رواية لاتمثلين احتياجج لي وانتي بحضن غيري مقزرتها -8
مشاري : يما شفيج ويهج تغير من شفتي الرقم
هوازن : هاا ., ., لا يما ماكو شي .,
مشاري : ايييه ., يلا عيل أنا استأذن بروح انام .,
هوازن : نوم العاوفي يما .,
▼
▼
▼
نهاية البارت أتمتى نال أعجابكم ..,
وهاذا البارت اليديد .,
البارت الثالث عشر
أبوي صرخ عليي صرخة : يلا جدامي الغرفة .,
( مسكني من ملابسي ., ودزني بالغرفة ., ودخل عادل وراي وأبوي سكر الباب ., تميت أنا وعادل وأبوي بالغرفة بروحنا ., أبوي مجرم ., قعد يطقني جدام عادل ., ويبي يغصبني أني اتزوجه ., ابوي مو أبو ., حاولت أحرر نفسي ., أبوي حقق مراد عادل ., كان بيذلني , خلاني أنزل بالارض وأبوس ريولة وأترجاه أنا يتركني ., وصار ,حاولت أحرر نفسي من قبضتهم ., بس هالمرة مالقيت جدامي غير دكان راجو ., ركظت ونخشيت عند راجو ., وبعدها .,,,,....... )
.,
راجو : ماما أشواق روحي أنحاش شرطة يجي .,
الظابط يصارخ : يلا جدامي
أشواق ( ماكنت ادري شالسالفة ) : شنو .,
الظابط : ولج عين بعد تقولين شنو ., قاعدة بدكان مروج خمور ومخدرات وتقولين شنو السالفة ., يلا جدامي
أشواق : والله أنا مالي شغل والله مالي شغل .,
الظابط صارخ : قتلج يلا جدامي ., يلا .,
.,
أشواق ( رحت مع الظابط وأنا ليلحيني مادري شنو الذنب الي أرتكبتة ., اي عرفت ذنبي ., ذنبي أني كنت بنت أبوي ., أأأخ يابوي ., شفت وين وصلت عمرك ووصلتني معاك ., ألحين منو بيدري عني ., منو الي بيسأل عني ., وجودي وعدمي واحد )
.,
علي ( وانا أركض بالفريج أدورها ولا أشوف دكان راجو مبطل ومعفوس جنة احد داخل ومكسر كل شي ., لفيت ويهي ولا أشوف سيارة شرطة ., يوم قربت أكثر ولا أشوف راجو داخل السيارة وفي أحد ثاني يما ., يوم حاولت أطل ولا السيارة تحرك ., دشيت سيارتي ولا بسرعه ألحق سيارة الشرطة لي المخفر ., ويوم نزل راجو من السيارة ولا تنزل وراه أشواق ., اي أشواق نزلت من السيارة ., آآخ يقلبي ., أشواق شدخلها بالموضوع ., أبوها وينة ., وأهيا شطيحها مع راجو ., وايد أسئلة كانت في بالي وماكان جدامي الا أني أروح عند بيتهم وأطق الباب ., )
علي : طق طق طق
عادل : ولييه منو بعد ., الحين بتقولي أكيد هاذي أشواق
بو أشواق : سامحني طال عمرك ., وعن أذنك بس بروح أشوف منو على الباب .,
.,
علي ( جخلت بكل قوتي وماوعيت الا وانا معطي أبوها بكس على خشمة من قوتة طاح بالارض )
علي : انت ماتخاف ربك ., أنت ريال ., لا حشى أنت منت ريال ., قولي تدري وين بنتك ., تحجى
بو أشواق : أنت منو ., وشتبي ., وشعرفك في بنتي
عادل طلع مسرع : بو أشواق شصاير
بو اشواق : هاذا ., هاذا الي هرب أشواق .,
عادل : أنا شايفك من قبل
علي : هاذا أنت ., صج أنك ماتستحي على ويهك ., والله البنت لو وراها ظهر جان ماصار فيها الي صار ., أنتوا رياييل ., ياويلكم من الله
بو أشواق يصارخ : وين وديت بنتي تكلم
علي : أنا وين وديتها ولا أنت وين ظيعتها ., بنتك كانت بدكان راجو ., وتدري شصار ., الشرطة طاحت على راجو بالدكان والحين ساحبينة مع بنتك بالمخفر ., والله أنك تستاهل الموت ., انت مالازم تعيش ., الله ينتقم منك
عادل : وانت منو عشان تدعي وداش علينا بدون أحم ولا دستور
علي : أنا واحد من عيال الفريج ., وأشواق نفس أختي ., وأكثر بعد ., بس والله أن صار بأشواق شي ماراح أسامحكم
علي ( بو أشواق قرب مني ودزني برا البيت وأهوة يصارخ ) : يلا يلا جدامي برا البيت لا أدق على الشرطة وأتهمك أنك خاطف بنتي
علي : انا بروح بس لي ردة ., روح شوف بنتك شنو حالها ., خسارة أنك أبوها ., خسارة ( طلعت من بيتهم ورحت عند المخفر ., يمكن هالجم كلمة تصحي ظمير أبوها ويروح يطلعها من الي أهيا فيه ., قعدت أراقب الوضع من بعيد لي بعيد ., )
.,
عادل : يلا جدامي المخفر
بو أشواق : حق شنو المخفر
عادل : خل نروح نطلع بنتك ., شنو ناوي تخيسها بالسجن
بو أشواق : اي خلها تستاهل .,
عادل : يلا أمش جدامي قتلك .,
بوأشواق ( ترى أنا ماهانت علي نفسي أنا بنتي تكون بالمخفر ., بس انا كنت أساير عادل عشان يظن أني واقف معاه مو مع بنتي ., بكل لحظة أفكر بأشواق وانها بالمخفر قلبي يتقطع عليها ., مهما يكون هاذي بنت ., )
.,
( مخفر السالمية وبالتحديد غرفة الظابط )
الظابط : وانتي ماتبين تتحجين وتدافعين عن روحج ., أنتي موتقولين أنج بريئة ., عيل شيابج دكان راجو ماتقولين .,
أشواق ( كنت خايفة أتكلم ., شنو أقولة ., أقولة أبوي سكير ورفيجة حاول يعتدي عليي ., ولا أقولة أني أنحشت ومالقيت ملاذ غير دكان راجو ., ولا بعد أقولة اني كل يوم أشتري الخمر بيدي حق أبوي وربعه وأصبة بقلاصاتهم )
الظابط : شفيج ساكتة ., أنتي ساعديني عشان أساعدج ., راجو يقول أنج مالج شغل بالسالفة ., وأبوج أهوة الي كان يحرضج أنج تييبين له المر صح كلامة ولا لأ .,
أشواق : .....
الظابط : بتتحجين ولا لآ .,
أشواق : ....
الظابط : خلاص أنتي موراضية تتكلمين ., وانا راح أطر أني أنادي العسكري ., عسكري
أشواق : لا عفية ., خلاص أنا بتكلم ., راح أقول كل الي عندي
الظابط : قولي يلا أنا ناطرج
أشواق : واذا أعترفت شنو راح يصير .,
الظابط : أذا اعترفتي أنا لج يد بالموضع راح تدخلين السجن ., بس أذا أدليتي بشهادتج ضد أبوج فأبوج راح نسجنة بتهمة حيازة الخمر
أشواق ( قعدت أفكر للحظة ., أبوي يدش السجن بسبتي ., لا مستحيل أخلي أبوي يدش السجن بسبتي ., أنا لازم أدافع عنه وأبريه من الموضوع ., خلاص أنا حسمت الموضوع )
: أنا الي كنت أتاجر بالخمر ., أبوي مالة شغل
الظابط : أنتي متأكدة ., أنتي ليش تسوين جذي ., ليش بتشيلين التهمة عن أبوج .,
اشواق : أبوي مالة شغل ., أبوي مالة شغل .,
( اي هالكلمة ألي نطقت فيها ., نطقت فيها وانا مومتحسفة ولا لحظة لاني نطقت فيها ., بالعكس قلتها وانا مستانسة ., يمكن السجن بيكون لي أريح ., على الاقل بالسجن أقدر أنام بدون لافكر باليوم الي بعدة ., وأنام بدون لافكر بعادل ونظراته الوصخة ., وانام بدون لافكر بالساعه 1 وهم دكان راجو ., آآآخ ., الحمدالله على كل حال )
.,
...
علي ( قعدت أنطر عند باب المخفر وأنطر وأنطر بالساعات ., شفت أبو اشواق مع رفيجة يدشون المخفر ., اكيد أنهم بيطلعون أشواق ., نطرتهم يطلعون ., أكيد أشواق بتكون معاهم ., وأنصدمت بعد كل هالنطرة أنا أشواق مو معاهم ., )
.,
عادل : هونها وتهون ياخوك ., انا راح اطلع بنتك منها لاتحاتي
بوأشواق ( أول مرة تنزل دمعتي على بنتي ., بس مادري ليش ماكنت أبي عادل يشوفها على خدي ) : أنا السبب بكل الي صار لها
عادل : لاتقول جذي يخوك ., هاذا قدر ومكتوب
بوأشواق : قدر ومكتوب ., أي قدر ومكتوب ., انا الي كنت أطرش بنتي حق دكانة ., وانا الي كنت أخليها توقف وسط رياييل ., أول مرة أحس بقيمتها عندي اول مرة .,
عادل : خلاص يبا قنالك بنتك بتطلع منها ., بس أنت خلها جم شهر خل تتعلم درس .,
بوأشواق : ....
علي ( ركضت عند أبوها استفسر منة ) : عمي شصار على بنتك ., وين أشواق
عادل : أنت منو وشتبي ., أهاا اي انت هذاك الولد .,
علي : أنت مالك شغل محد كلمك .,
بو أشواق : انت السبب ., أكيد أنت بلغتهم عن بنتي
علي : أنت مينون ., يعني لو أنا مبلغهم بقولك روح شوف بنتك .,
عادل : أنا أقول أستريح وأشواق لاتييب طاريها على لسانك ولا ترى أعرف شلون أتعامل وياك
...
محتاج لك ..
ولا ابي منك حاجهـ
محتاج لك ..
لو كنت ماني بـ محتاج
لو قالوا : الضيقه وراها انفراجهـ
ابطيت أدور .. كيف للضيقه افراج ..؟
الله خلـق للداء ... دايم علاجـهـ
وانا || السكـوت || لـ علتي دايم علاج ..!!
( عند هوازن )
هوازن ( مسكت التلفون وقعدت أطالع الرقم ., مادري شلي صار فيني ., أدق على جاسم ولا مادق عليه ., لا لا شنو هالحركات ., بعدين أنا كبرت على سوالف المراهقة هاذي ., أنا أقول بطوف الموضوع وجني ماشفت رقمة ., خل أروح أطل على ثنيان أحسن )
.,
( غرفة ثنيان )
ثنيان : هههههههه ., طلعتي تعرفين تنكتين .,
قمر : عيل شعبالك ., أكيد أعرف أنكت عيل شلون
ثنيان : قمر ممكن أسألج سؤال
قمر : اي أسأل ممكن .,
ثنيان : أنتي ليش عطيتيني كف
قمر : أممم ., ثنيان سكر الموضوع خلاص الموضوع راح وعدى وماحب اتذكرة ., وانا قتلك اني داقة أتأسف منك ., وباجر بالطابور راح أتأسف منك جدام الكل بعد شتبي
ثنيان : لا خلاص مالة داعي جدام الكل ., يكفي انج أتصلتي وسمعتيني صوتج .,
قمر : انزين يلا انا أخليك لاني بروح انام ., تعبانة حيل .,
ثنيان : عيل تصبحين على خير .,
قمر : وانت من هلة .,
.,
هوازن : طق طق طق
ثنيان : منو
هوازن : انا يما ., ممكن أدخل
ثنيان : اي ممكن يما حياج
هوازن : الله يحييك يما ., شفيك ليلحين سهران ماشوفك نمت .,
ثنيان : انا ., اييه كنت أراجع باجر عندي أمتحان قصير
هوازن : امتحان أي مادة
ثنيان : فيزياء
هوازن : شد حيلك يما .,
ثنيان : اي أفا عليج ., بس أنتي أدعيلي ., ...... يماا
هوازن : يعيون امك .,
ثنيان : تتوقعين ممكن في يوم بنت تنعجب فيني
هوازن : ههههه ., اي يما ., ليش شنو ناقصك .,
ثنيان : ناقصتني وايد أشياء يما وايد أشياء
هوازن : مثل ,’
ثنيان : يما يعني شوفي الفرق بيني وبين مشاري ., مشاري حلو وكل البنات يتمنونة ., مجسم وعندة عضلات ., عندة أسلوب حلو ., بسرعه يجذب الناس حوالينة
هوازن : وانت ماعندك كل هاذا
ثنيان : تقصدين العضلات .,
هوازن : هههههه ., غير العضلات ., عندك الاسلوب ., ومنو قال انك مو حلو ., بالعكس أنت أحلى من مشاري
ثنيان : يعني انتي تشوفين جي يما
هوازن : اي ., بس أنت لازم شوي تهتم بنفسك ., شرايك باجر نروح السوق وأنا بنفسي أختار لك الملابس على ذوقي
ثنيان : صار
هوازن : وقول وداعا حق هالبنطرونات الرمادية والكحلية ., الحين الكل يلبس جنزات ., وقمصانك المبكرة والمخططة ستايل قديم
ثنيان : بس يما ملابسي تعبر عن شخصيتي
هوازن : بالعكس طامسة شخصيتك ., وحتى شعرك ., لازم تغير تسريحتة
ثنيان : يعني
هوازن : اييه ., والنظارات بعد تشيلها وتلبس بدالها عدسات طبية
ثنيان : لا يما جذي وايد .,
هوازن : انت طيعني وبتحس نفسك غير ., حتى مشاري راح يغار منك .,
...
( غرفة مشاري )
قمر : وتأسفنا وخلصنة من الموضوع .,
مشاري : شنو يعني تأسفنا ., انا ماقتلج بالتلفون تتأسفين ., انا قتلج جدام العموم بالمدرسة ., انتي ليش تعاندين .,
قمر : مشاري يعني موشرط ., أهوة بنفسة قالي مو شرط تتأسفين مني بالطابور
مشاري : وليييه شوفي انا كلمتي وحدة وماثنيها ., يلا باي
قمر : مشااا ., ....... شفيه هاذا كلة يسكرة ., ماقول الا مالت على هالقلب لمصدي الي ماعشق الا مشاري .,
...
( السكن الجامعي ., بالتحديد غرفة جوان )
جوان ( كنت قاعد أتسبح بالحمام ., وحدي مندمجة مشغلة راشد وقاعد أغني معاه ., على كثر السنين الي عرفتك ماعرفتك زين ., تمنيت أني ماشفتك ولا لحظة ولا شوي ., ...... ولا تقطع آشلي عليي أندماجي وتطق باب الحمام )
أشلي : طق طق طق
جوان : منوو
آشلي : أنا آشلي
جوان : ولييه هاذي شتبي ., مالي خلق ألحين أقعد وأجامل ., ويت جوان شفيج غيرتي كلامج ., شنو أجامل ., خلي الدنيا تمشي ولاتوقفين بطريج أحد ., انتي أكبر من هالتصرفات
آشلي : ARE U TALKING TO ME
جوان : NO NO , I'M TALKING TO MY SELF ,. JUST A MINIT AND I WILL BE THERE
آشلي : OK
.,
جوان ( بعد ماطلعت من الحمام لقيت آشلي قاعدة على فراشي ومنزلة راسها ., أكيد بتكلمني بموضوع جراح بس مستحية مني ., )
: أهلا وسهلا
آشلي : أهلا بك ., جوان لماذا رحلتي بسرعه بعد أنتهاء المحاضرة
جوان : لا لاشيء ., كنت فقط
آشلي : جوان ., أنت تعرفين لماذا أنا هنا صحيح
جوان : لا ., لماذا .,
آشلي : هل تتذكرين الليلة الماضية .,
جوان : لا ماذا حدث
آشلي : لقد شربت كثيرا ., ولكني متأكدة بأنك تتذكرين ماذا حدث ., أني هنا لكي أتكلم معك بموضوع جراح
جوان : آشلي ., أسمعيني ياحبيبتي الى أن أنهي كلامي
أشلي نزلت راسها والدمعه بعينها : حسناً
جوان : أسمعيني جيدا آشلي ., أنا لاانكر بأني أحببت جراح ., ولكن جراح لم يكن يبادلني نفس الشعور ., انه ليس قدري بأن أكون مع جراح بل قدرك أنت ., ولهاذا السبب اني لست حزينة ولن أحقد عليك أو على جراح ., علاقتكما يجب أن تستمر ., وحبكما سوف يكبر مع الايام .., هههه وبعدها سوف تتزوجون وتؤسسون أسرة
آشلي : ههههه .,
جوان : أنني صادقة بما أقول آشلي
آشلي : ولكني أخبرت جراح بأني لن أكمل علاقتي به بدون علمك أو رضاك
جوان : وانا أقولها لك ., حافظي على جراح ولا تضيعيه من يديك ., جراح يحبك كثيرا ., ولاتدرين أين قدري سيأخذني .,
آشلي : جوان أحبك كثيرا ., لم أحظى بأخت من امي ولكنك أختي التي لم تلدها أمي .,
جوان : حبيبتي والله
( أنا قلت هالكلام بس عشان أرضي ظميري ., بس من داخلي كنت أتقطع قطعه قطعه ., ومحد كان حاس فيني ., محد يدري شلي بقلبي ., كتمت حبي حق جراح وخليتة بيني وبين نفسي ., وأكيد مع الأيام راح أنسى جراح ., جراح باقيبة سنة ويتخرج ويرجع الكويت ., وانا بهالفترة ماراح أهتم الا بدراستي ., وأكيد الدراسة راح تنسيني جراح ., والله يوفقة أهوة وآشلي )
...
تجرعت الألم | يمهـ | شربته بـ ( أول ) سنيني
وجيتك ما بغيت انك تحسي مر لوعاتي
اضّحك هم دمعاتي .. واطمن خوف يحويني
واجر بـ ( صوتي ) العالي لاجل عينيك ضحكاتي
ولكن لو نجي للجد ... ترى كذبي مأذيني
ما عاد استحمل العيشه بـ ( تزيفي ) لـ ( فرحاتي )
ضلوعي تزاحمت | يمهـ | بـ ( صدرٍ ) ما يكفيني
من الضيقه، من همومي، من آلامي، وآهاتي
انا بس بـ اسألك | يمهـ | حقيقه ليه ولدتيني ... ؟؟
بنفس اللحظه يا | يمهـ | ولدتي ليه وناتي ...؟؟
علي ( رجعت البيت وأنا متحطم ., حطيت راسي على المخدة بس مايالي النوم ., شلون تغمض لي عين وأشواق بالسجن ., حق منو بشكي ., حق منو بقول ., آآخ ياقلبي ., الله ينتقم من الي كان السبب ., حاولت أنام ., قعدت أتقلب بلفراش يمين ويسار بدون جدوى ., أدخلت أمي الغرفة تقعدني عشان أصلي الفجر ., شافتني قاعد أستغربت ., )
ام علي : يما علي شمقعدك لي هالحزة
علي : ماياني النوم يما
أم علي : علي أنت قاعد تبجي
علي ( بدون لاحس قطيت راسي بحضن أمي وقعدت أبجي نفس اليهال ., حسيت براجه نفسية وانا بحظنها ., وقعدت أفكر بأشواق ., بهاللحظة بحضن منو بتقط راسها ., وزدت بالبجي ., امي أول مرة تشوفني جذي مكسور ., ماقدرت أقولها شلي فيني )
أم علي : يما علي شفيك شصاير ., ليش قاعد تبجي
علي : مادري يما ., بس أحس أني مقموت ومتظايق .,
ام علي : عين ماصلت على النبي ., قوم أشرب ماي يما لاتسوي بروحك جذي
علي : يما آنا تعبان أحس أني بموت
ام علي : أسم الله عليك يما ., ليش تقول جذي ., يعل يومي قبل يومك.,
علي : لج طولت العمر يما .,
ام علي : يما مايصير جذي تبجي بدون سبب ., قولي شنو الي مظايقك طلع الي بقلبك
علي ( شقولج يما ., أقولج أشواق بالسجن ., أقولج أني احبها ., شنو بتردين عليي ., وانتي قبل يومين تذمين فيها ومابقى كلمة ماقطيتيها عليها ., خليها على الله يما ., خليها على الله )
ام علي : يما أستهدي بالله وصل ركعتين وأنشاءالله ترتاح .,
علي : انشاءالله يما ., الله كريم .,
.,
البارت الرابع عشر
.,
( مخفر السالمية ., بالتحديد السجن الي قاعدة فيه أشواق )
أشواق ( هاذي أول ليلة لي بالسجن ., كنت حيل مرعوبة ., الحريم منيه أشكال وألوان ., الي داخلة بقضية قتل ., والي داخلة بقضية حيازة المخدرات ., والي داخلة بقضية تهريب ., وبلاوي الدنيا ., عطوني اللبس الرسمي مال السجن ., ودخلوني زنزانتي ., البنت الي كانت معاي بالزنزانة مبين عليها حيل ذربة ., بس شكلها داخلة بحالة نفسية صعبة ., أشوفها طاوية جسمها وقاعدة بالزاوية وتون ., قربت منها بشوف شعلتها ولا تدزني وتصارخ ., قلت خل أرد مكاني احسلي ., )
أشواق : يارب عد هالليلة على خير .,
...
.,
ام فيصل : أقول مهاوي تشوفين الي انا قاعد أشوفة
مها : اي قاعد أشوف الي أنتي قاعد تشوفينة .,
ام فيصل : وتتوقعين شنو تهمتها ., ياترى ذابحتلها بعد واحد
مها : هههههههه ., من صجج , قالولج أم فيصل
ام فيصل : اقول مهوي عن الغلط ., ترى الحين أفرك قمتج بالقاع .,
مها : الا عيالج ليلحين ماكلموج ولا زاروج
ام فيصل : منو تقصدين فيصل ولا فهد ., انتي من صجج ., عقب ماذبحت أبوهم تبينهم يرفعون السماعه ويكلموني
مها : صج تعالي عيالج ليش مابلغوا عليج أنج ذابحة أبوهم ., وشلون مامسكوا عليج دليل
ام فيصل : لاني ذكية ., ماخلفت وراي دليل ., أنا قطيت السالفة على أفى الخدامة وخليت بصماتها على السجين ., والسفارة مالتها تصرفوا معاها .,
مها : وبعدها صادوج وأنتي تتاجرين بالمخدرات ., الله مايطق بعصى
ام فيصل : عرفتي ليش عيالي ماسألوا عني
مها : وييه كيفهم أهم الخسرانين .,
ام فيصل : تتوقعين شنو الدنيا فيها الحين .,
مها : أنتي غلطانة ومليون غلطانة بتصرفج بصراحه ماكان لازم تتصرفين بهالطريقة .,
ام فيصل : كنت صغيرة وطايشة ., خليها على الله .,
مها : شرايج نروح نشوف شنو سالفة هالبنت
.,
...
أشواق ( أدري بتظحكون وبتقولون هاذي صج عليها مزاج موطبيعي بس أنا جذي طبعي أذا تظايقت أغني ., وانا أغنى ولا أشوف ثنيتن واقفين جبالي ومندمجين بصوتي )
: ( اه كان وهم وعشت فيه
صدقته وعيشني بيه
كان يكدب علي قلبي واحس
واشوف ده في عنيه
كان نفسي لوحده يوم
يعرف يفوق
ويحس وحده ان الحياه
هي انا
انا بالنسباله
كنت حنيين وشوق
مش سهله بعدي يلاقي وحده يحبها
م الاول كنت حاسه
كنت شاكه انه كده
وانا عمري ما جه في بالي
أصبر عليه بالشكل ده
كان نفسي لوحده يوم
يعرف يفوق
ويحس وحده ان الحياه
هي انا
انا بالنسباله
كنت حنيين وشوق
مش سهله بعدي يلاقي وحده يحبها
)
مها تصفق : براااافووو ., ماشاءالله عليج صوت موطبيعي
أشواق ., : مشكورة من ذوقج
ام فيصل : صوتج حلو حيل يذكرني بالأيام الخوالي ., كنت أوقف عند الدريشة وأغني
أشواق : صج ., سمعيني صوتج .,
مها : هههه ., من صجج راحت عليها ., من الزقاير الي تلطها تغيرت صوتها ., صوتها وصوت راجو واحد
أشواق : هههههه ., ظحكتوني والله وانا حدي مالي خلق أظحك .,
ام فيصل : ظحكي يما ., ظحكي ., الدنيا ماتسوى ., لاتشيلين هم هالدنيا ., عيشي يومج بيومة
أشواق : ايييه ., الدنيا صج ماتسوى ., بس على شنو تبيني اظحك ., اظحك على حظي الغبر .,
ام فيصل : يما ماعرفيتنا بأسمج .,
اشواق ( ترددت أقولهم أسمي ., قلت خل اجذب عليهم ) : أنا أسمي أنوار
ام فيصل : عاشت الاسامي .,
اشواق : عاشت أيامج ., وانتوا ماعرفتوني عليكم
مها : أنا مها ,, ويسموني متهاهة السجن
ام فيصل : وانا أم فيصل ويسموني دقمة السجن
أشواق : ههههه .,
مها : الا أنتي جم عمرج ., وليش دشيتي السجن ., شكلج صغيرة يعني
أشواق ( حسيت بالدمعه متعلقة بطرف عيني ) : أنا .. أنا عمري 18
أم فيصل ومها شهقوا : 18 ., وشنو الجرم الي سويتيه .,
أشواق : طاحول علي وانا بدكان يصدرون خمور محلية
مها : يعني أنتي تتاجرين بالخمور
أشواق : لا السالفة مو جذي ., أنا شلت التهمة عن أبوي
ام فيصل : وليش , انتي غبية ., تظيعين عمرج بالسجن ., ليش ظيعتي شبابج بيدج
أشواق : انتوا ماتدرون شنو العيشة الي أنا عايشتها ., السجن أرحم لي بمليون مرة ., أبوي كل يوم سكران ., وربعه كل يوم يدشون بيتنا ., تخيلوا أبوي يخليني أقعد وسط رياييل وأغني لهم ., وجم مرة رفيج أبوي يحاول يعتدي علي وأبوي راضي ., كل شي برضى أبوي .,
مها : هاذا أبووه ., لاحشى مو أبو
ام فيصل : انزين وشسالفة الدكان .,
أشواق : كل يوم أبوي يطرشني دكان راجو براس العاير ويخليني أشتريلة بطول خمر ., وبهاليوم الي اهوة اليوم بالظبط ., عادل قرر يتزوجني وكالقيت حل ألا أني أطلع برا البيت وأتخبى عند راجو ., وطاحوا الشرطة علينا ., وصار الي صار
أم فيصل قربت من أشواق ولمتها : تعالي حبيبتي ., والله ماتستاهلين تكونين بحضن أبوج ., حياتي انتي .,
أشواق ( آآخ ., مادري ليش حسيت بحضنها الدافي ., حسيت بشعور غريب وانا بين أيدها ., شعور اول مرة أحسة ., أيييه عرفت هالشعور ., شعور حب وحنان ., شعور شوق ووله ., حسيت أنها نفس أمي ., تذكرت آخر مرة حظنتني فيها أمي يوم كان عمري 3 سنين وبعدها فارقتنا ., وهالصورة ماتنشال من بالي ., بس صورة أمي تشوهت بعيوني ., الشي الوحيد ألي أتذكرة حضنها الدافي ., )
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك