رواية ذكريات مراهقة -3
انا : خير وش جابك بعدين ما تقدر ان هذي غرفة بنت يعني ابي شوي خصوصية المفروض انك طقيت الباب قبل ما تدخل
رائد : موب هذا موضوعنا
انا : مشالله ....... ومن متى عندنا مواضيع ؟
رائد : من الحين بيكون عندنا ........ عندك بندول ؟
انا : الحين جايني مدرعم و مواضيع و مدري ايش عشان بندول
رائد : عندك ولا أروح للعنود
انا : لا ما عندي ولا تروح للعنود لأنها تقول (اقلد اسلوب العنود) "انا الشي الوحيد الي مايخلي راسي يصدع افكر في فارس احلامي المستقبلي"
رائد وهو ميت من الضحك : ايه انشالله
انا : روح لريما من الكثر الحركات البهلوانية الي تسويها صار عندها صيدلية مسكنات
رائد : اوكي
انا : اذلف وسكر الباب وراك
رائد : اوكي (وطلع)
في بيت نايف
لمياء : اااااااااااااااا
ام لمياء (لولوه) : وليد خل اختك بحالها
وليد : يعني حرام الواحد يستهبل على اخته ؟
لولوه : بس مو بهالطريقة
لمياء بدلع و خوف : اااااا يمه تكفين بعديه عني ترا بموت
لولوه : وليد خلاص عاد خل اختك
(كان وليد يقرب الكلب حق مشعل للمياء الي تكره الحيوانات و الحشرات)
وليد بأستهزاء : تراه كلب موب وحش
لمياء بصراخ : وخره عني وليد الله يخليك وخره عني
وليد : تراه موب ماكلك
لمياء بعد ما فقدت الامل من وليد قررت تنادي مشعل لأنه صاحب الكلب
لمياء بصراخ اقوى عشان مشعل كان فوق : مشعل ........ مشعل
مشعل نزل وهو مرتاع ما يدري وش السالفة
مشعل وهو مرتاع و بخوف : نعم
لمياء : وخر كلبك عني
مشعل ببرود : اول شي هي انثى ثاني شي اسمها لوسي
لمياء بخوف : طيب لو سمحت يا اخي العزيز مشعل وخر لوسي الأنثى عني
مشعل : راح و خذا لوسي من وليد
وليد : مالت محد يمزح معكم
مشعل : امزح بس موب بلوسي
وليد ببرود : اوكي (وراح وجلس جنب امه)
وليد : يمه طالبك طلب و قولي تم
لولوه : اذا اقدر تم
وليد : بغير سيارتي و ابيك تتوصطين لي عند ابوي
لولوه بدهشة : بس انت توك شاري سيارة من 6 شهور
وليد : لا يمه الحق ينقال انا شريت سيارتي من 5 شهور و 28 يوم
لولوه : يعني جت على كم يوم
وليد : يمه الله يخليك
لولوه : وليد جدك بيجي بعد كم يوم قله يتوسط لك عند ابوك
وليد بفرح : جد .... يعني اذا جدي جا ماله داعي اغير السيارة
لولوه : وليش انشالله ؟
وليد بذكاء : لأن يا امي العزيزه من طبع جدي انه يهدينا اذا سافر و رجع و بما ان سفرته طولت بأطلب هديتي سيارة و يكون عندي سيارتين
لولوه : و انت ما تمل من السيارات كل يوم سيارة جديدة
وليد : اعشق السيارات اعشقها
لولوة بتنهيده : سو الي تبي
وليد : انشالله يا احلى ام بالدنيا (وراح و شال لمياء و قعد يدور بها بسرعة)
لمياء : ااااااااااا
لولوه : وجع ما تميت خمس دقايق الا وترجع تهجم على اختك
لمياء مستمره بالصراخ : ااااااااااااااااااا
وليد ببرائة مصطنعه : بس انتي قلتي سو الي تبي
لمياء : ااااااااااااا
لولوه : بس ما كان قصدي كذا
لمياء : ااااااااااااا
لولوه : يلا نزل اختك
لمياء : اتركني اتركني
وليد بمكر : متأكدة تبين اتركك
لمياء : ايه اتركني
وليد ترك لمياء و طاحت على الارض بقوه
لمياء بعد ما طاحت : اااااااه جعلك الموت عشان ارتاح منك انشالله
وليد : انتي قلتي اتركني
لمياء : بس مو بهالطريقة
وليد : مو مشكلتي انك ما توضحين الكلام انتي و امك
لمياء بحقد : طيب يا وليد طيب ..... ان ما قلت لجدي عن حركاتك ما اكون انا لمياء
وليد : لمياء اختي الحبيبة ما تبي تقول لجدي عشان ما يشتري لي السيارة و تخرب علي صح ؟
لمياء بغرور : على حسب
وليد : يله عاد لموي
لمياء : لأني حلوة ورقيقة و ما اقدر على زعلك بسامحك
وليد : شكرا يا احلا اخت
لمياء : مولله
وليد : يالله عاد
لمياء : طيب خلاص
في بيت محمد
بالتحديد في غرفة غادة
غادة كانت تفكر
" ليش ما دق على رقمي الجديد لا يكون ارسلته غلط "
(وطبعا فتحت الرسايل و اكتشفت انها ارسلت رقم غلط بدال ما تكتب رقمها الجديد كتبت رقمي انا)
غادة بخوف :"هئئئ يعني الحين طلول كلم نوف"
" ادق عليه ولا ما ادق؟ "
"شكلي بدق وبشوف وش بيصير "
............................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (5)
في بيت محمد
بالتحديد في غرفة غادة
غادة كانت تفكر
" ليش ما دق على رقمي الجديد لا يكون ارسلته غلط "
(وطبعا فتحت الرسايل و اكتشفت انها ارسلت رقم غلط بدال ما تكتب رقمها الجديد كتبت رقمي انا)
غادة بخوف :"هئئئ يعني الحين طلول كلم نوف"
" ادق عليه ولا ما ادق؟ "
"شكلي بدق وبشوف وش بيصير "
(بعد ما دقت غادة على طلال)
غادة : الو
طلال : اهلين
غادة بسرعة : حبيبي الرقم كان غلط يليت ما تتصل انا عطيتك رقم وحدة من البنات
طلال كان يكلم نفسه : لا حبيبتي تطمني ما دقيت على الرقم كنت مشغول شوي "لا تكون وحدة من خواتها و اتوهق"
غادة : طيب انا الحين بسكر و بعطيك الرقم اوكي حبيبي
طلال : اوكي
(وسكرت غادة و كانت مرتاحة مع انها ما تعرف وش الي بيجيها مني)
في بيتنا
في غرفة ريما
كنت واقفة عند دولاب الجزم (الله يكرمكم) و ريما على السرير ومعها اللاب توب
انا : ريما ماعندك فلات كحلي ؟
ريما : لا .......... بس انا اول لبست حق العنود خذيه منها
انا : اوكي شكرا (وكنت بطلع بس وقفني صوت ريما)
ريما : لحظة ...... ليش وين بتروحين
انا : بروح لبيت عمي محمد
ريما : متى ؟
انا : بنزل اقعد مع امي شوي و اروح
ريما : بروح معك غادة موصيتني اجيب لها اغراضها الي خذيتها اول منها
انا بجدية : لا
ريما : خير
انا بجدية : لي موضوع مع غادة لازم اناقشة الحين
ريما : وش الموضوع ...... بعدين انا بعطيها الأغراض و بروح عند مهاوي و بشورة
انا بجدية اكثر : ريما ....... انا بودي لها الأغراض بكره روحي لهم بس اليوم لا
(ريما انتبهت لتصرفاتي و ما حبت انها تتدخل لأنها تعرف اني ما اتكلم بجدية الا اذا كان عندي شي ضروري و ما يتأجل)
ريما : براحتك ..... طيب عادي اقول لبشاير و مهى يجون عندي في البيت ولا تبينهم في الموضوع ؟
انا : لا عادي و يكون احسن بعد
ريما : اوكي
(نزلت قعدت مع امي شوي و رحت لهم بالبيت و قلت لمهى و بشاير ان ريما تبيهم و انا بقعد مع غادة شوي و اجيهم و راحو)
انا طقيت باب غرفة غادة و قالت لي ادخل
انا ببرود : غادة
غادة : دقيقة بس بحط شوي كحل و اروح معك
(بعدي ما خلصت)
غادة : خلص يلا عبايتي تحت
انا ببرود : مو ضروري نروح الحين
غادة : تستهبلين كلمت باقي البنات قلو بيجون يلا بسرعة
انا بجدية : غادة
غادة بأستهبال : نوف ممكن اعرف ليه ماتبيني اروح لهالدرجة كارهتني
انا : ايه لدرجة اني اخرب خواتك عليك لأني اغار منك لأنك احلا مني
غادة بشك اني عرفت : وش قصدك ؟
انا : غادة انا اعرف علاقتك بطلال
غادة ما ردت بس كان واضح عليها الصدمة و الخوف
انا : انتي لو تسمعين وش قال عنك كان تركتيه
غادة : ______
انا : انا ابيك تنسين هالحركات البايخة و تستغفرين عشان يتوب عليك ربي
غادة : ______
انا : لأن هذا الشي مو بس عيب هذا الشي حرام ....... هذا غير انك خنتي التربية الي غيرك ما كان بيحصلها
غادة و بدت تنزل دموعها بدون ولا صوت
انا : هذا لمصلحتك ....... انا كنت ما راح اقول لعمي محمد عنك و بكلمك انتي بالموضوع بس
و تقاطعني غادة و هي تبكي و كانت تترجاني و تقول : نوف لا تقولين لأحد لو سمحتي اذا درو اهلي بيذبحوني
انا كملت كلامي و تجاهلتها : بس للأسف انا ما اقدر اسكت ....... انا بقول لعمي محمد
غادة الي جلست عند رجولي تترجاني : لو سمحتي لا تقولي له او اخوي بيذبحوني
انا : بس انا ما اقدر اسوي غير اني انصحك و اعرفك عنيدة و ما راح تسمعين كلامي
غادة بنفس الوضع : نوف ابوي فيه الي يكفيه و راشد اذا عرف اكيد بيقول لأبوي
انا تنهدت : اوكي ..... بس اذا سويتيها مره ثانية بقول لعمي
غادة : اوكي
(طبعا غادة كانت مرتبكة و نزلنا انا و هي لتحت و نست تمسح الكحل الي سال من البكي)
ام بشاير(امل) : وش فيها غيودتي تبكي ؟
غادة بأرتباك واضح : هاه .. ايه .. لا
انا : لا يا خالتي بس سمعتها اغنية وقعدت تبكي عليها تعرفين بنتك حساسة
امل : ايه الحمدلله ...... و قولي لخواتك لا يتأخرون بكره بيجي جدك
غادة : اوكي (وطلعت انا و غادة)
عند طلال
كان طلال يفكر في نوف الي سوت نفسها غادة
طلال :"مين هذي؟!"
"وليش ما قالت انها تقرب لغادة"
"معقولة يكون لها اخو متوضف في الأتصالات زي ما قالت"
"اذا عطته الرقم وقالت له عني اكيد ما راح يسكن"
"بس ليش حسيت اني انجذبت لها و انا اكلمها اكثر من غادة"
"شكلي بسحب على غادة و بتقرب من هذي البنت لين اعرف مين تكون"
"بس واضح انها عاقله و ما تهمها هذي الحركات"
"بس بحاول ليش لا"
وصلت انا و غادة لبيتنا
و دخلنا و طبعا غادة مسحت أثار الكحل و دخلنا لغرفة العنود وخلينا الوضع عادي كأنه ماصار شي بيني و بين غادة
رغد : ليش تأخرتو ؟
انا : يعني ما تعرفين غادة دقت عليها صديقتها تكلمها و قعدت ساعة معها
مهى : اسألوني انا .... مره ما كان بالبيت غير انا و غادة و تقفل علي باب الحمام و قلت لها تفتح لي و تخيلو وش تقول
الكل : وش تقول
مهى : استني بكلم صديقتي يعني ما تعرفين تقعدين بالحمام دقيقة و طبعا انا انتضر و اناظر ساعتي مرت حوالي نص ساعة و انا بالحمام انتر ولا حتى فكرت الاخت تفتح لي الباب لين جت بشاير و فتحت لي الباب
الكل : ههههههههه
الهنوف و هي تضحك : مرفوع عنك القلم يا غادة ما راح نحاسبك
انا استفزتني كلمة ما راح نحاسبك و قلت بحدة : لا طبعا لازم تتحاسب على كل تصرفاتها
(طبعا ريما حست ان الموضوع الي بيني و بين غادة قوي)
ريما بشك : ليش ؟ ..... الهنوف كانت تمزح وش الي خلاك تعصبين لهالدرجة
انا اصرف : لا بس اقول يعني انها كبارت ولازم تتحاسب ........ الا ريما ما قلتيلي انك بتنادين باقي البنات
عبير بأستهبال : ليش ما تبينا ؟
انا بأستهبال : ايه ما نبيكم
لمياء : الا بشاير و غادة و مهى ما صار شي جديد بموضوع عبير ؟
بشاير : الا ... فاتكم اليوم على الفطور قعدت امي تمدح فيك يا عبير عند رشود حتى هو علق عليك
عبير و وجهها قلب طماطه : وش قال
بشاير : قال .. مشالله عليها الله يخليها لأهلها
العنود : يعني ما قال شي ثاني ؟
بشاير : لا
العنود : افف .... على الأقل علق بشي زين
المايعات : من جد
انا+مهى+بشاير+ريما+الهنوف : وعع
و طبعا المايعات عطونا نظرات احتقار ما عمري شفتها بحياتي
............................................نهاية البارت............................................
اتمنى اشوف ردودكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (6)
في بيتنا
في غرفة العنود بالتحديد
طبعا كانو البنات عندنا
و غادة ساكته ماعلقت بأي شي على سوالفنا
كان مالها وجه او بالأصح كانت خايفة مني
غادة كانت طول الوقت تفكر :" الحين شلون معقولة أتركه؟ "
" شكلي بأتركه و ادور غيره لأني مليت منه بصراحه "
" بس هذي وش اسوي فيها؟ .... اذا عرفت اني اكلم بتذبحني و بتقول لأبوي "
" بس هي ما تعيش معي يعني ما راح تعرف الا اذا احد قال لها "
" بعدين اذا مهى و بشاير الي معي بنفس البيت ما يدرون اني اكلم كيف هي بتعرف "
" خلاص من بكره بترك طلال و بدور لي واحد ثاني اتسلى فيه "
(مر الوقت بسرعة ورجعو البنات لبيوتهم و راحت كل وحدة منا لغرفتها)
انا كنت بغرفتي اجهز لبس عشان اذا جا جدي و جدتي من السفر
في اليوم الثاني
وقبل المغرب في بيتنا
كنت انا و خواتي تحت عند امي
و ابوي واخواني و عماني و عيالهم راحو يستقبلون جدي
انا : الحين ليش جدي كان مسافر للشرقية ؟
امي : كان عنده شغل
العنود : شغل يدوم 3 سنين احسها غريبة
ريما : من جد بس يمكن كان بيفتتح فرع من الشركة في الشرقية
انا : لو انه كذا كان خذا معه واحد من عماني او عيالهم
و كل كلامنا كانت امي تسمعه بس كأنها ما تبينا نتكلم بالموضوع و اشرت للبنات يسكتون
انا : يمه متى بيوصل جدي وجدتي ؟
امي فرحت لأننا غيرنا الموضوع وقالت : يعني بعد نص ساعة و على ما يخلصون الأجرائات و يوصلون للبيت
بتكون الساعة 7 ونص
انا و البنات : اها
على الساعة 7 و نص الكل كان ببيت جدي
دخل جدي و جدتي و عماني و عيالهم و ابوي و اخواني
جدي ما تغير ابدا
انا و البنات و دانة زوجة خالد فرحنا كثير برجعة جدي وجدتي صح هم يزورونا من فترة لفترة بس هذي المرة بيسقرون بالرياض
امهاتنا على طول راحو يسلمون على جدي و على جدتي الي كانت نفس الشي ما تغيرت
امي : شلونك يا عمي
جدي : الحمدلله انتي شلونك ؟
امي : الحمدلله
لولوه : اخبارك يا عمي انشالله بخير ؟
جدي : بخير ..... بخير الحمدلله
و استمر الوضع على كذا و سلمنا كلنا على جدي وجدتي
بعد ما تعشينا كان الجد جالس معنى هو و الجده
الجده : بكره فيه عشا و بيجون ناس من برا العايلة ما اوصيكم يا بنات في الضيوف
البنات : انشالله
الجده وهي تناظر عبير لأنها اكبرنا : بعد يمكن تشوفكم وحدة و تخطب وحدة منكم لولدها
العنود بجرأة : انا بتزوج عن حب مو عن تقاليد
امي تقلب وجهها ودها الارض تنشق و تبلعها
الجده : الحب بعد الزواج يكون احسن يا بنيتي
العنود : ايه بس احلا يكون قبل الزواج لأن
و اقاطعها انا : عنود ابلعي لسانك و اسكتي ما تستحين تقولين هالكلام و تراددين جدتي بعد
العنود : و انتي وش دخلك ؟
ريما داخلة عرض : انا مدخلتها
العنود : لا والله و انتي
يقاطعها جدي بحدة : عيب عليك هالكلام و تقولينه قدامي بكل جرأه
العنود بخوف من جدي : بس الحب مو حرام او عيب
الجد : لك الحق تحبين بس تسكتين و ما تتعدين حدودك فيه
العنود من دون نفس : انشالله
الجد وهو يوجه كلامه لي : هذا كله منك
انا بصدمه : و انا وش دخلني ؟
الجد : انتي اختها الكبيرة و قدوتها لونك عاقلة كان الحين هي عاقلة
انا بقهر : بس انا دايم اهزأها بس هي ما تسمعني اذن طين و اذن عجين على ما قالو
الجد : حتى ولو
انا قلت اسكت مهمى يكون هذا جدي و عيب علي اني ازيد في الكلام
بعد ما رحنى لبيوتنا
كانت العنود بغرفتي
العنود وهي ماسكة فستانين : نوف البس هذا ولا هذا شرايك ؟
انا : لا هذا احلا
العنود : بس مدري وش البس معه
انا : فستان يعني وش بتلبسين معه
العنود : انا قصدي الاكسسوارات
انا : خلاص البسي الي تبين
العنود : يعني رجعنا للأول
انا بأستهبال : روحي لريما تراها تفهم بالملابس
العنود وهي ميته من الضحك : ههههه مره واضح انها تفهم في الملابس
انا : روحي اسألي امي
العنود وهي تطلع : انشالله
في اليوم الثاني ببيت جدي وبعد ما جو الناس
طبعا كنا كلنا كاشخين
انا فستان توب سماوي باهت وكان فيه حزام بني تحت الصدر وسيع ومن تحت فيه رسم ناعم بالبني فوق الركبة بشوي
العنود فستان ابيض نص كم ضيق من فوق ومن عند الخصر وسيع فوق الركبة بشوي
ريما تنورة سودة قصيرة و عادية و بلوزة حرير سكري و نص كم و الكم منتفخ شوي
الهنوف فستان قصير كحلي و كان كت من فوق و كان عادي مو وسيع ولا ضيق
عبير فستان اسود ضيق من فوق كان فيه زي النقوش بالأبيض و الرمادي و سيور
رغد فستان قصير وردي فاتح توب ماسك من عند الصدر بعدين وسيع
مهى فستان ابيض توب قصير و ضيق وكان فيه من تحت الفستان طبقة قماش اسود شفاف و كانت قصيرة بس واضحة
بشاير فستان ناعم اخضر قصير نص كم ومن عند الخصر شريطة زيتية و بعدين مربوطة من على جنب
غادة كانت لابسة فستان رامادي قصير و كت و من فوق فيه كرستالات سودا و رمادي
لمياء فستان احمر قصير و كت و من عند الصدر كان فيه قماش اسود مخرم وكانت نقوش التخريم حلوة و ناعمه
كان البيت زحمة ناس داخلة و ناس طالعة
و عبير طول الوقت جالسة عند المدخل عشان اذا احد من الرجاجيل يبغى شي يقول لها على امل انها تشوف راشد طبعا كل هذا بتوصيات اختي العنود لها
عند الحريم في المجلس
انا : اقول رغود شوفي هذيك الي جالسة قدامنا ماشالت عيونها منك
الهنوف : بكرة او بعده اكيد بنخطبين
رغد بدلع و خوف : لالالا ما ابي توني صغير
انا اقلدها : يربي انتي مره صغيرة كيف تتزوجين بهالعمر
الهنوف تضحك على اسلوبي
غادة كانت جالسة مع لمياء و دانة زوجة خالد تسولف معها
العنود و مهى يستهبلون على عجوز وبشاير مسوية عاقلة تشرف على الخدم
ريما سلمت و رقت فوق عند مشعل و تركي يلعبون بلاستيشن
انا : اف طفش
الهنوف : شرايكم نشوف الرجاجيل مين الي جا ومين الي ما جا
انا : ايه بس كيف ؟
الهنوف : بنروح نطل عليهم من الشباك الخلفي محد يروح له
رغد : لا اخاف احد ينتبه
انا : من جد .... لو شافنا احد وش بنقول ؟
الهنوف : يلا بنات خلونا نشوف بسرعة و نرجع
انا+رغد : اوكي
ورحنا و جبنا كراسي عشان نقدر نشوف
رغد بدلع : ياي شوفي هذاك كيوت مره
انا : اقول اسكتي احنا جايين نشوف مين الي جا مو نعلق على الناس
رغد : افف خلاص
الهنوف بضحك : بنات شوفو الرجال الي هناك نام من الطفش
انا+رغد : ههههههه
رغد : دقيقة انا جبت كمرتي عشان نصور ذكراياتنا الحين بصوركم فيديو و قولو رايكم في هالحظة
انا+الهنوف : اوكي
رغد بعد ما شغلت الكمرة : نوف قوليلنا شعورك و انتي قاعدة تتفرجين على الناس بدون ما يدرون
انا بحماس : وناسة .... رغد صوري الرجال النايم (ولفت رغد الكمرة و صورته)
رغد بعد ما لفت الكمرة على الهنوف : الهنوف قولي رايك في الرجال النايم
الهنوف التفتت على الرجال و قعدت تضحك لأنه كان ياكل و هو نايم
الهنوف و هي تضحك : ههههه ما عندي تعليق هههههه
بعدين سكرنا الشباك و قعدنا نستهبل و رغد تصور وشوي و نحس احد جاي من جهتنا
انا بصوت واطي : بنات احد بيجي
الهنوف : امشو نتوزا
رغد بخوف : وين ما فيه مكان ؟
الهنوف : تحت الكراسي بسرعة (ودخلنا كلنا تحت الكراسي)
رغد وهي شوي و تبكي : احنا اغبياء عشانا رحنا من ورى البيت قلنا ما راح يكون فيه احد ولا لبسنا عبايات شنسوي الحين ؟
انا : يارب يصير اخو وحدة فينا عشان تطلع و تقوله يروح لين نرجع للحريم
و الي كان جاي لجهتنا كان........
............................................نهاية البارت............................................
و اتمنى اشوف ردود اكثر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
احب اشكركم على ردودكم و هذا البارت لعيونكم و اتمنى ما تحرموني من ردودكم
البارت (7)
انا بصوت واطي : بنات احد بيجي
الهنوف : امشو نتوزا
رغد بخوف : وين ما فيه مكان ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك