رواية خطاي إني وفيت وأنت للجفا عنوان -12

رواية خطاي إني وفيت وأنت للجفا عنوان - غرام


رواية خطاي إني وفيت وأنت للجفا عنوان -12

مي:مدري والله امي عندها عزيمة عازمتها ام محمد الي بنتها اسمها انفال عرفتيها

غلا:اقول مالقيتي الا انا اعرف حريم حد الي يقربون لنا ويخب علي.
مي:هههههه مو انا الي لازم اعرف هذي مين واصادق بناتها تعرفين تعليمات الوالدة .
غلا:طيب ووش بتسوين مين بيودينا ؟
مي:مافي الامشعل
غلا:ووع بيغثنا
مي:طيب وش نسوي؟؟
غلا:خلاص بقوول لنايف.
مي:وانا بقول لمشعل
غلا:طيب هم وينهم فية
مي:خبرك هم بزارين اكيد عالبلاي ستيشن .
في الغرفه الثانية ,,,,,,,,
مشعل:اااقول ووش تبي أي لعبة؟
نايف:حط كورة أي شي ماعندي مشكلة .
مشعل:اوكي عندي سي دي للأندية السعودية والمعلقين سعودين.
نايف:اية حطة بس مالي دخل تراني الهلال.
مشعل:ااقول طس "بمعني انقلع اوابتعد ههههه" انت وجهك انا النصر .
نايف:خخخخخ راحت عليك انا الفايز
مشعل:بنشوف!
نايف:تدري ياخي جد والله على اني هلالي مزعلني حال النصر.
مشعل:حتى انا بس فريقي و انا اشجعة ومقدر اتخلى عنه بس انشالله يرجع مثل قبل.
نايف:ماشالله الأتحادي موصل لبطولة الأندية للعالم .
مشعل:اية والله شرفونا.... اقول كم تبي دقيقة
نايف:حط الي تبي المهم الهلال
مشعل:ذبحتنا درينا
نايف:ياربي الغيرة اربـــع بطولات ماخذينها بموسم واحد وانشالله هالموسم بعد ناخذالأربع بطولات ..
مشعل:لاحـــول اقوول ألعب بس.
نايف:هــــب علية مانيب قادر اعكر لة منطلق تقل غزال هههههه
مشعل:ااقول قول ماشاالله انت ووجهك ...... شفت خذت الكرة انا اوريك
يقوم مشعل يسحب يد البلاي ستيشن من نايف ونايف يوخر ويصارخ ودخل نايف هـــدف .
نايف:حبيبي انا ماينقدر علي
ألا تدخل غلا ومي,,,,,
غلا:حمدالله والشكر صدق المجانين في راحــــه
نايف:آآآفا الشرهة موب عليك الشرهة على الي جايبك معه
غلا:فديت اخوي الزعول (تتمصلح عشان الطلعة (
مي:مش مش
مشعل:خيـــر وانا كم مرة اقولك لوتبين تدلعين دلعي عدل مش مش ويقلد صوتها
مي:تساسر غلا:اعوذ بالله نار شابين شكلنا ماراح يوافقون .
غلا:ااقول مادام هم مهبل خلنا نستهبل عليهم
مي:ووشلــــون؟؟
غلا:كل وحدة تشجع اخوها لين يكبر راسه وعقب نقولهم نبي نطلع .وشرايك؟
مي:صار
كل وحدة جلست ورىاخوها وبدو.
مي:صرصربنحبك يانصر.
غلا:لال لال بنــــــحبك ياهلال .
مي:بالطول بالعرض بنحبك يانصر.
غلا:ركـــــــود ركــــــــود الزعيم موجــــود"وبقوة بعد"
قامو يناقزون في كل هجمة ,,,
نايف:وراهم ذولي استهبلوو
مشعل:انا اعرفها اختي اذا تبي شي تتمصلح .
نايف:خلينا نجاريهم ونخليها تعادل.
مشعل:اوكــــي.
وخلــــصت المبــــاراة على التعـــــادل
مي:يوووووه مابغت تخلص هالمباراة نشف ريقي من الصراخ
غلا:وانا بعد كل هذا فدى السوق
مي:يالله نقولهم .
مي:مشعل تراني شجعتك؟!
مشعل:طيب ووش تبيني اسويلك
غلا:وانا بعد نايف تراني شجعتك
نايف:طيــــــب وش تبون الزبدة؟
مي:امي اليوم عندها عزيمه وبتاخذ السواق
مشعل:طيب وسواق بيت جدتي ؟؟
مي:عندها موعد بالمستشفى .
مشعل غمزلنايف وقال:لاص العصر تجهزو طيب ووين تبون تروحون .
نايف:من جدك انت مواعدين احنا الشباب
مشعل:شدعوة الشباب اهم من خواتك
نايف مستغرب ويقول في نفسة شعندة ذى
مي:مشكور ياخوي

وطلعت غلا ومي وهم يضحكون نجحت الخطة هــــــــــــــــيا نجحنا "تعرفون مساكين مجنن على بالهم اقدرو على مشعل ونايف الي صارو اذكى منهم"
مي:بس مدري وش هالطيبة الي نزلت على مشعل
غلا:سبحان مغيرالأحوال اهم شي نروح السوق.... بس احنا مواصلين مانمنا
مي:تبين السوق ولا
غلا:ألا
مي:اجل اهجدي بنروح نشرب قهوة ونصحصح
"في غرفة مشعل"
نايف:من جدك انت ماراح نروح للشباب
مشعل:هههههههه مالقيت ألاانا بس خلنا نسوي لهم مقلب
نايف:يعني وشو ماراح نوديهم ؟؟
مشعل:يحلمون بنتكشخ وبنطلع اجل يقصون علينا "ان كيدهن عظيم"بس كيدنا اعظم
نايف:ههههههههههه حرام عليك
مشعل:يستاهلون
وكملوا لعب........
الساعه4,30عصر ....تكشخوا نايف ومشعل والعطر يوصل لا اخر الشارع ومرسمينؤ طالعين شي
مشعل :اقول
نايف:وشو؟؟
مشعل:من وين نطلع!!
نايف:مدري عنك بيتكم وانت اخبر فيه
مشعل:ماعندنا الى باب المطبخ عندي مفتاحه ادخل منه اذا تاخرت
نايف:خلاص صار
طلع نايف ومشعل من الغرفه الي في الدور الثاني ويطلون من الدرج على الدور الارضي لقوا غلا ومي لابسين عبايتهم وقاعدين قريب من الباب الداخلي وباين عليهم اثار التعب
مشعل :هههههه بصوت واطي بالله شوف اشكالهم مواصلين
نايف:حرام عليك اكسروا خاطري
مشعل:مي متعوده على كذا
نايف:بدال انت اخواها الله يعينها
وطلعوا من باب المطبخ شوي شوي وركبوا السياره
دق جوال مي..انغزت من دقت الجوال كانت غافيه
مي:هلا والله
مشعل:هلا وغلا ههههههههه
مي:وشفيك يا المهبول هااااه وليه تاخرتوا نزلوا بسرعة من زمان نستناكم
مشعل:تعيشين وتاخذين غيرها
مي:يعني وشو تراني موصله ومالي خلق
مشعل:طيب باي
مي:والسوق
مشعل:مافيه سوق هههههههه انا بسياره طالع
مي: وشلـــــــــون طلعتوا
مشعل:ســـــــــــر المهنه هههههههه
مي:والله انا اوريك انا اقول من وين ها الطيبه انزلت عليك فجاه والله مردووووووده
مشعل:قلتيها قبل بس ما سويتي شي
مي:نا اوريك....وسمعت ضحك نايف وسكرت طوط طوط طوط
مشعل:ههههههههههه سكرت في وجهي
مي انقهرت من حركته
غلا:هاا نطلع
مي وشوي تصيح:طلع مشعل مسوي فينا مقلب
غلا:قلت ما احب اخوك ها الملغ
مي:واخوك بعد معه
غلا:والله ما اخليهم بنردها قومي انوم وعقب جايهم الاعصار وخروا عن طريقه
مي مالها خلق بس ابتسمت وراحوا ينامون مامداهم حطوا روسهم على المخدة الا ناموا من التعب
في الشاليه ..
بندر يشوف التلفزيون وشوق معه بس محد يكلم الثاني والجو متوتر بينهم ,,,وفهد ونور يلعبون كوره برا
حط بندر على روتانا خليجيه غنيته حسين الجسمي الشاكي بالحفله..ومطول على اخر لانه يحب هذي الاغنيه ويدخل فهد ويقول:الله.. ويرقص..وياشر على بندر يعني تعال ارقص معي
قام بندر يرقص ويسوي حركات وفهد راح يسوي حركات عند شوق ويبس مثل رقص الامارتين..وشوق في بالها تقول اشفيهم استخفوا ذيلوا بس عليهم رقص روووعه ولا بندر يذبح في جميع الحالات...بعد ما خلصت الغنيه
نور:عــــــــــاشوا اخواني ابدعـــــــــتوا و ما قــــــــصرتوا
فهد:ههاا شوق اشرايك انا في عرسك مارقصت فقلت ارقص لك الحين
شوق:ابدعت شكلك رووعه وانت ترقص
فهد:ههه تسلمين احرجتيني
بندر يطالع فهد بنظره يعني خير
فهد فهم له وقال:اسفين في ناس تغار
شوق ارفعت حاجبها واضح يغار"طبها في خاطرها"
نور:اقول شباب

بندر:أي يا حلــــــوه
نور:تسلم يا قـــــمر
بندر:ههه اخاف تغار شوق بعدين منك
شوق واثق من نفسه:لا انا ما اغار عليك
بندر:لااااا
نور:الحين بنشوف
فهد:شـلون؟؟
نور:قلت لي شلون..بنلعب لعبة الصراحه
بندر:وشو لعبة الصراحه
نور:لعبة الصراحه ان نقعد كلنا وفي النص غرشت ماي او أي غرشه ونلفها ولي توقف عليه يسال الطرف الثاني الي وقفت عليه الطرف الثاني من الغرشه او يخليه يسوي أي شي
بندر:حلو ما عندي مانع
شوق:بس انا عندي دواس ..انا ما احب هذي العبه
نور:ليه؟؟
شوق:كذا ما احبها
نور:الله يخليك
بندر:قعدي عشاني
طالعته شوق بنظره يا واثق عشاني
بندر:ليش اطالعيني كذا في شي
شوق:ولا شي
قعدوا كلهم بالارض شوق مقابل بندر ونور قبال فهد
نور:بندر لف الغرشه
لف بندر الغرشه وصارت بين نور وشوق ونور مفروض تسال او تطلب من شوق
نور:جاك الموت يا تارك الصلاه
شوق:لاتسالين سوال صعب
نور بخبث:اسهل من السهل نفسه
نور:تحبين بندر؟؟
بندر فك عيونه
وشوق قلبها وقف وش ارد
شوق:.............................................. .

شوق في خاطرها:احبك كثر ماتنبت على خد الثرى اشعاري....كثر ماالشمس تمطر نور وكثر الحزن في عيني
شوق:هااا اكيد أحبه مو زوجي لازم أحبه (وطبعاً وجها أحمر بتموووت من الحيااا(
بندر تفاجاء ماتوقع إن شوق بتقول أنها تحبه وخذته الافكاره هي تتكلم جد ولاعشان فهد ونور موجودين مو معقوله أنها بتقول ماتطيقني وماتطيق العيشه وياااااي
ولفت نور الغرشه او القارووره وطلع فهد الي يسال وبندر الي يجاوب..طبعاً فهد تعرفون جريء والي على قلبه على السانه:الله انت حاس أن مصيرك في أيدي
بندر:أقول أخلص مسوي مصيري معلق في أيدك تراها لعبه أخلص وبلا هذره زايده.
فهد:نور سأالت شوق أذا تحبك؟ بس انا ماراح أسأل نفس السؤال بسالك وشو حسيت فيه اول ماشفت شوق؟
بندر انصدم من السؤال(بس لاتخافون ماتعور خخخخخ) ويقول في خاطره ياليتني ماوافقت العب العب معهم:أقول شوق ماكنهم طاحوا فينا اسئله مالها داعي
شوق:أي والله جد بس بندر جاوب على السؤال أنت مو أحسن مني
بندر:ههههههههههههههههههههه ويسوي نفسه يتثاؤب:يالله حبيبتي شوق خل نروح غرفتنا أنا فيني نوم..
شوق في خاطرها:حبيبتي
فهد:عااااااااااااااااااااااش مصرف
بندر مسوي نفسه شجاع:سؤالك مو صعب وما اتهرب منه بس لو أقعد أشرح من اليوم لبكره ماراح اوصف جزء من الي حسيته
بهالحظه طبعاً شوق تشققت من الوناسه
نور:أكـــــــــــشخ وش ها لكــــــــــلاااااام
فهد:شوق وشو تحسين بعد هذا الاعتراف الخطير؟؟
شوق: هذا السؤال خارج نطاق العبه عشان كذا ماراح ارد
فهد:خخخخخخخ انا جوعااااان
بندر بستهبال:هذا السؤال بالعبه ولا شلون...حتى انا جوعااان
نور:موتوك فيك نوم
وشوق تضحك على هبالهم
يلف بندر على شوق وهو يبتسم:حبيبتي أنا جوعااااااااااااان
شوق:جوعااااااان ياااقلبي من عيوني وش مشتهي؟؟
بندر يفكر:ابـي ابــــــــي؟؟؟؟؟؟؟
شوق:أقول أخلص لاتتطلب واااجد
فهد:ههههههههههه خخخخخخخخخ فشلوا الحبيب
بندر يستهبل:ترضين شوووووووووووقي يضحكون علي؟؟؟
شوق:هههههه لاياقلبي مايرضيني قولي وش تبي تاكل
بندر:أقول شرايك نروح ناكل بالمطعم انا وياك لحـــــالنـــــــــااااااا
فهد: والله ما تطلعون الا رجلي على رجلكم
شوق تقوم:انتوا الكلام معاكم ماراح يخلص بروح اسوي لكم شي تاكلونه..وقامت نور مع شوق
بندر:نجي نساعدكم؟؟
شوق: ماعندنا مانع
فهد:وانا طرطور اقعد لحالي بجي معاكم
*
*

في المطبخ


شوق:بندر خذ الطماط وقصه حلقات فهد قطع الخس قطع كبيره
بندر: ماعندها لعب على طول عطت الاوامر بنشوف شبتسوي شكلنا بناكل سلطه
نور:وانا شسوي؟؟
شوق:انت سوي بيض مقلي
فهد:أي عرفت الطبخه بتسوي لنا بيض بالسلطه
شوق:أحــــــــــــلف
فهد:لاغلط ماقلتوالنا وش الجائزه للي يكتشف الطبخه
ماردت عليه شوق وخذت المرتديلا وقطعتها انصاف وكل شوي بندر وفهد يطلعون اسم لطبخه شوق قطت التوست مثلثات اول طبقه حطت جبن سلايس(شيدر) وبيض بعدها قطعت توست ومسحت عليه مايونيز قليل الدسم وطماط وخس ومارتديلا وقطعت توست..ووواخيراً انتهت الطبخه الي يقول صج طبخه كلها شندوتش خخخخخخخخ (اعزائي المشاهدين المقادير ستظهر تحت الشاشه خخخخخخخخخخ(
نور بصوت عالي: مين يبي بيبسي ومين يبي عصير؟؟
بندر:بكم البيبسي ياللاخو؟؟
نور وهي تضحك:5 ريال
بندر:لا البسطه الي جنبكم ارخص خخخخخخخخخ عطيني عصير مانجا
تلف نور على شوق:وانتي؟؟
شوق:حتى أنا ابي عصير مانجا
نور:اوووو زي حبيب القلب
طبعاً شوق صاير وجها الوان الطيف في لهذا الصيف هههههههههههههه
فهد:أنا مابي اصير عذول ابي بيبسي
وقعدوا على الطاوله في المطبخ تعشوا وسولفوا وبعد ماخلصو كل واحد راح غرفته ينام...
^
^
غلا ومي سهرانين يخططون مقلب لمشعل ونايف لان غلا ونايف بينامون بيت خالتهم
مي :لقيتي شي
غلا:سكتي لاتقطعين حبل افكاري
مي:طيب
بعد صمت عشر دقايق 1 2 3 4 5 6 7 8 9 10
غلا:لقيتهاااااااااااااا
مي:قووووووووووووولي
غلا:...............................
مي:هههههههههههه خخخخخخخ
غلا:عشان يعرفون هم كانوا يلعبون مع مييييييييين
مي وهي تضحك:متى ننفذهاااا
غلا:هم وووين؟؟؟
مي:في المجلس الخارجي
غلا:قومي
مي:وووين؟؟
غلا:................................
مي: خخخخخخخخخخخخ اوكي يالله
بعد مانزلوا وسوا الترتيبات الازمه
غلا:مي وين عداد الكهرباء حقكم
مي: عند المدخل قبل مانطلع للمجلس
غلا:كذا احسن شيلي العدة
مي:ههههه والله خايفه
غلا:سكتي انا عارفه نايف يمكن يكنسل اقامتي من االحياه على الي بيشوفه اليوم
راحت غلا ومي عند المدخل وقفلوا كهربت المجلس والحوش وبسرعه اوقفوا عند باب المجلس كل وحده بطرف
مي بصوت واطي:استعدي
غلا:اوووووص شكلهم بيطلعون
....نايف ومشعل استغربوا ليش انقطعت الكهرباء استنوا خمس دقايق يحسبون الكهرباء بترجع
نايف: قوم شكلها ماراح ترجع شوف وش صاير
مشعل:قوم معاي انا ما اشوف بظلمه
نايف:قوم يا الخواف
مشعل:اقول ماني بخواف خلاص لاتجي وياي
نايف:قم بس قم

مسك نايف ايد مشعل وفتحوا الباب اول ما طلعوا ماتشوف عينكم عينكم الا النور حسو بشي بارد صقيع انكب عليهم...مي وغلا الشرده حطوا ارجولهم وقبل مايرحون الغرفه فتحوا نور المجلس والحوش....نايف ومشعل اول ما انفتحت الانوار شافوا اشكالهم كانت تفطس من الضحك الحلوات مي وغلا كبوا عليهم فينتو بارد وبقطع ثلج وكانو لابسين ثياب بيضه صارت عنابيه
نايف وهو معصب:الله ياخذهم قسم بالله لاكسر راسهم..الايدق جوال مشعل راح المجلس عشان يرد كانت مي داقه
مشعل:ياااااحيواااانه والله لاكسر راسك قسم لوريك نجوم الليل انت والخايسه الي معاك بزران عندكم حنا عشان تسون فينا كذا
مي تضحك:هههههههههههههههههههه
مشعل وهو يصارخ:تضحكين والله لاكسر الباب وعلقك فيه..يسحب نايف الجوال من مشعل ويسكر الخط
مشعل وهو معصب:ليش سكرت الخط
نايف:انا بقولك انا اذا عصبت ما اشوف لا امي ولا ابوي بس انا ماطق بنات"ياحمش خخخخخخخ" تدري ليه لاني ما اوصخ ايدي بطقهم ولا اصرخ عليهم عشان ما انجس الساني"قوووووويه يا الاخو"
مشعل:بس انا ماراح اخلي حقي انت شايف اشكالنا ههههههه والله نايف شكلك يضحك كان احد داعمك
نايف:بردها عمن سعالي بذلي
مشعل:يعني؟؟؟
نايف:العين بالعين والسن بالسن والبادي اظلم
مشعل: مافهمت شي!!!!
نايف بدا يعصب:انت ماتفهم بردها لهم بس اقوى
مشعل استوعب:بوريهم الويل
&
&
الساعه2.00 الصباح ندى سهرانه تشوف فلم اجنبي على 2 دخل سعود وما انتبهت له ندى
سعود:بووووووووو
ندى:بسم الله الرحمن الرحيم خرررررعتني انت من وين طالع
سعود:لااااوالله حلفي يعني من وين طالع من الشباك مثلاً طالع من الباب.. غريبه سهرانه للحين العاده انتي زي الدجاجه 12 انتي خاااامده
ندى:لابس اليوم مدري احس راسي يابس مافيه نوم
سعود:اهاااااا..الصراحه البيت هادي بدون فهد ونور وبندر ومرته
ندى:عاد الي يقول انت على طول في البيت كله طالع شلون فقدتهم
سعود:شدعوه كله طالع اقعد انا في البيت احياناً
ندى:تصدق ياليتني رحت معهم احسن من مقابل وجهك
سعود:بعديها هالمره ..الحين انتي ليش مارحتي؟؟
ندى: اممممممممم.... انا ماستطلف شوق
سعود:حرااام عليك احس انها حبوبه وبحالها لا لها ولا عليها
ندى:شدراك انا اعرفها من ايام الجامعه وماتعجني حركاتها هي وصديقاتها
سعود:ليه شايفه عليها شي؟؟
ندى:لاماتوصل للاخلاقيات بس حركات بنات ماتعجبني
سعود:انا بقوم بنام ابرك من شوفت خشتك
ندى:سخيف وانا الي متأمله تسهر ويااي
سعود: اقوووول تصبحين على خير
ندى:تلاقي الخير
%
%

الساعه2,40 الصباح شهد تكلم مزون صديقتها على الماسنجر
"شهد" نعم أعلنها بسكوتي.. واخفي رعشه فصوتي.. واخلي عينك أتفسر.. هواي وعشقي وموتي:والله طفشانه حدي البيت بدون غلا ونايف مايسوى مافي احد اكلمه اكلم نواف؟؟؟
"مزون" آآآه يا عمر الجراح ليتني ما يوم طعته.. اللي عذبني وراح باعني والحين بعته: كسرتي خاطري
"مزون" آآآه يا عمر الجراح ليتني ما يوم طعته.. اللي عذبني وراح باعني والحين بعته: خخخخخخخخخخخخخ ههههههههههههههههههه
"شهد" نعم أعلنها بسكوتي.. واخفي رعشه فصوتي.. واخلي عينك أتفسر.. هواي وعشقي وموتي:تضحكين يالخايسه
"مزون" آآآه يا عمر الجراح ليتني ما يوم طعته.. اللي عذبني وراح باعني والحين بعته: شسوي لك..طيب ليه فيصل مو راضي تروحين معهم
"شهد" نعم أعلنها بسكوتي.. واخفي رعشه فصوتي.. واخلي عينك أتفسر.. هواي وعشقي وموتي:يغار علي من عيال خالتي
"مزون" آآآه يا عمر الجراح ليتني ما يوم طعته.. اللي عذبني وراح باعني والحين بعته: الله على الغيور الله يعينك عليه
"شهد" نعم أعلنها بسكوتي.. واخفي رعشه فصوتي.. واخلي عينك أتفسر.. هواي وعشقي وموتي:على قلبي زي العسل
"مزون" آآآه يا عمر الجراح ليتني ما يوم طعته.. اللي عذبني وراح باعني والحين بعته: اجل تحملي ولا تتحلطمين
الايدق جوال شهد"حبيبي"يتصل بك
"شهد" نعم أعلنها بسكوتي.. واخفي رعشه فصوتي.. واخلي عينك أتفسر.. هواي وعشقي وموتي:مزون لحظه فيصل داق اخلص منه وارجعلك
"مزون" آآآه يا عمر الجراح ليتني ما يوم طعته.. اللي عذبني وراح باعني والحين بعته: والله عمره طويل انتظرك
شهد بدلع:الووو
فيصل:هلاااااااااااا والله بهااااااا الصوووووت ورااااااعية الصوووووت
شهد:هلااااااا فيك
فيصل:شخبارك قلبي؟؟
شهد:بخير دامك بخير
فيصل:شقاعده تسوين؟؟
شهد:قاعده على المسنجر
فيصل:تكلمين مين؟؟؟
شهد تمزح:واحد توني متعرفه عليه؟؟
فيصل معصب:نــــــــــــعم
شهد:عااادي مافيها شي ليه منصدم مو انتوا تكلمون بنات على المسنجر احنا نكلم شباب على المسنجر
فيصل وهو معصب ووصل الدم لراسه:انتي الكلام معاك ضايع مع السلامه
شهد توها بترد الا فيصل سكر الخط..دقت على فيصل عطاها اشكل ومارد عليها
ارسلت لها شهد....
حبــــــيــــــبي والله كنت امزح وياااك انا اصلاً مــــــــــااكلم احد غيرك ومـــــــــــــايملا عيـــــــــــــني غيـــــــــــــــرك,,,,,,,,
احـــــــــــــــــــــــــبـــــــــــــــــــك,, ,,,

فيصل قرا المسج وقعد يضحك وقال ماراح ارد عليها خلها تتادب وماتمزح معاي هالمزح.. ونام
انتظرت شهد فيصل يرد على مسج ولكن بدون فايده وراحت تشكي معاناتها لمزون وماخلصت سوالف مع مزون الا الساعه 4,00 صلت ونامت وهي متضايقه تحسب فيصل زعلان منها,,,,,,,,,,,
#
الساعه 7,00 الصباح صحت شوق من النوم والشاليه هادي لان الكل نايم قامت تسبحت وصلت الفجر لانها كانت نايمه ولبست برمودا ابيض وجابنيز وردي ورفعت شعرها على ذيل وطلعت خصل طايحه على كتوفها وكان شكلها روعه مره ناعم..قررت تتمشى على البحر وقبل ماتطلع من الغرفه وقفت تتامل شكل بندر وهو نايم:يالله يابندر وشكثر أحبك كل يوم أحبك اكثر من اليوم الي قبله
انزلت المطبخ وسوت لها نسكافيه وطلعت تتمشى عالبحر وقعدت تتامل البحر وتفكر بحالها هي وبندر والزوج الي كل ماله ويتطور وهي مو قادره تتخلى عنه....ياربي وش اسوي كل البنات لما يتزوجون يصير فيهم كذا ولابس انا احس نفسي بين مد وجزر قبل يومين ماكان يكلمني وكل ماقول له شي مايرد علي وامس باليل انقلب حاله وكلمت احبك مافارقت السانه!!!!!!!!!!!!!!
قام بندر وقعد يتقلب على السرير ومالقى شوق جنبه استغرب شاف الساعه كانت 7,50 فكر وين راحت قام وتسبح وصلى ولبس بنطلون بيج وتي شيرت كت اسود مبين عضلاته وشعره للحين مبلل لما ما لقاها داخل قال خل اطلع اشوفها يمكن تكون برى طلع لقاها تتامل البحر وسرحانه وقف يتامل شكلها وهي سرحانه وفي عالم ثاني وشعرها يتطاير مع الهواء ويقول في نفسه:شكلها مع لبسها مره كيوت وناعم قرب منها بندر:صــــــــــباح الـــــــــــــخير..
شوق وهي مفزوعه:بسم الله خرعتني وابتسمت صباح النور
بندر في نفسه ياله وشكثر احب هالابتسامه:وش مقعدك من الصبح
شوق:مدري قمت ولا قدرت ارجع انام
بندر بخوف وقرب منها:شوق فيك شي؟؟
شوق وهي سرحانه وعينها على البحر:لااا مافيني شي
بندر:حطي عينك بعيني
شوق وهي تتصنع الضحك:ههههه قلت لك مافيني شي
بندر:طيب ليه ماتحطين عينك بعيني
شوق في خاطرها لو بحط عيني بعينك بتفضحني وماحركت عينه من ع البحر:بس كذا
بندر:مدام بس كذا اجل ماراح اتركك الا لما تحطين عينك بعيني
حطت شوق عينها بعين بندر بس ماقدرت عيونها امتلت فيها الدموع وطاحت دمعه من عينها
بندر بحنان:ليه ياقلبي متضايقه فيك شي ويمسح دمعتها ويمسك ايدها..
شوق وهي تبتسم الله يابندر اذا بغيت تصير حنون تصير واذا تبي تصير قاسي صرت قاسي:مافيني شي يابندر صدقني
بندر:قولي ما ابي اقول
شوق:مو كذا
بندر:طيب قولي
شوق متردده تقوله بلي تحس فيه:انـ.................
فهد:الله على الجو الرومنسي الي عايشينه
بندر وهو منقهر من فهد:اقول ياشينك يالغثه انا الغلطان الي جايبك معي انا قلت نور بس ياشين قطت الوجه
فهد:هوب هوب شبيت فيني شكلي قاطع سالفه مهمه
شوق احمدت ربها ان فهد انقذها:بندر حرام عليك ماسوت عليه فديتك انا يافهد
فهد:هذا الكلام الزين "مو انا الغلطان جبتك معي"ويقلد صوت بندر..والله ذليتنا انا جبتك وانا جبتك اذا جبت عيال بطلع حرتي فيهم
شوق صار وجها احمر من كلام فهد...
بندر:ملاحظه من قالك بيكون بيدك اصلاً من زينهم وحلاتهم ماراح تقدر تكلمهم الا بموعد هذيلي عيال بندر ..ولف على شوق وغمز لها وشوق
فهد:طيب مين انت؟؟ شوق قمر وبلعناها انت ليش قاط وجه
قام بندر يبي يضربه وفهد يهرب وبندر يلحقه وشوق ميته ضحك عليهم,,,,
@
@

في الرياض في غرفة مي,,,,,,,,,,,,,,,,,,,,
غلا ومي للحين ماناموا وكل ساعه والثانيه يتذكرون المقلب الي سوه ويضحكون
غلا:تتوقعين ناموا
مي:يمكن بس مستغربه من تصرف مشعل
غلا:أي تصرف
مي:انا من العاده اذا سويت له أي شي يذبحني ضرب بس هاالمره ماسوى شي على ان الي سويناه مو شوي انا مدري شلون طاوعتك
غلا:حتى انا مدري شلون سويت كذا بس كنت مقهوره واحس نفسي قويه وماتندمت في نفس

يتبع ,,,
👇👇👇
أحدث أقدم