رواية كثر ما قلتلك اكرهك كثر ما انا اهواك -17
هيثم بابتسآمه : هيه فديت ضحكتي صصح ..
آنحرجت و آرتحت لمّآ قطع كلامنا صوت الطيار و هو ينبه .. اننا وصلنا لتركيا .. ربطنا أحزمتنا و تمسكت في خالد
هالمرة ما أبي فشلة ثانية .. المهم هبطنا بسلام و مرت ساعتين عقب توادعنا عشان كل واحد بيروح على طيارة ثانييه
ودعت أخوالي وجدي خليل بس قبل لا أمشي تذكرت شي .. رجعت و لفيت أمشي بسرعة لهيثم ..
و كانوا عماني و جمّون و جدي محمد خلاااص راحوا عني .. بس اللي ببالي بسويه مسكت هيثم من ذراعه ..
ريمان : هيثم لحظة ..
وقف و ناظرني .. ما انتبهت اني للحين ماسكه ذراعه و هو ما علق بس ابتسم و جلس يناظرني ..
ريمان : ما قلت لي من اللي بتتزوجها .. تكفى قول ..
واجهني .. ما كان بذاك القرب لكن صعب يوم يكون وجهك في وجهه ..
هيثم : ليش تسألين .. تغارين علي ريم ..
أحرجني مرة بس تعمدت ما أبين شي ..
ريمان : نووب / بس تعرف اللقافة ..
هيثم : كل شي بوقته حلو يا ريم لا تستعيلين ..
و ناظرني بنظرة .. تمنيت ان الأرض تنشق و تبلعني / مشيت من عنده بسرعه ..
بس هو مسكني من ذراعي و همس ..
هيثم : أحـــبــــج ..!!
و مشي عني بسرعة .. ما استوعبت شقال كل اللي أعرفه ان قلبي صار طبول ترطن ..
ما حسيت الا بيد جمّون تسحبني و هي تضحك ..
جمانه : تعالي بس .. مسوين أفلام هندية و أنا ما أدري ..
للحين منيب مستوعبة .. جلسنا في أماكننا و هذه المرة كانت جمّون جنبي .. أقلعنا بالطيارة ..
حطيت رأسي على كتفها و استرخيت و أنا أحااول أستوعب ..
************************************************** ***
.. (( السعـ السـ 4:20 الفجر ـاعة ـودية )) ..
.. "" الــســلامـ عــلـيــكــمـ و رحــمـــة الــلــهـ "" ..
.."" الــســلامـ عــلـيــكــمـ و رحــمـــة الــلــهـ "" ..
سلمت من صلاة الفجر .. و دنقت رأسي و أنا أفرك يديني في بعض .. إلهي ما بقي لها شي ..
أكيد حطت عـ السعودية خلاص .. مسحت وجهي و أنا أستغفر ربي ..
ابو ماجد : يـالله يا وليدي قم نرد البيت ..
قمت أنا و أبوي و مشينا على البيت .. جلست ساكت و أناظر في السماء و في كل شي حولي ..
أجمل شعور يوم تمشي في الفجر .. و بعد ما تصلي ..
ابو ماجد : وليدي تعال نمشي شويّ ما نبي نرد هالحين ..
استغربت أول مرة يطلب مني أبوي أمشي معه .. أو بالأحرى أول مرة يمشي هو في الفجر ..
تركي : زين يبه ما عندي مانع ..
كنت متعود أمشي .. عادتي بعد صلاة الفجر أرد على البيت و ألبس بدلة رياضية و جزمة سبورت ..
و أدور في الحارة هروله .. عدينا بيتنا و كل هذا و حنا ساكتين .. بس شوي قطع أبوي صمتنا ..
ابو ماجد : انت تعرف يا وليدي ان بنت عمك اللي هي خطيبتك بترد اليوم ..
عقّدت حواجبي باستغراب / وشو له أبوي يجيب ها السيرة ..
تركي : ايييييييه يبه ..
ابو ماجد : بس عمك كلمني أمس و هم في تركيا .. و قال لي ان البنت مهيب موافقة ..
ناظرت أبوي بسرعة كأني سمعت انها مهيب موافقة و لا يتهيأ لي ..
تركي : وشــــو ..
ابو ماجد : يعني يا وليدي بندر غصب أخته لأنه خايف نرده في خطبته من أختك .. لكن عمك خالد لما راح قالت
له انها مهيب موافقة .. فهمت هالحين .. يـعنـي هي الحين بنت عم وبس و بـ ..
و ما سمعت باقي الكلام .. كانت عيني على الأرض و ما كنت أشوف و لا شي ..
كل الدنيا في عيني سوداء و ما بها أي ألوان ..
كنت حاس .. حاس يا عالم ان السالفة ما راح تعدي و هالحين بان الخافي المستور ..
كنت أدري ان بندر غصبها و أدري و متأكد انها ما تبيني لكن وش يفهم هذا العاق اللي ينبض باسمها ..
ابو ماجد : يالله يا وليدي ..
دخلنا البيت راح أبوي على غرفته و أنا رحت على غرفتي .. بدلت جلبابي و لبست بدلتي الرياضية ..
مسكت الجزمة و جلست أربط حبالها عند درج الباب الخارجي للفلة عقب مشيت و أنا أركض هروله ..
ما أدري ليش منيب راضي أستوعب أحس السالفة كذب .. أثريها ريم مثل ما راحت لندن و هي بنت عم و بس
بترد من هناك و هي بنت عم و للأبد .. حسيت بغصّه و أنا أردد للأبد ..
مستحيل ما عمري تخيلت هالشي .. جاه على بالي أكثر من وجه تخيلته يصير زوجها في المستقبل ..
غمضت عيوني بقوة يوم بديت أتخيل اللي عمري ما تخيلته ..
.. : تــــــــركــــــــي ..!!
ناظرت الشارع شفت إلياس توه داخل بسيارته من اللفّه ابتسمت ببرود و أشرت له يجيني و كملت ركض ..
كان لابس مثلي بدلة رياضية .. وقف سيارته و نزل و جاني و بدي يركض معي ..
و حنا نركض ضربني على رأسي و هو يضحك ..
إلياس : هههههههههههههههههههه أثريك منت هين .. المفروض تنام عشان تستعد للمدام اليوم ..
ابتسمت بمرارة آآآآه بس أنا و إلياس ما لنا حظ في هالدنيا ..
تركي : ما عادت مدام يا إلياس ..
إلياس : هــــااااه .. ؟!!
ناظرته و ابتسمت و قلت له و أنا أحرك يدي بلا مبالاة و لاّ أنا من داخلي نار مسعرة ..
تركي : يعني طال عمرك ما صارت حرم السيد تركي لا .. قالت لأبوها انها مهيب موافقة و مثل ما كانت بنت عم بس
بـ ترجع بنت عم .. " و سكت و أنا أبلع غصتي عقب همست " و للأبــد .. !! للأبد يا إلياس ..
و ناظرته و أنا ابتسم بغباء ..
تركي : ترى عادي ما يهمني .. كنت حاس أصلا ..
وقف هو و أنا معه .. جلس يناظرني بصدمة و ذهول .. ابتسمت و أشرت له قدام وجهه ..
تركي : شفيك .. ترى عادي لا تشيل هم حتى لو تزوجت ما يهمني ..
مسك ذراعي لمّا جيت بأكمّل هروله .. و شدّ عليه و هو يهمس بعصبيّه ..
إلياس : بتقول لي انها ما تهمك .. تكذب عليّ و لاّ على نفسك هااااه يا تركي تكلم .. على مين تلعب ..
جلست أناظره بألم عقب مسحت وجهي و أنا أطالع الجهه الثانيه .. رديت عليه بصوت متهدج ..
تركي : شسوي يا ابو فزعة شسوي .. ما باليد حيلة خلني متفرج و بس ..
ترك ذرآعي و هو يرفع يدينه و يخللّ أصابعه في شعره بعصبيّه .. أدريبه محترق يعرف اشكثر أعشق الريم ..
تركي : أنا و انت ما لنا حظ يا ابو فزعة بس تدري انت مالك ذنب .. لكن أنا أتحمل الحين جزى سواتي فيها ..
يوم عن يوم أندم يا إلياس .. هذا اللي ينبض تجيني أوقات أحسه يحترق يكويني من الندم و بـ ..
خلاص يا إلياس خلني ساكت لا تزيد المواجع ..
مسحت عيوني بـ قسوه عن تطيح دمعآتي و ذا أخر شيء أبيه .. نالظرني إلياس بصدمه ..
إلياس : تصيح .. انت يا تركي تصيح ..
ابتسمت بسخرية و أنا أبعد نظراتي عنه ..
تركي : ما صححت (( تنهدت )) عموما يا ابو فزعة أنا برد البيت هالحين .. لا تنسى موعدنا بكره في المقهى ..
ربّت على كتفي ..
إلياس : ايه أدرري و لا يهمك بكون موجود قبلك ..
ودعته و مشيت داخل على البيت .. فصخت الجزمة و طلعت الدرج و دخلت الحمام ..
أخذت لي شاور عقب طلعت و رميت بروحي على السرير .. جلست أتذكر ذاك اليوم ..
و تخيلت كثيرين ممكن يتقدمون لريمان من معارفنا / شديت على وجهي بالمخدة ..
أبي أبعد التخيلات اللي جات ببالي بس للأسف عيت تروح .. رن جوالي ناظرت الرقم و لقيت اسم
.. (( مطيحة الميانه من بدري .. !! )) ..
قفلته كله و أنا أتأفف و رميته تحت السرير .. منيب رايق لها ..
(( تعرفونها اللي اتصلت عليه لما كان مع إلياس )) ..
انقلبت على ظهري و غطيت كل جسمي و ردت لي التخيلات .. بموت لو تزوجت غيري والله بموت ..
جلست على حالتي لين رحت في النوم و مدري اشلون ..
آسسسف .. غلطتي فيك كانت كبيرة … .. الله يجازي إبليس لعب لعبة صغيرة
قلب عقلي و كأنه جاب غيره … .. آسفـ .. أنا أخطيت و غلطتي غلطة مريرة
تراني انسان .. و بالأصح يأنبه ضميره
************************************************** ***********
.. (( ريـ السـ 8 الصباح ـاعة ـمـان )) ..
شد أبوي على كتفي يوم وصلنا عند باب فلتنا .. كانت دموعي تسري .. تسري بصمت ..
ما كانت أي دموع .. كانت دموع الفرح .. دموع الحنين .. الحنين و الشوق للأهل .. للوطن ..
كافي اني قلبتها مناحة يوم حطّت رجلي على أرض السعودية أجمل بقاع العالم ..
و ما راح يحس بها الإحساس الا اللي ولد فيها الّا يعيش بها و يتربى و يكبر من ثمرها و من ماءها و من هواها ..
عقب يتغرّب عنهآ .... مسحت عيني و مشيت على داخل أنا و أبوي .. لما وصلنا الصالة تركني أبوي .. ناظرته ..
ابو متعب : روحي لوحدك يا بنيتي أكيد أمك في غرفتها ..
ابتسمت له .. فصخت عبايتي و شيلتي و علقتها عقب مشيت على خفيف .. طلعت الدرج و أنا أحاول أمسك روحي
لا أصيح .. حتى الدرج .. اللي دوم أنزله و أطلعه بسرعة .. هالحين قعدت أمشي ببطء و أعد درجاته .. !
و صلت لغرفة أمي وقفت و دموعي تسري يوم سمعتها تقرأ القرآن بصوتها العذب ..
طقيت الباب و أنا أمنع شهقاتي لا تطلع .. جاني صوتها أخيرا و ما استحملت و دخلت ..
لما شافتني قفلت قرآنها و قامت لي ..
ريمان : يــــــــــــمـــــــــــه ..
و ارتميت على حضنها .. أصيح و أضمها بأقوى ما عندي كنت أصيح و أنتحب و هي بعد معي ..
ام متعب : الله لا يييب الفـ ـرقا يا بنيتي الله لا ييـيـ ـبها ..
جلست أصيح و بس .. ممكن مرت علي دقائق و أنا في حضنها .. عقب بعدت عنها و جلست أناظرها
و هي حوطت وجهي ..
ام متعب : و الله من زمان عن ها الويه اللي يرد الروح .. شحالج يا بنيتي ..
ضميتها و أنا أقول لها بصوت رايح من الصياح ..
ريمان : وجهك اللي يرد الروح يا يمه وجهك .. أنا بألف خير دامني في حضنك بألف خير .. و انت يمه شخبارك ..
و شخبار بندر .. و الله من زمان عنه الدب .. و متعب و أسوله و برهومي .. كلكم فقدتكم ..
ام متعب : كلهم بخير و يسألون عنج .. حبيبتي رمسني أبوج عن سالفة خطبتج ..
ناظرتها و هي مسكت يدي و شدت عليها ..
ام متعب : آسفين حبيبتي ترى ما جنا ندري انه غصبج .. أبوج قال له سير شورها و هو ممكن خايف ينرد من عمه ..
عسب جيه سوى اللي سواه .. سامحيه حياتي و لا تتمين زعلانه منه ..
ضميتها و أنا أشد عليها أطمنها .. أدريبها أمي ما تحب تشوف بيننا زعل ..
ريمان : لا تحاتين يمه .. أنا مسامحته و هو يبقى بالأخير أخوي اللي ما أقدر أستغني عنه ..
و بعدت عنها ..
ريمان : بس يمه و ينه فيه الحين .. ؟!!
ام متعب : أظنه في غرفته سيري بنيتي رمسيه و اذا ما لقيتيه .. تلقينه يفطر في الصالة عسب يسير عمله ..
سيري حبيبتي و ارتاحي انت هم .. أكيد انج تعبانه ..
ريمان : لا يمه بجلس معك .. عقب أرتاح ..
ام متعب : لا سيري ارتاحي جدامنا الوقت كله أهم شي ترتاحين .. قولي تم يا ريم واسمعي رمستي ..
ما حبيت أردها .. فسلمت على رأسها و مشيت و أنا أهمس لها ..
ريمان : زين يمه و لا يهمك ..
طلعت من غرفتها رحت عند باب غرفة بندر .. ترددت كثير قبل لا أطق الباب بس بالأخير دقيته .. ما سمعت رد ..
قلت أكيد انه يفطر .. مشيت نازلة الدرج و أنا في نصه ناظرت و شفته يفطر و يناظر التلفزيون .. جلست أناظره ..
و الله أكون كذابة ان قلت أن ما اشتقت له .. ما حسيت بدموعي اللي تسيل .. ابتسمت لما شفته يكح يوم شرب الشاي
و هو توه صابه و حـار .. عادته عجــول .. شفته يناظر ساعته و هو محتار عقب ناظر باب الفلة و ناظر ساعة الجدار ..
أكيد مستغرب اني ما جيت للحين .. نزلت الدرج و لما وصلت آخره .. رفع رأسه هو بابتسامة ..
بندر : يمّه بـ ..
و سكت و راحت كل ملامحه .. أنا جلست أناظره عقب مشيت له ..
ريمان : ما ودك تتحمد لي بالسلامة و لاّ زعلان .. ؟!!
قام بسرعة و حضني من قلبه عقب ناظرني بحيرة ..
بندر : متى وصلتي .. ما شفتك يوم دخلتي ..
ريمان : طيب قول الحمد لله على السلامة .. بتبدأ تحقيق على طول ..
ابتسم و حضني عقب سمعته يتكلم بأسف ..
بندر : الريم أنا آسف ..
ريمان : ما له داعي الإعتذار يا أخوي ..
بعدني عنه و مسك كتفي و قال لي بتهديد ..
بندر : المرة الجايه ما في سفر و لا شي .. رجلي برجلك فاهمــه ..
ريمان : ههههههههههههههه ايييييييه فاهمه من عيوني ذي قبل ذي ..
شفت أمي نازلة الدرج ابتسمت و رحت لها و مسكت يدها و جلسنا جنب بندر نفطر .. عقب دخل أبوي ..
و ابتسم يوم شافنا و جاه جلس و جلسنا نسولف و نضحك .. شوي أمي صاحت علينا ..
ريمان : شفيك يمه تصيحين ..
ام متعب : لا بس مستانسة و الله وايد متولهه عليج يا بنيتي من زمان ما يلسنا جيه ..
بندر : عــاد ناقصنا هالحين متعب ..
ابتسم أبوي و ناظر الباب و هو يقول بابتسامة ..
ابو متعب : بيجي بيـجي لا تحاتون ..
شوي دخل علينا متعب .. من دون زوجته و ولده ..
متعب : هلااااااااااااااااااا و غلاااااااااااااااااا و تريليون حلااااااااااااااا لأحلى ريم بالدنيا ..
قمت و حضنته و هو حضني و عقب ناظرني و صار يتطنز ..
متعب : الله و أكبر وش ذي الخدود .. حشا فراولة مب خدود هههههههههههههه ..
حسيت ان خدودي حمرت زيادة .. ما يستحي على وجهه أحرجني من البداية ..
بندر : قول ما شاء الله أخاف تنطفي هالحين و تصير سوداء الا فحم ..
متعب : ههههههههههههه ما شاء الله لا اله الا الله .. لا بس جد ريم احلويتي و أحلى من أسوله بعد ..
و قرص خدي و هو يضحك .. رحت أنا ضربته بمزح ..
ريمان : أنا راح أعلمها يا اللي ما تستحي ..
متعب : ههههههههههههههههههههههههه لا تكفين بتخربين بيتي ..
ضحكنا كلنا و هو حوط كتفي وردينا و جلسنا .. كنت طول الوقت ماسكه دموعي .. بصراحة وناسه ..
حسيت اننا ردينا ثمان سنين لورى قبل لا يتزوج متعب .. كنا دوم نجلس مع بعض عقب كل واحد يروح
على شغله و لا جامعته و لا مدرسته .. خلاص الله لا يجيب الفرقا ان شاء الله هذه آخر مرة ..
أسافر و أبعد فيها عن وطني و هلي ..
*******************************************
آلبآرت آلوآحد و العشريين '$
*******************************************
.. . (( تـ السـ 7:30 الليل ـاعة ـركي )) .. .
إلياس : يا شيخ رد على جوالك تراه أزعجني ..
تركي : خله يرن .. ما لي خلق أرد ثم أنا أدري من اللي يتصل ..
عقّد غلياس حواجبه و رفع جوالي و انصدم و مده لي بسرعه ..
إلياس : أبوك يا الدلخ و الله ليوهقك / رد ..
تركي : اووووووف يبيني أحضر العزيمة على شرف الأخت ريمان و اللي معها .. و الله ما أحضر رايق أنا ..
إلياس : و الله أنا غاسل يدي منك .. الله يعينك على التهزيئه اللي بتجيك ...... تركي اسمع كلامي و رد ..
تأففت و أخذته منه و رديت ..
تركي : هلا ..
ابو ماجد : هلا بعينك .. وينك انت .. ما تستحي على وجهك كلهم هنا و انت تتمشى من مول لمول ..
فشلتني عند أعمامك الله يفشلك .. قم يالله و تعال .. لا قسم بالله مـ ..
تركي : زيـــن زين بجي الحين بس لا تحلف ..
ابو ماجد : يالله في دقاييق ..
قفل في وجهي و أنا جلست أناظر الجوال .. بديت أتوتر .. هالحين حأروح و أشوفها .. ما أقدر أستحمل ..
رميت الجوال فوق الطاولة و غطيت وجهي ..
إلياس : لا تقول لي مرتبك .. ترى والله ما تسوى .. كل هذا عشان بنية ..
تنهدت و ناظرته .. عقب قمت واقف و هو وقف معي ..
تركي : مهيب أي بنية يا إلياس مهيب أي بنية ..
إلياس : الله هداك تركي .. المهم .. لا أوصيك أضبط أعصابك لا شفتها زين ..
فتحت باب سيارتي ..
تركي : زيـــن .. يالله إلياس في آمان الله ..
قفّل باب سيّارتي و آنحنى و هو يرجع يحنّ ..
إلياس : في حفظ الله لا تسرع زين ..
ابتسمت و أنا أدير مفتاح السيارة ..
تركي : زين يبه ..
إلياس : هههههههههههههههههههه يالله سلام ..
ودعته بيدي و مشيت بسيارتي و طول الطريق و أنا أضرب بـ أصابعي على الطاره بـ ارتباك ..
يا ربي الله يلعن اليوم اللي حبيتها فيه .. ابتسمت يوم تذكرت قبل كم سنه يوم سألني إلياس ..
[ إلياس : انت وشاللي خلاك تحبها الا تهيم بها .. ]
ابتسمت يوم تذكرت جوابي على سؤاله .. أتذكر اني غنيت له أغنية يسألوني ليش أحبك ؟!!
انحنيت و فتحت درج السيارة و لخبطت في الأشرطة لين لقيته و شغلته ..
و جلست أردد مع الأغنية .. و أصابعي تدق عـ الطاره ..
يسألوني ليش أحبك حب ما حبه بشر
و ليش انت في حياتي الشمس و انت القمر
و ليش صوتك لا وصل صحراي يملاها الزهر
علميهم يا الحبيبة .. آآآآه و يا أغلى حبيبة
يسألوني ليتهم مثلي يعيشون الهوى
الأصابع في اليدين الواحدة ما هي سوى
عندهم حبك طبيعي و عندي فوق المستوى
فهميهم يا الحبيبة .. آآآآه يا أغلى حبيبة
يسألوني و انت أكبر من سوالفهم جميع
و انت أكمل ما خلق ربي بها الكون الوسيع
ودي أتلاشى .. بدون عيونك الخجلى أضيع
أعذريهم يا الحبيبة .. آآآآه يا أغلى حبيبة
علميني ليش أحبك حب ما حبه بشر
و ليش انت في حياتي شمسها و انت القمر
و ليش صوتك لا وصل صحراي يملاها الزهر
اعذريني يا الحبيبة .. آآآآه و الله حبيبة
تركي : آآآآآآآه و الله جد حبيبة ..
وقفت سيارتي عند فلة جدي و نزلت .. أول ما وصلت للباب الداخلي رجعت و ركبت السيارة ..
بس ما حركتها .. جلست فيها و بس و جلست أضرب الطارة بتوتر ..
********************************
من سمعت انه تركي بيجي .. بديت أرتجف .. يا ربي كنت طول السنتين اللي فاتت أوهم نفسي بأوهام ..
و بأنه خلاص ما عاد يهمني لكن الحين و أنا أفرك يديني في بعض أشوف العكس ..
كنت مرتجفة و كل شوي أرفع عيني لباب المجلس أشوفه وصل ولاّ لا ..
راكان : لا تخافين ما راح يأكلك اذا جاه هههههههههههههه ..
ناظرت راكان و أنا منيب مستوعبة مين يقصد .. ناظرت الباقيين اللي يضحكون ..
ريمان : منهو ..
ام متعب : ههههههههههه حرام عليك يا راكان .. شوه سويت ببنيتي ..
جدي محمد : ههههههههه يقصد تركي يا الريم ..
انصدمت و انحرجت بنفس الوقت .. رميت المخدة اللي في حجري على راكان ..
ريمان : هيهيهي ما تضحك ..
راكان : هههههههههههههههههههههههههههههه مشكورة يجي منك أكثر ..
بندر : أنا ودي أعرف انت وش حارقك ما تنشب الا بريم ..
راكان : أحبها شسوي هههههههههههههههههههه ..
انحرجت منه رغم ان الكل جلس يضحك بس راح فكري عند هيثم .. للحين منيب مستوعبة كلمته ..
مالت علي كله مني و من لقافتي ولاّ ما قال شي .. ناظرت نايف و نواف يوم تذكرت انهم خطبوا ..
ريمان : ايه صدق انتم مسرع خطبتم ولاّ غرتم من سلمان و بندر ..
سلمان : أساليهم مسرع راحوا و خطبوا ما يستحون على وجيههم توهم متخرجين ..
نايف : انت وشو اللّي حارقك / كيفنا خطبنا و وافقوا و بعد الملكة بعد كمن شهر ..
خالد : ههههههههههههههه خلاص أكلته حشا بالع راديو انت ..
نواف : هههههههههههههه هييييييي حدك عاد كلش و لا نايف ..
نايف : ربي يخلي لي أخوي ..
ابتسمت و ناظرت أسوله اللي دخلت و هي تمشي ولدها برهومي و ماسكة كرشها ..
و برهومي أول ما انتبه لي ركض على حضني ..
إبراهيم : عمة ليم جات ..
حضنته و سلمت عليه .. عقب قمت و أنا أسلم على أسوله ..
أسيل : ما شاء الله احلويتوا يا ريم انت و جمّون ..
جمانه : هههههه تسلمين والله ..
وضحى : الا صدق صادقة أسيل .. احلويتوا حيل ..
ريمان : هههههههههه يالله عاد لا تحرجوني ..
ايييييييه تذكرت شي .. تصدقون أول ما جيت بيت جدي و وصلت وضحى و خالتي .. كنت ماسكة دموعي ..
و لما شفت كل هلي جلست أصيح حتى لما سلمت على وضحى ضميتها و صحت ..
و أذكر بعد انها قالت لي سامحيني .. و أنا بعد تعذرت منها أنا و جمّون صح ان أمها يالله سلمت علي ..
بس أمها ما تهمني كثر ما تهمني بنت عمي ..
.. " الـسـلام عـلـيـكـم " ..
.. " و عليكم السلام " ..
رفعت رأسي بسرعة لما سمعت صوته .. الصوت اللي ما أظن اني أقدر أنساه .. طاحت عيني بعينه ..
جلست معلقتها و قلبي أحسه طبول داخلي .. شوي هو شال عينه و سلم على أعمامي و جدي ..
وصل لخالد و ابتسم و هو يحضنه ..
تركي : أخيرا ما بغيت ترد لنا ..
خالد : ههههههههههههه زين تحمد لي بالسلامة عقب تتطنز مثل ما تبي ..
تركي : ههههههه الحمد لله على السلامة .. الا اشلون أمريكا اشلون كانت دراستك ..
خالد : تممممآم الله لا يردّنا ي شيخ ..
تركي : ههههههههه أفــآ .. وشوووله / اشلون يجيك قلب تبعد عنهآ ..
نايف : هههههههههههه ما تقول عنهم و بسس تركي ..
تركي : ههههههههه نآيف خلّيك في نفسك ... اشلونك جمانه حمد لله على سلامتك ..
جمانه : الحمد لله بخير الله يسلمك ..
تركي : هااااه اشلوون النتايج ..
جمانه : الحمد لله زينه و انت شخبارك ..
تركي : ماشي الحال ..
بلعت ريقي .. هالحين أكيد بيسألني .. مالت عليه / على باله بزرآن هنآ .. فاهمين انّه يتكلّم عن بنات أمريكا ..
تركي : اشلونك ريمان .. الحمد لله على السلامة ..
ناظرته كان يناظرني بعمق ..
ريمان : ا .. الحمد لله بخير .. الله يسلمك و انت وش أحوالك ..
تركي : تسرّك أحوالي ..
و ناظرني بنظرة و مشي و جلس جنب نايف و بندر و رد الكل يسولف و عادي لكن أنا ظليت أناظره ..
و ابتسم اذا ضحكوا يا ربي تغير تركي حـيـل .. لاااا و يقول لي تسرني أحواله مالت عليك ..
و على اللي يسأل عن أحوالك رن جوال عمي خالد ناظرته .. شفته ينزل جواله و يبتسم من قلب ..
خالد : هلاااا هلا بالزين هلا هههههههههههههه لا صدق مــــشـــتــاقـلـك الدنيا ما تسوى من دونك هههههههههه
لا جد خلوف ههههههههه أدري أول مرة تسمع ها الكلام بس طبيعي يا حبي لأنك هالحين بعيد عني و قبل
كنت دوم جنبي ههههههههه تبيني أهديلك أغنيه ههههههههههه بس للأسف ما في أغنية تليق بمقامك ..
هههههههههههههه كل تبن عاد أعطيتك وجه ....
ابتسمت و أنا أفكّر لهم تقريبا أكثر من 6 سنين يدرسون سوى .. أكيد الحين فاقدين بعضهم ..
خالد : لا أكيد بنجي و لو تأخروا في الحجز بجي أنا لوحدي و لو على الإبل ههههههههههههههههه
الحب لاااا تطمن هي بخير و ما تشكي من باس هههههههههههههههههههههههههههه لا لاااا تخاف من
الفضيحة ما راح يفهموني هههههههههههه مين ريم ايه جنبي لحظة .. اوكي يالله خذ الريم ..
لف علي عمي و مد لي جواله .. ابتسمت و أخذته و هو ناظر جدي و أعمامي و أبوي ..
خالد : خليفة يسلم عليكم ..
جدي محمد : الله يسلمه ان شاء الله قل له ان الأسبوع الجاي بنكون عندهم ..
ابتسمت و حطيت الجوال على أذني ..
ريمان : هلا ..
خليفة : هلاااااااااااا بها الصوت هلاااا .. شحالج يا الغالية عساج طيبة ..
ريمان : هلا بك أكثر خالي أنا الحمد لله بخير و انت اشلونك ..
قمت و رحت طلعت بره المجلس عشان أسمعه زين و رحت على المطبخ ..
خليفة : أنا بخير و ما أشكي من باس بس خويلد هبّل فيني هالمينون .. إلاّ شحال الأهل ..
ريمان : كلهم بخير و يسلمون عليك .. الا اشلون اخوالي و جدي ..
خليفة : كلهم بخير و يسلمون عليج هم .. الا اشلون الرياض حلوه ولاّ لندن أحلى ..
ريمان : لااااااااااااااااااااااااا طبعا الرياض أحلى و أحلى بدون شك ..
خليفة : هههههههههههه عفية عليج هاي البنية و لا بلاش ....... هيييييييي شتبي انت ..
سكت كان يكلم شخص جنبه عقب كلمني ..
خليفة : ريم هيثم يبيج .. خذيه هبّل فيني ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك