رواية يادنيا توقعتك تكرهيني واكتشفت انك تذليني -9

الجوهر: صارلي ساعه اناديك ليه ما ترد في ايش تفكر ؟!!..

عناد : مالك دخل افكر بإللي افكره ايش تيغي ذلحين ؟!!.

الجوهر : خلاص ما ابغي اعرف ابغاك اقولك حاجه

عناد التفت لها وقال: ايش هي ؟!!

الجوهر : انا قررت ازوج بدر لزين بنت ملوك و جهاد ايش رايك ؟!!..

عناد : هو قالك انه يبغي الزين ؟!!..

الجوهر : هو ما تكلم بس انا اخترت له فين راح يلقي احسن من الزين ؟!!..

عناد : لاااا

الجوهر : ايش إللي لا يا عناد هذا ولدي و ابغي اشوف اعياله

عناد : انا مب رافض فكرة الزواج انا رافض الاختيار

الجوهر باستغراب : انت رافض الزين ليه عاد ؟؟!..

عناد : هو قالك انا ابغي الزين ؟!!

الجوهر : لا..

عناد يقاطعها : هو اختارها بنفسه ؟!!..

الجوهر : لا بس .

عناد : اجل خلاص انتهي الموضوع لمن يوقف هنا قدامي ويقولي يا يبه اخطبلي الزين بنت عمي ذيك الساعه

اقول تم غير كذا لا

الجوهر : خلاص ذلحين اتصل عليه و ابلغه

خذت جوالها و اتصلت على رقم ولدها بدر

سمعت صوت المقطع الاول من اغنية صمت القلب

دخل بدر وقال : السلام عليكم

الجوهر تنزل الجوال و تقول هي مع عناد : وعليكم السلام

الجوهر : تعال يا ولدي الله جابك كنت بتصل عليك

بدر يجلس مستغرب : خير يا يمه

الجوهر بإبتسامه : كل خير يا ولدي وانا اجيب شي غير الخير

بدر : يمه ادخلي بالموضوع بدون مقدماتك

الجوهر : خلاص راح ادخل يا ولدي انت ذلحين بعمر 29 و قريب بتدخل 30 يعني لمتي بتظل كذا

بدر إللي كانه تكهن عن ابيش امه قاعده بتخيره : عادي يا يمه نادر ولد خالي خالد مثلي كذا

الجوهر : انت تكلم عن نفسك و بعدين لا تخاف نادر بعدين بالاول انت ذلحين

بدر : اي كملي ومن ذي ؟!!..

الجوهر : الزين بنت ملوك و عمك جهاد وين بتلقي احسن منها ؟!..

بدر انصدم و قال : ومن قال اني ابيها ؟!..

عناد إللي تكلم اخير : افهم من كلامك انك ما تبغاها ؟!!

بدر : اي يا يبه انا اعتبر بنات عمي جهاد مثل خواتي و بس

عناد : خلاص اجل

الجوهر : وش خلاص الولد كبر يا عناد ما عاد صغير انا ابغي ازوجه ..و التفتت لبدر : والزين محيره لك و

اقولك من ذلحين

بدر بصدمه : يمه لا تقطيعين بنصيب البنت لاني ماني بماخذها

عناد التفت للجوهر وقالها : اسمي يا بنت راكان ان شميت خبر زي كذا مني ولا منك ما تولمين إللي نفسك

الجوهر بدموع : بس انا ابغي ازوج ولدي ابغي اشوف اعياله حرام ولا حرام يعني

بدر : يمه انا مو معارض على الفكره انا معارض على الاختيار

الجوهر : وش تشتكي منه الزين وهي اسم على مسمه ؟!!

بدر : والله ما تشتكي من شي وعلى عيني وراسي بس قتلك انا اعتبرها زي اختي زي المها و الظبي و الغزال

عناد فكر وقال : ذلحين انتي مب تبغين تزوجينه ؟!!..

الجوهر : اي

والتفت على بدر وقال : انت مب معارض على الاختيار ؟!..

بدر : اي

عناد : خلاص اجل وش رايك بالمها بنت عمك عبدالرحيم ؟!!..

بدر سكت يبغي بحاول يتذكر شكلها

الجوهر : لا ااااااا بنت النوري لااااااااااا ما لقيت غير المها العانز

عناد يمسك يد الجوهر ويقول لها : اسمي بنت عبدالرحيم مب عانز فاهمه إلا عبدالرحيم يا الجوهر انا ممكن

اغفل عن اي شي بس عبدالرحيم لا سامعه

بدر قال: يبه

التفت له عناد وقاله : انا موافق على المها بنت عمي عبدالرحيم

الجوهر : ايــــــــــــــــــــــــش بس هي كبير عمرها 24

بدر : وانا موافق عليها

عناد : خلاص اجل اكلم عنك عبدالرحيم يستشير البنت و امها عشان نتقدم رسمي

؛؛

يوم الجمعه

انه اليوم الذي يخبر فيه عبدالرحيم العائله عن وجود فرد جديد بها بعد ما كلوا و خلصوا جلسوا بالمجلس الكل

وكان فيه 3 واضح عليهم التوتر وهم عبدالرحيم و عناد و النوري وكان عبدالرحيم ينقل بصره ما بين عناد

و زوجته النوري اما الابقين فكل لاهي باشيائه الشباب كانوا يسلفون و البنات ساكتات عشان الشباب و الكبار

كل واحد لاهي بدنيته وتفكيره

وخارج هذا المجلس عند الباب كانت بوني واقفه تنتظر دخولها آآآه يا امي قريبا سوف ادخل للعائله التي

قامت بطردكي سابقا الجوهر ملوك عناد و جهاد عليكم بالحذر مني فحربي سوف تكون حاره

ناظرلت لنفسها بالمرايه كانت لابسه فستان الاخضر قصير وكانت عمله شعرها بيرم مع شريطه خضراء

تزين الخصل الحمراء لشعرها و جوارب بيضاء مع جزمه خضراء و رائحة جونسون تفوح منها مع دميه على

شكل ابن عرس بين ذراعيها كانت طفله كبيره

عبدالرحيم يبدأ الحديث : يمه

ام عبدالرحيم : خير يا عبدالرحيم في حاجه ؟!!

اصبح الهدوء سيد الموقف فكل توقف عن الكلام وهذا زاد توتر عبدالرحيم

عبدالرحيم : يمه ابغي اقولك حاجه هي مب بس لامي انما للكل جميعا

ليلي تدخل : عمي لا تقول بتسفرنا الله وناسه

عبدالرحيم : لا يا ليلي الموضوع بعيد كل البعد عن هذا

ام عبدالرحيم : خير يا عبدالرحيم تكلم يا يمه

عبدالرحيم يوقف و يتقدم لامه و يقول : يمه في الحقيقه .

فتح الباب و قاطع كلام عبدالرحيم دخول شخص إلى المجلس وكانت كل الانظار تذهب نحوه تكلم هذا الشخص

وقال : يمه انا راح اقولك السالفه

دخل فارس بكل ثقه وهو يمسك بيد وحده لابسه فستان اخضر تقدم لحد ما وصل لجدته و قال : يمه اعرفك على

النور

ام عبدالرحيم بصدمه من الشبه الكبير : من النور ذي ؟!!..

فارس يناظر لعناد وقال : النور بنت عناد بن نادر ال.. اخـــــــــــــــتـــــــــــــــــــــي

صدمه وقعت على الجميع بدون استثناء فارس ايش قاعد يقول كيف تكون هذي البنت هي بنت عناد ؟!!!

فارس قعد يقولهم كل إللي قاله عبدالرحيم و اختصر على عمه الكلام وقال : والتحاليل تثبت انه النور هي بنت

عناد

الجوهر بعد ما استفاقت من الصدمه : انتوا ايش هذا إللي قاعدين تقولونه ايش بنت عناد كل مره تجيبون واحد

ولا وحده و تلصقونها فينا ذي لا يمكن تكون بنت عناد

ملوك بتأيد : اكيد وحده نصابه تبغي كم قرش وانتوا صدقتوها

عبدالرحيم : هي بنت عناد ما نقدر ننكر ذا

الجوهر بعصبيه : لا و الف لا ااااااا ذي نصابه اجل فيه وحده تشبه وحده كذا اكيد مسويه عملية تجميل و جايه

هنا تصب علينا و انتوا صدقتها

عبدالرحيم : يا ام بدر جسار عمل التحاليل بدل المره 3

الجوهر : كذب زي ما كذب وقال انه نادر و فارس اولاد عناد

فارس : انتي ايش تبغي منا خلينا بحالنا

الجوهر : ابغاكم تطلعوا من حياته يا عيال العقربه

فارس : خلاص و حنا بنطلع ذلحين

عناد : ومن عطاك الحق تقرر

فارس : مب سامعها ايش تقول

ام عبدالرحيم إللي تكلمت اخير قالت : بـــــــــــــــــــــــــــــــس خـــــــــــــــــــــــلاص ما عاد لي حشيمه

بينكم ولا كأني واقفه بينكم

صارخت ببنتها : المها جيبي جوالي و اتصلي على جسار

اتصلت المها و عطت امها جالها صوت جسار : هلا والله عمتي النور

ام عبدالرحيم : هلا فيك يا ولدي

جسار : ما اتصلتي إلا اكيد عرفتي بالخبر ؟!!

ام عبدالرحيم : اي عرفته

جسار : احب اقولك حاجه يا عمتي الانسان يستطيع يزور اي شي بالعالم يقدر يزوره إلا 2 ما قدر على

تزويرهم الشفره الوراثيه و البصمه

ام عبدالرحيم : يعني ..

قال : اي ذي بنت عناد ولا غبار على هذي الحقيقه إللي لازم تعترفوا به باسرع وقت

سكرت ام عبدالرحيم الجوال و قعدت تفكر

خلونا نوصف شعور حد كان ســــــــــــــاكت ما تكلم ولا ناقش حس كأنه مويه بـــــــــــــــــــــارده نزلت عليه

بمجرد ان طاحت عينه على بوني او البنت إللي دخلت مع فارس لا لا يمكن ان يعود الماضي لظهور لي من

جديد لماذا يا ربي هل هو عقاب على فعلتي ام اماذا انها تشببها شبه كبير انا خائف نعم انا خائف كثيرا خائف

كثيرا

فتح الزرار الاوله لثوب و حاول اخذ نفس عادي لا اريد لتلك الكوابيس بالعوده لي من جديد مسح العرق

من جبهته و حاول ان يكون هادء قدر الامكان

-.-.-.-.-.-.-.-.-.-.-.-.-

مر اسبوع كامل على الاحداث

تقبلت العائله بدرجه ما و جود بوني بينهم مع بعض الحساسيه التي تحدث نتيجة عدم التعود عليها حتي الأن و

طبعا ملوك و الجوهر كانوا غير راضين على وجودها حتي الان

جهاد خايف و رجعتله الكوابيس من جديد بعد ما تخلص منها بفضل الله و رحمه عليه ولكن بس شاف بوني

رجعته الكوابيس

عناد كلم اخوه عبد الرحيم و استانس عبدالرحيم و حمد ربه كثير انه لطف بحاله هو مع بنته الحين يقدر يتطمن

عليها و يرتاح

ملوك خبرة او كذبت على جهاد وقالتله انها حامل بولد و جهاد طار من الفرح محدن قده يا ناس اخيرا بيجيب

الولد قالتله يتراجع عن الزواج بما انها حامل بولد بس هو رفض

اما بوني او النور لانه ام عبدالرحيم عجبها انه اسمها النور احسن من جناني فاتصلت على المحامي بارني و

بلغته انه ينقلها لقصر عناد هي مب جايه عشان تعيش بقصر العائله هي بتعيش عند الجوهر

فارس تحسنت حالته واجد عن قبل وهو مستانس بوجود اخته النور معه

-.-.-.-.-.-.-.-.-.-.-.-.-

في قصر عبدالرحيم

قال لزوجته وش قاله عناد : يعني ذلحين بدر خطب المها ؟!!

عبدالرحيم : اي و يبغي يعرف راي المها عشان يتقدمون رسمي

النوري : مانب مصدقه الجوهر قالت الزين واخوك ذلحين يقول المها !!

عبدالرحيم : والله ما ادري بس يمكن بدر ما يبغي الزين لانه إللي اعرفه انه عناد لا يمكن يغصب واحد من

اعياله على الزواج مثل ما غصبه ابوي الله يرحمه

النوري سكتت

عبدالرحيم : ذلحين روحي شاوري المها إذا موافقه او لا

النوري : بدون ما اسأل موافقه اكيد

عبدالرحيم : روحي يا مره قوليلها وش راح تخسرين يالله قومي

النوري بابتسامه : خلاص ذلحين بقوم

قامت و صعدت لغرفة المها

؛؛

في قصر العائله

كانت تتسلل بكل هدوء حتي لا يراها احد ارتدت العباله و تلثمت و بدأت تخرج على اطراف اصابعها في هذا

الوقت الكل يكون باجنحتهم اما ليرتاحوا او يناموا تسللت وهي تمشي و تتلفت وكانت تدور في ذهنها اغنية

بيك بانتر النمر الوردي اغلقت باب القصر بهدوء حتي لا يصدر صوت عالي

خرجت من اسورا القصر و تنهدت براحه انتقلت للفيلا المقابله للقصر ودخلت له و شاهدت جدتها قاعده

قالت : صباح الخير امي

ايملي : صباح الخير بوني لقد اقلقتني عليك ما الامر لماذا تاخرتي بالقدوم ؟!!

بوني : انتظرت حتي يصعد الجميع و حضرت

ايملي : كيف حالك الان ؟!..

بوني : لا تقلقي انا بخير بضعة ايام فقط و انتقل للعيش بقصر عناد و الجوهر سوف تتمني الموت

ايملي : كوني حذره

بوني : لا تقلقي انا اكثر من حذره

شاهدت بوني الساعه وقالت : انا سوف اخرج الان حتي لا يشعروا بتغيبي اراكي غداا

خرجت بوني هكذا حالها من ان عاشت عند قصر العائله لبعض الدقائق تقضيها مع بوني و ترحل بسرعه

خرحت بوني للعوده للقصر و ما ان حطت قدمها حتي شعرت بيد تمسكها

؛؛

stop

بسم الله الرحمن الرحيم

بالاول اعتذر غالياتي على التأخر في نزول الكره ال8

لكل منا ظروف تطرئه للغياب المفاجئ لا احد يعرف هذه الظروف او كيفها لذلك انا اعتذر عن

التأخر بسب ظرف اصبت فيه

اتكم مع الكره

.. الكره ال8 ..

في مجمع الصحاري

كانوا البنات قاعدين في ستار بوكس عشان يبدون التسوق لعرس عمهم جهاد كل وحده كانت قاعده تشوف ايش

راح تكمل فيه الفستان من بعد ما يخلص من المشغل

المها 1 : و الله حرام ليه ما قلنا لبنت عمنا الجديده انها تجي معنا بس حنا جينا ؟!!..

الجوري : لا يبه وش بنت عمنا بعد ما في غير المها 2 و الغزال و الظبي غير بنات عمي عناد ذول ما اعترف

المها 1 : اقول اكرمينا بسكانك انتي يا الجوري والله ما يعحبك العجب وانتوا .. وجهة كلامها لبنات عمها

عناد : ليه ما تكلموا اختكم صارله فوق الاسبوع قاعده قد مره اتصلتوا تطمنوا عليها ؟!..

الكل سكت محدن تكلم

الجوري : يعني انتي إللي كنتي تتصلي مثلا ؟!!..

المها 1: اي الحمد لله كل يوم اتطمن عليها من عمتي المها تقول انها تكسر الخاطر بس تلعب بالحديقه لا تنسوا

ان عقلها صار على قدها

المها 2 : والله يا المها 1 ودي اكلمها بس خايفه انا مو عارفه شلون احدد لك مشاعري ؟!.. مشاعري متضاربه

تخيلي تنامين تقومين تصير عندك اخت

الظبي : ليه نتعب نفسنا وحده بزر وش نبغى فيها ؟!..خلها بالبيت انا اقول احسن

الزين تدخل : ما ادري من يتكلم انسه الظبي ما وصلتي ال18 و تقولي كذا اجل لو وصلتي ايش راح تعملي ؟!

الظبي : الزين انا كبيره بعقلي مب عمري و بعدين البنت ذي مب عمرها 19 يقولن عقلها عقل بزر

الغزال : انا ما ادري ايش اعمل احس اني ودي اكلمها و اشوفها بس اشوفها اتراجع كأنه شي يمنعني عنها

المها 1 : ذي كلها اثار الصدمه صدقوني بس تروح راح تبدوا تتغيروا معها

ليلي إللي كانت قاعده تشرب الموكا مو معطيه اي اهميه لكلام البنات مع انها كانت تفكر ببوني بس كانت

تفكر بينها و بين نفسها

اما الجوهر كانت تناظر لطاوله المجاوره دون ان يشعر احد لها تسرق نطرات مسروقه نحوه ذلك الشخص

نظرات محرمه محرمه على النظر وهو يبادلها مثل هذه النظرات

.{.

.}.

.{.

عند الشباب

إللي حضروا مع البنات

عابد : جاسر ايش فيك يا اخي ذا وانت علم نفس يعني لازم تقعد تحث الكل على انهم يكلمون البنت

جاسر : والله ما ادري يا عابد لحد الان مب متقبل فكرة وجودها و امي بالقصر كل يوم صراخ مع ابوي عنها

يا اخي جت و جابت المشاكل معها

عابد : بس يا جاسر مثل ما تفكر بنفسك و بعائلتك فكر شوي بفارس انت ما شفته شلون تغير فارس صار

شخص ثاني محب للحياة فرح كله يضحك مع النور انت ما شفته بنفسك ما لاحظت التغير الكبير عليه ؟!..

جاسر قعد يفكر بكلام عابد معه حق فارس تغير من قدوم النور لنا صارت الفرحه ما تفارقه مب مثل قبل

الحزن كاسي قلبه بس امي كيف ؟!!..

صقر : على العموم هي ما راح تظل واجد بالقصر عنكم

عابد سكت و استغرب جاسر وقال :ليه ؟!!..

صقر : المحامي اتصل على ابوي وقاله انها لازم تسكن عند ابوها مب عند جدتها و في رجاجيل غرب يعني

يقصد عابد و نارد

جاسر : يعني النور راح تعيش معنا !!!

صقر : اي راح تعيش من بكره راح تنتقل لكم

جاسر سكت مب قادر يعرف شنو يقول قدوم النور راح يجب المشاكل بزياده ولكن الاهم امي لن تترك بوني

لوحدها سوف تضايقها ولن تتركها لحالها

؛؛

في المستشفي

دخلت على الغرفه التي يرقد بها بسلام دون ازعاج من احد تقدمت بهدوء و طبعت قبله على جبينه مشبعه بالدموع

يا نادر يا صغيري ماذا فعل بك ذلك العنيد كيف يجرأ على الاقدام على ذالك انه بلا قلب او ضمير لكي يفعل

بك ذلك نظرت له بتمعن جسد كبير ولكن عقل و قلب صغير

قالت : لقد عاشت على امل ان اجدك انت و اخيك افضل من هذا ولكن عندما رأيتكم صدمت بالواقع الذي حدث

صدمت اني كنت اعيش بوهم انا صنعته بيدي بدون ان اشعر لا لا لن انكر لقد كنت اشعر و اعرف ولكن كنت

اتفائل انكم سوف تكونون بخير ولكن كنت مخطئه

مسحت ادموعها و بعيونها نظره اخيره : لقد كنت بالسابق الوم بوني على رغبتها بأخذ حق امها ولكن الان لن

الومها على شي اريدها ان تأخذ ذلك الحق المغتصب من ابنتي و منك انت و فارس

طبعت قبله اخري وقالت : اطمئن يا نادر و نم بسلام فهناك من سوف لن يترك تلك العائله تنام

خرجت من الغرفه و في طريقها للخروج صادفت فارس الذي كان قادم لنادر ابتسمت له بكل حب وهو يعبر

دون ان يعلم بوجوها او يعرف من هيا

؛؛

في قصر العائله

ام عبدالرحيم تكلم المها و تقول : يا المها لازم نلقي حل عشان ترجع تعيش البنت معنا هنا انا ما أمن عليها عند

عناد

المها بصدمه : يمه وش تقولين ذا ابوها كيف ما تامنين عليها عنده ؟!..

ام عبدالرحيم : والله ماضي ولدي مع اعياله ما يشرف ولا يشجعني اني ارجع البنت له اخاف يكون مصيرها

زي نادر او فارس

المها : يمه لا تفاولي تفائلي بالخير يا ام عبدالرحيم و احمدي ربك

ام عبدالرحيم : الف حمد له و شكر بس همن ما راح يهدالي بال إلا لا لقيت الطريقه إللي ارجع فيها البنت

عندي هنا وناظرت لنور إللي كانت قاعده تلعب بعروستها و العابها في المجلس تحت

بوني كانت قاعده تسمع كل كلمه تنقال و تضحك من كل قلبها على غباء هذي العائله ناظرت لام عبدالرحيم و

المها الجالستين في المجلس وقالت في نفسها اهتمامكم الكذاب ذا ما راح يخدعني ولا راح يأثر فيني انتوا

بالكذب تأخذون جوائز و اوسمة شرف بعد بس مب على بوني

ناطرلت لفارس إللي دخل و بتسمت له وهو يتقدم لها و يطبع قبلتين على خدها و راسها وقال : كيف الحال اليوم

يا انونه ؟!..

النور بأبتسامه : تمام تمام

وقامت وهي تمسك العروسه وتقول : نانه - تقصد ام عبدالرحيم _ نانه

ام عبدالرحيم : يا عيون نانه

النور : لعاب انا ابي لعاب .. ولفت لعمتها المها : لعاب

المها تمسكها و تقعدها جمبها وقالت : افاا بس انون تبغي العاب خلاص من بكره لمن نوصلك لبيت بابا نشتريلك

فارس بحزن واضح : خلاص يايمه راح تروح النور ؟!!

المها : اي ..

قاطعتها ام بعدالرحيم : لفتره مؤقته يا فارس وراح ترجع لهنا و قول امي ما قالت

فارس : صح يمه راح تقعد عندنا

ام عبدالرحيم : اي صح ولا عاد اشوف العبوس على وجهك بعد الابتسامه

.{.

.}.

.{.

في البوابه دخل بسيارته الفاخره و هو يتذكر ذلك الموقف الذي قد حصل بينه وين تلك الفتاة الصغيره

.-.-.-.-.-.-

مسك يدها و هو يقول : انتي ايش تعملي هنا ؟!!..

تلعثمت بالبدايه و ظلت ساكته ما تكلمت

عصب شوي لانه ما يحب يسأل حد و ما يجاوبه : انتي هي انا قاعد اكلمك ليه ما تجاوبين هاا ؟!!.

ابتسم بمكر وقال : اهاا ولا اقول عرفت ذلحين انتي كنتي ناويه تشردين ؟!

انصدمت من تفكير هذا الشخص وقالت : انا ألعاب

قالها : تكلمي بالاول عدل تصرفاتك ذي ما تمشي علي ..و بنظره : انا شاك فيكي

ناظر للفيلا إللي شافها تطلع منها وقال : ايش كنتي تعملي بذي الفيلا ؟!..

قالت له : انا العاب ابي العاب

مسكها من يدها و دخلها لداخل و طلع هو لبره ناظر للفيلا بتمعن هو إللي اعرفه انه ذي الفيلا مهجوره محد

ساكنها

التفت لها وقال : راح اسألك للمره الثانيه ايش كنتي تعملي ؟!..

قعدت تفكر شلون تتخلص من هذي المصيبه نزلت دموع التماسيح بالغصب عشان تقدر تقنعه بخطتها السريعه

إللي خطرت على بالها الحين و بشهقات مصطنعه لتكمل مسيرة التمثيليه قالت : تيدي ضاع ابي تيدي

عقد حواجبه وقال : منو تيدي ؟!..

قالت وهي تكمل مسرتها بالتمثيل : تيدي لعابي انا ضاع مني

قعد يناظر لها لدقيقه و يتذكر الدميه إللي معاها بكل الوقت التفت حوله وقالها : فين ضيعتيها انتي ؟!..

ابتسمت و اخيرا ابتلع الطعم : ما اذكر كل إللي اذكره انه كنت العب فيها هني و انهت الجمله بشهقه

قالها : خلاص وقفي بكي خلينا ندور عليها يمكن نلقاها هنا ولا هناك

و جلسوا يبحثوا في الحديقه و عند السور ولكن ما من اثر لدميه لانها بكل بساطه لم تضع من النور او بوني

خرج عابد إللي شاف النور ونادر في الحديقه قال وهو بسيارته : خير نادر في حاجه ؟!..

نادر قاله : لا بس بنت عمك المصون ضيعت لعبتها و قاعدين ندور عليها

عابد قال : خلاص دخلها لداخل حر الجو وانا راجع اشتري لها العاب من لعبه وحده بس

نادر : لا انت روح انا راح اشتريها

عابد بابتسامه ولهجه مصريه : اخ يا بو قلب رهيف انت يا رهيف

نادر بعصبيه مزيفه : اقول يا البزر كفايا علينا بزر مبتلشين بها

عابد يضحك : خلاص خلاص سلام

خرج عابد و توجه نادر لنور وقالها لها تصعد عارضة ولكن بالنهاية رضخت

.-.-.-.-.-.

يتبع ,,,

👇👇👇