رواية ذكريات مراهقة -1
روآية : ذكريات المراهقة !
للكــآتبة noufy.1999 ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حبيت اعرفكم على نفسي بما اني جديدة في المنتدى
انا اسمي نوف عمري 18 سنه
وهذي اول رواية اكتبها و حبيت اشاركم فيها
روايتي
الشخصيات :
بيت عبد العزيز
عبد العزيز : اب يحاول يسعد عياله بكل الطرق و طيب وحبوب بس كل شي وله حدود
نورة : ام طيبة وحنونة تحاول تسكت العنود الي تبالغ في كلامها عن الحب
فهد : عمره 24 سنة انسان طيب وحبوب و مرح و علاقته زينه مع اخواته و اخوانه
رائد : عمره 22 سنة يحب السقر و طول الوقت مع عيال عمه و ما يقعد في البيت اربعة و عشرين ساعة كالع برة البيت
نوف (البطلة) : عمرها 20 انسانة مرحة و متهورة و تحب المغامرات دفشة شوي وتكره كلام الحب و الخرابيط و تحاول تسكت العنود الي مفشلتهم
العنود : عمرها 19 سنة تحب كلام الحب و مخفه بنلعب عليها بسرعة و نذله و مصلحجية و تشوف ان الدنيا بدون حب ما تسوى و هدفها في الحياة انها تلقى فارس احلامها و نشبه تنشب في الواحد حتى لو ما يبيها
ريما : عربجية بمعنى الكلمة مصطلح التفاهم عندها محذوف من القاموس حقها و اربعة وعشرين ساعة طقاق مع رائد
بيت محمد :
محمد : انسان طيب بمعنى الكلمة اهم شي عنده مصلحة عياله و ما يقول لهم شي و كل شي عنده ايه و ليش لا و اكيد بس بدون تجاوزات عن الحدود
امل : انسانة تحب عيالها و تبي لهم الغير حتى لو كان هذا الشي في مصلحة ناس ثانين و مستعدة تقتل عشان عيالها و هي مرره عصبية و شرانية وتحرش لولوه على بنتها لما بس لولوه تقول هذي بنتي الوحيدة و بدلعها
خالد : عمره 27 سنة انسان عنيييد و يحب زوجته مرره متهور و يحب الطلعات و مررره فله
دانة (زوجة خالد) : عمرها 24 سنة عنيييدة وعكس خالد في كل شي بس تموت فيه و فلله و دايم تقعد معنا و تصرفاتها بين الرومانسية و العربجية يعني ننسجم معها هذا غير انها متهورة بزيادة
راشد : عمره 24 سنة متهور ويعشق السفر و الطلعات
بشاير : عمرها 21 سنة دفشة بس عند الحريم تصير العاقلة و الكبيرة و تحب الطلعات و السفر بس تحب النوم لو تنوم اسبوع كامل عادي ما عندها مشكلة
مهى : عمرها 20 سنة نفس شخصية نوف بالضبط و هي صديقة نوف الروح بالروح و كل اسرار نوف تعرفها و تحب نوف مرره و تعتبرها اختها التوأم
غادة : عمرها 18 سنة عنييدة تحب تعيش مراهقتها بدون ما احد يتدخل فيها و تحاول تفرض شخصيتها على الكل مع انها ضعيفة و ما عندها شخصية و هذا الي يخليها تضيع
تركي : عمره 15 سنة متهور ما يحب احد يتحكم فيه يحب الوناسة ومرح لأبعد الحدود
بيت نايف :
نايف : انسان مرح و يحب يرف ظغط البنات و العيال و بالذات نوف
لولوه : على نياتها طيبة و تسوي اي شي يقوله لها نايف
وليد : عمره 24 انسان مرح و يحب الوناسة و يحب يستهبل على لمياء
لمياء : عمرها 20 سنة دلوووعة لأنها البنت الوحيدة في البيت و تحب الرومانسية
مشعل : عمره 15 سنة يحب المغامرة و مرح و ملقوف و دايم يفظح البنات و بالذات لمياء لأنها اختبه و الكل يحبه الا نوف و لمياء
بيت فيصل :
فيصل : انسان جاد و بالنسبة له كل شي له حدود و ما يحب قلة الادب و الكلام الي ما منه فايدة و ما يحب الاستهبال
خلود : تحاول ترضي فيصل بكل الطرق و تحاول تكون قوية على عيالها بس ما ينفع لانها طيبه
ماجد : عمره 25 سنة جاد مثل ابوه و كل شي له حدود بس يحب يستهبل شوي بس طبعا مو عند ابوه عشان ما يطيح من عينه
عبير : عمرها 22 سنة رومانسية و مرحة و تحب تستهبل و تعشق الافلام و هي متأثرة بها بس الأغلب في شخصيتها انها رومانسية
الهنوف : عمرها 21 سنة تحب افلام الرعب و الكوميديا و متأثرة بها و هي فنانة في تخطيط المقالب عشان كذا هي العقل المدبر في الشلة و تحب تستهبل
رغد : هادية و ما تحسين بوجودها و رومانسية وحساسة من اتفه شي تصيح بس تحب تمزح بس مو مره يعني عشانها هادية
و باقي الشخصيات بتعرفونها من خلال الرواية
طبعا الرواية الي بترويها بطلتها (نوف) الا اذا احتجت للتدخل في الكتابه
الرواية :
البارت (1)
الساعة ست المغرب كنت واقفة عند الباب انتظر اعز ناس على قلبي
وشوي و تدخل مهى و اختها غادة و بشاير و اسلم عليهم و ادخلهم للمجلس و شوي وتدخل علينا ريما و العنود خواتي
و بعدها بدينا نجتمع شوي شوي لين اكتملنا
اكتملت شلتنا القديمة الي مكونة من بنات عماني بما ان ما عندي عمات
( العنود اختي . ريما اختي . عبير . غادة . لمياء . مهى . بشاير . الهنوف . رغد . انا )
انا : بنات تدرون اشتق لحركات مراهقتنا تتذكرون احلا صيفين بحياتنا ؟
الهنوف : ليش احنا نقدر ننساه يا نوف كانت فيه قصص الحب حقتنا و طموحنا مع ان اغلبنا كانو بالجامعة
ريما : اي اغلبنا انا كنت بالثنوي لو سمحتي
عبير : مع اننا ما كنا بسن مراهقة بس كانت تصرفاتنا مثل المراهقات
بشاير : اااااه اشتقت لذيك الايام
وشوي و ينفتح الباب و تدخل بنت صغيرة و تركض لجهتي
البنت : ماما ماما
انا : نعم فجورة ؟
فجر : ابي عصير
انا : قولي لستي تعطيك عصير
فجر : ثتي (ستي) تقول لا
انا : قوليلها المدام تقول عطيها عصير
فجر : اوكي (وطلعت و كان الكل يناظرها)
مهى : مين يصدق ان هذي بنتك و انتي كنتي تقولين مستحيل اتزوج
انا بتنهيده : الحب و ما يسوي
رغد : انا جبت لكم مفاجأة
الكل : وشي ؟
رغد : تتذكرون اول انا كنت اصور فيديو و اصور صور عادية لنا
الكل : ايه
انا : لا تكونين جبتيها ؟
رغد : الا
انا : طيب عطيني اشغلها لنا عشان نشوفها و بعدين نتفرج على الصور
رغد : اوكي
وشغلت الشريط وبدى يشتغل
بس انا حبيت اقولكم قصتي من اولها مو من اول التسجيل
هذا كان قبل خمس سنين تقريبا
اذكر هذا اليوم مثل اسمي
في بيتنا الكئيب الساعة 5 و نص الصباح صوت العنود واصل للجيران
العنود : ريموووه و صمخ وين حلقي الاسود
ريما : طلعت من غرفتها و هي كاشخة بالحلق
العنود : ريموه عطيني حلقي
ريما : اوووووه اخر يوم في الدراسة خليني اكشخ
العنود : ريموه انا ابي البس هذا الحلق عشاني بألبس الفستان الاسود
ريما : افف عاد تراك طفشتيني بتطلعين تفطرين مع رغد يعني مو احد غريب بعدين عندك مليون واحد
العنود : بس انا ابي هذا الحلق بعدين يمكن ننزل في بيت صديقتي عشان كذا ابي اكشخ
ريما : ترا الساعة 5 و نص و انتم بتطلعون عشر
العنود : ادري بس بروح لرغد الحين
ريما : افف خذي من نوف عندها حلقات الدنيا
العنود : يعني ما تعرفين اختك مشغلة الاغاني و المشكلة انها نايمة هذا و المفروض تكون قدوتنا لأنها اكبر وحدة
ريما : طيب ادخلي و خذي لك حلق ما راح تحس
العنود : ليش شايفتني مثلك اخذ حلق اختي الكبيرة بدون استأذان
ريما و هي تفك الحلق : منت الله ولا منت خلقة خذي (وترمي الحلق على العنود و تدخل غرفتي عشان تاخذ حلق)
دخلت غرفتي ريما بس انا ما كنت نايمة كنت قاعدة اكلم مهاوي عشان نطلع نتمشى بالليل و سمعتني ريموه الملقوفه
ريما بعد ما نطت فوقي على السرير : وين بتطلعين انتي و مهاوي ؟
انا : بسم الله انتي من وين طلعتي لا تكونين جني و انا مدري
ريما : لاجد وين بتروحين
انا : بنروح نتمشى بس ما حددنا مكان
ريما : متى اي وقت ؟
انا : اليوم باليل ليش وش عندك
ريما : بروح معكم
انا : لا بس انا و مهاوي و بشاير و الهنوف
ريما : تكفين بروح معكم
انا : طيب خلاص بنطلع بعد المغرب نتمشى بالمملكة بعدين بنطلع نروح اي مكان بعدين نتعشى و نرجع
ريما : طيب خلاص بعد المغرب بكون جاهزة ....... الا نوف عندك حلق اسود ؟
انا : ايه شوفي على التسريحة ثلاثة اختاري واحد
ريما : اوكي ... شكرا (وطلعت)
الساعة ست المغرب :
انا : ريموه خلصتي بسرعه و خذي معك بجامه لأننا بنرجع مع بشاير
ريموه : دقيقة بس بدخل الاغراض
انا : اخلصي
طبعا سمعتنى العنود و جتني مدرعمة
العنود : وين بتروحون ؟
انا : ياليل بنروح نتمشى و بنرجع مع بشايرة
العنود : بروح معكم
انا : لا
العنود : ليش ؟ ....... لا تقولين لأني بزر ريما اصغر مني و بتروح معكم
انا : لا مانبيك
العنود : ليش ؟
انا بنفاق : ما نبي وحدة كل ما مشينا قعدت تقزز في خلث الله
العنود : الله اكبر يعني انتم الي ما تقعدون تقززون بخلق الله على الاقل انا امدحهم موب مثلكم تتطنزون عليهم و قدامهم
انا : يختي ما نبيك لازم تنشبين انتي خلك مع المايعات احسن لك
العنود : مين بيروح معكم ؟
انا : مهاوي و بيشو و هنوفه و ريموه و انا
العنود : وعع كلكم دفشين منيب رايحة
انا : لا تكفين عاد احنا الي ميتين عليك
العنود بدلع : افف انا بروح مع رغودة و لموية و عبورة و غيودة
انا : ايه تكفون فكونا يالمايعات
العنود بقرف و دلع : ما اقول الا مالت صارت الرومانسية ميوعه
انا : اكلي تراب و اذلفي ....... وانتي ريموه يالله تأخرنا كل ذا تدخلين اغراض ؟
ريما و هي تنزل من الدرج : يالله شوفيني جيت
و طلعنا و لقينا بشاير و مهاوي ينتضرونا بالسيارة حطينا الاغارض ورا
انا : ريموه نطي ورا ما في مكان لك معنا
ريما : لا تكفون
انا : يكفي اننا ماخذينك معنى
ريما : وش ذا الخيانه نسيتو اني مثلكم منيب مع المايعات
بشاير : الا بس مافي مكان و انتي اصغر وحدة
ريما : طيب (وراحت ورا)
بعدين مرينا الهنوف و طلعنا للمملكة و في الطريق وقفنا عند اشارة
و كان ترتيبنا انا بعدين مهى بعدين الهنوف بعدين بشاير و ريم ورا مع الاغراض
و كنت اسمع اغاني بالأيبود و مهى معي فما انتبهنا للرجال الي قاعد ساعة يحاول يرقمنى
الهنوف : بنات موب كن الي عندكم يحاول يرقمك يا نوف
انا و انا التفت : مين ؟ .......... وععععع من زين الوجه عاد
ريما : من جد شوفو خشمه المنعفط
مهى : نوف افتحي الشباك بأحذفه بقارورة الموية الي معي عشان يتأدب
انا : ايه تكفين
مهى : انتي سوي نفسك بتاخذين الرقم
انا : اوكي
و افتح الشباك و ارفع جوالي يعني اني باخذ الرقم و هو متشقق و قاعد يكتب رقمه و شوي الا وقارورة الموية على راسة طبعا القارورة كانت مليانة يعني بتوجع و هو من الروعة التفت علينا و قعد يناظرنا و صديقة الي يسوق و الي راكب ورا فاقعين ضحك و احنا كاتمين الضحكة
انا و انا اضحك : ليش على بالك باخذ رقمك انت و خشمك المنعفط
هنا البنات معد قدرو يمسكون نفسهم و على الطول انفجرو وقعدو يضحكون و الشباب ميتين من الضحك و هو معصب و عطاني نظره حسيت انه وده يذبحني
المهم فتحت الاشارة و رحنا للمملكة و هو كان يلحقنا بس ما انتبهنا له
في بيت عمي فيصل
كانو البنات في غرفة لمياء
العنود : و هذا الي صار عاد انا قلت اقولكم نطلع مثلهم
عبير : وهم وين بيروحون ؟
العنود : مدري
لمياء بدلع : خلونا نروح للمملكة بروح ابدل فستاني الي شريته قبل امس
رغد : فكرة حلوة ومنها نتمشى شوي بالمملكة
غادة : ايه وناسة عاد بما ان محد بيتحكم فينا بنفك اللثمة حقتنا و بنتحجب
الكل : احسن شي
لمياء بدلع : من جد هالهيلق الي يتحكمون فينا مدري وش يبون
الكل بميوعه : من جد
نرجع للبنات الي نزلو في المملكة و الشباب يلحقونهم و هم ما يدرون
طبعا دخلنا المحل و انا رحت بعيد عن البنات لأن جذبتني بلوزة ورحت اشوفها
طبعا بما اني انا الي هزأت الرجال فهو بينتقم مني انا و قرر انه بياخذ الموية ويرشها علي عشان اتفشل من الناس
بالصدفة البلوزة الي اعجبتني جنبها قسم ملابس الرجال فكان في رجالين قريبين مني بس انا ما انتبهت ولا فكرت ادقق فيهم
المهم جا الرجال من وراي و فتح قارورة الموية و كان بيرشها علي بس واحد من الي جنبي قالي انتبهي و انا بعدت بسرعة و انكبت الموية على البلوزة و ما جاني شي
طبعا المصيبة ان الرجال الي قالي انتبهي طلع وليد و معه ماجد عيال عماني انا تقلب وجهي
و طبعا وليد و ماجد هزأو الرجال تهزيء و اعتذر وراح
انا كنت خايفة انه يعرفني
وليد : اختي نصيحتي ابعدي عن هالأشكال
انا انصدمت معقولة ما عرفني بعدين تذكرت اني متلثمة عشان كذا ما عرفني
و غيرت صوتي و قلت : شكرا (ورحت على طول ووهقت العيال بالبلوزة الي انكبت عليها الموية)
بشاير : خير كنت اوري ريما فستان ليش طلعتينى من المحل ؟
انا بخوف : الهنوف مجود اخوك هنا هو ووليد
الهنوف : و اذا هنا عادي ليش خايفة ؟
طبعا بعد ما قلت لهم السالفة
الهنوف : طيب ليش خايفة ؟
انا : اخاف يفهم غلط و يحسبني اعرفة ويقول لبوي و اتورط
الهنوف : خلاص وليش خايفة ما راح يعرفونا
انا : يا ذكية ماجد موجود وهو يعرف شكل عبياتك يعني لو شافني معك بيعرف اني وحدة من البنات
البنات : اهااا
انا : يله خلونا نطلع
ريما : والفستان
انا : تكفين والله خايفة امشي نروح لأي مكان بس مو المملكة
بشاير : خلاص انتم روحو فوق لمملكة المرأة و انا و ريما بنشتري الفستان و نرجع لكم
انا : اوكي و رحت انا و الهنوف و مهى لمملكة المرأة
طبعا شلة المايعات وصلو للمملكة
لمياء : بنات خلونا نروح لمملكة المرأة
البنات : يله
طبعا احنا كنا جالسين في الكفي و كنت اشرب قهوة الا وأشوف البنات متحجبين طبعا انا كان عادي عندي لأننا بمملكة المرأة و ما كنت اعرف انهم حتى تحت متحجبين انا اشرت للبنات انهم يجلسون معنى
العنود : ياليل هذي اختي الحين وش بيفكنا منها
عبير : يعني بتخرب كل مخططاتنا
غادة : افف عاد اعرف اختك سوسة ما تخلي احد بحاله
المهم جو البنات و جلسو
مهى : وش جابكم يالمايعات ؟
غادة : عادي جايين نتمشى ولا حلال عليكم حرام علينا بعدي ترا عبير معنى وهي اكبر منكم
مهى : خير تعالي كليني احسن
انا : انتي ما تستحين بزر تتكلم
غادة : انتي اسكتي يالسوسة مالك دخل فيني
انا : اكلي تبن الي يسمعك يقول ذابحة لك احد ما سوينا لك شي
غادة : افف خلاص عاد ما اقول الا مالت اطلبولي قهوة
الهنوف : اطلبيها انتي ماعندك لسان
عند وليد و ماجد
ماجد : وليد البنت شكلها مو غريب علي
وليد : مجود خلك من هالصايعة تلقاها تركت خويا بتروح لواحد ثاني و حب يفشلها بالموية
ماجد : مدري بس احسا من بنات عماني
وليد : هذا احساسك و لو ان كلامك صح كان حسيت بنفس الشعور
على الساعة 10 طلعنا كلنا من المطعم
بشاير : المايعات تراكم معزومين تنومون عندي اليوم
لمياء : نعرف غادة عازمتنا
بشاير : غادوه وليش ما قلتي لي ؟
غادة : انتي عازمة الدفشات ولا قلتيلي
مهى : خلاص سكرو عالموضوع الحين ....... وش رايكم نروح السوبر ماركت نشتري اغراض للسهرة
البنات : اوكي
............................................نهاية البارت............................................
طبعا لا تحرموني من ردودك الحلوة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت(2)
نزلنا من السوبر ماركت و تقسمنا
طبعا انا اموت في الشبسات لو اكل مصنع كامل ما اشبع
عشان كذا رحت انا و ريموه و لموي و بيشو لقسم الشبسات
لمياء : وش ناخذ هذا ولا هذا
بشاير+انا : خذيها كلها
لمياء : لا بعدين يخرب الرجيم حقي
انا : و انتي الي بتاكلينها والا احنا
لمياء : يوووه مدري على ايش مشافيح
بشاير : ترانا عشر بنات و بعدين احنا بناخذ اكثر مو بس هذولا الاثنين على فكرة
انا : من جد
لمياء بقرف و دلع : اجل بروح مع الباقين عشان ما اتفشل
انا : ليش وش شايفتنى
لمياء بدلع : لا بس الي يشوفون العربية الي كلها شبسات ما راح يدريون اننا عشر بنات
بشاير : اكلي تراب محد قالك تعالي معنى
انا : الا غريبة ما سمعنى صوت ريموه
بشاير : ايه صح وينها
لمياء : لا تكون انخطفت
انا : اي انخطفت عمرها 17 سنة
لمياء : اجل وينها
بشاير : لا تكون انحاشت عشانها طفشت من حيات الفقر و التعب
لمياء بدلع : اي فقر و اي تعب الي يسمعك ما يشوف شركة جدي
بشاير : مدري سمعتها في التلفزيون
انا : اقول وين اختي بيذبحني ابوي
طبعا انا على بالي السوبر ماركت بيتنا و ماخذة راحت اصارخ : ريموه ...... ريموه ....... ريموه و صمخ وين رحتي
و لمياء انحاشت من الفشيلة و بشاير راحت تقول للبنات يدورونها
و لفينا السوبر ماركت ما لقيناها
طبعا جانا العامل وقال : هزا بنت انت في ضئ ؟ (بنتكم ضاعت)>>>>>>>> ما ينلام من صراخي والله
انا : ايوه صديق انتا ما فيه شوف ؟
العامل : لا انا مافي شوف بس انتي روه هزا رجال بأدين انت قول حق هزا بنت انت في ضيع (انا ما شفتها بس روحو عند هذاك الرجال و قولوله ان بنتكم ضاعت)
انا اقول لمهى و عبير الي كانو معي : ايه والله فكرة بخليه يعلن اسمها عشان تجينا ويلتم شملنا
عبير : اي لم شمل و اي خرابيط ما صار لها ربع ساعة ضايعة و بعدين ترا عمرها 17 يعني الاعلان بس للأطفال والله ان ينقدون عليك الناس
مهى : لا خليهم ينادون و تكفين انا الي خليني و بنقول انها بنتنا و ما راح تجي الا اذا سمعت صوت امها
انا : ايه ....... ووش رايك اني بتحداك و اذا سويتي التحدي لك الي تبين
مهى : ايش ؟
انا : انتي الي بتعلنين عن ريموه و ابيك اذا خلصتي تغنين
مهى : طيب بس وش اغني ؟
انا : اي شي بس تغنين
عبير : هيه انتم من جدكم بتغنون ؟
انا : ايه ليش لا
مهى : ليش تبيني اخسر التحدي بعد ما قبلته
عبير : بس فشلة
مهى : و انتي وش دخلك سوي نفسك ما تعرفينا
انا : لا خير وش شايفتنا هيلق الا مهى تكفين غني اغنية و قولي اهديها لعبير الي عبايتها اطرافها بيضا
عبير : هئئئ انهبلتي انتي وياها ؟
مهى : لا تونا
المهم ورحنا انا و مهى عشان نعلن ان البنت ضايعة و عبير تترجانا بس لا حياة لمن تنادي و قررت تركب السيارة عشان محد يعرف اننا نقصدها و طلعت من السوبر ماركت
اعلنت مهى عن ريما بعدين قالت : هذي الاغنية اهداء لغيود الي اطراف عبايتها موف
(هنا غادة بغت تجيها جلطة لان عبايتها كانت مميزة بلونها)
مهى و هي تلحن الكلمات : هذا الي شايف نفسه ماشي ولا معبرني يتلفت هنا وهناك ولكنه شايفني
طبعا هزئنا السعودي المسؤول و طردنا قبل ما تكمل مهى الاهداء
و تجينا غادة معصصصبة
غادة : خير وشذا الحركة البايخة
مهى : هذا جزاي اهديك
انا : بعدين الاغنية لايقة لأنك شايفة نفسك علينا و مدري على ايش
غادة : و ما لقيتو الا انا الي عبايتي مميزة
مهى : والله محد قالك فصلي عبايتك موف كنك عبدة
انا : ايه المفروض تكون الوانها هادية بعدين يليته موف فاتح الا كنه ازرق
و شوي و تجي ريموه مستانسة و معها تركي و مشعل
ريموه : وناااسة ودي اشوف شكل غادة يوم سمعت الأهداء و احلى شي انكم محديدن لون العباية
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك