رواية يادنيا توقعتك تكرهيني واكتشفت انك تذليني -4

المها : لا مب غلطانه انا شريته dvd عشان كل ما ابغي اشغل و اشوفه

دخلت الظبي وهي تتمخطر بمشيتها تقول بنت العشرين مب سته عشر سنه قالت : هـــــااايـــــــ

الغزال : وعليكم الهايات

الظبي وهي تجلس : سخيفه

الغزال وهي تعدل نظارتها الطبيه قالت : ذلحين انتي مو عليك مدرسه ليه ما تروحين تذاكرين !؟!!!.

الظبي بدلع ترجع شعرها إللي صارلها ساعه تجعد فيه : والله المذاكره وجع قلب ليه احر نفسي وعند

ابوي كل ذا الخير وش ابغي بالشهاده !!.

الغزال ترجع شعرها خلف اذونها و تقول : والله انتي مب فالحه بشي يا الظبي غير اففف و الميف

المها وهي تنزل كاس عصير البرتقال الطبيعي الفارغ على الطاوله و تقول : اقول خلونا من ذا الحكي

إللي لو نجلس لبكره ما بنخلص ايش رايكم نجتمع في قصر عمي جهاد ونتصل على المها 1 تجينا ؟؟!

الظبي بفرح : اي وانتي الصادقه يا المها من زمان عنهم

الغزال : اي زمان إذا كل يوم خالتي ملوك تجينا

دخل جاسر وهو يقول بضحك : اهلا بكل اخواتي الحيوانات

البنات الثلاث كل وحده رمت عليه كوشيه من الجلسات وهن يقولن

المها : سخيف

الظبي : مليق

الغزال : تافه

جاسر يجلس : افف كل ذا فيني انا وش قلت !؟!!..

المها : كذا وتقول وش قلت ؟!!

الغزال : اجل لو قلت وش راح تقول ؟!!؟

جاسر : وانا ايش ذنبي انه ابوي مسميكم اسماء حيوانات المها الظبي الغزال الحمد لله انه ما سمى واحد فينا

الجحش عشان تكمل حديقه الحيوان

الظبي وهي تطلي اظافرها بمنكير فوشي : اسمائنا ما في احسن منها مو زيك جاسر

جاسر : لو سمحتي الدكتور جاسر و بعدين انا متسمي على اسم عمي جسار جاسر جسار فهمتن

المها بسرعه : وانا على اسم عمتي المها

الغزال : مب مهم يكون اسمي على اسم احد بالعكس هذا يعطيني حق التميز في ان اكونا انا

جاسر وهو يصفق : اصلا انتي حرام ما تدرسين بره

الغزال بتحصر : قول لعمي عبدالرحيم الله يغير رائيه بس

جاسر بمزح : وش رايك نزوجك جهاد في بريطانيا و تدرسين

الغزال وهي تنفض : لا وه ما بغي غير اخذ جهاد اصوم اصوم وافطر على بصله

جاسر صخك على اخته إللي يسمعها يقول بال30 ما كأنها بال19

جاسر يقوم على رجوله وهي يقول : اجل تحصري على نفسك

الظبي : على فين جاسر ؟!!!

جاسر يناظر لساعه : والله بتروش بعدين مواعد فارس عشان نطلع للمزرعه بكره خميس و صقر قال لنا

نخاويه

الغزال بقرف : واااي المزرعه لا تقول حتي اسمها

جاسر : لا يسمك صقر بس اجل لو قايلك البر

الغزال تقوم : والله انتو ما اعرف ايش تحبون بذي الاشياء المزرعه و البر خلني اروح للمسن احسن لي

الغزال تاخذ الكتاب و ترحل بكل هدوء لداخل جناحها ودخل ايضا جاسرلجناحه لكي يستحم و يجهز له حقيبه

من اجل المبيت بالمزرعه

دخلت ملوك و الجوري والجده و العمه المها و استانسن البنات كثير مع انهم كانوا يبغون البنات كلهم يجون

نادر اخذ بدر و طلعوا لاحد المطاعم

،،

يوم الجمعه

يوم البركه و الخيرات وياله من يوم يجتمع فيه الاهل قبل صلاة الجمعه لذهاب جميعا كبارا و

صغارا إللي المسجد للاستماع لخطبة الجمعه و لاداء صلاة الجمعه في احد بيوت الله

في قصر عبدالرحيم الصبح

بالمجلس الذي يجلس فيه بالعاده عبدالرحيم و زوجته النوري يتقهوا و يشربون الشاهي النوري تقدم الشاهي

بالزعفران >>>> نصيحه اخويه جربوا الشاي بالزعفران و صدقوني ما راح تندموا ^-^

النوري و هي تشرب من الشاهي : يا عبدالرحيم لازم تتكلم معاها هذا 3 رجال يتقدم لها و ترفضه وما

قالت ليه والله اني خايفه عليها البنت كل مالها و تكبر و الخطاطيب يقلون

عبدالرحيم : يعني تبغيني اغصب بنتي على الزواج يا النوري انتي تعرفين ان لازم في الزواج الرضى مب

الغصب

النوري : اعرف والله اعرف بس انا ابغي اتطمن عليها قبل ما تغمض عيوني ابغي ازفها لبيت رجلها يا

عبدالرحيم

عبدالرحيم : يعني ايش تبغين مني !؟!! اروح اخطب لها

النوري : كلمها حاول تعرف ليه هي ما تبغي يمكن تقول هي ما تخبي عنك حاجه يا عبدالرحيم

عبدالرحيم : خلاص بكلمها روحي ناديها لي

قامت النوري تنادي على المها نزلت المها وهي لابسه بيجامه سماويه و رافعه شعرها بكلبس و لابسه شبشب

على تويتي قالت : هلا يبه امرني الوالده قالت تبغاني

عبدالرحيم : ما يامر عليكي عدو يا بنتي اجلسي وانا ابوكي

جلست المها بقرب والدها الذي وضع يده على كتفها وقال : يا المها يا بنتي انتي ذلحين كبرتي و صرتي

مره

المها نزلت راسها لانها عرفت ابوها ليه يبغي يكلمها : وإللي كبرك يا بنتي عندها بزران تمشي معها

المها بتردد: بس يا يبه انا لساتني صغيره

عبدالرحيم : يابنتي انتي 23 و قريب بتدخلين 24 وإذا الخطاطيب يخطبونك ذلحين بعد كم سنه ما نعود

نشوف حد

المها : بس يا يبه ريماس بنت خالي جسار تزوجت كبيره

عبدالرحيم : من قال ريماس مملكه على اخوكي من كان عمرها 19 سنه بس اخوي الله يصلحه هو إللي

اخر الزواج ولا كان ذلحين عنده بزران بس الحمد لله على كل حال

المها ظلت ساكته مب عارفه ايش تقول

عبدالرحيم : يا بنتي انا ما ابغي اغصبك على شي انتي ما تبغينه بس العمر يمضي وانا و امك محنا دايملك

المها بسرعه : اسم الله عليك يا يبه انت وامي لا تقول كذا

عبدالرحيم : اجل قولي لي يا بنتي قولي لي و طمنيني

المها وهي تنزل راسه : ايش تبغاني اقول يا يبه ؟!!!

عبدالرحيم : ابغي اعرف ليه انتي ما تبغين الزواج وكل رجال ترفضينه ليه ؟!!. سامعه يا بنتي عن الزواج

شي مخوفك منه تره الزواج سنة الحياه لا تصدقين كلام البنات إللي تشوه لك و تقول اشياء من عندها

المها هزت رأسها بالنفي

عبدالرحيم غلب حماره على قولت المصرين خطر في باله سؤال وكان متردد يقوله ولا لا قال ما راح اخسر

شي لو قلته : المها انتي حاطه عينك على احد ؟!!؟!..

انكمشت المها على نفسها و ظلت صامته لم تتكلم ولم تبدي علامه تدل على نفي كلام والدها ولكن الصدمه

الكبيره كانت عند عبدالرحيم الذي لم يتوقع لو 1% ان يكون هذا هو السبب توقع ان تقول لا ولكن ان تلتزم

الصمت هذا يعني نعم هو لم يكن قاصدا هذا السؤال عندما سالها ولكن كان يعطي احتمالات منطقيه لرفضها

فكرة الزواج الاحتمالات التي تدخل العقل حتي ترفض هذا الزواج ولانه قال كل شي ربما تكون خائف او

تكون قد سمعت شي من الفتيات يذم بالزواج ولكن ان تكون هي تريد شخص ما هذا الذي لم يتوقعه ولكن

المشكله ماذا سوف افعل هل اذهب لذلك الشخص و اخطبه ما هذه السخافه كيف تفعل ذلك يا عبدالرحيم

هل اضربها ؟!! لا يا عبدالرحيم انها ابنتك ام تري هل ازوجها لاول شخص يخطبها مني الان ؟!!!..

عبدالرحيم بهدوء و طيبه : يا بنتي إذا انتي تحبين واحد تع

المها تقاطع ابوها بإنفعال : والله يا يبه والله و رحمة جدي نادر تحت الاتراب إني ما اكلم احد مو انا إللي

تنزل راسك يا يبه

ارتاح عبدالرحيم لكلامها لانها لو قالت اي كان يمكن ذبحها : اجل من ؟؟!!

المها بصوت واطي يالله ينسمع : بدر ولد عمي عناد

عبدالرحيم ما سمع شي قال : يا المها علي صوتك من ؟؟!!

المها : بدر ولد عمي عناد و تركض بره المجلس عشان تصعد لجناحها وهي مستحيه

عبدالرحيم بدر كنت اتمني فارس لك يا المها على الاقل كنت راح اطمن عليكي اكثر

دخلت النوري وقالت وهي تجلس : بشر عسي قالتلك ؟!!

عبدالرحيم : اي قالت لي

النوري : وش تنتظر اجل قول

عبدالرحيم : تبغي تتزوج بدر ولد اخوي عناد

النوري بصدمه : ولد الجوهر

عبدالرحيم : اي

النوري : بس إللي اعرفه انه امه تبغي تزوجه للزين بنت ملوك

عبدالرحيم : وانتي ابش عرفك ؟!!

النوري : في اخر زياره لي معهم قالت لي الجوهر و ملوك بنفسهم بس قالولي ما اقول لاحد لحد ما يتم كل

شي وانا باركة لهم

عبدالرحيم : وليه قالولك انتي بالذات !!؟.

النوري : انت تعرف عمتي النور بتدخل بالموضوع وهم ما يبونها تدخل و المها تعرف الجوهر ما تحبها من

ايام المرحوم خالد الله يرحمه

عبدالرحيم ظل ساكت

النوري : وذلحين ايش راح نعمل يا عبدالرحيم

عبدالرحيم: الله كريم يا النوري ما ضافت إللي ليفرجها ربي

،،

، ،

،،

وبصوت الخشوع يعلو صوت الاذان لكي ينادي المصلين لاقامة الصلاه

الله أكبر الله أكبر

أشهد ألا إله إلا الله

أشهد أن محمداً رسول الله

حي على الصلاة حي على الصلاة

حي على الفلاح حي على الفلاح

الله أكبر الله أكبر

لا إله إلا الله

بهذه الكلمات ينادي المسلمين لصلاه بمختلف الطبقات الاجناس و الالوان و الدول ليتراصوا و يقفوا

صفا صفا منزلين الرأس و الابصار خاشعين متذللين لله جلاله في علاه

و بعد الانفضاء من هذا الجو الروحاني الذي يثر القلوب و يهدء النفوس يتجمع اولاد ام عبدالرحيم في

قصرها لكي يتشاركوا الغداء

بالمجلس الذي يجلس به ام عبدالرحيم و اولادها كلهم مع ابناءهم إلا من البنات الاتي اخذن الحديقه مجلس

لهن مع بعض الشاي و القهوه و الحلا

الكل كان يتحدث فجهاد و عناد يتحدثان عن الشركه و نادر اخبره العائله انه قريبا هو مع بدر راح

يسافرون لبريطانيا عشان الشركه و فارس بس ذكرت دولة والده حتي تذكرها >>>> طبعا تستغربون

ليه فارس ما يبحث عن امه لانه ابوه و جدته خبروا انه والدته ماتت في حادث سياره و طلعواها شهادة وفاة

طبعا مزوره بس عشان يمنعونه من البحث عنها وإللي ساعدهم انه جدته إيملي غادرة منزلها القديم بدون

ان تترك عنوانها الجديد

اما عبدالرحيم فكان مشغول ببنته المها وكيف راح يفتح الموضوع مع اخوه إذا ام بدر تبغي تخطبله بنت جهاد

ايش ذي المشكله وإللي كان يحاتيه اكثر عناد كيف يكلمه ويقوله تعال تصرف نفس ما عمل ابوي معك وزوج

ولدك بالغصب لبنتي

ام عبدالرحيم إللي لاحظت على ولدها عبدالرحيم الحيره و الحزن قالت : عبدالرحيم

عبدالرحيم : لبيه يمه

ام عبدالرحيم : تعال معي جناحي فوق ابغي اكلمك بكلمة راس

عبدالرحيم وهو يعقد حواجبه : خير يمه في شي ؟!!

ام عبدالرحيم : انت ما تسمع قتلك ابغي اكلمك يالله قدامي

صعدت ام عبدالرحيم مع عبدالرحيم لجناحها كي لا يسمعهم احد من الموجودين

،،

في لندن

و بالتحديد في مطعم ميستر مالهوترا والدة كومار التي كانت سعيده بعمل كومار ولدها و التي سعدت ايضا

بعمل بوني معهم و اخيرا زواج ابنتها الوحيده بوجا

السيده مالهوترا وهي تكلم صورة زوجها المتوفي : اه ه ه ه يا عزيزي لقد عمل كومار اخيرا في المطعم

و بوجا ابنتنا سوف تتزوج كنت تريد هذا اليوم ولكن . وبدمع عزيره على خدها : الموت اخذك مني

بوني : سيده مالهوترا لماذا تبكين يجب ان تكوني سعيده الان هيا للعمل لقد طلب زيون حساء العدس .. و

الرايتا الحارررة . مع خبز التندوري نان هيا بسرعه وإلا غضب الزبون

السيده مالهوترا وهي تمسح دموعها : حسنا الان سوف احضر الطعام اخبريه دقائق و سوف احضر الطعام

بوني وهي تحمل الطعام لطاوله 4 قالت لكومار : كومار الزبون في الطاوله رقم 3 لا يعرف الإنجليزيه

اذهب و تحدث معه انه يتحدث الهنديه

كومار وهي يسلمها الطلب قال : هذا طلب لسياره التي بالخارج خذيه وانا سوف اذهب له

بوني : حسنا

المطعم كان معروف بطعامه الجيد و النظيف و الخدمه الممتازه له المساحه ماكانت كبيره عشان كذا عملوا

خدمه لسيارت إللي يبغي يطلب بسرعه و يمشي

السيده مالهوترا : بوني سوف يحضر الخطيب في الاسبوع القادم وانتي لا تحتاجين إللي دعوه يا عزيزتي

بوني وهي تاخذ الطلب بإبتسامه : بكل تأكيد سيده مالهوترا

السيده مالهوترا : لديه ساري سوف تلبسينه في يوم قدومهم

بوني بإستغراب : ولكن لماذا يجب ان البس هذا الساري ؟؟!؟

السيده مالهوترا : تعلمين انها لا تعرف فإذا ما طلبت منها فقط فسوف تقول لي لماذا اما إذا انتي لبستي

الساري فسوف تلبسه دون نقاش

بوني تبتسم لذكاء السيده مالهوترا : حسنا من اجل بوجا افعل اي شي

السيده مالهوترا تطبع قبله على خد بوني

،،

توقعاتكم

هل سوف يخبر عبدالرحيم امه بما يجول بخاطره !!!

هل حقا الجوهر و ملوك سوف يزوجون الزين وبدر!!! ..

وماذا سوف يكون رأي كل منهم !!!.

سفرة نادر وبدر لبريطانيا ماذا سوف يحدث !!!.

زواج بوجا هل سوف يتم ام ماذا !!!

لنبدأ مع

الكره ال4

×× يا قلبي لا تشره إذا الناس عافوك .××

×× لا تشتكي وتقول محدن بغاني ××

×× وش ترتجي منهم إذا هم تناسوك ××

×× وش ترتجي من كل قلب اناني ××

،،

في الاعلي بجناح ام عبدالرحيم

ام عبدالرحيم بإستفسار : وش بلاك يا ولدي ؟!!

عبدالرحيم يعرف امه فقال : وش بلاني ما فيني غير العافيه

ام عبدالرحيم : عبدالرحيم انت ولدي البكر اعرف اقل تصرفاتك وش يزعلك وش يضايقك و ايش يقلقك

عبدالرحيم إللي فضل الصمت وش يقول لامه بنتي تبغي ولد اخوي كيف اصلا اقولها لعناد تعال زوج

ولدك لبنتي : يايمه ما فيني حاجه غير العافيه ليه تحبين تقلقين نفسك

ام عبدالرحيم بحنيه : ليه يا ولدي مب راضي تريحني و تقولي ايش فيك !!؟..

عبدالرحيم لانه ما اقدر يايمه ما اقدر بإبتسامة الكذب رسمها على وجهه : يمه ذلحين جايبتني من تحت بس

عشان كذا اثري انا عزيز عندك يا بنت ياسر وانا ما اعرف

ام عبدالرحيم هذا انت يا عبدالرحيم ما تغيرت على كثر السنين وانت كأنك انت : اي وانا عندي اغلي من

ابو جسار

عبدالرحيم يطبع قبله على رأس امه : وحنا بدونك ولا شي يايمه

ام عبدالرحيم تفاتح بموضوع ثاني : عبدالرحيم بكلمك بموضوع جهاد

عبدالرحيم يعقد حواجبه : ايش فيه جهاد ؟!! عسي ما شر

ام عبدالرحيم : انا قررت ازوجه لبنت خالك

على صراخ من الاسفل قطع حوار ام عبدالرحيم و ولدها فنزلوا للاسفل ليكتشفوا ما الامر !!؟

نزل عبدالرحيم وامه لتحت لينصدموا بالذي يرونه فارس يضع يده على خده من بعد ان تلقي

صفعي من .

،،

-&- خلونا نرجع بالزمن لما بعد خروج ام عبدالرحيم و عبدالرحيم لجناحها

الكل كان يتحدث و صقر كان يخبر جاسر و فارس وعابد عن رغبته في اقتناء صقر جديد اما نادر و

سعود وجسار الذي كان يتحدثون عن بعض الصفقات التي سوف يجريها نادر في لندن وعن افضل

الشركات لهذا المجال و ياسر كان يجلس يشاهد التلفاز برنامج نقطة تحول إعاده لقاء ياسر الكاسر وكان

في اوجه اندماجه

الجوهر تتلكم بعد ما كانت تكلم اختها ملوك بصوت شبه مسموع : عناد بغيتك في سالفه بس بعد ما يمشوا

الغرب

الغرب كلمة ترددت على مسامع الكل ولكن لايوجد غريب بينا فلماذا تقول ام بدر مثل هذا الكلام ؟!..

أما الوحيدين الذين فهموا ما ترمي إليه ام بدر هم عناد و بدر و جاسر و طبعا الذي ينطبق عليه هذا الكلام

فارس الذي ظل صامت بدون كلمه او حركه وسط استغراب الكل

بدر : يمه تكلمي مافي غرب بينا .. و شدد على اخر كلمتين

الجوهر بإبتسامه : إلا فيه غريب

لم يعد يستطيع الاحتمال اكثر من هذا في السابق كانت تفعل هذا الاسلوب عندما كانت جدته تجبره على

زيارة منزل والده ولكن الان اصبحت تفعل ذلك حتي في جماعات العائله هذا كثير اكبر من قوة احتماله

وقف على قدميه وبذلك استحوذ على انظار الجميع

صقر بإستغراب من كلام مرة عمه و ذلحين تصرف فارس : فارس وش بلاك ؟!! ليه انت واقف ؟!!

ولكن لايوجد رد من فارس فلقد كان يشعر بالقهر و الكبت في قلبه وهو يحدث قلبه المثقل من الهموم و

الاحزان يا قلبي إلى متي سوف تنبض لماذا لا تتوقف عن النبض لكي ارتاح من هذه الدنيا التي مهما

افعل اظل انا المظلوم بها .

تقدم بخطوات سريعه هاربه متجاهل الاصوات التي تدعوه للوقوف ربما تسمونه هروب ولكن ماذا يفعل

هل يقف و يواجه الامر ؟!! ولو فعال ماذا سوف يكون مصيره ؟!! .

ولكن اوقضه من تفكيره صوت يعرفه دائما بل بالاحري يهرب منه و يتجاهله دائما

عناد بصوته إللي ما تغير : فــــــــــــــــــــارســـــــــــــــــ

وقف فارس ولم يلتفت لابيه

عناد : ليه قمت من مكانك على فين ؟!!

ظل فارس صامت بدون كلام

ملوك تدخل : ليه يا بو بدر خل ذا يمشي ليه اصلا مجلسينه بينا

الجوهر تماشي اختها : انا عارفه ليه مخلينه بس كذا بينا

واااا فارساه كيف اوصف لكم شعور فارس في هذه اللحظه شعور المكسور الذي لايجد من يداويه شعور

المكسور الذي لا يجد من ينصفه شعور المكسور الذي لايجد من يساعده شعور المنكسر وليس اي انكسار

انه إنكسار النفس من بعدت مداواتها من ينصفك يا فارس وقد ذهب من يساعدك من ينصفك يا فارس وقد

غاب من كان ينصفك غاب والله اعلم من متي يعود من غفوته التي طال انتظارها 19 عشر عام

يحارب وحيدا هاتان المرأتان التي تريدان إذلاله إكراه في حياته ماذا تريدان منه ؟!! ماذا ؟؟

عناد يناظر للجوهر ويقول : الجوهر ثمني كلامك وعرفي انتي تتكلمي عن من وكمل بشويت مفاخره:

انتي تتكلمي عن فارس بن عناد بن نادر ال وبشويت ضراخ : بن عناد ال.. فاهمه يعني ايش بن عناد

الجوهر بغضب : لا وانت الصادق هذا ولد العقربه يا عناد

فارس لاااااااا لااا والف لااااااا امي خط احمر عليها ان تعرف هذا قالها : امي مب عقربه العقارب هم

إللي إلدغوها بغدر النيه قالها وهو يناظر لثلاث الجوهر وملوك وجهاد

جاسر : يمه خالتي الله يهداكم ليه هذا الكلام ذلحين ؟!!

بدر : يمه فارس اخونا رضيتي و لا ارضيتي

الجوهر بشراسه : لا هذا ولد حرام ولصقته العقربه فينا هو واخوه المشلول

فارس بهدوء : إذا انا ولد حرام زي ما تقولي فمعناته انتي بنت حرام زي

ملوك تتقدم لفارس و تصفعه امام الجميع وهي تقول : لمن تكلم اسيادك كلمهم بإحترام

وقفت الجده منتظره على امل ان يقدم عناد على عمل شي يعيد الاعتبار و الكرامه لابنه المغلوب على امره

يتبع ,,,

👇👇👇