رواية اول انسان احبه -14
الجزء الثاني والعشرون
احمد: مامااااااااااااااااااا
ام احمد: اية يا ابني صوتك عالي ليه
احمد: مستعجل ومش عارف حاجاتي فين يا ريت تساعديني انا مبحبش حد يدخل اوضتي ويغير نظامها وقلت مليون مرة الشغاله تنضفها وبس
ام احمد: خلاص قولي انت عاوز ايه
احمد :خلاص لقيت اللي كنت بادور عليه انا هانزل بقي عشان ماتاخرش ولو جد جديد بلغوني بالتليفون
ام احمد: طيب ربنا يسعدك واهدي كده مينفعش التوتر اللي انت عامله ده عليا ممكن ترجع فكلامها لو شافتك بالمنظر دخ
احمد: سوري يا حبيبتي بس قلقان اوي يللا انا هانزل سلام
باسها ونزل بسرعه يشوف مشاويره عشان النهارده يوم مهم جدا جدا فحياة احمد وعليا النهارده الخطوبة اللي استناها من زمان
******
عليا: ماما يللا هنتاخر عالكوافير لسه قدامنا شغل كتير
رقية: روحي انتي وداليا وانا هاتمم عالبيت واظبط الامور واجيلكو هناك
عليا: اوك ....داليااااااااااااا
داليا: يا ربي يا بنتي المفروض يبقي فيه شوية كسوف النهارده مش الانقلاب اللي انتي عاملاه ده
عليا: هتخلصي ولا اسيبك وامشي
داليا: طيب اعمليها كده وانا هاعرفك مين داليا ساعتها
عليا شدتها من ايدها: يللا بس يعني هتعملي ايه
رقية: بالراحه عليها انتي ناسية انها حامل
عليا: يعني جابت الديب من ديلو سلام يا ماما
داليا: ماشي صبرك عليه بس
عليا: هههههههههههههه
*******
خرجت عليا راحت الاوتيل اللي هيعملوا فيه حفلة الخطوبة وكان الكوافير مستنيها وبداو شغل فورا
طبعا الفستان كان من عند دانة تصميم مخصوص لعليا وهدية منها ليهم فالخطوبة كانت رقية معترضة عالفستان بس لما شافته غيرت رايها واقتنعت بيه
عليا ورقية وعبد الرحمن طلبوا من دانة تيجي مع غاده وايهم يحضروا الخطوبة ودانة قالت انها هتحاول تيجي
فالمطار
ايهم: ايه يا دندون وحشتك مصر
دانة: عادي واللهي هنا مليش حد وهناك مليش حد متفرقش بقي مصر او غير مصر
ايهم: ايه التشاؤم ده شكلي هارجعك باريس تاني
هنا: ايهم سيب دانة فحالها وبطل تقل دمك ده
ايهم: انا دمي تقيل ماشي يا حلوين شوفوا مين اللي هيخرجكو وينفذلكو طلباتكو بعد كده
دانة: لا انت لو صدقت تبقي فعلا دمك تقيل احنا بنهزر يللا خلص بس الاجراءات دي عشان نروح الاوتيل ونرتاح قبل الخطوبة
غادة: قلتلك نيجي من يومين انتي اللي رفضتي
دانة: الشغل مبيرحمش وانتي كمان يا دودي متابعه الشغل وعارفه اننا عندنا ضغط دلوقتي مكانش ينفع نيجي غير النهارده وكمان انا مضطره ارجع بكرة
ايهم: متستني نروح سوا
هنا : ايييييية يا جماعه مش نروح الاوتيل الاول ونرتاح وبعدين نتكلم فالحوارات دي انا تعبت وعاوزة انام
غادة: يللا يا اولاد نمشي مينفعش كده
ايهم: انا مش عارف سليم الندل ده مجاش يستقبلنا ليه
دانة( اهو ده اللي ناقص انا مش عاوزة اشوفه اصلا يدوب فالحفلة وربنا يستر )
ايهم: الو فينك يا ندل
سليم: انا قدامي ربع ساعه واوصلكو الطريق كان زحمة جدا معلش
وصل سليم المطار
سليم: حمد الله عالسلامة
ايهم: الله يسلمك حلو الاستقبال بتاعك ده مشرف اوي هيتردلك ان شاء الله
سليم: اسف اوي يا دودي الطريق كان زحمة فظيعه يللا بينا عشان نلحق نروح البيت وترتاحوا
غادة: لا يا حبيبي مفيش مشكلة
ايهم: لا فيه مشكلة طبعا
سليم يشده من قميصة: يللا بس بلاش كتر كلام مش كنتوا جيتوا امبارح كان اريح ليكو
ايهم: حكم القوي بقي
خرجوا واتحرك سليم من المطار
كل شوية يرفع عينه للمراية يشوف دانة بس دانة بتتفرج من الشباك علي اللي رايح والجاي كان بيتمني لو يقدر يتعامل معاها زي زمان
زمان كانت دانة هيه الملهوفة عليك يا سليم دلوقتي الاية اتقلبت وبقيت انت الملهوف ودانة كانت خايفة من اللقاء بعد الطلاق بس لما اتقابلوا محستش باي ندم عالطلاق بالعكس اكتشفت انها قدرت تتعامل معاه عادي
سليم: نورتوا مصر
غادة: ده نورك يا حبيبي
سليم: معليش هاوديكو البيت ترتاحوا واروح لاحمد محتاجني
دانة بهمس لغادة: قوليلة يوصلني الاوتيل الاول
غادة: طيب ...... سليم دانة هتروح الاوتيل مش البيت وصلها الاول
سليم: اوتيل ايه والبيت موجود يا دانة
دانة: انا حجزت فالاوتيل اللي فيه الخطوبة خلاص
سليم: الغي الحجز تسيبي بيتك يعني وتروحي تقعدي فاوتيلات انتي عاوزة بابا وماما يزعلوا منك
دانة: معلش خليني علي راحتي
سليم: هنروح البيت الاول ولو اقنعتيهم ابقي اوديكي انا اصلا رايح الاوتيل لاحمد هتبقي فطريقي
راحو البيت ورقية سلمت عليهم وبعد الترحيب والسلامات
رقية: عيب اوي تقعدي فاوتيل واحنا موجودين يا دانة ليه هوه احنا مش اهلك
دانة: والله يا ماما بجد انا هابقي مرتاحه هناك اصلا انا طيارتي بكرة الفجر ومحتاجة ابقي علي راحتي اكتر
رقية: كده مش هنلحق نقعد معاكي يا بنتي
دانة : والله مشغولة جدا ولازم ارجع انا اخدت النهارده اجازة بالعافية عندي طلبيات لازم تتسلم وسيزون لا زم الحقة وحاجات كتير والله يا ماما لما هافضي اوعدك هابقي ازورك
رقية: براحتك يا دانة انا مش هاغصبك بس هاستني تنفيذ الوعد يا بنتي
خرجو كلهم وراحو الاوتيل
*********
المصور (سمير) يااه من زمان مجبناش سيرته طبعا هوه ورا دانة خطوة بخطوة وراح وراها مصر وكالعاده بيصور ويبعت الصور للشخص المجهول
...........: رح جن منا والله ليش راحتلو
سمير: انا متابعها لحظة بلحظة وصلوا ع بيته بالاول وتركو ايهم وعيلته وبعدا راحوا اتنيناتن عالاوتيل ولهلأ ما طلعوا
.........: شو ليكون رجعوا لبعض دايم معلوماتك ناقصة يا سمير
سمير: انا متاكد انها ما رجعتله بس ليش راحوا عالاوتيل ما بعرف رح انتطرن لبين ما يخرجوا ونشوف
.........: اي تطور بلغني بيه فورا فاهم سمير
سمير: امرك
********
جوليا : تيم حبيبي من بكرة رح تروح مدرستك بدي اياك تشرفني وترفع راس الماما بأدبك وتفوقك كرمالي حبيبي
تيم: من عيوني يا احلا ماما بس بشرط
تيم الكبير هنسمية تيم 1 والصغير تيم2
تيم1: هلا والله كبرت وبتتشرط يا روح خالك
تيم2: انا كبييييير كتير
جوليا: وشو شرطك ان شاءالله
تيم2: بدي اروح لدانة فالويك اند
تيم1: والله شايفك اخدت علاروحه لعندا
تيم2: هاي رفيقتي بحبها وبتحبني شوبك
جوليا: اوك حبيبي بس وريني شطارتك وبتكون مكافئتك مشوار لدانة
تيم2: تعيش المااااااااااما
تيم1(والله واتعلقت فيها يا تيم لكان انا شو بسوي اشتقتلا كتير): تيم حبيبي روح ع غرفتك بدي احكي مع الماما شوي لحالنا
تيم2: اوك
بعد ما خرج تيم 2
تيم1: جوليا شو رايك بدانة
جوليا : صاير مهتم كتير فيها وما بتحكيلي شي شو القصة تيم
تيم: جوليا انا ما بعرف شو قصتي معها بس شاغله بالي وتفكيري اكبر جزء منه فيها لدرجه اني بافكر يكون بينا شغل باي شكل بدي اعرفها
جوليا: وسوزان يا تيم
تيم بألم: جوليا سوزان ماضي
جوليا: تيم انت شفت دانة مرة واحده كيف اتعلقت فيها
تيم: جوليا تعالي معي
دخلوا غرفة سرية داخل جناح تيم فالقصر
جوليا: شوووووووووووو تيم انت جنيت
تيم: جوليا غصب عني والله مبعرف شلون سويت هالشغلات بس اسمعيني وافهميني
فالاوتيل
دق الباب وفتحت داليا
دانة: ازيك يا داليا
سلمت داليا عليها وباستها وهيه قلقانه من وجودها لانها حاسه بحب سليم ليها
داليا: تمام والله ادخلي جوه للعروسة
دانة: يا عروستنا يا حلوة فينك
عليا: هنا يا دانة تعالي
دانة: يا لهوي عالقمر ايه بس الجمال ده حرام عليكي راح فيها العريس
عليا: ايوة ايوة كبري في دماغي كده عشان اروح اتغر عليه واطفشه
داليا: صبرك عليه امال لما اوريله صورك بالماسكات وشعرك المنكوش
دانة: ههههههههههههههه يا حرام طار العريس
عليا: ماشي يا داليا هاوريكي بس اما اخلص بس
داليا :عشان تحرمي تفكري تسيبيني وتمشي
دانة: ايه اخبار الفستان
عليا: تسلم ايدك
داليا: انا هارتاح شوية ضهري بدا يتعبني ولسه الليله طويلة
عليا: لا روحي انا مش ناقصه كلام من سليم عشان خاطرك انتي وابنك
دانة انصدمت من حمل داليا: الف مبروك الحمل مكنتش اعرف
داليا: الله يبارك فيكي عقبالك ان شاء الله
دانة: ان شاء الله عن اذنكو هاروح ارتاح عشان انا جيت من المطار عليكو ومنمتش من امبارح
راحت دانة اوضتها وهيه بتفكر فحمل داليا (اخر حاجه توقعت اسمعها ان داليا حامل بس ليه يعني ماهي مراته .....طيب وسليم اللي كان بيقول بيحبني.......بيحبك ايه يا بنتي وهوه اتجوز ونساكي اصلا انتي بتضحكي علي مين.......يووووووووه بس بقي دماغي صدعت ما انا كنت مرتاحه فباريس من غيره ......فعلا كنتي مرتاحه من غيره ومفكرتيش فيه الا اما عرفتي بحمل داليا ايه رجع حلي فعنيكي .... لا خالص بالعكس حاساه عادي بس مهما كان الواحدة لما بتحس ان فيه راجل بيحبها بتتفاجيء لما يتجوز غيرها او يبقي عنده اولاد بتبقي عقدة امتلاك مش اكتر... خلاص بقي اطلع من دماغي يا سليم انت اخويا وبس انت مش صورة فارس احلامي اصلا.... فارس احلامي يااااااااااااه من زمان مفكرتش فيه ....لازم يكون حنون بس مجنون يعني يفاجئني يجنني يشغلني يحيرني ولازم يكون طيب وحساس ....... وف نفس الوقت يكون قوي وشخصيته ترعبني انا عاوزة سي السيد الغيور المرعب وعاوزة روميو الرومنسي ميكس غريب ....... نامي بقي بطلي تفكير..... والله انتي اتجننتي )
***
مر الوقت واستعدو كلهم للخطوبة عليا كان فيتانها منتهي الاناقة والرقة في نفس الوقت لونه ذهبي ماسك من الصدر ومطرز بالذهبي والاورانج وشيفون ذهبي تحتالصدر لتحت الارداف ملفوف لف مكسر ويبدأ يوسع من تحت الارداف واكمامه شيفون ذهبي مطرز بالاورانج وشعرها كان مرفوع بطريقة كلاسيكية انيقة ولونه كان بني وفيه خصل شقرا ومكياجها كان بونزي روعة واكسسوار الفستان كان حلق اورانج كبير وخاتم اورانج كانت فمنتهي الاناقه والانوثة
دانة كانت لابسة فستان ازرق حرير ماسك علي الجسم كله وكان مزين بطقم الماس وشعرها كانت رافعاه شينيون رقيق وحاطه فيه وردة زرقا عليها قطرات ندي فضية لامعه ومكياجها كان هادي وانيق
داليا كانت لابسة فستان فضي ماسك علي الصدر وبعد الصدر يوسع بشيفون كان فستان مناسب للحمل عشان تبقي مرتاحه وشعرها كانت قاصاه وعامله سيشوار وكان ويفي بشكل رقيق كانت طالعه جميلة والحمل محليها
احمد وسليم وايهم كانوا رموز الاناقة
بدات الحفلة وكانت داليا مع سليم وايهم ودانة وهنا مع بعض وكانت حفلة هادية ومميزة لبسوا الشبكة وقطعوا التورته ورقصوا وانبسطو وكان سمير فالاوتيل وشاف دانة وهيه معاهم وصور كل حاجه وبعتها لمجهولنا العزيز
مرت الحفلة بسلام والعرسان روحوا كل واحد بيته واتفقوا ان احمد هيتغدي مع داليا تاني يوم
ايهم فضل فالاوتيل هوه وسليم عشان يوصلوا دانة المطار
ودانة طلعت غيرت هدومها واستعدت للسفر
ورجعت باريس ومعاها المصور وانتهت رحلتها السريعه لمصر اللي مكانش فيها اي فرصه انها تحتك بسليم وكانت مرتاحه لبعده ومكانش شاغل اي جزء من تفكيرها
بس سليم كان معجب بيها وبجمالها فالفستان الازرق وشعرها الكستنائي المرفوع باناقه وطقم الالماس اللي هياكل من جسمها من جماله عليها كان يتمني تكون مراته بس قدره انه ينحرم منها داليا حست انه لسه بيحب دانة بس طول الحفلة محاولش يحسسها بحاجه بالعكس كان مهتم بيها جدا بس نظراته لدان كانت مفضوحه عند داليا اللي قررت انها تكسبة وتنسيه دانة وايام دانة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سمير: انا اتاكدت انها مازالت مطلقة وزيارتها كانت لحضور الخطوبة فقط حتي مانتظرتش تاني يوم بعد الخوبة بساعتين كانت علي اول طيارة لباريس وسليم ماتكلمش معاها كتير فالفرح كان معاه واحده شكلها مراته وكمان حامل
.......: طيب ابعتلي الصور وضلك وراها وياريت تعرف اخبارها اكتر من هيك بدي معلومات مؤكده
سمير: حاضر
***********
بعد اسبوع
ايهم: لقيتلك مزرعة جنبي جنان صغيرة وفيها كرمة عنب واسطبل خيل غير المساحات الخضرا
دانة: خلاص نروح نشوفها بكره جايز تعجبني بس فيها العمال اللي هيهتموا بيها ولا لا
ايهم: فيها كل حاجه وانا اتفقت مع العمال انهم هيفضلوا فيها عشان يهتموا بالمزرعة
دانة: تمام خلاص اشوفك بكرة
ايهم: مرتاحة فشقتك
دانة: هيه بعيدة شويه عن الشركة بس عادي العربية موجوده والمنطقة راقية وجميلة
ايهم: خلاص هافوت عليكي بكرة نروح المزرعة
********
سليم: احمد باشا منورنا ولا ايه
احمد: اكيد
سليم: شايف ان رجلك خدت عالبيت اوي
عليا: سليم ايه اللي بتقوله ده
سليم: وانتي مالك صاحبي وانا حر فيه ولا ايه يا احمد
احمد: لا متقلقيش نفسك يا عليا انا ممكن اشيله ارميه برا البيت اصلا
سليم: واللهي انتو هتعملوها احزاب ولا ايه ماشي يا احمد شوف مين اللي هيشيل عنك الشغل اللي انت مزوغ منه عشان تقعد مع البرنسيسة
احمد: مكانش ملف اللي قلتلك خلصه ده انت هتذلنا بيه
سليم: لا انا بس بافكرك قلت يمكن نسيت ان لولايا انا كان زمانك بين الملفات بدل الوش الجميل اللي قاعد معاك
احمد: بصراحة التزويغة دي احلي تزويغة فحياتي نردهالك فالافراح
عليا اتكسفت
سليم: ايه ده استني استني اختي العزيزة عشرة عمري بتتكسف ووشها بيحمر
عليا: سلييييييييييييييم
سليم: خلاص سوري سوري قطعت عليكو جلستكو الرومانسية الشاعريه يا قطاقيط هاطلع اشوف مراتي احسن من القعده معاكو
احمد: انا باقول كده بردو
سليم: ماشي بس خليك فاكر
عليا: روح بس داليا عاوزاك
سليم: اتفقتوا عليه انتو الاتنين ماشي يا حلوين شوفي مين اللي هيذاكرلك
احمد:مستغنيين عن خدماتك وانا هاذاكر لمراتي من هنا ورايح
راح سليم عنهم
احمد: اي مشكلة فالدراسة يا ريت تعرفيني وانا اساعدك
عليا: ماشي انت اللي طلبت اتحمل نتيجه افعالك انا عندي امتحان اخر الاسبوع وسليم هوه اللي كان بيذاكرلي لان الماده تقيلة
احمد: طيب روحي هاتي كتبك نذاكر
وقعدوا يذاكروا وبدل ما تبقي قعدة رومانسية يتقربوا فيها الخطيبين من بعض بقت حلقة مذاكرة وربنا يعينك يا احمد
******
سمير: انا ماشي وراها بس دول خارجين بره باريس
..........:خليك وراهم
(ياترا رايحه فين يا دانة مع ايهم )
*******
وصلت دانة وايهم المزرعة اتفرجت عليها وسمير بيصورهم ورجعت باريس بعد ما ااتفقت مع صاحب المزرعة انهم يبداو اجراءات البيع ونقل الملكية
.......: يعني انت ديما معلوماتك ناقصه ليه لازم تعرف كانو هناك ليه وابعتلي الصور
سمير: تحت امرك
وبعت الصور اللي من خلالها كان واضح ان دانة بتتفرج عالمزرعه ومعاها ايهم وصاحب المزرعة
********
داليا : سليم حبيبي انا عاوزاك تفضالي الساعه 8 عندي مشوار ضروري نعمله
سليم: داليا انا مشغول لو عندك حفله فالنادي ياريت تاجليها انتي حامل مينفعش نظام حياتك القديم ده
داليا: معلش ضروري جدا تفضيلي نفسك الساعه 8 واوعدك انك هتنبسط اوكي
سليم: حاضر هاحاول افضي بس مش هنتاخر بره
داليا : حاضر
********
الساعة 8
داليا نزلت لسليم واكنت لابسة فستان اوف وايت نفس الموديل بتاع اليسا فمهرجان الدوحة 2011 وكانت عاملة شعرها زيها وكانت حاطة شال حرير عالفستان
سليم:هوه فيه فرح وانا ماعرفش
داليا: وحياتي ممكن بس تسمع كلامي واصبر هتعرف فيه ايه فيه بدلة عالسرير فوق اطلع البسها وتعالا بسرعة
طلع سليم يلبس
ونزلوا
داليا: اطلع بينا عالشيراتون
سليم: حاضر بس منتاخرش عندي شغل الصبح ممكن
داليا : متقلقش
بعد ما وصلوا دخلو المطاعم وكانت داليا مرتبه سهرة حلوة متفقة مع المطعم علي اكل معين وتورتة
سليم: هوه احنا عندنا مناسبة وانا معرفش عنها
داليا: ايوة
سليم: مش فاهم
داليامسكت ايده : المناسبة اني بحبك وسعيدة معاك
سليم:........
داليا: سليم انت مش مجبر تقولي بحبك كفاية اني بحبك وحامل فابن منك انا عارفة اني كنت غلطانة فطريقة حياتنا قبل كده بس دلوقتي عاوزاك تعرف اني ميهمنيش فالدنيا غيرك وغير وجودك جنبي بتحترمني وتخاف علي مشاعري الحب بيجي مع الوقت المهم الاحترام والعشرة الطيبة
سليم: داليا انتي بنت عمي قبل ما تكوني مراتي وانا منكرش اني متفاجئ من كلامك بس سعيد جدا بيه
داليا رفعت ايده وباستها : سيبلي نفسك يا سليم وانا هاثبتلك اني بحبك واني اتغيرت عشانك وعشان بيتنا وابننا او بنتنا
سليم ضغط علي ايدها ووقف ووقفها معه وباس راسها وخرجوا من المطاعم
داليا: سليم لسه مش هنروح دلوقتي فيه حاجة اخيرة
وراحت للريسبشن جابت منهم مفتاح جناح فالاوتيل كانت مظبطاه مه صاحبتها ريهام بالورود والبالونات كان فمنتهي الحالمية وقضوا ليلتهم فالاوتيل سوا
*****
بعد يومين
سمير: المدام اشترت المزرعة اللي كانت فيها وكانوا النهارده بيسجلوا عقود البيع فالمحكمة
......: هيك .طيب سكر انت هلأ
قفب مجهولنا من سمير واتصل علي مدير اعماله
وطلب منه؟؟؟؟؟؟؟؟؟؟؟؟ (سر هاخبيه شوية عنكو)
دانة: سيلفيا اي مواعيد فالاسبوعين الجايين الغيها انا
سيلفيا: اوك مدام اساسا مافي اجتماعات مهمه الاسبوعين الجايين
دانة : اوك اتفضلي شوفي شغلك
ايهم: ايوة يا دانة
دانة: انا هاروح المزرعة من بكرة هاقعد هناك اسبوعين
ايهم: خلاص هاجي اوصلك و بس هارجع عشان امتحاناتي
دانة : اوك عشان بس انا معرفش الطريق فمحتاجاك توصلني
ايهم: انتي تؤمري
********
احمد: وحشتيني
عليا:.......
احمد: عليا
عليا: معاك
احمد: طيب باوقلك وحشتيني
عليا: وانت كمان
احمد: انا كمان ايه
عليا: زي مانت بتقول
احمد: اه يعني انتي كمان بتحبيني
عليا بسرعة:لااااااامش قصدي
احمد: يعني مبتحبينيش
عليا: احمد انا مقلتش كده
احمد: طيب قلتي ايه
عليا: فايه
احمد: حرام عليكي بقي نفسي اسمع كلمة حلوة وحشتني بحبك اي حاجه يا بنت دوختيني معاكي
عليا: احمد ماما بتنادي هاروحلها
احمد: عليا انا بحبك مع السلامة
عليا: الله يسلمك
قفلت منه وحست انها مزعلاه ومزوداها شوية خصوصا انه فعلا واحشها فقررت تبعتله مسج
عند احمد قفل منها وهوه مضايق لانه بدا يحبها ومش شايف منها تجاوب ديما بتتهرب من الكلام معاه
شوية ورن الموبايل برنة مسج فتحها وشاف
- يقولون..."المحبه"$"ش و ق "$"وانا
شوقـــــــــــــــي
^ب ي ذ ب ح ن ي ^
صحيح انك بعيد عن عيني ولكن
مسكنك
قلــــــــ("v")ـــــــبي
"v"
احمد قراها اكتر من مرة واتاكد انها من عليا بس مكانش مصدق اتصل عليها
عليا: الو
احمد:بحببببببببببببببببببببببببببببببببببببببك
عليا:
احمد: عليا بحبك بجد ومبسوط جدا اني اخترتك لاني لو مكنتش ارتبطت بيكي كنت هاضيع حب عمري اللي كنت باحلم بيه ديما
عليا: بجد
احمد: ايه اللي بجد كل ده ومش مصدقة طيب اقفلي
عليا: احمد مش قصدي والله وحياتي متزعلش
احمد: عليا قلت اقفلي دلوقتي
عليا: حبيبي بليز مش قصدي خلاص بقي متبقاش عنيد
احمد: قلتي ايه
عليا: ههههههههه قلت حبيبي
احمد: انا قلتلك اقفلي ولا مقلتش يللا سلام
قفل منها وعليا مستغربه انه زعلان منها وزعلت منه
بعد ساعة
وصل مسج لعليا: عليا افتحي شباكك
عليا استغربت وراحت لشباكها لقت احمد راكع( زي الاجانب ما بيعملوا لما بيطلبوا ايد البنات) وسط قلب كبير من الورد الاحمر ف حديقة البيت
قفلت شباكها ونزلتله جري
رقية: عليا بتجري ليه كه يا بنت
خرجت عليا من غير ما ترد وباباها ومامتها وسليم وداليا خرجو وراها بسرعه
راحت عليا لاحمد ووقفت قدامه كان فايده علبة كبيرة لونها احمر ومربوطة بشريط ذهبي كبير كانت مبسوطة اوي اول مكانتش تتخيل ان ممكن حد يعملها كده
احمد: بحبك
عليا من الفرحة عيونها مليانة دموع احمد مسك ايدها ومسح دموعها ومال علي ودنها: كان نفسي نكون كاتبين كتابنا عشان اعرف اضمك فحضني بحبك يا حلم عمري
عليا رفعت نفسها عشان تقرب وتهمس فودنه: بحبك
سليم: يا عييييييييييييييني عالرومانسية
عبد الرحمن: بس عيب يا واد ربنا يهنيكو يا ولاد
وسابوهم ودخلو البيت اما احمد وعليا قعدو فوسط القلب اللي من الورد وبدات عليا تفتح الصندوق
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك