رواية اعذريني يا غرام لو حصل مني قصور -2
ام ساره:ساره يابنتي ليه ماتبينه هذا ثالث واحد ترفضينه واناامك موب زين كذا الناس تشك فيك بعدين وغير ذا الرجال الي جوك كلهم ينضرب ابهم المثل ....وش قلتي
:يا ماما انا ماني مستعده للزواج
:ليه طيب اشرحيلي عشان افهمك
:مدري مدري
:انا خبرتك وبس غير ذا ابوك يتصرف
وخرجت من بنتها وهي متضايقه
انتهى راشد من عمله بدري واستغل الفرصه في الروحه للاحياء الي ذكرها ابو متعب صديق حيااته والي مايستغني عنه نهااائيا في اموره الداخليه والخارجيه.. ويشتغل معه في نفس المستشفى ..دكاتره معروفين في البلد..درسو مع بعض وتخرجوا مع بعض ودخلو الجامعه وتوظفوا مع بعض...علاقتهم مره كبيره
حرك سيااارته متجه نحو الظفه الجنوبيه قاصد
..
..
..
قرية الرعيل
الجده : حطي الكلام حلقه باذونك يالارا
لارا ارتبكت وشعرت بعظم الموضوع الي بتحمله لها جدتها :تفضلي
الجده تنهدت وغمظت عيونها ثم افتحتهم وبدت تسرد القصه على لارا
: في بدايه الامر يالارا هو طلوعك على الحياة خرجتي كأنك بدر ..خرجتي وانتي الي الكل منتظرك ..خرجتي وكلك حلاوه ورقه ونعومه ..سحرتي الكل بجمالك وعفتك ودلعك الرباني الي الكل يحسدك عليه
ولدتك امك وقضى الله انها تموت في ولادتها لك
دمعت عين لارا : ايوه
الجده : خذ الله منيتها...وعندك اخوان اثنين يحبووك مرررره
لارا استانست وبدت تنهمر دموعها: صدددددق فينهم ياماما
: خذتهم الدنيا يالارا
الي حصل بعد ماتوفت امك اخذك ابوك واخوانك وبعد فتره جابك ابوك لي وكان يصاايح علي ويصرخ ويقول كلام ماكنت جنبه انا كنت ماسكتك بعد ماحذفك علي
الفصل الثالث :::
انصدمت لارا وحقدت على ابوها الي ماتذكر منه شي نهاائي:ليييه يعمل كذا
الجده: والله يالارا انا زيي زيك مدري وشو الي خلاه يعمل كذا..والأدها من ذا.. الي حصل بعده جا جدك الي هو ابو عيالي
بدت تنهمر دمووع الجده:عيالي الي حرمني منهم حسبي الله ونعم الوكيل
جاني وقالي كلام مايقوله العدو لعدوه سمعني حكي مايرضي رب العالمين مدري شنو سببه والكلمه الي مانسيتها الى الان لما قالي (( " الحب يطلع من بذره " انا وش يظمنلي انك مانتي بنفس بنتك ياالوااطيه))
بعده حياتي اصبحت جحيم طردني برا البيت واخذتك معي وقعدت عند جارتي وانصدمت اكثر بورقت طلاقي تجيني بعد العمر ذا كله يصير بي كذا ماقدرت اصبر حاولت اضرب الباب عليه ماكان يرد علي وحابس عيالي حشااشت جوفي عنده بدر وعبدالله عنده
انصدمت اكثر لما ضربت الباب مره عليه ابي عيالي لاني ماقدرت انام بليل من شوقي لهم
فتحلي الباب رجل وقالي والا اقول صدمني صدمت حياتي الي مابعد صدمت بها؛البيت انباع !؟!؟!؟
حسيت ان ابواب الدنيا هذي كلهاا تسكرت بوشي
ماقصر جارنا بحث عنه ودوره بكل مكان بس للاسف السفاره اذكرت له انه مسافر مع عياله وسعلته فين بس يقولون ماهوب مذكور مدري كيف؟
واكتشفت بعد فتره من وحدتن تجيني وتواسيني الي هي ام صلاح ماخلا منها الي وقفت معي بكل صغيره وكبيره قالتلي ان في ريحة خبر انه بامريكا وفي ذاك الوقت عيالي اعمارهم بدر 16سنه وعبدالله 11 سنه وسيطر عليهم ابوهم واخذهم معه
حياتي اصبحت جحيم صرت كأني مجنونه ماحس بحاجه وقمت اتخيل عيالي بكل مكان بالبيت وماقدرت اجلس اكثر من كذا اشترالنا بيت صغير على قدنا جارنا الله يذكره بالخير ويوفقه وين ماكان
انا وياكي وعشت ونسيت غصبن علي يابنتي
وهذي هي القصه كلها ...ربيتك وعشتي معي اكثر من عيالي وانتي بنتي الثانيه بحثت عن ابوك واخوانك انشقت الارض وبلعتهم الكل يقول ماالهم اثر بالمره هنا وام صلاح لا تلوميني بحبها الي احيانا تترك بيتها بالايام وتجلس تهرجني وتواسيني
لارا بكت بحظن جدتها وحست شقد جدتها تعاني اكثر منها : الله يطولي بعمرك يالغاليه
:امين ويحفظك يابنتي......بنتي تشمي ريحة حراق
قومي شوفي المطبخ به حاجه
قامت لارا وركضت للمطبخ وشافت مابه حاجه
:ماما مابه شي
الجده :اجل اظنه جيرانا سانديني خليني اشوفهم
ساندت لارا جدتها وخرجو يناظروا ايش الي حاصل
ناظرو يمين وشمال و اكتشفو ان بيت ام صلاح صديقة ام بدر الي هي جده لارا يحترق
الجده :يااااااويلي على وخيييتي ودييني ودييني وانااا امك لها
ارتبكت لارا وبتبكي لانها تعرف محبة جدتها لام صلاح :ماما ان شاءالله مايصير مكروه لهم انا بروح اتطمن عليهم وانتي انتظريني هنا
ام بدر: لا والله ماتروحين الا رجلي على رجلك
توهقت لارا ماتدري كيف تتصرف وماحست الا بالبووري الي يضرب التفتت له واستغربت كيف سياااره تجي هنا :؟؟
ام بدر:ياالله يامي وديني
لارا وهي مفهيه من الصدمه والسياره الي تشوفها ركنت عند بيتهم والرجل الي يسكر سيارته بينزل منها وكيف رزته وهيبته الي تشوفها واللي خلقت الرهبه في الحي.....
نزل وفهت زياده على عرض اكتافه وطوله الباهر وهيبته الي خلت لارا تربط لسانها من الصدمه وتيبست ايديها وريحة عطره الي خلقت الرعب والهيبه والحترام الاجباري وفرض الشخصيه لهالانسان
كيف وااحد بهالمستوى يجي هنا حست بشي مخيف حست ان في شي صاير
تقدم رااشد بهيبته :السلام عليكم
لارا استحت على روحها لمن قرب ونزلت راسها
الجده:وعليكم السلام يا اولدي
راشد:اهلين ياخاله عسا ماشر قاعده لوحدك برا البيت
لارا انقهرت وفي قلبها الله ياخذه مايشوفني يقول لوحدك ياعل عيونك البط
الجده حست انه نشمي ورجل اجودي:اااه ياوليدي ام صلاح ام صلااح الحق عليها بيتها يحترق
رفع راشد راسه انتبه للحريق: ان شاءالله ياخاله ابشري مايحصلهم مكروه
لاشعوري قط غترته ورفع ثوبه استعدادا لدخول المنزل ونزل الي بمخباته كله ولفه كله بالغتره بوكه وبطاقاته ومفتاح سيارته وجواله وجميع ممتلكاته ونسى ان سيارته موجوده تقدم للارا
لارا وقف قلبها من الخوف ايا الخسيس مايشوف امي واقفه فعلا قليل ادب وكانت منزله راسها الي حد فظيع
مد الغتره وماافيها:لوسمحتي
لارا لاول مره ترفع راسها قداامه:نعم
راشد ...........نسى ايش يقول
يالله ايش اللعنه هذي... معقول في نااس بهالجمال هذا وهو مايشوف الا عيونها كاانت ذباااحه بشكل يفهي فيه الواحد..... عيونهاا لونها اخضر نيلي فيها تموج خلاب وحاجبها مشدود الى حد الصفاء والنقاء الي اعطى مساحة العين ساحره غير الرمووش الي يبحلق فيهم من كثافتهم والتفافهم وكيف كانت ترمش بقوه من الارتباك
راشد ارتبك وحس بقشعريره...
انا الي مايهزني ملاك تجي هذي تهزني وتبهدلني كذا
مد يده
ومدت لارا يدها وهي ناسيه وجود جدتها مدت يدها وهي مخدره حست انها انحصرت بعالم يخلو من الجماد والحي
بلمت من روعة ماتشووف
ايش هالرجال الي اشوفه
يااربي موب طبيعي ذا الجسم روعه والطول اروع غير كثافة الشعر ونعومته وسواده الخلاب وكيف نزل من شعره على وجهه لمن نزل غترته غير عيونه الي يبحر الجمال فيها وسماره الجذاب الي زاد هيبته
تبلمت من جمااله
مدت يدها واخذت الغتره والاغراض الي فيها
راشد نزل راسه:خليهم عندك بروح اشوف الحريق ,,,,قالها بأمر
لارا وهي مرتبكه ومنقهره من اسلوبه : طيب
تركهم راشد وراح يهرول تقريبا للحريق
الجده:لارا دخلي اغراض الرجال داخل لحد يشوفهم معك
حست لارا على نفسها:طيب
دخلت لارا وحطت اغراض راشد في غرفتها لانها اول غرفه في المنزل وفيها فضول تبي تعرف ايش اسمه ومين يكون
فتحت غترته وشافت بطاقته الشخصيه
خافت وهي تشوف صورته كان يمتلك هيبه تبهر الخلق كان قمه في الرونق
شهقت لارا من الاسم الي تشوفه
لا لا لا مومعقوله
ايش جابه هنا هذا معقوله يعرف حد هنا
سكنه الرياض وجاي هنا
راشد فارس الحاجف
نست لارا روحها وهي تشوف اغراضه وممتلكاته حست بخووف شديد حست انه يناظرها سكرت كل شي وبتقوم
ارهبها صوت الجواال يرن
اختبصت لارا
و تركته وخرجت برا تبي تشوف جدتها تأخرت عليها
لمياء يدق جوالها وكانت قاعده بالصاله عند امها وابوها
ابتسمت وردت على طووول
:ياااااهلين ومرحبتييين بك
:هلابك زوود.....ها يالبطه وينك من زمااان عنك
:اممممم ها سمعت يابابا
وفتحت السبيكىر : قل قل مره ثانيه
:علامك انتي اقول ليه ماتجينا
ابو لمياء:هههههههههههههه ياخي مصختها كل يوم رازه وشها عندكم
فيصل: احلا وش بحياتي وشو الي مصختها هذا بيتها الثاني والا يابو بدر
:صادق يالغالي ,,,,ولايهمك اجيبها لك اليوم
:لالالا انا بمرها والا وش رايك لموو
:احلا فكره قلتها,,,,هياااااا.....طيب متى متى بسرعه
:ههههه علامك مطيوره مسافه الطريق وانا عندك
:خلاص يلا باي
:فمان الله
خرجت لارا من البيت وناظرت يمين يسار ماحصلت جدتها
يااربي وين راحت خافت يالله وينها وينها
دق قلب لارا و حست باحد من وراها ظل احد يمشي ووقف فجأه وراها
ثلج قلب لارا من الرعب
راشد تنحنح: احم احم اختي
لارا خافت ووقفت معطيته ظهرها من الخوف بلمت ماتدري ايش تقول
راشد تلعثم مايدري كيف يقولها:اختي الله يعافيك امشي معي
لارا وقف قلبها من الخوف ولفت عليه معصبه: ااااااااااايش !!!......
انت ايش شايف نفسك عشان امشي معك شايفني من بنات الشوارع والا ماني بنت ناس محترمه
انصدم راشد من ردت فعلها وتنرفز وعصب بنفس الوقت,, :ايش الي جاب طاري الاحترام والحشمه اللحين
,,,تعالي بوريك حاجه ضروريه والا تبين تقعدين في البيت بروحك هذا شي ثاني بعد
لارا من الربكه حست انها بتدوخ: ااااا وين جدتي شسويت فيها
راشد تبلم من رقتها حتى وهي تبكي روعه عيونها زاد جمالها جماال
احتقر نفسه راشد لانه حس انها لعنه سحرته وسيطرت عليه :جدتك تطلبك الحل
لارا طاحت ,,,,من الصدمه.... وهذا اخر شي تذكره بعد اغمائها
راشد مايدري كيف يتصرف اول مره يصير معه كذا حس انه بايخ اذا تركها كره روحه بأنه قالها....الوقت موب مناسب مره مامهد لها الموضوع....
تذكر ان مفتاح السياره واغراضه اعطااه البنت اللي طايحه قدامه
شالها ودخلها البيت وتركها بالصاله ومايدري ايش يعمل
حس انه متوهق مايدل بالبيت شي
راح يفتح كل غرفه تجي قدامه
واخيرا حصل على المطبخ ودخل وشاف كيف المطبخ جدا بسيط
اتجه للدرج وفتحه والحمدلله حصل الكاسات فتح الثلاجه وحصل على جره مويه صب كاسه واتجه للصاله
ارتبك و.....
نسا اصلا من الربكه كيف يكشف عليها اول مره يرتبك كذا خايف
خايف منها اذا درت انه كاشف عليها معنه جائز للحالات ذي
قال في قلبه مافيها مشاورات البنت بتموت وانا اشاور روحي
قرب عندها ومسك اديها ورفعها على فخذه وصار راسها على صدره وتقريبا قاعده بحظنه
سما بالرحمن وكشف وجهها
وصد بسرعه ......من هوووووووول مااااشااااف
حس انه مووقادر يسيطر على نفسه وانصدم بالملاك الي بحظنه
استغفر ربه وغمظ عينه قلبه يضرب موب قادر يمسكه......
قام وتركها
خرج برا البيت نهائيا
قلبه ينبض ويده ترجف وعيونه ترمش بسرعه.....
صادف عبدالله ولد الجيران
عبدالله يبلغ 29 عام
راشدفي نفسه :مافي الا ذا لازم احاكيه
تقدم راشد من لانه كان يمشي بالشارع متجه للمسجد
راشد:لوسمحت ياأخ
لف عبدالله:هلا اخوي امر
:ممكن اخذ من وقتك شوي
عبدالله التفت لراشد:آمر يالشيخ
راشد :مايامر عليك ظالم امش معي وانا اخبرك
:طيب مشينا
راشد:ميخالف انا قصتي قصه ابيك تجي هنا بالبيت ذا
عبدالله استغرب لانه يعرف صاحبة البيت
:انت ساكن هنا
ارتبك راشد وحس انه بورطه
:امممم دش معي وانا بخبرك الموضوع كله لاني انا براسي متوهق
:خلاص تم يااا
: راشد
:حياك الله ياراشد انا عبدالله
ابتسم راشد:والله اني ارتحتلك من ناظرتك
عبدالله:الله يجزاك خير ماتقصريالغالي
دخل عبدالله مع راشد البيت وراشد يحاتي الي داخل البنت خايف صايرلها شي لاسمح الله
حكا راشد لعبدالله عن قصته
وعبدالله ارحمه واعطاه جواله قاله خله معك لحد ماتلقا اغراضك وانا اوصلك للمكان الي تبي
راشد:ماتقصر يالغالي رايتك بيضا انا بس بدق على صديقي وهو بيجيني
:تزعلني منك كذا
:صدقني الامر الي انا فيه صعب وهو الوحيد الي يعرفلي
: طيب خلاص خذ راحتك
:ماتقصر
عبدالله:انا بطلع برا لان الوالده تبيني ..الجوال خله معك وبيتنا الي امامك طوالي ...فقط اضرب الباب وقول عطو ذا عبدالله وبالله عليك ماترجعه الا اذا انتهيت تماما من مووضوعك لو بعد سنه طيب
:الله يجزاك خير ماخلا منك والله ماأنساها لك
:ماسوينا شي ياراشد
خرج عبدالله
واتصل راشد على سالم
:مرحبا... مين معي؟
:هلابك بومتعب معك راشد
:هلا والله فيك
:ابو متعب ابيك بخدمه ولاعليك كلافه
اول انت بالمستشفى والا
:والله طالع بس آمر
(قاله عن كل شي صارله)
: من صدقك انت !! ياااللله الله يعينك خلاص خلاص انا اللحين جايك
:الله يحفظك ماتقصر
:اجمعين يلا فمان الله
: مع السلامه بنتظارك
جلس راشد خارج البيت ينتظر سالم
لمياء:ماما اقنعيه والله انها مناسبه له مره غير ذا بتعجبه جمال ورزه وادب واخلاق ايش يبي اكثر
ام بدر:والله مدري يابنتي الله يعينا على اخوك ذا مافي اعند منه بحاكيه واشوف
:طيب
اتجهت ام رائد لغرفة رائد
ضربت الباب وماانتظرت رد دخلت
:ناايم؟
قعد رائد بعد ماكان مغطي نفسه بالغطا تماما ومنسدح
:حيااااكي ماني نايم بس اهيئ روحي للنوم
:اجل بكلمك عن موضوع
:اذا زواج لوسمحتي من دون لا احرجك مع الناس لااااااااااا
:طيب هي بنت اخلاااا
قاطعها: شوفي لوتجيبيلي ملكة جمال العالم واخلاق وادب مابيييهاااااااااا غصب هو ياامي خلاص ارحمو نفسكم انا مابي اتزوج خلاااص انسوني دورو لخالد
:خالد ماهوناوي يتزوج الا بعدك
:اجل مانه متزوج اذا بينتظرني
:يااولي اسمع كلامي هالمره
:ياامي لاتحنين انا اقول لاااا نووو سوووري اااسف ايش بعد اقوول عشان تفهموني
:الله يصلحك ويهديك
خرجت ام رائد وهي معصبه منه
وصل سالم لراشد بعد ماوصفله المكان
لقا راشد برا وواضح انه قاعد برا مادخل البيت
ركن على جنب ونزل
:السلام عليكم
راشد:وعليكم السلاااام هلابك بومتعب
:حييت....بتنقلها والا
:مدري....محتار
:ايش الي محتار تنتظرها تموووت على حساابك
:شورك وهداية الله
دخل راشد المنزل غطاها بعباتها وشالها وطلع
ركبها بالخلف وهو ركب بالمقعد الامامي مع سالم
حركو......................ووصلو بعد صمت وطريق طويييل الى المستشفى
دخلوها الملاحظه وكشفوا عليها وراشد رفض يكشف عليها هو او اي دكتور غيره وطلب دكتوره رهام كانت محترمه جدا مصريه الجنسيه ...فطلبها تكشف على لارا
بعد ساعه انتظار,,,,,الدكتوره رهام خرجت من الملاحظه : دكتور راشد
:نعم دكتوره بشري
:الحمدلله صحتها تمام التمام بس عوزالها شوية وأت عشان تحكي وترد عافيتها...
:يعطيك العافيه دكتوره
لف على سالم الي كان جالس وقام بعد ماانتهى راشد من حديثه
سالم:بشر
:تقول الحمدلله تمام عاد اللحين شنسوي فيها انا بصراحه مره متوهقق فيها
:اول ماتصحى ودها بيتها
:صااااد ......... وسكت فجأه
:ايش فيك
راشد:تذكر لما كلمتك عن جدتها انها موصيتني عليها ...مدري ليه انا بالذات مبتلش بحياتي اهلي من جهه والناس من جهه
:هونها وتهون يالغالي وماعليك لاتحاتي شي اذا صحت لكل حادث حديث اللحين امش معي البيت مسويلك ذاك الشاهي الي يحبه قلبك
:هههه الله يخليك لي يابومتعب
:ولو ماعملنا شييي هههه
ضرب راشد سالم مع كتفه يمزح: ههههههه
الفصل الرابع :::
فيصل:يما وين راشد
ام راشد تغمز لفيصل
وفيصل بالموت انتبه
عبس فيصل وكشر:ايييي هلا هلا خالتي كيفك
ام فهد بغرور:هلابك انت كيفك
:انا بخير من شفتك
ضحكت ام راشد دليل انها تفشلت من ولدها الي بدا المعركة:هههههه ..... الا ماقلتيلي ياروان كيفك مع الجامعه
روان وهي رافعه خشمها ورجل على رجل والشيله ماليتها سترااات والكعب العود الي يخرق الاذان كانت مره مره كاشخه كشخه رهيييبه غير العباية المخصره وماتغطي وشها عند عيال خالاتها (( لعل وعسا ))!
:تمام
:حبيبتي روحي فوق عند لمياء تلقيها تنتظرك
:هي عندكم اليوم؟
:ايوه عندنا نزلها السايق عندنا
:اها ....لا مالي مزاج ارقا فوق
فيصل حاط يده على خصره ولابس قميص مفتوح من الصدر كحلي مموج ببيج مخصر وثلاث ارباع وبرموده بيج ومطير شعره وشكله مررررررره كووول وخطير
:انا الي جايب لمو موب السايق ...وبعدين انتي لايكون بس عجزتي ياحراااام ويييييككككككك الله يعينك الظاهر من كعبك الي تقولي طول نخله كآآآآآآآآآآآآآآآآآآآآآك
روااان غاااصت من الفشيله(والله ماخليه يشتمني انا اورييييه):افضل من الي يتغزل بالظهرااان مع ربعه
فيصل كللللش موراعي مغازل ومايدري من وين جايبه السالفه:اااااااااااايش مين الي بالظهران..الظاهر رجلك اثرت على عينك كمان يبغالك كشف نظر,,,, ياااحراااام كلك مسكربه ..لازم نجددك
:اقول بس روح وراك
:ايييش ....! مين تحاكي......؟؟ انتي......(اشر عليها بقرف) ,,,,,, ترااكي شايفه نفسك كثيير مدري على ايش على جمالك الخلاب والا على حسن اخلاقك ادناتك كرديه
ام راشد:ببببببببببببببببس فيصل روح لغرفتك ......خلاااص عااد,,,,, وبعدين معكم بزران نفرق بينكم
فيصل:انا اصلا طالع
خرج فيصل من البيت وصادف راشد نازل من سيارة سالم.. ومعه سالم
جا ناحية سالم :مرحبااابك يالغالي كيفك وييينك من زمان عنك
سالم:هلابك زود والله لاهين مع المستشفى مره مشغلتنا
: دامك صديق راشد عليك السلام انا اخوه ماشوفه الا مره...... بالسنه حسنه يطل علينا
رااشد:لا تبالغ عاد شينت صورتي عند صديقي
فيصل:على فكره شينة الحلايا داخل بانتظارك على سنقت عشره
راشد فز :يااااااااااااااابعد قلبي ياعلني ماخلا منها حراااام عليك ذي ملاكي وينها و وين الشين
دخل راشد من دون لايكمله فيصل
فيصل منصدم:هذا من صدقه من متى الحب...يالله يمكنها خيره لهم الله يوفقه
....."وهو للحين مفهي من الصدمه"
لان الدارج عندهم انه مايحب حتى طاريها(روان الي هي خطيبته......خطبها ابوه له دون مشااوره لانها بنظر ابوه البنت صاحبة السنع والاخلاق والجمال......كله ذا تصنع قدام ابو راشد وامها تمدح فيها مع زيادة ملح وبهارات على الموضوع.. وهو مصدقهم !!)
سالم:ههههههههههههههه مين تقصد يالدااج
:رواانووو
:اها .....الظاهر فهمك غلط
:مدري والله عالعموم انا بمشي تامر بشي
:سلامتك بس انتظر البرنسيس يلبس ويجي
:ههههه الله يعينك عاد اهم شي عند راشد الاناقه والشيااكه بس فيه عيب مااايعطي حد وجه بالمره
:هههههههههههه والله انك صادق ..اشواله
:يالله فمان الله
:ماتشوف شر
راشد دخل البيت
وعلى الصاله طوالي
مبتسم:يااااهلا وياااااا...............
كانت الصدمه.............. عبس وجهه وحس انها صعبه يرجع بعد ماشافوه
:كيفك ياخالتي
قامت ام روان وجت لزقت فيه :ياااهلا فيك ياوليدي انت كيفك وينك ماتطل علينا وماتطمن على اهلك
كان يدري انها بتتكلم وبتغثه بكلامها وتلمح له بالعرس وخرابيطها
:موجود بس لاهي مع المستشفى
لف وعطاهم ظهره وهو مطنش بالمره الي قاعده وعامله روحها مستحيه
وصعد فوق
وعلى الدرج
ام روان:وين توك داش اقعد عندنا شوي
:مستعجل والله صديقي ينتظرني برا
استاذنكم
صعد وشاف الغرفه الي حاطتها ام راشد للمياء اذا جتهم مفتوح نورها....
(لمياء تصير اخت راشد وفيصل من الرضاع ام راشد مرضعتها وهي صغيره..لان كانت جيرانهم ام لمياء الروح بالروح مع ام راشد وانتقلو بيت اهل لمياء بعد مادشت لمياء الثانوي لمدينه ثانيه) وتزورهم كل فتره وفتره
واخوانها يموووووتون فيها لانها تخلق جو في البيت بحركاتهااا ورجتها وخبااالها حتى ابو راشد عادها بنته الثانيه
راشد استغرب معقوله لمياء هنا !
ضرب الباب معنه كان مطرف
لمياء:ميييين
راااشد مات من الفرحه وفتح الباب من دون استأذان:لالالالالالالالالا مش مصدق معقووووله هنااا وماااقلتيلي
جت تركض وضمت راشد وطيرهاااا لي فووووووووق كانت ريشه بالنسبه لراشد مع جسمه المعضل والعريض
:ههههههههههههههههههههههه بس رشوووود دوختني
:ههههههههههههه عشان مره ثانيه انا اول واحد تخبرينه انك هناااا
يالظالمه شهرين مامريتي علينا
:حرااااام عليك لا تظلمني انت اول واحد اتصلت عليك بس جهازك مافيه الظاهر ابراج
:يمكن...... عالعموم ليه مانزلتي تحت
:مالي مزاج بصراحه لتفاهات هالآدميه عوووع اكرها مره....انت من صدقك بتتزوجها والله ازوجك احسنن وحده في العالم
:الله يرضالي عليك اغلقي الموضوع مابي لا ذي ولا ذي ......ياااالله نسيت سالم ينتظرني تحت اخرته مره ..طبعا بتنامي هنا يعني لو اجي متأخر احصلك
:ييييييس خيو
:يلا اجل انا ماشي.....وقبل رأسها
:مع السلامه حاافظك ربي
ابتسم لها راشد وطلع
مشى باتجاه غرفته
لمياااء:رااااااشدي (يحب دلعها الي تتدلع عليه فيه)
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك