رواية ليش تزفوني لقبري -7
فلاح حاط راسه عريول الريم : ريام .
الريم : هلا .
فلاح : تحبيني ؟
الريم : أكيييييييييييد مايبالها سؤال .
فطيم : آآآي أغار أنا .
فلاح حاط تراب فيده : طعمه حلو تبين تجربين ؟
فطيم ) برطمت أما فلاح والريم تموا يضحكون عليها .
الريم : فديت ولد عمي ......... إنتي ماتعرفين فلاحوو ما يحب يكسر بخاطر أحد فبدال ما يقولج كلي تراب قالج طعمه حلو تبين تجربين ؟
فطيم : ما عليه فلاحو براويك .
الريم : لو قربتي صوبه بحشهن ريولج .
فلاحوو سوى حركه بحياته تغايض .
مر اليوم حلو وعالساعه 11 ردوا الشباب العزبه .
الريم : قامت صوبهم وحطت إيدها عخصرها : جان تميتوا أكثر ولا أحسن لو رقدتوا عندهم .
طحنون : وانتي شعليج نبي نتم نبي نسير نبي نموت .........
الريم : جان تبي تموت أحسن .. أولا باخذ سيارتك لأنها تعيبني ولونها يعيبني وكل شي مسويه فيها يعيبني ..... ثانيا بتعطي مساحه أكبر فالبيت عالأقل يوم منصور بيعرس يكسر الجدار اللي بينكم ويسوي حجره حقه هو وحرمته .......... ثالثا بتوفر مكان حق واحد من المواطنين عسب يشتغل ....... رابعا بتفك أمي من حشرتك الزايده ....... خامسا ....... الماي فالدوله بيكثر تعرف ليش ؟
طحنون : ليش ؟
الريم : لأنك حمار فالجيش .
الشباب : هههههههههههههههههههههههههههههههه.
مبارك : سوتلك .
طحنون : حمار ريلج .
الريم : لا تغلط .
طحنون : لا وادافعين بعد .
الريم : طبعا ....لأنا اللي بياخذني أكيد واحد كل وحده تتمناه وما بتاخذه غير الريم بنت سيف بن معضد ال....
ذياب : فديت الواثقه .
الريم : أكييد واثقه .
فطيم + الريم : فينا رقاد .......... تصبحون على خير .
سواف : فطيم .......... أباج لوسمحتي .........بكون فالسياره .
سارت الريم صوب الخيمه وفطيم صوب سيارة سواف .
الريم ) تزاعج ) :عميييييييييييييييييييييييييييييييييي الحقونيييييي
الشباب قاموا متروعين وجايفينها تصيح وتركض صوب الخيمه مالتهم.
تتوقعون شو بلاها الريم ؟
وليش كانت تصيح ؟
الجزء التاسع
الريم ) تزاعج ) :عميييييييييييييييييييييييييييييييييي الحقونيييييي
الشباب قاموا متروعين وجايفينها تصيح وتركض صوب الخيمه مالتهم.
الريم )تصيح: فلاح حبيبي رد علي .
شهاب )شل فلاح من حظن الريم وشغل الموتر وسار هو ومنصور وذياب ومانع ونافع .
الريم ) تصيح ) : أحمدوووووووووه فـ. . . . لاح مابلاه شي صح ؟
أحمد ) بحزن ) : ما بلاه شي ريام أكيد تعب وتنكست حالته شرات دايما وبتشوفين بيردلج حصان .
الريم : إن شاء الله .
عبدالله ) ياي من بعيد ) : وين موتر عمي شهاب ؟
الريم : عباديييييييي ) وصاحت .
عبدالله ) أعصابه يبست ......... زقرتني عبادي فديتها بس ليش تصيح ؟
عبدالله : بلاكم ؟
الريم : ف ......... ف........لاااااااااااااااااااح.
عبدالله : فلااااح ....................شو بلاه ؟
الريم ............................
أحمد : تنكست حالته وخذوه المستشفى .
عبدالله ) تم مبهت عسب يستوعب لأنه مافهم : شو مافهمت ؟
ثاني سار عند عبدالله : عبدالله إنت مؤمن وأخوك تعرف حالته شكثر حساسه وبين فتره وفتره جي يستويله إن شاءالله بيرد وياهم عادي ولا جنه استوى شي .
الريم ) دموعها أربع أربع .
فطيم وسواف حدروا الخيمه والناس جنهم فعزا : بلاكم ؟
الريم قامت وصاحت عجتف فطيم .
فطيم : ريام شو بلاه فلاح أسمعكم تطرونه ؟
الريم : خذوه عني ............ كان راقد فحظني ............ خذوه عني ) وصاحن .
فطيم ) تصيح : بس الله يخليج شو هالرمسه فلاحووو بيرد إن شاء الله.
قعد الكل عأعصابه يتريا وبعد ساعتين جافوا السياره من بعيد .
الريم ) قامت تربع : وينه؟
نزل ذياب وهو حامل فلاح اللي كان صدج باين عليه التعب والألم بس يبتسم .
الريم ) لوت عليه : فلاااح ( وصاحت ) .
فلاح ) باستعباط : لوسمحتي الإخت دموعج وايد مالحه وطعمها اعععععععععع يلوع بالجبد فقومي عني ولا مسحي دموعج عن ازاوع فويهج .
الريم) مارامت تيود عمرهاا : فديييييييييييييييييييييييتك ياربي .
ذياب : أغار .
شهاب : يالله خلونا نسير نرقد..... آآآآآآآآه يالرقاد ياحبيبي.
مانع : الحمدالله والشكر على نعمة الدين والعقل .
ذياب : حتى أنا فيني رقاد.
فلاح : حتى أنا .
ثاني : لا يكون تتحسبون عماركم فمطعم ولا مسرحيه أو فلم تتعازمون .
الريم : هههههههههه لا بس صدج خلونا نرقد.
وردوا بعد أربع أيام عالعين .
وبعد أسبوع كان بيت قوم معضد فحالة طوارئ لأنه السفره بتكون بعد يومين .
راشد : ريام سيري عند البشكاره وقوليلها تزهب الفواله والقهوه لأنه ربيعي بيي.
الريم : ومنو هذا ربيعك ؟
راشد : وانتي شعليج ؟
الريم ) مبرطمه : بس أبا أعرف .
واحد من ربعي إسمه زايد بيي وياه ربيعه ...إرتحتي الحين ؟
الريم : هيييييييييييييييييه .......... أقول رشوود مفتاح الفيلا مالت عمي الله يرحمه وياك ؟
راشد : هيه .
الريم : عيل دخلهم الميلس اللي فبيتك ليش ميلس الشباب العود وانت تعرف شوي والميلس بينمزر .
راشد : فكرتج معقوله .
راشد سار بس المكيف مال ميلس بيت أبوه كان ما يشتغل فقال بخلي الريال ايي يصلحه وبدخلهم الميلس العود بس شو ؟؟؟؟ ماخبر الريم .
الريم كانت ادخن الميلس لأنه الميلس مال الشباب 24 ساعه مبطل ووقت ما يكون فاضي لازم حد يعدله والخدامه كانت مشغوله فقالت أنا بسير .
الريم كانت تعدل وتنظف والشيله حاطتنها أي كلام وريحة الدخون ظاهره على بعد أميال .
في سيارة زايد ربيع راشد .
ربيع زايد : ز ...... زايد ) ويبلع ريجه .... بيت منو هذا ؟ أقصد من عايش فيه ؟
زايد : بلاك إنت متخبص من ساسك لراسك ؟
ربيعه : زيود الله يخليك إرمس .
زايد : بيت معضد ال....
ربيعه : هي صح نسيت أنا لازم أسير عندي .....
زايد : لحظه لحظه بادش وياي بنسلم عالريال وعلى أهله وبنرد دبي بيسافرون واناما أروم أييهم وهو حليله ما بيروم ايي فيمكن تعطينا من وقتك الثمين نص ساعه ؟
ربيعه : هيه عادي ماعليه .
دش ربيع سعيد قبله : زيوود هذا الميلس ؟
زايد : لا ................. اللي على يمينك .... أنا بتم أدوخ لين ما ايي رشود .
ربيعه : ودر عنك هالخياس .
زايد : يوم حرمتيه بتطلب مني أودره باودره .
ربيعه : الله يعينها على عقلك ... امك ليلها نهارها تترجاك وانت تقول حرمتيه ....الله يستر عليك .
زايد ) وهو يدخن : اجلب ويهك .
ربيعه ) لا حول ولا قوة إلا بالله . ودش .
سعيد دش وكان يلعب بالسويج السياره وطاح عنه فجأه .
لييييييييييييييييييييييييييييييييش ش؟؟؟
صح ........................................... الريم كانت داخل .......... بس هو ليش طاح عنه السويج ؟؟؟؟؟؟؟؟؟؟؟؟ من جمالها ؟؟؟ هي حلوه بس مش ها السبب ................. إذن شو هو السبب ؟؟
ربيع زايد : احم احم .
الريم التفتت صوبه وشعر جسمها كله وقف وحست إنه فيها لوعه وسارت رجعت فحمام الميلس أما ربيع زايد سار صوب سيارته وحط راسه عدركسون مال السياره : آه ياإيدي شسويتي ؟
ونزلت دمعته .
زايد سار صوب الباب مال السايق : سعووود بلاك ؟
سعيد : زيوود الله يخليك خلنا نرد دبي الحين واعتذر من راشد ربيعك .
راشد ظاهر من باب الفيلا : هلا والله بهل دبي .
زايد : أوكي بنسلم عليه من عند الباب وبنسير .
سعيد ) كان شكله تعبان ودموعه فعينه .
راشد قرب صوبهم ووايه زايد وسعيد : عسى ما شر بلاكم .
زايد : الشر ماييك بس سعيد شوي تعبان وراسه يعوره .
راشد : قربوا .
سعيد كان مجابل زايد وراشد عدال سعيد .......... زايد من نظرة سعيد حس إنه مايبا يدش هالبيت .
زايد : السموحه مانروم .........أنا بوديه العياده الحين وبعدين بنقبض خط دبي وإن شاء الله بمركم أسلم عليكم قبل ما أسافر .
راشد : مسموحين وإن شاء الله نشوفكم قريب .
زايد : إن شاء الله ............. وسلم من صوبك .
راشد ) ابتسم : يبلغ ............. وإنت سلم .
زايد : إن شاء الله .............. مع السلامه .
راشد : مع السلامه .
زايد أول ما ظهروا من حارة قوم بن معضد : إنت بالله عليك هاي السواه اللي سويتها سواه ؟
سعيد : زيووود الله يرضى عليك ( وصوته بدى يتقطع ) فك عني .
زايد ركن السياره فوق الرمله اللي عطرف الشارع : ممكن تفهمني ليش ماتبا ادش بيتهم وتسلم عالريال وخوانه ويده ؟
سعيد : تبيني أقولك ليش ؟ تبي تسمع ؟ صدق تبي تعرف ليش ما حطيت عيني فعينه ؟
زايد ) بهدوء بعد ما شاف سعيد بهالحال : سعوود اهدا فديتك .
سعيد سدح الكرسي : زيوود تحرك .
تحرك زايد بس مش صوب دبي سار صوب العزبه مالت عمه فالعين .
سعيد كان يصيح وبعدين مارام ايود غصته وصاح بصوت أعلى .
زايد هني انصدم وحس إن الموضوع اللي بين سعيد وقوم ربيعه راشد كبير وايد ( سكت وما رمس ويوم وصلوا العزبه : سعيد خلنا ننزل .
سعيد شال الغتره عن ويهه اللي استوى أحمر .
نزلوا وخلاه زايد بروحه .............. زايد سار صوب محي الدين .
محي الدين : أهلين بابا .
زايد : هلا .............. شحالك محي الدين ؟
محي الدين : الهمدلله بابا ........... ريد من أنا سي ؟
زايد : هيه ...........سخن حليب وحطه فالدله وييبه الخيمه ..اوكي ؟
محي الدين : إن ساء الله بابا ( وسار ) .
سار زايد صوب سعيد اللي كان حاظن عمره وشكله طفل ضايع.
زايد حط ايده عجتف سعيد : مابتقولي شو سالفتك مع قوم بن معضد .
سعيد : أنا يا زايد جتلتت ولدهم وبنتهم .
زايد) فز من مكانه : شووووووو؟؟؟؟؟؟؟؟؟؟؟؟؟؟؟؟؟
سعيد : إسمعني للآخر .
زايد : تفضل .
سعيد : قبل سنه ونص من الحين .
زايد : يعنيي قبل ما انرد أنا وراشد البلاد بشهرين ؟
سعيد : هيه .......... لا تقاطعني لين ما خلص .
زايد : إن شاء الله .
سعيد : كنا أنا والشباب نتسابق فشارع فاضي عأطراف العين ويت سياره رنج يديده . ودار بيني أنا وخليفه و هزاع هالحوار :
خليفه: سعوود شو رايك نسابق هالرنج ؟
سعيد : ياريال إنتو مااتوبون تخيل انجلبنا.
هزاع : قول إنك تدري إنه هو اللي بيفوز عليك تراها السياره يديده .......... وبعدين السياره روعه وما عليها كلام.
سعيد : يهبي .
خليفه : عيل راونا شطارتك ؟
ضحك سعيد وقال : تخيل يا زايد ما في دقايق إلا والرنج ينجلب جدامنا جنه كرتونه كلينكس ........... كانت ويا الريال وحده .
زايد : بس الريم ماتوفت .
سعيد : هي ماتوفت بس كانت بدون عقل يوم عرفت ........ تعرف إنها ماصدقت يوم خبرتها .
زايد : إنت اللي خبرتها؟ .
سعيد : هيه وتعرف شو ؟ يوم كان عمها ينطق بآخر كلماته يت عندي وصفعتني طراق عويهي .
زايد : إحلف .
سعيد حط إيده عخده اليمين : والله إنها كانت قويه .
زايد : بس هذا قضاء وقدر .
سعيد : ونعم بالله .
زايد : بس راشد ما عرف عن وفاة عمه إلا يوم ردينا البلاد محد قاله عسب جي ماعرفك .......... وانت ليش ظهرت من البيت بعد مادشيت شرات المينون ؟
سعيد : جفتها يا زايد .
زايد : الريم ؟؟؟؟؟؟؟؟؟؟؟؟
سعيد : هيه .............. جفتها .
زايد : وعرفتك ؟
سعيد ) بظحكة إستهزاء : لا تقول عرفتك قول شو سوت يوم جافتك ؟
زايد : طردتك من الميلس؟ .
سعيد : ياليت .
زايد : هفتك بطراق ثاني ؟
سعيد : لا ...................... لاعت جبدها مني .
زايد : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سعيد : أحس إنها تدعى علي فكل سجده تسجدها .
زايد : هونها وتهون ................. صدقني إنهم ناس مؤمنين ويعرفون إنه هذا قضاء وقدر وإنك إنت مجرد مسبب لموته .
سعيد : وهاه شوي ؟؟؟؟؟؟؟؟؟؟؟؟؟؟؟ والله لوكنت ويانا ماكنت قلت هالرمسه .
زايد : ما يحيتاي .
سعيد : زايد قسم بالله أبوه وأمه ......................... ( وحط إيده عراسه ) ماعرف إحس عمري متخبص .
زايد : تعرف شو أحسن حل ؟
سعيد : شو ؟
زايد : نسير صوبهم .
سعيد : ينيت ................. لا لا مستحيل أدش هذاك البيت .
زايد ) حط عينه فعين سعيد : بنسير صوبهم وبنسلم عليهم .
سعيد : بس خوانه عمومه كلهم يعرفوني .
زايد : ويعني ؟ إنت ماتعرفهم صدقني بيرابعونك وبتستوون شرات الخوان واكثر كل يوم بتكون مطيح فبيتهم اللي فالعين وهم عندك متفيرزين فدبي.
سعيد : الله يسمع منك .
وفبيت قوم معضد .
ظهرت الريم من الميلس وكانن عيونها حمر وتحتها سواد من الألم وشفايفها زرق ولونها أصفر .
دش ثاني وطحنون وذياب ..................الريم التفتت صوبهم واغمى عليها فنص الحوي .
ذياب : ريااااااااااااااااااااامي .
وفي المستشفى :
ذياب : دكتوره شو حالتها ؟
الدكتوره : أولا ياابني البنت عندها مشاكل فالنفس .
ذياب : نعرف وعندها السل بس نروم نسيطر عليه مش وايد متقدم .
الدكتوره : أنا عارفه ياابني بس هي ارهقت عمرها وتلقت صدمه أويه أوي جابتها لهنا .
ذياب : صدمه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الدكتوره : آآآ صدمه وهي حتخبرك إياها أول ماتفوق .
ذياب ظهر من عند الدكتوره وقال لثاني يسير البيت ويخبر أم الريم والأهل وايون هني لأنها بتم هني يومين تحت العنايه .
سار ثاني عندهم وخبرهم .................طبعا الكل كان خايف ومتروع .
في غرفة الريم
الريم : عمي
الممرضه : عاوزه حاقه ؟
الريم : هيه أباج تسألين عن عمي ذياب أتذكر إنه هو آخر شخص جفته .
سارت الممرضه تسأل ولقت طحنون برع أما ذياب كان يتأكد إذا يقدر يتبرع بدمه للريم لأنه فصيلته نادره .
طحنون) دش الغرفه وهو يبتسم : حمدالله عالسلامه .
الريم : الله يسلمك .
طحنون : بغيتي تييبيلنا الجلطه .
الريم : صدج ؟؟؟؟؟؟؟؟؟؟؟؟
طحنون : لا الإخت جذب ......... والله ماجفتي شكل الذيب اختبص ولو حد سأله ذيج الساعه شو اسمك بيقول ماعرف سير إسأل أبوي .
الريم ) تضحك : يخس إبليسك .......... ماتيوز أنت ؟
طحنون : لا لا وألف لا .
دش ذياب : هلا والله .( ولوى عليها )
الريم : عمي متى بظهر ؟
ذياب : تو الناس عهالسؤال ........ إنتي شحالج ؟
الريم : الحمدالله بخير .
ذياب : ليش يا حظرة الكونتيسه أغمى عليج .
الريم ) شقت الحلج : أتدلع .
ذياب ) بجديه : ريام أرمس أنا ما أسولف .
طحنون ) حس إنه ماله داعي يتم فظهر .
الريم : سعيد .
ذياب ) باستغراب : أي سعيد .
الريم : اللي ذبح عمي حميد .
ذياب : شو بلاه ؟
الريم : يستوي ربيع راشد .
ذياب ) الله يرحمك ياخوي : ريام حبيبي إسمعيني ......... كل إنسان له يوم يموت فيه وطريقه محدده يموت فيها والمرحوم توفى وكانت الطريقه غنه يموت مدعوم وإذا بيموت مدعوم لازم يكون في شخص داعم والمسبب هو سعيد مش هو اللي ذبحه .
الريم : لو كان عاقل وما طلب من عمي يتسابقون كان توفى ؟؟؟؟؟؟؟؟ لا ( وصاحت ) أنا أكرهه ياعمي ما أطيقه وما أباه يدش بيتنا مره ثانيه كافي مره ما أبا أجوفه فبيتنا ............ قول لراشد يبا يجوفه يسير بيته أو يتواعدون برع لكن يتعدى بوابة سورنا لا أوكي ؟
ذياب : ريام ......... عيب ما يستوي جي ............. الريال أكيد حس بغلطه .
الريم : لا هالإنسان ما يحس .............. خله يسير عند أمه أحسن له لأني لو حفته بذبحه .
ذياب : ما عنده أم .
الريم ) صخت بعدين قالت : أبوه .
ذياب : بعد ما عنده أب .
الريم : خوانه .
ذياب: ما عنده خوان وخوات .
الريم ) هدت وبدت تستفسر : كيف عايش ؟
ذياب : عايش بروحه فدبي من طيبته الكل يحبه ويحترمه .
الريم : شو إسمه ؟
ذياب : سعيد بن محمد بن حمد ال....
الريم : نحن نفس العايله .
ذياب : هيه وتعرفين إنه ما طب العين من الحادث ؟
الريم : ليش ؟
ذياب : كان يقول إنه هو اللي ذبح حمبد الله يرحمه ومحد من هل العين اللي يعرفون عمج إلا وبيذمه عهالشي وما كان يبا يجوفنا أو يحط عينه فعينا يوم العزا لأنه كان وايد متأنب من هالشي .
الريم : تعرف عمي ............ وايد غمظني .
ذياب : لأنه ما عنده أهل لا ؟
الريم : هيه .
ذياب : عادي يدش بيتنا ؟
الريم : امممممممم عادي ........... عادي حتى يرقد عندنا .
ذياب : مسرع ما غيرتي رايج .
ذياب : بس بعدني شاله فخاطري منه .
ذياب : المهم قوليلي شو تحسين .
الريم : أحس إني بمووووووووووووووت .
ذياب : فال الله ولا هالفال .
الريم : أستعبط وينها ماماتي .
ذياب : الحين بتيي فالطريج .
سعيد وزايد ساروا بيت راشد ربيعهم بس محد بطل الباب فقالوا بنسير المستشفى لأنه سعيد ارتفعت حرارته ودايخ وهم عند باركنات المستشفى جافوا راشد ظاهر من السياره خلا الباب مفتوح .
زايد نزل بند السياره وخذا المفتاح وسار صوب الرسبشن يسأل عن أي مريض يقرب لقوم راشد طبعا بعد ما عطالهم إسم اليد الأول والثاني والثالث .
الريال : أخوي عندهم مريضه فالعنايه المركزه .
زايد وسعيد تموا يطالعون بعض فتره وساروا صوب العنايه وجافوا راشد يرمس ويا ريال .
راشد :يعني شو تموت ؟
الريال : يا خوي الحين بنسأل بنك الدم إذا عندهم الفصيله نفسها اللي تحملها إختك .
راشد ) خذا نفس : لا حول ولا قوة إلا بالله .
زايد : راشد .
راشد) صد صوبه : هلا زايد .
زايد : شو بلاك ؟
راشد : الأهل هني .
زايد : إن شاءا لله يقومون بالسلامه .
راشد : آمين .
زايد : بلاك جي معصب ؟
راشد : ولا حد فينا دمه يطابق الدم اللي محتاجينه .
زايد : إنزين بنسير أنا وسعيد .......... يمكن يكون مطابق .
راشد : لا ماعليه الحين بيجوفون بنك الدم .
سعيد ) لا إراديا : لا بنك دم ولا بطيخ نحن بنسير وبنجوف إذا دمنا يطابق دمها .
الريال : يمكن يساعدونا عسب ما نتأخر على المريضه .
وساروا يتأكدون من فصيلة الدم .
حزروا فزروا من دمه يطابق دمها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سعيد دمه يطابق دم الريم .
بعد ماخذوا عنه أربع أكياي دم كان دايخ وما يجوف شي جدامه طاح ووعطوه دوا يستنشقه عسب يقوم ويوم قام .
زايد : شكلك كان واحد سكران .
سعيد وبعده يحس عمره شرات الورقه : أبا أشرب عصير يرتقال .
زايد : بسك شرب كرتونين .
سعيد :ابا الثالث إنزين .
زايد : لا قوم بنسلم وبنسير .
سعيد : أوكي.
وساروا صوب حجرة الريم .
ذياب عرف إنه الدم دم سعيد بس ماخبرالريم عسب تاخذه .
بعد ما سلموا عالكل ............... ذياب خذا سعيد عصوب .
ذياب : سعيد أنا أعرف إنك للحين موب رايم تحط عينك فعينا بس خلاص لازم نستوي ربع حتى لو السبب اللي جمعنا موب حلو .
سعيد : ذياب أنا ماعرف شو نظرة اهلك لي ................
ذياب : سعيد : أنا أرمسك بالسان ابوي وأمي وهلي كلهم ............................... وفاة حميد كانت قضاء وقدر ولو ما كنت إنت بيكون غيرك .
سعيد : من طيب أصلك يا ذياب وولا يهمك .
ذياب : يعني من بعد ما نرد من السفر بتكون عندنا .
سعيد : بخليكم تملون مني .
ذياب : ماعاش اللي يمل منك .
وبعد يومين ظهرت الريم من المستشفى وتزهبوا عسب السفره وفي المطار .
الريم : عمي منو هذاك اللي واقف بعيد مع عبدالله وعمي نافع .
ذياب :سعييد .
الريم : سعيد .
ذياب : هيه سعيد .
الريم : سعيد سعيد ؟
ذياب : هيه سعيد سعيد .
الريم :آآآآآآآآآآه سعيد اللي دعمنا ؟
ذياب : ريام بلاج من الصبح أقولج هيه هو .
وقرب منهم وسلم عالكل وكانت عيونه عالريم .
ذياب : سعيد نحن بنطول فبريطانيا شو رايك تخلص شغلك وتخاوينا ؟
أم سيف : هيه ياوليدي تعال ويانا .
أم الريم : يالله عاد يا سعيد قول هيه ولا تخلي شي فخاطر عمتيا .
سعيد : إن شاء الله يالوالده أول ما بخلص شغلي بييكم .
أم سيف : الله يرضى عليك يا سعيد .
أم الريم : يالله عيل نجوفك عخير .
سعيد : آميين وانتبهوا ععمركم .
الكل : إن شاء الله .
سعيد : عبود إنتبه ععمرك .
عبدالله واااااااااااايد طيب ومحبوب من أي إنسان يجوفه أو يسمعه يرمس .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تكملة آلروآيه
^
^
^
^
الجزء العاشر
ذياب : سعيد نحن بنطول فبريطانيا شو رايك تخلص شغلك وتخاوينا ؟
أم سيف : هيه ياوليدي تعال ويانا .
أم الريم : يالله عاد يا سعيد قول هيه ولا تخلي شي فخاطر عمتيا .
سعيد : إن شاء الله يالوالده أول ما بخلص شغلي بييكم .
أم سيف : الله يرضى عليك يا سعيد .
أم الريم : يالله عيل نجوفك عخير .
سعيد : آميين وانتبهوا ععمركم .
الكل : إن شاء الله .
سعيد : عبود إنتبه ععمرك .
عبيد : أنا طبعا .
عبدالله : لا أنا ........صح سعود ؟؟؟
سعيد ) يظحك : ولا واحد فيكم .
الريم كانت تتقبل تشوفه دقايق وبعدين خاطرها تجتله .
في الدرجه الأولى :
أبو الريم + أبو عبدالله + أبوسيف + عبيد + راشد .
في الدرجه الثانيه :
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك