رواية ذكريات مراهقة -16
عمي محمد تنهد براحة و الم بنفس الوقت وقال : تدرين انها انخطبت ؟
خالتي امل : جد ؟ ........ الله يوفقها انشالله
عمي محمد : ما وافقت لحد الحين
خالتي امل : الله يكتب الي فيه الصالح ........ بس لا تقولون لها عشان تفكر زين
عمي محمد : وهذا رايي بعد
بنفس البيت بس بجناح دانة وخالد
دانة كانت جالسة على التسريحة تحط اللمسات الاخيرة من الميك اب
خالد : تبين اوصلك ولا السواق ؟
دانة بأبتسامه : لا حبيبي لا تتعب نفسك انا بروح مع السواق
خالد : طيب يعرف وين شقتها ؟
دانة : ايه يعرف ......... هذيك المره قلت له يوصل اغراض لها
خالد : اوكي ........ متى بترجعين
دانة : ماراح اتأخر يعني اتوقع على 10 ونص اكون بالبيت
خالد : زين ......... وانتبهي على نفسك والبيبي
دانة : انشالله
في المول
انا : الو ...... فجر وينك ؟ ...... ليش تأخرتي ؟
فجر : شوفيني جيت
انا وانا اشوفها : ايه شفتك ....... خلاص انا بسكر
فجر : اوكي .......(وسكرت الخط)
انا وانا اسلم على فجر : اشتقت لك مووووت
فجر : حتى انا ......... بس تعرفين تونا راجعين من السفر ........ الا انتم ليش رجعتم على بالي بتطولون
انا : ايه بس غيرو الحجز لأن جدي قال انه يحتاج عماني عشان الشركه واحنى الضحية
فجر : ههههههه ........ الا كيفك وكيف خالتي وخواتك ؟
انا : تمام الحمدلله ........ الا فجر
فجر : هلا
انا : تدرين اني انخطبت
فجر بفرح : جد ؟ ....... لمين ؟
انا : ولد عمي نايف وولد عمي فيصل
فجر : شلون يعني ما فهمت ....... لمين انخطبتي بالضبط
انا : بدر ولد عمي نايف الي كان مسافر رجع وخطبني وماجد ولد عمي فيصل خطبني
فجر : اها ......... وانتي مين وافقتي عليه ؟
انا : ما وافقت على احد لحد الحين
فجر وهي تدعي من قلب : يارب يوفقك ويسعدك بحياتك ويخليك تختارين احسن واحد فيهم
انا ابتسمت لها : آمين
بوحدة من العماير السكنية
دانة رنت الجرس والسواق معها عشانه كان شايل علبة الكيكة
فتحت احلام لدانة الباب وقالت للخدامه تاخذ الكيكة من السواق
دانة وهي تدخل سلمت على البنات وجلست
سارة : اشتقنا لك كثير يا دانة
دانة : وانا اكثر يا بعد قلبي
رنا : دنون مافيه شي فالطريق
دانة ابتسمت : الا والله
رنا واحلام وسارة بفرح : جد ؟
دانة : ايه
سارة : بنت ولا ولد ؟
دانة : ما يبين الا بالشهر الرابع وانا توني بالثاني
احلام : يا رب تطلع بنوته حلوه عشان تصير مثل امها
دانة كشرت بوجهها : لا تقولين كذا ........ انا ابي ولد وخالد يبي بنت
رنا : غريبة المفروض الرجال هو الي يبي الولد والحرمه تبي البنت
دانة : ايه ....... بس انا غير
سارة : طيب وش بتسمينه اذا طلع ولد
دانة : اذا طلع ولد انا بسميه محمد على اسم ابو زوجي واذا بنت خالد بيسميها
احلام : وش بيسميها ؟
دانة : مدري والله ...... الى الان ما اختار اسم
احلام : اها
بنفس العماره بس بشقه ثانيه
كانت غادة تبكي بحرقة وقهر والم بنفس الوقت
ببيتنا
امي : طبعا انتم بتستغربون اني جمعتكم ونوف مو موجودة
اخواني وخواتي : ايه
امي : انا الي كنت ابي كذا ........ عشان كذا دقيت على صديقتها وقلت لها تعزمها
الكل : اها
امي : اسمعو ........ وابيكم تفهموني زين وتركزون ان هذا قضاء الله وقدره
رائد بخوف : الله يهديك يا يمه ........ ادخلي في الموضوع بسرعه حرقتي اعصابنا
امي : انتم اسمعوني ولا تقاطعوني
الكل : انشالله
امي : اول شي انا ما ابي اول لنوف لأنكم تعرفون انها انخطبت وابيها تختار زين واذا قلت لها اخاف يتشتت تفكريها
عشان كذا انا بخبي عليها ....(قالت بحزن).... ابوكم تعب بالفترة الاخيرة وكشف بوحدة من المستشفيات وقالو له ان عنده سرطان بالمخ وهو بيشيل الورم ........ وانشالله يتعافى
الكل بحزن : انشالله
ريما ودمعتها نزلت : يعني ابوي الحين فيه سرطان بالمخ ؟
امي بحزن : ايه
ريما حضنت العنود وقعدو يبكون مع بعض
فهد بحزن : لا حول ولا قوة الا بالله
رائد و الدنيا ضايقه به : انا بروح لغرفتي
ماجد : ايه يمه
خالتي خلود بفرح : الله يوفقكم ويكتب لكم الصالح انشالله
ماجد وكأنه متضايق : انشالله بس ترا بدر نفس الشي خطبها وهي لحد الحين ما اختارت واحد مننا
خالتي خلود : بدر بحسبة اخوك يا ماجد ........ واذا وافقت عليه لازم تتقبل هالشي وتفرح له
ماجد من دون نفس : انشالله
خالتي خلود كانت متضايقه من ولدها لأنه كان مبين علهي انه ما راح يسكت لو اخترت بدر
ببيت الجد (خيمة الشباب)
كانو كل الشباب مجتمعين الا ماجد ورائد وفهد......... وكان فواز معهم بحكم ان الشباب عرفوه وارتاحو له
وليد : فواز ما عندك نية تخطب
فواز : والله اذا لقيت بنت تناسبني خطبتها
وليد : اممم ........ يعني الحين انت ما تفكر بهالشي ؟
فواز : لا ...... بعدين شفيك ؟ ....... لك ساعة تعيد بنفس السؤال
وليد ابتسم : وهذا الي اانا ابي اوصل له
فواز بنص عين : يعني انت تفكر بهالشي
وليد : عليك نور
فواز : ومين تعيسة الحظ ؟
وليد : بنت عمي ...... اخت ماجد
فواز : اكبر وحدة ؟
وليد : لا الي اصغر منهى
فواز : طيب ليش ما تخطبها
وليد : مدري ......... بصراحه انا سمعت اول جدي يقول لواحد من عماني ان ماجد خاطب وبصراحة ابي بهالفترة تتم خطبة ماجد بعدين اخطبها
فواز : اها ....... الله يكتب الي فيه الخير
شوي ويدخل عليهم ماجد
ماجد : السلام عليكم
الشباب : وعليكم السلام
ماجد بأستغراب : غريبة وين عيال عمي عبدالعزيز ؟
راشد : الاهر خالتي دقت على فهد وقالت لهم يجون
ماجد : اها ........ خير انشالله .......(وجلس)
بدر : افف شكلي بطلع ما اقدر اطيقه احس اني مخنوق اذا شفته
راشد : اركد الحين بيحس فيك ......... بعدين انا نفسي اعرف انت ليش تكرهه لهالدرجه
بدر : مدري ....... بس احس اني اذا شفته ودي اذبح نفسي ولا اقعد معه
راشد : بدر ....... ترا هذا مهمى كان يظل ولد عمك
بدر : اعرف هالشي
بالعمار السكنية (الساعة كانت عشر)
دانة : انت عند الباب ؟
السواق : يس مدان
دانة : اوكي انا الحين بنزل.....(سكرت الخط) يلا بنات انا طالعه
سارة : ما شبعنا منك يا دنونة
دانة : اشوفكم مره ثانية انشالله
البنات : انشالله
احلام : خليني اوصلك للباب
دانة : ما يحتاج يا عمري ......... لا تتعبين نفسك
احلام : لا حبيبتي ........ تعبك راحه
دانة : اوكي .........(بعدين طلعت دانة من الشقه)
دانة : وقفت مصدومة شافت بنت واقفة عند باب وحدة من الشقق وكانت الطرحه ملفوفة على راسها بأهمال وكانت تبكي
دانة :"هالعباية مو غريبة علي ....... انا متأكدة اني شفتها قبل كذا بس وين ؟ ....... لا تكون وحدة من البنات؟ .... لالا ما اتوقع على حسب معرفتي انهم ما يعرفون احد يسكن بشقه ....... هئئ لا يكون ....... لالالالا انا وش قاعده افكر البنات تربيتهم عالية مستحيل يوصلون لهالدنائة ....... بعدين يمكن مشبهه على العباية ....... اقول انا بروح للسيارة احسن لي من هالوقفة"
(مشت دانه بس الفضول ذبحها وحبت انها تشوف شكل البنت وانصدمت وشهقت بأعلى صوتها)
دانة : هئئئئئ
غادة كانت تناظر دانة وهي خايفة وبنفس الوقت تبكي
دانة : غادة انتي شجابك هنا ؟
غادة تبكي : .........
دانة واعصابها تلفت : غادة لا يكون الي في بالي صح ؟
غادة تبكي : .........
دانة بعصبية : غادة جاوبيني ....... الي ببالي صح ؟
غادة تبكي بس هزت راسها بالايجاب
دانة بعصبية وقهر : يالحقيرة ما توقعت انك بتخونين الثقه الي عطوك اهلك اياها (بعدين مسكت غادة من كتفها بقوة وسحبتها)
دانة بعصبية : غطي وجهك احنا مو ناقصين فضايح
غادة كانت تبكي وحطت الطرحة على وجهها
دانة ركبت غادة السيارة وركبت معها
دانة للسواق : روح للبيت
غادة كانت تبكي : دانة انا والله ما كان قصدي انا بس ......
دانة بعصبية : شب ولا كلمة فاهمه ؟ ........ كلامك هذا خليه لأبوي محمد وامي امل و خالد وراشد
غادة تبكي : .........
دانة دقت على خالد : الو
خالد : اهلين حبيبتي
دانة : خالد تعال للبيت انا عشر دقايق واكون فيه
خالد بأستغراب : ليش ؟ ....... شفيك ؟
دانة : تعال للبيت وبس ........ ويليت تجيب معك راشد
خالد : دانة فيك شي ؟ ......... بسرعه تكلمي
دانة : خالد لو سمحت سو الي قلت لك عليه وقول لراشد يروح للبيت اذا هو مو بالبيت
خالد : اوكي
دانة : باي
خالد : باي ......(وسكر الباب والف علامة استفهام تدور بعقله)
خالد : راشد خلنا نروح للبيت
راشد : ليش ؟
خالد : مدري ....... بس خلنا نروح
راشد : اوكي
(وقام وراح هو وخالد لبيتهم وقعدو ينتظرون دانة بعد ما قال خالد لراشد ان دانة قالت له)
دخلت دانة للبيت وكانت ماسكة دانة من كتفها بعدين رمتها بالأرض بقوة
خالد : دانة شفيك ليش كذا ؟
دانة : اسأل اختك الي رايحة لشقة شاب عازب
خالد بعصبية : غادة ....... صح الي تقوله دانة ؟
غادة تبكي : ........
راشد بعصبية : غادة ردي عليه ....... صح الي تقوله دانة ؟
غادة وهي تبكي : انا والله ما كان قصدي انا بس كنت اكلمه و.......
راشد قاطعها بعصبية اكثر من اول وقال : يعني الكلام الي قالته دانة صح ؟
غادة هزت راسها بالايجاب من الخوف
راشد بعصبية وقهر : يالواطية لهالدرجة وصلت فيك فيك الحقارة تخونين تربيتك ؟
خالتي ام وعمي محمد نزلو من فوق على صوت راشد
عمي : شفيكم شصاير
خالتي : هئئئ ........ بنتي غادة ....... شسويتو فيها ؟
خالد بقهر : احنا لسنا ما سوينا فيها شي بس الي مثلها لازم تنذبح مو بس تتهزأ
عمي بعصبية : خالد انت شقاعد تقول ؟
خالد : بنتك يا يبه رايحة لشقه واحد عازب ودانة شافتها
عمي : صح الي قاله خالد يا غادة
غادة وهي تبكي : يبه انا كنت اكلمه بعدين ارسلت له صوري وقال لي اذا ما رحت له بينشرها
عمي بعصبية : وانتي رحتي له وفضحتينا ؟
غادة : والله انا ما كان قصدي
راشد بعصبية : يالحقيرة انتي من الاساس ليش تكلمينه ....(وكان بيطقها بس خالتي مسكته)
خالتي : اذا لي معزه عندك ما تلمسها يا راشد
راشد بقهر : تدافعين عنها حتى بعد ما نزلت راسنا بالارض ؟
خالتي : راشد هذي بنتي وقلب الام يحن على بنتها بكل الاوقات
بشاير ومهى نزلو من الصوت العالي
بشاير : شصاير ؟
خالد بأستهزاء : لا تقولين بعد انك مثلها
بشاير بأستغراب : انت شقاعد تقول ؟ ........ شسالفه ؟
خالد بأستهزاء : اختكم المتربية رايحة لشقة واحد
بشاير ومهى : هئئئئ
مهى بقهر وصدمه : غادة تسوي كذا ؟ .......... ليش ؟ ....... ليش ؟
عمي : بشاير البسي عبايتك واركبي سيارتي بنروح للمستشفى نتأد من هالمصيبة
مهى : بروح معكم
عمي : بسرعه البسي عبايتك
بشاير ومهى طارو يجيبون عباياتهم ......(بعدين جابوها وركبو بسيارة عمي محمد)
مهى وبشاير كانو ورا اما عمي وغادة قدام
............................................نهاية البارت...........................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (26)
بالمول
انا كنت اسولف مع فجر بس نلظرت ساعة جوالي وقلت : معليش فجر لازم ارجع الحين تأخرت
فجر : اوكي حبيبتي ....... يلا دقيقة بس ادق على السواق اوصلك
انا : لا ما يحتاج الحين ادق على سواقنا يجي ياخذني
فجر : لا طبعا انا الي بوصلك
انا : براحتك
(بعدين دقت على سواقهم وجا وخذانا)
بالمستشفى
عمي محمد : يعني شلون لازم موعد ؟
الموظف : مثل ما قلت لك لازم موعد
عمي محمد : اخوي ........ هذا ثالث مستشفى ندخله ويقولون لنا نفس الكلام
الموظف : معناته انت عارف ان هذا هو النظام
عمي محمد : طيب وشو اقرب حجز عندك ؟
الموظف : عند اي دكتوره ؟
عمي محمد : اي شي اقرب حجز تلقاه عطني اياه
الموظف : في بعد اسبوع
عمي محمد : انت متأكد ان هذا اقرب حجز ؟
الموظف : ايه اخوي انا متأكد من هالشي
عمي محمد : طيب مشكور اخوي عطني هالحجز
الموظف : بأسم مين ؟
عمي محمد : هاه ..... ايه ايه عطني اياه بأسم غادة محمد الـ.......
الموظف : خلاص اخوي الموعد بعد اسبوع الساعه 4 العصر
عمي محمد : مشكور اخوي ما قصرت
الموظف : هذا واجب
عمي محمد راح لبشاير و مهى الي كانو جالسين يهدون غادة ويبون يعرفون منها شالي صار
عمي محمد لغادة : ارتحتي الحين ؟ ........ فضحتينا خلاص ما بقي شي اعظم من كذا ما سويتيه
غادة تبكي : ..........
عمي محمد : ما فيه حجز اليوم ........ حجزت لك بعد اسبوع ....... وبهالأسبوع ما فيه طلعة من البيت حتى لبيت جدك اصلا حتى غرفتك ما راح تنامين فيها بتنامين بغرفة الضيوف فاهمة ؟
غادة هزت راسها بالأيجاب وهي تبكي
عمي محمد : يلا امشو نطلع
البنات وقفو ومشو مع ابوهم
عمي محمد وهو يمشي : طبعا ممنوع تكلمين امك او خواتك ........ وانتم ان سمعت ان وحدة منكم قالت لوحدة من البنات شي يا ويلكم مني
بشاير+مهى : انشالله يبه
بالبيت بعد ما وصلت دخلت للصاله الي فوق ولقيت العنود حاطه راسها بحضن امي
انا وانا اجلس : شفيك تتدلعين على امي اليوم ؟
العنود بحزن : بنت جالسة بحضن امها اتوقع شي طبيعي
انا : اها ....... بروح اغير واجيكم ........ وترا يمكن اروح عند مهى اليوم
امي : سوي الي تبينه يا بنيتي
انا : انشالله ........(ورحت لغرفتي)
بعد ما غيرت ملابسي دقيت على مهى : الو
مهى : اهلين
انا : مهى صوتك مو طبيعي قوليلي فيك شي ؟
مهى بأندفاع : لالالالالالالالالالالالا مافيني شي
انا : اوكي ......... طيب فاضية ؟ ...... لأني بجي اسهر عندكم
مهى : ..........
انا : مهى انتي معي ؟
مهى : هاه ...... ايه بس مدري بشوف وارد لك باي
انا بأستغراب : اوكي ....... باي
انا : "شفيها عائلتي الكريمه اليوم ؟ ........... شكل اخرتي عند الهنوف ......(بعد ما استوعبت)...... هئئئ انا شقاعده اقول هناك ماجد واذا رحت هناك اكيد بشوفه)
وشوي ويطق فهد الباب
انا : ادخل
فهد : فاضية ؟
انا : طبعا
فهد جلس على السرير وقال : مين اخترتي ؟
انا : مدري الى الآن ما اخترت احد
فهد : خذي راحتك بالتفكير .......... واذا حبيتي انك تقولين لي بدل ما تقولين لأمي او ابوي هذا شي راجع لك
انا ابتسمت : اوكي
فهد : اممم .......... طيب انتي مين تحسين انك تميلين له ؟
انا : مدري
فهد : طيب مين الي تحسين انك ممكن تكونين زوجته بيوم من الايام
انا : مدري
فهد : طيب مين الي ترتاحين له اكثر
انا : مدري
فهد وهو يضحك : كل شي ما تدرين ؟ ......... يعني مين الي يدري انا مثلا ؟
انا بأستهبال : لا ريما تدري
فهد : ههههههههه ........... واضح ان ريما هي الي تعرف
انا : الا انت ما فكرت انك تخطب
فهد : بصراحه لا .......... بس اذا لقيتي لي بنت حلوة اخطبيها لي ؟
انا : شرايك بصديقتي فجر ؟
فهد : بس انا ما قد شفت فجر
انا بحماس : انصحك فيها .......... تراها حلوة ومملوحة وطيبة وحنونة وحساسة ورومانسية وكشخه ومحترمه وبنت ناس وعقل ودين وكل شي فيها مشالله
فهد : بس بس ......... حسيت انك تكذبين من كثر ما تمدحينها
انا : لا والله اصلا هي تستاهل اكثر من كذا ......... شرايك اخطبها لك او لا ؟
فهد : بفكر وارد لك
انا : اوكي
ببيت عمي محمد
عمي محمد : جهزي غرفة الضيوف و افصلي التيليفون عنها
هايدي : اوكي
عمي محمد : واي احد من البنات ولا المدام ولا العيال تشوفينهم يكلمونها تقولين لي بسرعه
هايدي : اوكي
عمي محمد : يلا روحي الحين جهزيها
هايدي : اوكي .........(وراحت)
مهى بتردد : يبه
عمي محمد من دون نفس : نعم
مهى : نوف دقت علي ........ عادي تجينا
عمي محمد : ايه خليها تجي وخي الوضع عادي واذا سألت عن غادة قوليلها بتنام عند خالتها اسبوع او اكثر
مهى : اوكي ........(واتصلت علي)
انا : هلا مهى .......... شقلتي فاضية اجيكم اليوم ؟
مهى : ايه
انا : اوكي .......... بجهز اغراضي واجيكم
مهى : انتضرك ......... باي (وسكرت الخط)
انا قعدت اجهز اغراضي
بغرفة ريما
كانت طول الوقت مسكرة على نفسها من اول ما سمعت بالخبر بس اهلي ما حبو يحسسوني بشي
بغرفتي
انا : " اكيد البلوزة عند ريما بروح اخذها " .........(وطلعت من الغرفة)
انا طقيت على ريما باب غرفتها
ريما وهي تبكي بصراخ : قلت لكم ما راح افتح لأحد
انا بأستغراب : ريما شفيك ؟
ريما وهي تبكي : ما فيني شي
انا بخوف : ريما انا اختك شفيك ؟ ......... قوليلي
ريما وزاد بكيها : قلت لك ما فيني شي روحي
انا بأستغراب : اوكي ..........(ورجعت لغرفتي وطلعت لي بلوزة ثانية)
(طبعا انا طلعت من بيتنا ورحت لبيت عمي محمد)
ببيت عمي محمد
انا : اهلين عمي .........(وحبيته على راسه)
عمي محمد : هلا هلا ببنتي
انا وانا اسلم على خالتي : كيفك خالتي ؟
خالتي : الحمدلله تمام يا قلبي
انا : وين مهى ؟
خالتي : بغرفتها
انا : شكرا .......... (ورقيت لمهى بغرفتها وكانت معها بشاير)
انا : اهلين بنات
مهى+بشاير : اهلين
انا وانا اسلم عليهم : اليوم ريما والعنود مدري شفيهم
بشاير : ليش ؟
انا : ريما مقفلة على نفسها بغرفتها تبكي ......... والعنود حاطه راسها في حضن امي وحسيت انها متضايقه من شي
مهى : طيب ما حولتي تعرفين ؟ ........... ادري فيك ملقوفه
انا : لا لو سمحتي الملقوف الوحيد بالعائلة هو مشعل
مهى+بشاير : من جد
انا : الا وين غادة ما شفتها
مهى : ببيت خوالي
بشاير : بتقعد عندهم اسبوع او اكثر
انا : اها ........ طيب خلونا نسوي شي طفش
بشاير : نشوف فلم
مهى : لا نبي شي جديد
انا : شرايكم نتوزا ووحدة مننا تلحقنا
مهى : احس اننا بزران
انا : لا عادي مو بس البزران الي يلعبونها
بشاير : اوكي بس عددنا شوي احس احسن لو كنا اكثر
انا : ايه صح
مهى : شرايكم ننادي مشعل وتركي
انا : لاااااا .......... نسيتي ان مشيعيل مهددني انه بيتلقف علي لين اعتذر له ؟
مهى : عادي قوليله انك بتسوين هدنه
انا : اوكي ........ بس انتي ناديهم
مهى : اوكي ...........(وراحت تناديهم)
طبعا جو وطلع على مهى تلحقنا ........(ملاحظه : احنا ما نتحجب من تركي و مشعل عشان كذا انا حطيت الطرحة على كتوفي عشان اذا شفت راشد و وخالد)
طبعا بشاير راحت للحمام وتركي دخل لغرفة رائد
انا : "افف وين اروح ؟........لقيتها غرفة الضيوف"
(طبعا كنت احاول افتحها بس الغرفة مقفولة)
انا :"افف هذا الي ناقص"........(بعدين رحت ودخلت بالمستودع (كان صغير مرره لأنه مو الاساسي هذا بس يحطون فيه الاشياء البصيطة)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك