رواية ابي انام بحضنك بس دخيلك لا تصحيني -23
جاردينيا تحط آيديها بين فخوذها :بس آحس آني بثلج
الجده نورخ بمزح : بلا مامن لحم ..جلد وعظم
قامت والابتسامه مرسومه على شفايفها مدري وين ناويه تروح ..
بس آنا عيوني كلها على الفطور والود ودي آكل شي ..
سحبت الكوب وقعدت آشرب منه ..وهي آبتعدت عني بمسافه
وآنحنت ورى وحده من الكنب وجت معها دفايه صغيره لونها آحمر
جاردينيا :آفاااا ياجده .........
الجده نوره ماعطتها وجه: آقول مابي الهرج الكثير آنا ..آكلي وغذي نفسك
آبي ولدي لا شافك مايعرفك ...
رفعت حواجبي لفوق مدري وش قصدها لا شافني مايعرفني ..
مايحتاج يعني عيوني ذي آلي من دون جفون لا تغيرت شلون بتتغير ؟!!هههههههه
حطت الدفايه عند رجولي بعد ماشبكتها على الكهرب ..بس آنا قعدت آتثاوب
بشكل غير طبيعي ’آكلت لقمتين على السريع وآستأذنت منها عشان آرتاح
رحت صوب الغرفه وهي نادت خدامتها عشان تجي تشيل الاواني ..
دخلت وعلى طول رميت نفسي على السرير تمددت داخل اللحاف
وقعدت آحرك رجولي وآفرك آيديني في بعض آبي الفراش يدفا بسرعه
رفهت راسي لسقف وشلت الفوطه من راسي عشان يجف شعري
آبيع عمري كله بس عشان آشوف جابر لو مالقاني فالبيت وش راح يسوي هههههههه ..بيضرب آسداس بآخماس والله ..حطيت يدي على بطني
وآنا آمسح عليه ,,ماعليه ماترستك والله زين بس لا تخاف بعوضك لا آرتحت ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الرابع والعشروون..
آلمٌ !
جٌرحةَ وصٌلْ لٌينْ " آلعُظمْ " ..!
مٌثلْ الشتآِء ( بآرٌد ) آبدَ مآِ فيهُ دفآ ..
.. ومثلْ آلغدُرَ مآِ فيهُ .. صفآِتْ الوٌفآ
,,,,,,,,,,,,,,,,,,,,,
بعد صلاة العصر...الساعة 4:00بالضبط
فتحت أم محمد الباب بخوف ودخلت غرفة بناتها ..توجهت صوب سرير سوسن
ألي كانت مغطيه باللحاف وشكلها نايمة
مدت يدها ورمت اللحاف عن بنتها
أم محمد: تسحب سوسن مع يدهـا لين جلست : يمه طالعيني ... فيه شي يعورك...
سوسن ترجع شعرها الطاير لورى وهي موقادره تفتح عيونها :هاااااا
أم محمد تجلس : سوسن ...يايمه ريحي قلبي ...أنتي رايحه للمشفى أمس ... تو
بندر جايب لي علاجك وقالي كل شي سوسن بأندفااع أمتزج مع ششوية ربكه:
مستشفى وعلاج؟!!عدلت شعره زين طالعت أمها تبيها تتكلم كأنها خايفه من شي أو أنه ينكشف ..
أم محمد تأشر بيده : خليني أشووف جرحك
سوسن بضيق ترجه وتنسدح ويابن أنه مزااجه اليوم غير طبيعي : يمه تراه جرح
بسيط ...( حركت راسها صوب أمه وهي نايمه على جنبها اليمين ) وهو وش قالك بالضبط
أم محمد: يقول أنه أخذك أمس المشفى لأنك ضربتي حافة الطاوله من زيادة روعتك على غاليه .. وأخذك بعد ماشاف الدم على ملابسك
سوسن : ترجع راسه على المخده وتطالع بشكل مستقيم وأمها وراها : بس!!
أم محمد : ليش صاير شى ؟؟؟
سوسن تغمض عيونها وتتذكر وبكل همس : لأ
دخلت هند بسرعه ووراها هنادي ...
هند توقف ورى آمها :سوسن ..رايحه للمستشفى ولا قلتي لآحد ..!
هنادي تتحرك وتوقف قبال سوسن تطالعها : آكيد نست دام الحبيب
ماخذها ماحد معها
هند : ههههههه .حلووووه
ظلت ملامح وجها صامته وهي تجاهل على قد ماتقدر تخفي
شي صار مثل الهم متملكها لآ مو هم ..
آقرب للخيال ولا قادره تقول لآحد كيف تزف لهم خبر راح يغير مسار حياتها
لآسوا..غمضت عيونها وحطت يدها تحت المخده
سوسن : بنام ألله يخليكم ..اليوم كله محاضرات وحدي تعبانه
هنادي تمد يدها تحطها على جبهتها :فيك حراره ؟
سوسن تبعد يدها بعصبيه :قلت آطلعوا ..تفهمين
هنادي : مالت عليك ..
........: وااااااو ...ياسلام ..ياسلام
دخلت عليهم وهي تنط من مكان لمكان والكل لف لها يطالعونها منهبلين
غاليه ترفع يدها لفوق :جمعت فلووووس ..تخيلوا كم ؟؟
آم محمد تهز راسها : البنت راح عقلها
هند : لا والله يايمه قولي مشفوعة فلوس ذي
هنادي تركض لها : كم ؟!!
غاليه بوناسه والآبتسامه شاقه الوجه :طالعي <آخذت نفس والفلوس بين آيديها باستهم بقوه ورجعت تحسبهم >شوفي ...شوفي ..
هند :آجتمع الخايب على متعوس الرجا
غاليه تعطي هنادي الفلوس دفعات : هذي آلف من آبوي
هناجي تمسكهم وهي فاتحه عيونها :ألله ..
غاليه :وهذي ألف من عمي ناصر
هنادي تصرخ : خياااانه ..وليه ماعطاني أبوي نفسك
غاليه تطالعها بطرف عين : قفلي باب الحسد ..آنا كنت تعبانه وبغيت آمووووت
سوست تقوم وتحط آيديها على راسها: يامعبرها يامكبرها ..
آم محمد : آي والله ..<قالتها وهي مبتسمه>
غاليه :وهذي آلف من عمي فهد .. كم صاروا ؟؟
هند بطنازه : 6 آلاف ..
هنادي وغاليه يمسكون آيدين بعض مصدقات:وااااااو.بنروح للسوق
سوسن آنفجرت ضحك مع آمها :ههههههه..صدق الفلوس تعمي العقول
ياغبيات صارت 3 آلاف بس..
غاليه توقف وتقلب فمها :خساااره ..باقي بندر وبدر وجابر آبلزق لهم
لين يعطوني فلوس
بندر ينادي : خالتي ؟؟
آم محمد :هلا..هلا
بندر : أخذت علاجها زوجتي !!
حركت عيونها آم محمد صوب سوسن آلي طارت عيونها وجمدت
بدون حركه ووجها راح آلوان ..
آم محمد :هههههههههه..هالحين بتآخذه يايمه ..
غاليه تركض وتطلع من الغرفه :بندووري
بندر :لاتخلينا على هالدلع ..من وين طلعتيه
قربت غاليه منه وحضنت ذراعه وبدلع مالت براسها عليه :
آنا قمت بالسلامه وش تعطيني ..
بندر يقرب براسه من غاليه :سوسن صاحيه ؟؟
غاليه بضيق وهي تفك يدها من يده:آيه قايمه
بندر بآبتسامهه :طيب يوم سمعت كلامي وش قالت
غاليه تقلده نفس مايتكلم : وماتستحي يوم تقول ’نها زوجتي وللحين ماصارت زوجتك ..!!
بندر بآبتسامه خبيثه :تعالي ..تعالي آبيك ..
مسك يدها وسحبها بعيد عن الغرفه..وبهدوء وقفها وسحب بوكه من مخباتهآلي على الصدر
بندر : قولي كم تبين ؟؟
غاليه فتحت عيونها : لآستلمت راتبك ؟؟
بندر يغمز لها بعينه : آيه ..يلا قولي لي كم تبين ؟
غاليه شكت بالموضوع :بندر !!قول قول وش تبيني آسو يلك عشان يصير مقابل فلوس
بندر آنفجر ضحك :ههههههه.ياعيني ذكيه من الآساس مابعطيك شي كذا من الله
غاليه بقهر :آجل خل فلوسك عندك ..
دفته على خفيف وراحت تمشي بس هو لحقها ومسك كتفها
بندر : ههههه ..دوبه
غاليه تحط آصبعها على فمها :هصص..زعلانه لا تكلمني
بندر :آخص ..وين بدر يعلمك الزعل
بندر : آلا تعالي ..آنا عن جد آبيك بسالفه
غاليه : قووول ..
بندر يحط يده حول كتوفها ويسحبها بعيد عن الغرفه حتى صارت تمشي معه:
آبيك تخليني آشوف سوسن وآقعد آنا وياها لحالنا ضرووووووي
غاليه تشهق وتبعد يده : والله تحلم !!وفلوسك ماآبيها
تركته وراحت تركض
بندر يهددها:آوريك يالنذله ..مردك لي ..هين <رفع يده وحطها على ذقنه >
على بالها مو قادر آشوفها ..ههههههه.. صدق خبااااال ..
راح يمشي بخطواته الواسعه طالع من السيب على الصاله ..توجه صوب الباب ونوى يفتحه
منى طالعه من غرفه التلفزيون ماسكه يد ورد : بندر..شفت محمد
تركت ورد يد منى وراحت تركض له بقوه ..آول ماجت عنده
رفعها بندر لفوق وحضنها
بندر :آآآآآآآه بس وش هالحلا كله < باسها وطالع منى>آيه كان قاعد مع عماني بالديوانيه آلي برا
منى بانكسار : طيب آنا آدق عليه مايرد ..
بند باستغراب : معقوله !!يمكن طلع معع آبوه لمكان ..آنا بطلع آشوف
منى :آنتبه على ورد من البرد
بندر يهز راسه : ملبستها كل هالملابس صايره تقل دب قطبي وتبيني آنتبه لها بعد
منى كآنها تذكرت : بندر عرفت بالسالفه ؟؟
بندر: بعد صمت عرفت وهذا أبوي مع عماني يدقون على جابرمايرد عليهم
منى تمشى له: أنا مو قصدي هالشي ..( وقفت جنبه وقالت له بصوت واطي ) قصدي جاردينيا تكون بنت عمنا عبدالله ... عمي ألي نسمع بأسمه ولا عمرنا شفناه !!!!
بندر بصدمه : أنتي وش قاعده تقولين ..عبدالله أبوها يصير عم ي يعني ذعار
كان متزوج بنت عمنا..مين قالك ؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
منى تتنهد:آبوي قالي كل شي ..هالبنت كاسره خاطري خلقه شلون
لو عرفت آن جابر طلقها والله لا تروح فيها ..آنت تعرف وين هي
ساكنه ..آبي آروح لها ..
بندر : هو آنتي ناقصه ؟آنتبهي لنفسك وآتركي هالآمور آنا بعرف
كيف آوصل لها ..بس المشكله آن جابر نفسه مو راضي
يقول لأحد وين هي ,,آصلن مو معطي آحد فرصه ..
فتح باب الصاله وهبت عليهم هواء مليانه بريحه الحطب آلي كان
طالع من المشب ..
بندر يبتسم ومنى واقفه وراه بالضبط : هاااا..شوفي !! ذكرنا
القط جانا ينط ..هذا هو زوجك قاعد لحاله ..
مالت منى براسها وظلت تطالعه بصمت ..قاعد على واحد من الكراسي
تحت شجره ويطالع السما ..باين آنه يفكر بشي والشمس بآشعتها
ممتدده على بنطلونه الجنز لحد ركبه والباقي ناشره
عليه آوراق
الشجر بظلالها عليه ..لابس جكيت خفيف سحاب لونه آبيض
وعليه خطوط بلون آسود ..حاط آيديه في جيوب
الجكيت آلي كانت
جنب السحاب ...حالق شعره ع خفيف وحاط نظارته
الشمسيه
جنبه على الكرسي مع مفاتيح سيارته ..آبتعد بندر عن منى
ونزل شايل ورد متوجه فيها للمشب وهي بخطواتها البطيئه
تقدمت وعيونها متعلقه فيه رغم آنها ما كانت لابسه شي يدفي جسمها...
حطت يدها على الجدار والشمس على يمينها ناثره
أشعتها حواليها..صغرت عيونها من أشعتها وصارت تنزل
وهي بداخلها محتاره ماتدري
وش تقول له!!! أو كيف بتقوله كلمة((آسف))
أول مالمست رجلها الرصيف مشت خطوتين ونزلت على العشب الأخضر..
حرك محمد عيونه وأول ماشافها جايه له سحب نظارته
والمفاتيح وقام..عطاها ظهره وراح يمشي تاركها
منى تنادي برجا:محمد تكفاااا لاترووح..محمااااد
محمد مو معطيها وجه رغم أنه يسمع صوتها:.......
منى:محمد والله مالي حيل ألحقك..أنت عارف بهالشي
تعال ..طيب ..محمد لاطنشني بقولك شي
بس هو للحين متجاهلها..وبهدووء نزل جزماته عند باب المشب ودخل
تارك قلبها يتقطع من هالجفا ألي ممكن يذبحها..حست بألام
قوية وعلى طول أنحنت ومسكت بطنها وهي تعض على شفايفها
منى:آآآآه..يااارب
ظلت دقايق على هالحال تتحمل الألم ..وأول ماحست أنها خفت
مشت ببطء راجعة للفلة وهي تحس بقرصات خفيفة
في قلبها وألم ينفجر داخل ضلوعها
منى بنفسها :يااارب تخليه لي وأشوفه قدامي ..يااارب
وفي الحديقة الخلفية ..كان واقف بملل في زواية حواليها شجر
وهي متساندة بظهرها على الجدار وتهز رجلها بقوة..لابس
ثوب أسود وسيع شوي على جسمه وتارك شعره الأشقر
مبعثر وهو مجعد على بعضه وباين أنه مامشطه...
طلعت أففف منه بطولة بال رفع يده وحط كوعه على الجدار وكف
يده صار يمسح فيها شعره لورى
سليمان :وبعدين يعني!! غاثتني أتصالات وأخر شي توقفين
مثل الجدار قدامي
فيروز: تطالعه وهي لابسة عبايتها الكتف ونقابها:لأ..أنا أبيك بشغله
سليمان:وأخيرا تكلمتي..!! أخلصي علي وراي شغل أنا
فيروز بجراءة:نبي نتزوج بالسر وش رايك؟؟
كان يمسح على شعره ويطالع أوراق الشجر قباله بس من سمع
ألي قالته وقف عن التمسيح ..لف يطالعها وهو معقد حواجبه
وعيونه ألي مايل لونها للبني تعلقت فيها
سليمان:سلامات!! أنا أتزوجك أنتي وبالسر..غاثتني
من الصبح لين كرهت نفسي عشان تقولين
لي تبينا نتزوج بالسر!!
لا مجنونه أنتي
فيروز بعصبيه:ليه؟؟ مو هذا كلامك قبل..ولا لأنك تبي غاليه
بنت عمي..كنت تقولي بتزوجها عشان تضحك علي
ع بالك أنا غبيه
سليمان بنفسه:والله مدري كيييف متحمل وحدة نفسك..بس هي
شغله أبي أحققها وبعدها والله لا أخليك عبرة
فيروز:ماتتكلم وراك ساكت
سليمان يبعد عن الجدار:لأنك غبيه..أمك ألي تبي تبعدني عنك وقالت
أننا مستحيل بنكون لبعض.مثل ماطردني أخوك مهند وأبوك
فيروز:أكذب علي وخلني أصدقك
سليمان تغيرت ملامحه:أنا مو كذاااب..وقسم بالله لو عدتي هالكلام
لا أقص لسانك,,مو ناقص غير أنه يطول قدامي
فيروز تبعد عنه:سووري
سليمان :والله حاله
طلعت سوسن من الباب الزجاجي ووقفت قبال الشمس وهي
حاطه يدها على راسها باين أنها تتوجع..تاركه شعرها سايح
والهوا تداعبه تحركه يمين ويسار ..أبعدت يدها عن راسها لثواني
ورجعت تبعد خصلات من شعرها تنساب على خدها المليان...
أخذ سليمان نفس وحرك راسه صوب الباب الزجاجي
حتى يشوفها من بعيد..
وبكل أنبهار وأعجاب قعد يطالع كل شي فيها
لابسة تي شيرت على تنورة لونها أسود جنز..شافها تتلفت يمين
ويسار وهي مصغرة عيونها من الشمس ألي كانت
عليها
سليمان وعيونه للحين على سوسن:فيروووز ذيك بنت مين؟؟!!
فيروزبسرعه تلتفت : مين ؟؟؟؟!
وأول ماشافت سوسن ... ضربت سليمان بيدها وهي حدها مقهوره لأنه كان يطالعها بتركيز
فيروز : خلاص روح ما عاد أبيك....
سليمان : يقال تغارين ؟! بس ما شالله عليها رغم أنها سمينه شوي وأنا ما أحب البنت السمينه
فيروز :طرت عليها فكره شيطانيه : ماتعرفها !!! ذي غاليه بنت عمي هذي هي قدامك....
سليمان فتح عيونه على الأخر : غاليه شعرهاطويل !!! مسرع طال وأنا خبري فيه قصير
فيروز تحط يدها على خصرها : نعم !!وش قلت ؟خبرك فيها
أشرت لسوسن ألي واقفه ولا تدري عن عيون سليمان ألي من سمع
أنها غاليه قعد يلاحقها ... يبي يحفظ ملامحها ) هذي غاليه أقولك...
تشك بكلامي وأنا ألي قاعده معها 42ساعه ...
سليمان بنفسه : يا علني فداك بس ... ماتوقعت أنك بها لجمال ... وأخيرآ شفتك
يــا غاليه .... وأخيرآآ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البآآآرت الخامس والعشرين
نحبُ ونعشق .. وتكسرنا هذه الحياة !!,
قد يكون قدر , أو خطر . أو آهُ لا تفارقنآ .,.,
عذرا ان قلت في أغلب الأحيآن .. يكون إكرآم “الحب ” دفنه
! ..,
فيروز :طرت عليها فكره شيطانيه : ماتعرفها !!! ذي غاليه بنت عمي هذي هي قدامك....
سليمان فتح عيونه على الأخر : غاليه شعرهاطويل !!! مسرع طال وأنا خبري فيه قصير
فيروز تحط يدها على خصرها : نعم !!وش قلت ؟خبرك فيها
أشرت لسوسن ألي واقفه ولا تدري عن عيون سليمان ألي من سمع
أنها غاليه قعد يلاحقها ... يبي يحفظ ملامحها ) هذي غاليه أقولك...
تشك بكلامي وأنا ألي قاعده معها 24ساعه ...
سليمان بنفسه : يا علني فداك بس ... ماتوقعت أنك بها لجمال ... وأخيرآ شفتك
يــا غاليه .... وأخيرآآآ
وقف يطالعها وهي تمشي صةب الطاولة ألي بوسط الحديقة ..وقفت تطالع
كتابها
سوسن بقهر:أفففففف..أوجعني راسي وأنا أدور عنه
بس فجأة طاح من وسط الكتاب وردة حمرا...سحبتها سوسن وهي متفاجأة منها ومسرع
ماقعدت تتصفح الكتاب
سوسن :من وين جت هالوردة...(سكتت وبلعت ريقها بهدوووء أول مالقت
مكتوب على وجه الكتاب)في غيابك لف السكون دنياي...
وفي وجودك تضحك أحزاني وتهون ..أحبك...حبيبك بندر
وبدون شعور قربت الوردة من خشمها وأنفاسها تخالط ريحة أفضل عطر عنده..
العطر ألي صار مفضل عندها بعد..أبتسمت بهدوء وبكل دفا حطت الورده بين
أصابعها الباردة ومالت فيها على مكان ماينبض قلبها بقوة..يسارع مشاعر صارت
تحضن حتى العروق بقلبها..غمضت عيونها حتى يطري على بالها
غرفة بيضا مليانة ريحة أدويه وهي قاعدة لحالها بدون مايكون
معها أحد...أحساس مرررعب ومو قادرة تتصور أنها مرت فيه...وبدت الذكرى
ترجع من جديد تعاتب كل شي سكن في قلبها
الدكتور:للأسف يابنتي ...التحاليل وكل شي عاملينه يثبت
لنا أنه فيك ورم فالمخ ..بس الحمدالله حميد
سوسن بخرعة وخوف:أنا ...أنا جيت هينا عشان فيني جرح
بخصري ,,, دكتور ألله يخليك فيه غلط ..تأكد
الدكتور :مو كل شي طلع معنا بالتحليل ..الدوخة والصدآآع ألي
ذكرتيه لنا ماله أي شغل بالجرح...طيب خليني بقول
لشخص ألي جى معك !!
سوسن بشبه صرآآآخ:لأ...مابي أحد يدري ...
الدكتور كسرت خاطره وهو يشوف دموعها ألي تعلقت بكل خوف في عيونها:
طيب ..عطيني رقم أحد من أهلك أكلمه لازم نبدى
معك بشوية علاجات بعدها عملية نستأصل فيها الورم
سوسن تقوم وهي ماسكة خصرهآآ:أنا بروح وأن شالله برجع لك
أول مانوت تتحرك فتح بندر الباب بكل عصبيه ودخل
الممرضة ورآه:أنت أشفيك تصارخ
بندر يطالع الدكتور:أبفهم أنا ...جآيين عشان جرح بسيط
وماخذينها لغرفة ولا بعد منعتوا أحد يدخل لها ..
سوسن تنزل عيونها بالأرض وهي تمشي:بندر خلنا نطلع
بندر بصرآآخ:لا مو بطالع
الدكتور يطالع سوسن ألي قعدت تأشر بعيونها بمعنى _(لاتقول):
أعصابك أخوي ..حنا كنا نبي نتطمن على صحتها وهذي هي
عندك ماشالله مافيها شي
بندر مو مصدق وحاس أنه في شي:لا والله..وأنت بأي حق
تسكر الباب عليها وتقعدون لحالكم مع بعض..دكتور
على عينا وراسنا بس فيه شي أسمه حدود
سوسن رفعت راسها له وبكل قهر تحس فيه :بندر!!!
بندر يلف لها:بلا بندر بلا بطيخ بس..مستانسه
يعني
سوسن ضاقت فيها الدنيا وهي مو ناقصة:لا عاد حدك هينا تمسكه..
مشت سوسن بخطوات واسعة طالعة من الغرفة ...راحت تمشي
فالسيب وهي تجاهد نفسها ماتخونها العبرة في هالوقت ألي محتاجة
فيه تتماسك...ورم!! عمرها ماتصورت أن الصداع ألي تحس فيه سببه
ورم ...بس فجأة مسك بندر يدها ورفعها بعصبيه وهو يمشي
فيها يبيها تطلع من المستشفى بخطوات أسرع من خطواتها لدرجة
حست أنها بتطيح على وجها منه...أول ماطلع من المستشفى
سحبت سوسن يدها بالعافيه منه ووقفت
سوسن :لا عن جد أنت واحد ماتطاق أبدددد
بندر يتلفت يحاول يمسك أعصابه:فيه شي مو معجبك؟!!
قاعدة مع دكتور لحالكم ولك عين بعد
نوت تصرخ تقول أنه أكتشف أن فيها ورم ..ورم حميد ...نوت تفرج صرخات
الألم ألي تحس فيها ولا قادرة تطلعها وهو أكتفى أنه يطالعها يبيها
تتكلم تقول شي...
سوسن بوقاحة شوي:أنقلععع من قدامي مابي أروووح معك
بندر يرفع يده:بطقآآآآآآآآآآآق
تركها واقفة عند باب المستشفى مو مصدقة أنه فعلا تركها
وهي تشوفه يمشي بخطواته الواسعة وهو يسرع فيها يبي يبعد
عنها وكأنه ماصدق ...ظلت واقفة يحتويها البرد وريحة المطر
ألي تفوح في الزوايا...حست بالوحشه تحضن جسدها والناس حواليها
ألي طالع وماسك بيده علاجه وألي داخل مع عايلته راحت تمشي
وهي تتلفت تدور بندر ولا تدري وين أختفى ...نزلت من الرصيف
على الحديقة وقبالها مواقف السيارات بس سيارته ماكانت
موجودة ...حطت يدها على راسها بعبث والصدآآع بدى يحضن راسها
من جديد..وبكل خوف رجعت للمستشفى وماكان عندها غير أنها تدق
على مهند لأنه دكتور يشتغل بهالمستشفى وأكيد رقمه موجود عندهم غير
أنه من النوع الساكت وهذا ألي خلاها تختاره ..
رجعت للواقع بعد ماعقدت حواجبها وبهدوء فتحت عيونها ...تركته ..
تركت الشخص ألي جى عشانها ...رفعت عيونها لسماء وبكل صمت
أبتعدت عن الطاولة راجعة للبيت ...محتارة مشاعرها وخآآيفة...شلون بتتشجع
وتقول لأهلها أن فيها ورم...؟كيف بتتحمل نظرات الصدمة والخوف
ألي راح تحتوي عيون من تحب...حست بتفكيرها مشلول وعاجز...مو قادرة تتصرف
ولا حتى قادرة تستوعب الشي ألي سمعته من الدكتور...كانت رايحة عشان جرح
بسيط أحتل مكان بخصرها حتى يتفجر من بعده جرووووح كبيرة أنغرزت
بقلبها..دخلت من الباب الزجاجي ورمت جسدها على أقرب كنبه..تساندت
بظهرها على الكنب ورفعت راسها لفوق تطالع السقف..قبالها
فوزية جالسة على الأرض وهي متربعة ..حاطة بحضنها الاب وبأحترافيه
تكتب على الكيبورد وهي تعلك علكة بصوت عالي..
فوزية تطالع سوسن :هلا والله..أخبار حبيبتي سوسو
سوسن وهي للحين تطالع السقف:عآآآيشة والله
فوزية توقف عن الكتابة وتطالع سوسن بتأمل:يآآآآآعيني من مهدي الورد ورد
سوسن تعدل راسها بأتجاه فوزية كأنها مافهمتها أو بالأصح مو مركزة
معها:أي وردة
فوزية تأشر للوردة ألي بين أصابعها:قصدي ألي ماسكتها بسم الله عليك
ظلت سوسن ثواني تطالع فيها وكأنها تفكر بشي بس مسرع ماقامت
ورمت الوردة بوجه فوزية
سوسن :أجل خوذيها لك
تحركت ومرت من عند فوزية بتطلع من الغرفة
فوزية تناديها:هيييييييييييييه يامجنونة !!
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك