رواية لا ياخذك غيري ترى خاطري فيك -3
حنان:هلا يبه كيفك ولهت عليك.
عمها علي:وانا أكثر هاه عساك استانستي مع صديقتك
حنان:ايه والله غيرت جو بس تمنيتك معي كان تطلع سفرتي أحلى.
عمها:مره ثانيه انشاءالله.
حنان:عن أذنك عمي بروح أغير ملابسي شوي وأرجع لك مشتاقه أسولف معك انتظرني...
عمها:يالله بخليهم يجهزون لنا الغداء أوكي
حنان:أوكـــي.
دخلت غرفتها ورمت نفسها على سريرها وتفكيرها كله عند اللي شافته هناك.......
●●●
ام منصور:هاه يانوره متى رجعت صديقتك..؟
نوره:اليوم الصبح
ام منصور:طيب تحسينها أعجبت بمنصور.
نوره:شكلها معجبها مع انها ماتكلمت بس واضح من أعيونها.
ام منصور:مادري وشلون أتأكد من منصور اذا البنت اعجبته أو لا بس صراحه فكرتنا غبيه أحس مامنها فايده.
نوره:ههههه والله انك صادقه تحسينا أغبياء.
ام منصور:هههههه يالله حنا سوينا اللي علينا والباقي على الله .
نوره:الله يعين يالله خالتي بروح أشوف ذا النشبه سعود والله تعبت معه لانمت صحى واذا قمت نام .
ام منصور:الله يعينك ارسليه لي مع يوسف اليوم والله اني مشتاقة له تكسبين فيني أجر.
نوره:بيشغلك والله خليه عندي يالله أقدر عليه .
ام منصور:لا انا ابي اتعب معه مشتاقة له لا تنسين ترا بنتظره
نوره:انشاءالله.
ام منصور:يالله مع السلامه..
●●●
(أخذ يوسف ولده وداه لأم منصور مثل ماطلبت وقرر يطلع مع زوجته ويعشيها برا تغير جو ,,ومنصور رجع للبيت وضاع عليه الوقت وهو يلعب سعود )
ام منصور:يلا يمه العشاء جاهز.
منصور:جاء بوقته والله ميت من الجوع سعودي وش نعشيه؟
ام منصور:لا توه على الاكل الحليب يكفيه .
منصور:عطيه الخدامه طيب.
ام منصور:انشاءالله اسبقني انت وانا ثواني واجيك.
دخل منصور لصاله اللي فيها العشاء جلس على كرسيه أخذ له من الرز والسلطه ومد يده بياخذ من ورق العنب وطرت على باله ذاك اليوم اللي شاف فيه حنان كان من ظمن الموجود في الصينيه ورق عنب ابتسم لما تذكرهاااا الى على دخلت ام منصور:وش فيك تبسم ؟
منصور:ابد بس تذكرت يوسف .
ام منصور:ههه وش فيه..؟
>طااااح بمطب بس على طووول لقاها>:اليوم المجنون جلس له ساعه يخانق السكرتير حقي ويقوله لاشفتني على طول وقف وخذ الأغراض مني وبعد حب راسي والمشكله انه السكرتير يقول له سم انشاءالله ويقول له لا قلي سم تامر أمر أو ابشر طال عمرك ههههههه يالله يالله يوم انا تدخلت بسالفه سكته ومشيته للمكتب .
ام منصور:ههههههه زين كسبت آجر بالضعيف .
منصور:هههههه ايه والله صادقه .
ام منصور:طيب وشلون الشغل معك .
منصور برتياح:لا ولله الحمد كل شي تمااام كل شي يمشي مثل ماأنا ابي حتى اليوم وقعت على صفقه بإذن الله مضمونه...
ام منصور:الله يوفقك وأكثر الصدقه ياوليدي علشان كل أمورك تتيسر .
منصور بإبتسامه:انشاءالله ..
:
:
:
حنان:وش رايك عمي نعزمهم والله بيعجبوك مــره حبوبين .
عمها علي اللي مربيها من كانت صغيره:أوكي ليش لا أعزميهم وأنا أعزم يوسف وصاحبه بس شوفي اليوم المناسب وكلميهم..
حنان بفرح:أنشاءالله يأحلى أب في هالدنيا.
ابتسم علي لما قالت أب وتمنى يسمعها من ولده اللي توفى وهو صغير ,قام من الكرسي:الحمدلله خلي الخدامه تجيب الشاهي للمكتب وأنتي لخلصتي الحقيني .
حنان:أوكي..
●●●
بعد مروووور أسبوعين ...
اتصل عم حنان على يوسف ومنصور وعزمهم وحددو اليوم المناسب للكل وراحو للرياض كان كل واحد بسيارته بس انهم كانو ورا بعض وأوقات ام منصور تأخذ سعود عندهم
؛
؛
؛
يوم العزيمه بأحد الفنادق المعروفه بفخامتها وبتحديد بجناح منصور وأمه رن جواله وجاله صوت اول مره يسمعه:آلووو
من الطرف الثاني:ألاخ منصور.؟؟
منصور:من معي؟؟
:معك مستشفى ال..........
طلع بسرعه من الفندق متوجه للمستشفى وهو بالسياره تذكر أمه اتصل على طول على يوسف...
:ألو هلا يوسف.
يوسف:أهلين هاه جهزتو...
منصور يقاطعه:يوسف اسمع امي بالفندق مر عليها وخذها معكم .
يوسف مافهم شي:ليش وانت وينك ؟
منصور:انا ماني قادر اجي اعتذرلي من الرجال
يوسف:منصور انت تستهبل لاتفشلنا مع الرجل .
منصور بنفاذ صبر:أقولك مأقدر رح بس خذ الوالده وخلها تحظر معكم والرجال خلاص انا أكلمه.
يوسف:وشي ظروفك طيب؟
منصور يتهرب:يالله مع السلامه..
>>>وسكرها منه وهو يحس بتأنيب ضمير لانه خبى عن صديقه السر اللي مأحد يدري عنه أأأأي شي..................................*****
**البارت الرابع**
اتصل يوسف على ام منصور وعطاها خبر انه هو اللي بياخذها ومنصور اتصل على عم حنان وأعتذر منه والحمدلله تفهم ....
المهم وصل منصور للمستشفى ودخل غرفته لقاه متسند على ظهره ويده حاطها على وجهه تنحنح وقال بصوته الخشن:الحمدلله على السلامه ....!!
"
"
حنان:تفضلوا حياكم توه ماتنور البيت ..
ام منصور:الله يحيك منور بوجودكم يابنيتي.
نوره بصوت عالي:حنونه اشتقتي لي؟؟
حنان:بشكل متتخيلينه واو والله أحس اني بطير من الفرحه بجيتكم
نوره بمزح:زين قلتي لي علشان نمسكك قبل تطيرين
حنان:كركر بايخه يالله يكفي وقفه عند المرايا تأخرنا على ام منصور.
نوره:يالله بعد ياحياتي ضايق خلقه علشان منصور ماحضر وماتدري ليش طلع من عندها مستعجل ولا تدري عنه .
حنان بفضول:ليش وش فيه؟؟
نوره:مادري دق على يوسف وقاله مر على امي حتى يوسف مايدري عنه..
........>ودخلو لصاله اللي موجوده فيها ام منصور....<
●●●
●●●
:لا الحمدلله أحس بألام خفيفه الحين مو مثل أول ماصحيت من البنج.
منصور:اهم شي لاتتعب نفسك أوكي..
:انا يامنصور تعبت من الدنيا كرهت نفسي وكرهت العالم كله وكرهتـ.........
لحــــــظهــ.............<تبغون تعروفون مين هذا وهو ســـر منصور اللي مايعرف عنه أحد اممم بالبدايه نرجع قبل خمس سنين
والكلام هذا باللسان منصور أوكي :كنت توي طالع من شركه مقدم أوراقي عندها المهم
رميت الأوراق على المرتبه وطاحت بعض الاوراق بالارض أخذت الاوراق اللي طاحوا ولفت انتباهي موضوع
وحده من الاوراق وهو{مشرد حزين هناك طفل يئن ويتوجع ويبكي يتيم الاب والام لايدري
الى اين يذهب فهو حيران تائه الفكري قدسلب الحنان والعطف والحب انه مكسور متحطمي
تائه لايدري اشفق لحاله ياله من مسكين والكل عنه لايدري
لماهذه القسوه يابشراقلوبكم اقسى من الصخري
سوف تسئلون عن هؤلاء يوم تقفون امام الجباري
اطعموهم ومن البرد احموهم انهم اطفال يتامى
ومحرومون من الام والاب والاسرتي
قد وصاناعليهم نبيناحبيب البشرالهاشمي
ورغب فى كفالة اليتيم لكي ننال الآجراحبتي
اشجان يتيم معذب يصرخ بصوت عالي
انا اليتيم مظلوم ومهظوم حقه اناديكم أرجووكم يابشر
لااريد لعبه
لااريدطعام اوشراب
لااريدنقود
لااريدهديا
اريدامي وابي}
بالنهايه أخي أكفل يتيمآ وأظمن دخولك الجنه...........>
نرجع لمنصور اللي نزلت دمعه حاره على يده من الكلام اللي قراه حس انه مقصر ولاهي بدنيته ولا حس بمعاناة الأيتام وقرر انه يكفل له يتيم......
نرجع نفتح الصفحه اللي قبل ونرجع للحاضر ولبطلي المتواجد حاليآ بالمستشفى.........
نواف>يبلغ من العمر18 سنه ومن طلعته على الدنيا وهو في دار الايتام بس من قبل خمس اسنين مثل ماقلت تكفل منصور بجميع مصاريفه ونواف تعلق بمنصور وصار له الاب والاخو وقدوته في هالحياة<:منصور متىيطلعوني من هنا؟
منصور:لحد ماتتشافى والجرح يبرى إلا على فكره ترا الولد بالسجن بتتنازل والا لا؟
نواف:مادري انت وش رايك انت أدرى مني.
منصور:انا من رايي انك تتنازل وخلاص ماعليك منه .
نواف بغصه:وشلون ماعلي منه وانا وياه بنرجع للبيت نفسه.
منصور بإبتسامه هاديه:أنا قررت انك بترجع معي لشرقيه هاه وش رايك.
نواف:لا مأقدر مهما كان أنا يتيم وما حد يتحمل اللي مو من لحمه ودمه انا ماودي احرجك معي .
منصور:خلاص نواف انا قررت سكر على الموضوع إلى تعال مافهمتني بالضبط وش لون صارت المشكله؟
نواف:أمس الظهر كنت جالس انا وجاسم نسولف المهم جاسم راح في خياله لبعــــــيد انه بيكبر وبتصير له عائله وانه بيصير من أغنى رجال الأعمال
وحاطط في باله انه بيجي يوم وبيلقى أهله وبيعيش ويكمل حياته معهم قهرني كلامه وخياله اللي مستحيـــل يتحقق وقلت له جاسم تدري وش معنى اننا أيتام جاوبني بسرعه,وإذا حنا أيتام مايحق لنا انعيش مثل الخلق جاوبته,يحق لنا بس لاتطمح بخيالك لبيعيد لانك بتتحطم
بتضل طووول عمرك ونظرات الناس وشفقتهم لك تلاحقك اليتيم يتيم ياجاسم أحنا محتوووم علينا اننا انعيش بنكســـــار >خنقته العبرهـ ونزلت دمعه حاره على خده قام منصور وجلس جنبه وحط يده على كتفه رفع راسه بعد مامسح دمعته وكمل:وطبعا انت تعرف جاسم وتعرف حساسيته قام وضربني بكل قوته وأنا بدوري بديت أدافع عن نفسي وأرد له الضربه بضربتين ودفيته بقوه وطاح بالأرض رحت انا وعلى بالي انه خلاص ماراح يرجع يضربني
وماحسيت إلابطعنة على جنبي وهذا آخر ماحسيت فيه....وتنهد تنهيده لها ألف معنى......!!
منصور:الحمدلله جت على كذا وعلى فكره يانواف انت تراك غلطان.
نواف:عارف بس انا ماقلت هالكلام إلا لمصلحته.
منصور:بس كلامك خطأ انت يانواف بإرادتك قادر انك تصنع من نفسك إنسان نـاجح حط في بالك هاشي طول مأنت باني فكرك على هالأساس
أعرف بتكون انسان فاشل خل إيمانك بالله قوي خذها نصيحه من أخوووك الكبير شوفني أنا قدامك يتيم الأب والحمدلله كونت نفسي وصرت بأفضل حال.
قاطعه نواف:بس انا يتيم عايش من دون اب وام عايش من دووون شمعة حياتي عشت طفولتي بخوووف من الليل وحشته أنام لحالي لحطيت راسي على الوساده أتخيل حياة اللي عندهم أهل ياترا بيكونون نفس حالتي مافي أحد يغطيه اذا طاح اللحاف عنه تدري يامنصور دايم أكلم نفسي
وأعاتب امي وأبوي ليش ماأخذوني معهم ليش ليش مامت وارتحت من هالدنيا وأحياننا أقول انا وش أفرق عن الميت عايش في ظلام وكأني تحت طبقااات الارض .......
منصور:نواف استغفر ربك وأشكي ضعف حيلتك لله هو ملجأك وملاذك الوحـيــد أحمد ربك حالك أفضل من حال غيرك .......
قاطعهم دخول الدكتور والممرضه اللي معه ........><
><
><
ام منصور:الحين ياحنان عمك ماله عيال ولا تزوج؟
حنان:إلا بس زوجته وولده توفوا ومن عقبهم ماعاد يبي شي اسمه زواج شي مو سهل انه يفقد شخصين غالين على قلبه.
ام منصور:صادقه وانتي من انولدتي وانتي مع عمك ماشفتي أهلك ابد.؟
حنان:إلا يوم يتوفون وأنا عمري ست اسنين يعني أفهم وأذكرهم >تنهدت>الله يرحمهم.
ام منصور:آميــن ماعليش يبنيتي قلبت عليك المواجع .
حنان بإبتسامه:لا عادي الحين صرت أتقبل الوضع عادي.
نوره بحماس:خالتي تدرين انه عم حنان مو عمها صدق صديق ابوها.
ام منصور:وشلون؟
حنان:قبل مايتوفى ابوي وصى عمي اللي هو صديقه الروح بروح وابوي وعمي راضعين من ام وحده
وقاله بنتي امانه برقبتك ربها وكبرها وهي بحظنك خلك الأب الثاني لها
ومن ذاك اليوم وعمي ماأخلف بالوصيه ابد صايره له البنت والاخت وكل شي حطني بعيونه .
نوره:تدرين من شدة ماهو مدلعها لو تطلب لبن العصفور جابه لها.
حنان:هههههه ياشين الغيره.
ام منصور حست بضيقه وحبت يسكرون على الموضوع:ماعندك نية زواج ياحنان؟
حنان بإحراج:حاليا لا وبعدين لساتوا ماجاء نصيبي.
ام منصور:الله يرزقك برجل اللي يسعدك قولي آمـين.
جاوبت نوره بدالها:آمـــــيـن وتسكن بالشرقيه بعد.
الكل=ههههههههههههههههههه.
+
+
+
رجع منصور للفندق بعد ماأتفق مع نواف انه بكرى يجي ياأخذه حس بفرحة نواف من عيونه تذكر حالته يوم كان صغير كان يحس بشي ناقصه تذكر وش كثر كان يتمنى ان أبوه يكون حي تذكر اليوم اللي يصير فيه اجتماع الاباء بالمدرسه يغيب مايحضر تذكر أمه اللي لولا الله ثم هي كان هو الحين حالته نفس حالة نواف تنهد بضيق وهو مايدري وش بيسوي مع نواف وش لون يخليه يحس انه مافي فرق بينه وبين هالناس تعب من التفكير وحلف انه يظل طول عمره مسؤل عنه ......
****
****
بسيارة يوسف...
نوره:يوسف وش رايك بعم حنان؟
يوسف:ماشاءالله ماعليه كلام حتى متواضع مو من الاغنياء اللي شايفين انفسهم.
ام منصور:حسافه منصور ماجاء معنا.
يوسف:هذا منصوروه انا لي تصرف ثاني معه.
نوره:كيفه عذره معه.
يوسف:تبغونا نرجع بكرى لشرقيه؟
نوره:لا الله يخليك ودي اروح لأهلي بكرى لاحقين على الشرقيه.
يوسف:يصير خير.
وصلو للفندق ووصل يوسف ام منصور لحد جناحها وبعدها راح أهو لجناحهم..
+
+
الساعه:9:00صباحا
:وش رايك يالغاليه ؟
ام منصور بإبتسامة رضا:زين ماسويت ياوليدي وربي بيوفقك بإذن الله دنيا وآخره على اللي سويته لهاليتيم .
منصور:يعني أفهم من كلامك انه ماعندك مانع انه يسكن معنا ؟
ام منصور:بالنسبه لي ماعندي مانع بس وشلون بصير اتغطى عنه؟
منصور:مايحتاج تتغطين عنه توه صغير وبعدين انا أبيه يحس انه بمثابة ولدك وأبي نحاول اننا نطلعه من جوه بأسرع وقت ممكن قبل لايضيع من ايديني.
ام منصور:توكل على الله وخله يجهز نفسه لرجعه معنا.
وقف منصور وبابتسامه:يالله أجل بروح أخلص اوراقه تامريني بشي ؟
ام منصور:سلامتك <وقالت بتردد>منصور...
التفت وقال بكل احترام:ســمي!!
ام منصور:ودي اروح العصر لوحده من صديقاتي من زمان ماشفتها وأبيك توديني لافضيت.
منصور:سمي متى ماجهزتي دقي علي ثواني وتلاقيني عندك.
ام منصور بارتياح انه ماسأل:طيب انتظر اتصالي.
منصور:أوكــي هههههه والله ولك صديقات يمه ههه يحليلك .
ام منصور بمزح:ايه توي صغيره ليش مايصيرلي صديقات.
منصور:والله انك عندي شيخة البنــــات وش تبين بعد.
ام منصور:هههههه لاانا شيخة العجز وزوجتك شيخة البنات.
منصور يسوي نفسه يفكر:آممممم شوفي باقي سنه وتصيرين شيخة العجايز يوه وبعدين مايصير عندك صديقــــات ههههه.
ام منصور ترمي المنديل عليه:هههه تطنز بأمك ياقليل الادب.
قرب لها منصور وباسها على راسها وهو يضحك:ماعاش من يتطنز فيك يالغاليه ههه.
ام منصور:خلاص يالله اطلع كمل شغلك خلني اتجهز لصديقتي.
منصور:ههههههههههههه أوكـي مع السلامه.........>وطلع وهو ميت ضحك...<
()()()()()()()()()()()()()
:لاتشيل هم أعتبر نواف بالحفظ والصون .
:ايه الله الله فيه تراه حساس .
منصور:تعلمني فيه >وحط يده على راس نواف....
:يالله أوراقه كلها جاهزه وانشاءالله بعد بكرى أتصل عليك وأعطيك خبر بأي مدرسه تم نقله أوكــي...
منصور:يعطيك العافيه يالله مع السلامه..
:مع السلامه.
^
^
أخذ نواف وراحو لسوق يتمشون ويشتريله أغراض جديده .
اشترا له ملابس كثيره وكان نواف يعارض مستحي من منصور بس ماكان يعطيه وجه ومافيه شي بالسوق مشترا له منه
وبالاخير تعبوا وجلسوا يستريحون وطلب لهم شي ياكلونه ماعنه ماكان وقت غداء ولا عشاء ....
مروا من عندهم أربع بنات وحده منهن صارت ملاصقه بالطاوله حطت ايدينها عليها وحطت ورقه وجهتها لمنصور بدلع وقالت بكل تغنج:أتصل أنتظرك أوكيك.
ومشت وجلسن هي وصاحباتها بطاوله قريبه لطاولتهم
أخذ منصور الرقم وقطعه قطع صغيره ورفع يناظرها وهو يفتت الاوراق اللي تتناثر بالارض بقرف
نواف:انا خلصت منصور يالله نمشي.؟
منصور:يالله مشينا.
وشالوا أغراضهم وراحووووو والبنت ميته قـهـر .........
################
################
أخذ منصور أمه لصديقتها اللي صار له فتره طويله ماشافتها.....
:انتي وشلونك وشلون منصور؟؟
ام منصور:آحنا بخير طمنيني عنك وشلون ساره ونوف؟؟
ام ساره:الحمدلله ماعليهم ساره تزوجت بتتم سنتين الحين وباقي نوف الحين
ام منصور:وينها اجل ماشوفها؟
ام ساره:رايحه تزور صديقتها بنت جيراننا وشوي بترجع.
ام منصور بتردد:يجيك آخبار عنه آآآلحيـــن .
ا م ساره:ايه منـ............^__^
###########
:تعود يانواف تشوف الحياة من جوانبها الحلوه لاتتشائم من موقف واحد يصير لك صدقني بتتعب خل الأمل رفيقك في هالدنيا وماراح تضيع ابدا..
ابتسم نواف ورد بكل احترام:طيب ساعدني أكسر هالضعف اللي فيني.
منصور مد يده له:وانا من اليوم بساعدك ويدي بيدك للامام ههه.
نواف:اتفقنا واوعدك راح تشوف نواف ثاني.
#############
دقت ام منصور على ولدها يجي يشيلها وهي تحس انها مخنوقه بعد الاخبار اللي سمعتها...........!
>بعد ماركبت لاحظ منصور ضيقتها من نبرة صوتها وسألها بس ماجاوبته
فاحب يغير الموضوع:يمه ترانا بنمشي اليوم العشاء انشاءالله وعلى فكره ترا نواف حطيته بالفندق الحين بتشوفينه وانا عارف انه بيعجبك *والتفت يناظر امه*..
بـــــس..........>مافي رد<
منصور:يمه اش فيك سرحانه..
بعد مافي رد........<
هزها بخفيف والمصيبـــــــــــــــــــــــــــــه............. .......
"
"
"
"
"
"
"
:طمني دكتور وشلونها الحين؟؟؟
الدكتور:لا الحمدلله طيبه.
منصور:طيب وش فيها طمني..؟
الدكتور:اللي حصل معها انخفاض بالسكر نتيجة انها ضربة الابره وبعدها مأكلت شي وطبيعي هالشي يحصل والحمدلله على سلامتها مره ثانيه يالله عن اذنك وعلى فكره تقدر تشوفها الحين.....
منصور:اذنك معك دكتور يعطيك العافيه.
.......>دخل عليها ولقها متسنده على السرير والحزن واضح عليها قرب لها وباس راسها :الحمدلله على سلامتك يالغاليه كذا تخوفيني عليك .
ردت بصوت واطي:الله يسلمك ياوليدي ...>وسكتت<
استغرب منصور حالة امه :يمه وش فيك وش اللي مضيق صدرك ؟
ام منصور:مافيني شي بس يالله بطلع من هنا....
احترم سكوتها:طيب بروح اخلص الاوراق وارجع لك..
..
بعد ماطلعوا أخذ امه للفندق وخلها ترتاح وجهز هو بنفسه اغراضهم وبمساعة نواف له اللي لحد الحين ماشافته ام منصور...
والساعه وحده بالليل مشوا لشرقيه وعند السياره قبل يمشون سلمت ام منصور على نواف ورحبت فيه وهالشي خلى نواف مبســوط طول الطريق........^__^
.....
بعد مـــرور شهر كامل شهر مافيه أي شي جديد اللهم انه نواف تعلق بأم منصور أكثر من منصور يمكن وحتى هي حبته لانه كان يذكرها بطفولة منصور....
بسيارة منصور اللي يجلس جنبه نواف شغل المسجل وعلاه لأخر حـــــد
منصور:نوافوه قصر عليه أجعت راسي..
نواف:واو انا احب الاغنيه هذي اسمعها
ابتدت الأغنية ومن أول مابدت سمع كلماتها الاولى وعقله وفكــــــره صاااااااااااار عندها......
مجنونها رسمي
من شفتها ياناس نستني ويش اسمي انا اشهد اني صرت مجنونها رسمي
حبها غزاني حيل ذوقني طعم الويل خلاني ما ميز مابين صبح وليل
من بد كل الناس دخلت اهي بالراس مامثلها والله كلها حلا واحساس حبها
غزاني حيل ذوقني طعم الويل خلاني ما ميز مابين صبح وليل
حبها كبر هالكون وعاقل بها وجنون لوحبها غربال ابيه مهما يكون .............
نواف:يـــــــــــاهوه وين وصلــــت؟؟؟
منصور:نعم وش عندك؟؟؟متخلي الواحد على راحته...
نواف:ههههههههه طيب آسف ارجع كــــــمل الجوو اللي كنت فيه...
منصور:يالله وصلنا شرف انزل وريحني منك.
نواف:ههههههه أحسن لي أروح بحظن خالتووووو باااااي
منصور:ثواني وأجي اخذها مــــــنك...
نواف:لا خلاص انت طــــاح كرتك..
منصور:هههههههههه انشوووف الحين.
********دخلووو البيت وركض نواف وضم ام منصور ومنصور يصارخ وراه:ابــــــــعد عن امي احسن لك.
نواف:هع هع خلاص انا حصلت عليها قبلك..
منصور بمزح:لا لحظه خلها هي تختار يالله يمه تبغيني انا واللا نوافووووه.
ام منصور بذكــاء:لاطبعآ ابي نواف الغالي انت لبغيت تتزوج ذيك الساعه تعال لمي أضمك >ومثلة انها زعلانه<
منصور:آفـــــــــــــــــــــــــــــــاآآآآ زعلتيني يمه.
ام منصور:ايه انا صادقه كم عمرك وانت ماتزوجت ولاشي شوف يوسف عنده ولد وانت الله يخلف.
منصور بجديه:اصبري علي يمه فتره بسيطه بس..
ام منصور بفرح لانه تقبل الموضوووع:اصبر لـــــيش لا ههههه يالله قوموا نتقهوى بالحديقه.
>وطلعوووو سوى.
رقى منصور فوق بعد ماخلص متقهوي وأخذ كيس من غرفته وحطها في غرفة نواف..........
رقى نواف لغرفته واستغرب لما شاف الكيس فتحها وحس انه بيطير من الفرحه وأخيييييرآ حصل عليه وأخيرا بلاك بيري صاار بين ايديه قرى الكرت الموجود <اتمنى تستخدمه بشي يفيدك مايضركـــ أخوك منصور>
ركض لغرفة منصور وطق الباب ومنتظره حتى يسمح له وقال بفرحه وهو يضمه:مشكوووووور ياأحلى آخ بالهدنيا .
منصور بفرح:اعجبتك الهديه؟؟
نواف:أكيــــد اعجبتني بس وشلون عرفة انه بنفسي.؟
منصور:عرفة بطريقتي الخاصه.
نواف:هههههه كل يووم اجل اعرف اللي بنفسي بطريقتك الخاصه .
منصور:ههههههههه اقوول متلاحظ متعطى وجه.
نواف:من زمان ملاحظ بس انتظركم تجرحوني ههه.
منصور:هههه يالله اطلع برتاح اشوي قبل مايجي يوسف..
نواف وقف عند الباب:اسكر النور؟
منصور:ايه سكره.....
*
*
*
*
*
:آآآآآآآه آآآآآه أنــــ "وبعدها دخلت في حالة اغمااااء.........................>نعرفه بعديـن<<
*****
نزلت دمعه حاره لما تذكرت كلام جارتها .....
*****
تنهد تنهيده لها الف معنى ....
*****
الدنيا مو واسعته من الفرحه وهو يشوف بلاك بيري جنبه.....
*****
ابتسمت وهي تتذكره حست انها مجنونه تحب مثل هذا......
*****
ناظرة شريك حياتها وهو يلعب ولدها ابتسمت ابتسامة شكر على حالها وحياتها اللي الكل يتمنى يعيش مثلهـا.......
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك