رواية لاتمثلين احتياجج لي وانتي بحضن غيري مقزرتها -11
مها : حبيتي أشواق .. ,
أم فيصل : ماقتيلي أبوج شسمة ووين ساكنة .,
أشواق : أبوي أسمة حميد ., واحنا ساكنين بالسالمية ., خلاص أنا أكتفيت ., أنتوا سولفولي عنكم
مها : شنو بتعرفين
أشواق : ليش دخلتوا السجن ., وأهلكم وين
مها : انا عن نفسي دخلت السجن لاني أعتديت على وحدة بالضرب ., ضربتها ضرب مبرح ., لقنتها درس لن تنساه كااااااااااااك لاتشوفين ويها .,
أشواق : طلعتي مو هينة ., رويني عضلاتج .,
مها : ههههه ., اي عضلات
أشواق : وليش طقيتيها
مها : لانها قاعد تتحرش برفيجي ., تلحقة من مكان لي مكان ., عاد مابقى شي وأطلع من السجن ., برويها شغل الله عدل
أشواق : وأهلج وين
مها : هههه ., اهلي ., انا ماعندي اهل ., أهوة كان كل اهلي وكل دنيتي .,
أشواق : ظحكتني سالفة لقنتها درس لن تنساه ., وأنتي أم فيصل
أم فيصل : انا شفيني
أشواق :بأي تهمة داشة
أم فيصل : بتهمة حيازة المخدرات
أشواق : عاد مخدرات مرة وحدة ., وعيالج
أم فيصل : يما أشواق لمن تعيشين بالدنيا راح تشوفين ان الدنيا كلها ذياب وأذا مامشيتي مع هالذياب راح تظيعين ., انا ريلي كان يطقني ويهزأني ., وماكان يصرف لا عليي ولا على عيالي ., ومالقيت جدامي غير هالطريج ., وبعد ماتطلقت منه خذيت عيالي وتزوجت وريلي الثاني طلع ألعن من ريلي الأول كان يعذب عيالي جدامي ., وماكنت أقدر أدافع عنهم ولا أبطل حلجي بكلمة وصار الي صار
أشواق : يعني أنتي تاجرتي بالمخدرات عشان تنحاشين من ريلج
مها : خلاص أشواق وايد تسألين .,
أشواق : أممم فضول .,
•••
جاك : شكرا لكي أستمتعت
جوان : أنا أيضا
جاك : أذا انه الوداع
جوان : نعم ., أراك غدا بالجامعه
جاك : نعم ., أريد أن العربية بطلاقة تتكلمين وأتكلم
جوان : haaahaa you mean you want to talk in arabic flowancy
جاك : نعم ., ههههه
جوان ( شفتة يراقبني ., أي كان يراقبني من بعيد ., سويت روحي ماأشوفة وقربت من جاك وبستة على خدة )
جاك : شكرا ., الى اللقاء
جوان : سي يو .,
جراح ( انقثيت من حركتها ., ليش تسوي جذي تتعمد تظايقني ولا شسالفتها ., ماتحملت نفسي ., ركضت عندها وبقيت أعطيها كف اعلمها شغل الله عدل ., بس مسكت أعصابي وقلت أكلمها بالهداوة )
جراح : جوان شنو هاذا الي شفتة
جوان : شنو الي شفتة
جراح : انتي شسالفتج مع جاك ., وليش توج تبوسينة على خدة ., جوان أنتي نسيتي عمرج ولا شنو ., نسيتي أهلج الي رافعين راسهم فيج وينطرونج تبشرينهم بالشهادة ., نسيتي عاداتج وتقاليدج ., وأهم من كل هاذا نسيتي دينج .,
جوان : خلصت
جراح : انتي ليش تغيرتي ., مو أنتي جوان الي اعرفها
جوان : وأنت بعد مو جراح الي انا أعرفة ., وانا عاقلة وفاهمة شلي قاعد أسويه مو محتاجة احد ينصحني ., وانت ياي تكلمني عن الدين ., والي بينك وبين آشلي ماتقولي شنو ., هالشي يرضي ربك ودينك ., ربك يرضى انك تحب مسيحية وتتزوجها ., أقوول جراح خلك بحالك وخلني بحالي
جراح : يعني السالفة جذي
جوان : اي السالفة جذي ., أنت خلك بحالك وانا خلني بحالي ., وكل واحد فينا يعيش على هواه وعلى مزاجة ., ومابيك كل دقيقة تذكرني بالعادات والتقاليد والدين ., لمن أنت تحترمها ذيك الساع تعال تكلم
جراح ( أنصدمت ., جوان يطلع منها كل هاذا ., خلاص السالفة أمصخت ., وبدون لاحس شفت أيدي ترتفع وعطيتها كف الي حسيت أني طيرت ويها ., شافتني بنظرة والدمعه نزلت من عيونها ., صعدت السكن وأنا تميت واقف بمكاني ., ليلحين مو مستوعب الي سويتة ., معقولة عطيتها كف ., بس ليش ., معقولة أغار عليها لهالدرجة ., بس اذا شي طبيعي ., هاذي بنت ديرتي وأهيا بحسبة أختي واهلها موصيني عليها ., مايصير أخليها تلعب على كيفها ., )
البارت السابع عشر
.,
•••
( السكن الجماعي )
جوان ( صعدت الغرفة وأنا أبجي ., منو اهو عشان يعطيني كف ., مسترجل على أفاي ومايشوف عمرة ., بس ماعليه جراح ., راح احرق قلبك مثل ماحرقت قلبي ., المكشلة ماقدر ., قلبي مايطاوعني ., ماقدر أسوي شي يظايقة ليلحيني أحبة ., اي أحبة ., وكملتها أشلي )
آشلي : جوان ماذا هنالك ., لماذا وجنتاك محمرتان
جوان : no nothing
أشلي : nothing , look at your self
جوان : اوووه قلت لك بأنني بخير ., ماذا تريدين الآن
آشلي : جوان لماذا تكلمينني بهذه الطريقة
جوان ( حسيت أني ظقطت عليها شوي ., البنت مو ذنبها ) : آسفة آشلي ., ولكني أشعر بالتعب قليلا
آشلي : لا عليك ., أممم ., جوان أريد ان آخذ رأيك بموضوع يخصني انا وجراح
جوان ( بس سمعت أسم جراح حسيت بخنقة ., حسيت اني مقموتة ) : ماهو الموضوع
آشلي : أمممم
جوان ( مسكت أيدها عشان أحسسها بالطمأنينة ) : آشلي ماذا هناك أخبريني
آشلي : أنا وجراح نمر بمرجلة حرجة بعلاقتنا
جوان : كيف ., ولماذا
آشلي : جراح يريد التعرف على والدي ., وأنتي كما تعرفين والدي يرفض أن يلتقي بأصحابي من العرب المسلمين .,
جوان : أهاا عشان جذي قبل شوي جذي معصب ., بس أنشاءالله مايطلع حرتة فيني
آشلي : what
جوان : لا لا عليك ., أممم ., آشلي حبيبتي ., أني أعرف جراح جيدا ., أذا تمسك بشي فلن يتخلى عنه بسهولة ولانه يحبك لا يريد التخلي عنك ., ولكنه لايريد أن يقف والد بطريقكم ., فأنتي عليك أن تقنعي والدك ., قولي له بأني أريدك أن تتقرب منه ., وهو الانسان الذي أخترته وأريد أن أكمل طريقي معه
آشلي : ولكن أبي
جوان : أعرف ., ولكن يجب عليك أن تحاولي .,
آشلي : سوف أحاول ., آآه تذكرت ., ماذا يجري بينك وبين جاك
جوان : انا وجاك
آشلي : نعم ., أن ي ألاحظ تصرفاته منذ فترة ., أنه يهتم بك أهتمام خاص ودائما يسألني عنك
جوان : ماذا ., يسأل عني
آشلي : ههههه نعم ., ودائما يسألني عن الأشياء التي تحبينها وعن الأماكن التي تفضلين زيارتها والى ذللك
جوان : امم لا أعرف .,
آشلي : لاتعرفين هاا ., هههه ., انا تأخرت يجب أن أذهب للمنزل
جوان : حسنا ., الله وياج
آشلي : ماذا .,
جوان : هههههه i mean my god with you
آشلي : اهاا ., هههه ., سي يو
جوان : سي يو تو
.,
جوان ( ههههه ., يحليلة جاك ., أنا ليش ماجرب حظي معاه ., منها أنسى جراح ومنها أقهر قلبة ., بس على شنو أقهر قلبة ., أهوة ولا يدري عن هوى داري ., آآووه شفيني مخي جذي قفل مرة وحدة ., خل أتعوذ من أبليس وأحط راسي وأنام ., )
•••
( calefornya park )
آشلي : مرحبا هل تأخرت عليك
جاك : لا ., لاعليك
آشلي : كبف حالك
جاك : بخير ., أني اعمل على تحسين لغتي العربية مارأيك
آشلي : ههههه انها جيدة جدا عن سابقها .,
جاك : نعم أني أجلس طوال الليل أقرأ وأبحث
آشلي : ولماذا تفعل كل هاذا ., من اجل جوان
جاك : نعم ., أشلي أنت تعرفين بأنني أنتظرها منذ سنين ., كنت أراقبها منذ أن جاءت من الكويت ., ولكن لم تأتيني الجرآة لكي أصارح أحد بحبي لها وخبات حبي وراء قلبي ., ولكن بما أنها تحررت من جراح حسب ماتقولين , قررت بأن اتقرب منها شيئا فشيئا
آشلي : ههههه ., مثل ماتقول جوان : الحب الحقيقي بيعيش ياحبيبي هوا دا هوا دا ., هوا دا الحوب الحقيقي
جاك : ههههه ., لم أفهم أي كلمة مما قلتي .,
آشلي : لاعليك ., هل تعرف جاك ., ياليتني أعرف هاذا الشعور .,
جاك : اي شعور
آشلي : nothing nothing >< أممم لماذا لاتدعوها غدا للغداء
جاك : وأذا رفضت
آشلي : لن ترفض صدقني ., جوان تمر بحالة تحتاج فيها بالأهتمام من قبل شخص خارج عن نطاق حياتها وانت هو ذلك الشخص ., أنتهز هذه الفرصة وألا ستخسرها للأبد .,
•••
هوازن ( قعدنة نفتر بالمحلات ومابقى شي بالمجمع من بنطروان ., شورتات ., تيشرتات ., جواتي عزكم الله ., أكسسوارات شباب ماشريتها حق ثنيان ., وانا رايحة الحمام ولا ..... )
.,
سعد : هوازن
هوازن : سعد .,
سعد : وييييه صج دنيا ., هوازن شلونج
هوازن ( انا من شفت سعد ومادري شصار فيني قلبي قام يرقع حيل ., ويهي قام يقلب ألوان ., تذكر المعاملة الخشنة الي كان يعاملني فيها ., وتذكرت الأهانات الي كان يهيني فيها ., كان بكل دقيقة يذكرني بالماضي ويعايرني ., بس أنا مالومة ألوم أمي أهي الي قطتني بين أيدة ., أهو قاعد يتكلم وأنا بالي مو معاه رحت بعيد وتذكرت ذاك اليوم ., اليوم الي صج ماقدرت أنساه ., اليوم الأسود والمر الي دخل سعد فيه بحياتي ., )
.,
قبل 20 سنة
أم هوازن : يما سعد أنا أعزك أنت بحسبة ولدي ., والكلاك الي بقولة لك مابيه يطلع برى بس بيني وبينك .,
سعد : والله يعلم بمعزتج بقلبي خالتي ., بس شنو هالشي الي ماتبين أحد يعرفة وبخصوص منو
أم هوازن : بخصوص هوازن بنتي .,
سعد : خالتي دشي بالموضوع ترى خرعتيني
أم هوازن : والله مادري شقولك ., بس هوازن بنتي تمر بحالة نفسية صعبة .,
سعد : حالة نفسية ليش عسى ماشر شصاير
أم هوازن : لا ماشر يما ., بس قبل فترة رفيجتها سوت لها سالفة وطلعت عليها كلام بين البنات بالدوام وهالشي وايد أثر عليها
سعد : شلون يعني ., مافهمت ممكن توضحيلي
أم هوازن : ماقدر أوضحلك أكثر يما ., بس أذا شفت عليها شي أستر عليها يما ., مهما يكون أنت ولد عمها وأنت سترها وغطاها .,
سعد : خالتي جنج قمتي تتلاعبين بالألفاظ ., وليش ماتكلمتي قبل لانملج ., ليش توة يطلع هالكلام.,
هوازن ( نزلت من السلم وأنا قلبي يرجف ., كنت أتمنى أنزل من السلم بالنفنوف الأبيض وأشوف جاسم جدامي بس للأسف ماشفت جاسم شفت سعد ., سعد أنسان مغروور واللهم نفسي ., ماتهمة الا نفسة ., شفتة يتساسر مع أمي ولمن نزلت فجأة سكتوا ., وطلعنا وتعشينا والغريب أنا مابطل حلجة بأي كلمة بس نظراتة كانت كلها تساؤلات وشكووك ., مادري أمي شنو عبت براسة من أفكار ., وبعدها رحنا الفندق ., وبصباحية اليوم الثاني حسيت أني مقموتة وماقدرت أوقف دموعي ., مالقيت جدامي غير أني أدق على جاسم وأشكيلة ., كنت واعية وفاهمة انا الي سويتة غلط ., بس مالقيت غير جاسم أفظفظ عندة )
هوازن : جاسم أسمعني ولاتسكر ., انا أدري أنك مانسيتني وأدري أنك مومتزوج وأدري أنا أمي السبب بكل شي ., جاسم أنا حيل متظايقة موقادرة أعيش مع سعد ., أنسان متوحش وعنييف ., هاذي أول ليلة لنا وج.. ( قاطعني جاسم وصوتة كان مبحووح ., حسيت أنا دموعه الي كانت تتكلم ., كان يبجي وأهوة يكلمني )
جاسم : هوازن وشلون طاوعج قلبج تدقين ., شلون طاوعج قلبج تقوليلي هالكلام ., انتي حطمتيني ., لو تاركة المياه تجري بمجاريها كان أحسن ., حرام عليج تعذبيني بكلامج ., انتي ليش موراضية تطلعين من حياتي ., خلاص هوازن خلاص
هوازن : جاسم بس انا أحبك
جاسم : بس ولد عمج راح يسعدج
هوازن : لاا سعد ماخذاني الا عشان يرظي غرورة ., أنا ماحبة ولا أهوة يحبني ., أنا أرتكبت غلطة بحياتي ومستحيل تنعاد ., لازم أتطلق منة لازم
جاسم : وشنو الفايدة ., ماراح يتغير شي
هوازن : لا بيتغير ., انا راح أتزوجك غصب عن الكل .,
جاسم : بس انا اليوم ملجتي ., تأخرتي هوازن ., تأخرتي
هوازن ( لفيت ويهي ودموعي نهر جاري ولا ماأوعى ألا ذاك الكف الي ياي على ويهي ., )
سعد : وتقول أمج بعد أنج تمرين بحالة نفسية ., طلعت هاذي سوالفج يابنت الشوارع ., وتقول أستر عليها ., طلعتي بضاعة مغشووشة .,
.,
هوازن (: ومن يومها وأهو يقومني بطراق ويقعدني بطراق ., وحتى لمن حملت بجراح مابغى يعترف أنا ولدة ., قالي هاذا مو ولدي ., وبس سجلة بأسمة عشان كلام الناس وبعدها طلقني وطردني برة البيت بدون حجاب ., وجراح كان توة عمرة شهرين ., مادري وين أروح ولا وين أولي ., أروح حق أهلي وأنا بهالحالة ., ورحت عند أهلي ولامتني أمي على كل شي ., قالتلي أنتي السبب أنتي خربتي حياتج ., وجراح كبر وتربى بحضن أخوي الله يرحمة ., وكان أسمة سعد وكان يظن مشاري أنا سعد أخوي أهوة سعد أبوه ., كان له الابو والصديق والأم ., ماحسسة بالنقص بيوم ., وكان دايما يداريه ., وبعدها وتوفى أخوي سعد ., وتوفى قلب مشاري معاه ., وهالقصة محد يعرف عنها شي غيري انا وأمي وأبوي وسعد أخوي الله يرحمة )
............
سعد : هوازن وين رحتي
هوازن : سعد أنا لازم أمشي ولدي ينطرني .,
سعد : ههههه ., ولد الحرام قصدج .,
هوازن : أنت شتبي فيني مو طلقتني ., ليش طلعت مرة ثانية بحياتي ., روح عني لا ألحين أصرخ وألم الدنيا عليك ., أنسان تافه .,
( سحبت الي بقى من كرامتي وركضت عند ثنيان ولدي ., مادري شلي صار بس ماوعيت الا وأنا حاضنة ثنيان وأبجي ., )
...................
( بيت أشواق )
عادل : حميد
بو أشواق : سم طال عمرك
عادل : قوم معاي
بو أشواق : وين طال عمرك .,
عادل : بنروح نطلع أشواق من السجن .,
بو أشواق : بس شلون
عادل : بعد شلون بنطلعها بكفالة .,
بو أشواق : لااء ., خلاص طال عمرك ., أنا راح أعترف أني انا الي حرظتها على هالشي ., بس طال عمرك أبطلبك طلب ., بنتي أشواق حطها بعيونك ., ولاتمسهى بشي ولا تأذيها ., هاذي يتيمة وأمانة برقبتك ., انا وايد غلطت بحقها ومن غابت عن عيني وأنا مادري شصار فيني حسيت بقيمتها صج ., حسيت أنها الشي الوحيد الي بقالي بهالدنيا ., توعدني تدير بالك عليها وتباريها
عادل : أوعدك ., يبا أوعدك ., بس أنت ليش تسوي بروحك جذي خلنا نطلعها بكفالة
بو أشواق : لا خلني أخيس بالسجن يمكن الله يهديني ., انا وايد ظلمت نفسي وظلمت بنتي ., يمكن السجن شوي يكفر عن ذنوبي .,
عادل : خلاص الي يريحك وبنتك بعيوني لاتحاتيها ., وطول ما أنا موجود محد يقدر يمسها بكلمة ولا يظايقها
.........
( مخفر السالمية )
... : أشواق
أشواق : خير
.... : يالج الأفراج
أشواق : شنو يعني
أم فيصل لمت ـشواق حيل : يعني خلاص راح تطلعين من السجن بس شلون
أشواق : مادري ., مادري ههههههههه
مها : راح نشتاقلج أشواق راح نشتاقلج
أشواق : واأنتوا متى راح يطلع الحكم
أم فيصل : أحنا شكلنا مطولين ., انتي المهم مو أحنا الحمدالله .,
.,
أشواق ( وانا أمشي بالمرات قعدت أفكر بعلي ., آآخ اي علي ., أول ماأرد البيت بركض كبت غرفتي وأتصل عليه من تليفوني ., وبروح أبوس أيد أبوي وريولة وأتسامح منة ., أدري بتقولولي أنتي موغلطانة ., بس بنات مهما يكون هاذا أبوي ودشتي السجن أكيد أثرت علييه ., بس السؤال الي محيرني شلون ., وليش ., ومنوو ., ولمن بطلوا باب مكتب المحقق لقيت حق كل أسأتي وتساؤلاتي أجوبة ., شفتة قاعد جدامي ومنكسر ., ماقدر يحط عينة بعيني ., طحت بحضنة وقعد أبوس ريولة وأيدة ., وأسامح منة ., أول مرة يطالعني بهالنظرة ., عيونة كانت كلها ألم وحسرة على كل الي طاف ., )
بو أشواق : أشواق يبا .,
أشواق : عيون أأشواق يا يبا عيونها
بو أشواق وصوتة بالغصب يطلع : سامحيني يبا ., سامحيني على كل شي
أشواق : مسامحتك يانظر عيني ., أنت أبوي وعزوتي ., يبا أنت دفعتلي الكفالة عشان أطلع صح ., أكيد أشتقتلي وانا بعد اشتقت لك ., يلا يبا قوم معاي خل نرجع البيت ., أنا من يوم ورايح بصيرلك خدامة وبتم تحت ريولك حتى لو تدوسني بس خلنا نفتح صفحة يديدة وننسى كل الي فات ., بس أنت ساعدني
( مسكتة من أيدة عشان نرد البيت بس ريولة ماتحركت ., وعيونة أنغمرت دمووع ., لسانة مانطق وأيدة تركت أيدي ., وبحيرة وبظيقة قتلة )
: يلا يبا ليش ماتقوم معاي
بو أشواق : يبا أنا أعترفت بكل شي ., أنتي الحين حرة ., روحي يبا وعيشي حياتج مثل ما البنات الي بعمرج عايشين ., انا قررت أدش السجن يمكن الله يغفرلي ويكفر عني ., روحي يبا بأمان الله .,
أشواق ( كلماتة هزت كياني ., طيحتني من طولي ., طحت بالأرض وأنا أبجي وأصارخ ) : لاا يبا لاأأ ليش سويت جذي .,
بو أشواق : عشانج يبا ., عشانج .,
... : يلا أشواق جدامي .,
أشواق : خلوني مع أبوووي أبي أبووووي أبي أبووووووي .,
.........................
( شاطئء عقيلة )
علي ( شاطىء عقيلة المكان الوحيد الي أحس فيه أني مرتاح وذهني صافي ., قعدت على البحر أفكر وأفكر وأفكر ., طبعا أشواق كانت ماخذة كل تفكيري ., قاعد أفكر بطريقة أطلعها من السجن ., وبعدها أحاول أقنع أهلي فيها أنا نتزوج ., بس شلون ., شلون مادري )
.,
دانة : أوووه دلووول
دلال واهيا مندمجة بالصمونة : خير نعم
دانة : شوفي منو مناك
دلال شافت علي ولا تقص : كح كح ., عليي
دانة : اي علي
دلال : أمبييه شنو هالصدف ., ياربي ليش قاعد يصير جذي ., دانو شسوي الحين
دانة : أممم ., شوفي أحنا خل نتمشى ويعني بالصدفة لمحناه ., وبعدها نقعد نسولف وياه ., عاد شوفي أنا راح أقعد 5 دقايق وبعدها أقولج برد البيت تاخرت وعاد أنتي وشطارتج
دلال : بس دانو خوفج يدقرني ومايبيني أقعد وياه شلون
دانة : اوووه لا ماعتقد ., يلا قومي جدامي
دلال : أنزين نطري خل أكمل الصمونة
دانة تلت الصمونة من أيدها وقطتها بالزبالة : وأنتي بعد وكتج مع صمونتج ., الحين خل نلحق على الريال قبل لا ينحاش
دلال : هههههه ., مرات أحسج فيج وشة .,
دانة : مالت الشرهة مو عليج ., على الي بتظبطلج الوضع
.,
دلال قربت من علي : اووه هاذا علي
علي رفع عيونة : أووه دلال ., دانة ., هلا والله شتسووون مني
دانة : والله ماكو يايين نتمشى على البحر نغير جو وأنت
علي : انا بعد ياي أغير جو .,
دلال : حلو .,
علي : وبعد شلونكم شخباركم
دلال ودانة : الحمدالله .,
دانة تطالع الساعه : أوووه دلوول انا تأخرت نسيت اليوم أمي تبيني أمر خالتي المستشفى ., يلا أنا رايحة
دلال : وين ., نطريني خل أيي معاج
علي : لا وين خليج قاعدة وياي شنو تبين الفكة يعني
دلال : هااا
دانة تغمز لها : يلا عيل أنا ماشية
دلال : خلاص عيل الله وياج
علي ( أنا شفيني ., ليش قتلها تقعد معاي ) ., : علي يحك راسة : هلا دلال هلا بالزين شلونج
دلال : هلا فيك علي ., هههههه ., انت الزين كلة والله مو انا
علي : أووه أووه ترى الحين أرفع خشمي عليج
دلال تعظ أسنانها : جنك مو رافعه يعني
علي : خير
دلال ترقع : ههههه الخير بويهك .,
علي : أيييييه .,
دلال : علي ممكن سؤال
علي : هلا
دلال : أنت هالأيام شفيك متظايق ., أحسك شايل هموم الدنيا على راسك .,
علي : مافيني شي ., منو قال
دلال : علي ياي تخش علييي ., أنا أعرفك من نظرة عيونك
علي : أووه أووه لا أنا جذي صج برفع خشمي عليج ., يلا حطي عيونج بعيوني وقوليلي شفيني
دلال ( أحرجني علي بهالطلب بعد أنا شنو هاللقافة ., أنا بس حطيت عيني بعيونة ولا ويهي يقلب ألوان ) :
علي : يلا قوليلي شفيني
دلال : أممم أحسك فاقد أنسان حيل قريب منك
علي : وبعد
دلال : مادري .,
علي : أخيييييييه دلال أخيييييه ., محد فهمني ليلحين كثرج
دلال : ويييه أخيييييييه هاذي وراها وايد كلام ., شرايك نقعد وتقولي كل شي
علي : وانتي مستعده تسمعيني لي الأخير وماتقاطعيني
دلال : اي مستعدة
علي : وأذا ماعجبج كلامي
دلال : لا راح يعجبني
علي : عيل أمشي الكافتيريا .,
دلال : يلا سرينا
.,
علي ( بديت أسولف مع دلال وأقولها الي بقلبي ., بديت أقولها عن أشواق وعن حبي لها ., وقعدت أسولف لها عن المواقف الي صارت بينة ., وكل ماأكثر بالكلام كل ماحسيت بالظيقة بويه دلال بس ماكانت تبين هالشي ., )
دلال ( أسمعلة وانا قلبي يشتعل بنيرانة ., أسمعلة وانا أحس أن سجين تنغرس بقلبي ., يحظها أشواق الي قدرت تملك قلب علي ., يسألني يبي مني حل ., شقولة ., أقولة روحلها وطلعها ., واانا أتم أتعذب بنيران الحب ., )
علي : وهاذي كل القصة عرفتي ليش أنا متظايق وشايل هموم الدنيا على راسي
دلال : أخيييييه ., انت شنو قلبك ., أحسدك بصراحه ., لو أنا مكانك يمكن أنتحر ولا أشوفها تنقط بالسجن جدامي
علي : ومنو قالج ., انا كل يوم أنتحر ومح داري عني ., كل دقيقة أفكر بوضعها مناك أحس أني بموت بس شسوي قاعد أحاول أطلعها من هالشي بس موقادر مادري شسوي
دلال : خلاص هونها وتهون أكيد الله بيفرجها
رن تلفون علي
علي ( طلعت التلفون من مخباتي ولا الرقم الي عطيتة أشواق ., كنت متحير أرد خفت هاذا أبوها داق ., طلبت من دلال ترد على التلفون )
دلال : ألووو
أشواق : عليي .,
دلال : علي هاذي شكلها أشواق
علي بلهفة : أشواق .,
أشواق ( بس سمعت صوته قدت أبجي بشكل هستيري ) : علييي ., أنا طلعت ., أنا طلعت .,
علي : أنتي وينج ., وشلون طلعتي
أشواق : علي أنا ظروري أشوفك ألحين بقولك كل شي ., مرني البيت وأخذني أي مكان
علي الحين أييج الحين
دلال تجاملة : هاذي الحب مو
علي : اييه مادري شالسالفة ., ليلحين مومصدق شلون طلعت ., أشواق طلعت من السجن ., دلال أنتي ويهج خير ., والله ويهج خيير ., أنا مطر أروح يلا مع السلامة .,
علي ( ركبت سيارتي وأنا دايس حدي بس أبي أوصل عند أشواق ., ماكنت أشوف السيارات الي جدامي ., وطول الطريج وأنا أحمد الله واشكرة ., واخيرا وصلت بيت أشواق )
....................................
ثنيان : يماا شفيج خرعتيني .,
هوازن : أمش يما خل نرجع البيت
ثنيان : ليش ماخلصنا شغلي
هوازن : باجر نكمل شغلك ., بس أمش ألحين .,
ثنيان : يلا مشينة .,
هوازن ( ركبنا السيارة وشخطت من جدام المجمع ., طول الطريج وأنا أتلفت يمين وبسار حسيت انا سعد يلاحقني ., وبس وصلت البيت صعدت بسرعه غرفتي وسكرت الباب وقعدت أبجي ., )
ام هوازن : يما ثنيان شفيها أمك
ثنيان : مادري يديدة ., فجأة بالمجمع لمتني وقعدت تبجي ولا تقولي لازم نرجع البيت وهاذا كل الي صار
مشاري توة داخل البيت
مشاري : لاتصير مالح بالهجر وأنت سكر .... أوووه أوووه ثيووني حبيبي ., رجعت من الموووول
ثنيان : خير شتبي
مشاري : شريت نيو ملابس
ثنيان : موشغلك أنت
مشاري : هل من الممكن أن أرى
ثنيان : أوووه أنت شتبي ., وييع خل اروح غرفتي أبركلي
مشاري : يديدة هاذا شفييه أمااا شقلت أنا الحين
ام هوازن : مالك شغل فيه يبا .,
مشاري : وين بابا عود
ام هوازن : راح المسجد شبغيت فيه
مشاري : سالفة بيني وبينة ., سوالف رياييل
ام هوازن : محتاج فلوس يما
مشاري : لا حجية ., سالفة أكبر من لفلوووس ., يلا عن أذنج خل أروح غرفتي آخذ شاور وأناام ., راسي صدع صار كبر البطيخة .... ولا تصير مالح بالهجر وانت سكر ...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك