رواية لا ياخذك غيري ترى خاطري فيك -23
العمه مريم:انا مادام مشاعل موافقه ماعندي مانع هي ادرى بمصلحتها .
خالد: ع خير اجل بسأل عنه يومين بعدين برد له خبر.
العمه مريم:الله يدبر لهم الخيره يارب وتوكل على الله...
+
+
تكلم عهود وتتمنى انه نفسيتها ترجع مثل قبل وكانت تحاول تضحكها:تصدقين من وساعت وجهي وافقت قبل يكمل خالد جملته
هههههههههههاي حسيته وده يصفقني ع جرئتي.
عهود:هههههههاي بنات آخر زمن وين بنات من اول لاجابو طاري ابو الشباب قدامهم الخدود حمرت .
مشاعل:قلتيها بنات اول وانا الحين بنت هالحين وعايشه بــ 2011
عهود:ياعيني يعني عادي تنحرفين يالدوبا .
مشاعل:من جاب طاري الانحراف الحين؟؟!
عهود:بنت.
مشاعل:هلا.
عهود:ترا اذا جيت ابي عزيمه لي ههههههههاي ادري وجهي مغسول بمرق بس شسوي اخاف تنسين وانا ابي ارتز قدام العالم
مشاعل:هههههههههاي ابشري احلا عزيمه وبأحلا قاعه بس شرفي انتي .
عهود:لا مابي بقاعه ابي فبيتنا عاد لاتكلفين.
مشاعل:يابعد حيي رجعتك لي بالسلامهـ منى عيني والله الشوق ذبااح يابنت احس اني فقدت قطعه من روحي بغيبتك.
عهود:ي فدييتكـ يابعد كل من قــآم وقعد يالله هانت راح الكثير ومابقى الا القليل.
مشاعل:الله يعين يارب المهم تحسين استعجلت بقراري؟!
عهود:لا بالعكس ماتدرين وش الخيرهـ فيه وتأكدي انه الخيره بما ختاره ربي.
مشاعل:ونعم بالله.
عهود:المهم حبيبتي بسكر الحين ابوي جالس لحاله بقوم عنده اكلمك وقت ثاني.
مشاعل:اوك حوبي ع خير...
+
+
دخل عليها وكانت تقرا قرآن بترتيل وقف لحظات يستمع لصوتها طق الباب بهدوء ودخل رفعت راسها تناظره وعيونها مليانه دموع عقب قرايتها للقرآن وتمعنها بالايآت..
يوسف بهدوء:السلام عليكم.
نزلت راسها واشغلت عمرها بقراية القران:وعليكم السلام......
يوسف:تعشيتي؟!
مرام:ايه الحمدلله.
يوسف:اجل ماراح تتعشين معي.؟!
مرام:لا......."ردت رد جاف واكملت قرايتها."
يوسف:ليه زعلانه انتي الحين.
مرام:ماني زعلانه ولو سمحت ممكن تخليني اكمل قرايتي؟؟!
يوسف بعصبيه :كملي كملي قرايتك والسموحه لاني قاطعتك يابنت الـ......
وطلع وسكر الباب بقوه خلفه.
مرام ناظرت محل وقفته وحست بسخافتها بس ماحبت تبين له انها راضيه عنه...
وقررت تفتح صفحه جديده معه بحكم انه ماصفا لها غيره بهالدنيا.....):
بــــــــربـآ ~
بــــــآك
خيال:يمه كلمتي خالتي ؟؟؟!
ام خيال:ايه كلمتها وقريب بيرجعون وعطتني خبر اول مايرجعون بتتم ملكتكم.
خيال مبسوط:الله يبشرك بالخير يايمه.
ام خيال:زين ماخترت زينت البنات هالعهود.
خيال شاقه الوجه الضحكه ومبسوط ع الكلام اللي يسمعه:ايه والله انا اشهد.
+
وافقت سحر ع زواجها من جابر وطلب جابر انه الزواج يكون مختصر ويستعجلون فيه لانه بيمشي لامريكا بيأخذ الدكتوراه.
وسحر لبت رغبته وجهزت بأقل من شهر ومن ناحية الزواج الكبير هي اساساً ماتحب الحوسه والخبه الزايدهـ
المهم انها تزوجت وربي سترها ببيت زوج يحفضها ويصونها وعبدالله حط زواج رجال بقاعه لجل يحسس اخته بقيمتها.
سفرها لمكه بما انهم بأقل من شهر راح يروحون لامريكا وهالشي صعب ع سحر وماقدرت تتقبله
+
رجعت عهود من سفرتها العلاجيه وكان الكل مستعد لها بعزيمه وتقريباً نفسية حنان شبه انها تعدلت....
حنان كانت لابسه فستان من فوق لونه فوشي ومن الخصر أسود صاير كأنه قطعتين ودخلة عليه جاكيت اسود وع لياقته تنتر اسود طالع فخم مع الفستان.
ورغد لبست فستان ابيض ناعم قصير وع خصرها حزام عريض فضي وسوت شعرها ستريت
مشاعل لبست بنطلون رصاصي كاروهات بأسود وقميص اسود مع جاكيت اسود وشعرها حاطته ذيل حصان محكور صـح وكله مرفوع عن وجهها ومنفوخ ببساطهـ.
عهود صاحبة الحفله لابسه فستان نيلي ستايله روماني وطويل طبعاً وشعرها مسويته تسريحه رومانيه حلوهـ.....وشكلها خطير...
سحر العروس كانت توها راجعه من مكه وماطولت هناك وكانت لابسه فستان احمر طويل قصة سمكه وشعرها مسويته شنيون
بحكم انه اول مره يشوفونها بعد زواجها
ومشاعل اهي اللي تكفلت بتكاليف الحفله كلها وكان تنظيمها من احسن مايكون تنظيم راقي.....(:
ركضت مشاعل وهي تأشر بيدها لحنان يعني وخري انتي وعهود علشان ماتشوف هديتها رغد لحقتها وهي تقول خلاص دخلت للمجلس.
مشاعل:زين حوبي رغودهـ تكفين لو كلفت عليك بس بأخذ الهديه وبحطها بغرفتها وانتي انتظري هنا خوذي الاكياس من السواق اوك.
رغد بإبتسامه:ابشري
وقفت رغد عند الباب وبملل توقف شوي ع رجلها اليمين وشوي ع اليسار تعبت وتجي تجلس بالارض وبملل تناظر ساعتها
شوي الا ودخل راسه ومعه الاكياس اهي رفعت راسها تناظر وبعدم استيعاب ضلت لحظات تتأمله وتحس رجلينها تربطو وهو واقف وحس بشعور ناحيتها وتمنى يمسكها ويخليه تضل تتأمله بهالنظرات النعسانه.
تنحنح بصوت رجولي وهمس وهو منزل راسه :هذولي الاغراض لمشاعل وصليها لها.
تذكرت انه هو اللي نزلت دموعها قدامه وقفت بسرعه بتهج"تنحاش"
اثاريه عطاها ظهره وقال لها بمزح:خلاص انا رحت خليك.
بعد ماطلع ابتسامه جرت ضحك بهستيريا جت مشاعل ع ضحكها وشافت الاغراض بالارض رفعت حاجبها:مين جاب الاغراض وليه ماجبتيهن لي.؟!
رغد كاتمه ضحكتها:توه مدخلهم اهو يطلع وانتي تجين.
مشاعل:مين جابهم؟!
رغد:اخوكـ.
مشاعل بشك:اها طيب شفيك تضحكين؟!
رغد:مافيني شي بس تذكرت موقف وضحكت ع جيتك.
مشاعل حاسه انو وراها شي:وش الموقف طيب.
رغد ضربتها من كتفها بخفه:خلالالاص عااد.
مشاعل:هههههههاي اوك بيجي اليوم اللي اعرف سبب ضحكك"وغمزت لها"
رغد:يصير خير امشي بس ندخل.
.
الكل انبسط بهالعزيمه وغيرت جو الكل بحكم الضروف اللي مرو فيها الا انو قلب واحد كان متحطم وفاقد حس السعادهـ ولذة الراحهـ
كان جالس بين الرجال بس فكره وقلبه بعالم ثاني ماكان متوقع انه بيفقد منيته بيوم وليله.
+
الكل لاهي رقص وهيصه واللي تسولف مع فلانهـ واللي تتأمل فلانه وحاطه العين عليها
واللي تترزز قدام ام فلان وبين عيونها ولدهـا المصون.
ام عبدالله وعينها ع مشاعل همسة لسحر:وش رايك اكلم امها الحين عشان تأخذ راي البنت بدون مايتدخلون الرجال؟؟؟!
سحر:مادري اللي تشوفينه مناسب سويه .
ام عبدالله:بكلمها علشان بعد العزيمه يردون لنا ويكون زواجه بعد عيد رمضان.
سحر:الله الحين خلي الاجازه تبدا بعدين خططي ع زواج عبود.
ام عبدالله:ايه وانا صادقه يبي لها فتره ع ماتجهز لزواج.
سحر:شوفيني انا بشهر خلصت.
ام عبدالله:مو كل البنات مثلك انتي قنوعه.
سحر بهدوء:الحمدلله "ونزلت راسها تلعب بجوالها."
وصلها مسج من جابر يتضمنه كلام حب وغزل حست بشي غريب ناحيته ورمت الجوال بشنطتها.
||~
واقفه وتهز ع الخفيف وهي تشوف البنات يرقصون ابتسمت لحنان وسحبتها حنان بخفه ورقصتها معها.
مشاعل:اوووف منك حنان خليك ناعمه شوي لاتفشلينا بأبو الشباب .
حنان:ههههههاي اقول كملي رقص لاأهفك بكف.
مشاعل:ههههههه..."وكملت رقص"
وقفت واتجهت للي جالسه ع الكرسي ابتسمت لها وهي تشوفها واقفه فوق راسها ...
:بكلمك بموضوع وبأخذ بعد اذنك من وقتك ثواني.
:تفضلي اسمعك ياوخيتي.
^_~
ابتسمت لها وبفرح:ع خييير امهليني فتره بسيطه وارد لك مع انه اخوها ماعنده مانع بس اهي لابد تستخير .
ام عبدالله:يعطييك العافيه وخذي راحتك والوقت معك الا ماتستخير مشاعل .
العمه مريم:الله يعافيك ابشري.
ام عبدالله:بشروك بالجنه "وضلو يسلفون بمواضيع ثانيه"
||~
ضــــــــــــل تفكييييييرهـ ببنوتتنا ^_~
مرني طيف الغرام وذكرياتك
,,,,يا مسا همس الوليع ويا صباحه
روّحت لي الف همسه من شفاتك
,,,,والرهين الروح من يطلق سراحه
زيّني وجه الليالي من صفاتك
,,,,واحرمي حلم القطيعه من نجاحه
وقّفي للشمس من اربع جهاتك
,,,,والشبه يعطيك حق الاستباحه
ارسلي فيّ الغلا من طيب ذاتك
,,,,واتركي طير الفرح يرقا جناحه
ابعديني عن مرامي فلسفاتك
,,,,واطلقي كل الاعنّه للصراحه
هاتي اجمل شي من قصة حياتك
,,,,وامنحيني شي من تلك المساحه
اثبتي للمهتوي قوّة ثباتك
,,,,واغرقي راع السماحه با السماحه
عانقي حشمة شموخك في عباتك
,,,,وزاحمي حشمة شموخي با البراحه
امنعي كيد العطا من معطياتك
,,,,وصافحي كف الوفا راحه براحه
يا حلا جدّك حلا ومجاملاتك
,,,,يا حلا كل الحلا بيدك وشاحه
مرني طيف الغرام وذكرياتك
,,,,يا مسا همس الوليع ويا صباحه
||~
||~
ابتسمت عهود وهي تشوف ام خيال تناظرها بفخر ومابين لحظه ولحظه تسرق نظرها لجهتها وترقب احوالها...(:
ارتبكت وهي تشوف امه متجهه لها قربت عندها ومدت يدها وحطتها ع كتف عهود ابتسمت لها بهدوء شخبار عروستنا اليوم
عهود بحياا نزلت راسها وابتسمت:تمام.
جلست جنبها:يسلم عليك خيال ويقول بلغيها اني خلاص بقدم الملكه .
==>خدوود عهود حمروا من الحيا
ام خيال:عارفه انك ماراح تكون عندك الجرئه انك تناقشيني بهالموضوع بس قلت بجرب حظي وبشوف والاهم رايك يابنيتي انتي تبين ولدي وراضيه فيه اخليه يكمل مراسيم الزواج والا لا؟؟؟
عهود:ردي تلاقينه عند اهلي ياخاله انا رايي من راي اهلي وكلمتي ماتعلا ع ابوي.
ام خيال:انا عارفه طبعك واخلاقك يابنيتي بس مهما كان هالموضوع خاص فيك انتي ورايك الاهم.
عهود:تسلمين ياخاله ع سؤالك وحرصك ع سماع رايي والسموحه اني ماعطيتك الجواب اللي يرضيك بس شسوي هذا اللي عودوني عليه اهلي.
ام خيال بإبتسامه رضا:بالعكس كبرتي بعيني يابنيتي الله يتمي عليك بعقلك والله يرزقك رضا ربك ثم رضا والدينك.
عهود:اللهم امين...
ام خيال:وهالهديه البسيطه مني وهاذي من خيال موب قدرن لك يابنيتي بس اعذري وسامحي ع القصور.
عهود:ولوو ياخاله خيركم سابق والله كلفتو اعماركم ماله داعي هالهدايا وهالرسمياات
ام خيال:تستاهلين كل خير يالله اخليك مع البنات عن اذنك .
عهود:الله يسلمك اذنك معك ياخالوهـ.
||~
||~
بعد العزيمه بأسبوع دق خيال ع ابو عهود ونسق معه ع كل شي وقرر يجيهم يوم الخميس من الاسبوع الثاني ويشوفها الشوفه الشرعيه مع انه هو كان رافض انه يشوفها بس ابوها اصرر انهم يجلسون مع بعض ويتأكدون من مشاعرهم.....^_~
||~
||~
دخل للبيت وهو يسحب رجوله سحب لقاء نواف بطريقه ..
نواف وهو يشوف حال اخوه من بعد رفض حنان له يتدهور:من وين جاي ؟؟!
رفع حاجبه منصور:ماضن انك محتاج الجواب .
نواف:تعال خلنا نجلس سوا شوي محتاج اسولف لك.
منصور بملل:حياآك.
دخل لغرفته وخلفه نواف رمى شماغه ع السرير وجلس بتعب...
نواف:الله صار لنا زمان ماجلسنا سوا.
منصور:طيب وش عندك تكلم.
نواف:اولاً مابي اتكلم لك وانت بهالنفسيه ثانياً اذا ماعندك استعداد تسمع لي عطني خبر واطلع احسن لي.
منصور:انا ماقلت هالشي معناتو تكلم.
نواف بنفاذ صبر:لاتحسبني مدمغ وصغير ماافهم تراني فاهمك زين يامنصور عارف وش سبب انقلابك هذا تمنيت انه هالسبب مايأثر على نفسيتك بس للاسف طلعت ماتتحمل وصفة الصبر اللي كنت اصفك بها اكتشفت اني تسرعت فيها.
منصور:انا نفسيتي متغيرهـ ؟؟؟!!
نواف:متغيره تغير ملحوظ والكل ملاحظه وحبيت انبهك قبل تخسر اللي حولك.
منصور:من اللي ملاحظ.
نواف:مو مهم الاهم اني وصلت لك انك متغير وحاول تغير من نفسك ترا هذا امتحان من رب العالمين وتذكر لما كنت تصبرني وتذكرني بالله دائماً غير من نفسك يامنصور وتأكد انه حنان ماراح ترجع توافق عليك الا بعزيمتك واصراركـ.
منصور مندهش من كلامه رغم صغر سنه الا كانه يسولف مع صديق عمره يوسف لسبب تقارب الفكر
:نوواف انا كل شي توقعته الا انه حنان ترفضني لاتلومني ع هالتغير سمه صدمه وللحين ماتجاوزتها.
نواف:ادري وانا مقدر وضعك ويدي ع يدك ونقدر نخليها تغير قرارها.
منصور:نواف انا اللي قاهرني بس ومخلي نفسيتي كذا ابي اعرف سبب رفضها والا مابيها تغير قرارها تحت تأثير مني.
نواف:حتى لو اخذتها بالغصب بعدين بتحبك لانها اهي من الاساس تموت ع طرياك كيف بيوم وليله كرهتك..؟؟!
منصور تنهد بألم:صـــعبه تعيش بحياة شخص منت قادر تكون لهـ /ولآ أنت قادر تتخلىا عنهـ..
نواف:الله يكون بعونك بس نصيحه من اخووك الصغير لاتتخلى عنها بسهوله لجل حبك قاوم وتحدا الصعاب وبكذا حنان بتتعلق فيك.
منصور:تدري وش المشكله....
نواف بهتمام:وشي....؟!!
منصور:انه حبي لها هو سبب تراجعي عن كل قرار اتخذه يهمني يكون كل شي يصير برغبتها هي مابي اجبرها ع شي
والا بإستطاعتي اخذها غصب .
نواف:انت جرب معها واذا مانفع خذها غصب صدقني مره مناسبين لبعض انتم.
منصور:صعععب افهم علي انا ابيها تكوون مخيره موب مسييرهـ.
نواف:انا فاهمك بس انا اشوف انه مصلحة حنان معك.
منصور:الله يقدم اللي فيه الخير وقلبي حبها وماراح يحب غيرها "يضرب صدره بقوه"
:ادعي الرحمن انه يريح هالقلب ويجمع مابينا والا يزيل حبها من قلبي .
نواف:اللهم اميين وقلبي داعي لكي اخوي.
منصور:تسلم ع دعوتك ولانك سمعت لي شقيت خاطري وانا اخوك وكلامك ريحني .
نواف:ولو منصور انا ماسمعت لك علشان تشكرني والا ابي مقابل ذلك غير ابتسامتك ماتفارق شفاتك.
منصور ابتسم:ابشر انت تامر ماتطلب.
نواف:يالله اخليك تنام الحين والله الله ابي تشد حيلك ونتعاون ع حنان .
منصور:ههههههههاي لاتسمعك البنت بعدها ترتااع.
نواف:ههههههههاي يالله نام انت بس ومماعليك من حنان.
>...................."ركضضضت وهي تسمعه يستأذن منه بيطلع دخلت لغرفتها وهي تنفس الصعدااء خوفاً من انه احد شافها.
||~
انسدح ع سريرهـ وهو يفكر بطريقه تقنع حنان ع الموافقه تألم وهو يتذكر شكل ابوه لما رجع للمجلس وبيدهـ الدفتر يخلو من توقيعها.
تنهد بألم ودعاء ربهـ بتييسير ونام على طول بسبب الارهاق اللي يحس فيه ..
||~
لاتعاتبنـي تـرى ماجيتـك أسـمـع هـ الـمـلام ..!
جيت أصحّي شمسي اللي وسط قلبك غافيه .!
جيت لك .. والبـرد فينـي كـم تراجـف لـه عظـام ؟؟
جيت لـك .. و أدري يدينـك مثـل ما هـي / دااااافيـه
يا موانـي فرحتـي .. يـا أول وآخـر غـرام ..
كـل أنـوار الأمـانـي فــي غيـابـك طافـيــــه ..!
و كل أحـلام الثوانـي .. شوفتـك قبـل الهـيـام
يعلن اللي لك بـ قلـــبي مـن أمـــورٍ خافيـه ..!
طفلتك بعدك وحيدهـ .. ضايعـه وسـط الزحـام ..!
خايفـه تـسـأل .. ولا تلـقـى إجـــابـه شافـيـه ..!
تجلـس بـ ذاك المكـان اللـي حضنّـا قبـل عــام ..!
وطيفـك اللـي ما تـرك ][ أحلامهـا المتجافيـه ][
مرّت الذكرى .. وخلّت قلبهـا يصبـح حطـام .!
والمـواجـع مـرّتـه مـثـل الـريـــاح السافـيـه ..
إنتثـر دمـع الزوايـا .. يـوم نــادت للغـمـام
ليه يهجرني وأنـا اللـي مـن عرفتـه/ وآفيـه ؟؟!
ليه يسمح للعـواذل يفرحـون بـ هالخصـام .؟
ليـه عكـرّ كـل حـاجـه كـانـت أول صافـيـه ؟!!
و بعـد مـازاد العنـا .. والبـرد .. و ازداد الـظـلام ..!
جـات تهمـس : غيبتـك واللـي خلقنـي كافـيـه ..!!
ماتشوف إن غيبتـك ماخلّـت بـ عينـي كـلام ..!
ماتشـوف إن السهـر .. ماخلـى فيـنـي عافـيـه ..!
ضمنـي مـادام جيتـك .. خلنـي بـ قلـبـك أنــام..!!
ولا اسألتك الشمس/عني قل : تراهـا غافيه ...!
||~
||~
بـــــــدآية تطورات كثييرهـ بتحصل بروايتي من هالجزء وما بعد والسموحه اذا كانت الاجزاء الاولى تفتقد الحماس لانو بالغالب التطور يحصل بالنهايه مع استمرار الكاتبه بتعمق بعالم الروايااااات ولتذكييير هذي اول روايه لي ويسرني انو يكون عليها اقبال لانه هالشي بينمي موهبتي اكثر لاخلا ولاعـــدم منكم ....^_~
||~
||~
قرب لها وهي منسدحه ع سريرها وتلعب بجوالها.
:الحلو شفيه مقفله معه اليوم؟!
ناظرته سحر ورجعت تناظر جوالها:مافيني شي بس طفشانهـ.
جابر:ماعاااش الطفش اللي يقرب من قلبتي قومي تجهزي وخلينا نطلع نتمشى وسوي كل اللي خاطرك فيه..
سحر:طيب متى بنمشي للقصيم؟؟!
جابر:بعد بكرا ان شاءالله واعملي حسابك ترا اهلي مسوين عزيمه لك.
سحر رفعة حاجبها:ولييه مو مسويه قبل خلاص يكفي.
جابر باستغراب:سحورتي ماهقيتك كذا خبري فيك اجتماعيه وش اللي غيرك!!!!
سحر:مو مسألة كذا بس مالي مزاج لعزايم ولويه احس اني تعبانه.
جابر:ماعليه تخفين ان شاءالله يالله قومي البسي بسرعه قبل اغير رايي.
سحر: اوك ..
خلال عشر دقايق جهزت سحر وطلعت لجابر اللي ينتظرها برىا قررو يروحون يتسوقون وبعدها يتعشون ويتمشون .
خلال تسوقهم لاحظت سحر نظرات شاب تلاحقها من دخلو للسوق تناسته وقامت تسولف مع جابر المهم جلست اهي وجابر يرتاحون وشافت قميص كانت من زمان تتمنى نفس موديله نقزت بسرعه وقالت لجابر: ثواني وارجع لك اوك....
جابر:اوك بسرعه لاتأخرين.
.....(دخلت للمحل وشرت القميص ولاحظت اللي وقف جنبها عند المحاسب التفتت تناظره ابتسم لها كاااان هالشاب اللي يلاحقها بناظراته فتتتتنه آيه من الجمال غمز لها وارتبكت هي بدورها قرب لها وحط رقمه بيدها وقال:
انتظر منك اتصال وقت فضوتك اوك....."وطلع وتركها تصارع مشاعرها المتضاربه لحالها كانت تسمع بهالقصص انه الواحد يحب من اول نظره او بمعنى اوفى يتعلق بس ماتوقعت انه يصير لها هالشي نزلت راسها وشافت رقمه بيدها لاشعورياً بحركه سريعه دخلت رقمه بشنطته خوف من انه جابر يشوف مع انه المفروض ترميه لانه مالها حاجه فيه ....
طلعت لجابر ولقته جالس يلعب بجوالها مشت لعنده وبتأنيب ضمير :يالله خلنا نمشي.
جابر وقف ودخل جواله بشنطته: يالله خلصتي.
سحر:ايه يالله"وتقدمت عليه وهي تطلع من البوابه لقته يركب سيارته بنتلي البيضاء
حست بشي ناحيته وهو نظراته عليها وابتسامة اعجاب مرسومه ع محيااهـ .^_~
ركب سيارته ومر من عندها وهي واقفه تنتظر جابر يقرب سيارته
الشاب:هااه انتظر الألوووو ..."وضرب لها سلااااام ومشى"
ضلت تفرك ادينها ببعض وتدعي ربها يعدي هالسالفه ع خيير وتتخطى هالمرحله برضاهـ ...
ركبت مع زوجها وهي بأسوا حالاتها النفسيييه.........
||~
مشاعل:بسسررعه يمه الحين بيجون.
العمه مريم:يالله يالله كل شي جاهز بس نادي اخوك خالد استعجليه.
مشاعل:اوك...."وركضت لغرفة خالد بربكه"
:حياكم تفضلوو .
عبدالله وخيال وجابر زوج سحر:الله يحيييك ويبقييك
ابو منصور بحكم انه كبير العائله رفض خالد يسوي أي شي الا بأمره.....:ارحبوو .
الكل:البقىىى.
دخلهم خالد للمجلس وباشر بصب القهوه وضيافتهم..
||~
واقفه خلف الباب وتسمع سوالفهم والضحكه شاقه وجهها وامها ماغير تناقرها وتهاوشها ع حركاتها وتطالبها بالثقل.
عهود بهمس:ههههههاي خبله وقسسم.
مشاعل:اصصه خلوني اسمع عبودي.
مريم شهقت:شوف بنات هالجيل بعد بعد صارت تدلع الله يازمان اول.
مشاعل بمزح:يمه يمه اسكتني عرفو اني واقفه هناا.
امها:ههههههاي احسن بعد بنادي اخوك يدخلك يالجرباء.
مشاعل:لالا خلاص يالله امشو ندخل..
.................(دخلتهم وسرقت عمرها من غير مايحسون ورجعت تكمل تصنت)
خلال ساعه طلعو ضيوفهم متفقين ع كل شي وخالد طلب من عبدالله ينتظر اتصاله بخصوص هالموضوع....^_~
||~
||~
تكلم مشاعل وتبارك لها وهي مبسوطه علشانها....
مشاعل:عقباااالك يارب يالله عاد خلينا نفرح فيك.
حنان:لسىا بدري علي انا وبعدين من قالك اني ابي اتزوج فكيني من دعاويك يالدوباا.
مشاعل:اقول حنان اهجددددي.
حنان:يالله بسكر الحين بقوم اجلس مع عمي وأخذ اخبار ابو الشباب منه"تقهر مشاعل"
مشاعل:اوكييي بس وافيني بالاخبار واسأليه عن كل شي لاتخلين شي بنفسي.
حنان:ههههههههههههههاي وانا وش عرفني عن اللي بنفسسك.
مشاعل:مو انتي نصفي الثاني...
حنان:هههههههههاي اقووول طسسي بس خليني اروح اشوف الاوضااع.
"سكرت من مشاعل ونزلت لتحت سمعت صوت منصور وتذكرت كل كلامه اللي سمعته امس بالصدفه وهي راحيه لغرفة رغد اللي قريبه من جناحه ولما اسمعت بداية السالفه قررت تضل للاخر وتسمع خلاصة حديثهم
تمنت لو انها مارفضته عقب سماعها لكلامه بس خلاص لفاات الفوت ماينفع الصوت رجعت لغرفتها لحد مايطلع."
||~
||~
جالسه بغرفتها ومابين عيونها الا نظراته وطريقة كلامه معها تحس انه صار عندها امل بالحيياة عقب اليأس اللي كانت تعيشه..
قررت تتصل ع مشاعل وتبارك لها ومنها تأخذ اخباره...
:الوو
رغد:هلا وغلا شخبارك ياعروستنااا.
مشاعل:هلا بك زوود هههههههاي تمام وااه استحيت من كلمة عروستنا احسها جديده بس تقل مناسبتني.
رغد:هههههههههاي بقوه نعنبو دارك الحيا منزووع منك انتي.
مشاعل:ههههههههههاي قسسم حاولت اتصنع الحيا بس ماقدرت خانني.
رغد:بعد قلبي انتي والله فرحت لك الله يوفقك يااارب.
مشاعل:تسمليين فديتك اللهم اميين ويرزقك يارب ويحقق لك مناك..
رغد:الله يسلمك وامين يارب.
مشاعل:عاد انتي اصبري ترا مافي زواج الى مانزوج اختك العانس.
رغد:ههههههههههههههههاي حنوو صارت عاانس هههههههاي.
مشاعل بمزح:طااالبتك لاتدري اني انا اللي اطلقته عليها .
رغد:ابشششري الحيين بصبه بأذنها ههههههههههاي.
مشاعل:وجع طسي هههههههاي.
==>دخل عليها وكاعادته وازعاجه رفس الباب وهو يضحك عليها...
خالد:هههههههههههاي قومي ياشينه والله وكبرتي وجاء اليوم اللي ازوجك فيه.
مشاعل نقزت من مكانها من الخووف:وجع وجع خوووفتني يالدوووب.
خالد:بسم الله عليك يالله قومي خليني اخذ اخبارك.
مشاعل:ابشر بس بكلم واجيك.
خالد بلقافته الدائمه:ميييييين!!؟
مشاعل بقصصد:رغوده بعد قلبي.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك