله يقومها بالسلامهـ.
خالد:الشر مايجيك واللهم آمين وماقصرت ع الزيارهـ.
عبدالله:حق وآجِـب ويالله استأذن تامر بشي.
خالد:سلامتكـ.
مشت سحر وودعت مشاعل وامها وراحت خلف اخوهــا...
"سحر بهدووء عكس اهبالها الدائم واللي لاحظهـ عبدالله بس حس انها ودهـا تغير جوها وتحسس اللي حولها بتغيرهـا الايجابي من لما اتعبت."
سحر:هذي مشاعل اللي تقصد.
عبدالله:حسيت وان شاءالله بمجرد مانتعدى هالمرحله الصعبه بتقدم لها رسمي.
سحر بفرح:جد زين الله يوفقك وزين ماخترت...
عبدالله:اللهم امين ويرزقك ابن الحلال اللي يصونكـ..
سحر تعكر جوها:الله لايقوله يالله بس وين سيارتك .
عبدالله منقهر من صار الحادث وهي كارهه كل شي وتتمنى الموت :اقول مشي انتي الكلام معك مامنه فايدهـ.
+
+
+
حنان:ياربي وين راحت خالتي ام منصور مالها حس لاهي والا عمي والا منصور لايكون فيهم شي.
رغد:دقي ع جوالها.
حنان بعكس تحاشيها لرغد الدائم:دقيت وبالبدايه ماترد بعدين تقفل من الفجر وانا اتصل عليها وربي قلقانهـ.
رغد:ان شاءالله خير لاتقلقين انتي هدي شوي.
حنان بخوف:ان شاءالله .
+
+
دخل منصور للمجلس
وخلفه الشيخ ويوسف من القهر يفرك ادينهـ ببعض وهو يردد"خيراً تعمل شراً تلقى"
منزل راسه للارض ومايناظر لجهة منصور وهو يحس بالغبنه مظلوم من اللي صااار مع ذلك محد يسمع لهـ
تعجب لسرعة الاحدآث وسهولة جيتهـ للرياض وكأنه هالشي مخطط له من قِبَّلْ منصور
لكن الحـــــــــاصل مقدددددر ومكتوووب
والخيرهـ فيما اختاره الله.‘
نظراتها موجهه ع يوسف وكانها يحاول يحرقه بنظراتها عشان يصحا من حلممم عككككر رغم انه واقع لكنه اشبهـ بالحلم
لصدمته الكككبيرهـ من قبل الطرفين
حس النار بجواته تأكل قلبه ومن قهره وغيضهـ
اطلق العنآن لزفرهـ ضيقهـ
وهو يسمع الشيخ يأمرهـ بتوقيع العروس
يعني الحآصل واااااااااااااااقع مــــــــر
بجهة يوسف تأمل كيف انه المسألهـ اخذت دقايق وعقد قرانهـ بمرام
انكتب عطو مرام توقع وكانها توقع ع نهاية حياتها
مو كرهن للعريس شخصه لا لاإنهدام حلم من بدايتهـ لم يتحقق.
وقعت بسرعه وطلعت لغرفتها دفنت راسها بالوساده وصارت تصارخ بقهههر ودموعها مو راضيه تنزل محتبسه جوات عينها الوسيعهـ
سمعت صرخات قلبها المحطم المخذول من حركة الحبيب الفارس الاناني طعن احلامها بسبب عادات وتقاليد تحتم عليها فراقهـ
وتحطيم احلامها العامره بقربهـ
تنهدت وهي تشوف عيونها كيف الاحمرار مستوطن حولها والدمعه اللي شبهتها مويه لتسقي الزهـر مستعصيهـ وتعاندها
وكأنها تقنعها انه ماحصل لها اخييير من ماكانت مختارهـ.
نتوقف لحظه عند انسانهـ ذات قلب ضعيف الحنآن يسكن وسط ذاتها .....:‘)
للحين مصدومه من اللي يصير حولها وماتدري وش السالفه غير انها
صحت ولقت منصور عندها وخبرها انو الشيخ بيجي يملك مرام ويوسف وعطاها خبر انه تقدم لها يوسف ومرام بغتهـ"يعني تبيه".
رغبتاً من منصور ماعلمها السالفه خوفاً ع صحتها لانو ثقتها العميىا ببنتها ممكن تؤدي لقرب اجلـــهآ...
دخل منصور ع امه وعطاها خبر انو يوسف ينتظر مرام برىا وهو رافض انه يطلع ويقابل صديق عمره او بمعنىا آصـح اخوهـ اللي ماجابته امهـ.
طلعت مرام وهي تسحب رجولها سحب وبعتقادها بمجرد خروجها من هالباب انتهىا عداد عمرهــا
تحمل شنطه جهزتها لها ام منصور بداخلها ملابسها فقط واشياء قط تحتاجها لانها بختصار البيت ماعاد بيحضنها....
+
+
ركبت وهي تتمنى وصايا من عمها المسؤل عنها واللي لقته صد عنها وجفىىى من قبله تألمت لشوفة نكرانه لذاتها
نزلت راسها بخجل من اللي صار وعدم رغبه بمقابلة العالم اجمع
سكرت باب سيارهـ ثاني مرهـ تركبها وكان فرق شاسع بين المرتين
المره 1= يتصف بالمنقذ صاحب القلب الطآهر الحنون ذو النفس الطيبهـ موقعها بالسابق خلف ابو سعود
المره 2=يتصف بالزوج المجبور الزوج الغريب فاقد لمواصفات فارس احلام تلك الفتاة وموقعها الحآلي جنب زوجها ابو سعود
عـــــــــآلم مجهول بإنتظظظظظار جميع الطرفين
الصمت طــــــــآغي ع السيارهـ ومابين لحظهـ وثانيهـ تنسمع انفاس صادره من الزوج والزوجهـ...
يوسف بهدووء وتعب:بنجلس بفندق الحين وبكرى الصبح تكونين متجهزهـ نمشي لشرقيهـ.
مرام وهي تشاهق:ان شاءالله.
يوسف:وخلاص بلاش بكي عمرهـ ماراح يفيدكـ بشي ووكلي امرك لرب العالمين وان شاءالله بيكتشفون انك مظلومهـ .
مرام:هالشي انا اللي اخترته لنفسي وعمري ماراح ادعي عليهم بسبب اللي عملوهـ معي بالعكس انا وطيت روسهم ومااسمي اللي صار لي ظلم لانو هذا الواقع بس الشخص يختلف واللي اعتبرهـ مظلوم انت يايوسف .
يوسف:اجل ليه هالدموع.؟!
مرام:دموع ندم ع مافات وقهر ع الوضع اللي حطيت امي فيهـ .
يوسف:امك تراها ماعرفت بشي.
مرام:ادري بس مصيرها بتعرف اذا مو مني من الناس.
يوسف:الحمدلله ع كل حال وهذاني انا صرت زوجك الحين وتأكدي اني ماراح اتخلا عنك الا اذا انتي اخترتي هالشي...
مرام قامت تبكي بألم ع تضحية انسان مايعرف عنها غير اسمها انسانه يجهل نوعها من البنات واللي بمكانه بيسوي العكس انسانه شافها بإستراحة تجمع شباب من مختلف الشخصيات ضنــــه وين بيكون !
ضنهـ هالبنت نظيفهـ !
ضنننه هالبنت بتضل ع وضعها حتى بعد اقترانه فيها او بتهتدي !
رغم ذلك ضحى بعمرهـ ووقف معها
حست انه نخوتهـ وشهامته كلها سواها لجل يرضي رب العالمين مو لمقصد ثاني وخجلها من النظره اللي يشوفها فيها يوسف مخليتها تنزل رآسها طططول الوقت....
+
+
دخلت ام منصور للبيت ولقت حنان جالسه وقلقانهـ عليهم طمنتها وهي مخنوقه ودخلت غرفتها..
لحقتها حنان ولقتها تمسح دمعه متمردهـ ع خدهــا سألتها حنان بخوف وعلمتها بعض السالفهـ والاشياء المحتاجه تتخبا اخفتها .
وخبرتها بكذبه ماكان قدامها غيرها" انه هالزواج حصل برغبة مرام وحب يوسف لها خلاها تتخذ هالقرار "
وزلت ام منصور بلسانها وغلطت بقولة:رحمة مرام ومنصور يضربها.
حنان بتعجب:يضربببها !!
ام منصور بركبه:من قال يضربها لاتواخذيني يابنيتي غلطت النوم لاعب بحسبتي..
حنان بششك:اها طيب ياخاله مرام كانت تعشششق منصور وبيوم وليله تتخلى عنه؟!!!!
ام منصور بربكه:مدري عنهاا.
حنان تختبر ام منصور:انا شاكه بالموضوع احس وراه إنـــا بس ماعليه ياخبر اليوم بفلوس بكرا بيكون ببلاش
وقامت لغرفتها وام منصور تبلللللع ريقها بصعوبه وهي تشوف انها نفذت من موقف محرج....@@
حست بألم وقهر ع الحاصل المجهول تسللت بهدوء من الغرفهـ وهي منصدمه امس خطبتها منه واليوم هو زوجها بيدهـ
دخلت غرفتها وهي تحسها صايره حساسه موب بالعادهـ
انسدحت ع سريرها وتكومت ع نفسها وهي تحس بالبرد ياكم احتاجت لبيت يدفيها ويد تلم شتاتها تمنت ظهر يسندهــا
وقلب يحتويها احتاجت بهاللحظه لاشياء كانت فاقدتها بس تجاهلتها لتريح قلبٍ يشتكي ضيــم الليالي.....
+
+
دخل لغرفته وهو يحس بضيقه
واول مره يفقد يوسف هالكثر بالعادهـ لاتعب مايدور ونيس غيرهـ
انسدح ع سريرهـ وتنهد تنهيدهـ تعلن عن نفسهـ المرهقه تألم وهو يتذكر شكل صديقه وهم جالسين بمجلس واحد وكأنه غريب موب اخوووو....
غمض عيونه بقوهـ وهو يتناسىا الحاصل رغم قل نومه اللي حالياً غلق يومين كاملات مانام الا انو النوم مجافي عيونهـ
قام بتعب ودخل لدورة المياهـ وقرر يأخذ له شاور ينسيهـ الجرح وهو معتبر يوسف الطاعــن.
المويه ينزل ع صدرهـ ويحس انه يغسل همٍ عميق الجرح ..
+
+
بعيد عن الجو المتوتر نروح للجهه المقابله من ابطالي ونوقف عند حب جديد انولد بظروف صعيبهـ...
تأمل الباب وكان محتار يدخل والا لا؟؟؟؟!!!!
وقف قريب للباب وطقه بهدوء...."ثواني وافتحت له ام عهود وعليها عباتها بحكم تواجدهم بالمستشفىا"
سلم وسأل عن الحال وعطاها خبر انه جاي يتطمن ع عهود.........
ام عهود ردت عليه بحكم انه عادتهم ماتسمح بخلوة شخص مو محرم لها والا لبنتها واضطرت انه تتعلث بأي شي:عهود نايمه الحين
والحمدلله وضعها بتحسن تطمن .
خيال بقهر وهو يقول بقلبه لو ماستأذنت احسن...:الحمدلله ونوم العوافي وماتشوف شر توصين ع شي ياخاله اجيب لكم قبل امشي؟!
ام عهود:سلامتك ورضاكـ .
خيال:الله يسلمك من كل شر يالله استأذن..
راح ودخلت ام عهود وعهود ع طــول بادرتها بالسؤال عن الزائر؟؟!
ام عهود:هذا خيال جاي يتطمن عليك وقلت له نايمه.
ماكانت تدري تفرح والا تبكي ودهــا تفرح لانها تحسه يبادلها نفس الشعور وودهـا تبكي لانو امها صرفته من غير ماتحلي بشوفته
تنهدت يوم تذكرت انها ماتقدر تشوف وقالت بنفسها من وين بيحب وحدهـ عمياءءءء الافضل اكتم مشاعري وماأبـوح بحبهـ.
+
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك