رواية احتاج لك اذا ضيق الوقت صدري -58
ريم:اهاا طيب مين ينتبه عليك لو جلست عند اهلك بطمن عليك اكثر
رجوان:ماتخافي حياتي انا صرت احسن
ريم:اليوم خالتي وبنات خالاتي وازواجهم عندنا بيتغدو
مادري ليش مستغربه من جيتهم عندنا
رجوان الألم اكثر وكان نفسه يقولها عن الخطوبة بس ماقدر
ريم:جووني جووني فين رحت؟
رجوان:معاكي حياتي
ريم:لا جوني انت فيك شي وموراضي تقولي
رجوان:ياحبيبتي مافيني شي
ريم:اكيد؟!؟
رجوان:اكيد ياعمري انتي طمنيني كيفك؟
ريم:تمام او شبه تمام لو شفتك بكون تمام التمام
رجوان يبتسم:اجل لازم تشوفيني بأقرب وقت
ريم تضحك:لوبيدي اشوفك كل لحظة وكل ثانيه
رجوان مع نفسه:ولو بيدي اتزوجك اليوم قبل بكرا واخلص من ماهر
ريم:جوني انت سرحت ولا فين رحت
رجوان:سرحت فيكي
ريم:لاياشيخ
نوف ورولا ينادو ريم
ريم:طيب جايه
ريم تكلم رجوان:اقول جوني اكلمك بعدين البنات يبغوني
رجوان:ريم لأ
ريم استغربت:رجوان ايش فيك؟
رجوان خاف ان هذا يكون اخر اتصال من ريم وماكان يبغاها تسكر الخط
رجوان يستوعب:هاه لا بس كنت بقول ارجعي اتصلي اوكي
ريم:اوكي
ريم تسكر الخط:رجوان فيه شي وموراضي يقولي
نوف ورولا:ياريييم
ريم بعصبيه:خلاص قلت جايه اووف
ريم كانت في الصاله الي فوق ورولا ونوف كانو في غرفة ريم
ريم تدخل غرفتها:ازعاااااج وربي
نوف ورولا يضحكو
ريم:خير
ام ريم تدخل الغرفه:ريم اجهزي بيجونا ضيوف المغرب
ام ريم تطلع من الغرفه وتسكر الباب
ريم مستغربه:ضيوف؟!!؟ مين؟
نوف ورولا:مدري
نوف ورولا كان مره حزنانين على ريم
ريم:يلا المهم اجهز
ريم تضحك
نوف ورولا يطالعو في ريم بحزن
نوف تكلم نفسها:لو تدري عن الي بيصير راح تكون اخر ضحكة بتضحكيها
رولا تكلم نفسها:آآآه ياريم سامحيني حاولت بس ماقدرت اخلصك من ماهر الله يعينك حبيبتي
ريم تفتح دولاب ملابسها وتطلع ملابس:عارفين كنت اكلم مين
البنات:مين؟
ريم:حبيبي
رولا ونوف يطالعو في بعض وكل وحده حابسه دموعها
ريم:آآه يابنات مااقدر اصوف لكم احساسي وفرحتي وانا معاه
نوف:لسه بتقابليه
ريم:وانا اقدر على بعاده
حضنه يحسسني بالدفى وصوته يحسسني بالأمان ولمسه يده تحسني بالحب
وكل شي فيه له احساس غير
كل هذا وماتبغيني اقابله
رولا:بس ياريم
ريم تقطع كلمها:لا بس ولا..الله لا يحرمني منه بس
بنات انا لو ببعد عن رجوان بموت صدقوني
رولا تطالع في نوف
في بيت رجوان
رجوان بعصبيه:لاااااااأ مستحيل اسكت ماراح اخليها تروح من بين يدي
رجوان ياخذ مفاتيح السياره ويطلع برا ويحرك السياره
في الكوفي
لمار تتصل على صاحب الرقم
واول ماتدخل يدها تطلع الجوال وهيا كانت واقفه عند سيارتها يسحبها واحد من خصرها ويضرب راسها في الباب عشان يغمى عليها
يدخلوها السياره ويحركو
رجوان يروح بيت ريم
وهوا جاي بيدق الجرس صدفه يطلع في وجهه سعود
رجوان:السلام عليكم
سعود بدهشه:وعليكم السلام
رجوان:سعود بكلمك بموضوع ممكن تجي معايا
في الكوفي
رجوان:سعود ابغاك تفهمني صح ماتفهمني غلط
سعود:ادخل في الموضوع يارجوان
رجوان:سعود انا احب اختك واختك تحبني وانت حبيت وتعرف ايش يعني الحب
سعود بعصبيه:انت ماتتكلم عن اختي نص كلمة
رجوان:سعود اهدا وافهمني
سعود:انت عارف ان اليوم خطوبتها؟
رجوان:ادري ..بس هيا رافضه وانت ماتقدر تغصبها على شي ماتبغاه سعود انا بتزوج اختك
سعود:بس هيا مو لك
رجوان:سعود ياريت تفهمنا احنا نحب بعض
سعود:انا ماارضى ازوج اختي واحد كان يقابلها من ورانا
رجوان:ياسعود ترضى انك تتزوج وحده ماتحبها ولا تبغاها كيف بتزوج اختك واحد كارهته
لاتكون اناني ياسعود ريم اختك مو عدوتك عشان تنتقم منها
سعود:رجوان هذي اختي وانا حر فيها
رجوان:بس انا احبها وهيا تحبني انا جاي اخطبها منك
سعود:أتأخرت اليوم خطوبتها على ماهر
رجوان:ياسعود ريم رافضه ماهر وقابلتني انا
سعود يوقف:آسف الكلام خلص
سعود يروح ويركب سيارته ويحرك
رجوان بعصبيه يرمي كاس العصير الي كان على الطاوله
يرن جواله المتصل ماهر
رجوان يفتح الخط:يالحقير ماتقدر تاخذ ريم مني الليله بتكون اسوأ ليله بتمر عليك
لمار تبكي:رجوان الحقنييييييييي يارجوااان
رجوان بفجعه:لمار لمار انتي فين؟
لمار تصرخ:رجواااان
ينفصل الخط
في الملحق
لمار كانت مربطه يدها ورجولها على الكرسي وتصرخ
وكان وسام ونادر هما الي معاها وهما الي خطفوها
يدخل ماهر الملحق وتجي عينه بعين لمار ويسرح ماهر
ماهر بدهشه:هوا انتي لمار؟؟؟
ماهر يفتكر اول لما لمار واسرار وراجين جو عند ريم وهوا كان طالع بالصدفه من بيتهم وشاف لمار والبنات داخلين بيت ريم
وجات عينه بعينها صدفه وحس بشي غريب بس طنش
لمار:ماهر
ماهر يقرب من لمار
لمار تبكي:ماهر بلييز اتركني لا تسوي فيني شي الي تبغاه بعطيك هوا
ماهر يطالع في لمار ويدقق فيها
لمار:ماهر لا تسكت كلمني قولي ايش تبغا وانا بعطيك
ماهر:ابغى سكوتك
بس عشان انا بعطي اخوكي درس ماراح ينساه طول حياته
ماهر يفتح الحبل من يد لمار
لمار تمسك يد ماهر:ماهر بلييز اتركني
ماهر حس بشي غريب لما لمار مسكت يده
صار يطالع في يده الي مسكتها ويطالع في لمار وهيا تبكي ودموعها على خدها
وملامحها عليها علامات الخوف
ماهر:اهدي ماراح نسوي فيكي شي بس بتكوني معانا الليله هنا عشان اخوكي ينشغل ومايخرب ليلتي
لمار تبكي
ماهر :لو تبغي اي شي اتصلي في نفس الرقم وكل شي بيكون عندك
طبعا التلفون الي الي جمبك هذا مايتصل الا على رقمي بس
وجوالك عندي
لمار تبكي
ماهر يطالع في لمار ويتأمل فيها وبعدين يطلع ويطلع وراه نادر ووسام ويقفل الباب على لمار
ماهر يتصل على رجوان
رجوان:ياحقير فين اختي
ماهر يضحك:هذا درس لك ياشاطر عشان تبطل تلعب معايا
ماهر يضحك
رجوان بعصبيه:والله لو لمست منها شعره ماتشوف شي طيب مني
ماهر يضحك ويسكر الخط
في بيت ابو سعود المغرب
ريم لبست بنطلون برمودا وبلوزه سودا بدون حمالات وشوز اسود واكسسوار اسود
سشورت شعررها وتركتها مفتوح
وحطت روج وردي
ورسمت عيونها بالكحل الأسود
نوف ورولا ماغيرو ملابسهم ولا اتكشخو
ريم:ايش فيكم ليش ماغيرتو؟؟
نوف ورولا بألم:مولازم كذا تمام
والله انا بتشيك ولا عارفه مين الي جاي
ريم تضحك
نوف ورولا يطالعو في بعض
ريم لاحظتهم
ريم كانت تحط روج
ريم ترمي الروج وبعصبيه:انا من اول وانا حاسه بشي غريب انتو ايش فيكم مين الي جاي؟؟
وايش عندكم
نوف ورولا يطالعو في بعض
نوف نزلت دموعها
ريم:لاتجنوجنوني قوليلي ايش فيه؟؟
رولا:ريم انزلي تحت واسأليهم
ريم وهيا نازله بالدرج ومعصبه
كان سعود طالع
سعود مبتسم:اهلين
ريم:سعود مين جاي
سعود يغمز لريم:دحين تعرفي
ريم بعصبيه:سعود لا تجنني مين الي جاي
سعود:بطلع البس ثوبي وغترتي بعدين اقولك
ريم:يوووه
ريم تنزل وتروح الصاله:مين الي جاي عندنا دحين؟
ام سعود تطالع في ام مازن
ريم بعصبيه:انتو ليش مو معتبريني انسانه زيي زيكم ليش ماتقولولي في اشياء كثير صايره وبتصير وانتو موقايليلي عنها
ام مازن:ريم انتي ليش معصبه اهدي
ريم:مين الي جاي؟
ام سعود:بنت لاتصرخي اهدي ايش فيكي؟
يرن جوال ريم الي في جيب بنطلونها على نغمة××اوعدني عني ماتغيب××ريم تدخل الحمام تكلم رجوان
ريم:الو
رجوان:ريم ماهر خطف لمار ياريم
ريم بصدمه:نعم
رجوان:خطفها عشان ينتقم مني
ريم:مو معقول لأ
رجوان:ماراح اسامح نفسي لو صار في لمار شي
ريم حبيبتي انتي سامحيني لأني مااقدر اسوي لك شي اليوم وأفركش كل شي لازم القى لمار قبل لا يصير فيها شي
ريم:اسامحك على ايش رجوان؟؟
رجوان:ريم انا احبك ياريم احبك وعمري ماحبيت غيرك
بس سامحيني حبيبتي
ريم اهربي لو تقدري بس لاتخلي شي يتم الليله
رجوان يسكر الخط
ريم تبكي في الحمام
ريم تطلع من الحمام وتصرخ:لو مابتقولولي يش الي بيصير راح اذبح نفسي
البيت كله سمع صوت صريخ ريم نوف ورولا وسعود نزلو من فوق
وام مازن وام سعود طلعو من الصاله
ريم:انا بنجن
سعود:ريم اهدي انتي المفروض في ذا اليوم تكوني اسعد انسانه
ريم بإستغراب:ليش؟؟
ام سعود:عشان اليوم يوم خطوبتك
سعود:على ماهر
ريم تصرخ:لااااااااااا
نوف:رييم
ريم:لأ مستحيل طيب طيب مااخذتو رايي انا رافضه مستحيل يتم شي
سعود بجديه:بس احنا موافقين
ريم:هذي حياتي انا ومال اي احد دخل فيها مين يكون
ام مازن:ريم حبيبتي اهدي
نوف:ريم حياتي اهدي
ريم:ماراح يصير شي ويا انا يا انتو
ريم تطلع غرفتها
سعود يمنعها:ماراح تطلعي غرفتك ماهر على وصول بيجي عشان يلبسك الدبله
ريم تصرخ:سعود لا تجنني قلت ماراح يصير شي ماراح يتم شي ماتفهم
نوف تاخذ ريم من سعود وتدخلها الصاله
ريم:شفتي يانوف الي بيصير
رولا:ريم اهدي
ريم:كيف تبغيني اهدا وانا اشوف حياتي بتتدمر مستحيل اعيش مع انسان مااحبه
ام سعود:بتزوجيه ياريم
ريم تلتفت:حتى انتي ياماما ...الي مااتوقعت منك تقسي عليا
طيب ليش؟ليش انا ايش سويت لكم عشان تنتقمو مني انا بنتك ياماما نسيتي انك امي
فين قلب الأم فين حنانك
حسي فيا انا بنتك الكبيره الي حلمتي تشوفيني على الكوشه فرحانه ومبسوطه
اليوم جيتي بتدمري حياتي ليش
نوف تحضن ريم وتبكي:ريم حياتي خلااص
يرن الجرس ويطلع ماهر يفتح سعود الجرس ويدخل ماهر المجلس
ريم:لو يموت واشوف روحه تطلع قدامي والله مااتزوجه
ام مازن:ريم بس يكفي الرجال هنا عيب
ريم:اي عيب عيب اني اصرخ
وموعيب ان اهلي يزوجوني غصبا عني انتو اتجننتو
ام سعود:احترمي نفسك احنا اهلك
ريم:انتو مو اهلي ولا ابغاكم تكونو اهلي
ام سعود تضرب ريم كف
ريم:اذبحيني موتيني بس لاتزوجيني ماهر
في مجلس الرجال
ماهر:ايش ذا الصراخ؟
سعود:ماعليك شويه ويهدو وكل شي بيكون تمام
رولا :ممكن خالاتي تطلعو برا شويه انا بكلمها
يطلعو ام سعود وام مازن برا
ريم:بنات ابوس ايدكم ارحموني شوفولي اي سم اشربه عشان اموت ولا اشوف حياتي مع غير رجوان
نوف:ريم حبيبتي اهدي ونتفاهم
رولا: روقي ياريم لا تفكري بشي ولا تبكي
ريم:ماني قادرا
رولا تحضن ريم:اهدي ولاتبكي ولاتفكري وخلي كل شي طبيعي
ريم تحاول انها تهدي نفسها
نوف تمسك يد ريم:حبيبتي خلي الليله تعدي على خير وبعدها يصير خير
رولا:خليه يلبسك الدبله ماراح يتغير شي
لسه ماملك عليكي
تقدري تفسخي الخطوبه
بس الله يخليكي عدي الليله دي على خير
ريم تشهق من البكا
في مجلس الرجال
ابو سعود:على بركه الله
ابو سعود يروح ينادي ام سعود عشان ماهر يشوف ريم
ام سعود تدخل الصاله:يلا ريم
ريم ترجف من الخوف:لأ لأ لأ
نوف:ريم الله يسعدك قومي
رولا:زي ماقلت لك ياريم
ريم تبكي:مااقدر احس اني اخونه
نوف:اسكتي لا تفتحي موضوع تاني
ريم وهيا تشهق من البكا:اكرهه اكرهه مااحبه ولا ابغاه
ام سعود تودي ريم للغرفة الي فيها ماهر وتدخلها وتدخل معاها
ريم ودموعها على خدها وتطالع في ماهر بقهر
ماهر يوقف ويبتسم:اهلين والله
ريم تبكي
ام سعود تدق ريم عشان تسكت
ماهر يفتح علبه الدبله
ويمسك يد ريم وريم تبكي
ماهر وهوا جاي يلبس ريم الدبله
صوت رجوان من برا:والله مابخليه والله لا امسح بيه الأرض
ياماهر ياماهر اطلعلي لو كنت رجال
ماهر مستغرب
رجوان:والله مابخليك تتهنى
ماهر:مين ذا المجنون
ريم تصرخ:رجوااااان
الكل يطالع في ريم
رجوان يسمع صوت ريم
ريم تبكي
ماهر يطلع لرجوان:انت ايش عندك جاي هنا وايش تبغى مني؟
رجوان وماسكه سعود:اختي ياماهر والله لو مارجعت مابتشوف شي طيب
سعود يصرخ:اختك مو عندنا ويلا اطلع برا
ماهر:انت مجنون جاي تدور على اختك عندنا
رجوان:مابطلع من هنا لين اشوف اختي
سعود:انت اكيد مجنون
ريم تجري وتطلع برا وهيا تبكي:رجوااان الحقني ماابغى اتزوجه مااحبه ماابغاه
سعود يصرخ:ريم ادخلي جوا
رجوان:ريييم
ماهر:احترم نفسك ياحقير وكلمني انا مو ريم
سعود وماهر يضربو رجوان
ريم وهيا ماسكه في الباب:رجوااااااااااان لا يارجوان لا تتركني
ريم تجلس على ركبها ويغمى عليها
نوف ورولا:رييييم
ماهر وكان خايف على ريم:ريم
في بيت ماهر
مهران كان طالع وبالصدفه سمع صوت بكا في الملحق
مهران يفتح الباب ويلقاه مقفل يدخل البيت ويجيب النسخه التانيه من المفتاح ويفتح الباب
ويلقى لمار جالسه لوحدها عند الركن وتبكي
لمار:اتكرني الله يخليك لا تسوي فيني شي
مهران:انتي مين؟
لمار:انا لمار اخت رجوان
مهران بصدمه:اخت رجوان؟
لمار:الله يخليك لا تسوي فيني شي اتركني خليني اروح عند ماما
مهران:اهدي اناماراح اسوي فيكي شي بس ليش انتي هنا
لمار وهيا تبكي:ماهر خطفني عشان ينتقم من رجوان
مهرا بتعجب:معقوله
لمار:خليني اروح
مهران تعالي معايا بس بسرعه قبل لا يجي ماهر
لمار بس اغراضي عند ماهر جوالي وشنطتي
مهران :كإني شفتها بالصاله لحظه اروح اشوفها
مهران يدخل الصاله ويلقى شنطة لمار ويجيبها ويعطيها هيا
مهران:يلا بسرعه
لمار:يلا
مهران:اطلعي السياره وانا بوديكي عند اهلم
لمار متردده
مهران:مافي وقت ماهر بيجي وبيقلب الدنيا فوق راسي وراك
لمار تركب سيارة مهران
في بيت لمار
ام لمار تبكي:بنتي فين ياقتيبه بنتي لدحين ماجات وجوالها مقفل
قتيبه:امي اهدي انشاء الله تكون بخير
خالدين:بس هيا من العصر وهيا برا ياقتيبه
تالا:انا خايفه عليها
قتيبه:بستنى شويه لو ماجت بروح ابلغ بس انشاء الله مافيها شي
ام لمار تبكي
في المستشفى
ريم كانت نايمه على السرير واثر دموعها على خدودها الورديه
واثر الكحل نازل من عيونها وكان لونها اصفر وشفايفها موف
كل هذا من اثر التعب والصدمه الي كان السبب فيها اهلها
ريم تنادي وهيا طايحه من التعب:رجواان
الكل يطالع في ريم
ريم بصوت كله الم وفيه بحه:رجواان لا تتركني
سعود يطالع في ريم بإحتقار ويطلع من الغرفة
نوف كانت خايفه على ريم لأنها انكشفت
رولا كانت تكلم جوال سكرت الخط
رولا:نوف بدر يقولك يلا وانا كمان مازن بيقول يلا
معليش خالتي احنا رايحين
يلاماما مع السلامه
رولا ونوف يروحو عند ريم على السرير ويسلمو عليها
نوف تحضن ريم وتبكي
ام مازن:بس يانوف روحي مع زوجك يلا
نوف تطالع في ريم بحزن وتطلع
ام مازن:وانا كمان استأذن الوقت اتأخر
بس قبل مااطلع يارانيا بقولك شي
ام سعود ترفع راسها
ام مازن:لاتغصبي البنت الزواج مولعبه زي ماانتي اتزوجي برضاكي اتركي البنت تتزوج برضاها لا تكوني انانيه يارانيا
ريم بنتك عارفه ايش يعني بنتك
ام مازن تترك ام سعود في الغرفه لوحدها وتطلع
يدخل سعود ويطالع في ريم مو عارف يحزن عليها ولا يحتقرها
سعود:امي يلا انا بروح البيت
ام سعود توقف وتطالع في ريم:بس اختك تعبانه
سعود:مافيها شي شويه وبتكون احسن يلا امي يلا
ام سعود تروح وتبوس ريم على جبهتها وتغطيها وتطلع
ريم صارت تعرق كثير وتنادي على رجوان
ريم:رجوان ماابغى اتزوجه ماابغاه
رجوان خليك معايا
البارت الـ 34
في بيت لمار يرجع رجوان وهوا مكسر
لأنه انضرب على ظهره وظهره لسه تعبان ويده كمان لسه ماتشافت
قتيبه يفتح الباب ويلقى رجوان يتألم وموقادر يمشي
قتيبه يمسك رجوان عشان يمشيه:رجوان ايش فيك؟؟
رجوان:آآي ظهري ياقتيبه بينفجر
قتيبه:ادخل ادخل
قتيبه يدخل رجوان عند امه بالصاله
ام رجوان:رجوان
خالدين وتالا:رجوان ايش فيك؟
رجوان:سدحوني ظهري يوجعني مره مااقدر اتحرك
ام رجوان:بسم الله عليك حبيبي ايش صارلك؟
رجوان وهوا يتألم:اتضاربت اتضاربت آآآ ياأمي ظهري ظهري يألم
ام رجوان:ياحبيبي طيب ارتاح لا تتحرك
ماادري ايش الي صاير انت مضروب ولمار مو لاقينها انا بتجنن
يرن الجرس خالدين:اكيد لمار
قتيبه وخالدين وتالا يروحو يفتحو الباب
تدخل لمار وتحضن قتيبه وهيا ترجف من الخوف
قتيبه:لمار ايش صار فيكي؟؟
خالدين:انتي بخير؟؟
تالا:اتكلمي
قتيبه وهوا حاضن لمار:خلاص اتركوها
خالدين :تعالي ادخلي جوا
لمار تمسح دموعها :لأ ماما لاتشوفني ابكي ولا ابغاها تدري عن الموضوع
قتيبه:انتي ادخلي عليها تطمن اول شي
ام رجوان:لمار ماما حبيبتي فين كنتي؟
لمار بتردد:جوالي خلص شاحنه وماكان في بنزين في السياره واخذنا وقت وزي كذا يعني
ام لمار:خفت عليكي مره اتأخرتي
لمار:طيب انا بطلع اتحمم
رجوان:لمار صار فيكي شي؟؟
لمار تأشر لرجوان انه يسكت عشان امها ماتدري
رجوان فهمها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك