رواية ابي انام بحضنك بس دخيلك لا تصحيني -22
جابر يحط أيديه على الطاولة وينحني على الطاولة
والخاتم ألي لابسة بأحد صابعه بأناقه ضرب الخسب
وطلع لع صوت:أنت لك عين تجي لهالشركة ..
....:ياولدي لاتسمع بأذنك كل شي وتصدقه..خل عقلك
بعد يسمع
جابر يرفع حواجبه ويحرك عيونه جهة اليمين بأستهزاء:مدري
أقولك عمي أو عبدالله حااااف..بس بغيت أقولك لعبتك
أنت وبنتك على ذعار مكشوفة..تتذكر يوم قلت أنها راح ترجع
لك..أبشرك بترجع
عبدالله يلف بالكرسي ويواجهه:ذعار هو ألي جى يستغلها
بعد ماأرسله جدك
جابر يطالعه بنظرة حارقه وصوته أشبه بالصراخ:لاتبرر
لبنتك تصرفاتها..وجدي له حق يرسل ذعار مثلك يالنصاب أنت
وبنتك.ولاتبرر لبنتك تصرفاتها..تصور!!
وصل فيها التمثيل أنها تكون نسخة من شيطان قاعدة تمثل
علي أنها ماتعرف أني ولد عمها وبعد ذعار المرحوم
عبدالله سكت وبعد صمت نطق كلماته
ألي كانت أقرب لعدم التصديق عند جابر:والله العظيم أنها
ماتدري عن شي(نزل عيونه كأنه متردد وبصوت ألم عميق
أنفجر بين أوتار قلبه)أنا وذعار زورنا بطاقة بأسم غير أسمه
وأسم العايلة عشان ماتعرف بشي
حرك جابر عيونه بسرعة لعبدالله وبدت عيونه تتسع تدريجيا
وألم الماضي عاد من جديد ألالام سكنت
قلبه الحزين بس مسرع ماأبتسم:أهااا..كذبة قاعدة تألفها عندي
(صرخ)عبالك أنا غبي !!!هااا ...أنا من كيفي شايف مسرحيتكم
وساكت(نطقها كلمة كلمة)من ..ك,,ي,,ف,,ي
وعبدالله ظل جالس بكل هدوء..أستقبل
هالصراخ بأوراق الحقيقة يفتحها بين عيون الفجر
الأليم..حتى تشرق بعدها الشمس ألي طال
أنتظارها..ع قلب وحدة تألمت في ليل مظلم:هالمسرحية أنا
من ألفتها أنا وذعار,,جاردينيا مالها شغل بأي شي..كانت أداه عشان
نوهم فيها جدك أننا قاعدين نمشي نفس ماخطط هو..أستغلينا
أنها على نياتها..والله العظيم ماتعرف أني أكون عم ذعار ولا تعرف
أنه ولد عمها..طلعتها من دار الأيتام وعذبتها في بيتي
مع أمها,,أو..(رفع عيونه لسقف)أو بالعربي أوهمتها أني
أعذب أمها بعد ماسلمت لها 10http://www.kuwaitup.com/vb/images/smilies/375.gif000عشان تسوي
ألي أبيه وتفارق عني..(حط يده على قلبه كأنه يحس
بوجع وهو يتذكر كل ألي سواه) كنت أبيها تشوف
أمها تترك البيت وتتركه هي عشان تقابل ذعار وهو عاد يتكفل بالباقي
قعد يتكلم وجابر يسمع بعد مانزلت الأقنعة من ناس حذفهم
من حساباته...بدى أحساس الألم ألي سكن بصوت عبدالله
أضعاف مايحس هو فيه..كل شي أنتهى وظلت جاردينيا عالقه
بذاكرته بهاللحظة..عالقة بدموعها وحرمانها من بنتها..تذكر صورتها
ألي عجز يتذكرها وهي لابسه فستانها الأبيض ترتسم في مخيلته
وكأن ألي سمعه ماكان غير صفعة أنفضت كل شي بداخله..أبتسامتها
رغم أنها عادية لكن كانت تحمل من المشاعرشي كثير
مات بين أيديه مثل ما ماتت مشاعره وفضلت تتخبى
بين شرايين قلبه..ورغم كل ألي سواه
راح وأخذ بنتها منها عشان ينفذ لعبة الأنتقام ألي ماكانت غير
نوايا خبيثة داست على كرامته وكرامتها
عبدالله يقوم عن الكرسي:ومشى كل ألي خططنا له أنا وذعار..وفعلا
تزوجها وقعد جدك من فرحته يحط في رصيد ذعار
ملايين ألي أنا تمتعت فيها أكيد..وتمر الأيام حتى أشوف ذعار
في يوم من أيام الصيف يوقف قبالي وشكله
غير طبيعي قال لي:جاردينيا تحبني ياعمي تحبني بجنون
وأنا مستحيل بكون ألي يكسر قلبها بيده..
ذعار قدام هالحب ضعف وقرر يترك كل شي ويسافر
بعد...بعد ماطلقها
وهذا هو مات وكل شي بقى حلو وهو في الحقيقة مررر
جابر :طلقها!!..وجدي ليه يطلب من ذعار هالشي
عبدالله:عشان يدمرني أنأأ..(سحب ورقه وحطها قبال جابر)
هذي ورقة طلاقها
جابر وطعنات الألم تهد حيله:........
عبدالله يترك الكرسي ويروح لجابر:أنا جاي اليوم عشان شي بخاطري..
(حط يده في جيبه وسحب المفاتيح وبكل هدوء مسك كف جابر
وحط فيها المفاتيح)هذي مفاتيح بيتي أمانه عيالي
عندك وانا عمك
جابر يعقد حواجبه:عيالك وين أذا جاردينيا..
عبدالله يقطع كلامه:قصدي عيالي غانم وغروب..أمانه عندك
أنا عمري ماكنت ذاك الأأبو ألي يستاهل أنه ينذكر بالخير
عندهم ..خل أمي تربيهم
عبدالله يرفع يده ويحطها على كتف جابر:سلمني على أمي
..وبذكرك زوجتك لا تستهين فيها تراها بمستواك وأرفع بعد
جابر:بمستواي!!
قال هالكلمات وطلع من المكتب تارك جابر يغيب في عالم مازال
ياخذه لأبعد مما يتصور...عالم كشف له نص الحقيقة
ألي ظل نصها الثاني غايب لكن على مسامعها ماكان غايب..
أكتمل بين زوايا الغرفة
ألي أحتضنت جسدها المرمي على الأرض بدون ولا حركة..
حقيقة أنقسمت تفاصيلها بين أثنين يجمعهم رابط واحد
بس قلوبهم مازال الطريق لها طويل..عقدت حواجبها بضيق ورى الكنبة الطويلة
ألي مغطية وجودها..بلعت ريقها وهي تسمع صوت أثنين كأنهم
يتهاوشون فوق راسها وهي بالعافية تحرك جسمها المتهالك
وحرارتها مرتفعة بشكل غير طبيعي..حركت راسها
بحيت صار لاصق على الأرض ومسامعها تنصت لسر كبير
ظل مصيره مجهول متعلق بالعايلة ...وقبال الكنب ضرب
عصاه بالأرض بكل قوة
الجد سعد:تهدديني يانورة؟
الجدة نورة بثقة ونظراتها الثابته متعلقة فيه:أيه أهدد...أسمعني
أنا حره طلعت من تحت أيدين رجال حرر..ولو حطيت أحد براسي
أجيب راسه بالأرض
الجد سعد بأستهزاء رغم أن كلامها هزه من داخل وهو يروح يجلس
على الكنبة المتمددة جاردينيا بكل خرعة وراها من كل شي
تسمعه:وش بيدك تسوين ..هذا الطريق فدامك فاضي
الجده نورة ترفع يدها معلنه بداية عاصفة من الحقايق الغايبه:لا تعتقد
أني بيوم غافلة عنك ..تزوجتك بعد ماتوفى أبو عيالي عشان كنت
أبي من يشيل عني هم هالثروة ألي الكل طمعان فيها
..كنت أبي من يساعدني ..يكون عون لي
وأخترتك أنت ووماكنت غير واحد حااافي منتتف
الجد سعد ثار:نورة أحترمي حالك
الجده نورة واقفة قباله بكل حكمة وهيبه تملكت هالعجوز:هالعايلة
عايلتي ماتنتمي أنت لها ..ولايجي في بالك أني بشوفك
تدمر ععيالي وبقعد سااااكته..لاااااااا...ماعرفتني
الجد سعد وهو ماسك راسالعصا بكل أيديه الثنتين:ههههه
هالحين صرت لعيالك زوج أمهم بعد ماتعبت وكبرت الفلوس
(قام ومشى على يساره بخطوات بطيئة وهو يتكلم)طيب..كنت
أنتظر هاليوم يانورة(وقف عند الخزانه وفتحها حتى يسحب منها ورقة)
شوفي هالورقة أنتي كاتبة لي كل ثروتك لي يعني(سكر الخزانة
بقوة تعبر عن غضبه)لو أبي ..طردتك أنتي وعيالك مع أحفادك
برى
هالثروة كلها
رفعت جاردينيا راسها وشافت الجد سعد قبالها
معطيها كتفه ونوت تشهق خايفة من صراخة بس على طول
مالت براسها عل الأرض وهي تدعي ربها أنه مايلتفت أو
ينتبه لوجودها ورى الكنب..صارت تحس
بحرارة تحرق جسدها بعد مازادت هالحرارة مع الخوف
نورة بدون أهتمام:تطردنا!! ههههههه ويهون عليك
تطرد جابر بعد؟؟!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البآآرت الثالث والعشرون..
بـ سولف للصور .. قصة غيآبك..!!
وآنتثر آهآت..!!
وآدقبآب الصبر ..
تتثآوب على ..{ جدرآن عمري ..
آخرالساعات !
و آنآ آسأل هـ / الزمنوآبكي؟!
آمآنه ..!!
وين وديته؟!!
نورة بدون أهتمام:تطردنا!! ههههههه ويهون عليك
تطرد جابر بعد؟؟!!
صمت عجيب غريب أحتوت ملامحه وهو يحس بنبضات
قلبه تزيد من سرعتها خوف من أن السر ألي خباه سنين
ينكشف أو يكون مكشوف عندها وهي ساكته..تقدم بخطواته
الرتبكه ونورة تراقب تصرفاته وتحس أنها بهاللحظة لمست الجرح
حتى يصحى من جديد في قلب هالشخص ألي مايعرف قواميس
للأنسانية بداخله
الجد سعد وهو يتلعثم:جابر؟ وش دخل جابر
الجده نورة تروح وتجلس بنفس المكان ألي كان جالس فيه وهي
تتكلم بنفس نبرة الثقة ألي أحتوت صوته
قبل شوي وهالحين تلاشت:جابر ولد بنتك!!!
تعتقد أني ماأدري أن بنتك المصون سافرت بدون علمك مع
زوجها ألي يصير أخو زوجة عبدالله..زوجته ألي ضحكت فيها
عندي وبالأخير يصير أخوها زوج بنتك..أخوها ألي حتى
عربي مايتكلم ..وجابت منه حفيد لك هو جابر وبعد ماخفت أن هالعار
ينكشف بين عايلتك وتصير مضحاكه..أخذت جابر من أمه بالغصب
وسلمته لبنتي أم بدر يوم كانت مسافرة هي وزوجها غانم بعثه
لأمريكا..طلبت منهم يربون الولد وينسبه غانم له على أنه ولده..
ولابعد طلبت من بنتي تكذب علينا وتقول أنها حملت وولدت
بجابر هناك لأن بعثة زوجها كانت سنه..حرقت قلب بنتك بيدك
ولما مرت السنين وأكتشف عبدالله هالشي طفشته من البيت
لأنك خفت أنه يستلم حلال أبوه ويكشف سر حفيدك ألي تربى
قدام عينك بين ناس أعتبرهم أخوانه..وبعدك مامليت
رحت وأرسلت له ولدي عشان يدمر عمه..ماكفاك أنك دمرت
جابر بعد ماخليته يتزوج فوزية ويطلقها بعدين
رحت زوجته بعد من بنت عمته..وماستحيت حتى بعد ماحذفت
أخوه برا العايله
الجد سعد وهو يحس أن قلبه بيوقف:.........
الجده نورة تقوم:قعدت تخيط وتخلي عيالي يلبسون بدون مايعرفون
وش هي نواياك..شوووف سعد أقسم لك بالله لو قربت من جابر
أو زوجته والله الذبح مايكفيني فيك..جابر ولدي
تربى على أيديني ..وزجته بنت ولدي الغايب ماراح أخليك
تسوي ألي تبيه وأنا أتفرج نفس كل مرة تفهمممم
حسيت أني أحلم وأنا أسمع هالمصايب ذي كلها..حشا هالجد ذا مو جد
حيووان متوحش!! سمعت صوت عصاه
وخطواته المتسارعه تطلع
تاركه الجده نورة لحالها والصمت كسا المكان بخوف غريب أحتواني..
ياااعمري جابر رحمته قسسسسم...يكسر خاطري
والله..أجل هو متزوج
مرتين الأولى فوزية والثانيه ماعرفتها..أكيد يجبها دام أنها
بنت عمته..وأنا اقول الولد ليش يكرهني ..ياحياتي أجبرووه يتزوجني
حتى يحافظون على بنت ذعار وهو من الأساس
متزوج بنت عمته..أمممم
أكيد أنها حلوه لأني ألي فهمته أن بنت الجد تزوجت واحد أجنبي دامه مايتكلم
عربي ..يصير أخو زوجة عبدالله ولد الجده..رفعت راسي وحطيت
يدي على فكي أفكرررر..يعني عبدالله ولدها متزوج وحده أجنبيه..تعدلت
بجلستي وأسندت ظهري على الكنب..نزلت النقاب والشال من راسي وبسرعة
مسحت شعري وأنا أحس حلقي ناااشف
عبدالله نفس أسم أبوووي..وععععع..أكره هالأسم ذا؟ حركت رجولي وهي
خشنه من الطين الجاف عليها وشكلها بصراحة يجيب المرض..
رفعت راسي للجدار قبالي وأنا أطالع السما من ورى الشباك الممتدد
بطول الجدار من تحت لفوق ومصمم بشكل مربعات
كبيره وسطه مربعات صغيره وكل تفكيري بجابر
..فوزيه هالأسم مو غريب علي..طيرت عيوني وفتحت فمي
أول ماتذكرتها... ذي ألي جت لبيت الطين مع الجده والحيوان الثاني
وقعد جابر يضمها..وعععع...من زين الحلايا..وأنا أقول وش ألي يربطه
بهالبنت بس أذا هو متزوجها وطلقها كيف يضمها بهالطريقة
ألي شفتها وواقف معها عند سيارتهم يوم شفته ولافي أي
حدود بينهم؟!! رفعت راسي ومسكت شعري ..آآآه
ياراسي تقول ناقصه أنا..فهموووني ياناس في شي بالموضوع
مو قادره أفهمه هالعايلة باين أنها مصايب مكومة..
ياحليلك ياذعار كيف كنت متحمل؟؟ههههههه.فوزية
ذي وشفتها طيب زوجته الثانيه كيف شكلها حتى ماقالوا
أسمها ووجع..ياااااااااااه هالحين صاروا عيال عم ولا أحد فيهم داري..
ألله يعينك ياجابر ..غمضت عيوني
وأرتسمت صورته بخيالي ..كل جزء في ملامحه ألي يحتويها
كثير طيبه وحنان قعدت أتخيله وأحساس بداخلي ينتشر مليااان فرح..
تصدقون هالأنسان أمووت فيه لا عصب رغم أني
أكلت نيب من هالعصبيه..رفعت يدي وقعدت
ألمس مكان ماكان ماسك شعري وأنا أحس بألم فيه..
بتقولون عني مو بصاحيه أعرف بس مره معلمتنا تقول لنا أن
المره تحب زوجها بكل عيوبه..حتى لو كان
أغبر..شين..هههههه فتحت عيوني وأنا أسمع صوت
بكا الجده ألي قطع قلبي ..قمت بدون شعور ووقفت أطالعها
وهي معطتني ظهرها المنحني بألم وأنكسار غير طبيعي..تحركت صوبها
لين وقفت وهي بكل خرعة رفعت راسها وصارت تلف
لورى ماتدري من وين طلعت لها..
الجده نورة تشهق وتحط يدها على صدرها بعد ماعدلت ظهرها:بسم الله
أنتي مين؟
حسيتهــا النقذ لي من ألي ناويه جابر علي ... جلست عند رجولهـا وهي
بكل تأمل تطالع فيني
جاردينيا : أنا ... أنا زوجة جابر أسمي جاردينيا
مالقيت نفسي غير بحضنهـا تضمني لها بقووووه وهي تبكي أشد
من قبل ... بغيت أبكي معها ...
الجده نوره: أنتي أنتي زوجة ولدي جابر ...(أبعدتني وصارت
تضم راسي بأيديهـا ...تطالعني بشوق غريب عجزت أفسره
ياجماعه ... أبتسمت ومسحت بيدها الدافيه شعري ) تعالي يا بنتي
...تعالي أضمك ...من زمان وأنا أحتري هالحظه...
سحبتني لهـا وضمتني مره ثانيه ...تصدقون أني حسيت بجضنهـا الدفاوالأمان
وشعور ولد بداخلي بين مشاعري ميته وأرض ماعاشت بين زوايا ذكرى حلوه...
الجده نوره تبعد جاردينيا بخوف: يابنتي .. أنتي وراك حاره ؟! مسخنه
مع أن جسمي بالعافيه أحركه بس جاهدت عشان أبتسم بوجها الحنون
مـاأدري ليه جروحي ألي رماها جابر لي تفجرت
عندها ...سحبت يدها وبستها...
جاردينا: أنا ....أنا ياخالتي شايفتك من قبل ؟!
ماذكرتيني
الجده تمسح دموعها ماتبي ها الدموع تكون علامة ضعف:
خالتك أنــــــا جدتك !!!!!!! يابنت
ياحليلها ...وي فديت هاالحرمة بس..هزيت راسي لها وأنا مبتسمة
(ولايهمك ..جدتي)
الجدة نورة:شايفتني من قبل!!(أخذت نفس وعيونها صار لونها أحمر)
وين ؟!!
حسيت أن ها الجدة هي ملاذي الوحيد ... حسيت براحة ونا جالسة
قبالها هي الي راح تريحني من جابر وقرار أنة ياخذني
لــــــجدة !!
جاردينيا:تذكريني يوم وصلتي لبيت الطين...أنا ألي قال عنها جابر خدلمته
(جيني)سمعتك تتكلمين عني وطلبتي منه يقول لي أنك بأي يوم
ممكن تطليني
كنت أتكلم وهي منزلة عيونها بس فجأة لفت صوبي وهي فاتحه
عيونها بصدمة مو مصدقه ألي أقوله
الجده نورة أنعفست ملامحها:ووجع..وساكته يامال ألي مو قايلة..
يخليك خدامة عنده ويقول لنا هالشي مفتخر بسواياه وساكته!!
نزلت راسي وعيوني صارت بالأرض..بس هي بقوة مسكت
ذقني ورفعت راسي..خلتني غصب أطالعها
الجده نورة بشبه صراخ:تكلمي؟
جاردينيا متفاجأة من هالأنفعال:هو..هو أصلن مافرقت معه تعاون مع منى
عشان توهمني أن حفلة الخطوبة لبدر وهند هذا زواج..لبست
فستان وطلعت لناس..ولأ بعد مالقيت حاط لي كرسي
ظليت واقفه ولا أسوى بيزه..بعدين أهاني بالفندق وخلاني
كم يوم لحالي هناك..حرمني من ورد(حسيت وأنا أتكلم قاعدة
أجرح نفسي بنفسي..صرت أحس بالقهر من نظراتها ألي
مو مصدقة أن جابر يسوي هالشي)
يكرهني والله يكرهني لدرجة يضحك على شكلي..تاركني
في بيت الطين هناك خمس أيام
الجده تهز راسها:لالا...هذي مو بسوايا ولدي جابر ..مستحيل
قمت وفسخت عبايتي والألم نفس الألم ماتغير شي..
جاردينيا:شوفي ,,والله ألبس لبس صيف يذبحني البرد لحالي
ولا احد داري عني..وأمس جى عندي وقعد يهاوشني شدني
مع شعري وقالي(باخذك من مكان ماجيتي)بيرجعني لجده..والله
ماعرف أحد عشان هالشي هجيت من بيت الطين كنت بتخبى
بأي مكان بالمزرعة عشان ماياخذني وصدفة طحت بهالبيت
رفعت الجده نورة بأندهاش تطالع فيني من فوق لتحت بكل صمت..
عجزت أستوعب هي صدقت كلامي أو لأ..حست فيني أو لأ؟؟؟
بس قامت من مكانها وقالت بكل هدوء
الجده نورة:أبيك ترتاحين الحين..بس شوفي جابر لو عرف أنك
في هالبيت ماراح يحصل خير..لاتصيرين خبلة وتكشفين نفسك بنفسك
تحركت بخطواتها البطيئة معطتني ظهرها وشكلها ناوية تطلع
بس تكلمت أبيها تفهم الموضوع كامل بدون أي لبس
جاردينيا:يكرهني..يكرهني ..لأني أحب أخوه ذعار حتى
بعد ماتزوجته هو..!!
توقفت خطواتها وهي للحين معطتني ظهرها..ظلت على هالحال ثواني
بس مسرع مالفت لي وهي تهز راسها
الجده نورة:أنا ماقلت لك أنك خبلة؟؟ أنا سألتك هالحين ليش هو يكرهك؟!!
أقول أمشي وراي خليني أدلك على مكان غرفتك بسس
تصدقون !! حسيت نفسي مالي أم داعي..فمي لازم أقفله بس أحس
نفسي صايره ثرثاره تقول ماصدقت أشوف أحد وأسولف معه..هع هع ..
رفعت عبايتي وبسرعة رحت لورى الكنب وسحبت شالي والنقاب
مشيت بخطوات واسعة أبي ألحقها لين صرت وراها بالضبط..طلعنا
من هالغرفة على الصالة الواسعة..حركت عيوني يمين ويسار
أقيم شكل هالصالة..أممم..مش بطاله؟؟ يعني عادية وبسيطه
..الكنب بهالصالة باين أنه قديم ألا أحسه مغبر!! باين أنه ماتنظف من زمان ..فيه
كم صورة على الجدار ومكتبه كبيره بوسطها تلفزيون وقبال هالمكتبه مخاد
على طول الجدار ومراكي ..حطت الجده يدها على الدرابزين وقالت
(بسم الله) وهي تصعد الدرج
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجده نورة:أنتي كم عمرك؟
جاردينيا ترفع عيونها لفوق تشوف مسافة الدرج طويلة أو لأ:أممم 26 سنة ليه؟
الجده نورة:ماشالله أجل أنتي وجابر بعمر بعض
جاردينيا:من النحاسة والله..شكله لو عرف يمكن يحذف
نفسه من الصدح مره وحده ..بس أنتبهي لا تقولين له
الجده نورة تضحك وهي تنتقل لدرج الثاني:ههههههه...وش دعوة عاد
أنه مايعرف والله أنك ماعرفتي جابر للحين..ع بالك بياخذك
ومايعرف عمرك
جاردينيا تتقدم لين صار كتفها جنب كتف الجده ومالت براسها:
تتوقعين!!(نطقت بدون وعي وبطريقه أشبه أنها راح تشهق)
ياويلي أجل يعرف أني دكتورة أطفال
حطيت يدي على فمي مدري كيف نطقت هالكلام..أبتسمت
بوجه الجده ألي وقفت وهي للحين تطالع فيني
الجده نورة رافعة حواجبها:أنتي دكتورة نفسه؟!!
يلعن أبو هالوهقه ألي على صح..قعدت أوزع أبتسامات
عندها وبسرعة مشيت وعيوني لصالة الطابق الثاني أبي
أرقعع ألي قلته
جاردينيا:آآآآآآه..ياحلاة الصاله
بس ماشفت غير يدها يوم مدتها وبقوة مسكت قميصي
من ورى وسحبتني لين رجعت لها صح..أنا وش صاير لي هذا كله
عشاني ماشفت أحد لمدة خمس أيام ..صرت أخوووور كل شي
الجده ترفع يدها:أنتي دكتورة ولا لأ؟يعني من راح تخبين
عليه..علي أنا؟(رفعت صوتها) يلا تكلمي أشوف
قعدت تهزني وتهددني تتوعد فيني بعيونها ..ماشفت عجوز نفسها..عليها صحة!!!
ماشالله تبارك الله عين الحسود فيها عووود
جاردينيا:أيه..دكتورة
الجده نورة :ولدي يعرف بهالشي
جاردينيا تقرب أصابعها من بعض وهي تتكلم بثقة والفرح
باين أنه ناط من عيونها:أعجبك ياجدة..قلت له أني مخلصة الثانوية ولا النسبه زفت
أنا بس قلت هالكلمتين ماحسيت غير بضربه جت من ورا راسي ونص
شعري جى قدام..رفعت يدي وقعدت أحك مكان الضربة...ياااااااااااااربي
تقول ناقصة أنا
الجده نورة:فالحه والله وشاطره بعد..فرحانتن بسواتك !! أنا قاعدة
لك في هالبيت قعده وقاعدة للحمار الثاني والله
لا أطلع ألي في بطن كل واحد منكم
جاردينيا أنفجرت ضحك:ههههههههههه,,,واللك أنك صادقة بكلمة
حماااار
الجده نورة بعصبيه:مو الأول أنتي..قدامي يلا
ياااعزي لحالك ياجابر عز الله بترووح فيها ..,والله يعينك مقدما
رحت أمشي وراها لين وصلنا لصالة..فتحت أول غرفة على يسارها
الجده نورة:خذي لك دش وريحي حالك يابنيتي..والعصر بطلع
أنا وياك لسوق تشرين لنفسك ملابس
وقفت عند باب الغرفة وهي راحت نازلة من الدرج..حركت عيوني
صوب السرير ألي كان بنص الغرفة تحت الشباك بالضبط..وعلى
الشباك ستاير ثقيلة حيل والغرفة كانت شبه مظلمة..بس ريحة
المكان ريحة عطر حريمي هادي حيييل..دخلت الغرفة وسكرت الباب وراي..
هالحين كيف باخذ لي دش وأنا ماعندي ملابس ولا فوطة!!
رحت صوب الكبت ألي بزاوية الغرفة على يسار السرير وفتحته..
حطيت يدي على خصري وقبالي ملابس مرتبه فوق
بعضها بناطيل وبلايز ..
من حقته ذي ..؟ وآنا وش علي ..باخذ لي آلي آمشي حالي فيه
ولا رحت السوق وشريت لي برمي هالملابس ..سحبت لي بلوزه ورديه
عليها رسومات من ورى الظهر على بنطلون برمودا ..بدددلع
نفسي دام بو الشباب مو بهينا أبصراحه كرهت حالي بهالقمصان
ذوقه ذوق هنديه ..!حطيت الملابس على كتفي وسكرت الكبت ..
ياحبيلي لجدتهم تدخل القلب ..آفداها بعمري ..لوعندي جده نفسها
والله ماراح آفقد لاحنان آمي ولا أبي ..وآناعندي هالحنان كله ..
طبعاً مافيه حمام داخل الغرفه ..آفففف ..طلعت من الغرفه
وآنا بفضول آطالع كل شي في غرف كثيره هينا ..
آكيد دام عايلتهم كبيره ياحظهم بهالجمعه ..
الحمدالله آني خليت ورد معهم تتونس والله ..
دخلت الحمام وبعد ساعه طلعت وآنا عن جد آحس آني وحده ثانيه
بس وقفت آول ماشفت الجده قاعده على كنب
وقبالها قهوه وشاهي مع صينيه فطور ,,
الجده نوره :تعالي يا بنيتي ..
رفعت آيديني وصرت آمسك الفوطه آلي على راسي لا تطيح والبرد
يحضن جسمي من جديد
جاردينيا تمشي بخطوات هاديه :آحس ببرررد مع آن جسمي قبل شوي حار ..
الجده نوره تآشر للمكان آلي جنبها : تعالي آقعدي جنبي ,,تعالي
عدلت البلوزه آلي لا بستها زين ورحت عندها ..
مريت من عند الطاوله آلي بوسط الصاله وجلست جنب الجده ..
الجده نوره تاخذ آبريق لونه رصاصي :هذا حليب بالزنجبيل
بيد فيك وبقوي جسمك ..
جاردينيا تحط آيديها بين فخوذها :بس آحس آني بثلج
الجده نورخ بمزح : بلا مامن لحم ..جلد وعظم
قامت والابتسامه مرسومه على شفايفها مدري وين ناويه تروح ..
بس آنا عيوني كلها على الفطور والود ودي آكل شي ..
سحبت الكوب وقعدت آشرب منه ..وهي آبتعدت عني بمسافه
وآنحنت ورى وحده من الكنب وجت معها دفايه صغيره لونها آحمر
جاردينيا :آفاااا ياجده .........
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك