رواية اللحظات القاسية تدعوني لارتمي بحضنك -4
محمد : سرقة وصار له اسبوع
ارتاح شوي ان ابوه متهم بالسرقة مو شيء اكبر
كان خايف انه متهم بقتل والضحية اخته
عبدالاله : وجلنار
محمد : معارفي شافوا اسمها بالمغادرين لفرنسا بس الاكيد انها للحين مارجعت
عبدالاله : يعني هي هنا ... محمد
وبدأت دموعه تنزل
قرب منه محمد : لا تخاف راح نلاقيها وضمه
......................
رجع لؤي وادم البيت وكان البيت متكهرب
ادم : خير شفيكم
طالعوا لؤي
الام : وانت كيف ماتوقفها عند حدها
قطب حواجبه لؤي : من يمة
الام : من غيرها بنت الشوارع
وزع نظراته عليهم : وين جلنار
استغربوا كلهم سؤاله عنها
الاب : وليش تسأل عنها
سمر : يمكن غسلت دماغه بكلامها المعسول والاحضان
طالع فيها بنظرة خلتها تنكمش على نفسها
الاب وهو يتفحص لؤي : ويمكن عجبه الوضع
ملاك : اذا البنت رمت نفسها عليك كنت اعطيتها كف يوقفها عند حدها
وجه لؤي نظره لسمر عنده احساس انها السبب
لؤي وهو يصر على اسنانه : وين جلنار
قامت له الام : طردتها مابي هالاشكال ببيتي
لف على نفسه : يمة ليش .....
والله انتوا ظالمينها
وطلع من البيت يدور عليها
ادم بتردد : يمة يبة ابيكم بموضوع
راحوا معاه مكتب الاب وخبرهم بزواج لؤي السري من جلنار
غضب الاب والام جلست تتحسف تربيتها للولد وتتحسب ان بنت لعبت بعقله
بعد ساعتين رجع لؤي البيت واستقبله ابوه بكف
الاب : تتزوج من وراي .. ما كفاك سواد وجهك مع بنت عمك تبي تنزل راسي بالارض مع بنت الشوارع
لؤي : يبة ...
الاب بصراخ : اسكت مابي اسمع منك ولا كلمة
خذ مرتك واطلع من بيتي مابي اشوفكم اطلع
طلع مقهور ولحقته سمر خايفة من عمها
ادم : اصبر لؤي اصبر
لؤي : ويش اصبر بعد مو كافي اللي سواه يزيدني هم على همي
قول لي وين القاها الحين
سمر : وخايف عليها بعد
اعطاها كف : انتي تنكتمي مابي اسمعك تتنفسي ... لا لا ليش اتحملك اكثر من كذا مو كافي اللي سويتيه كملتيها الحين ... سمر انتيييييي طالق
شهقت سمر : تطلقني علشان وحدة ما تسوى
هنا ما قدر يتحمل وهجم عليها يضربها وين ماكان مسكه ادم وابعده عنها
ادم : لؤي اهدأ مو كذا راح تذبحها
لؤي : الموت قليل عليها
استجمعت قواها وابتعدت عنهم متوجهة الى من تشوفه ملجأها واللي راح ينتقم لها من لؤي
هدأ لؤي : ادم لازم نلاقيها ... نزل راسه
اليوم خبرتني انها حامل
فرحتنا ما اكتملت
ادم : راح نلاقيها بس انت هدي اعصابك اذا مو عشاني علشان ولدك
.......................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سمر بعد ما تركتهم توجهت الى بيت ايريك وخبرته عن لؤي
ايريك : حسنا وكيف تريدي ان انتقم منهما
سمر : تلك الفتاة من الواضح جدا انه متيم بها اريدك انت تقتلها
ايريك : اقتلها
سمر : الم تقل بانك بحاجة الى اعضاء جديدة ها انا قد وفرت لك ضحية
ايريك : ههههههههه لا عزيزتي انتي قلتي لي عنها لكن لم توفريها بعد
قرب منها وبدأ يمرر ايده على خدها
ابتسمت له وضمته : لقد اشتقت لك ايريك
ابتسم بخبث : وانا ايضا
طلع السكين من جيبه وطعنها بظهرها
حست بألم السكين وهو يخترق ظهرها
نزلت دموعها ونظرت له
سمر :ايريك ... لماذا
ايريك : لم يعد لي حاجة بك
لقد صرفت عليك الكثير وانتي لم توفري لي طلبي
لذا سأستغل جسمك الجميل هذا هههه
سمر : ايريك انا احمل طفلك
ايريك ضحك بجنون: ههههههه وهل تعتقدي اني اهتم لن يكون طفلي الاول والوحيد الذي اقتله
طاحت على الارض ودمها ينزف فقرب منها
دخل سامويل وشاف اللي طايحة على الارض
سامويل : مالذي فعلته
ايريك : كما ترى
سامويل : هل جننت انها تحمل طفلك
ابتسم ابتسامة جانبية : وهل يهم ذلك
سامويل : انت فقدت عقلك وطلع من البيت
لحقه ايريك لبرى
جلنار
كانت تمشي بالازقة من غير هدى كل اللي يهمها تبتعد عن البيت واهله
جلنار وهي بين احضانه : لؤي في شيء لازم تعرفه
لؤي : قولي كل اللي بخاطرك حبيبتي
جلنار بتردد وخجل : انا احم انا حـ حامل
ودفنت وجها بصدره
في البداية ما استوعب وبعد ما دخلت السالفة مخه بعدها عنه شوي
لؤي : عيدي شقلتي
ابتسمت : انا حامل
ارتسمت ابتسامة كبيرة على وجهه وضمها باقوى ما عنده : احبك ياغلى من روحي
جلنار راح اكلم اهلي واخبرهم عن زواجنا خلال الاسبوع
رجعت للواقع على صوت صراخ
: دعني ايريك ارجوك .. صدقني لن اخبر احد فقط اعفني من العمل معكم ارجوك ونزل على الارض
قرب منه ومسكه من رقبته
ايريك : سامويل انت تعلم ان من يدخل معنا لا يمكنه الخروج من المجموعة
سامويل : اتوسل اليك لن اتحدث عن اي شيء فقط دعني اقسم لك ساترك البلاد وارحل الى ابعد بقعة من الارض عن هنا
زاد من الضغط عليه بحيث ما يعطيه مجال انه يتكلم او يتنفس
ايريك : اتعلم عينيك جميلتين اعتقد سأربح مبلغ كبير ثمنا لها
كان يحرك ايديه يحاول يبعده ويفك نفسه من الوحش اللي ماسكه بدأ يفقد قوته وعلى وشك يلفظ انفاسه الاخيرة جحضت عيونه وشحب لونه
طلع ايريك سكين من جيبه وغرزه برقبة العجوز وبدأ الدم ينزل بغزارة وسامويل يتحرك بألم لين وقف عن الحركة معلن رحيلة عن الدنيا
مسكه ايريك من رجليه علشان يدخله البيت ولما غير وضعيته شاف بنت واقفة وحاطة ايديها على فمها تمنع صرختها تطلع كان وجها مألوف له ترك صاحبه وقرب كم خطوة منها
استوعبت انه لاحظ وجودها وانه يتحرك باتجاها فاطلقت العنان لرجليها بالحركة والهرب منه
يبي يلحقها لكن مايقدر يترك الجثة فاسرع وسحبها لداخل البيت ورجع يدورها
جلنار ماكانت منتبها انه رجع للجثة فكانت تركض لين وصلت الى شارع فيه اشخاص يمشوا مسكت رجال من جاكيته وبدأت تتكلم بكلام مو مفهوم بسبب الخوف
دفعها الرجال عنه باعتقاده انها ارهابية كونها عربية ومسلمة وهرب بسرعة
وقفت تصرخ كلام عربي بانجليزي: ساعدوني ارجوكم هو قتله ويبي يقتلني ارجوكم يبي يذبحني ساعدوني
وصل ايريك للمكان اللي هي فيه وهي اول ما طاحت عينها عليه ركضت الى الشارع المقابل
ودخلت محل كان مكتض بالناس
لحقها وجلس يدورها بين الموجودين
كانت دقات قلبها وهي تشوفه يدورها زي المجنون كان على وشك انه يطلع من المحل بس
سمع صوت شيء يطيح ولما طالع المكان كانت هي موجودة هناك وبتطلع من المحل
لحقها وقدر يمسكها صارت ترفس وتضرب فيه حتى يتركها بس هو شاد عليها
جلنار : اتركني ارجوك مراح اقول لاحد اتركني
عطاها كف طيحها على الارض ورجع شالها وسحبها معاه لبرى
شاف شرطي واقف على الرصيف جنب كشك يبيع وهي لما انتبهت لارتباكه و للمكان الي يطالع فيه صرخت باعلى صوتها
انتبه لها الشرطي وشافها تحاول تهرب ونظراتها تستنجد به فتقدم منهم
حاول يوهم الشرطي انها مجنونة : اهدأي عزيزتي الطبيب لن يعطيك ابرة هذه المرة
جلنار : ابعد ابعد
قرب منهم الشرطي : مالامر
ايريك : ان شقيقتي مريضة وخائفة من الذهاب للطبيب عقلها ليس على ما يرام
هز الشرطي راسه بعدم تصديق
ووجه كلامه لها : هل انتي بخير انستي
جلنار : ساعدني ارجوك
الشرطي : دعها من يدك
تركها ايريك وهي راحت ورى الشرطي وجلست تكلمه بالعربي
مافهم اي شيء منها
الشرطي : مالذي تقوله
ايريك : تقول بانها لاتريد الذهاب للطبيب فهو سيحقنها بابرة وبعدها ستنام انها تريد ان تلعب مع قطتها وابتسم
هز الشرطي راسه
حست ان ايريك لعب على الشرطي وان الشرطي ما صدقها فبدأت تصارخ وتطلب ان احد يساعدها كانت تتكلم بهستيريا خايفة من المجرم اللي يبي يختلي بها ويقتلها زي ما قتل صاحبه
كانت تبكي بألم وخوف واللي يشوف حركاتها يقول هذه مجنونة مشت شوي ونزلت عن الرصيف وبنفس الوقت كانت في سيارة جاية مسرعة
التموا الناس حولها وكان من بينهم ايريك اللي استغل فرصة انشغال الشرطي معاها لما صدمتها السيارة
ابتسم كعادته فرؤية الدم ينزل من راسها خلاه يرتاح اكيد ماتت بعد الصدمة فابتعد الى شغله اللي اجله علشان يمسك جلنار
وقبل ما يبعد ناداه الشرطي وحط الكلبشات على ايده
الشرطي : اين تذهب انا لم انتهي منك
تكلم الشرطي بجهازة وطلب المساعدة والدعم
..................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
توجه ادم الى جامعته وهو يمشي سمع الدكتور المسؤول عنه يكلم زميله
الدكتور بحيرة : انها عربية ولم تفهم اي كلمة مما قلنا
زميله : هل استدعيتوا المترجم
الدكتور : اجل لكنها لم تكلمه
زميله : حسنا ماذا عن اسمها او عنوانها الم تعرفوه
الدكتور : قالت اسمها فقط .. جلنار يوسف الـ
وقف اول ماسمع الاسم وتوجه مسرع للدكتور
ادم : عفوا هلا اعدت اسمها
الدكتور : جلنار ... ادم هل تعرفها
ادم : اعتقد ذلك ... ارجوك خذني لها
هز الدكتور راسه
..............
في المستشفى
كانت سرحانة وحاطة ايدها على بطنها
المترجم خبرها ان وضع الجنين خطر بسبب الصدمة وعلشان كذا بتظل بالمستشفى
اندق الباب فعدلت حجابها وبعد شوي دخل الدكتور
ابتسم لها : كيف حال الام الصغيرة اليوم
دخل بعده ادم ساعتها تمنت تنشق الارض وتبلعها خايفة من اللي راح يصير لها
ابتسم ادم : كيفك جلنار
ارتاحت شوي من ابتسامته
ادم : كنا ندور عليك من اسبوع ...
لؤي ما خلى مكان الا دور فيه ميت خوف عليك
نزلت راسها
ادم : جلنار الدكتور خبرني بوضعك
انتي تعرفيه صح ؟
هزت راسها : مابي اي شيء بس ولدي لا يروح
رفعت راسها وكانت عيونها مليانة دموع
كملت : قول لهم اني راح اطلع من حياتهم بس يتركوا ولدي لا يحرموني منه واجهشت بالبكاء
قرب ادم وجلس على طرف السرير
ادم : لا تخافي انا ولؤي واحلام بعد مراح نترك لوحدك راح نوقف معاك
انتي ما تدري شقد لؤي يحبك
اهلي يعرفوا انكم متزوجين وراح يسامحوكم ويتقبلوكم من جديد
هزت راسها له
ادم بتردد : جلنار ممكن تقولي اسم ابوك الكامل
جلنار : يوسف محمد الـ ليش
ادم : في شيء ابي اتأكد منه وبعدين راح اخبرك ..... طيب وامك
جلنار : صفية سالم الـ
فتح عواينه : معقول ...
وقف : جلنار انا راح امشي الحين وبرجع بعدين مع لؤي واحلام طيب
وطلع مسرع من الغرفة والمستشفى
تعجبت تصرفه وتساءلت عن سبب اسئلته
..............
دخل ادم البيت مثل الصاروخ وهو ينادي امه وابوه
الابو : خير يا ولدي
ادم : يبة ابي اسألكم انت وامي كم سؤال
الام وهي تجفف ايدها عن الماي : خير
ادم : يبة تذكر السالفة اللي قلتها لنا عن الرجال اللي اتهمك بانك قتلت اخوه
الاب : ايه ليش
ادم : يبة ويش اسمه
الاب : يوسف محمد الـ
ادم : وهو يكون زوج خالتي صفية صح يمة
الام : ايه وهو السبب في تفرقت العايلة لا بارك الله فيه
ادم : طيب يمة ويش اسم خالتي صفية الكامل
الام : مثلي صفية سالم الـ
صرخ ادم فرحان
وراح فوق ينادي اخته احلام
طلعت من الغرفة وهي تحك عيونها عن النوم : نعم يالمزعج
ادم : لك نص ساعة تلبسي بروح معاك مشوار مهم
احلام : وين
ادم : بعدين تعرفي ونزل مسرع وتوجه للباب
الاب : ادم ما قلت لنا ليش الاسئلة هذه
ادم وهو عند الباب : لقيت بنت خالتي وطلع من البيت فرحان وتوجه لبيت اخوه
شهقت الام : بنت اختي سمعت يا ابو لؤي بنت اختي هنا يابعد قلبي وجلست تبكي
............
وصلوا الثلاثة المستشفى
كان لؤي مسرع في مشيته مو مصدق انه لقاها اخيرا دخل من غير استئذان
تلاقت عيونهم لثواني وبعدها ركض لها وضمها
ادم : بشويش يالاخو راح تذبح ولدك
بعد شوي عنها : طيحتي قلبي عليك
باس اياديها وخدها وراسها وضمها من جديد
احلام : احم نحن هنا
قربت احلام وضمتها : الحمدلله على السلامة حرم اخوي المصون وغمزت لها
خجلت جلنار ونزلت راسها
لؤي : هههه لا تحرجي زوجتي لو سمحتي
ادم : ينقال ما احرجتها وانت تبوس فيها ماباقي الا ههههه
احلام : قليل ادب
لؤي : ههه اطلعوا وانا اكمل الباقي
ضربته جلنار على كتفه
ضحكوا كلهم عليها
ادم : احم خلونا بالجد شوي
احلام تذكري السالفة اللي خبرنا ابوي بعد ماسافر لؤي
احلام : اي سالفة
ادم : سالفة يوسف محمد الـ واخوه
احلام : ايه
لؤي : هذا ابو جلنار ويش سالفته
طالع فيها ادم حست انه خايف يحرجها لموقف لابوها فابتسمت له
جلنار : لاتخاف مراح تضايقني تكلم
وخبره ادم عن سالفة ابو لؤي وابو جلنار
..............
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
.....
قبل سنوات طويلة بعد ما تزوج ابو جلنار زوجته كان في مناقصة وكان يوسف واخوه يبوها و ابو لؤي وربح ابو لؤي المناقصة فتهاوش يوسف مع اخوه واتهمه بانه السبب في خسارتهم ووصلت للضرب ومن غير قصد دفع اخوه وطاح على الارض ميت وقتها كان ابو جلنار ذو نفوذ فقدر يرشي الطبيب الشرعي حتى يقول سبب الوفاة جلطة بالقلب واتهم ابو لؤي انه السبب لانه سرق المناقصة منهم بعد فترة الطبيب الشرعي قابل ابو لؤي وخبره الحقيقة فاغتاض ابو لؤي وتشاجر مع يوسف كيف انه يحاول يشوه سمعته بين الناس ومن بعدها انقطعت العلاقة بين العايلتين لان يوسف رفض ان زوجته تشوف اختها او تكلمها وبعد سنتين سافر ابو لؤي فرنسا واستقر هناك
.................
ابتسمت جلنار بألم ونزلت راسها
لؤي : كل هذا ما يهمني يازوجتي وبنت خالتي وابتسم لها بحب
احلام بعد فترة صمت : يعني احنا بنات خالة
ضربها ادم على راسها : وانا من الصبح ويش اقول
احلام : ونااااااااااااااسة الحين عندي بنت خالة واااااااااااو هههه
ضحكوا عليها
احلام : اقول انت وياه جوعانة بروح اشتري لي غداء
طلعت من الغرفة وراحت تشتري لها من المتجر اللي بالمستشفى
وبينما كانت تتنقل دعمت واحد بالعربة
احلام بالانجليزي : اه عفوا لم ارك
طالع فيها وابتسم : حصل خير اختي
احلام : ههه معليش كنت مستعجلة تعورت
محمد وهو يحك محل الضربة : شوي هههه
احلام : سوري سوري تبي اكلم الطبيب يشوفك
محمد : لا لا مو للدرجة هذه
احلام : اووه زين ... قلت الحين بتقاضيني
محمد : هههههههه مافي مانع نكسب قرشين
احلام : ياسلام لا خلاص مافي انت قلت ماتعورت
محمد : لا انا قلت تعورت بس شوي
ضيقت نظرتها وقربت منه : نصاب
محمد : هههه امزح امزح
استأذنت منه ومشت وهي مبتسمة ام هو وقف يراقبها لين طلعت من المحل ولحقها حاس ان فيها شيء مو غريب يشده لها
وصلت لعند غرفة جلنار وشافت ادم واقف عند الباب متضايق
احلام : ههه لاتقول طردوك
ادم : جلنار تعبانة يا احلام ودوها للعناية ... احتمال تخسر الجنين
طاحت الاغراض من ايدها وجلست على الكرسي
قرب محمد منها : ويش صار
ادم استغرب منه : الاهل تدهور وضعهم
محمد : لا حول ولا قوة الا بالله .. ان شاء الله خير
ادم : عفوا اخوي انت تشتغل هنا
محمد : لا شفت وضعكم قلت يمكن تحتاجوا مساعدة ... انا محمد جاسم
مد ادم ايده : اهلا اخوي انا ادم
طالع محمد في احلام : لاتخافي ان شاء الله يتحسنوا الاهل ويطمنكم الطبيب
وقف شوي جنبهم حتى يتطمن لين رجع لؤي
ادم : بشر كيفها وكيف البيبي
لؤي : الحمدلله افضل راح تظل بالمستشفى لين تولد اقل حركة ممكن تخسره
احلام : وينها الحين
لؤي : طلبت لها جناح خاص حتى اظل معاها
والتفت على محمد
حس محمد بالاحراج فتقدم وسلم على لؤي
محمد : ما تشوفوا شر اخوي
لؤي : مايجيك ان شاء الله
عرفهم ادم ببعض
محمد : احلام اجمعي اغراضها حتى ناخذها لغرفتها ... ولف لمحمد
محمد انت هنا علشان الاهل
محمد : ايه ولد عمي منوم هنا للعلاج
لؤي: اجر وعافية ان شاء الله
محمد : الله يعافيك .. يالله استأذن انا ولو احتجتوا شيء كلموني واعطاهم كرته وبعدها ودعهم وراح لعند عبد الاله
............
دخل وهو سرحان شوي
عبدالاله : شفيك
محمد : ابد سلامتك ... قابلت عايلة عربية قبل شوي
عبدالاله : طيب
محمد : ابد بس الرجال باين عليه خايف على زوجته اذا ماخب ظني انها زوجته .. المسكينة حامل ومعرضه انها تخسر الجنين
تنهد عبدالاله : الله يقومها بالسلامة
...................
رجع ادم واحلام البيت وعلى طول مسكته امه تحقيق
الام : وينها بنت خالتك مو قلت انك لقيتها ليش ما جبتها عندي
ادم : يمة هي بالمستشفى الحين
الام : المستشفى ليش
ادم : مريضة وراح تضل فترة طويلة
شهقت الام : مريضة شفيها وبدأت البكاء
ياويلي يااختي بنتك قريبة مني ولا عارفة لها طريق سامحيني يا اختي
الاب : اهدي يا ام لؤي
ادم باي مستشفى هي
ادم : مستشفى الـ
خلاص يمة بكرة من الصبح اوديك لها
ملاك : هي كم عمرها ويش اسمها حلوة او لا
احلام : وانتي هذا اللي يهمك بس
لاتخافي انتي تعرفيها وزين بعد
الاب : كيف يعني يا بنتي
ادم : خلاص يبة بكرة تشوفوها وتعرفوا
ابتسم لاحلام وطلع غرفته واحلام بدورها استأذنت وراحت غرفتها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك