رواية حطموك يا قلبي -10

رواية حطموك يا قلبي -10

من عرفتك وانا حاطه يدي على قلبي لأني موب ضامنتك يوم أكون أغلى ماعندك وعشره أتعس من على الأرض بسببك ]]

آآآآآآآآآآآه لهالدرجه موب واثقه مني خايفه أتخلى عنك وأنتي كل حياتي

قام وطلع من البيت..

ركب سيارته واتجه كالعاده للبحر رفيق المهموم والحزين..

جلس يناظر البحر ويذكر ملاك..

[[ أنت أناني أناني وماتحب إلا نفسك أنت أصلآ متزوجني بس عشان تعذبني معاك

أرحمني تعبت منك ومن تصرفاتك ]]

مدري أن كنت صح والا كلي على بعضي غلط في غلط

مدري أن كنت ظالمك ياملاك والا أنا مظلوم مثلي مثلك

مدري متى بارتاح متى

سمع نبره صوتها اللي تدل على تعبها من الصبر..

دموعها اللي تشهد أنها مظلومه من أعز وأغلى مافي الكون عندها..

[[ أنا ماعدت ألزمك يانواف أنا

أنا اللي حبيتك وسلمتك قلبي ماعدت الزمك

أنا اللي تحملت أهاناتك لي ظلم ماعدت الزمك ]]

ظلمتك ياملاك ظلمتك

بس ليش ليــــــــــــش..

%%%%%%%%%%%%%%%

يفكر ويفكر ايش الطريقه المناسبه عشان يقدر يقنعها بدون ماتنفعل وتنهار كالعاده..

: حبيبتي

رهف رفعت راسها..

فيصل: مااشتقتي لبيتك وزوجك

رهف ابتسمت له..

فيصل: يعني أعتبرها ابتسامة رضا

رهف: اللي تشوفه

فيصل بتردد: طيب أشرايك يعني لو لو...

رهف: لو شنو

فيصل: يعني لو أشور عليك نروح مع بعض مكان وحنا نعرف أن هالمكان بيريحنا بتوافقين

رهف: على راحتك

فيصل: حبيبتي أنا أشوف أن نفسيتك تعبانه شوي شرايك أوديك لدكتور يساعدك تعدين هالمرحله

رهف: دكتور؟!! قصدك دكتور مجانين مو..

وصارت تبكي.. تبي ترتاح مني تقطني في مستشفى المجانين

فيصل: لا ياقلبي من قال مستشفى مجانين أنا مستحيل أتركك أو أتخلى عنك هو مجرد دكتور مثل أي دكتور ثاني عشان تهدأ نفسيتك

رهف : أصلآ أنا مافيني إلا العافيه

فيصل: عارف بس أنتـــ..

رهف بانفعال: قلتك مابي أنا موب مجنونه موب مجنووونه

فيصل: أدري خلاص مابتروحــ...

رهف باصراخ: أتركني في حالي برى برى أتركني

فيصل: طيـــ..

رهف: اطلع برى

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طلعت مع بنت أخوها عند الشارع العام ينتظرو ليموزين وطبعآ بفضوله المعتاد مشى وراهم..

: خير أختي محتاجه مساعده

حنان: لامشكور >>وتباعدت عنه

: لا بس حنا جيران وشفتكم واقفين هنا قلت أوصلكم المكان اللي تبون

حنان: لا مــــ...

قاطعتها رنا: تسلم ماتقصر إذا تقدر تودينا المحكمه

: خير تفضلوا اركبوا السياره

حنان بعصبيه: رنا

رنا: عمتي شفيك عادي جارنا موب غريب تعالي أركبي

ركبوا السياره وطول الطريق يناظرها في المرايا..

<< فديت هالعيون العسليه

لكن لهالحين موب مصدق معقول عندها عيال كبار والله موب مبين عليها

وصلو المحكمه..

حنان: مشكور أخوي

: العفو أنا بانتظركم لين تخلصوا

حنان: لا مايحتاج راح نتعبك

: تعبكم راحه خلصوا شغلكم وانا بانتظركم هنا

أنتظرهم لين طلعوا وركبوا السياره..

: ها انشالله خلصتوا شغلكم

رنا بلقافه: أووووووه شغل المحاكم مايخلص خاصة إذا موضوع طلاق

حنان ضربت رنا بايدها وبصوت واطي: موب صاحيه

رنا: عادي شفيك

>> عمل حاله مايدري وانبسط كثير أن في حد بيسحب منه الحكي وبيعرف القصه كامله

: لاه لاه عسى ماشر عبدالعزيز مافي مثله

رنا: اسم الله علي موب أنا عمتي زوجها مغربلها لين قالت بس وموب **** يطلق عشان كذا رفعت عليه قضيه

: أهااااااا بس انشالله مافي عيال عشان لا يأثر الطلاق على حياتهم

رنا: مسكينه ياعمتي عندها أربعه زوجوها صغيره وابتلت

وظلوا طول الطريق يتكلموا وحنان ودها تذبح رنا من القهر واللقافه..

وصلو عند العماره اللي ساكنين فيها:

: تفضلوا وأي شي تحتاجونه أنا حاضر ومايردك إلا لسانك

رنا: تسلم مع السلامه

حنان نزلت من السياره وقفلت الباب بقوه..

: ياعيني عليها عصبيه كأنها كبريت

عرفتك يا... إلا صدق عرفت كل شي إلا أسمها..

يالله موب مشكله سهله علي أعرفها بطريقتي..

$$$$$$$$$$$$$$$

: رنا تراك زودتيها معه شدعوه من باقي أهلنا تحكي له قصة حياتي

رنا: ياعمتي ياحنونه أستهدي بالله لاتعصبي عادي خذيها بروح رياضيه وبعدين أنا أعرفه من خمس سنين أول ماتزوجت وتعودت عليه وبعدين تراه طيب

حنان: هو وش سالفته موب متزوج

رنا: سلمك الله مطلق

حنان: ليه

رنا: زوجته معقده وماتتعاشر لدرجة أنها دخلته السجن

حنان: صدق ليه وش مسوي

رنا: بعد ماطلقها شكت عليه أنه مايصرف عليها وماعطاها نفقتها أنسجن

حنان: الله أكبر عليها أعوذ بالله موب مرأه أنا مع أن سعد غربلني تغربل ومافكرت ولا راح أفكر أني أسجنه مهما كان عشان عياله

رنا: هم حتى عياله مانعته عنهم وإذا زارهم ماتخليهم يطلعون له قشره أعوذ بالله

حنان: أممممم

%%%%%%%%%%%%

: ياربي أنا شسويت في حالي ضيعت نفسي بنفسي بس أنا عاجبني هالوضع اللي أبيه يوصلني مكاني مقابل Xxxxxx‏ ‏ لكن سمعتي الكل بيحكي عن شرفي لكن عادل هل بيصدق ويتزوجني هو وعدني يتقدم لي بأقرب وقت لكنه دايمآ يتهرب ياربي ياربي شسويت بعمري ياربي

>> هالحين عرفت ربي بعد أيش وأمي غضبانه علي بعتها برخيص عشان نزوتي آآآآآه ياربي شسويت أنا شسويت

معليش خلني أعيش حياتي أصلآ أنا عاجبتني حياتي مغامره ووناسه وحفلات ورقص وهدايا وكل اللي طلباتي أوامر

وش لي بالهم والكدر وأمي تدبر حالها هالحين مرتاحه محد يتحكم فيني وبعدين موب أنا وحدي في هالطريق حتى ليالي على الأقل أعرف بس عادل وهي أكثر من خمسه حتى

حركات عندي خاله مشهوره ههههههههههه

%%%%%%%%%%%%%

#..ماأنساك لوتطلع الروح لأجلك..#

: قولي أنتي شرايك

البندري تكابر: وشو رايي أنا مالي دخل

ريماس: بس أنتي رايك أهم

البندري: هذي حياتك وأنتي ادرى

ريماس: بس أنا مابي الزواج أنا أحب الدنيا عشانك فيها مابوافق

البندري: على راحتك فكري زين وبعدين قرري

ريماس: فكرت وقررت يا الزواج عشانك أو مابي

البندري: كيف عشاني

ريماس: أيوه عشانك أصلآ إذا وافقت بصير قريبه منك أكثر خاصة أنك عارفه أهلي وتحكمهم فيني بالموت اطلع

البندري: بعد الزواج بتنسيني

ريماس: تتوقعي أتغير عليك مستحيل أنتي روحي ماعيش بدونك

البندري: غيرك قال وماوفى بتجي أنتي علاقتي بك ثلاث مدري أربع سنين بتوفي بوعودك

ريماس: تقارنيني بالجازي

البندري: الجازي وغيرها

ريماس: بس أنا غير

البندري: شلون غير انشالله

ريماس: انتي حبيبتي وقلبي وروحي وعمري وكل دنيتي

البندري: والجازي أختي بس كانت

ريماس: أنا قطعت لك وعد مستحيل أنساك تفهميني مستحيل والأيام بتثبتلك

البندري: نشوف يعني أنتي اصلآ موافقه

ريماس: واللي خلقك لوتقولي لاتوافقي ماوافق

قولي ريحيني إذا موب موافقه عادي عندي أصلآ مايفرق شي

البندري واثقه من كلام ريماس صحيح انها ماتتخيل ريماس مع أحد غيرها وان كان زوجها لكن هذي حياتها وهي موب دايمه علاقتها بها مهما كانت مدى قوة هالعاطفه: لا ياريماس وافقي

ريماس: من قلبك

البندري: من عقلي

%%%%%%%%%%%

: هلا

البندري: أهلين شفيه صوتك فيك شي

ملاك: ملانه شوي

البندري: أها فهمت

ملاك: وشو فهمتي

البندري: عشان نواف محتفل مع خالتي اليوم ورايح معها البحرين عشان عيد زواجهم

ملاك انصدمت وتحجرت دموعها في عينها: أيش

البندري: ليه ماتدري

ملاك: ومن وين باعرف

البندري: أهااااااا عارفه شعورك حبيبتي بس أنتي ماكان معك اليوم

ملاك تضحك من سخرية القدر لها: إلا كان عندي بس من خمسة أيام

البندري: ليه

ملاك: أبدآ مجرد أن كلمة الحق تزعل هالأيام أتصلت عليه كثير لكنه مايرد علي

البندري: وش صاير فهميني

ملاك: شيمو صورتني بالجوال

البندري شهقت: إيش مجنونه دي

ملاك: ولما شاف الصور حط اللوم علي وحملني أنا الذنب

البندري: وبعدين

ملاك: قهرني كلامه طعني في الصميم ومثل ماجرحني خليته يجرب كيف ينجرح وينهان

وبدأت نوبه البكي>> أنا تعبت منه صبرت بمافيه الكفايه من عرفته وأنا متعذبه ومهمومه مايوم أنبسطت معه وش ذنبي أنا إن كنت حبيته وأغليته يجازيني بالنكران خلاص ماعدت أتحمل شي ودي أموت وأرتاح

#..كل تمنى في حياته أماني

وأنا أتمنى أمنيه أني أموت..

#..مظلوم في دنيا بها الله بلاني

عايش ولكن عايش انسان مكبوت..

#..عايش ماعرفت الأماني

غصبآ علي أقبل أنا الظلم بسكوت..

#..الحظ ضدي والبشر والزماني

باسبابهم همي بدا يلوتني لوت..

#..حسره طوت قلبي وحزن طواني

الين حزني صار بالصدر منحوت..

#..حتى حبيبي خان حبي وحناني

وحط بفمي علقم وأنا مذوقه توت..

#..خان المحبه صار شخص أناني

وحرم علي حتى أتصل اسمع الصوت..

#..مدام صرحي انهدم مع كياني

وش تنفع الصرخه أذا فايت الفوت..

#..الموت أرحم من حياتي أعاني

ولو ظني في أرحم علي من الموت..

$..يازينها لاصار جسمي بتابوت..$

#..يارب حقق لي أنا هالأماني

أرجيك يامنجي نبيك من الحوت..

#..مدام مسموحه لنا الأماني

عندي امنيه وحده ودي..

$..أمــــــووووت..$

: طيب أنتي أهدأي هالحين وخمس دقايق وأنا عندك

###############

وصلت البندري...

حضنتها ملاك تبي تفرغ همومها عند أي أحد..

: خلاص أرحمي حالك أنا هالحين أتصل له وأتفاهم معه

أخذت البندري جوالها واتصلت عليه وخلته على السبيكر..

: هلا البندري

البندري: أهلين مشغول..؟

نواف: لا آمريني بغيتي شي

البندري: محد معك

نواف: إلا خالتك معي تدري اليوم عيد زواجنا وقلت أخليها تنبسط وتغير جو رحنا البحرين

>> لما سمعت ملاك كلامه ماتحملت وصارت تبكي مسكت البندري إيدها عشان تسكت شوي..

#..متى ماجات لك على الكيف أتصلت

ومتى ماودك كذا ماتتصل..

#..ومتى ماطقت براسك زعلت

حتى ولو مابه داعي للزعل..

#..واذا عارضتك على حق انفعلت

وقمت احس انك من مزوحي تمل..

#..واثر يوم انك تتعمد ماسألت

اثر لك احباب عن حبي بدل..

البندري: أهااااا وملاك

نواف: شفيها

البندري: أنا اللي أسألك عنها

نواف: مدري عنها

البندري: ليه موب زوجها

نواف: زعلان منها

البندري بانفعال: هي اللي مفروض تزعل

نواف: حكت لك شي

البندري: بدون ماتشكي لحد حنا نشوف حالها خطوبه مثل كل البنات ماحست شهر عسل بس أسم وأنت دايم مع ربعك ومخليها في الفندق لحالها وبعد ماوصلت البلد تحملها ذنب زوجتك مع أنها مظلومه حرام عليك

نواف: موب عاجبها هالوضع

البندري: أكيد محد يعجبه

نواف: دام موب عاجبها أجل كل واحد بطريق وطلاقها بيوصلها

ملاك شهقت وصارت منهاره من البكي >>

البندري: بعد كل شي بكل بساطه تطلق

نواف: أنا محد يتحكم فيني وقولي لها يا أنها ترضى بالواقع أو بيت أهلها موجود

: أكرهــــــك أكرررهــــــــــــــــــك

خلاص ماعدت أبيك ما أبيك أكرهك أكرهك أكرهك

وصارت تضرب حالها وتكسر أي شي تشوفه قدامها..

والبندري تحاول تهديها لكن مافي فايده..

: خلاص خذ اللي يبيه والحين بكل سهوله مايبيني بعد أيش بعد أيــــــــــــش

وطبعآ نواف يسمع صراخها وكلامها..

قفل الخط..

: محد قالك تزوج أنت جبتها لنفسك

نواف: أنتي اللي حديتيني على الزواج

>> هذا اللي قدرت عليه يانواف وإلا تراعي مشاعرها..

: ملاك أهدأي وفكري بمصيرك هو خيرك وأنتي قرري

ملاك: شسوي أحبه

البندري: فكري بمستقبلك بحياتك وش راح تكون يا مطلقه بعد شهر من زواجها والناس ماترحم بيألفوا ألف حكايه عنك وبيطلعوك الغلطانه

أو ترضي بهالواقع المر وتصبري لين يجيك الفرج ويمكن يتغير

ملاك: أنطعن في اليوم ألف طعنه ولا أبتعد عنه

المشكله حبه باليني مقدر أعيش بدونه أحس بالضياع

%%%%%%%%%%%%

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انا كنت مقررة ما انزل اخر بارت الا لما اشوف شوي ردود من الاعضاء بس قلت بنزله و امري لله

و ان شاء الله اشوف ردود بعد البارت الاخير

البارت العاشر والأخير..

حنــــــان..

آآآآه تعبت رايحه المحكمه وجايه من المحكمه وبعد هالعذاب اللي استمر سبعه شهور أخيرآ تطلقت

ماخبي عليكم أني تأثرت وبكيت مهما كان الظروف الطلاق مو سهل لأي مرأه حتى لو كانت هي اللي تبيه

ظليت تقريبآ ثمانيه أو سبعه شهور مع بنت أخوي رنا اللي في أواخر الأيام تغيرت كثير علي مع العلم أني حاطتها فوق راسي وفجأه في يوم العيد اللي الناس فرحانين في هاليوم طردتنا في عز الظهر ولا رحمتنا بدون أي سبب

طلعت مع عيالي نمشي ماندري وين نروح لكن الجار <<الفضولي ههههههههه كنت طول هالشهور أسميه كذا>> شافنا ووقف لنا ركبنا معه في سيارته مالنا إلا هالحل ورحنا بيت أختي دلال <<أم فيصل>> اللي انفجعت لما شافت أشكالنا حالتنا حاله

ضليت ثلاث أيام بس وجا الفرج عن طريق الجار اللي بعد مواقفه معي قررت اسميه <<منقذي>> جا وطلبني لزواج ومستعد ينفذ كل شروطي اللي هو الشرط الوحيد عيالي يعيشون معي ماقصر معي ولا زعلني يوم صحيح غيرته الزايده اللي مالها داعي تضايقني لكن عسل على قلبي خصوصآ أنه حنون مع عيالي ويعاملهم كانه أبوهم فعلآ وكل طلباتهم مجابه

بعد فتره سمعت أن رنا أختفت ومحد يدري عنها وأغلب الظن أنها في البحرين ساكنه كانت دايمآ تروح هناك بحالها وتترك بنتها معي إذا كان زوجها مسافر لشغل ياما نصحتها الطريق اللي تمشي فيه موب زين لكن لا حياة لمن تنادي وهذا السبب اللي خلاها تكرهني وتطردني خبيت على الكل هالموضوع مهما يصير بنت اخوي وواجبي استر عليها والنتيجه ترمي بنتها عند باب دار الأيتام وتمشي عنها حتى أمومتها مارحمت الطفله البريئه اللي مالها ذنب

رمتها وراحت ورى نزوتها رقاصه في الفنادق..

وبنتي شهد قلبي يتقطع عليها وانا اسمع اخبارها اللي ماتسر ودي أروح اجرها من شعرها واربيها من جديد بس هذا موب حل ماطاعتني وهي صغيره بتطيعني هالحين بعد ماصار عمرها أربعه وعشرين سنه ضيعت نفسها ومادري وش نهايتها الله يهديها..

%%%%%%%%%%%%%%

شــــــهد..

حالي مثل ماهو ماتغير أكثر وقتي أقضيه مع عادل وسالفة الزواج صرف عنها وحتى أنا مافتح معه هالموضوع عشان لايعصب ويزعل

أحس بالغيره والقهر لأن دايمآ اسمع اختي رغد يجيها خطاب وانا اللي اكبر منها محد خطبني بس ساعات أفكر بعقل واعرف أنا اللي ذمرت نفسي ليه ازعل وبعدين اذا جا الخاطب تبعته الفضيحه وأنا شاللي بوجع الراس كذا مرتاحه خصوصآ اني تقربت من أبوي ومشجعني عشان خاطر ليالي

أما ليالي المسكينه كل ماقرب عمرها للعنوسه قربت للجنون هههههههه لدرجة أنها تخطب لنفسها وهي مستعده تدفع المهر يتزوجها لو يوم واحد بس عشان لاتفضح

يجونها خطاب بس يومين ويرجعوا برايهم مايبونها الله يعينها ثنتينا في الهوى سوا

%%%%%%%%%%

فيــــــصل..

كل محاولاتي باءت بالفشل رهف نفسيتها بالحضيض ماتتحمل حكي من أحد وعصبيه بزياده صارت بينا خلاف انفعلت علي وصارت تقط حكي ماتثمنه ماتحملتها بدون وعي رميت عليها يمين الطلاق

أنا خلاص غسلت ايدي منها مافي فايده معها لكني مع ذلك ماتركتهم أخلاقي ماتسمح لي أدوس على العشره اللي بيني وبينهم بين كل فتره أزورهم واشوف اللي محتاجينه

يوم كنت في بيت الوالد وفاجأتني أمي بسؤالها..

[[ : يمه فيصل

فيصل: آمريني يالغاليه

أم فيصل: ياولدي حالك موب عاجبني ولاعاجب أبوك

فيصل: ليه يمه وشفيه حالي

أم فيصل: الى متى بتظل على هالحال بدون زوجه أو ولد يسندك في كبرك

فيصل: تو بدري

أم فيصل تناظر اسيل تساعدها في اقناعه:

اسيل: وشو اللي بدري يافيصل انت موب صغير سنه وتدخل الثلاثين أنت عارف أن رهف مابترجع لك

فيصل: ولا أنا أبيها

ام فيصل بفرحه: اجل نخطبلك والعروس جاهزه

فيصل عاقد حواجبه: منو

اسيل: رغــــــد

فيصل: بنت خالتي حنان

اسيل: ايوه ماشالله عليها جمال وأخلاق وفي عمر ملاك يعني صغيره وتراها تناسبك مابتلاقي أحلى وأحسن منها

فيصل: موب شهد أكبر منها مايصير أخطب الصغيره والكبيره لهالحين ماتزوجت

اسيل باشمئزاز: خير مابقى الا هي مانبيها

فيصل: ليه وش فيها

أم فيصل تدارك الموقف: مافيها شي بس ماتحكي مع أمها واللي مافيه خير لأمه مافي خير للناس توكل على الله واسمع كلامي لو مره وحده بحياتك

اسيل: وتبي الصراحه بدون زعل زواجك الأول بكيفك وبدون رضى الوالده شوف وش جاك اسمع كلامها ترى والله رغد مافي مثلها تنحط عالجرح يبرى

فيصل بتفكير: خلاص خلاص اللي تشوفيه صح يا يمه سويه وهذا راسك أبوسه شتبين بعد

ام فيصل بفرحه: الله يوفقك ياولدي ]]

%%%%%%%%%%%%%

رغــــــد..

مستقره مع أمي لكن لابد اني احس بالنقص أبوي صار لي فتره طويله ماشفته وهو مافكر حتى

لما خطبتني خالتي دلال لفيصل..

[[ : أيش..؟!!

حنان: أقولك فيصل يبيك زوجه له

رغد: مابي أتزوج

حنان: رغد شفيك كل من خطبك رفضتيه اللي شخصيته ضعيفه وسكانه أمه واللي موب عاجبك تصرفاته وهالحين مدري وش عيب فيصل

رغد باسلوب استفزاز: سكانه زوجته

حنان: خير

رغد: نسيتي باللي سواه قبل ولما صابه الحادث عرف أن الله حق

حنان: أنتي قلتيها بعظمة لسانك الله هداه وترانا محنا معصومين كل الناس تخطأ موب عيب بس العيب نتمادى بهالخطأ والعيب أن مانعطي فرصه له يصحح خطأه ونذكره باللي سواه

رغد استحت من كلام أمها: خلاص راح افكر ]]

ضليت اسبوعين تقريبآ أفكر وأقلب الموضوع براسي أنا مابي أضغط على زوج أمي وهو على قد حاله وأصلآ موب ملزوم فينا وابوي مو عارف عنا شي وفيصل ولد خالتي بيصوني ويحافظ علي أكثر من أي حد غريب وأذا موب عشاني عشان أمي هو يحب أمي كثير وقريب منها وإذا متضايق من شي هي كاتمة أسراره..

[[ : موافقه

حنان: أكيد

رغد وكأنها متضايقه: أيوه

حنان: شفيك تحكي بزعل

رغد: ولاشي

حنان: خلاص يارغد إذا ماتبين عادي اهم شي راحتك

رغد: لا يمه أنا متضايقه من ابوي

حنان: وأنا ماكفيك

رغد: أنتي أمي وأبوي وأختي وصديقتي وكل هلي

حنان: ياحبيبتي الله يوفقك ]]

عملنا التحاليل اللازمه والحمدلله النتيجه ايجابيه بس المشكله أبوي صار يماطل في تحديد الملكه لين وافق وهالحين صرت حرم فيصل حمد الــــــ...

فيصل طيب وحبوب لأبعد حد وحنون كثير ماتوقعته كذا شكله مايوحي بشخصيته رومانسي يجنن عند جد صرت ما أستغني عنه علقني فيه لين صرت أحبه بجنون

بس في شي أحاتيه أنا وأسيل ملاك موب على بعضها من تزوجت تغيرت كثير موب ملاك المرحه العفويه اللي الأبتسامه ماتفارق وجهها صارت جديه زياده عن اللزوم وابتسامتها تغصبها على نفسها حاولنا معها تحكي وتفضفض عن اللي في قلبها بس مافي فايده دايمآ تقول مافيني شي حتى أسيل اللي كانت اقرب الناس لها تباعدت كثير كلنا عارفين أنها موب مرتاحه مع نواف بس نبيها تحكي عشان تخفف على نفسها الضغط لكنها عنيده

%%%%%%%%%%%%

الجــــــازي..

مرتاحه كثير مع خالد اللي اتمناه يجيني قبل ما أحكي لكنه غيور بزياده ومايبيني اكون الا معه وهذا السبب اللي خلاني أتباعد عن صديقاتي

ما انكر أني تغيرت وماعدت مثل الأول أحكي لهم عن كل شي وهم بعد يعاملوني بتحفظ يخليني أحس أنهم يجاملوني متضايقين من بعدي بس هذي الحياه خالد هو اللي دايم لي مايهمني الا رضاه وإذا كان يرضيه هذا الشي أنا ماعندي مانع

ريــــــماس..

مستحيل أتقبل هالوضع موب طايقته نهائيآ أنا وش اللي خلاني استعجل وأوافق

دايمآ مشاكل بيني وبينه حتى حقوقه ماقدر أعطيه أحس أني أخون البندري ياربي وش العمل..

صديقاتي كلهم نصحوني بس موب قادره أتأقلم مع هالوضع أبدآ..

اللي زعلني وضايقني أكثر أن البندري بذاتها تنصحني مابيها كذا أنا لها هي وبس حلفتني بغلاتها أني أتقبله وهذا الشي اللي يخليني صابره عليه وأحاول من جديد

البندري لو تطلب روحي عطيتها مايغلى عليها شي

مــــــرام $ الجــــــوهره..

يتبع ,,,

👇👇👇