رواية ذكريات مراهقة -2
انا : بعدين الاغنية لايقة لأنك شايفة نفسك علينا و مدري على ايش
غادة : و ما لقيتو الا انا الي عبايتي مميزة
مهى : والله محد قالك فصلي عبايتك موف كنك عبدة
انا : ايه المفروض تكون الوانها هادية بعدين يليته موف فاتح الا كنه ازرق
و شوي و تجي ريموه مستانسة و معها تركي و مشعل
ريموه : وناااسة ودي اشوف شكل غادة يوم سمعت الأهداء و احلى شي انكم محديدن لون العباية
انا بصدمة مع فرح : ريموه اختي الحبيبة لقد طال فراقنا و احروح احضنها
ريما : يووه نسيت اقول لكم اني رحت لمحل الكب كيك الي جنب السوبر ماركت
انا و انا رافعة حاجب : نسيتي ؟
ريما : يوووه الصراحة مالي خلق ادق عليك و بعدين رحت و جبت لنا شوي كب كيك و شفت ذولا و تأشر على تركي و مشعل
انا : و انتم وش جايبكم ؟
تركي : الي جابكم
مشعل : الا اي اهداء ؟
انا بأرتباك : هاه لا مين قال ؟
مشعل : ريما تو قالت ان مهى مسوية اهداء
انا : ايه راسلة اهداء بالجوال
مشعل بشك : اكيد
انا : وانت وش دخلك فينا
مشعل : انا اخو لمياء و لازم اتأكد ان صديقاتها صالحات
غادة : ليش وش قصدك يعني ؟
مشعل : لا بس الحمد لله الكشف عليكم سليم بقي الباقين
انا : الا قل من اللقافة الزايدة الي فيك
مشعل : هئئئئئ انا ملقوف ..... لو سمحتي احترمي نفسك
انا : انا ما قلت شي غلط ....... (والتفت على البنات ) صح يا بنات ؟
البنات : صح
مشعل : هين يا نويفة ان ماخليتك تعرفين اللقافة ما اكون مشعل
انا : مشيعيل وجع وش بتسوي يعني ؟
مشعل : بتلقف عليك و بفضحك لين تعتذرين لي و قدام الكل
انا و بنظرة تحدي : بنشوف
(من هنا بدا الكابوس و بدا مشعل يتلقف علي اكثر وحدة من البنات و معي لمياء بما انها اخته)
المهم رجعو البنات و كان الجو يجنن فقررو يطلعون في الحوش و يفرشون لهم عند المسبح
انا : لو اننا فوق الصطح كان احسن
رغد : لا بالعكس الجو رومانسي
العنود : رومانسي مع المشافيح الي قاعدين ياكلون الشبسات بلا رحمة
ريما وهي تاكل : وخير يعني ..... هي انصنعت عشان تنوكل
العنود : ما اقول الا مالت على حظي .... امحق خوات
هنا انا و ريما انفجرنا
ريما : مالت عليك انتي موب على حظك
انا : يحصلك نكون خواتك مالت عليك
ريما : تراك ماخذة في نفسك مقلب
انا : بعدين وش فينا شوفينا زي القمر
ريما : و بعدين عاد احنا الي ميتين فيك
انا : الا احنا الي متفشلين منك لأنك نشبه تنشبين في الرجال حتى لو ما يبيك ما تستحين
العنود : خلاص خلاص تراكم كليتوني
انا + ريم : تستاهلين اكثر
المهم كملنا سهرتنا سوالف و اكل و شرب و رحنا ننوم على السااعة وحدة
خليني اقولكم تقسيمنا في الغرف
في غرفة بشاير و مهى
انا و مهوي على سريرها و الهنوف و بشاير على سرير بشاير
و ريما في الارض بين السريرين
في غرفة غادة :
غادة و عبير و لمياء على السرير و العنود و رغد على الارض
قمنا على الساعة 12 الظهر و صلينا و بعدين لبسنا عشان عمي و خالتي ام بيشو
و مهى و بشاير و غاده كانو بالبجايم بما انهم في بيتهم
ام بشاير : صباح الخير يا بنات
الكل : صباح الخير
ام بشاير : كيفكم ؟
الكل : بخير
ام بشاير : صليتو ؟
الكل : طبعا
ام بشاير : افطرتو ؟
الكل : لا
ام بشاير : خلاص بخليهم يجهزون السفرة دقيقة بس
الكل : شكرا
ام بشاير : عادي حبيباتي هذا واجب لا يكون تبون تموتون من الجوع في بيتي (وراحت)
انا : طفش
عبير : نشوف فلم
مهى : كل الافلام الي عندنا شفناها
عبير : لا انا اعرف موقع عشان نشوف الافلام اون لاين
بشاير : خلاص جهزي فلم كوميدي
ريما : لا نبي اكشن
غادة+العنود : لا نبي رومانسي
انا : فلم رعب
الكل : لا
انا : بالعكس افلام الرعب فيها رومانسية و اكشن
بشاير : و الكوميديا
انا : الي يسمعك يقول بتخاف بتموتين من الضحك على اشكالهم
بشاير : طيب خلاص نبي فلم رعب
رحنا و شغلنى الفلم و شبكنا اللاب توب على التلفزيون عشان نشوف كلنا
طبعا رغد و لمياء يبكون و غادة و العنود يسبون في الي فرق بين الاثنين و بشاير و ريما متشققين من الوناسة بسبب الدم و التقطيع و انا و مهى قاعدين ناكل وما شفنا الفلم بكبره و الهنوف و عبير منسجمين مع الفلم
بعد ما خلص الفلم
انا : وش قصة الفلم الحين ؟
رغد و هي تصيح : البطل مات وخلا حبيبته
انا و انا اكلم عبير : عبير لايكون فلم رومانسي و احنى ماندري
ريما : لا اصلا لو شفتي التقطيع و التعذيب وناسة ليتني معهم اعذبك يا رغد
رغد : ليش انا وش دخلني
ريما : لانك ما اهتميتي الا بالحب
العنود نطت من مكانها
العنود : طبعا الحياة ما تسوى بدون حب و انا و رغد و شلتنا هدفنا في الحياة نلقى فارس احلامنى
انا استعبط : الحين كلكم في فارس احلام واحد ؟
العنود : لا طبعا انا قصدي ان كل وحدة تلقى فارس احلامها
انا : طيب لو طلعت وحدة فيكم تحب نفس الشخص يعني مثلا انتي و عبير تحبون واحد
عبير : هئئئئ يعني العنود تحب راشد ؟
طبعا احنا كلنا على وجيهنا علامات استفهام بس سوسة الحب عنود فهمتها
العنود : يعني انتي تحبين راشد ؟
عبير : يعني انتي ما تحبين راشد ؟
العنود : لا ما احب راشد انتي تحبين راشد ؟
عبير بتنهيده : ااااه حبيبي رشود
انا : مالت عليكم انتي وراشد ......... طيب عبور هو يحبك ؟
عبير : لا
انا : طيب يعرف انك تحبينه ؟
عبير : لا
انا : طيب قد لمحتي له ؟
عبير : لا
انا : وجع طيب شلون يصير حبيبك و هو ما يعرف انك تحبينه ؟
عبير : عادي هو حبيبي بس انا مو حبيبته
انا : مالت عليك انتي و راشد
عبير : طيب بنات انتم الحين عرفتم ساعدوني عشان يحبني
مهى بأستخفاف : انشالله انا اليوم بقول ترا عبير تحبك و تموت فيك ...... شي ثاني بعد ؟
عبير بسرعة : لالا مو بهاذي الطريقة انا ابيه يحبني قبل يدري اني احبه
الهنوف : طرار و يتشرط ما اقول الا مالت
غادة : انا بساعدك بمدحك عنده و عند امي عشان تخطبك له
عبير بفرح الدنيا كلها : جد ؟
انا كسرت خاطري عبير ما توقعتها تحبه لهذي الدرجة
انا بتنهيدة : خلاص بساعدكم
مهى : اذا ساعدتكم نوف انا بعد بساعدكم
رغد الي لين الحين تبكي : انا بعد لأني ابي اكون مشاركة في تكوين قصة حب
انا : وعع حومتو كبدي ترا بهون
عبير : لالالا انتي الوحيدة يا نوف الي تقدرين تخلينه يحبني
انا بأستغراب : ليش ؟
الكل بصوت علي : لأنك سوسة تعرفين كل شي
عبير : بعدين انتي بيتك قدام بيتهم يعني بيكون سهل عليك
مهى : لا تنسين اني معه بنفس البيت
باقي البنات : احنا بنساعدك بعد
عبير بفرح اكثر من الي قبل : جد ؟ خلاص اجل خلونا نخطط بفكرة عشان نخلي رشودي يحبني
و هنا كانت المصيبة لأن دخل علينا.........
............................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البارت (3)
باقي البنات : احنا بنساعدك بعد
عبير بفرح اكثر من الي قبل : جد ؟ خلاص اجل خلونا نخط بفكرة عشان نخلي رشودي يحبني
و هنا كانت المصيبة لأن دخلت علينا ام بشاير و سمعت كل شي
ام بشاير بأبتسامه : مين الي تحب رشود ولدي
هنا بشاير جتها جلطة
انا : خالتي لا تعصبين احنا
ام بشاير قاطعتني : انتي الي تحبينه ؟
انا جتني جلطة و ما قدرت امسك نفسي : وعع انا احب راشد مستحيل بعدين كأنه سواق مدري شلون عبير تحبه
ام بشاير : يعني عبير تحب رشود
عبير بخجل وهي منزلة راسها : ا..اايه ........ و اتمنى ما تزعلين مني
ام بشاير بفرح : مين قال اني بأزعل العكس انا ابي رشود ولدي يعرس .......... الا بساعدكم و بمدحك قدامه بعد انا
طبعا الكل كان مصدوم من تصرف ام بشاير لأن بناتها معنى و احنى نتكلم عن ولدنا و كان الصمت ينتشر في المكان
ام بشاير : شفيكم ؟
غادة بوناسة : ماما ما توقعتك بتساعدينا توقعتك بتهزئين عبير
ام بشاير : ليش اهزأها ...... بالعكس انا بساعدها بس ما تتعدى الحدود و تكلمه قبل الخطبة
عبير بفرح : لا .... لا تخافين يا خالتي
ام بشاير : خلاص على كذا خلو المرحلة الاولى علي ولا تتدخلون في الموضوع لين اعطيكم اشارة
مهى : والله حركات يا يمه لين اعطيك اشارة وش بقيتي لنى
ام بشاير : ههههههه الا يا بنات الي تحب تقولي عشان اساعدها
العنود : زين يا خالتي لأني ابيك انتي تساعديني مو الهيلق ذولا
انا وقف قلبي بعد كلامها ذا الصايعة الي ما تستحي فشلتني
انا : ليش وين تحبين انتي انشالله
العنود : محد بس لو حبيت
انا : الحين هذا كلامك و انتي ما حبيتي اجل لو حبيتي وش بيصير
ام بشاير : الا يا بنات وين بتسافرون الصيف هذا ؟
لمياء : مدري بس سمعت ابوي يقول اننا بنروح كلنا
انا : ونااااسة بنسافر مع بعض
غادة : من جد اخر مره سافرنا مع بعض كان عمري 8 سنين
بشاير : لموي ما تعرفين وين
لمياء : لا بس الواضح انها دولة عربية
الهنوف : اتوقع دبي
عبير : لا مصر
ريما : يمكن ما نطلع من السعودية
الكل : لااااا
انا : الله لا يقوله
ام بشاير : انا بأسأل محمد و اشوف
الكل : ايه تكفين
و على الساعة 3 العصر انا و ريما و العنود لبسنا عباياتنا بنرجع و كانو البنات كلهم راحو
العنود : يلا بنات باي
البنات : باي
انا : المرة الجاية بتجون عندي
البنات : اوكي
طبعا وصلنا البيت بسرعة لأنه كان قدام بيت عمي محمد
(خلوني اعطيكم نبذة بسيطة عن بيتنا و بيوت عماني
جنب بيتنا زي المواقف في السيارات بانينها عماني عشان سياراتهم و سيارات عيالهم المهم جنب الموقف بيتنا زي ما قلت و قدامنا بيت عمي محمد و جنبنا بيت عمي نايف من الجهه الثانية و جنب بيت عمي محمد بيت عمي فيصل
و جنبه بيت جدي و جدتي بس محد يسكن فيه لأنهم مستقرين في الشرقية في الوقت الحالي و بتتعرفون عليهم اكثر في البارتات الجاية)
سلمنى على اهلنا و بعدين كل وحدة راحت لغرفتها و تروشت و بعدين بدلت و اجتمعنا في غرفة العنود بأمر طارئ منها
انا : خير وش تبين ؟
طبعا العنود كانت ماخذة المشط حق الشعر و جالسة على الجلسة الي قدامها طاولة و انا وريما جالسين قدامها
العنود : ممنوع الكلام (بعدين خذت المشط وطقته على الطاولة بعدين قالت) بدأت الجلسة
ريما : خير لا يكون في محكمة
العنود : المحامية نوف الرجاء اسكات المتهمه ريما
ريما : خير وش سويت لايكون ذابحة واحد و انا مدري
انا اشرت لها تسكت و تسلك للعنود عشان نشوف وش تبي
انا : هل يسمح لي بالكلام حظرة القاضي ؟
العنود : نعم
انا : ما هو سبب استدعائنا من خرفنا ؟
العنود : الان سوف اخبرك ......... بصفتي القاضي و بالحق الذي شرع لي من مجلس الي مدري وش اسمه
اعلن انا القضية حساسة ولا تحتمل التأجيل
انا : اخلصي
العنود : لقد تبين من التقرير التالي ان المتهمة الثانية المدعوة بعبير قد وقع في الحب
وشوي وتجي المخدة في وجه العنود من ريموه
ريما : مجمعتنا من عز انشغالنا عشان الحب
العنود بعصبية : الحب هو الي يخلي الانسان يعيش و انتي ما جربتيه فلا تحكفين
ريما بأستهزاء : يله احنا نسمع اطربينا
العنود : احم احم ......... ويجب مساعدة المتهمة عبير لتخبر المدعو راشد عن حبها له
نوف : بس
و تقاطعني العنود : اطلبي الاذن قبل الكلام ايها المحامي نوف
انا بعد ما ارتفع ضغطي : هل يسمح لي ان اتكلم
العنود : تفضلي
انا : كيف بساعدها و كيف بنخليه يحبها
العنود بأبتسامة ثقه : بنخليه يشوفها احنا ما نتغطى من عيال عمي صح ؟
انا+ريما : صح
العنود : خلاص بنخليه يشوفها
ريما بأستخفاف : شلون بيشوفها يا غبية لأننا ما نجتمع كلنا الا عند بيت جدي و هو الحين في الشرقية
العنود : ليش ما دريتو ؟
انا+ريما : لا
العنود : جدي بيرجع للرياض بعد بكره و الظاهر انه موب راجع للشرقية
انا+ريما : يعني بيرجع يعيش معنى ؟
العنود : ايه
انا و ريما ما صدقنا خبر قمنا ننط كننا قرود
العنود : المهم انا سمعت ان عمي بيسوي عزيمة كبيرة و بيجون ناس ما نعرفهم و بنكون احنا المسؤولات عنها
انا+ريما : والمطلوب
العنود : يالأغبياء وش تبون اوضح اكثر ؟
ريما : وانتي كلامك الغاز تتكلمين بالقطارة
العنود : افف ...... المهم اذا جو الحريم يسلمون على جدي تدخل معهم و يشوفها و يحبها شرايكم مو حلوة الخطة ؟
انا : طيب شلون بيعرف ان هذي عبير ؟
العنود : ليش انتي ما تعرفين جدي وش يدلعنا
نوف+ريما : ايه
العنود : خلاص اكيد بيقول عبورة و بيعرفها
انا : الحمدلله والشكر صدق العقل نعمه
ريما : اللهم ياربي ارزقنى عقل لأن اختي العنود تحتاجه
العنود : وجع وشفيكم علي
ريما : طيب وش يثبتلك انها بتعجبه او وش يثبتلك اذا كان بيشوفها من الاساس
العنود : افف على الأقل نحاول بعدين بنجتمع كثير في بيته و بيشوفونا
انا : ايه قولي كذا من الأساس على الأقل هذي تدخل المخ شوي
ريما : من جد
العنود بعد ما طقت المشط مره ثانية على الطاولة : انتهت الجلسة
انا+ريما : اخيرا (وطلعنا من الغرفة)
............................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بسم الله الرحمن الرحيم
البارت(4)
في اليوم الثاني
في غرفتي
انا كنت جالسة افكر اذا رجع جدي و جدتي وش بيصير و متى بنسافر قطع علي صوت جوالي يرن و بعد ما رديت
انا : الو
المتصل بصراخ بس استهبال : ساعة تردين يالخبلة
انا عصبت ليش يصارخ علي و انا ما اعرفه : خير مين انت ؟
المتصل بدهشة : ما عرفتيني ؟
انا : لا اخلص علي
المتصل بأستعباط : مين تتوقعيني ؟
انا : يا تاكل تبن و تقول مين انت يا تاكل تبن و تسكر الخط
المتصل : حيرتيني صراحة
انا بقلة صبر : اخلص
المتصل : خلاص خلاص انا
انا : مين
المتصل : انا
انا : مين بسرعة
المتصل بأسلوب مستفز : انا ...... انا طلال
انا بأستغراب : مين طلال ؟
طلال : غيود شفيك انتي قلتي ان هذا رقمك الجديد نسيتي ؟
انا : شكلك غلطان في الرقم
طلال : تستهبلين غادة انتي قلتي ان هذا رقمك الجديد
انا قلت في نفسي بكذب عليه اشوف وش يبي
انا : ايه معليش بس تلخبطت
طلال : ايه حبيبتي الا ليش شريتي رقم جديد ؟
انا : كذا من باب التغير
طلال : ليش صوتك متغير
انا و انا احاول اخفي ارتباكي : لا بس تعبانه
طلال : اها ماتشوفين شر يا قلبي اكيد وحدة من خواتك الدفشات سوت بك شي
انا : مين تقصد ؟
طلال : شفيك ؟ .... خواتك مهى و بشاير
انا هنا جتني جلطة عرفت انه يقصد غادة والي خلاني انصدم ان غادوه تكلم اولاد بس ليش عطته رقمي وقررت اني احقق زيادة عشان اعرف
انا : لا مالهم دخل
طلال : عاد تصدقين يا قلبي و دي اشوف خواتك الحقودات الي دايم يورطونك بمشاكل بنت عمك بس عشانها تغار منك
انا بدهشة : ايه ما تتصور قد ايش يظلموني
طلال بعصبية : ودي انتف نوف هذي تنتيف ليش تسوي كذا بس عشانك احلا منها
انا في نفسي طبعا :" جعلك السرطان انا اغار من جمالك هين بس خلني الحين اعرف العلاقة الي بينكم و الوعد عند عمي محمد يا غادوه " ايه ما تتصور حتى اذا شفتها ابي اراضيها تعطيني نضرات
طلال : اعرف يا قلبي اعرف .... الا ما قلتي لعمك انها تطلع مع رجال و تروح لشقته و ما ترجع الا اخر الليل ؟
انا هنا انتظر احد يقبرني مت من الكلام الي سمعته
انا بعصبية : لا ما قلت لأن الرجال طلع اخوها و يجيبها لزوجته الي متزوجها بالسر
طلال بأستغراب : طيب ليش معصبة
انا بأرتباك : لا بس لأني ظلمتها
طلال : بس هي ظلمتك اكثر
انا من دون نفس : معك حق بس انا احب اسامح
طلال : طيب بس احس ان اسلوبك تغير يعني ما صرتي تقولين لي حبيبي او روحي او قلبي زي اول فيك شي ؟
انا بعد ما خلص الصبر الي عندي : طلال
طلال : عيون طلال
انا بنفس الأسلوب : ممكن اعرف وش تعتبرني عندك ؟
طلال : هذا سؤال ...... انتي كل شي بالنسبة لي
انا : اكيد ..... يعني تحبني
طلال بثقه : طبعا .... ليش لايكون سامعه كلام غلط ؟
انا : طلال ابعد عن غاده
طلال : غيود ليش تقولين هذا الكلام
انا بقلة صبر : ابعد عن غادة
طلال بصدمة : ليش انتي مو غادة ؟
انا : لا بس ابعد عنها
طلال : و اني وش تكونين لها
انا و انا احاول اخفي ارتباكي : هاه .... لا بس يعني حسيت ان البنت مظلومة وما حبيت تظلمها اكثر من بنت عمها
طلال : و انتي وش دخلك
انا اصرف : لا بس عشان ما تحس بالجرح الي حسيته .... اذا تبي تلعب على غيرها انت حر
طلال بشك : يعني غيرها عادي وهي لا .... اكيد تعرفينها
انا : لا ما اعرفها .... بس عشان ابري ذمتي اني سمعتك تقول عنها هذا الكلام و انا قلت لك ما تقرب منها
طلال : انتي مالك دخل انا العب عليها و بظل العب عليها لين اخذ الشي الي ابيه منها
انا بأستهزاء : كرامتها ؟
طلال بغرور : انا خذيت كرامتها وخلصت
انا : لا يكون على بالك اني بأسكت .... اخوي موظف اتصالات و بقول له عن رقمك و يشوف لي الارقام الي تكلمها
و بشوف مين الي اسمها غادة و اقول لها الكلام الي قلته >>>>>> كذب
طلال بثقة : نشوف (وسكر الخط بوجهي)
انا اكلم نفسي بعد ما تنهدت تنهيدة قوية :"وهذي وش سوينا لها عشان تخون العايلة؟ ..... هذي مشكلة مستحيل ينسكت عنها بس انا ماراح اقول لعمي بكلمها اول ....... ايه بكلمها اول"
و شوي و ينفتح الباب ويدخل رائد مدرعم وينط قدامي على السرير
انا : خير وش جابك بعدين ما تقدر ان هذي غرفة بنت يعني ابي شوي خصوصية المفروض انك طقيت الباب قبل ما تدخل
رائد : موب هذا موضوعنا
انا : مشالله ....... ومن متى عندنا مواضيع ؟
رائد : من الحين بيكون عندنا ........ عندك بندول ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك