رواية جوهر حضورك اعلن ميلاد قلبي -27
حل الهدوء أمبينا , الصمت كان مضجر وموتر ومتعب وأنا شاده على عمري
اتمناه يروح ويفكني من ويهه مادري ليش يالس أصلآ ..
رفعت عيوني صوبه , شفته يطالعني
حسيت بعمري أختبصت فوق تحت , بس أطالعته بنظرات حقيره وانا أهز راسي وكأني أقوله ليش أطالع ... إبتسم إبتسامته الخبيثه المعهوده
وهو يمد يده اليمين صوب يدي اليسار ويمسكها .. حاولت أير يدي عن يده
بس هو مسكها بقوة ~
أطالعته وأنا معفسه ويهي , بس هو يلس يلمس صبوعي بتأمل
وبعدها رفع عيونه لي وقال: متى تخلصين الدوام ؟؟
إستغربت سؤاله وأنا أرفع حواجبي وأقول: خلصت
زمر شفايفه وهو يوقف ويقول: بدلي ملابسج وخلينا نطلع أبا أوديج مكان لحايه ؟!
وقفت بسرعه وأنا أحط يداي على خصري : لا والله وين بتوديني!!
رفع حواجبه وهو يقول: بخطفج!!
هزيت براسي أعيب عليه واقلده : بخطفج .
وبعدها كملت بصوتي : سير لاا هذا الي ناقص أصلا مابروح وياك
إبتسم بخبث أكثر : ترا أنتي الخسرانه بس أنا قايل لعمي وهو عطاني الموافقه , تبين تفشلين أبوج لا تروحين..
عضيت شفتي السفليه بقوة وانا أطالعه بعيون غاضبه
تغيرت نظراته وهو يقول : أنا كم مره أقولج لاتسوين ها الحركه!!
فتحت عيوني وتجمدت ملامحي وأنا أتذكر تهديده بغضب يتصاعد فيني
هزيت رآسي وأنا أسير لغرفة تبديل الملابس واحساس بالقهر والغضب ذابحني!!
بسير وياه وبطالع شو سالفته ولان توه ياني أتصل من أبويه علشان اروح وياه
يعني صدق السالفه ~
وبعد
بشل ويايه سجين تفادي لآي شيء يمكن يستوي
أو أحسن شي اشل بترول وأحرقه وأحرق السيارة بكبرها ويستوي انفجار عظيم
هاها رفعت راسي اضحك بفتك منه ومن ويهه النحس , البغيض, المعفن
أتخيل لو أسوي جيه لمنصور واحقق أنتصاري العظيم
تنهدت , مادري وين عايشه أنا بروحي الحين بديت أميل له بكل غباء
بس لزم أوقف ها المصخره إلي يالسه أسويها
شكل ما أنجبرت على شيء ما اباه, لزم اتخلص منه, أنا مب وحده تنجبر على شيء ماتباه
لبست عباتي وأنا أمشي لصوب مواقف السيارات
وأفكر بشو ها الشيء المهم إلي يباني فيه منصور؟!
فحوص وسوينا شو بعد نسوي لزم ؟
ركبت السيارة بهدوء مصطنع وأنا عابسه بويهي..
طول الدرب الهدوء أمبيني وأمبينه سايد لان يوم يحاول يتكلم ويايه أنا ماأعطيه سالفه
متفيج , أنا بروحي متوتره وأرتجف بخوف أني وياه في السيارة يعني ويا ريال غريب
صح هو ريلي الحين , بس ما احب ها الشعور ~
رفعت عيوني وأنا أشوف أننا وقفنا عند مول كبير
أطالعته مستغربة , بس هو إبتسم بهدوء وهو يقول :نزلي !!
لبست اللثامه إلي كنت يايبتنه وياي ونزلت , مشينا بهدوء مع بعض
احس بالتوتر أكثر وانا مستغربة ليش يايبني المول
معقولة !!!
يااااااااااااااااااااي ياي يسوقني , الله أحلى فرصه بفلسه
هزيت راسي مش معقوله ووايد عليه ها المنصور يمكن على شيء تافهه , بايخ مثله
حدرنا محل , أطالعته بستغراب كان محل راقي جدا
وهو محل للذهب
أستغربت وجودي هناك واطالعت منصور بسرعة أستفسر
بس هو إبتسم إبتسامه ذوبتني وهو يمسك يدي , مشيت وياه لين وصلنا للبايع اللبناني إلي هناك , فتحت عيوني على البايع من جماله , الله ماحلاااااااه يخبل
بس توقفت أفكاري وأنا اسمع صوت منصور: أخوي نبا خواتم الدبله بالذهب الآبيض لو سمحت ؟
فتحت عيوني أكثر
وأنا أشوفه يطلع الخواتم ويقول: هادول هن أخر الصيحات عنا !!
عضيت شفايفي وأنا أحس دموعي بتنزل يااااربي معقوله , منصور يايبني هنيه علشان اتنقى الدبله؟؟
ياااااااااااربي شو ها الرومنسيه حتى ما كنت أتخليها في أحلامي
إبتسمت بفرحه وسعاده وأنا مب مصدقه ~
وصار يراويني خاتم , خاتم وهو يجربه على صبعي مادري بس حسيت أني تلقائيا يلست أرمس وياه والدم يتصاعد لويهي , وأقوله رايي فكل واحد بخجل لآول مره أحسه
لين أختارنا واحد فخم وراقي وبسيط بنفس الوقت
لبسني أياه وهو يقول: أن شاء الله عيبج هو أكثر شيء
هزيت رآسي بمستحى وأنا احس قلبي يدق طبوول
نهاية البارت الواحد والثلاثون
البارت الثاني والثلآثون والأخير
دخلت ليلى الغرفة وصوت كعبها مسوي ضجه وشعور بالدوخه واللوعه معذبنها
طويله رشيقة مع لون بشرتها القمحي , تغطي جفونها ألوان بالتدرجات السوده إلي الذهبيه, عيونها الوساع تغطيها رموش طويله , روج أحمر يزين شفايفها الممتلئه , تحيط بجسمها عباه مزخرفه مع غطاء حق الراس لاصق في العباه بنفس زخرفتها ~
أسترخت على واحد من الكراسي بتعب وهي ترفع عيون صوب الموجودات جدامها
أسوم العروس ذات الفستان الأبيض إلي راص على انحائات جسمها ومن عند الحوض ماخذ مسار ثاني
عيونها الناعسة الوساع مزينه برسومات دقيقه باللون الوردي مخلوط باللون الفضي , بشرتها البرونزيه مع خشمها الطويل والرفيع نزول إلي شفايفها الممتلئه والمنفرجه عن إبتسامه حلوه
نقلت نظرها للثانيه "نوره" إلي كانت واقفه تتكلم بالتلفون وتضحك , تقريبا كانت أقصر عن أسوم بكم سنتي متر .... ضعف جسمها والرقه إلي مرسومه على ويها المتلئ قليلا وجفونها إلي مزينه باللون الشعبي مدموج بالفضي, وبشرتها البيضه وشعرها إلي نازل على كتفها اليمين كان رسمنها بشكل جميل ورقيق مع فستانها الآخضر العشبي ذا الآيدين الكت إلي يوسع تحت الصدر مع كبر بطنها الواضح ~
حركت ليلي يديها جدام ويها وهي تقول بنرفزه : اووف لعت جبدي من ريحة العطور والعود وربي أحس أني بزوع ~
أطالعتها أسوم بستغراب وقالت: ليش شو فيج ؟؟
إبتسمت ليلي وهي تحط يديها على فخوذها وتجدم ويها صوب اسوم : أتوحم بعد شو !!
أسوم فتحت فمها: حلفي حامل , وليش ماتخبريني ؟؟
ردت ليلي على الكرسي وهي تسترخي عليه وتقول: توني الا في الشهور الآولى وأنتي كنتي مشغولة مش فاضيه ~
إبتسمت أسوم وهي : تقول مبرووك فديتج.
حركة جتوفها بلوعه : الله يبارك فيج , أسوم فديتج أنا بروح سمحيلي
ما اقدر اتحمل الروايح هاي
حركة رموشها بسرعة وهي تكمل: بعد ميووودي يترياني ~
رفعت أسوم حواجبها : عادي معذوره سيري
يتها رنه من مايد ينبها أنها تطلع
وقفت بتمشي صوب أسوم , بس أسوم وقفتها وهي تغمز وتقول: سلملي على ميودي !!
أحتقن ويه ليلي بغضب : خير وشو تبينه .؟
علا صوت أسوم وهي تقولها: محد قالج ماتخبريني أنه ريالج من أول مالتقينا ها عقاب لج
وقفت ليلى وهي تحط يديها على خصرها وكأنها قنبلة وبتنفجر وقلت بصوت غاضب: ماتدرين كان ودي أجتلج واقطعج بس أجلت أنتقامي , رفعت يديها لفمها بضحكه خبيثه وهي تكمل : بس راويتج يوم خرطفت لج هيج المره وطحتي على ويهج ~
احتل الغضب ويه أسوم وهي تقول: كنت حاسه انج قاصدتنها ومشيتها لج يالخايسه
حركة ليلي جتوفها وإبتسامتها تزيد وهي تقول: حمدي ربج أني ماحطيت لج سم كنت ناويه بس هونت علشان منصوري حليله
أسوم حركة يديها بصدمه صوب ليلى وهي تقول: خير خير أشوفج تقولين منصوري؟
ليلي وهي ترفع يديها لثمها بضحكه أخبث : ماعليه أن ماسرقته منج لانج اطالعين ريلي بردها لج
أسوم أطالعت ليلى بنظرة أحتقار: ياسرقت الريايل بجتلج لو بس أطالعتي صوبه منصور أو حاولتي
ليلي: اووص أووص أنتي السراقه
تدخلت نوره : هدن بسم الله شو فيكن!!
صدت ليلى صوب نوره وهي تقول: أسكتي أنتي بعد لآسرق ريلج أنتي الثانيه
رفعت نوره يدها وحطت صبوعها على شفايفها وهي تقول: بسم الله عليه منج
وأنفجرت ليلى تضحك ومعاها أسوم ونوره
حركة ليلى يدها صوبهن وهي تقول : مالت بس
وتقربت من أسوم وحبتها وودعتها بضمه وبعدها أبتعدت وهي تغمز: أستمتعي بهذي الليله
عجيبه ترا لاتفوتينها ~
طلعت ضحك من نوره
وأحمر ويه أسوم وهي تقول: فارجي بس , ولا تعطيني نصايح منحرفه مثلج ويهج
حركة ليلي جتوفها بدلع وهي تقول: فديتني بروح أسوي ليلي حمرا مع فحلي الجميل
طلعت ليلى عن اسوم ونوره وهي رايحه صوب ريلها
مشت وهي منأرفه وخلاص جبدها ليعه من الروايح
كان واقف برع يترياها تطلع , شافها بطولها الملفت تمشي بخطوات بطيئه وتلتفت أدوره
شافته وهي تنزل الغشوه عن ويها وبعد لآن محد كان موجود فهذاك المكان
خطت بخطوات سريعه وهي تحط يدها على فمها وودها ترجع من اللوعه
تقرب منها وهي حطت يدها على صدره تاخذ أنفاسها بصعوبة
أطالعها بعيون خايفة وقلقه وهو يقول: أنتِ بخير؟!
ردت رآسها على ورى وهي تاخذ انفاسها بصعوبة وتقول: ليعه جبدي
مسكها من خصرها وضمها له وهو يمشيها لين السيارة , تغيرت ملامح ويهه وهو يقول بقهر: ليش لبسه ها الكعب حبيبي يعني نحنا ماصدقنا تحملين , تبين تسوين شيء بالبيبي بعد كل هذا !!
أطالعته وهي تسند رآسها على جتفه وتهمس : ميود حبيبي ترا أصغر كعب عندي هذا ,وترا مايأثر وماعندي سطاحي.
مشى وياها لين وصلوا السيارة ركبها ويلسها على الكرسي ونزل تحت وهو يلمس ريولها ويفج النعال منها .... أطالعته وهي رافعه حواجبها بستغراب ...
وماحست به الا وهو فار النعال روى ظهره , حطت يديها بسرعة على فمها وهي تصرخ : أيه أنته شو تسوي!!
حرك جتوفه وهو يتقرب منها ويهمس : يولن بيبلج سطاحيات أحسن عنهن
بوزت وبعدها حطت يديها على فمها وهي ادزه باليد الثانيه على صدره وتقول : بزوووع قوووم عني
نوره
مسكت يد أسوم وأنا أحس بتوترها وهي على الكوشه مع أنه مب باين على ملامحها بس أحس بها , إبتسمت وأنا أسلم عليها وأضمها بشوي وأودعها قبل ما أروح
نزلت وانا أمشي حاطه يدي على ظهري و أحس انه يعورني بشكل كبير بعد تعب اليوم لآن مسكنا خط لين ينا ها الاماره التي تبعد عنا أكثر من ساعه ووقفتي مع أسوم أتعبتني ووايد فأحس أن حيلي منهد
أتصلت بمحمد إلي طلع يترياني برع
لبست عباتي وأنا أودع أسوم لآخر مره برفعت يد من بعيد , مشيت طالعه ووقفت أتريا محمد
وقفت سيارة جدامي وأنفتح الباب وطلع محمد منها , إبتسمت وأنا اتقرب منه
مسك يدي وهو يمشيني لين وصلنا السيارة فتح الباب لي وركبت
ريحت ظهري على الكرسي ورآسي وأنا أغمض عيوني
مجرد خمسطعشر دقيقة يلسنا فيها بصمت بسيط لآن محمد كان يرمس بالتلفون
لين وصلنا للفندق إلي بنقضي فيه ليلتنا
***
دخلت الجناح الفخم ذو الالوان الفاتحه المايله للذهبي مع أثاثه البني
وبخطوات بطيئه سرت صوب الغرفه
ودخلتها وأنا أشوف فخامتها ولونها الفاتح المايل للسماوي مع الاثاث الفضي الفخم والروائح العطريه الهادية وإلي ماليه المكان, مشيت بخطوات ثجيله صوب الشبريه ويلست بهدوء عليها~
أرخيت رآسي على المخده وأنا أغمض عيوني بهدوء وأريح ظهري على الشبريه
بعده يعورني بس أشوى عن وأنا واقفه ~
سمعت صوت الباب ينفتح, فتحت عيوني شوي بإبتسامه وغمضتهن بهدوء مره ثانية
حسيته يتقرب مني لين صار عدالي وسمعته يهمس: حبيبي, رقدتي!!
فتحت عيوني بشوي وأنا أهمس بصوت أخف من صوته: لا !
تقرب مني أكثر وهو يقول: بعده ظهرج يعورج ؟
لفيت رآسي صوبه وإبتسامتي تزيد وانا أهز راسي : شوي
اطالعني بنظراته إلي تسحرني وعيونه إلي تلمع بحنان وحب وهو يرفع يده لظهري ويهوس عليه على الخفيف , تم فتره من الزمن يهمز ظهري على الخفيف
لمست يده ريحتني وأرسلت النعاس لعيوني
أبعد يده عني وهو يرفع عمره لفوق الشبريه ويطيح عدالي وهو متاكي بيده ويطالعني
تحركة يده على خدودي وهو يقول: فديت ويهج ماحلاج
حركت عيوني بمستحى وأنا أرمش بهن , لين الحين أحس اني أستحي من محمد
ويرتجف قلبي له بقوة وأكثر عن قبل ~
تقرب مني لين أقتربت شفايفه من ويهي وحبني على خدي الاول بهدوء وبعدها على الخد الثاني
غمضت عيوني للأحاسيس إلي أرسلهن لي
وبعدها تقرب من ويهي وحط خده عدال خدي ولمسه, أبتعدت عنه بدلع
تحركة يديه وأستقرت على بطني وهو يقول: فديت بنتي ~
حست بوزي وأنا اطالع بطني ويده إلي محطوطه عليه وقلت: يمكن ولد مب بنت!! ماخليتنا نكشف ونشوف شو هو؟ ... بوزت وأنا أكمل: ترا أربع شهور بعدها لين أربي~
هز رآسه وإبتسامته تزيد وهو يقول: نخليها مفاجأه أحسن, أنا حاس أنها بنوته قمر مثل أمها
حسيت بالحراره تكتسي ويهي وبمستحى رفعت عيوني لعيونه , غمضت عيوني بألم للرفسه إلي يتني وإبتسمت بفرحه وانا أزخ يد محمد وأحطها على بطني ...
قام محمد يالس وهو مب مصدق , يلس يضحك وهو يحس برفسات البيبي
***
صوت دق الباب خلآ محمد يقوم بسرعة ويروح
حطيت يدي الثنتين على بطني وأنا أقوم يالسه
تنفست بعمق
حياتي تغيرت ويا محمد 180 درجة
عقب ماعرسنا من ثمان شهور
محمد حنون , طيب , انسان ثاني ويايه ...مراعي , محب
حسيت وياه أني أستعدت نفسي , قواني شوي , شجعني فوايد أشياء
ثقتي زادت فنفسي, حسيت بنفسي أني تغيرت إنسانه لها كيانها , مستقله
وطبعا ماتنازلت عن شغلي لان مهم بالنسبه لي , بس شكلي باخذ أستراحه قليله لين ما أربي ولبعد الربى بأخذ فتره أربي ولدي فيها وبعدين برد له لآنه جزء مني
ومحمد مب معارضني بل حاب أني أستمر بها الاتجاهه
دخل محمد وهو يجر وياه طاوله ووقفها جدامي
عليها من الخفايف من كل شيء
إبتسمت بحب له
ولاني بعد أحس باليوع
يلس عدالي وهو يحاوط يده بخصري ويقربني منه
يلسنا نأكل بهدوء وكل ساعه محمد يقولي فتحي فمج , يفشلني بقوة
بس أنا أطيع أوامره~ وأعطيه بالمقابل ~
مد صبوعه صوب شفايفي وهو يمسح عليهن بعبوس: شو ها أنتي ياهل تخيسين عمرج جيه؟
بوزت وانا أعقد حواجبي: مب جنك أنته إلي ماتعرف تأكلني
رفع حاجب وهو يقول: ليش أنتي ياهل علشان أكلج !!
فتحت عيوني أطالعه , وهو رد راسه على ورى يضحك ويقول: ياشكلج كيف يضحك !!
مديت يدي وضربته على جتفه بشوي وأنا اقول: ما أحبك !!
بس هو مسك يدي وهو يتقرب من ويهي ويهمس بعيونه إلي تبتسم لي: بس أنا أموت فيج~
أسوم
نزلت عيوني وأنا اشوف نظرات منصور لي وإلي مانزلت عني من دخلنا السويت
تقرب مني مما خلآني أرفع عيوني له بتوتر وأنا أشوفه جدامي
تحركت يده ومسكت يدي , توترت وأرتجفت أطرافي ~
حسيت بدقات قلبي وكأنه يسمعهن ~ غمضت عيوني أحاول أسيطر على مشاعري
صبوعه مسكت ذقني وهو يطبع قبله على خدي الآيمين بهدوء ويهمس: مبروك حبيبي~
غمضت عيوني أكثر وأنا أحس بيديه تحاوط خصري
ضمني بقوة , وأنفاسه وصلت لمسامعي بصوت مسموع
حسيت برجفه قويه ... لا ما اقدر ها الكم الهائل من المشاعر
يتعب بشكل أني حسيت بريولي ما تقدر تشلني...
حطيت يدي على صدره وأنا أحاول أبعده عني
أبتعد عني شوي وأنا غمضت عيوني أكثر أحاول أنظم أنفاسي
بتوتر قلت له : بصلي , بصلي ماصليت العشا ~
أبتعد عني أكثر وهو يهز رآسه بويه متوتر , و يرفع يده لشعره ويقول: أنا بطلع شوي وبرد وأنتي صلي ~
طلع وأنا مسكت بيداي فستاني الذهبي إلي بدلته وأنا في بيت أهلي ويلست أدور في الغرفه
من التوتر ... الله يغربل العدو ... نفضت عمري من الآحاسيس إلي احسهن بعدهن فيني
عقدت يداي جدام صدري وأنا إبتسم
ياااي أخيرررا يا العرس بعد طول أنتظار
حطيت يدي على خدي أرقص يعني , هزيت راسي , لا !!
أبا أكون وحده ثقيل ... أخاف وانا أرقص يحدر عليه ويشوفني بها الموقف
صليت صلاة العشاء لآني كنت متيدده قبل ما أتمكيج وصليت السنه بعدها
سرت صوب الكومدينه إلي في غرفة النوم ويلست أطالع عمري في المنظره ~
رتبت شعري زين وأطالعت المكياج
وكان أوكيه ... يلست على واحد من الكراسي بتوتر
مجرد عشر دقايق ويا منصور , حسيت بالمستحى يوم حدر وهو يدورني بعيونه وبعدين تقرب صوبي وهو يقول: لبسي عباتج بنّزل تحت ~
هزيت رآسي وأنا اسير صوب كيس العبي وأظهر لي عباه سوده بقصه فخمه
والبسها واحط الغشوه على ويهي
طلعنا نمشي يد بيد وطلعنا من الفندق .... سرنا صوب البحر ويا واحد ريال
فتحت عيوني وأنا أرفع يدي لفمي لمنظر اليخت إلي جدامي
يخت متوسط الحجم تقربيا , أضوائه ضئيله وهاديه
مسك يدي بقوة وهو يركبني اليخت
شعور ما أتصوره ~ ما أقدر أعبر عن شعوري الا بأنفاسي الي حسيتها شبه ماتلهث
وانا حاطه يدي اليمين إلي خلت منصور على قلبي
رفعت الغشوه عن ويهي وأنا أطالع المكان
طاوله متوسطة الحجم في وسط اليخت من الجهه الخلفيه
الشموع بألوان مختلفه مصفوفه على جوانب اليخت بجو رومنسي هادي
سار الريال عنا .... خوزت الغشوه عني وأنا اطالع حوالي بإنبهار
إبتسم منصور وهو يتقرب مني أكثر: شو رايج بالمفاجأه ؟؟
حطيت يداي على خدودي وأنا احس بدموعي بتنزل من الفرحه وقلت بصوت مب مصدق: يجنن !!
خبال , رووعه
فتحت عيوني أكثر وأنا اقول بحالميه وأحرك جتوفي: وكأني أحلم ~
مسكني من يدي وهو يقودني صوب الطاول وييلسني عليها
مجرد دقايق وأيون فلبينيات بأطباق الاكل من كل نوع ~
أكل لذيذ , شهي جدا جدا لاني ماكلت من أمس شيء
فاحس بالعصافير إلي ببطني تصارخ تباني أأكلها
رفعت عيوني صوب منصور بمستحى
أستحي!! أنتي عروس ولزم تاكلين بالاتيكيت
بس ما أقدر!!
أشر لي منصور أبدأ بالاكل
خذيت الخاشوقه متردده
أبا أكل والله ابا
بس يلست أكل بشوي شوي
بس ما قدرت شهيتي مفتوحه ودي أكل كل شي جدامي
وبدون ما أحس يلست انقض على الآكل
يولي والله ليش أعذب عمري علشانه , معقوله أخلي ها الآكل الي جدامي بكل سهوله
حسيت بالشبع ~ بعد ما شربت عصير وكلت السويت بكل لذه
وأنا ناسيه منصور نهائياً
تذكرته ورفعت عيوني أطالعه بإبتسامه , كانت شبه إبتسامه مرسومه على شفايفه وهو يطالعني بتمتع
وبعدها نطق : شو أستانستي بالأكل ؟؟
أختفت الابتسامه من على ويهي وبلعت ريجي يا الفضيحه مادري كيف تصرفات عروس هاي
ياربي فشلت عمري بقوة بعد ...
نزلت عيوني وأنا أرمش بهن: الحمدالله
وقفت ومشيت على اليخت أتمتع بها الليل الجميل والي يزينه قمر شبه مايكون مكتمل
يلست على واحد من جوانب اليخت وأنا اشوف البحر والقمر ساطع عليه
عاطي لمعان وبريق أخاذ يسلب الالباب
خذيت أنفاسي وإبتسامتي تتسع , أحب منصور !!
أعترف إني أحبه لآنه خلاني أتعلق به بدون ما أحس , حرك مشاعري
حسسني بأنوثتي
يحب يغايضني , يحب يدلعني ... بس بصراحه مرات يقهرني بحركاته بس ها الحركات تحرك قلبي وتجلبني فوق تحت
حسيت بيدن تلتف حول خصري أطالعت بسرعة صاحب اليدين بخوف
كان منصور وإبتسامه خبيثه على شفايفه
زخ بيد وحده خصري واليد الثانيه سندها تحت مما خلى ويهي مجابل ويهه وأنا على الزوايه وما أمبيني وأمبين البحر الأ حد اليخت إلي لصقه فيه
تقرب من ويهي وهو يهمس : الحين بعقج في البحر ولا حد بيدري عنج !!
تقرب أكثر وأنا رديت على ورى وعيوني مفتوحه على الآخر بصدمه~
صدري يترفع وينزل بأنفاس سريعه وبخوف وعدم أستوعاب بإلي يقوله منصور
إبتسم وهو ينزل لين صك صدره بي وإبتسامته تتسع بأغراء ومكر وهو يطالعني وعطاني قبله ~
كتمت أنفاسي من الصدمه إلي أنا فيها
تم فتره شبه ماتكون طويله مما خلني أغمض عيونه وأبادله القبله
أبتعد عني وهو ياخذ أنفاسه بشكل شبه ماتكون لاهثه
عضيت على شفايفي وصدري يعلوى وينخفض ~
مسك يدي وهو يحاول يظهر إبتسامته الساحره ويوازن عمره بمشاعر ظاهره على ويهه
حطيت يدي على صدره وأنا أحاول أنظم أنفاسي
وأبعدت يدي عن صدره ونحنا نمشي ... نزلنا من اليخت بعد مايلسنا شوي فيه ~
وسرنا صوب الفندق ~
***
بدلت فستاني بتوتر وأنا ألبس لبس ليلة الدخله ~
الطويل والشبه مايكون ساتر
آآففف شو ها ...بس الحمدالله منصور محد ~
حطيت على ويهي مكياج خفيف وراقي بنفس الوقت
حركة يداي جدام ويهي , ماشي مونه أستوينا نحط مكياج على الليل مثل الممثلات وأنش من الرقاد بالمكياج .... حطيت يدي على فمي وأنا أكمل بصوت مسموع: عاد ساحره بكون لو رقدت بالمكياج مب مثلهن ملعونات الصير ~
يلست أطالع عمري في المنظره , يااااااااربي ماكنت أتوقع أني بها الجمال الساحر ~
ياربي أنا جمييييييييييله .. ويلست أضحك وانا حاطه يدي على شفايفي بكل دلع
حسيت بحركه وراي ..
التفت بسرعة وانا أفتح عيوني على وسعهن وصرخه قويه طلعت مني
منصور كان واقف ويطالعني بويه منصدم
تصاعدت الحراره لويهي
وأنا أحط يدي على جسمي وأصرخ : رووووووووح شووو هااااااا
وبسرعه ربعت صوب الشبريه وأنخشيت في اللحاف أنتفض
يالفضيحه , و يا فضيحتي شو أسوي يااربي , منصور ليش أيي ويشوفني بها الطريقة وبها الشكل ؟!
مرت فتره من الزمن وأنا تحت اللحاف وأنفاسي الحاره تلفح ويهي
خوزت اللحاف وأنا احس بمنصور يدخل فيه ~
ياربي , شو اسوي الحين ؟؟
واطالعت الغرفه كانت مظلمه الا من نور الابجورات الخفيف
أرتجفت وأنا أحسه يقترب مني ... ويمسك زندي
هنيه أنتفضت بقوة وأنا أصرخ وأضربه على ريله بكل قوتي
فز منصور يالس وهو يقول: شو فيج ماباكلج !!
يلست وأنا أغطي اللحاف بجسمي وأصد صوبه وأقول: قووم عني قوم !!
عقد حواجبه وهو يتأملني ويقول : ليش, بسم الله قلت لج ماباكلج ؟
بوزت أدور طريقه للهروب منه ولمعت في راسي فكر وقلت بسرعه : ماعليه صلاه
تغيرت ملامح ويه منصور بسرعه لصدمه وقهر , بس بسرعة أختلفت و فج عيونه وهو يقول: بس شفتج تصلين مساعه !!
بسرعة رفعت يدي لفمي وأنا أعض شفتي السفليه لجذبتي الغبيه والمكشوفه !!
***
تحركت ببطىء وأنا أفتح عيوني بكسل , إبتسمت لطيفه إلي راقد عدالي
ويلست اتأمل ويهه
أكتشفت أن الشخصين إذا كانوا يحبون بعض , يقدرون يحلون المشاكل بكل سهوله ويتفاهمون وتقل الاختلافات أمبينهم ~
كنت خايفه ان منصور واحد صعبه الحياه وياه, بس في أيام الملجه إلي قضيتها وياه طلع لي الجانب المتفهم و بنفس الوقت الجانب الصلب والرجولي
حسيت أن ها الريال أقدر أتفاهم معاه , وبأعترافه لي بعد أن يحبني, وأني أنسانه مميزه بالنسبه له , خلاني اعرف انه هو الشخص المناسب لي
أنتهى
تجميع : ^_^Remnants of wou^_^.
اللهم لك الحمد حتى ترضى وإذا رضيت وبعد الرضى ,,, اضف تعليقك