رواية آه من قلب (ن) غدا حبه جنوني -4
عبود : جيه قلتلها كنا لعوزناها شويهفطوم : هههه يا بابا هب عليه انا
حمـده : خلونا نلعب لعبت الاغاني
فطوم : ياويل حاليه انا انا بلعب اول وحده
حمـدان : انا ضدج فطوم
فطوم : صدقنيه بخسر
سـاره : هههههههه واعليه
حمـدان : خشمج ماترومين عليه انا
فطوم : اوكيه ماعليه بنشوف
عبود : انزين حمدان و فطيم بيلعبون اول شي ,, وعقب انا وساروه و هوه يطالعها و الجرام فعينه
سـاره : لا ابويه مابا غشاش انته !
فطوم : يعني الحين انا و حمدانوه
حمـدان : هييييييه
سلطان : تعالو نسوي دويرره
حمـده : بعدنا فالروضه ههههههههه
فطوم قامت و عقت العباه و تمت بـ الشيله و كانت فطوم مجابله حمـدان .. و حمده يابت ورقه و قلم و هيه اللي بتسجل ..
حمـدان : يلا انتي ابدي
فطوم : انا لا الكبـار اول
حمـدان : شو خااايفه هااا
عبود : شكلها جي ,, تعرف انك بتقطها
فطوم : هه هه هه يا بابا انا فطيم بعدك ماعرفتنيه !!
عبود : انزين عيل انتي ابدي
فطوم : تم السـاع ..
خلاص ببعد ودرب الود سديته
واليوم رّوح و قلبي راح بسكاته
روّح وهذا طريقك لي تمنيته
ماعاد باجي لقلبي غير وناته
محمد : ياويله عليج و باسها و بدون ماتدري استحت من الخاطر
فطوم : عن المنكـــــــر الزايد و كفخته ع راسه
حمـده : يلا ولد عميه حرف الهـاء
هود يا اهل البـاب لمبـوب .. يـوم تـم الوعـد جيناكـم
يروا ارشاكم مـن امهـذب .. واسقوا العطشان مـن ماكـم
فطوم : ياويل حاليه عاش ميحد حمــــد ,,
حمـدان : افا عليج
حمـده : يلا فطوم دورج حرف الميم
فـطوم :
مرحبا بطارش نباكم .. عدقولى وارتيكم
دوم واعيوني جداكم .. لا ولاقلبي نسيكم
طحت طيحه في هواكم .. يالغظي والعي عليكم
سعد منا لو جناكم .. او غدى جنه صبيكم
عبود : هههه بلاكم ع ميحد غير ويا هالويوه
حمـدان : ليش ماتخسرين ؟
فطوم : جيه ماتخسر يلا دورك حرف الميم
حمـدان : بـعـــد !! انزين
مشكلتك انك قلب حساس
تشرح وتتغلى و تزعل
مشكلتي مولع بك بلا قياس
وان ما سـألت اشتاق و اسـال
عبود : ها حمدان منو هاي اللي معذبه حالك ؟
حمـدان : ناس
عبود : عطنيه ياهم هيهيهي
حمـدان : مايحتاي ,, يلا فطوم حرف اللام
لول معي زايد غلاكم
افديه بروحي واشتريكم >> يوم كانت تغنيه هنيه كان بو حمد خاطف عدال الميلس سمع صوت حد يغنيه و تم يسمع
احرق وشني من شناكم
ما ارتضي بالشين فيكم
بو حمـد :
وانتوا تجافون صدقاكم
من دون زلات تجيكم
كدرتوا الخاطر تراكم
واعرفت قاصي اوليكم
↔
فطوم قامت و حبت راسه : وايه عنيه افدا هالصوت ,,
بو حمد : فديتج والله ,, يلا شباب قومو تحركو
عبود : خيبه نحنا كلنا فسياره وحده !
بو حمد : هيه
سلطان : والله بتشتكي السياره يوم القيامه مايييسد !!
حمـدان : متهون عليه سيارتيه
بو حمـدان : حمـدان سيارتك تكفي يلا طوفو عن الحركات
بو حمـدان و ام حمـدان و عبدالرحمن و البشكاره و حصه بسيـاره
خالد و بو حمد و ام حمد و ام خالد بـ سياه
حمـدان و محمد و التوأم و البنات بـ سياره > الله يستر لول شكلها مابتمشي السياره
وعقب تحركو و سـارو صوب العـزبه ,,
سيـارة بو حمـدان ,,
حصـه : شخبار الشغل شيخه و محمد ؟
ام حمـدان : والله ماشي الحال ,, ماخذين اجازه الحين
حصـه : هيه ماشالله ,, و كل شي تمـاام
بو حمـدان : الحمــدالله
حصـه : عسى دوم و الله يوفقكم ,, فديتها فطيم ,, ماقلتلولي شو السالفه ؟
ام حمـدان : الله يسلمج حمـدان .... ( خبرتها السالفه كلهــــا ) ( بس شو استوا فالمستشفى قالت بس ما قالت يوم اضاربت ويا حمـدان )
حصـه : واعليه عليها ,, يالله حمدالله ع سلامتها ..
سيـارة خالد ..
بو حمـد : ياحرمه اقولج خليه انا بحط
ام حمـد : انته ماتعرف بتخرب السيـاره ,,
ام خـالد : راشد حطلنا ميحد عن المنكــر !!
خـالد : ايه ايه شوي شوي ع سيارتيه ,, تبغين ميحد حيهم البدو بحطلج بعد شو تبغين ؟
ام خالد : سلامتك
خـالد حط غنيه وين يا الغايب عن اولوفك
بو حمـد : يااااا هلا يابس بابس
خالد : ههههههههه حليلكم
سيـاره حمـدان
الجو الرقييييص الصراحه ,,, متعفسين من الخاطر يتمنون متى يردون مايعرفون حمـدان و سلطان طبعا مرتاحين لانه يالسين جدام
محمد ميلس ورا حمدان و فطوم فحظه ,, وعدالها عبود و عدال عبود حصه و عقب ساره
عبود : الله يعينك حمود بتموت
محمد : لا فديتها ضعيفه
فطوم : اييه يا الحمار شو شايفنيه جدامك درام ديزل وانا مادري ,, فديتني حلوه و ضعيفه شو تبا بعد
سلطان : خسفه واللي مخسفنج الغمازه
عبود : هيه ويا هالصبغ الاسود اللي حاطتنه ع عينج جنه بومه
فطوم : هه هه هه انتو اصلا ماتعرفون الذوق عند فطوم الـ ***** ولا شو رايك حمدان ؟
حمـدان : ماشالله ع ذوقج والله ,,
فطوم : فديتني ذوقي احلى من ذوقكم و يا هالروس ,, انا فطـامي مايهزني الريـح ,, اونكم تبغون تغايضوبي ,, غايضو من اليوم لين باجر ,, تراني اقهر اللي ماينقهر و هيه رافعه خشمها فوق جان تلوي ع محمد ع رقبته
فطوم : احبك فديت روحك
محمد : آآخ قلبيه
سلطان : بلاه قلبك منو معذبنه ؟
محمد : اللي فحظنيه
سلطان : هاي غبيه ماتعرف تقول كلام حلو مالت
فطوم جان اظهر النظاره و تلبسها : هه اصلا انته تتمنى اني اقولك كلام حلو ولفت ويها صوب سـاره ,,
سـاره : فطوم اليوم اباج تركبيني وياج فـ الدراجات
فطوم : هه لا اميه عشان اتمين اتصارخين مافينيه بعد يستويلج شي
عبود : هههههه وايد مصدقه عمرج .. اتسوين عمرج قويه .. ههههه
سلطان : بتسرع و عقب بطيح
فطوم : الله و اكبر عليك ,, والله لا اراويك و تقولون هاي هب بنيه هاي ولد !!
عبود : قدها
فطوم : هييه هييه قدها عيل شو
سلطان : هههه انزين ماعليه .. دراجه منو بتاخذين ؟
فطوم : اقوى وحده ,, عميه بييب زياده
عبود : انزين بنشوف الاستعراضات
حمـده : اليوم فليل بنشوي وناسه
سـاره : صــــدق الله وناسه
حمـده : خخخخخ احيد منزمان عبود حرق اللحم خلا محترق من الخاطر
فطوم : طباخ فاشل
عبود : عـدااال يا الطباخه الناجحه
فطوم : افا عليك .. بخبر الاهل انه اليوم انا بسوي العشى و بمساعدت حمـده و سـاره
سلطان : خلاص بنشوف بس اخاف بطنيه يعورنيه
فطوم : هه بنشوف انزين بخليك تقولي كل يوم سوي اكل
سلطان : هههههههه وايد مصدقه عمرج
فطوم : افا عليك ,, حمدااااااااان ربشنــا .. بس هب Fm ولا اقول حط Fm
حمـدان : من عيونيه ..
فطوم سمعت الحرمه يوم تقول
كلمات : الشاعر حمد بن طوير العامري الحان : الشــــاجي غناء : حربي العامري
فطوم تمت تناقز وتصارخ : واااااااااااااااااايه الشااااااااجي فديييته وفدييييت خشمه ياربيه
عبود : جب يعلج ريل مايشوف صمختينيه
فطوم : حمدان حمدان طوووووول
سـاره : ياويل حالج
فطوم : انجبي خليني اسمع اذا بيغني ولا لا
وعقب دقايق طافت الغنيه و بدا حربي يغني : جييييييييه ويييييينه !!
محمد : قالو الحان الشاجي هب غناء الشاجي
فطوم عصبت من الخاطر وتصارخ : صكر الfm ولا اكسره
حمـدان : لا لا اميه لاتكسرينه ولا شيـات خلاص بحطلج آآآه من قلب
فطوم : يكون احسن بعد ,, فديت هالغنيه ,, ذكريـاات ولا شو رايج ساروه ؟
سـاره : هيه والله من الخااااطر تذكرين يوم اسجل
فطوم قبل لا تكمل ساروه ,, الحين كانت فـ حظن محمد وعبود عدالها .. حطت ركبتها ع ريول عبود و مدت جسمها و حطت ايدها ع حلجها : انجبي الله يخسج
عبود فخاطره : ياويل حاليه انا
سلطان طرش مسج حق عبود : ياحييييك ياخويه ليتنيه بدالك
حمـدان عصب من الخاطر : فطوم اعتدلي شو ها بعد !!
فطوم توها مستوعبه شو استوا : ان شاء الله و ردت فحظن محمد و لوت عليه .. و عبود قرا المسج و رد عليه : ههه طافتك
وعقب شل الشـاجي و فطوم متعذبه و سرحانه و يوم بدت الغنيه تفاجأت سمعت انه هب صوت حربي صوتها هيه !!
سلطان : يخرب بيتها صوتها حلو
عبود : هيه والله
سـاره : حمـداااااااااااااااانوه بند الغنيه !!
فطوم : يا حمـاااار شو ها !!
حمـدان : انا عايبنيه صوتها !!
محمد : هب جنه صوتج ؟
فطوم وهيه قافطه: ها لا لا
سلطان : اييه عن تصدق عمرها ,, هب حلو صوتج لا تحاولين
فطوم : محد طلب رايك
وتمو يقرضون بعض لين ما وصلو العـزبه ,, فطوم متشققه تبا تلعب دراجات .. نزلو كـلهم و نزلو الاغراض من السيـاره ,, و جاسم بيكون عند الشباب و البنات و وليد عند الباجين ,, فطوم تمت ادور وين الدراجات ماحصلتهم .. بس دراجات الباجين حصلتهم
سلطاـان : مالج خص فيه ها ماليه و هاك مال حمـدان و الثاني مال محمد ,, والاخير مال عبود .. يلا يلا مناك
فطوم صخت عنه وسارت صوب بو حمـدان داخل ..
بو حمـدان : هلا بالغلا
فطوم : اهلين ,, وين الدراجات ,, هااك سلطان يتم يقرضني و قالي كل واحد مال منو وقالي يلا يلا منـاك
بو حمـد : ها مسود الويه مابيوز عن حركاته
بو حمـدان : تعالي فديتج انا براويج وين مالج ,, هب انتي طلبتي احسن وحده !
فطوم : هييييييييه
وعقب طلعو برع .. و سـار بو حمـدان زقر جاسم عشان يطلع دراجة فطوم من الحجره .. ويوم طلعها كانت سودا فطوم تخبلت .. كانت مالها احسن وحده وعقب مال حمـدان .. شرات مال حمـدان بس مالها احسن
فطوم : فديييييييت عمييييه وفدييييت خشمه انا .. لوت عليه من الخاااطر و عقب هدته قبل لا تهده يودها
بو حمـدان : بس تحملي بعمرج غناتيه عشان خاطريه
فطوم بنظرات حنونه : من عيونيه فديتك
سلطان : عمييه شو ها !! حرام
بو حمـدان : كل خراك عيـل تقولها مناك مناك ترانيه سمعتك
حصـه و سـاره سارو صوب فطوم وهيه تنطنط وفرحانه
حمـدان : ها فطيم وايد فرحانه اشوفج
فطوم : وايييييييه اكيد من الخاطر و هيه تشوف سلطان و عبود مقهورين : وايه الله يحفظنيه بسير عند يداتيه بخليهم يقرون عليه
و دخلت داخل و يا البنات
محمد : الحين عميه تخبل يعطيها احسن شي !! ولا يعطي بنته !!
حمـدان : ساروه تخاف حدها مال اليهال
محمد : حليلها .. خلها وراك و خبلبها
حمـدان : شكلي جيه
سلطان : ها بتترايسون ؟
حمـدان : اكييييد
عبود : خلاص نحنا الـ 4
صوب البنات
فطوم : يدتييييييه شوفيه سلطون و عبود شكلهم مقهورين منيه حد يقرا عليه عن يصيبنيه شي
ام حمد : وايه فديتج تعالي عدالنا انا و آمنه بنقرا عليج
بو حمـدان : هههههههه حليلها
خالد : يالله هييل مابييوزون عن حركاتهم وانتي ساره مابتركبين ؟
سـاره : وايه بركب بس بسوق شويه
حمـده : انا بعد
ام حمـدان : عيل فطوم داشه عرض
فطوم : هيل خوافات ,, انا قويه فديتنيه ..
وعقب يوم خلصو ام حمد و ام خالد قرايه .. سارو يشوفون الغرفه مالهم و ودو شنطهم
فطوم : انا برقد هنيه
حمـده : انا ع الايدار الثاني
سـاره : عيل خليتونيه فنص هيهيهي احسن
فطوم : وين شنطتيه بسير اتلثم و عدل شدويه
حمـده : نعم شو بتسوين !
فطوم : هههههههه بطلع برع العزبــه
حمـده : مابيخلونج
فطوم : هههههه حبيبي انا اللي فراسيه اسويه
حمـده : الله يعينا عليج و ع افكارج الجهنميه
فطوم طلعت غترة حمـدان وكانت ريحة حمـدان بعدها فيها ,, عدلت الشدو و تعصمت و غطت ويها و عقت العبايه و لفت الشال ع خصرها و ساره بعد
جان يطلعون برع و الاولاد كانو يلعبون شويه بعيد ..
فطوم شافت الدراجه مشغله بغت تموت
فطوم شهقت : منو شغلهااااااااا ؟؟!!
جاسم : هههه انا انا عشان تحر
فطوم : هييييييه تحسبت الغجر اللي هناكي ,, جان تركب ,, يلا يا حلوين منو بيسير وياي صوب الاولاد .. ولا اقول انتو ضعاف تعالو بنسير نحنا الثلاثاء
حمـده : لا نو وي ,, بنركب دراجاتنا و بنلحق
فطوم : اوكيه
فطوم تحركة وهيه مستنااااااسه من الخاطر جان تسير صوب الاولاد وهم مستعربين منو هاي اللي متلثمه جان يعرفون انها فطوم
سلطان : من وين ماخذه هالغتره ؟
فطوم : ياويل عليها هاي سالفتها سالفه .. يلا بتترايسون !
سلطان : والله ان لحقينيه .. بعطيج رصيد 200 اذا فزتي عليه
فطوم : احلف ,, والله العظيم بتشوف .. بس لاتقول دراجتيه احسن ومادري شو
سلطان : اوكيه خلاص
سارو اتجهزو كانت المسافه بعيده البدايه كانت عدال البيت و النهايه صوب الادار اللي جدام بعيد شويه .. سيره و رده
فطوم كانت متحمسه جان حمـدان ايي صوب اذنا و يصاصرها : الله يحفظج
جان تشوفه بنظـرات حنونه من الخـاطر
عبود : يالله .. 1 .. 2 .. 3
جان ينطلقون ,, سلطان كان غالبنها ,, فطوم زيدت الريس من الخـاااطر و ييين غلبته من الخاطر و يوم وصلو عند الادار .. لفت لفه صويه زين ما طاحت لوول
وعقب سرعت من الخاطر و سلطان مقهوووور و جان تفوز و هيه عاد هب مصدقه كان الرمل رطب لانه المغرب نزل نفاف صوب البر .. وتمت تشـاااوح و تسوي حركات
حركـااات اولاد هب بنـااااااااات و ساره و حمـده مستانسين و يصفرون و حالتهم حاله .. سلطـان قااافط و محمد و حمـدان يضحكون عليه
محمد وهوه ميت من الضحك : الحين هاي البنيه تغلبك !! ههههه استح ع ويهك ,,
سلطـان : ..........
فطوم نزلت من الدراجه و شلت الغتره اللي صوب ويها بس خلت اللي ع راسهــا : ها يـا ولد عموه ,, شو رايك فينيه !
سلطـان : ولد هب بنيه
فطوم : وااااايه فديتنيه جان تي صوبه .. ولا تزعل انا اللي بعطيك 200 انا مابا عندي وايد وايد وايد
عبود : عيل عطينيه انا 100 وهوه 100
فطـوم : قول حق اخوك جان بيرظا
عبود : هااا سلطون عادي ولا ؟
سلطـان : هههه هيه فديتك
فطوم سارت صوب جاسم و رمسته قالتله خله اييب 200 رصيد وعطته فلوس .. وردت صوب الاولاد
حمـدان : يلا شبـــاب برع العزبه ؟
فطوم : اناااااااا بعد !!
محمد : ماشي
فطوم : حمـداااان بليييز قوله بخبـر يديه راشد ترا
محمد : لا كله ولا الشيبه طوفي طوفي .. حمـدان عق كابه و ركب ع دراجته
حمـده فخاطرها : آآآه يا حمـدان ليتك تحس بـ الي احسه سبحان اللي خلقك محلاك ولاتغيرت ربيه يحفظك
فطوم ركتب ع دراجتها و هيه اول وحده طلعت من العزبه و عقب قوم حمـدان لحقوها .. فطوم حاولت تشرد من الشباب و تسير مكان بعديد و سوت اللي فراسها وكانت طايره من الفرح وهيه تغني ( ميحد حمد .. الغـلا )
فطوم وهيه تزعج و تغني :
من غلاك و كثر ما احبك .. حتى دربي العين حبيته
اوصلك مشتاق وافرح بك .. فرحة الغايب دخل بيته
فطوم : عاشو يابس بابس و هيه تخمس ع شكل دائره و في ولدين من العزبه الثانيه شويه بعدين .. خطفو عدالها و هم يقولون منو هاللي مسويه جي
الولــد 1 : عاااش بو الشبـاااب
الولــد 2 : خطيــر و ربيه
فطوم زاغت جان تركب العرقوب وشافتهم و عرفو انها بنيه و شرده عاد اهيه ,, لحقوها وهيه شويه و بتصيح بسرعه زيدت الريس و طافتهم و هم عاد ماخلوها فحالها وراها وراها و احد ع اليمين و الثاني ع اليســار ,, و عقب جان يلفون عليها ,,
فطوم : خيــر بغيتو شي !!!
الولــد 2 : انتي بويــه ؟
فطوم : حشى عليه ,, جان تروح
الولــد 1 ماخلها : ويا منو يايه ؟
فطوم : يعني ويا منو ,, اهليه
الولــد 1 : منو معطنــج هالدراجه
فطوم : عميه
الولــد 1 : خففي الجحـالج ,, ترا عيونج وسـااع
فطوم قفطت جان تروح عنهم بسرعه .. والشبـاب يالسين يدورونها جان حمـدان يحلصها عصب من الخـاطر
حمـدان وهوه معصب بس ماسك عمره : وين كنتي !!
فطوم : هناكي
حمـدان : حد يـااج ؟
فطوم : همممممم ماعرف
حمـدان : فطوم حد يـاج ؟
فطوم : هيه بس قالولي منو معطنج هالدراجه
حمـدان : اهاه انزين بتخبرج من وين هالغتره
فطوم وهيه تتقرب : مالتك
حمـدان : مالتي !! وين يبتيها
فطوم : قبل يوم رقدت فالفندق نسيت غترتك
حمـدان : هييييييه ,, فطووومه بقولج شي ؟
فطوم : همممم
حمـدان خوز اللي ع ويها : لين الحين زعلانه منيه ؟
فطوم وهيه مبتسمه: لا الغـالي .. شو حصلت وحده تحبها غيـر مهـا ؟
حمـدان يبا يغايضبها : هيه حصلت ..وانتي ؟
فطوم تعرف انه يقهربها : الصراحه دش فخاطريه عبود
حمـدان :اهااه وانا دشت فخاطريه حمدوه
فطوم : زين ماشالله و حركت الدراجه و بسرعه صوب العزبه .. و في طريجها جان تشوف عبود و سلطان جداهها بس ماكانو يدرون و كانت العزبه قريبه بس نزلت العرقوب وعقب بيوصلون فطوم زيدت الريــس بطريقه جنونيه و نزلت من العرقوب العالي زين ما طاحت و عقب دخلت العزبه و بندتها جان الاولاد يوصلون
عبود : عنبو سبحتينا من التراب
فطوم : ههههههه احسن
جاس: فاطمه اندوج الرصيد
فطوم عطت عبود 100 و سلطان 100 و هيه مبتسمه
عبود : يسلمو
سلطان : مشكوره
فطوم : العفو ,,
حمـده : شبعتي ؟
فطوم : هييه وايد
حمـدان : يلا شباب ع المسبح
محمد : ياويل حاليه
فطوم : انااااا بعد
محمد : لا حدج عاد قصورج تسبحين ويا الشباب
فطوم: هيهيهي اسولف وياكم ..
عقب سارو الاولاد يتسبحون و البنات دخلو عند الشواب لوول ,,
ام حمد : فطيييم !! شو هاللي تسويه بعد شفتج وانتي تشاوحين تقولين ولد !
حمـدان : هههههه طالعه ع اخوها
فطوم : هيهيهيهي كشخه يدتيه بركبج شو رايج
ام حمـد : لا حشى عليه عشان اموت
فطوم : نسـاااج الموت
حمـده : امايه نحنا بنشوي
حصه : انتو شو عرفكم !
فطوم : افا عليج عمووه نعرف خلينا ندرب من الحين حق رياييلنا
ام خـالد : بتحرقون الاكل
سـاره : افا عليج يدتيه ماعليج من يعدي المغرب بنشوي
فطوم : هييه انا قلت حق الشبـاب نحنا اليوم بنسوي الاكــل
بو حمـدان : شو بتسوون !!
فطوم : همممم بنسوي سلطه و روب بالخيـااار ويا نعنااع ياويل حاليه انا ,, و هالكباب و العرايس
خالد : ياويل حاليه بنشوف طبيخكم عيل ..
صوب الاولاد
كـاان المسبــح مسكر وااايد كبيـــر و في هذا الدري و ها الشي طويل يوقفون عليه و ينقزون فالماي مادري شو يسمونه ,, في تدرجات يعني عالي و وسط
محمد كان واقف وعطي ظهره حق المسبح جان ايي حمـدان و يمط ريوله و يطيحه
حمـدان + عبود و سلطان : ههههههههههههه
محمد وهوه يطلع : عنتلاتك يا الهررررم زين مامت
حمـدان : خخخخ كشخه
محمد : مابتقص شعرك وايد طول مستوي بويه
حمـدان : كيفي جي احلى
صوب البنات
فطوم : انا بسير الغرفه
سـاره : بنسير وياج
فطوم : يلا فوقه
سارت فطوم الغرفه و دخلت الحمـام و غسلت ويها من الميك آب اللي حاطتنه وشخطت جحـاال و حطت قلوز و لبست مخـوره و طلعت
حمـده : ماشالله عليج فطوم عيونج بدون ميك آب حلوه
فطوم هيه مستحيه : مشكوره فديتج
سـاره : تعالو نسير صوب الحميـر
فطوم : جيه في حمير فالعزبه ؟
حمـده : هههههه لا لا قصدها صوب قوم حمـداااان
فطوم : هيييييييييه يلا خلونا نسير
جان يطلعون وتمو يمشون لين ما وصلو .. دخلو المسبح و هم يسمعون صوت ضحك و صريخ وحالتهم حاله
فطوم فخاطرها : ياويلي ع حمـدااااااان شوفو جسـمه عذااااب >> مستخفه
حمـدان : هاا شو تبغوون !!
حمـده : ياين نطمش
عبود : يلا برع برع
سـاره : جب انتو
وعقب تقربو صوب المسبح .. المسبح كان ورا فطوم و عبود طلع من المسبح جان ايي ع ويها .. وحمـدان كان ورا فطوم فـ المسبح
عبود : متى بتشوون ؟
فطوم : المغرب
عبود : اويه شوفي هنـاااك >> و يأشرلها صوب اليمين
فطوم جان تشوف و لا تيها دزه ع ورا ماحست بعمرها والا هيه تحت فالمسبح و حمـدان كان وياها لانه طاحت عليه جان يشلها شرات الياهل وهيه هب مستوعبه
فطوم شهقت كانت بتغرق انفجت شيلتها و شافت عبود بنظرات حزن بـ انه ليش تسوي جيه ..
الكل ضحك عليها من الخـااطر وخاصه حمـده بس بنفس الوكت انقهرت لانه طاحت ع حمـدان ,, فطوم دمعت عينها و حمـدان عرف هالشي جان تطلع من المسبح بدون ماتقول شي ,, و ركضه صوب البيت .. دخلت البيت و لازم تخطف عدال الصاله عشان اتدش الغرفه
بو حمـدان : فطوم فطوم بلاج ؟
خالد : بلاها !!
ام حمـد : واغميه فطيم ,, محمد سير شوفها
عاد فطوم دشت الغرفه و قفلت ع عمرها ,, و يشوفون حمـدان ياي و يا فودته كان شكله يضحك
بو حمـدان : فطوم فطوم فجي البااب
ام خـالد : حمـدان شو يايبنك هنيه ؟ بلاها فطوم ؟
دق دق دق دق ,,
حمـدان : فطوووم فطووم فجي الباب
فطوم وهيه تصـارخ : مااااااااابا خلوني بروحيه
حمـدان : عشان خاطريه فجي
فطوم وهيه تهدي عمرها شويه
عبود دخل البيت هوه وسلطان و البنات
عبود : وينيه ؟
خالد : يا هروم شو سويتوبها ؟
سـاره : دزها فـ الحوض
ام حمـدان : واااااعليه ,, جان تركض صوب الغرفه وتمت ادق ادق ادق لين ما فجت البـاب شافتها اتصيح من الخـاطر
ام حمـدان : خلاص فديتـج لا تصيحين كان يسولف وياج ,, حيـاتي والله
فطوم وهيه تصيح و ترتجف : بس ... بس ليش ليش يسوي جي ,, انا .. انا ماسويتله .. ماسويتله شي !!
حمـدان دش و شاف فطوم ويها كله دموع و محمـــر شافته و حمـدان بنظرات حنونه " فطامي عشان خاطريه امسحيها فويهي ,, سيري اغسلي ويهج و بدلي ثيابج عشان تشويين ,, هب انتي قلتي بتسويلنا عشا ؟
فطـامي : همممم هيه
حمـدان : عيل يلا فديتج قومي و تعالي عقب ,,
فطـامي : ان شاء الله ,,
طلعو الكـل من الغرفه و سارت غيرت ثيابها و نشفت شعرها و لبست جلابيه حق الشواي عشان الريحه ماتكون فثيابها فلبست جلابيه ,, و عقب طلعت صوب الصاله شافتهم موجودين كلهم ,,
حمـدان : هلا والله بـ الشيـوخ ,,
حمـده : نعيماً فطوم حلوه الدزه ؟
فطـوم ترمس و تمد الرمسه : سخييييييفه ,, تـااااافهه ,, ماعندج سـااالفه !!
الكـل انصدم
محمد صوت واطي : شطوره فديتج طالعه ع اخوج
سـارت و يلست عدال بو حمد
ام حمـدان : فطوم شو هالرمسه عيب عليــج
فطوم : بتخبـرج خالوه ,, اذا انا ضحكت يوم دزنيه مابقول هالرمسه
خالد كان يالس عدال بنته : انتي ماتستحين ؟
حمـده : سوالف انزين
وعقب دقايق سمعو صوت الاذان نشو الريـايل و الشباب سارو يصلون و نفس الشي البنـات و الحريـم ,, و يوم خلصت فطوم
سارت صوب المطبخ صوب ام حمد و ام خـالد ,, يالسين يسوون الضو ,,
ام حمد : امايه فطامي سيري ايبي طاسة الكباب ,,
فطوم : من عنونيييييه
سارت يابت الطاسة و شافت ساره و حمده سوت طاف حق حمده
فطوم : غناتيه سارونه ييبي العرايس و زقري البشـكاره تهف ع الضو
وعقب طلعو برع و كانو ام حمد و ام خالد موجودين فطوم اصرت انهم يطلعون و هم اللي يسوون
صــوب الشباب
عبود و سلطان كانو عدال سيـارة بو حمـدان و محمد وحمـدان الصوب الثاني ,, واقفين و جان يسمعون عبود و سلطان يرمسون عن فطوم
عبود : ياخي غامضتنيه فطوم !!
سلطان : ياليتنيه كنت بدال حمـدان يوم طاحت عليه
عبود : اكيد زعلانه منيه ,, شو اسوي الحين ؟
سلطان : ماعليك بترضا .. اشوفك وايد تحاتيها لايكون
عبود : همممم يمكن هههههه
سلطان : ياحيك والله ,, خلنا نسير صوب الشواب
صوب حمـدان و محمد
محمد : لايكون شو !!
حمـدان : يحبــها ,, مستحيــل بذبحه ,, فطوم لي انا بس !!
محمد : اتريا اتريـا عقب بنعرف شو السالفه بالضبط
صووب البنات
يلست فطوم وتمت تحط قطع اللحم فـ اصيـاخ الحديد و ساره و ياها و حمده يالسه تشوفهم
فطوم : ليش حظرتج ماتسوين ويانا ؟
حمـده بدلع : وااااااع ماحب يلوع بالجيد
فطوم : اول هاي نعمة الله ,, و اذا ماتحبين روحي الصاله نحنا هب تيلفزيون عشان تشوفينا
حمـده خذت عمرها و سارت الصاله
فالصــاله
حصه : بلاج يالسه بروحج ؟
حمده : فطوم قالتلي سيري عنا
حصه : ليش ,, لازم في سبب
حمده : مادري ماسويت شي
حصه : بسير اشوفهم ,,
طلعت حصه و جان يدش حمـدان و محمد سار الغرفه
حمـدان : اوه حمده هنيه ,, شحالج ؟
حمـده : يوم شفتك استويت بخير .. ومن صوبك ؟
حمـدان : يسرج الحـااااال
حمده : دووم
حمـدان : هاا كم النسبه ؟
حمـده : همممم 88.5
حمـدان : اهاه يعني البنات اشطر عنج ,, شدي حيلج فالجامعه
حمـده : تشوفهم غاشات
حمـدان : لا حدج عاد لاتغلطيـــن !!
صوب فطوم وسـاره و حصه
فطوم : والله ماقلتلها شي ,, بس سالتها ............................ جان اقولها سيري عنا ماحب حد يشوفنا ونحنا نسوي شي !!
حصه : هيه الغلطانه ,, تسوي عيل عمرها تغمـض سخيفه ,, خلصتوا انتو ؟
فطوم: انا هيه هالصيخ وخلاص ,, ويوم خلصت نشت
حصه : انا بسير الميلس عند الباجين
ساره : الله وياج ,,
نشت فطوم و سارت المطبخ و خذت روب و خيـار و نعناع و ليـمووون ,, و خطفت ع الصاله و سمعت صوت حمده و حمدااان
حمـده : منو حصل فطوم ؟ وكيف
حمـدان : انــا ليش .. الله يسلمج >>> و قالها السالفه
حمده : اظن انها لقيـطه !! واللي قال انها اخت محمد يقص عليكم ,, حمـدان انته تحبها ؟
حمـدان : شو لقيطه مالقيطه شو تخرفين انتي ,, استحي ع ويهج ,, مالج خص اذا احبها و لا لا
حمده : انته ليش ماتحس انا احبك هي بنت الهنديه قاصه عليك من زينها انا احلى عنها ,, الغروور كله فعيونها ,, من حلاتها عاد ,, و الشعر اونه اسود اكيد صابغتنه و العيون سود اكيد حاطه عدسات لاصقه ,, قاصه عليك والله ,, وهيه تتقرب منه ,, حمـداني انا احبـك ,, والله احبـك ,, تي هاي و تخرب علينا ,,
حمـدان : ................
حمده : حمـداان انا احبك ,, هاي تقص عليك ,, ليش تعذبنيه ؟
حمـدان : تعرفينيه اني احبج هب صح !!
فطوم انقهرت من الخاطر و سارت صوب ساره وهيه القيـج مالها فوول نيران فعينا ,, يلست و تقطع الخيـار بسرعه
سـاره : ايه ايه انتي شوي شوي بلاج بتيرحين ايدج !
فطوم : بذبحها هاي بايديه ان ما سكتت
سـاره : شو السالفه ؟
فطوم قالتلها السـالفه ..
سـاره : هاي بعدها ,, احلفي انتي بس .. حيوانه والله ,,
فطوم وهيه ازعج ,, و صوتها واصل الصاله و الميلس : قسم بالله ان ما تأدبت والله لا اراويها قسم بالله عادي اجتلها والله العظيـم .. حيوانه نذله ماتستحي و لاتخيل هاي لو تعرف الادب جان ماقالت اللي قالته ,, شو تتحرا عمرها !!
سـاره : فطوم هدي و كل شي بيتصله
كانو عبود و سلطان طالعين من الميلس و سمعو كل شي و يبغون يسوون مشـاكل سارو و زقرو حمده ع صوب و خبروها فـ اللي سمعوه
فطوم : شو بيتصلــح ,, هاي اللي ماتسوا ضفر ريلي تي و تقول هالرمسه !!!! ليش شو تتحسب عمرها ,,
سـاره : بس انزين اكم كلهم يو حتى حمده و حمـدان ,, انجبي شويه فطوم بتفضحينا
فطوم : مابسكـــت عنها قسم بالله
خـالد : شوفيييج تصارخين ؟
حمـده : انتي كيف تتجرأين و تسبينيه ؟
فطوم قامت : وانتي شو تتحرين عمرج تغلطين عليه ,, اسمعي حمده ,, قســم بالله ان ما ادبتي عمرج ,, لا ادبج انا بـ ايدي !!
خـالد : تخسين الا انتي بنتيه مأدبه ,, ع آخر زماني تين تأدبينها
فطوم : ههههه حليلك خالي ماتعرف شو قالت ؟
حمده : الحمدالله ماقلت شي ,, انتي سمعتج تسبينيه و تقولين حيوانه و نذله ومادري شو
فطوم : اسالي عمرج شو قايله حق حمداان
حمـدان اهنيه بغـا يشرد بس ما قدر
بو حمـدان : بلاه ولديه بعد ؟
بو حمد : ايه انتو شو صاير ؟
حمده : مالت ع شيفتج ماقلتله شي ..
فطوم تقربت عنها بغت تضربها بس محمد مسكها : مالت ع شيفتج .. شفتي شيفتج قبل لا ترمسين الحمدالله احلى عنج ..
حمـده : ههههه آخر زمن بنت الهنديه تي و تضربنيه .. هههه ما اظنيه ابوج عميه ,, اظن ابوج عبدالله ,, اللي كان يوديج عند الريـال ..
فطوم : تخسين الا انتي ,, اشرف عن اشـكـالج هاي ,, اسمعي حمـده ,, ان ما سكتي للعن خيــرج قسم بالله
حمـده تقربت منها : شو شو بتسوين با بنت الهنديه ؟
ام حمـدان شويه و بتصيح : بس بس حرام عليكم !! حمـده هاي يتيمه حرام عليج جي تقوليلها !!!
حمده : لايتيمه ولا شي هاي بنت حرام اصلا ,,
فطوم : بنت حـرام فـ خشمج ,, بنت اللذين .. حيوانه ماتستحين ولا تحشيمن جلبه
بو حمـدان وهوه معصب من الخاطر : ايييه انتو بس عنبو ماتحشمون ؟
فطوم و الدموع فعيها : شو بس ,, والله ما ابسكت ,, خاليه بخليك تعرف حقيقة بنتك ,, الله يسلمك قايله حق حمـدان واونه انا احبك وانا مادري شو و اني انا لابسه عدسات لاصقه و صابغه شعريه ,, جيه عنبوه وين يالسين
خالد وهوه مصـدوووم : ماتسحيــن ع ويهج ,, هاي آخر تربيتي فيج يا الحقيــره ..
حمـده تبا تخرب الحين : مادري منو اللي كـان فالفندق و راقد وياه !!
فطوم عاد هنيه ما استحملت سيده سارت و صفعتها طراق محترم ويودت شعرها : اقولج ,, هب انتي اللي تيه ع آخر زمـاااني و تخربين سمعتيه !! انزين وان ما ادبتي عمرج ماعليه من ابوج و امج انا اللي بادبج يا النذله ,, مسويه عمرج اول ماشفتينيه رقيقه و حبوبه ,, والحين احبك حمـدان و هاي مادري بلاها ..
حمـده : بنت الهنديه خوزي عنيه ..
عاد هنيه صدق فطوم فولت ضربتهــــا ضرب ( اكشن لوول ) ضربتها من الخاطر و الاهل يخوزونها و حمده تقهرها و هيه ترد تضربها و ع هالحال ..
محمد : فطووم بس ماعليج بسج شبعت ضرب ,,
فطوم : تخسي الا هيه ,, حيوانه جلبه ..
وعقب عبود و سلطان سارو ادبوها من الخـاطر فالغرفه ,, و الكـل مصدوم من اللي يستوي ,, و حمـدان مايعرف وين يودي ويهه جـدام فطوم ,, و عقب الكل دش داخل و خلو فطوم و محمد و سـاره بروحهم ..
فطوم كانت بتطيـح بس محمد يودها : بسم الله عليج !
فطوم : تعبـانه !! ابا ماي
سـاره : ان شاء الله فديتج ,, صبتلها ماي و شربتها
محمد : سيري ارتاحي فديتج
فطوم : ماعليه بنسوي العشا انا و سـاره
محمد : خلي يولي العشـا ,, اهم شي صحتج
فطوم : انا بخير حمودي ,, انته سير ونحنا ربع ساعه و بنخلص ,,
محمد : اوكيه فديتج ,,
عقب محمد سار صوب بو حمـدان و ام حمـدان و البـاجين
بو حمـد : شخبارها ؟
محمد : بخيـر .. بيحظرون العشـا
بو حمـدان : تعبانه و تسوي العشـا ,,
محمد : قلتلها بعدين قالت لا الحين ربع ساعه و بنخلص
سلطـان : هاي مسودة الويه ان شفتها طالعه من الحجره بكسر ريولها
حصه : سلطـان .. بس !! كفايه اللي ياها منكم !
خـالد : خلهم يأدبونها ماتستحي !!
حمـدان كان ساكت و سرحـان طول الوكت جان بو حمـد قام و يلس عداله و صاصره : شوفيك الغـالي ؟ شحال القلب ؟
حمـدان : آآآآه يا ابويه من قلب غدا حبه جنوني ..
بو حمـد : انا براضيكم فديتك لاتحـاتي ,, انا ابوك ,, و فطـامي قلبهـا طيب و بترضـا بسرعه ماعليك فديتك
كت
شو بيصيـر ويا فطـوم و حمـدان ؟
و بيمـدحـون الاكل ولا لوول ؟
ووو شو رايكـم فالبـاارت
البـــارت الـ 18 "
عقب محمد سار صوب بو حمـدان و ام حمـدان و البـاجين
بو حمـد : شخبارها ؟
محمد : بخيـر .. بيحظرون العشـا
بو حمـدان : تعبانه و تسوي العشـا ,,
محمد : قلتلها بعدين قالت لا الحين ربع ساعه و بنخلص
سلطـان : هاي مسودة الويه ان شفتها طالعه من الحجره بكسر ريولها
حصه : سلطـان .. بس !! كفايه اللي ياها منكم !
خـالد : خلهم يأدبونها ماتستحي !!
حمـدان كان ساكت و سرحـان طول الوكت جان بو حمـد قام و يلس عداله و صاصره : شوفيك الغـالي ؟ شحال القلب ؟
حمـدان : آآآآه يا ابويه من قلب غدا حبه جنوني ..
بو حمـد : انا براضيكم فديتك لاتحـاتي ,, انا ابوك ,, و فطـامي قلبهـا طيب و بترضـا بسرعه ماعليك فديتك
صوب حمـده >> ماكانت فـ غرفة فطوم و سـاره كانت بروحها
كانت اتصيح من الخـاطر ع الضرب اللي ياها و هيه مقهوره من فـطوم ,, و تخطط اتسوي شي بس ماتروم
لانه مخـها مسكر تمت تفكـر لين ما رقدت ,,
اذن اذان العشـا ,, وقـامو الكل يصلون ..و جي ع السـاعه 8 .. كانو البنات يزهبون العشـا ,, فرشو الصمـاط برع و زهبو الصحـون والاكل و الخبـز و الروب و الصلطه ,, و الكولا طبعاًَ لوول ,, وعقب سـاره زقرتهم و فطوم سـارت المطبخ تسوي حلاوه يت عبـالها منـزمان ماسوتها اللي Easy Cake ,, ويوم خلصت حطتـها فـ الثلاجه .. وعقب سارت صوبهم و شافهم توهم ياين صوب الاكل و يووم يلسو ..
ام حمـد : يه يه يه شو هالحـلاااه ,, يابخت اللي بياخذكم
سـاره : يدتيه نحنا صغار مانفكـر فـ الزواج الحين هههه
بو حمـد : انا بخطبلكم واذا قلتو لا بكسر العصا ع راسكم
فطـامي : كله ولا بو حمـد .. تـامر امر انته ..
عبود : ياويل حاليه ,, فطوم انتي مسويه هالكبـاب
فطـوم وهيه شاقه الحلج : هيييه شو رايك فيه ؟
سلطـان : شو رايج نفتح مطعم وانتي تطبخيـن بتربحين والله ..
محمد : ماحيد اختيـه بشكـاره وانا مادري ,, عنيه افداج تعالي عداليه ..
فطوم سارت و نطت عدال محمد : ها سلطون تحيد يوم اقولك بخليك تقول كل يوم سويلنا عشى
سلطـان يستهبل : ها متى ؟
فطوم : هييه استهبل استهبل ,, حمـار .. ها خالوه و عموه و ويداتيه ,, شو رايكم فينا ؟
الكـل : مافيكم حيله الصراحه ,, تسلم ايدكم
عبدالرحمن : ابا لوووب
سـاره : خذ فديتك ..
ويوم كلـوا و شبـعوا و محـدوا الاكـل ,, قامو عند اليلسه اللي برع ,, سارت فطوم اول شي تبدل ثيابها و تلبس لبسها القلبي البلنطلون و القميص ورسمت عنونها و حطت قلوز وعقب يابت الكيكه و قطعتها الكيكه و حطت فـ النص ,, وماشالله عليها ,, الكل مدح الكيكه ,, وخاصه سلطان و عبود .. وكـان الجو برد من الخـااطر ,, و طبعـا الريايل و الحريم دخلـوا داخل يكملون السوالف ,, والتوأم و محمد وحمـدان و سـاره و فطـامي ,, تمو فاليلسه و كانو مسوين ضو ,, قامت سـاره و يابت الشـال عشان البرد حقها و حق فطوم ,, و حطو الشال عليهم
فطـوم : وابويه بررررد >> وهيه ترتجف
محمد : بس الصراحه الجو رووعه خبـال
سلطـان : عيل لو سرتي صوب البحـر شو بتسوين ؟ بتجمدين اظن
فطـوم : هههه لا خلنيه فـ البـر احسن >> سارت و صاصرت ساروه : بتخبرج شو رايج يوم بيظهرون نطلع برع
سـاره : وين !!
فطـوم : برع العزبه !
سـاره : تخبلتي لا اخاف
فطـوم : جب يا حمـاره بخلي جسوم ايي ويانا
سـاره : حرام عليج وين بتشوفين فليل
محمد : ع شو ناوين ؟
سـاره : ها ههههه لا لا ماشي
فطوم قرصت فطوم لانه محمد حس فـ السالفه
حمـدان : طلعه برع العزبه مـااااشي !!!!
محمد : نعــم
فطوم قومت سـاره : شرده شرده ..
عقت شالها فطوم وعقب راحو البنات يتحوطون فـ العزبه ,, حصلو جي شرات الخشب هب عالي وايد .. ع شكل مربع و ورا كله في لمبـات ( لوول شرات المسرح ياي ) كانت سـاره حاطه الـ FM فموبايلها و مخليه ع السبيكر وهم يغيرون فالقنوات .. حلصت غني نانسي عجرم ( ايه أول تاني كده ) عاد فطيم استخفت اونه هيه نانسي عجرم و سـاره جمهور .. تمت تغني بصوت عالي وتسوي حركات نانسي >> اونها تقدلها
فطـوم :
في الغرام لسه بدري عليك
ولا عمري تاني حفكر فيك
ده انا كنت جمبك وسابني البك
اتاري حبك كلام في كلام
سـاره : عاشت فطوم عجـرم ,,
رقيييييييييييص كان الجو و شو متخبلات البنـااااات و الشباب سمعو حشره و غنيه قالو شو السالفه !! وجان يلحقون مصدر الصوت و كانو يـوايجون و يشوفون فطوم تترقص خخخ و هم ميتين من الضحك اونه محمد بغا يهزبها
محمد هزبها بس كان يسولف : يا المستخـفاااااات والله لا اخبر عليكم يديه بو حمـد !!
فطوم و سـاره >> شرررررررررده و حده فالشرق و الثانيه فالغرب
فطوم وهيه بعيد عن سـاره تركض : وايه وايه وايه هههههههههه غربلاتك يا حمود هرم ادريبه يخوفنا
وهيه تشوف و را جان تدعم حــد جان اطيح
فطوم : عنبو ماتشوف وهيه تحاول تشوف ملامح الويه شـافت !! حمـدااان
حمـدان : آسف الغـلاي
فطوم : انا هب غلاك .. روحت عنه
حمـدان : فطـامي شوفيك متغير عليه ؟
فطـوم : اسمع حمـدان .. و بكل غرور من الخـاطر :
ماني مثل غيري اجي مع دقة الإصبع ..
انا فطامي بلا فارس عجز منهو يروضني ..حمـدان فخاطره : فديت غرورج انا
فطـامي : لاتحط فبالك اني ما سمعتك يوم تقول حق حمـده .. تعرفينيه اني احبج هب صح !! ولاتنسـى سالفة مهــا !!
حمـدان :سـالفة مهـا خلصت فطـامي ,, وانا اقولج آآسف مليون مره
كــنت ارمسها بس عشـان انسى شويه الهموم اللي فيني
فطـامي : اي هموم يا حظــي ؟
حمـدان : انتي ماتعرفين كيف تعذبت يوم كنت مسـافر
فطـامي : ......
حمـدان : والله ما خزتي عن بـالي ثواني ,, حتى ساعات بدال ما ازقر مها ,, ازقرها بأسمج ,, و حمـده انته مافهمتينيه فطـامي ,, دخيلج اسمعيني ..
فطـامي : مابا اسمع اكثـر من هالرمسه ,, روح عسى ربي يسهل خطاويك روحت عنه وهيه تمشي من بعيد تسمع
حمـدان صوت عالي : فطـوووووووم احبج احببببببببببببببببج ..
اما سـاره محمد كان يلحقـها و انخشت فـ مكان ظلام بس نـور القمـر اللي ينور المكـان .. حصلها و زخاها من ورا وسحبها مكـان محد يقدر يشوفهم و حطا ايده ع حلجها وهوه ماسكـنها
سـاره : اممممممم >> لوول تبا ترمسه بس ماتروم
محمد خوز ,, و خلا عينه ع عينها وهيه مستحيه
سـاره : محمد خوز شويه اخاف حد يشوفنا
محمد : كيفيه حرمتيه
سـاره قفطت
محمد : سـارونه
سـاره : لبيـه
محمد : لبيتي حـايه ,, زعلانه منيه
سـاره : لااا
محمد يقرب زيـاده وسـاره ع اعصابها : حموود انته و حمـدان عيبكم انكم ماترومون تيودون عمـاركم عن تسوي شي خوز
محمد : لا افا عليج مسطيـره ع الوضع تماماً ,, شوفينيه و يخليه ويها جدامه >> لانه كانت صاده الصوب الثاني
سـاره : شو
محمد : احبـج موت
سـاره وهيه مستحيه : حمـووود
محمد : عيون حمـود
سـاره بدلع : وخر عاد
محمد : تحبينيه ؟
سـاره : لا
محمد يقرب زيـاده : تحبينيه ؟
سـاره : حمـوووودي
محمد : ياربيه بتذبحينيه ,, ( الحين يرمسها بحنان ) تحبينيه فديتج
سـاره تشوفه جي 10 ثواني : همم انته شو رايك حمـودي
محمد : ماعرف ابا اســمع دخيلج ريحينيه
سـاره تمت تشوف محمد و محمد يتريـا يقول شي : امـوت فيك
محمد : اتجاملين ولا صدق ؟
سـاره : حمودي كلهم يدرون انه انا وانته نحـب بعض ليش اجامل
محمد : يعني لـو آخذج عـادي
سـاره : حبيبي بس عاد والله استحي ,, جان تسكت و حست باللي قالته
محمد : يالبيــــه فديت هالصـوت انا ,, يلا سيـري الغرفه عن حد يشوفج بسرعه
سـاره : ان شاء الله ..
فطـوم الدموع فعينها سـاره و دخلت البيت بسرعه و دشت الغرفه شافت فطـوم فـ الغرفه
سـاره : بسم الله عليج شوفيج ؟
فطـوم : حمـدان ليش يقوليه احبج وانا اليوم سمعته يقول تعرفينيه اني احبج هب صح !!
سـاره : حق منو ؟
فطـوم : حق منو يعني ,, اكيد حق حمـده
سـاره : فديتج ,, حمـدان يحبج صدقينيه حمـده يعتبرها شرات اخته خلينا نرقد الحين والصبـاح ربـاح
فطـوم : ان شاء الله
سـاره : تعالي بقولج شو استوا
فطـوم : شو استوا
سـاره : احـم زخنيه محمد ( وقالتلها السـالفه بالتفصيــل )
فطـوم : ههههه ياحليلك يا حمووود مسكين حالك والله
سـاره : فديته احبه والله
فطـوم : ان شاء الله يخطبـج وترتاحين
سـاره : ياويل حاليه آآمين ,, و عقبـالج ويا حمـدان
فطـوم : جب جب
قـامو بدلو ثيـابهم وخلاف تمو شويه يسولفون وعقب رقدو .. بس فطوم تمت تتجلب بس ما ياها رقـااد تمت ع الفراش طايحه ,, صوب الشباب عبود و سلطان و محمد سارو بعد يرقدون كانو تعبانين ,, بو حمـدان و بو حمـد كانو يالسين فالميلس والباجين رقود ,,
السـاعه 11 ونص
كني على نار الغـضا .. ونــيــران شـوقــي ولّعــت
ماغفا الجفن وغـضـا .. مــن يــوم عيـنـك بــرّقـــت
عن حمـداان كان برع .. صوب الضو يتدفا شويه .. و غرفة ساره و فطوم عدال مكـان الضو شويه بعيد طشونه بس شاف شال فطوم جان يتلحف فيه وهوه يشوف الضو و كـان مضـايج من الخـاطر ,, الضيج طالع من عيونه ,, جان بو حمـد يظهر برع يدور ع حمـدان شافه سرحان .. وهوه عنده جي خشـبه ضعيفه و طويله و يتم يحرك بالرمل و سار صوبه ..
بوحمـد : حمـدان ,, حمـدان ,, تقرب جان ايلس ,,
حمـدان : ...........
بو حمـد : شوفيك يا وليدي ,, ليـش واعي لين هالحـزه قوم ارقد ؟
حمـدان شّــل :
يابوي انا اسهر والملا رقود .. يابوي انا عفت المنامي ..
يابوي انا لي قلب مصيود .. مصطاب من حلو القوامي ..
بو حمـد غمـضه ولده طبطب ع جتفه
حمـدان :
يابوي انا اشكي ناعم العود .. ياللي عليه القلب ضامي ..
لاتلومني يابوي بالزود .. انا المتيم في الغرامي..
بو حمـد : ماعليه الغـالي ..
حمـدن :
لو دون وصله داروا حسود .. ماهمني كثر الكلامي ..
بيني وبينه لزم وعهود .. موثقه له بحترامي ..
بو حمـدان قام يدور ع ابوه وين سـار .. طلع برع جان يشوفه ويا حمـدان ,, و حمـدان يشل سار صوبهم و يلس وتم يسمع و عرف انه مضـايج ..
صوب فطـوم ,, كانو هب فاجين المكيـف من كثر البرد ,, وكانت سرحانه و هيه تسمع الشله و ماتدري منو ها ,, تمت تسمع جان توايج فـ الدريشه و شـافت بوحمدان و حمـدان و بو حمـد ,, وشافت كيف كان شكل حمـدان .. حمـدان شـاف بو حمـدان و قـاله وهوه يشـل :
يابوي احبه حب مفنود .. واللي شراتي مايلامي ..
في الروح حبه دوم موجود .. ويابوي هايم به هيامي ..
هو غايتي وهو كل مقصود .. واحن له حن الضوامي ..
بو حمـدان : ياويلي عليك يـا حمـدان ,, حاس فيك فديتك ..
حمـدان :
عساه في راحات وسعود .. وعساه في خير وسلامي ..
يابوي انا اسهر والملا رقود .. يابوي انا عفت المنامي ..
والله يابوي انا اسهر والملا رقود آآآآآه .. يا بوي انا عفت المنامي ..
يابوي انا لي قلب مصيود مصطاب من حلو القوامي ..
حمـدان : وسوالـم
بو حمـدان : عنيه افدا هالصوت ,, ماشالله عليك طالع ع يدك هههه ,,
حمـدان : ........
بو حمـد : يا حمــدان لاتشيل هـم ,, و كل شي بيتصلـح الغـالي ,, قوم الحين سير ارقد و ان شاء الله خير
حمـدان : تصبحون ع خيـر
بو حمـدان + بوحمـد : وانته من اهله
راحو بعد بو حمـدان و بو حمد يرقدون ,, و حمـدان حـاول انه يرقد ,, اما عند فطـوم ,, ماتعرف شو اتسوي
كسـرخـاطرها يوم كان يشل ,, وخـاصه يوم سمعته يقول ((يابوي احبه حب مفنود .. واللي شراتي مايلامي))
حـست انه كان يقولها من الخـاطر ,, فخاطرها توعي سـاره وتخبرها بس قالت لا باجر بخبرها ,, وعقب تمت اتفكر فاللي استوا ,, و رقدت ,,
الصبــح >> الاثنين
فـ دار الحـي .. بـالتحديد فـ الصاله
بو مريم : عندي لكم خبـر يطيركم !
عليا و مريم :خييييييير؟
بو مريم : بنتم فـ بوظبي شهر
مريوم و عليا : شوووووووووووو ,,
عليا : ابويه انته تتمصخر ؟
بو مريم : لا حشى !
مريوم : ياويل حالييييييييييييييه ,, كل يوم بيت بو حمـداااااااان ,, واااااااايه انا فديتك باباتي الله لايرحمنيه منك
عليـا لوت ع ابوها من الخـااطر : فديييييتك والله حبيبي انته حياتيه عمريه غناتيه
ام مريم : واعليه نسونا !
مريوم نقزت صوب امها : فديتج انتي احبكم كلكم وااااااااايد
عليا : بس متى بنسير ؟
مريوم : هيه الحين فـ البـر مادري متى بيردون ,, شو رايك اتخبرهم و ارد عليك خبـر ؟
بو مريم: خلاص فالكم طيب حبايبي
مريوم + عليا : فالك مايخيب الغـالي
سارت عليا و مريوم الصاله الثانيه .. جان عليوه اتصلت حق فطـوم دقت مرتين وعقب شلته ,, كانت فطوم فـ الميلس ويا الحريم و بو حمـد ..
فطـوم :مرحبـا ملااااااين ولا يسدن فذمتيه
عليـا : هلا بالمهلي الي مايولي ف ذمتيه ..
فطـوم :شحالج غناتيه؟,, ولهت علييييج حيل
عليـا : فذمتيه اني انا بعد ,, يسرج الحـال ومن صوبج ؟
فطـوم : مانشكي الغـلا ,, اخبار مريوم و الاهل ؟
عليـا : كلهم بخيـر ,, بتخبرج .. انتي بعدج فـ البر ؟
فطـوم : هيه ليش ؟
عليـا : لا اسال ,, متى بتردوون ؟
فطـوم : هممم والله مادري بسـأل عميه صبري ,, قامت فطوم و سـارت صوب بو حمـدان برع ويا الشبـاب
محمد : ياويل حاليه عليج
فطـوم : بسك مغـازل ,, باباتي متى بنرد
بو حمـدان : فديت اسم باباتي ع لسـانج ,, اليوم عقب صلاة الظهر ,, عنديه شغل ترا ,, ليش؟
فطـوم : لا بس علايه تسـأل ,,
بو حمـدان : هييه ,, سلمي عليها و ع اهلها
فطـوم : يوصل ^_^
عليـا : ها شو قال ؟
فطـوم : اليوم عقب صلاة الظهر,, بتخبرج يسلم عليج و ع الاهل
عليـا : الله يسلمه من الشر .. سلمي عليه
فطـوم وهيه ازعج : باباتي يسلموون عليك ,, بتخبـرج عليـوه ؟
عليـا : آمري
فطـوم : تصدقين اني اضاربت ويا بنت عموه
عليـا : اي عمه بعد !
فطـوم : سالفه طويله عريضه انا يوم برد AD بخبـرج انتي و مريوم كل شي
عليـا : اوكيه فديتج
فطـوم : عطينيه مريومه شويه
عليـا : اندوج تباج ..
مريوم : هلا بـ الغزلاااااان
فطـوم : واااايه فديتج ,, شحالج ؟
مريوم : يسرج فديتج ومن صوبج ؟
فطـوم : ولهانه عليج موت
مريوم : هههه فديتج والله
فطـوم : طافج والله ركبت الدراجه و تلثمت و تسابقت ويا ولد عموه و لحقته
مريوم : اي ولد عمه ؟
عليـا : منو ها بعد ؟
مريوم : شعرفنيه فيها ,, منو ها ؟
فطـوم : يوم برد AD بخبرج بكل شي ,, انزين اقولج و طلعت برع العزبه وناااااسه تميت اشاوح اقولج ,, قبضوني ولدين
انتي بويه ومنو معطنج هالدرجه ويا منو ومادري شو,, جان حمـدان يزخنيه هع
مريوم : شيطااااااانه
فطـوم : فديتنيه ,,
مريوم : اخبار قلبج ؟
فطـوم تغير صوتها : شو تبغيني اقولج .. الله كريم
مريوم : شو مستوي بعد ؟
فطـوم : بقولج السـالفه ماروم اتريـا لين ما ارد AD الله يسلمج
مريوم : ايه ايه تريي عليوه تعالي حطي السماعه بتقولنا سالفه ..
فطـوم : ههههه ويا هالروس انزين ترا انا عندي عمه اسمها حصه وعندهـا ................... (خبرتها بالعائله كلها )
مريوم و عليـا : انزين ..
مريوم : سلطون حلو ؟
عليـا : عبود حلو ؟
فطـوم : هههه هيه كيـوت ,, انزين وعقب ............ (خبرتهم شو سوت فـ الدراجات وجي)
عليـا : ياويل حاليه كشخه انزين كملي
فطـوم : انزين اقولكم وانا و ساره و حمده ع الاساس بنطبخلهم عشا كباب وجي ,, يوم رديت من برع العزبه سرنا صوب الاولاد عند المسبح ( خبرتهم يوم دزاها عبود )
مريوم : خيبه نذل ..
عليـا : اويه شو سويتي ؟
فطـوم : عصبت والله طلعت و تميت اصيح ( خبرتهم عقب شو استوا ,, وقالتلهم حمـده شو قالتها يوم طلعت من الحجره )
مريوم و عليا شهقو
مريوم : حقيـــــره !
عليـا : عاد انتي ماقصرتي فيها
فطـوم : افا عليج ,, قلتلها جملتنا المفضله .. سخيييييفه .. تاااافهه .. ماعندج سااااالفه
مريوم وهيه تصفق : عاشو عاشو بنت حمــد انزين كملي ..
فطـوم : عقب ( خبرتهم بـ السـالفه كلها يوم سمعت حمـده شو قالتلها و يوم اضاربت وياها و ضربتها )
عليـا شهقت : بنت اللذيييييييين !! احلفي قالتلج جي
مريوم : لا حبيبتي هاي مقهوره منج .. شافتنج احلى ومن جي تغار بس اللوح كيف جي تقول حق حمـدان ,, ولا بعد حمـدان يقولها انا احبج ..
عليـا : خيبه .. نذل هاك الثاني .. مايستحي الهرم
فطـوم : انزين اقولج .. وعقب يوم سوينا العشا و تعشو ,, سرت يبتلهم الكيك وجي .. و عقب يلسنا انا و ساروه ويا الشباب اقولها بنسير برع العزبه بـالدراجه خخخخ بس اصاصرها و هيه تقوله وين .. تخبلتي لا اخاف .. الدبه اكيد بيعرفون عن شو نقول جان اقولها جب يا حماره بخلي جسوم ايي ويانا ,, جان تقول حرام عليج وين بتشوفين فليل .. حمود يقولنا ع شو ناويين قالت ساروه ها لا لا انا قرصتها لانه محمد حس فالسالفهجان حمـدان يقولنا طلعه برع العزبه ماشي خخخخخ وعقب شرده اقولج سرنا ( قالتلها يوم كانو يغنون ) و قالتلها يوم حمـدان رمسها و شو قالتله اقولج انزين وبعدين صحت يوم قالي فطوم احبج والله غمضنيه بس مادري احس انه السالفه فيها إن وعقب سرت خبرت ساروه فـ السالفه تميت اجلب اجلب و لين ما سمعت حمـدان يشل ( يابوي انا اسهر ) و كان يغمض ....... وخبرتهم بالسـالفه ..
عليـا : واعليه عليه .. حرام ..
فطـوم : هيه غمضنيه
مريوم : والحين هوه وين ؟
فطـوم : تصدقين من نشيت ماعرف عنه شي ..
عليـا : عيل سكري و سيري شوفيه وين .. الله يخليج فطوم لاتعذبينه يغــمض والله
فطـوم : وليش تحاتين حظرتج اغار ..
عليـا : لا والله شرات اخويه بس والله يغمض مايسـتاهل .. سيري تـأكدي من الموضوع
فطـوم بصوت واطي : اكيه الجنيه انا بسكر الحين
عليـا : منو حمـده ؟
فطـوم : هييييه
مريوم و عليـا : ههههههههههه
عليـا : بوسيها
فطـوم : قطعععععععععع .. يلا باي
مريوم + عليـا : وين سايره
فطـوم : غرفتها ,, يلا بباي
مريوم + عليـا : بباي
سارت مريم و خبرت ابوها انه عقب الصلاه بيطلعون ,,
بو مريم : عيل نواري زهبـو عماركم بنتـغدا و بنسير ,,
عليـا : مايكفينا الوكت !
ام مريم : غناتيه انا مزهب منزمان
مريوم : طاعو هييل يزهبون ولا يقولونا ,, يلا يلا خلينا نسير نحط الاغراض , هبابنا نخلص
عليـا : اوكيه
جان يسيرون فوق و حطلو اغراضهم ,, و الثيـاب اللي شرات مال فطوم عشـان اذا بيظهرون يلبسونا شراتها و طبعا ماخبرو فطوم انهم بيون دار الظبـي قالتل بتسويلهم مفـاجأه .. وكان بو مريم يدل بيت بو حمـدان ,, و قالو بيسيرون فجـأه ..
صوب العزبــه ..
فـطوم سـارت صوب الحريـم وماكانت تدري انه الريـايل و الشباب بعد موجودين .. دشت عليهم وهيه تغني و ماكانت تشوفهم و كانت ترقص وتيبس بس كانت مغمضه عينها >> متحمسه لوول .. هييه صح نسيت اخبركم شو كانت لابس ,, طبعاً بنطلون ,, جنز عشبي و لابسه حزاام و قميص زيتي و برع جاكيت عشبي شرات الجنز هب طويل عادي لين البطن ..
وجهك ينير دبي يا بهجة دبي .. وروحك تنور بالبشاشه وطنها
بيني وبينك عهد انه اذا شي .. كدرك تشكي لي الهموم وحزنها
فـطوم : عاشو عاشو يابس يابس ,, بو حمـد شو رايك فينيه ؟و جان تشوفهم >> ماكنت تدري انه الكل موجود
الكـل : هههههههههههههههههههههه
فطـوم قفـطت احمرت و اخضرت من الخـاطر : ops
بو حمـد : تخبلين فديتج ..
محمـد : هاا فطوم منو عندج فـ دبي
فطـوم :
قلبي خذا لي ساكن دبي .. مر جميل و مرهف سلوم ,,
فتان من نظراتي يسبي .. فايج على الخفرات حبوب ,,
محمـد : شو رمستي مريوم و عليـا ؟
فطـوم : هييه فديتهم
عبود : منو هيل ؟
فطـوم : وانته شلك ,, ربعيه ..
تمو يسولفون و فطـوم كل دقيقه تشـوف حمـدان .. كان سرحـان طول والوكت و بو حمـدان و بو حمـد لاحظو عليه هالشي و بو حمـد كان يبـا يوهق حمـدان : حمـدااان عنتلاتك ضربه بالعصاعنتلاتك سرحـان منو هاي اللي ماخذه عقلك !!
محمد : نـااس مخضيــرن
سلطـان : حشى هههههه
سـاره : هههههههه حليلك يا اخويه .. جان تسير و تيلس عـداله
بو حمـدان : نبا نسمع شلّه .. منو بيسمعنـا ؟
بو حمـد : حمـداان
حمـدان : لا لا ما اروم
بو حمـد : عنتلاتك و تردنيه
حمـدان باسه ع راسه : ماعاش من ردك يا الغالي .. آمر و اطلب اي شله تبا ؟
بو حمـد : ع راحتك الغـالي ,,
حمـدان :
شفتك ولاظنيت بهواك ما هو بكيفي غصب عني
لا والذي فالكون سواك صدق المشاعر لك خذني
حاير واسج وفكري وياك اقصد وشعري لك عني
كنه القمر طلعت محياك ياللي جمالك فاتنني
حاولت اصبر عنك وانساك لكن روحي لك تحني
اتخيلك في يوم لقياك يوم الصدف فيك اجمعني
اشتاق لك والشوق جدواك ونظرات عينك شوقني
دايم علي تمر ذكراك ومن الشوق قلبي متعبني
ودي بشوفك لاعدم يمناك في العمر تبقا ملازمني
شفتك ولاظنيت بهواك ما هو بكيفي غصب عني
....
.
حمـدان : سوالم
فطـوم فخاطرها : آآآآخ ياويليه انا ع هالحس عنيه افـداااااااه و افدا راعيه ..
بو حمـد : لاخليت من هالصوت يارب
خالد : له له شو هالزين ,, ماشالله عليك .. عيني عليك بـااارده
ام خـالد : ها حمـدان حق منو هالشله ؟
حمـدان ابتسم
ام حمـدان قلبها يتقطع ع حال حمـدان مايروم حتى يرمس وتبا تسوي جوي : فطـااااامي !!
فطـوم حست انه بتقول شلي : لا مابا
الكـل : هههههههههه
سـاره : عنبو ماكملت رمستها
فطـوم : جيه انتي ماتشلين !
سـاره : انا ماعرف يلا عشـان خاطر حمـاني
فطـوم : وينه فدييييت خشمه انا
ام حمـدان : برع ,, يلا غنـاتيه شلي ..
فطـوم : همممممممممم اوكيه
حبيبي والله انه الحب منك واشوف الكون كله في عيونك
دخيلك لا يروح بعيد ظنك ولاتشرك بحبي مع ضنونك
اذا حبي ترا مجننك انا جنيت والله من عيونك
شعور مبادله مني و منك اذا ناديت قلبي قال عونك
احاسيسي من الفرحه يبنك احبك حيييل ما اصبر بدونك
اشوف الموت لي من غبت عنك بدونك والله مانصبر بدونك
حياتي مع فوادي مشترنك و روح الروح ماتغلى تمونك
محال امن الجوارح يتركنك إلاه الكون يا غالي يصونك
حبيبي والله انه الحب منك و اشوف الكون كله في عيونك
....
.
سـاره : حيـ هالصوت انا عنيه افداه
بو حمـد : ياويل حاليه انا فديت هالحس
فطـوم استحت عاد اونها : اثتحـي والله
حمـدان فخاطره : فديتج والله
فـطوم : سـارووه يييبي الأونو خلينا نلعب ويا الحراميه الاولاد
سـاره : خخخ انزين ,, سارت الغرفه ويابت الأونو
فطـوم : تسلمين فديتج ,, منو بيلعب ؟
سـاره : الله يسلمج ..
بو حمـد : عيل نحنا نخليكم بنسير برع نحوط شويه
فطـوم : الله يحفظكم .. يلا منو بيلعب ؟
عبود : انا و سلطون
محمد : انا و حمـدانوه
حمـدان بتعب : لا لا انا ماروم
فـطوم : ......... >> يالسه تخبص فالاوراق
محمد : عشـانيه يلا
حمـدان : اوكيه الغالي ..
فـطوم : بوزع 10 لانه نحنا 6 وايد انزين
عبود : انزين ..
بقولكم كيف يالسين .. فطوم مسانده ع الكرسي و عدالها ساره .. عقب محمد وعدال محمد حمـدان وعداله عبود و عادل عبود سلطان وبتكون عداله فطـوم ,, و بدت فطـوم توزع و يوم رفع اوراقها قالت بسم الله ,, واستانست وايد لوول لانه اورقها رقيص الصراحه ..
اما عند الباجي اوراقهم نحسه الا واحد ,, اللي هوه حمـدان ,, سكت وماحب يقول حق حد اما الباجين تمو يتحرطمون
عبود : خبصتج سم ,, يلا العبي ويا هالراس
فطـوم : عثـــل والله خبصتيه ,, يلا العبو ..
عـاد الحظ كله ع فـطوم و سـاره .. الا يطوفون دور عبود و سلطان .. و هم قهورين
محمد : ويييييييو البنات يقطعونكم ويييييييييو هاهاهاهاهاههههههي .. وجااااااان يخسر وييييييييو ..
عبود : والله غش >> وايد سحب
حمـدان : هههههههه بقطعك صدقنيه بس ويت عليه شويه ..
فطـوم : يلا يلا عنونيه منـاااك يلا محد يحط راسه فـ راسيه !!
محمد : عااشت فطـااامي عاشت عنيه افدا خشمج السيف
فطـامي ضحكت ضحكه شـر من الخـاطر : هههه تسلمين فديتج ع ام 4 بس لاتخافين ما بخسر .. واحلى ام 4 لعيونك يا سلطان
اسحب 8 هاهاهاها ..
سلطان : جلبه
فطـامي : احم 3 كـاااارت >> كان عندها كله ازرق ..
سـاره : 4 كـااارت
محمد : 5 كـااارت
حمـدان : تو كاارت
فطـوم فجت عينها : صدقنيه مابتفوز ..
حمـدان و التحدي فـ عينه : بنشوف
فطـوم يا دورها جان تحط 5 ازرق > ع حظها كله ازرق : ياربيه حطلي احمر هب اخضر
محمد حط اللي يغير اللوان جا يغير و يحط ازرق
فطـوم فخاطرها : غبــي .. حبيبي حمود جان خليت احمـر ..
محمد : هههه عشان تفوزين
سـاره عرفت لعبت فطوم .. و تبا تفوزها حطت كرت اخضر 5 .. جان تحط ازرق 2
فطـوم :1 كااارت ,, بس ادري اني بسحب وايد ..
سلطان : اففف مافي ام ربع
حمـدان : انا عنديه >> جذاب اصلا عند محمد و سـاره لوول
سلطـان : يا الهرم اهيء يلا العب
عبود : خخخ شوفو وايد عنديه كروت
حمـدان : لعب جان اي ادور ع محمد و محمد لعب و عقب ساره لعبت وغيرت اللون
فطـوم : بليييز اصفر .. بس صبرو ترا 1 كرت
سـاره : ههههه مابا .. ازرق
فطـوم : آآآآآند اوووووووونو ... وييييييييييييييييييييو كلييييتهم هم هم هم ,, وييييييو ,, تمت تترقص وحالتها حاله
المهم وعقب حمـدان فاز قطع سلطان و عبود كان متفق ويا محمد و ساره ,, وطبعا هم اللي خسرو ساره فازت عليهم
فطـوم انسدحت ع الارض من شافت اشكالهم : ههههههههه بطنيه خخخخخخخخخ حرام عليك عييييييب عييب انففففففف عليكم .. سلطون استح ع ويهك غلبتك فـ الدراجات و اللعبه خخخ يحتاي انته تفوز هع فاشل ويييييييييييو
سلطان : ههههه جب ويا هالـراااس
فطـوم : انا بسير العب دراجات تعالي ساروه ويايه بركبج ورايه
سـاره : اوكيه سيري دوري كمن دوره ووعقب تعالي صوبيه
فطـوم : اوكيه ,, شافت حمـدان جان يشوفها << بالغلط لوول .. قفطت فطوم ركضت برع بسرعه
طلعت فـطوم و شغلت دراجتها وتريت عليها شويه وعقب تمت ادور فالعزبه و هيه مستـانسه ..
فطـوم : هممم اشرد ولا ,, بطلع برع العـزبه .. بس اخاف جسوم يشوفنيه .. جان تسير صوب البوابه ماشافت حد و شرده وبس حمـدان شافها وسـار ركب دراجته و لحقـها ,, وكان متلثم .. حتى فطوم .. المهم تمت تصعب ع العراقيب و ماكانت تدري انه في النزله .. نزله طويله ,,
فطـوم فخاطرها : رحت فيها ,, ماقدرت تسيطر ع عمرها وكان حمـدان وراها .. و عقب انجلبت و انجبت الدراجه حمـدان تخبل سيده ترك الدراجه و سار صوبها .. خوز عنها الدراجه وهيه تكح من الخـاطر وصـاحت من الزيغه
حمـدان بخوف جان ينزل صوبها : فطوم فيج شي .. شي يعورج ؟
فطـوم اتصيح لوت عليه ..
حمـدان : دخيلج غناتيه قوليلي شو يعورج ؟
فطـوم خازت عنه هيه تصيـح : لو ما كنت موجود جان مت ومحد درابي ..
حمـدان حط راسها ع صدره بدون مايحس : كنت خايف عليج من جي لحقتج فديتج والله ,, عسا عمرج طويل ..جان يقومها
فطـوم مسحت دموعها وعدلت الغتره ..
حمـدان : وايد عيبتنج غترتيه ؟
فطـوم : ههههه هيه وايد ..
حمـدان فخاطره : اقولها ولا ,, اقولها ولا ,, لا لا بتعصب ,, لا بقولها ماروم : فطـامي ؟
فـطوم : لبيــه
حمـدان : لبيتي حايه
فطـوم بدون ماتحس : آمر عنيـه افدااااك
كــــــــــــــــــــــــت
شو تتوقـعون يصيـر فـ البـارت اليـاي ؟؟
و حمـدان شو بيـقول حق فطيــم ؟
ومريوم و عليـا ,, بيسيـرون بوظبي ولا بيصيـر شي ,, وبيـأجلـون السيـره ؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك