رواية لا ياخذك غيري ترى خاطري فيك -24
رغد:ابشششري الحيين بصبه بأذنها ههههههههههاي.
مشاعل:وجع طسي هههههههاي.
==>دخل عليها وكاعادته وازعاجه رفس الباب وهو يضحك عليها...
خالد:هههههههههههاي قومي ياشينه والله وكبرتي وجاء اليوم اللي ازوجك فيه.
مشاعل نقزت من مكانها من الخووف:وجع وجع خوووفتني يالدوووب.
خالد:بسم الله عليك يالله قومي خليني اخذ اخبارك.
مشاعل:ابشر بس بكلم واجيك.
خالد بلقافته الدائمه:ميييييين!!؟
مشاعل بقصصد:رغوده بعد قلبي.
خالد بمكر يقلد صوت مشاعل:رغوووده بعد قلبي وانا وش يعرفني من هالرغد ومنهي تكوون
قولي منهي بسرعه ماعندنا بنات يكلمن احد غريب.
مشاعل:اممم رغوده حبيبتي اكلمك وقت ثاني اوك لاراح الساااامج.
"ضحك خالد عليها وهي تناديه بالسامج حس انها تفشلت من حركته..."
مشاعل:حراام عليك ترا البنت حساسه.
خالد رفع حاجبه:الله وكبر بتتحسس مني انا ياخالد ليه وش اكون؟؟؟!
مشاعل:من كل احد تتحسس لانها للحين ماستوعبت اننا متقبلينها بمجتمعنا.
خالد:اهاا طيب غيري السالفه.........."حاس انه مصخها بكلامه وتمنى انه يتأسف لها بس يحس بشي يمنعه.
||~
||~
دخل لشقتهم ومالقاها نادى بإسمها ومافي رد استغرب لانو مافي احد تروح له غير اهلها واللي زاد استغرابه انها ماستأذنت منه.
جلس بالصاله وهو يدق عليها ثواني ودخلت قبل يدق جوالها..
وقف جابر وبعصبيه:انتي وين رحتتتي.؟؟!!
سحر بخوف:رحت لجارتنا عزمتني.
جابر بصراخ:وتطلعين بلا استإذاان هالمره ياسحر بعديها لك وربي ان مايحصل لك طيب لو تكررينها.
سحر بدموع:ماسويييت شي وبعديين طفشت بالبيت وعارفه انك مشغول مو لمي .
جابر:حتى ولو لو بلغتيني لو برساله والا تركتيني احاتيك.
سحر تصارخ:بس بس لاتصارخ علي ماني اصغر عيالك وانا حره بتحركاتي وماني مضطره استأذن منك .."وعطته ظهرها وراحت تمشي للغرفه"
مسك يدها جابر بقوه وضغط عليها وهو شاد ع اسنانه من القهر:طلعتك من البيت وعديتها لك وطوالة لسانك هذي ماراح اعديها اذا اهلك ماعرفو يقصونه انا اقصه ماعاش اللي يرفع صوته بوجهي .."وصرخ"فاااهمه...
سحر:............."مافي رد غير عبراتها اللي تعبر عن ضعفهاا.."
ترك يدها بقوه ودخل للغرفه ثواني وطلع وبيده شماغه .
ناظرته سحر وكبريائها وعزة نفسها منعتها من سؤاله وين بيروح.....؟!
طلع من البيت وهو يحس لو جلس شوي ممكن يذبحها بسبب برودها اللي ينرفزهـ..
وشعور انها مو طايقته يتعععبهـ حييييييييل
قامت بعد ماطلع وقررت تسلي نفسها بغسيل ملابسها وهي ع وشك انها تنهيهم تذكرت الرقم اللي بشنطتها ركضت له بسرعه بتشوف اذا هو موجود او ممكن يكون سبب عصبية جابر وصراخه عليها هالررقم.......^_~
||~
||~
جالس بالصاله وهي جالسه قريبه منه وبيدها سعود تلعبه وهو يسلي نفسه باللابتوب
ويحوس باليوتيوب اجذبه اسم مقطع افتحه من باب الفضوول
لعله هالمقطع اخذ كل واحد من ابطاااالي لعالم ثاني كل واحد صار فكره بمقر بعييد عن مقرهـ
"تذكر ايامهم سويه وكيف كانت ماليه هالفراغ اللي بالبيت ببسمتها وبقوتها حس بحنيين لذكراها تمناها قريبه منه ويأخذها بأحضانه"
"راح فكرها لابوها اللي فقدته وهي بأمس الحاجه له فقدة سندها وعزوتها بهالدنيا تمنت قربه منها يواسيها ويصبرها "
][المقطع][
رحل منهو يسليني.. و صار اليوم في قبره
رحل عني و فارقني .. حزين و صرت في حسرة
ذكرته يوم يحاكيني .. و هالبسمات من ثغره
ذكرته يوم يواسيني .. اذا ما هلت العبره
ذكرته يوم يشكي لي .. عن همومن ملت صدره
ذكرت و هلت ادموعي .. و صار الفكر في اسره
حبيبك راح يا قلبي .. ولا حتى بتشم عطره
و ظلك مات يا ظلي .. سكن وياه في قبره
ألا وينك تسولف لي .. تحت انوار هالقمره
و تنشدني عن اخباري .. ترى عقبك غدت مره
الا يا غايبن عني .. ترى قلبي فقد صبره
و لكن الأمل عندي .. لقاك بجنتن نظرة
ألا منصور يا غالي .. فقدك الكون من كبره
عساه بخلد يا ربي .. و يشرب عذب من نهره
||~
||~
تألمت وهي تسمع كلامه عنها وتأكدت من اسلوبه انه هالرغد ماتعني له واستوعبت انه مايبادلها نفس الشعور....
اقتلبت ع بطنها وهي تبكي ع مستقبلها الضاييع بسبب شخص منزوعه منه الرحمهـ...^_~
||~
ام منصور:طيب ياوليدي خلني اخطب لك وخلاص الله ماكتب لكم نصيب مع بعض.
منصور:يمه انا حالياً رافض فكرة الزوااج نهائي وطلبتك يالغاليه لاتفتحينه معي مره ثانيه.
دخل ابو منصور بهيبته المعتادهـ قام منصور يحب راسه وام منصور قامت تصب له قهوته...
ابو منصور:الا تعال يامنصور فيه شغله بشاورك فيها.
منصور:آمر يبهـ.
ابو منصور:شركتنا اللي بأمريكا المدير اللي ماسكها توفى قبل اسبوع والشركه شبه انها بدت تفقد مركزها ومستواها بدىا ينخفض
فا وش رايك من اللي تشوفه مناسب ارسله يمسك هالمنصب؟؟؟!
منصور رافع حاجبه:الصراحه يابوي انه مافي احد كفو تمسكه مسؤلية الشركه كامله الحين هالشركه واحنا اللي مشرفين ودايرينها ماقدرو يتحملون الضغط فما بالك لما يكون داير شركه بأكملها لوحدهـ .
ابو منصور:مو شرط من شركتنا ندور أي شخص محتاج هالوظيفه والا وش رايك؟؟؟!
منصور:اذا بتسمع رايي يابوي انك ماتعطي احد هالمنصب وانا مستعد امسكه بأكمله واديره لحد ماتتيسر حلالنا احنا اللي لازم نحافظ عليه لانه مافي احد احرص منا عليه...
ابو منصور والفكره هذي ضايعه عن باله:صحيح تقدر تدير هالشركه وتترك السعوديه وشغلك؟؟!
منصور بإبتسامه:اكيييد وانا بعد محتاج فتره ابعد فيها عن اللي حولي"المقصوده حنان"
ابو منصور شافها فكره لجل ينسى حنان:تــم من بكرا جهز الاوراق واعمل احسابك ع اقرب رحله الوضع هناك ابد مايطمن...
منصور:ابشر يالغالي يالله اجل اقوم اشوف شغلي واخلص اموري عن اذنكم..
ابو منصور:اذنك معك ياوليدي.
ام منصور بعد ماطلع ولدها بضيقه:تكفى يابو منصور لاتسفره ماقوى ع بعده انا دور احد غيره رجيتك.
ابو منصور بأمر:سكري ع السالفه وهالموضوع خلصنا منه واتفقنا عليه يعني مانقدر نتراجع.
ام منصور:لا مابي اسكر عليه غير رايك لاتحرمني من ولدي ترسله لهالدول الاجنبيه وتبعده عني.
ابو منصور:وش رايك هذا ترا حلال منصور واخوانه من تبين يديره انا هاللي تشوفيه صحتي ماعادت تسمح ع سفرتي وتحملي مسؤليه كامله لشركه لها صيتها بالمجتمع الاجنبي...
ام منصور:الله يمدك بالصحه والعافيه بس ولدي مابيه يبعد عني دور لك حل غيرهـ.
ابو منصور:يصير خيير يالله بقوم انام انا....
بعد ماطلع دخلت حنان ولقت ام منصور تبكي وأول ماشافتها مسحت دمعتها بسرعه ..
جلست جنبها وحطت يدها ع كتفها :شفيها الحلوه تبكي؟؟؟؟؟؟!
ام منصور:متضايقه شوي.
حنان:ادري انك متضايقه بس شسبب؟؟!!
"حكت لها اللي صاااار وحنان تضايقة اكثر من ام منصور وبدل ماتواسيها زادت همها هــم..."
قامت لغرفتها وهي متندمه ع الساعه اللي رفضة منصور فييها...
اول مادخلت غرفتها دق عليها نفس الرقم اللي بيوم الملكه ردت بسرعه قبل ينقطع ...
:الوو.
حنان:اهليين.
مرام:شخبارك حنوو..؟!
حنان بغصه:تمام وانتي طمنيني عنك وش مسويه؟!
مرام:ي جعله دوم يارب انا الحمدلله ع كل حاال.
حنان:مرام .
مرام:عيونها.
حنان:عرفتي باللي صار؟!
مرام:لا وش اللي صار؟!
حنان تبكي:رفضضت منصوور.
انصــــــدددمةةةة وشهقة شهقه يليها سؤااال ينتظر جواب يرضي فضولها.....
حنان:والسبب انتي وسالفتك..
مرام:حرااام عليك يا حنان ترا اللي سويتيه ظلمتي فيه نفسك قبل تظلمين منصوور.
حنان بصوت مخنوق:ادرييي بس شسوي يامرام يوم جيت اوقع جيتي في بالي وطريقته الوحشيه معك خفت اظلم نفسي معاه احسه بلا قلب وبعض صفاته خلتني اعييد نظر بقراري..........
مرام:قسسم قهررر اللي سويتيه طيب ماعرض عليك الزواج مره ثانيه؟!
حنان:لا وامس سمعته يكلم نواف ويقول مستحيل اعرضه مره ثانيه الا برضاها يعني انا بموقف صععب الحيين يامرام مدري شسوي وربي محتاجتك.
مرام:يابعد قلببي انتي ماعليه اصبري واللي كاتبه ربي بيصير شوفي انا كم لي وانا اخطط ع منصور وبالاخير شوفي من أخذت كل شي مقدر ومكتوووب...
حنان:الله يكون بالعون يارب وانتي متى نشوفك .
مرام بألم:لحد مايحن عمي وولده علي ويعرفون بظلمهم لي.
حنان:وكيف تبينهم يعرفون وانتي انسحبتي بسهوله قاومي يامرام لجل تظهرين الحقيقه وتبينين برائتك.
مرام بربكه:حنوو بسكر الحين اسمع صوت يوسف جااي....
حنان:اووك لاتقطعين وعادي ادق عليك أي وقت ع هالرقم؟!
سكررت مرام الخط بوجهها من غيير جواب...
.."ناظرت حنان شاشة الجوال وابتسمت انها تسكر الخط بوجهها دووم تعليقهم ع هالحركه ويكرهونها والحين جاء من يسكر الخط بوجهها ومين مرام اللي سوتها...(:"
||~
||~
ابتسمت عهود وهي تسمع ابوها يعطيها نصايح الاب قبل الشوفه الشرعيه...^_~
ام عهود:خلاص خوفة البنت من كثر نصايحك.
عهود:هههههههاي لالا ماعليه انا بسمع بالعكس ريحني.
ابو عهود:اكيد يابنيتي انتي مقبله ع حياة جديده لابد تتعلمين من خبرة اللي يسبقك بالعمر..
عهود:وانا تلميذتك يابوي ومحتاجه لدروسك ولاهانت الغاليه ام عهوود.."وخزتها بنظرتها
ام عهود:ههههههههههاي لا بدري توك تذكريني.
عهود:اووه ام عهود زعلانه لانها صافطه ع الجنب وماسمعتني نصايحها يالله اجل بالدور يبه انت وامي وبسمع لكم كلكم هههههاي.
........."ضلو يسولفون وياها وينصحونها لحد ماحست انه الوقت قرب ونقزت تلبس وتجهز لشوفته...^_~
||~
||~
بـــــــربآ
بــــــــــــــآك
شافها وحس قلبه انتفض بشوفتها حس انه ارتوا بعد الضماااا اللي كان يحس فيهـ
قدمت له العصير وابتسم لاإرتباكها
تقدمت شوي وجلست بمكان محدده لها ابوها وخيال عيونه عليها مافارقتها ونظرااااته احرقتها
نادا بإسم خيال لجل يلتفت له ويخلي بنته تتأمله ع راحتها ارفعت راسها بسرعه الا ويلتفت يناظرها والضحكه شاقه الحلق
ابتسمت عهود ونزلت راسها ...^_~
خيال بصوته الجبلي:شخبارك؟؟!
عهود:تمام..
خيال:انتي تدرسين الحين صح؟!"حس انه سامج ع هالسؤال بس مالقى غيره بحكم وجود ابوها ^_~"
عهود:ايه .
خيال:الله يوفقك يارب.
ماردت عليها من الحيا وثواني ونقزت بتطلع ووقفها صوته وهي بأخر الممر
خيال:ماشفتها زين ياعم ابي اشوفها مره ثانيه.
ابو عهود:ابشر بس ثواني اعطيها خبر.
طلع لها وقال لها توقف بالممر ويخلي خيال يجي يقابلها هناك رفضت بالبدايه عهود بس قدر يقنعها ابوها..
قام خيال بعد مأذن له ابوها ولقاها تنتظره بالممره فز قلبه ع وقفتها ورسم ابتسامه ع محياه وقرب لها وبهمس:السموحه لاني طلبت شوفتك للمره الثانيه بس ترا مقصدي بحلي بهالزين.
نزلت راسها بحيا ابتسم وقرب لها شوي وبصوت اقرب للخَفْت:ارفعي راسك يامنيتي وتأملي خلك ي عسىا ربي يقدم الخيرهـ
ارتبكت عهود لكلامهـ وارفعت راسها بأمر منه والتقت عينه بعينها وتاهـ الخليل بمنيته
نظرة طيبهـ^_~
نظرة حانيهـ ^_~
نظرة راضيهـ ^_~
نظرهـ محبهـ ^_~
وقــفهـ بقرب مرسى الخليل ومنيته مع لسان ودرتهـ
قبل لا آطيّر عقول العالم المطيوره
ودي أسقيهم من الحلتيته الصمغيه
يمكن آكفّر خطايا كوكب المعموره
أهدم االكوكب وأعيد البنيه التحتيه
لانّّي أصلا ما أحب أجلس على المقصوره
ولا يناسبني نظام الكوره الارضيه
ولا العقول اللي تشيل افكارها المحصوره
ولا يقعّد راسي الحولي ولا الحوليه
دام وصلت لقلمي بعلن قيام الثوره
وأستفيدو من ضياع حقوقي الفكريه
عن طريق الفلسفه والطاقه المحظوره
بهتك أعراض اللغات السبع والعذريه
ومع خيالي حول قطر الأرض باخذ دوره
وآتمرّد في سماء الشعر والحريه
ضقت ذرعا ً من طقوس الترفه الغندوره
لامتى تفرض علي أجوائها الصوفيه ؟!
كيف برضى المهزله والحاله الميسوره
وكيف بخضع يانظام القوه القمعيه
ياجميله والجمال اللي يحيط الصوره
وش يمثّل في محيط الكائنات الحيه ؟
الجمال اللي يطوّق حول وجهك نوره
طوّقيه بنور وجه الحب والحنيه
ياكذا ولّا خرج شاعرك عن دستوره
وأكتفى عن غايته بالنظره الشرعيه !
ياجميله ماعقرت الناقة المعقوره
لجل أسيّح دمها فالساحه الشعبيه
قلت تفدى راسك أغلى نوقي المشهوره
ماهي مجرد نظم لأبياتي الشعريه
من هجوس الشاعر وشعره وعمق شعوره
جيت من عمق االفكر للقشره السطحيه
وأستبحت الستر فوق الحاله المستوره !!
وماتركت إلّا ثلاثه في محيط الميه
راسك وراسي وراس الناقه المنحوره
فوق قبر التمتمه وأحلامي الورديه
عادة المغرور مايشره على المغروره
مير أنا ماعاد أطيق الحاله النفسيه
ألحقي شاعر عيونك قبل يفقد طوره
ويكتفي عن غايته بالنظره الشرعيه
ضقت ذرعا ً من تصوّف كوكب المعموره
ويمكن آغيّر نظام الكوره الأرضيه
||~
||~
دخلت رغد ع حنان رغم عتبها وزعلها ع اختها لكن تناست كل شييي وتذكرت انها اختها ووحيدتها بهالدنيا
المهم
لقتها تتصفح كتاب جلست جنبها بهدوء التفتت لها حنان وعلامة استفهام مرسومه ع فيسها
رغد:حنوو..
حنان وهي تحس بإرتخاء معها:نعم.
رغد:ليه ماقد شكيتي لي عن اللي يضايقك ويتعبك..؟؟!!!!
حنان بصدمه وبقساوهـ:ماني بحاجةةة احد عشان اشكي .
رغد بغصه:بالعكس اللي اشوفه كثييير تحتاجين احد يسمع لك بس انتي بسبب غموضك حاطه مسافه بينا ...
حنان:واذا صارت هالمسافه مبنيه عن قصد ردك وش بيكون؟!
نزلت راسها وهي تفرك ايدينها ببعض وتحاول تتمالك اعصابها:حنان انا لاأني عدوتك والاجاره لك يوم انك حاقده علي هالقد
"رفعت راسها وجت عينها بعين اخته"
:انا اختك ياحنان واذا انتي ماحتجتي لي انا محتاجه لك لاني بدونك ماسوا شي .
حنان تحاول تضل متماسكه ع قسوتها:لاتخليني عائق قدامك شوفي حياتك ولاتنتظرين مني شي يارغد.‘
نزلت دمعتها وبضعف:حنان تعرفين كيف اليتيم يحتاج صدر دافي يرتمي فيه !!
رفعت راسها حنان وحست بشي يجذبهآ لاأختها ورجعت نزلت راسها خوفاً من هالمشاعر اللي حستها .
رغد ودموعها سالكه مجراها ع خدهآ:ضميني حنان مابي شي منك غير ضمه دافيه منك .
حنان:وليش اضمك؟!
مسحت دمعتها بقوه:لانك اختي وهمْ كل اللي لي ."ومسكت يد حنان بدفأ اسحبتها حنان بدورها لصدرهآ وضمتها بحنيه وكانت حنان محتاجه لهالحضن اكككثر من رغد بس الكبر اغواهآ
رغد وراسها ع صدر حنان:ليش انتي بعيده عني كذا وليش هالمسافه حاطتها بينا؟!
حنان وكأنها تناقض شخصيتها: من قال اني حاطه مسافه بعدين لاتلوميني انا
كالليل بغموضي يارغد شي تعودت عليه صعب اتركه..
رغد:بس انا اختك المفروض اكون نصفك الثاني وقطعه من روحك لاني اود لك كل خيير وماراح يسمع لك احد كثري.
حنان وهي تحس انها ظلمت نفسها ببعدها عن رغد قبل تظلم اختها:اكييد يارغد بس هالصفه رافقتني من بداية عمري وماقد دورت متنفس لي وقت ضيقتي لانو ملجئي الوحيد رب العالمين.
رغد بضيقه:حنان..
حنان:لبيه.
رغد:تكفييين طلبتك اشكي لي همك خليني اتجرا واشكي لك همي شيلي الكلفه اللي بينا رجييتك "وجلست تبكي والواضح انه سبب بكائها ناتج عن ضيقه داخليهـ....^_~
||~
||~
خالد:تراني اتفقت معه ع كل شي وبيجي بأقرب فرصه يشوفك الشوفه الشرعيه .
مشاعل:ايه ايه احسن بعد لاتخلونها الحين لحد ماقص شعري واسوي لووك جديد.
مسك خالد كرتون المناديل ورماهـ ع وجه مشاعل:قومي يمال الماحي وجه بن فهـــرهـ وساعة وجه بنات هالجيل احسبها بتبكي من الحيا وهي فاتحه هالكشرهـ"صرخ" انقلعي يالله .
قامت مشاعل وهي ميته من الضحك:هههههههههههههاي شسوي ياخي تبيني اتصنع الحيا ماااش مايضبط معي .
العمه مريم وهي تضحك ع خبال بنتها:من عرفتها وهي وسيعة وجه وش غيرها.
خالد كاتم ضحكته علشان مايفقد هيبته:هالمره عديتها لها المره الجايه لي طريقه ثانيه تخليها تستحي هالعوجاء.
مشاعل تتصنع الخوف:ييمممه خلاص اجل ببدا حتى لاشفتك بنزل راسي من الحيااا وش رايك.
خالد ماقدر يمسك نفسه زيادهـ ومات ضحك:انتي لو كلن تعدل انتي عوجاااء ماتتعدليين .
العمه مريم +مشاعل= ههههههههههههههههههههاي .....
||~
||~
طلعت حنان مع رغد وكانت متجه لغرفة رغد بحكم حالة رغد النفسيه
دخلتها لغرفتها وسدحتها ع سريرها وهمست رغد بألم :كييف بعييش حياتي وانا فقدة اعز ماتملك كل بنت كييف بكرا بتزوج كيف وكيف ابي جواب يرضيني ويريح قلببي ..."ورجعت تبكي"
حنان بستغررااب ع حالة الانهيار اللي وصلة لها رغد:هدي يابعدي كل مشكله ولها حل بتتيسر ورب العالمين مايرد من طلبه ورجااه.
"غمضت عيونها بقوه وهي تحاول تنسى كل شي وتنسى ذيك الليله المشؤمه بالنسبه لها وللاسف النوم مجافي عيونها"
حنان:بقوم اسوي لك عصير ليمون وانتي استرخي الحين وربك بيحلها ......
رغد:مابي مابي اطلعي وتركيني لحااالي.
حنان:طيب طيب هدي..
"طلعت حنان واتجهت لدرج بتنزل ومانتبهت لمنصور اللي مقابلها يرقى وقف للحظات وهو يتأمل عشيقته
وبدورها هي من الصدمه وقفت تناظره وعيونها مليانه دموع وتذكرت اول مره التتقت فيه تمنت لو انها ترجع ذيك الايام ويرجع منصور طيب القلب ...^_~
منصور بهيبه يبي يرد كرامته المهدوره وبغرور:استري نفسك يابنت..
حنان بغيض:انا ساتره عمري بس الشرهه عليك انت تدري انه البيت مليان بنات وتمشي من دون احم والا دستوور.
رفع حاجبه:اتوقع انه هالبيت بيتي والمفروض هالبنات اهم يمشون ومعاهم شي يسترهم والا كلامي غللط؟؟؟!!
حنان بقهر:هالبيت بيت عمي قبل يصير بيتك "والتفتت بتروح لغرفتها وحست بيد شدة ع يدها وسحبها لجهته
حنان بقهر:أي تركننني.
منصور وهو شاد ع سنانه:مو قبل مااعرف سبب رفضك ياآنسه .
حنان:مافي أسباب بس اكتشفت انك ماتناااسبني.
منصور صرخ بصوت عالي لاشعورياً:الحيين تقولين ماناسبك بعد ايش بعد ماعلقتيييي هذا فييك"وضرب صدره اليسار بجهة القلب"
حنان بغصه:اكررهك.
دفها منصور بعيد عنه:ليومي هذا ياحنان وانا شايل بقلبي حركتك ومستحيل انساهاااااا"ومشى وتركهاا"
ناظرته لحد مختفى وصاار خياله يزاولها وهو يصارخ عليها مسحت دمعهـ متمرده بألم ونزلت تحت تكمل طريقها
||~
||~
رحلتي وتركتيه جثه هامده
تفننتي بعذابهـ وانتي عامدهـ
وانتي لايضريك شي الاهم انكي صامدهـ وتستلذين
بعدما رضخ لحبك واظهر اشواقه
بعد العناق والعطر والقبل والباقه
بعد ما أصبح قلبه لايستطيع بعادك
ازحتي بياضك الزايف واريتيه سوادك
تركتيه هكذا يلفظ انفاسهـ واعلتني الرحيل
وكااان جوابك هل الرصاصهـ تسأأأأل القتييييل ؟؟؟!!!!!!
لايهم المهم اشباع رغباتك في التسلط
إنه رجل مهما كان الفعل له يسمى غلط
يبقى رجل وكأنك لاتدرين ان سر الرجل عفويتهـ
اعبثي في قلبه لايهم المهم انك توقعينه ذليل منكسر
اعبثي وتسلطي وتبددي والاهم تشعرين قلبك انه منتصر
انه رجل وبقااانوني ابيدهـ
انه رجل واكبله واشد قيدهـ
يصرخ
ينزف
يئن
تلوح الدمعه في احداقهـ
لايهم انهـ رجل وانني ع الرجال خانقه
هل هذا الحب ؟؟؟!!
نــظرهـ
فعنآق
فاغوى
فانكسار وٍََََََِِِِّ انتحآر
فلم وقع واحس بالوجع اهم مايهمك بالامر الانتصاااار.........
كفآإأكيِِِ تبجح وإزهــآإأقً للقلوبْ .....
بقلم/هــتآن المشاعر ..‘؛
(عذراً اخذتها بلا إذن منك ولكن فضلت ان اضع بصمة اسمك هاهنا ع متصفحي)
||~
||~
دخل لغرفته وهو يتألم ع طريقة تعامله مع شمس دنيته بس كان لازم يبين لها انه ماعادت تعني له لجل كرامته ورجولته..
منصور بهمس:والله أعزهـ بس صديت بـِ / سسكآت "
أبغآهـ يجرب صصصدته كيف تذبح !
"وانسدح ع سريرهـ وهو يحس انه القرار اللي اتخذه هو الصح لانه بيبعد عنها وبينساها.
||~
||~
بعد ماخلصت منظفه الشقه انسدحت ع السرير وأخذت جوالها تطقطق فيه تذكرت الرقم قامت اخذته وضلت تتأمله تذكرت وجهه وكيف انه فتنهـ تعوذت من الشيطان ونزلت راسها تذكرت صراخ جابر عليها وحست ودها تنتقم منه اخذت الرقم ودقت عليه
دق مره ومرتين وثلاث وماااااااافي رد..........^_~
احمدت ربها انه مارد لانها كانت بلحظة تهور وماهي بوعيها الشيطان يسيرهااا...
قامت بسرعه توضت وصلت لها ركعتين واستغفرة ربها..
بعد ماخلصت من الصلاة وصلها مسج من نفس الرقم:ميين!!.
رمت جوالها ع السرير وقامت تجهز لجابر أكل علشان ترضيه وسوت جو رومنسي بكل الشقه علشان تشغل نفسها ومايتمكن منها الشيطاااااان.
دخل جابر للبيت وكان ريحة الورد والعود تداعب انفااسه مشى يدور ع سحر وهو حاس بتأنيب ضمير ع اللي سواهـ.
لقاها بالغرفه تعدل شعرها
دخل بهدوء علشان ماتحس فيه وبالاساس اهي حاسه بوجوده بس متجاهلته وبتشوف ردة فعله...^_~
لف يده ع خصرها وقرب راسها لاذنها وبهمس:انا آسف يالغاليه........
التفتت له سحر وطوقة يدها ع رقبتهـ:انا مسامحتك هالمره واتمنى ماتتكرر حركتك لانك بجد صدمتني.
جابر بإبتسامه:ابشري يالغاليه "وبااس جبينها"حقك علي وبلحظة غضب والشيطان اعماني .
ابتسمت له سحر وبحيا:طيب ماتبي نروح نأكل تراني حدي جوعااانه.
مسك يدها:يالله ......^_~
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك