رواية ذكريات مراهقة -23
على الساعه 9 بالليل الكل كان ببيته الا انا والبنات وغادة قررت تنام هنا اليوم وطبعا ريما والعنود جو عندنا
الهنوف : بنات من زمان عن المغامرات
دانة بحماس : ايه خلونا نسوي مغامرة جديدة
العنود : يالخبلة لا تنسين انك حامل
دانة بعناد : عاااااادي .......... انا حرة
العنود : والله انك منتيب صاحية
انا : اقول بنات شرايكم نروح للشريقية من قبل ما يموت ابوي الله يرحمه واحنا نخطط ولا رحنا
عبير : بس صعبة نروح برمضان
ريما بحماس : شراكم نسحب اول اسبوعين على الدراسة ونروح
انا : بس طفش اسبوعين بالشرقية شنسوي ؟
ريما بخيبة : ايه صح
الهنوف : الحين انا اقول مغامرة وانتم تقولون الشرقية ؟ .......... نبي مغامرة نسويها الحين
انا : عندي فكرة
البنات : لالالالالالالا
انا : ليش ؟
لمياء : لأنك كل مره تخططين فكرة تودينا بستين داهية
دانة : اخاف هالمره اصقط انا وغادة بسبب خطتك
مهى : يلا عاد خلو توأمي تكمل
انا : هذي فكرة ما تحصلون مثلها ولا في الاحلام
البنات بحماس : قولي
انا توني بتكلم وتقاطعني رغد
رغد وهي تبكي : حرااااام ......... والله حراااام
البنات بخوف : شفيك ؟
رغد : طلال ........ طلال سافر يحسبها بكندا وهي رجعت للسعودية تحسبه فيها
غادة تصفق وجهها لأنها تذكرت طلال الي كشفتها بسببه
انا بعفوية : ذا الطلال لنا ذكرايات معه
البنات : ؟؟؟؟؟؟
انا اصرف : رغد روايتك الي ذيك المره كان بطلها اسمه طلال صح ؟
رغد : لا كان اسمه حمد
العنود تنهدت برومانسية : ااااااااه
البنات : ؟؟؟؟؟؟؟
انا اصرف : اقول فكرتي ولا لا ؟
البنات : قولي
رغد : دقيقة بمسح دموعي
انا : شرايكم اذا صارت الساعه 1 نطلع ونسوق السيارة مثل هذيك المره ؟
البنات : لالالالالالالالا
الهنوف : نسيتي يوم اصدم وليد ؟
انا : شفيكم ؟ .......... احنا برمضان محد بيطلع بهالوقت الا نادرا
رغد : واذا كشفنا وليد ؟
لمياء : بنات شاريكم نسوي حفلة تنكرية ؟
انا : خليها بعد العيد احسن
البنات : ايه احسن
رغد : بس ببيت مين ؟
ريما : بيت جدي طبعا
انا : وبنختار ملابسنا مع بعض عشان ما نلبس مثل بعض
البنات : اوكي
الهنوف : بس انا ابيييي مغامرة نسويها الحيين افهموووو
انا : طيب ما لقينا لك مغامرة شنسوي لك ؟
الهنوف : انا عندي
ريما : اهااا يعني مخططة من اول بس تبينا نسألك .......... كان قلتي كذا من الاول
الهنوف بأبتسامه : هذي الي تفهمني
عبير : يلا قوليلنا شعندك
الهنوف : بنروح للبر
البنات طيرو عيونهم
غادة : الحين ؟
لمياء : بعز هالحر ؟
الهنوف : بنقول للشباب يودونا لوحدة من المخيمات اذا نامو اهلي وهم بيكونون معنا
مهى وهي رافعه حاجب : وكيف بنجيب لنا مخيم بهالساعه ؟
الهنوف بأبتسامه : يعني انتم ما تعرفون ان الشباب بيروحون للمخيم حق جدي ؟
عبير بعد ما طيرت عيونها : بنات جهزو اغراضكم بنروح معهم
رغد : بس اكيد بيرفضون اننا نروح معهم بدون ما يدرون اهلنا
الهنوف : شفيه استيعابكم بطئ ؟ ......... بنروح بدون ما يدرون
البنات : كيف ؟
الهنوف : بنركب بالسيارات بدون ما يدرون
البنات : اوكي
انا : يلا جهزو عدة السحور والسهرة حقتنا
الهنوف : بسرعه لأنهم بيمشون بعد ساعه
(انواع الربشة و الهبال صايرة بسبب قل الوقت)
بقي 10 دقايق ويطلعون الشباب
انا : يلا كل وحدة تروح سيارة اخوانها ......... وانتي مهى تعالي معنى
مهى : اوكي ........ بس بجيب جوالي واجي
انا : بسرعه
مهى : اوكي .......(وراحت)
(ركبو كل البنات بالسيارات وبعد خمس دقايق جت مهى)
مهى : "افف كل السيارات مو موجودة ........... هذيك سيارة ........ بس حقت مين ؟ ......... انا ما اتذكر ان واحد من الشباب هذي سيارته ........... مو مهم ......... يمكن وليد شرا سيارة جديدة كالعادة .......... بروح اركبها اهم شي اوصل للمخيم مع البنات"
(ركبت مهى ورا على امل انها تلقى لمياء ........ بس المصبية ما لقتها ..... ولا لقت وحدة من البنات ...... وشوي ويجي واحد ويركب ويسوق السيارة)
مهى بخوف :"مين هذا ؟ .......... يا ربيه المشكلة ما اقدر اشوف زين ........ افف بس هذا مو وليد ولا بدر ...... مين يا ربي مين ؟ ....... يا رب يصير خلود اخوي"
(وصلت كل السيارات للمخيم الا السيارة الي كانت فيها مهى)
نزلو كل الشباب وبعد ما تأكدنا ان الشباب دخلو للمخيم نزلنا من السيارات
باشير : غريبة ما نزلو الاغراض
(ورحنا كلنا ورا المخيم)
(بعد ما نزلو الاغراض ودخلو للمخيم طلعنا من ورا المخيم)
انا : شرايكم نروعهم ؟
ريما : شرايكم تحطون عباياتكم على روسكم وتصارخون
بشاير : اكيد بيطيرون من الخوف
رغد : لحظة .......... وين مهى ؟
انا : ايه صح هي ما راحت معنى لأن فهد طلع من البيت قبل ما تجي
دانة : نوف دقي عليها
انا وانا ادق : اوكي
عند مهى
مهى كانت تبكي وتدعي ان الي يسوق يكون واحد من الشباب وما يكون احد غريب
وشوي ويرن جوالها
مهى قطعت الخط بسرعه قبل ما يطلع صوت عشان ما تنفضح
عند البنات
انا بخوف : قطعت الخط
لمياء بخوف ودلع : لا تكون انخطفت
العنود : كيف تنخطف وهي جوا البيت
انا بخوف : احس انها مو بالبيت واحس انها متورطة
غادة : وانتي وش دراك ؟
انا : احس فيها ......... مهى توأمي
عبير بخوف : لا انشالله ما فيها شي
وشوي ويرن جوالي معلن وصول رسالة<<<<<<<اللغه
انا : فتحتها بسرعه على امل انها تكون من مهى وفعلا صارت مهى
كان مكتوب بالرسالة :
نوف انا مهى
طلعت من البيت ولقيت كل السيارات مو موجودة وركبت بوحدة منها ولا ادري هي حقت مين
و انتم اكيد وصلتو
شوفي السيارات وقوليلي انا بسيارة مين
ولا تتصلين لأني ما اقدر ارد ارسلي رسالة وبس
انا بشك وخوف : كل الشباب موجودين بالمخيم صح ؟
البنات : ايه
انا بخوف : مهى ركبت سيارة رجال وسألتني اذا واحد من الشباب مو موجود
عبير : بس انا شفتهم كلهم موجودين
انا بخوف : يا ويلي على توأمي
دانة : قولي لها تنزل من السيارة بسرعه
انا : بس الرجال يسوق السيارة كيف تنزل منها
لمياء : يمكن يكون واحد من اعمامي
انا : يمكن
وارسلت لها :
مهى كل الشباب موجودين بالمخيم
متأكدة انه مو واحد من عماني ؟
وصلت مهى الرسالة وردت علي :
لالالالالا مو واحد من عماني
اقولك واحد بعز شبابه تقولين لي واحد من عماني
انا : مو واحد من عماني تقول واحد شاب
البنات : طيب مين ؟
انا : مدري
العنود : يمكن فارس زوج غادة
غادة : لا ما اتوقع لأنه بيسهر مع اصدقائه اليوم
البنات بخيبة : اها
عند مهى
مهى : "ياربي ساعدني وش اسوي الحين ؟ ......... بقول له اني موجودة بالسيارة ......... بس اخاف يطلع واحد ما يخاف الله ........... مدري بقول وبشوف"
...........................................نهاية البارت............................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت وصل ولعيونكم
بسم الله الرحمن الرحيم
البارت (36)
عند مهى
مهى : "ياربي ساعدني وش اسوي الحين ؟ ......... بقول له اني موجودة بالسيارة ......... بس اخاف يطلع واحد ما يخاف الله ........... مدري بقوله وبشوف"
مهى بصوت مبحوح وخايف : مين انت ؟
........... وقف السيارة بسرعة على جنب وقال بخوف : بسم الله الرحمن الرحيم ........ انتي انسان ولا جني ؟
مهى بخوف : انسان
........... : مين انتي ؟
مهى : انت مين ؟
........... : انتي قولي اول
مهى بخوف : انا مهى
......... : مين مهى ؟
مهى : رجعني لبيتنا بسرعه
........ : هئئئئ يعني انتي اخت واحد من الشباب ؟
مهى : "الحمدلله يعني يعرف اخواني اكيد ما راح يسوي لي شي" .......... ايه
.......... : مين من الشباب ؟
مهى : "اخاف الحين يقول لواحد منهم ويوهقني" ........ رجعني البيت وبس
.......... : اخت مين اول ؟
مهى بأستسلام : راشد وخالد
......... : اها ........ لا تخافين الحين برجعك
مهى : ولا تقول لهم تكفى وترا تكفى تهزل رجال
......... : ماراح اقول لهم ........... بس انتي وش جابك هنا
مهى : مالك دخل
......... : مشالله ........ راكبة بسيارتي وتقولين لي مالك دخل ؟
مهى : وصلني للبيت وبس ........ تدري شلون ؟ ........ اذا انت بتروح للمخيم معهم خذيني معك
........ رافع حاجب : لا والله
مهى بجرأة : ايه والله ......... الحين انا اتعب واغامر واخرتها ما اروح ......... لا والله بروح اوسع صدري
......... : اوكي ...... بس وش يثبت لك اني بروح للمخيم ؟
مهى : مين انت او شي ؟
.......... : انا فواز صديق راشد بس الحين صرت صديق الشباب كلهم حتى تركي ومشعل
مهى : وععععع انت فواز ؟ ............ بسرعه ودني للمخيم ولا يكثر ترا تحوم كبدي اذا شفتك
فواز وهو رافع حاجب : انا نفسي اعرف ليش تكرهيني
مهى : كذا خلقة من الله ........... المهم وصلني للمخيم وبس
فواز بأستغراب وهو يحرك السيارة : اوكي
(بعد ما وصلت سيارة فواز للمخيم)
نزل منها ودخل للمخيم وبعدها نزلت مهى واحنا رحنا لها
انا : مع مين كنتي ؟
مهى : مع فواز
البنات بأستغراب : مين ؟
دانة : ايه هذا صديق الشباب الجديد خالد كان يقول لي عنه
العنود : يله نروح للشب ونعلن لهم وصولنا
البنات : اوكي
(بعدين دخلنا المخيم وشافنا ماجد ووليد لأنهم كانو واقفين برا وحدة من الخيم)
ماجد وهو رافع حاجب : مشالله .......... وانتم وش جابكم هنا ؟
البنات بثقة : انتم وصلتونا
وليد+ماجد : ؟؟؟؟؟؟؟
الهنوف : ركبنا سياراتكم وانتم ما تدرون ووصلتونا
وليد بنص عين : والله انكم سوسات
مهى : بسرعه وين نحط اغراضنا ؟
ماجد بدهشة : وبكل جرأة تقولون وين نحط اغراضنا ؟ .......... ما تخافون نهزأكم ؟
البنات ببراءة : ليش شسوينا ؟
وليد حط يده على راسه وقال : ياكبرها عند الله
ماجد بدهشة : لالالالالالالا بريئات مرررررره
انا : يلا عاد وين نحط اغراضنا
ماجد بدون ما يحس : هذي الخيمة فاضية حطو اغراضكم فيها
(ورحنا حطينا الاغراض وجلسنا بالخيمه وانتشر خبر جيتنا بين الشباب)
وطبعا كل شوي جاي واحد يهزأ خواته وفواز قاعد يضحك عليهم
رائد بعصبية : ان سويتو هالحركة مرره ثانية يا ويلكم مني
انا+ريما+العنود نسلك له : اوكي
ريما : اقول اخي العزيز رائد .......... ما عندك نية تفارق ؟ ......... لأن فهد جا قبلك وهزأنا وقال نفس الكلام واحنا فهمنا والله فهمنا
رائد : ولك وجه تردين علي هاه ؟
ريما : .........
رائد بعصبية : ردي علي ليش ساكته ؟
العنود : الحمدلله والشكر بس ........... الحين يوم تكلمت قلت لها لا تراددين ويوم سكتت قلت لها ليش ساكته
انا : من جد وش تحس فيه
رائد بعصبية : روحو للبنات يلا
(بعدين دخلنا على البنات)
مهى : اخر تهزيئة لكم ؟
انا+العنود+ريما : ايه
بشاير : بقي لمياء هذي اخر تهزيأه لها
انا وانا اجلس بين مهى وعبير : زين
غادة : بنات تدرون راشد بيرجع هو وزوجته بعد يومين ؟
كلنا توجهت انظارنا لوجه عبير بس الي استغربناه ان وجهها كان بارد وما كان فيه اي ردات فعل
لمياء تصرف : خلونا نسوي حفلة استقبال لهم
مهى بحقد : لا ماتستاهل دلوووووووعه
انا : ايه استغفر الله مدري على ايش شايفة نفسها علينا
البنات : من جد
مهى همست بأذن بشاير بش بعدين قالت : نوف تعالي شوي نبيك انا وبشاير
انا وانا اقوم : يلا
(بعدين طلعنا من الخيمه)
بشاير : اسمعي نوف نبيك بشغل استجواب
انا : وانا جاهزة ....... لا تخافون بسحب الكلام منها شوي شوي
مهى : خلاص بنحدد موعد مع البنت ونبيك معنا
انا : اوكي
بشاير : يلا خلونا ندخل الحين يشكون البنات بشي
انا+مهى : يلا
(ودخلنا للخيمة مع البنات)
لمياء بدلع : خلونا نروح نتمشى شوي
العنود وهي تقوم : انا بروح معك
(بعدين طلعو)
انا : غادة لو جبتي ولد وش بتسمينه ؟
غادة ابتسمت : عبدالعزيز
انا+ريما ردينا لها الابتسامه
انا : بس هذا محجوز لولدي اختاري غيره
غادة : مدري بفكر وبشوف
دانة : طيب لو طلعت بنت ؟
رغد بدلع : شفيك نسيتي ؟ .......... بتسميها ليان على صديقتها
دانة : اها
غادة بسرعه : لالالالالالا .......... ماراح اسميها ليان ........ اسميها اشين اسم بالدنيا ولا اسميها ليان
بشاير+مهى ناظرو بعض بنظرات استغراب وشك بنفس الوقت
رغد : ليش ؟
غادة : بس كذا
عند العنود ولمياء
العنود كانت طالعه من دون عباية بس حاطة الطرحة على كتوفها بس لمياء كانت لابسة عباية ومتحجبة
لمياء : العنود في واحد جاي عدلي حجابك
العنود : لا يتهيأ لك ما فيه احد
(بعدين بدى الشخص يقرب منهم)
لمياء : شوفي هذا ظله عدلي حجابك
والعنود كانت مرتبكة ولا عرفت تزين حجابها والشخص هذا قرب فقررت انها تتخبا لحد ما يروح
......... : مين الي كان معك ؟
لمياء : هذي العنود ........... بروح اناديها بما انك اخوها
.......... : لا خليك شوي
لمياء بأستغراب : ليش ؟ ........... انا ما بيني وبينك شي
...........بتردد : طيب لو يكون بينا شي بترضين بهالشي ؟
لمياء بأستغراب : وش تقصد ؟ ............ رائد انا ما فهمت شي
رائد : لو ......لو اجي اخطبك بتوافقين ؟
لمياء حمرت خدودها ونزلت راسها للأرض
رائد : انا ما راح اخطبك الحين .......... يعني بعد رمضان
لمياء بصوت واطي وهي متفشلة : بس انا ابي اكمل دراستي
رائد بسرعه : وانا ما راح احرمك من دراستك
لمياء : مدري بس انت فاجأتني بصراحة .........(وراحت عن البنات)
العنود طلعت وعيونها تلمع مع ان المخيم كان مظلم شوي بس رائد قدر يشوف عيونها الي تلمع
رائد : اكيد سمعتي الكلام الي بينا
العنود بعيونها الي تلمع : طبعا
رائد : شرايك ؟ ......... تحسينها تصلح لي ؟
العنود بغباء : مين ؟
رائد : لمياء
العنود : عادي يعني ما اقول ان كل شي فيكم نفس بعض بس تناسبون بعض يعني ايه
رائد : اها طيب يلا روحي عند البنات ولا تنسين ان فواز معنا يعني المفروض انك لابسة العباية وكتحجبة مثل لمياء عشان اذا طلع عليكم تتلثمين
العنود : ايه صح نسيت انه موجود
رائد : طيب يلا روحي للبنات
العنود وهي رافعه حاجب : كأنك تصرفني
رائد : ايه يلا روحي للبنات
العنود : انشاااالله .......... بس اذا جيت تقول لي صيري مرسال الغرام ماراح اكون ونوف بترفض انها تكون كذا وريما ما اتوقع انك بتتجرأ تقول لها تصير مرسال الغرام
رائد : اختي حبيبتي تعالي نتمشى شوي
العنود : ههههههه ........ وقت المصالح تجيك الكلاب مشتاقة ........ يلا انا بروح للبنات توصي على شي ؟
رائد : قولي للمياء انها اذا تبي ترد تقولك وانتي وصلي لي الكلام
العنود ابتسمت : من عيوني .........(بعدين دخلت علينا)
(العنود اول ما دخلت ناظرت لمياء وابتسمت)
(ولمياء كان وجهها احممممر)
(على الساعه 2 طلعنا من المخيم)
فهد : تدرون لو انكم ما جيتو كان ما رجعنا الا المغرب
ريما : اقول فهد سوق وانت ساكت
فهد : افف
(وصلنا وكلنا اتفقنا اننا نروح لبيت الجد)
(وكانت الجده قايمة عشنا تزين السحور)
الجده : حيالله بناتي
البنات : الله يحيك
(انا نسيت اقول لكم اول ان عمي فيصل زين بيته وبيسكنون فيه بعد اسبوع)
الجده : بفقدكم يا بنات فيصل ........ والله انكم مليتو علي جو البيت
عبير : حتى احنا بنفقدك والله
الهنوف : بس لا تخافين بنصير عله على قلبك كل يوم عندكم
الجده بفرح : الله يحيكم هذا بيتكم قبل ما يصير بيتي
ريما : احم ..... احم ترا نغار
الجده : هههههههه كلكم بناتي .......... يلا روحو تجهزو ابيكم تساعدوني بالسحور وترا عمانكم بيجون اليوم
البنات : اوكي ...........(ورحنا للمطبخ نساعد الجده بالسحور)
(بالسحور اجتمعو كل عماني)
عمي محمد : اشوفكم كملتو سهرتكم ببيت ابوي
الجد : الله يحيهم .......... هذولا بناتي
العم فيصل : يبه الموظف الي عينته نائب مدير حسابات الشركة جديد صح ؟
الجد : ايه هذا ........ بس شغله دقيق مره فعينته نائب المدير
العم فيصل : واضح عليه مشالله .......... الا وش اسمه ؟
الجد : سعود الـ........
العم فيصل : والنعم والله
العم محمد : نوف بعد السحور ابيك شوي
انا : ليش ؟
العم محمد : ابيك بموضوع بعد السحور وبس
انا : اوكي
مهى بلقافة : طبعا انا معها صح ؟
العم محمد : لا طبعا
مهى : ليشش ؟
العم محمد : انا قلت نوف
مهى : بس انا ونوف مثل التوأم يعني كلنا واحد
العم محمد : مهى لا تنشبين فيني انا قلت نوف وبس
مهى : انشالله يبه
(بعد السحور رحت عند عمي للمجلس الي كان فيه لحاله)
انا : هلا عمي وش بغيت ؟
العم محمد : اجلسي يا بنتي اجلسي
انا بعد ما جلست ناظرت عمي يعني تكلم
عمي محمد : انا والله يا بنيتي قبل ما يموت عبدالعزيز الله يرحمه وصاني فيك
انا بأستغراب : وليش انا بالذات ؟
عمي محمد : لأنك انخطبتي وابوك خاف يموت وانتي ما اخترتي وخاف انك تستحين من اخوانك فقال لي انا بصفتي الكبير وبصفة اني بكون طرف محايد لأن ماجد وبدر عيال اخواني ومستحيل افضل واحد على الثاني
انا ساكته واناظر عمي : ...........
عمي : هذا القرار بالاول والاخير يرجع لك واذا كان فيه شروط ولا اي شي لا يردك الا لسانك
انا : انشالله
عمي : اتمنى تقولين لي انا بدال اخوانك بما اني اكبر وافهم بهالشي
انا : انشالله
عمي : واهم شي خذي راحتك بالتفكير وتراك مو مغصوبة على هالشي يعني لو ما تبينهم كلهم هذا شي راجع لك
انا : انشالله
عمي : يالله يا بنتي ابي اروح المسجد قبل ما يأذن عشان يمديني اصلي تحية المسجد
انا وانا اقوم : يالله انا بعد بروح اتوظى للصلاة .......(وطلعت)
(صليت ونمت مع البنات)
الساعه 1 الظهر قمت من النوم ولقيت عبير ورغد ولمياء قايمين
انا : صباح الخير
رغد بدلع : لا تكلمينا .......... روحي صلي الظهر اول
انا بأستغراب : انا بقوم اصلي بدون ما تقولين لي ........... بس قلت صباح الخير وبس ما اتوقع فيها شي .....(بعدين رحت اتوظا واصلي)
(بعد مت صليت رحت مع البنات ولقيتهم كلهم قايمين والي صلي والي تتوظا ........الخ)
رغد : انا بروح بشتري لبس جديد للعيد
عبير : ليش ؟ .......... لبسك الي شريتيه يجنن
رغد : بس قصير ......... انا بشتري لي لبس ساتر شوي
البنات بانت عليهم علامات الاستغراب
غادة : انا بروح معك ........ متى بتروحين ؟
رغد : بعد التراويح .......... بصليها بعدين بطلع
غادة : اوكي .......... حتى انا بروح اصلي التروايح معك
رغد : اوكي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك