بداية

رواية أحلى صدفه في حياتي -16

رواية أحلى صدفه في حياتي - غرام

 رواية أحلى صدفه في حياتي -16

فواز: انتهى النقاش انا رايح..
وراح وتركها ولا كأنه زوجها او مسؤل عنها..
خليني اتكلم شوي عن بدور اللي ما اخذت دور كبير في الروايه...
بدور بنت مره جميله..جمالها برئ وهادي وفي نفس الوقت جذاب..انفها صغير وشفايفها صغار..وعيونها متوسطه ورموشها كثيره وكحيله..وشعرها اسود وقيصر وناعم..ما هي بيضا..تقريبا نقول عنها حنطيه..جسمها روعه مع انها جابت طفلين..بالنسبه لي اطباعها..اكثر بنت طيبه في الكون كله .ما تعرف كلمة لا..اللي مكونه من حرفين..شخصيتها مره ضعيفه..اللي ينقال لها تنفذه بدون نقاش..ورحومه وحساسه وفيها كل الرومنسيه والرقه..تزوجها فواز عن حب..لكن بسبب شخصيتها صار يتسلط عليها.. صحيح يحبها بس ما صار يبين لانه يعاملها بخشونه..وغرضه انه يقوي شخصيتها .لكن ما تغيرت.كان يبيها تصرخ عليه وتزعل وتروح بيت اهلها..بس كل هذا ما حصل ولا مره.دايما يحطها في بيت اهلها بالاسابيع وما تقول له شي..بعض الاحيان يسافر وما يخذها معه كمان ما تقول شي..ينام عند ربعه وبعد ما تقول شي...عشان كذا فواز يتنرفز ويعصب عليها بس يحبها ومستحيل يتخلى عنها..
ودخل الكل وجلسوا العيال قدام ووراهم البنات والحريم ..وطالعين مؤدبيييين ههههه ..
وجلسوا يطالعون الفلم وميتين من الضحك على هشام وحركاته وذايبين عليه..
فجر: واااي رومنسي صاير..
ريم: آآآه يا قلبي عليه..
عبير: ما تعرفون وين ساكن؟؟
رغد:لا بس ليش..؟
عبير: بروح اخطبه ههههه..
نوف: ما تنلامين ههههههه..
شجون: شوفي كيف ميس حمدان دايخه عليه..
مها: يا قلبي محد يلومها..
ريم: اوقول دوروه بين الحضور..ترى صديقتي يوم كان الفلم معروض في البحرين كان موجود ويطالعه..
وصاروا البنات يتلفتون يدورونه..
ام مشاري: وش فيكم؟؟
ريم: يمه سمعنا انه بيحضر معنا..
ام مشاري: صدق!!!"وصارت تدور معاهم."
ام ماجد: عنيد هشوم هنا...؟
العنود بتهديد: هشوم هاه..بعلم ابوي عليك..
ام ماجد خربتها: علميه من زينه يكفي اني متحملته هههههه..
عبير: ترى أصدق واقوله..
ام ماجد: امزح..وين ابو ماجد بعد عمري كلي فداه زوجي ابو عيالي..
ام تركي: ههههه احلى يا الرومنسيه..
ام سليمان: اثرك ما انتي بسهله..
ام مشاري: زوجها يحق لها تتغزل فيه..
ام فيصل: عسى بعد هو يتغزل فيك..
العنود فضحتهم: والله ما يقصر..
ام ماجد استحت:لا تبالغين...
ام فيصل: هههه يا حليلها تستحي..
وكملوا الفلم والعيال اعقل منهم ما فيه حتى ما لفوا وجيهم ولا مره ..حتى عيال عمهم ما شين كذا على الصراط المستقيم ههههه
ومشعل ولين ..محمد جالس بينهم وما خلا لهم مجال يسولفون مع بعض...
خلص الفلم وطلعوا .. وعند البوابه..
ام مشاري: وين ودكم تروحون...؟
رغد: ماما خلينا نروح البحر ونقعد لما الفجر..
ام فيصل: والله ما هي شينه..
ام مشاري : هاه وش رايكم؟؟
الكل: اوكيـــــــه...
ام مشاري: اجل نقول للرجال ونطلع..
ريم: خلونا ناخذ شاليه لليله وحده .
ام مشاري: اوكيه لعيونك بس.."وهي تقول هالكلمه كان سليمان توه طالع ويطالعها وابتسم لها وبانت غميزاته..ريم ذابت من نظراته وابتساااااامته وطاحت في حضن امها..
ام مشاري: خلاص بعدي عني..
ريم: ههههه يمه خليني..
ام مشاري: اذا انتي مشتاقه لي تعالي عندي واقعدي عندي مو تنحاشين مني..
ريم وهي تطالع سليمان وهو يتكلم وذاايبه عليه: من عيوني..
جرتها العنود من حضن امها..
العنود: خلاص وخري عن خالتي..
ريم: وش عليك..سبحان الله ناس حقوده..
العنود بخبث: ما اسمح لك تستغلين خالتي لمصالحك الخاصه"وصارت ترفع وحواجبها وتنزلها"
ريم: انا وامي نصلح..يلا بس مشينا..
ورجعوا للفندق عشان يستعدون للرحله..
وخلال ساعه وحده جهز الكل وانطلقوا بسياراتهم..وصاورا يدورن شاليه..لانهم ما حجزوا ما يعرفون اماكن كثيره بدبي..
ووصلوا لشاليه مره فخم من برى..
فـــــــي سيارة الرجال..
ابو مشاري: اتوقع هذا زين وش رايكم؟؟
ابو ماجد: والله شكله ما عليه كلام..
ابو فيصل: توكلوا على الله بس...
واتصل ابو مشاري على مشاري عشان ينزل ويتفاهم معاهم واذا كان في شاليهات فاضيه ولا لأ..
نزل مشاري وحجز الشاليه ودخلت العوائل بسياراتها داخل الشاليه..ونزل الكل..
العنود: بصراحه فن..
ريم: ابدااااع..
رغد: واااااو..
عبير فاتحه فمها:.........لا تعليق..
شجون مها يحضنون بعض:مرررررره نايس..
فجر: رومنسي يصلح لي..
نوف: روووووووووعه..
وبعدها مثل العاده لازم جوله تفقديه واستكشافيه للمكان..كان الشاليه بالمرررره كبيـــــــــــر ...في الوسط نافورة مويه كبيره بالمره فيها انوار من كل الالوان وعلى راس النافوره فيه مجسم لبنت ويطلع من فمها مويه..وحول النافوره كراسي... وكمان فيه ملعب كبير لكرة القدم ..وجنبه للتنس والطائره..غير غرفه للبلياردوا وفيه العاب ثانيه...وكمان فيها مسبح خيالي ابداع..كان كبير بالمررررره ومن داخله انوار معطيته جمال وارضيته مرسوم رسمة اثنين ما سكين بعض ويسبحون..وعلى اطرافه فيه مثل الناوافير الصغار تصب في المسبح نفسه...وغير كل هذا كان في كل مكان في الشاليه ورد ..جوري..ياسمين..فل..نرجس..كل كل انواع الورد..وللجلسه فيه مثل المجلسين وكلها زجاج عاكس..حطوا واحد للحريم والثاني للرجال ..وبين كل واحد مسافه..وفيه اكيد باب يطلعك للبحر من الجهه الثانيه للشاليه..
وبعد رحلة الاستكشاف...
رغد: بصراحه احترت وين نجلس فيه..
الهنوف: المكان يرد الروح..
عبير: خلونا نجلس على الكراسي هناك..
مها: انا اقول اول شي نجلس مع امهاتنا شوي وبعدين نفلها..
ريم: وش تبين فيهم..
شجون: ريم انهبلتي..
ريم: لا استخفيت ههههههه..
رغد: انا راي من راي مها..
البنات وافقوا وقرروا يتكرمون ويجلسون معاهم..
اول ما دخلوا وجلسوا..
ام مشاري: تبون شي....
عبير: لا خالتي مشكوره..
ام ماجد: اجل اكيد محتاجين شي؟؟
رغد: لالا ما احتجنا شي تسلمين..
ام فواز: اجل فيكم شي..
فجر: يا ناس نبي نجلس معاكم يعني الا يصير فينا شي..
ام تركي: غريبه ما هي من عواديكم..
الهنوف: قلنا ما لنا غير امهاتنا..
ام سليمان: الله يحيكم ..هذي الساعه المباركه..
ريم: الله يحيك خالتي..
بدور كانت ساكته مثل كل مره.صار لها سنتين وهي على هالحال تجي كمالة عدد بس ما تناقش ما تسولف اغلب كلامها سم وا نشا الله وبس..حتى الحريم حاولوا انهم يشاركونها بس ما تحب تشارك احد..دايم ساكته وتفكر بفواز وعيالها وخايفه تخسرهم اثنينهم والسبه فواز ومعاملته لها..
رغد حست فيها" بدور غربيه ما دخلت مع الحريم ولا جات معانا..صايره محايده بس لازم اكتشف وش فيها..ما كانت كذا اول ما تزوجت فواز.كانت مرحه وحيويه وتسولف وتتكلم وتضحك اما الحين ولا علامه على وجهها..بس شكل عندها مشاكل..يا عمري والله تنرحم.."
راحت رغد وجلست جنبها..
رغد: هلا بدور كيفك..
بدور تطالع فنجان القهوه اللي معها: الحمد لله مثل كل يوم..
رغد: وكيف القمرين دحوم وشهود..
بدور: الحمد لله مثل الفل شوفيهم..
رغد بتردد: طيب ممكن اقول لك كلمتين وتتقبلينها مني..اذا عجبك كلامي عال العال..واذا ما عجبك قولي لي معليش ما احب اتكلم اوكي..
بدور طالعت رغد وابتسمت لها: اوكي..
رغد: بدور انتي بالمره متغيره دايما تفكرين وشايله هم على قلبك..وين ابتسامتك وين وسواليفك..ما عاد صرتي بدوره الاولى اللي اذا جات مع الحريم دخلت جوهم واذا جلستي معنا دخلتي الجو كمان..الحين احسك حزينه ومكسور خاطرك..اعتبريني اختك ..صديقتك وفضفضي لي..وان شا الله سرك في بير واعرفي ان كل مشكله ولها حل وكل ازمه بعدها فرج بس لازم نسعى ونحاول وما نسكت..نشارك اللي حاولينا فرحنا وحزننا ..ما يصير تكتمين في قلبك كذا.فاذا حابه تحكي لي انا موجوده ومستعده اسمع لك بأي وقت مع اني اتمنى ان الحين نتناقش في الموضوع..
بدور تطالع رغد وعيونها امتلت دموع: وش احكيلك يا رغد وش اخلي...
رغد: انتي ابدي من الاول..
بدور: وش رايك نطلع شوي ونشم هوا..
رغد: اوكي..
وطلعوا وجلسوا عن النافوره..
بدور: انا مشكلتي مع حبيبي وزجي واهلي وناسي كلها..
رغد: فواز..
بدور: ايوه فواز..فواز كان كل شي بحياتي ومازال..ومثل ما انتي عارفه ان احنا تزوجنا واحنا نحب بعض..
رغد ابتسمت: بسم الله عليكم كنتوا مثل طيور الكناري..
بدور وكأنها تبتسم لماضيها: كنا يا رغد كنا..اقول لك سالفة فواز من البدايه..اول ما تزوجنا كنا سمنه على عسل..عايشين حياتنا طبيعي كلها حب ورمنسيه..بعد ست شهور حملت بدحوم وكمان كان الوضع عادي.لكن بعد الولاده ما ادري وش صار لفواز..قلب علي ميه وعشرين درجه..صار بس يصارخ و ينافخ..
رغد بتردد: طيب يضربك؟؟
بدور: لالا الحمدلهك ما وصلت للضرب..كرهني يا رغد كرهني..ما يطيقني..كله يحقرني ويحط من كرامتي المرفوعه طول عمرها..مع اني ما اذكر اني سويت له شي..او اني جرحته او حتى ما قد رفعت صوتي عليه..كان لما يصارخ ما ارفع صوتي عليه احترام له..يحطني في بيت اهلي اسبوع..هذا غير اني كل اسبوع لازم انام عند اهلي اربعاء وخميس وجمعه..وبالطقاق يجي ياخذني...طبعا ما ينام في البيت دايم عند ربعه..
رغد متفاجئه: معقوله فواز كذا..
بدور: كل شي معقول..حتى لما حملت بشهد توقعت بيتغير الا زاد اكثر واكثر واكثر..كل يوم يزيد صد وجفا وبعد عني..صارت حياتنا جحيم وما تنطاق..صرت اتمنى اني اجلس معاه يوم كامل بدون هواش او حتى بهواش معليش بس اجلس معاه..تخيلي يا رغد حتى بالفندق هالايام هذي ينام مع العيال وتاركني لحالي..
رغد مصدومه مو قادره تستوعب ليش فواز يعمل كذا مع بدور اللي اطيب منها بالكون ما فيه..
رغد: طيب ما عرفتي السبب..
بدور: لو اني عارفه السبب بيكون هذا حالي..
رغد: طيب سألتيه سبب بعده عنك...ناقشتيه...
بدور: ما يعطني وجه ابد..ما يتناقش معاي كثير واذا حاولت قال النقاش انتهى سكري الموضوع..
رغد: وانتي تسكرينه؟؟
بدور: ايوه اكيد..
رغد: اكيد فيه سبب ينرفزه..يعني في حلقه مفقوده في السالفه..
بدور: لا والله هذي السالفه من اولها لآخرها..
رغد: الحلقه هذي مو عندك..عنده هو بس كيف راح نعرفها..لازم تفكرين معاي كيف نخلي زوجك يتكلم عن حياته الزوجيه ومع مين...
بدور: فواز ما اتوقع انه يحب يتكلم عني ابد..
رغد: لو ما يحبك كان طلقك..
بدور: لا يمكن عشان عياله..
رغد: خلاص ولا يهمك انا اللي بحل لك الموضوع..
بدور: كيف؟؟
رغد: اصبري بس اخطط وبعدين اقول لك عشان التنفيذ..

عنـــــــــــــد البنــــــــات....
كانوا البنات يسولفون ومندمجين في السوالف ورن موبايل فجر..
فجر شافت المتصل وابتسمت وقالت بفرح: الووو..
نوف: اكيد فيصلوه النشبه..
ريم: ليه فيه غيره..
فيصل: هلا والله وغلا بهالصوت..
فجر: هلا فيك.."وقامت عنهم وطلعت"
فيصل: وش ذا التغلي والحركات وش عندك ما عاد تعطيني وجه..
فجر تضحك: ابي اشوف غلاي..
فيصل جا على باله قصيده وبصوت رومنسي:
اسأليني عن غلاك وحبك المنسوج فيني..
أسأليني يا حياتي دام لك بالقلب ديره..
كل ما شفت القمر حسيت وجهك يحتريني..
وكل ما شفت الزهر شميت ريحك في عبيره..
لو صحاري نجد تسألني عن الحب الحقيقي..
قلت حبك..ثم حبك..ثم حبك يا الاميره..
فجر فرحت من قلب: هههه تسلم لي واله يا بعد عمري..هذي من قصايدك..
فيصل: وربي ان هذا الكلام ما يطلع الا اذا سمعت صوتك وهمسك ولا اذا شفت حلا وجهك..
فجر: تسلم والله يا قلبي..فصول حياتي..
فيصل: هلا بقلبي..
فجر: تدري اني اموت فيك..
فيصل: اجل انا وش اقول..اعشقك..اهواك..احبك..اموت عليك..هيمان فيك..ذايب عليك..
فجر: هههههه خلاص صدقتك والله..
فيصل: فجر انتي حياتي ودنيتي..انتي الماضي عندي والحاضر ومستقبلي..
فجر: فصولتي حتى انا صدقني ان حياتي ما صار لها طعم الا لما دخلت فيها..صرت استمتع بأي شي لانك دايم معاي بقلبي وفكري ووجداني وروحي..
فيصل: اجل ما دامه كذا..يله تعالي عندي..
فجر: طيب بعد شوي..
فيصل: لا يعني كذا ما تحبيني..
فجر: لالا خلاص جايتك الحين..وش رايك نروح عند المسبح..
فيصل: اوكي يلا انا رايح..
فجر: وانا جايتك باي..
فيصل: باي.
فجر طلت على البنات واشرت لها انها بتروح وتأشر على الخاتم يعني مع فيصل وراحت..
العنود: وش رايكم نخرب عليهم..
عبير: اصبري نص ساعه وبعدين نخرب عليهم..
ريم: حرااام.........ولا اقول احسن تستاهل..
نوف: بس بشويش على اختي تراها حساسه..
مها: طيب خلوهم في حالهم..
شجون: حرام عليكم ترى اخوي يتمنى لحظه يقعد فيها مع فجر..
العنود: احسن خليه وش معجله..بعد الزواج ياخذ راحته..اما الحين يتركنا نودعها ونجلس معاها..
ريم: صادقه بنت عمي..
&& &&
عنـــــــــــد العيال..
طلال: بعد هنا حاجرينا..
مشاري: انت اصبر شوي وبعدها ما راح يشوفونا..
وليد: اقول وين فيصل..؟
فواز: اكيد الحين مع المدام..
ماجد: وانت ليش ما تروح مع المدام...؟
فواز: واللي يعافيك اسكت..
ماجد: اذا ما تحبها طلقها..
فواز انصدم من فكرة انه يطلقها: اطلقها!!!! ليش اطلقها؟؟؟
ماجد: احسن من انك راميها..
فواز: ومن قال ان انا راميها..
ماجد: اجل اللي انت تسويه شنو؟؟
فواز: اربيها..
ماجد: تربيها..ليش بزر عندك..
فواز: انت وش عليك..اذا تزوجت هذيك الساعه تكلم..
سعود: ما شا الله الشاليه روعه..
نواف: بصراحه شي خطير..
تركي يستهبل حط رجل على رجل: عاد انتوا ما قد شفتوا خير ما تنلامون..
سليمان يكمل معاه: معاك حق يا تركي انا ما ادري وشلون صادقتهم...لالا شكلهم هم ذابين وجيهم علينا..
تركي: ايه اتذكر يوم سعودوه يتلزق فيني واحاول اصرفه بس ما يفهم..
سليمان: يا شينها من ايام لا تذكرني فيها واللي يعافيك..
سعوود: نواف وش رايك نطلع بكرامتنا ازين...
نواف: يلا..
تركي: بسرعه: وين وين راحين...؟
سعود بدون نفس: بنطلع انقرفنا..
تركي: اجلسوا لايفجرون فيكم الشياب..
سليمان: ما خلوا عيالهم يطلعون عشان انتم تسوونها..
سعود: صدق ليش؟؟
سليمان: كذا عباطه..
تركي: لازم ينكدون عليهم مساكين..
نواف: بس بصراحه اهاليهم مره ديمقراطيين..
تركي: في هذي صدقت."وتذكر ابوه وسكت"
سليمان: وش فيك؟؟
تركي معقد حواجبه: لا ابد سلامتك..
سليمان ما حب يصرّ على تركي مع انه عارف السبب..اكيد ابوه...ابوه حمله المسؤليه وهو صغير دايم هو المسؤل عن امه واخته الهنوف.. طول حياته برى ..ما كان ابوه يسأل عنهم ابد بس يرسل لهم فلوس وكأن هذا الشي اللي ممكن يحتاجونه منه..ام تركي عايشه وماهي عايشه..هي متزوجه وكأنها ماهي متزوجه..يعني محسوبه زوجه بالاسم.زوجها ما يتصل عيلها وما يكلمها وما يسأل عن عياله بس لاهي في جمع الفلوس وبس.. حتى انه ما يرجع للرياض الا يومين ثلاثه ويرجع غريب عليهم ما يعرفونه.. ما يدرون كيف يسولفون معاه.حتى سلامهم عليه بارد ما فيه أي احساس..الهنوف قسى قلبها على ابوها ما تحبه وما تحب تسمع سيرته..تحس انه تخلى عنها وعن اخوها توئمها وحبيبها..فا صارت سيرة ابوهم من السير المحرمه انها تنقال..تركي والهنوف كانوا دايما يتمنون يكون عندهم أب يعتمدون عليه..كانت دايم الهنوف تتمنى من ابوها يجيب لها اغراضها ويوديها ويجيبها..يحبها ..يبوسها يلعبها..تحس ان وراها سند وظهر تستند عليه في وقت شدتها..حتى تركي نفس الشي..وده ابوه يصارخ عليه اذا تأخر..يعصب لما يدري انه يكلم بنات ويلعب عليهم..يخاف اذا صار عليه شي..يهتم ويسأل عنه بالمدرسه لما كان صغير..بس كان اللي مسوي كل هذي الشغلات امه لحد ما كبر وصار رجال وبدى يعتمد على نفسه.امه تركت عليه نصف المسؤليه..وهوتحملها وقال انا لها..
نواف: تركي..تروك...تركان....
تركي: هلا..
نواف: وينك وين رحت...
تركي: معاك ..معاك..
نواف: كنا نقول كم تتوقع نسبتك..
تركي: اما انتوا يا الدفره عليكم سوالف ما ادري وش تبي..
سليمان: لالا بجد تروك كم تتوقع..
تركي: يمكن 90%..وانت.
سليمان: 93%..
تركي: ونوافوه الخبل وسعودوه الاهبل كم تتوقعون...
سعود: ما راح ارد عليك لان عقلك صغير..
سليمان: اخلص..
سعود: 92%..
تركي: اجل اكيد نوافوه الخبل 90%..
سليمان: ليش.؟؟
تركي: ما شا الله بالترتيب انا 90 ونواف 91 وسعوده 92 وانت 93..
سليمان:صدق احنا اصدقا حتى في النسب قربين..
تركي يتطنز: لاااااا ما شا الله وش هالتفكير السليم في الجسم السليم..
سليمان: ههههه ما نسيتها من العلوم في الابتدائي..
ضحكوا البقيه: هههه يا الله مغبره من جد..


مشاري يأشر: طالع طالع ابوي وشلون يتكلم وهو متحمس..
طلال: هههه شوف شوف الوالد كيف يعارض.
وليد: اتحداكم تلقون مثل ابوي..دايم يعارض وما قد صار مؤيد..

ابو مشاري: يا اخي لازم يلاقون حل لي أنفلونزا الطيور..
ابو ماجد: وانت صادق ما يصير كذا..
ابو فواز: انتوا سمعتوا باللي ماتوا بالسعوديه..
ابو فيصل: من جد حرام تروح ارواح المسلمين..
ابو مشاري: يعني الناس بتضطر تاكل لحوم ونرجع لوضوع ارتفاع الاسعار لان الاسعار موصله للسقف..كل شي غالي..
ابو فواز: والله اني اعرف ناس ما يقدورن يجيبون اللقمه من اول كيف الحين مساكين..
ابو ماجد: والله ناس كثير ومن الطبقه المتوسطه مو الفقيره صارت فقيره من الغلا هذا..
ابو مشاري: هذا اللي راح يسبب فجوه..وراح يصير طبقتين بالمجتمع الطبقه الراقيه او الغنيه والطبقه الضعيفه او الفقيره..
ابو فيصل: وراح نصير مثل الشعوب النائيه..

محمد: واقول لك كنت راكب الدباب.وتخيل خلاص بنقلب الا امسك الطاره واعدلها بسرعه..هاه وش رايك فيني..
مشعل: رهيب .ذكرتني يوم كنا في العطله الصيفيه اللي راحت..كان نتحدا انا واحد من العيال من المركز الصيفي ومطلعينا نطعس..المهم كنت ماشي ومسرع واطعس الا يجيك الولد من قدامي قلت في نفسي يا ولد وين تروح اذا رحت يمين طلعه عاليه وبنقلب واذا رحت يسار نزله وبيطيح وبتكسر والولد قدماي ..وقلت يا ولد ادعس وادعس وانا وياه خلاص بنتصادم الا هو وخر عن طريقي وانا كملت هههه بس كان موقف رهيب وفي نفس الوقت مغامره..
محمد: ايوه بعد ذاك اليوم.....
لين جالسه معاهم: خلاص انت اسكت خلي مشعل يتكلم.مغامراته احسن من مغامراتك البايخه..
محمد: اعصابك هاه..تراني ما احب البنات وكفايه متحملك..
لين: مشعل شوفه..
مشعل: لا تدخلين فيه.يعني انتي الغلطانه.
لين سكتت..
محمد طالعها بعدين كمل: ايوه وش كنت اقول لا اله الا الله...ايوه ذكرت..
وكمل سواليف ولين موصله معاها ومشعل ومحمد ميتين ضحك عليها وكانوا يبون يطفشونها...


رغد: طيب ممكن اكلم البنات بس ما راح اقول لهم انك قلتي لي شي وما راح اجيب طاريك وكأننا بنحل موضوعك وانتي ما تعرفي عن شي وش رايك...
بدور: كيفك سوي اللي تبين بس اهم شي فواز يرجع لي مثل اول ..بس ودي انك تبلغيني بكل شي بتسوينه وما تقولين للبنات شي عني ااوكي..
رغد: اوكي..
بدور ابتسمت: نرجع عند الحريم..
رغد: مشينا..
ودخلوا بأمل متجدد بعكس لما طلعوا كان اليأس مسيطر..طلعت بدور بوجه ورجعت بوجه ثاني مبتسم صافي والامل والحب يتجدد فيه وجلسوا مع البنات..


فيصل كان لابس برمودا ابيض قميص ليموني والياقه حقت القميص رافعها ولابس كاب ابيض ورسمه من قداكم باللون الاصفر..طالع شكله خيال مع المويه والانوار..وكان المسبح في غرفه زجاج شفاف..جات فجر وشافت فيصل حاط رجليه في المويه ويلعب فيها وسارح بفكره وشكله روعه..اخذت نفس واستعدت وابتسمت ودخلت وجلست جنبه..
فيصل ما حس فيها كان يفكر بعمق..
فجر تطالعه"يعني معقوله ما حس فيني"..وصارت تطالع وجهه الجذاب وخصوصا انه مسوي"ديرتي فيس" وطالع شكله توب..
وفجأه وبحركه سريعه ..فيصل طبع بوسه على خد فجر..
فجر انصدمت واخترعت ما توقعت ابدا..وغير هذا كله منحرجه منه ومن حركاته الجريئه..
فيصل: هههه لعبت عليك..
فجر ضربته من كتفه بخفيف: من جد طيحت قلبي...
فيصل: بسم الله على قلبك..ان شا الله في عدوينك قولي امين..
فجروجهها احمر: ههههههه..
فيصل صار يطالع بفجر وكأنه مكتشف شي جديد..
فجر: وش فيك تطالعني كذا..
فيصل: في شي على رقبتك..
فجر خافت: يمــــه وشو..
فيصل قرب يبي يشوف ايش هو..وطبع بوسه ثانيه على رقبتها..
فجر عصبت: فصوووووووول...
فيصل بعد عنها وهو يضحك: كيفي زوجتي..
فجر فسخت الكاب وحوست شعره: احسن تستاهل..
كان شعره كثير وطويل شوي بس ناعم ولما حوسته طلع شكله جنان وبرئ وكأنه سبايكي..
فيصل: يله عدليه..شكلك مخترعه..
فجر تستهبل: يمه ما توقعت شعرك كذا..
فيصل: بسرعه عدليه.
فجر: ما ابي..
فيصل: ترى بأسوي ساعه بأيدك"يعني اعضك"
فجر: وتقدر تألمني..
فيصل: هو انا ما اقدر بس بحاول..ترى اذا سويت ساعه مو تبكي وتروحي عند امك فا احسن لك عدلي شعري..
فجر: خله كذا احلى..
فيصل: مو من شوي كنتي تقولين يخرع..
فجر: امزح معاك كل شي عليك يهبل ويجنن..
فيصل ابتسم: طيب جيبي الكاب..
فجر: لا خله كذا..
فيصل: وش فيك معانديه ترى بأرميك في المسبح..
فجر: خذ..
عدل شعره ولبس الكاب...
فيصل: فجروه تصدقين وحشتني عيونك..وضحكتك وابتسامتك..
فجر: وانت كمان وحشتني..
فيصل: وش بعد..
فجر: وفقدتك واشتقت لك..
فيصل: وش بعد..
وحط ايده على كتفها وفجر حطت راسها على صدره..
فجر: وبس.
فيصل: بس!!!!!..
فجر: وانت؟؟
فيصل: انا ولا شي من اللي قلتيه..انا اكثر بكثير واضعافه ومضاعفه.انا بالعربي اتنفس هواك..
فجر: هههه تر بقلدك..."وصارت تصارخ" يا ناس احبه...
فيصل يضحك: والله تنفعين تقلدين..
فجر: صدق...!..
وحست ان احد دخل ناظرته بطرف عين وعرفت من هو الشخص.....


الجـــــــــزء الثــــالــث والثـــلاثون...


فجر حست ان في احد دخل ناظرته بطرف عين..عرفت انه طلال..

اشر طلال لفجر انها تبعد عن فيصل وبعدت عنه وهي ما تدري وش بيسوي..
فيصل وهو لاهي مع قلبه: تكفين فجوره عيديها..
طلال من وراه بالضبط: تعيدها هاه..."ورماه في المسبح"
طلال: ههههههههه وربي شكلك تحفه هههههه..
فجر تضحك على فيصل: ههههه حرام عليك طلول..
طلال: اسكتي لا الحقك اياه..
فيصل وتوه يطلع راسه: هين اوريكم تضحكون علي .."وصار ياخذ المويه ويكبها عليهم"
فجر قامت: فصول مالي دخل..كله من طلول..
فيصل اشر لها انها تدفه..هي خافت بس عشان فيصل كل شي يهون..
جات من ورى طلال اللي لاهي يضحك..ورمته..وصارت تضحك عليهم..
فيصل راح على طول عند طلال اللي توه مطلع راسه يتنفس..
طلال : هين اوريها..
فيصل قرب من عند طلال وفرق الجسم والطول واضح..صحيح ان طلال جسم وطول بس فيصل غير جسم رياضي حقيقي..
ومسك طلال من رقبته وصار يغرق طلال وطلال يترجاه..
طلال لما طلعّ راسه فيصل: فيصل تكفى خلاص..
ودخل راسه مره ثانيه ولما طلع: خلاص توبه..
ودخل راسه بعد: والله ماعيدها..
فجر: فصول خلاص لا يموت اخوي..
فيصل تركه: عشان خاطرك بس..وطلع من المسبح..
طلال: حشى غوريلا مو زوج وش كبره..
فيصل: سكتيه لا اموته الحين..واخليهم يقولون مات غرقاً..
طلال: انت عيدها بس وشف وش يصير..
فيصل لف عليه: وش قلت؟؟؟
طلال خاف: قلت جهز لي ملابس معاك ههههه..
فيصل: اشوا على بالي سمعت غلط..
طلال: انت اللي اذنك ما ادري وش فيها ودها الجراج""المكينيكي"
فجر خافت على فيصل وطلال انهم يمرضون: بروح اجيب لكم مناشف واجي اوكي لا تطلعون..
فيصل ابتسم لها: تسلمين يا قلبي..
طلال وهو في المويه: يا اخي احترم وجودي..
فيصل: ما تستاهل..
طلال: ترى اطلقك الحين من اختي..
فيصل: شكلك ما تبت..
طلال وهو يسبح سباحة الفراشه: شكلي هههههه ترى امزح هاه..بعد الحين يستقوي علينا..
جات فجر ومعاها المناشف وعطت فيصل وحده..
فيصل: مشكوره يا احلى وارق زوجه في الدنيا..
فجر ابتسمت له وراحت عند طلال اللي طلع من المسبح..
طلال يقلد فيصل: مشكوره يا احلى وارق زوجه اقصد اخت في الدنيا"ويطالع فيصل"
فيصل فسخ الكاب اللي انغسل..وفسخ القميص اللي عليه..
فجر ماتت حيا وهي تطالعه وصدت عنه..
طلال نفس الشي فسخ القميص اللي عليه وصار ينشف شعره بالمنشفه..
دخلوا عليهم البنات وما انتبهوا لوجود طلال..
العنود وهي داخله: شكل فجر عصبت من فيصل ورمته..
والبنات فقعوا ضحك..
شجون: اجل الله يعينك يا اخوي ..اذا هذا اولها..
عبير: لا مسكين اجل ما شاف شـــــــــــ
انتبهوا لطلال ولشكله الجذاب وهو قاعد ينشف شعره ونصه جاي على وجهه..
طلال وقف تنشيف وصار يطالعهم..كلهم يطالعونه..
البنات يطالعونه اول شي وش جابه عند فيصل وفجر وثاني شي على شكله الساحر..
طلال : وش فيكم تطالعوني فيني شي غلط"وقعد يطالع نفسه".ههه عشاني فاسخ القميص..
العنود ذايبه في مكانها وهي تشوف عضلات جسمه وشعر صدره ..ووجه والخصلات المنتثره على وجهه..
عبير حمرت خدودها وهي تطالع طلال مبستمه وخاااااقه..
مر طلال من عندهم ووقف عند الاختين..
طلال: فاتكم سويت مقلب بفيصل طاح وجهه عند زوجته..
عبير والعنود ساكتين بس يطالعونه كيف يتكلم ويحرك شفايفه..
طلال يطالعهم: هيه انتوا اتكلم انا..ولا معجبين بعضلاتي"وصار يستعرض عضلاته"
ريم: ما اقول الا مالت عليك من زينك انت وعضلاتك.كأنها عضلات بباي قبل لا ياكل سبانخ..
نوف:حشى تعبير مو تشبيه"وتعيده مثلها" كأنك بباي قبل لا ياكل سبانخ..
طلال: هههه ما تعرف تذب..وبعدين من كلمك..
ريم: يا رمز الشقا ابعد عن وجهي ترى ماني رايقه لخفة دمك الزايده..
طلال: ما كلمتك..اكلم الحلوين اللي قدامي.."ويطالع عبير والعنود وهو مبستم"
وكأنه قاصد يذوبهم زياده..
العنود تاخذ نفس: اوووووه..اقول طلال ..الله يعافيك ويجزاك خير اطلع الحين<<تعبت نفسيتها..
عبير: صادقه العنود..ممكن تطلع ودنا نسبح<<ما تقدر تتحمل...
طلال: وش معنى انا وفيصل..
فيصل: لا تقارن نفسك فيني انا متزوج..
طلال: مالت عليك وعلى زوجتك..انت اصبر عشان تشوف زوجتي اللي تسوى زوجتك...
فجر: طلالوه انا اختك شكلك نسيت..
طلال: صح انتي اختي على بالي زوجة فيصل.
فجر: طلالوه بلا لحس..

طلال: هههه طيب خلاص بطلع..ما ادري ليش كارهيني..
ريم: بسم الله عليك من خفة دمك..
طلال: ما علي منكم ..اكيد شجون تبني اجلس صح..
فيصل: ما عليك من اختي..
طلال: وحده بوحده والبادي اظلم.من قالك تاخذ اختي باخذ اختك..
شجون دوروها ما تلاقوها ..ذابت هي حيويه خلقه ولا يجيب طاري الزواج قدامها خلاص تختفي..
فجر: طلال شارب شي ولا شكل يوم غرقك فيصل فقدت الذكره..
العنود منقهره منه لما قال اتزوج شجون: وعلى باله مستقوي.
عبير نفس الشي: مسكين تفشل..
طلال: اطلع بكرامتي ازين لي"وطلع"
فيصل: حتى انا فجوره قلبي ..باي اشوفك بعدين..
العنود وريم مغطين عيونهم: هيه هيه..
ريم: عيب تونا صغار..
العنود: استح عل وجهك في بنات بريئات..
فيصل يسوي نفسه منصدم: ومن البريئات؟؟؟
العنود وريم وخروا ايديهم عن عيونهم ..والعنود تأشر عليهم..: انا وهذي اللي جنبي..
فيصل: اذا انتي واللي جنبك بريئات اجل على البرائه السلام..
عبير: فجر لو سمحتي طلعي زوجك..تراه قاعد يغلط على اختي وبنت عمي..
فجر: ههه فصول اوكي اشوفك بعدين...
فيصل ارسل لها بوسه في الهوا..وطلع..
العنود: فجير والله ما انتي هينه..
ريم: قولي لنا وش صار بالضبط..
فجر تصرفهم: بتسبحون ولا لأ..
عبير: اعوذ بالله ما قد قالت لنا شي..
ريم تدور رغد: اقول وين اختي رغوده ما شفتها..
الهنوف تدور معها في وجيه البنات: وينها صار لي ساعه ما شفتها..
ريم: بروح اناديها واجي..
راحت ريم ونادت رغد اللي كانت تسولف مع بدور..
ريم: رغيد وينك صار لي ساعه ادورك..
رغد: ليش وش تبين؟؟
ريم: البنات بيسبحون..
رغد: خلاص جايه..بدوره تعالي معانا وفليها..
بدور متردده: ما ادري..ودي اجلس..
ريم مستغربه قعدت رغد مع بدور تتذكر اخر مره جلست معها او سولفت معها صار لها وقت..
ريم: بدور تكفين تعالي والله واحشتني..
بدور ابتسمت لان في احد يفكر فيها ويشتاق لها: اوكي عشانكم والله..
رغد انبسطت: والله بنفلها وبتنبسطين معانا..
بدور: اوكي اجيب لبسي واجي معاكم..
وبعدها راحوا للمسبح..
العنود: واخيرا جيتي....مين بدور يا هلا والهن وغلا..
عبير تصفر: احلى احلى بدوره معانا مين قدنا..
فجر: مرت اخوي معنا لالا ما اصدق..
نوف راحت وضمت بدور لان من زمان ما شافت الابتسامه لى وجهها: بدوره قلبي وحشتيني...
بدور مره انبسطت انها جات معاهم حسوسها بقيمتها وقدر غلاها عندهم..
وبعدها كلهم لبسوا لبسهم وطبوا في المسبح مره وحده بعد ما عدت لهم العنود..اشكالهم كانت تجنن واللي يشوفهم ينبسط لفرحهم.
العنود بعد ما طلعت راسها تتنفس: بنات ..بنات بعد ما نتدرب شوي بنسوي سباق..
البنات: اوكيه..
وانتشروا في المسبح..اللي تسبح .واللي وافقه..واللي جابت استك على شكل كرسي وجلست عليه واللي تطلع وتدخل..واللي تسوي حركات وهي في الهوا ..وريم ورغد يسون حركات استعراضيه...
نوف كانت فوق الاستك..
فجر: نوف انزلي اسبحي..
نوف: ابقعد شوي..
فجر: قلت انزلي جايه تجلسين..
نوف: خلاص فجوره لا تحنين فوق راسي..
فجر: هين اوريك.."وقلبت الاستك فوقها"
والبنات ميتين ضحك على شكلها..
نوف: هين اوريك"وصارت تحاول تغرقها بس هي وين وفجر وين..فجر عربجيه متعوده .وانقلبت الايه على نوف"
عبير والعنود وريم تذكروا يوم الشاليه في الشرقيه..لما كانوا في البحر...
ولفوا على شجون ومها والهنوف وانقضوا عليهم وهم ينحاشون منهم ...ورغد وبدور خلاص ماااااتوا من الضحك..
رغد: تكفون خلاص وقفوا بطني صار يعورني من الضحك..
بدور: خلاص لا يصير فيهم شي..
الهنوف وهي تنحاش من عبير: تعالي ساعديني بدال ما انتي وافقه..يمـــــــــــــه"مسكتها عبير"..عبير والي يعافيك مالي خلق..
عبير: تعالي يا بعد قلبي والله ..تعالي"وتمسك راسها وتدخله ..وتضحك..وبعدين تطلعه":هاه تتوبين..
الهنوف تاخذ نفس: عن ايش اتوب..
عبير: ما ادري بس قولي التوبه..
الهنوف: ما راح اقول...
عبير: اجلي تحملي ما يجيك " وتدخل راسها مره ثانيه وتطلعه: هاه توبه ولا بعد..
الهنوف: خلاص توبه بس فكيني..حشى مو بنت هذي.. هذي اكيد صعيده على قولة ميشو..آآآآآآآآآآآآآ"ودخلت راسها"
عبير: صعيده هاه..
العنود ومعها مها: هاه مهاوي تزوجيني اخوك ولا ..
مها: ابشري ..بس اخاف ما تعجبينه..
العنود تدخل راسها: ما علي منك..تزوجيني ايها..
مها: خلاص خلاص موافقه بس فكي شعري..
ريم ومعها نوف
ريم مقهوره: اخطبيني لطلال..
نوف: ابشري من عيوني..
رغد: خلاص عاد فكوهم..
ريم راحت عند العنود..
ريم معصبه: قولي لها انك تمزحين..
العنود: اذا قلتي لنوف قلت.
ريم: اصلا انا واثقه من ان سليمان يحبني...
العنود لفت عليها وعيونها يطلع منها شرار: وش قصدك ان طلال ما يحبني هاه..
ريم: انا ما قلت شي..
العنود: اقول وخري عني ولا عاد اشوفك مكلمتني فاهمه..
ريم: هذي الساعه المباركه اللي ما اكلمك فيها..
بدور وهي تضحك: بنات...اشكالكم من شوي تحفه..ان شا الله دايما كذا..
رغد: ما شفتي شي...
مها وهي ماسكه شعرها يعورها:..أي...دايم احنا الضعيفين رايحين فيها..
شجون: انا من اليوم ورايح ما راح اسكت..
العنود قربت من شجون: وش قلتي؟؟؟
شجون خافت: اقول من اليوم ورايح ما راح اتكلم ابـــد..
العنود: ايه اشوا على بالي شي ثاني..
الهنوف: اقول خلونا نستهبل ونرقص..
البنات: يله..
وصاروا البنات يصفقون ويرقصون..
حبيبي ارب ـ بص وبص بص
زعلان ازعل ـ ازعل نص نص
لاحسن حابعد ـ ابعد اه ونص وحتبئا انت اكيد خسران
وطلعت نوف من المسبح ووقفت عنده وصارت ترقص بلبسها الوردي اللي لازق بجسمها وبشعرها المبلول وتهز بدلع..

عنـــــــــد العــــيال...

مشاري: انا عن نفسي طفح الكيل..ابي اطلع.
طلال: يله اطلع وطلعنا..
وليد يحمسه: مشاري قم انت قدها..
مشاري تحمس: ايه وانا قدها"ووقف وراح عند الرجال" يله عن اذنكم..
ابوماجد: على وين؟؟
مشاري وهو ما يطالعهم: بنطلع شوي..
ابو مشاري: لالا تتأخرون عشان العشاء..
مشاري فرح: ابشر..
والعيال ما صدقوا على الله وطلعوا كلهم ..اكيد تقواون ليش الرجال ما يخلونهم يطلعون طبعا اولا لعانه وثاني شي عشان يجلسون شوي معاهم هههه وبس..وهذا السبب..
نرجع لعند العيال..
فواز: احس ان السجن ارحم لي..
ماجد: انت صادق..
نواف: يعني ممكن اسأل سؤال..
مشاري: اكيد بتقول ليش ما نقدر نطلع من عند شيابنا..؟
نواف: ايوه ليش؟؟
مشاري: هذا السؤال الوحيد اللي ما لقيت له جواب..
طلال: اتوقع انهم ما يقدرون يفارقونا وخصوصا انا..
وليد: ايه هين..
ومروا من عند المسبح وصدوا عن البنات لان اشكالهم واضحه من ورى الزجاج..الا اثنين تعلقت عيونهم..
الاول فواز عيونه متعلقه ببدور زوجته..شافها تضحك وتصفر وتستهبل..قعد يطالع حبه القديم والجديد وحياته كلها..من زمان ما شافها كذا..حس بتأنيب الضمير لانه هو اللي حرمها الضحكه من اسلوبه وطريقة تعامله بس من جواة نفسه مقتنع تماما ان هذي الطريقه الوحيده اللي تقوي شخصيتها..
الشخص الثاني متعلقه عيونه بنوف وهي تتمايل وتستهبل كله بدلع وغنج وشعرها جاي على وجهها واللون البينك او الوردي عاكس على بشرتها...وجسمها الممشوق اللي البنات كلهم منهبلين عليه..الشخص هذا فاتح فمه عليها ما قدر ابدا يشيلها ونسى ان اخوانها حوله ولو شافوه قطعوه ودفونه بالشاليه وسرح بعالمه الجديد..عالم نوف.نوف وبس..
فواز وهو يطالعه يطالع اخته...صار وجه فواز احمر من العصبيه وصرخ فيه..
فواز: نوااااااااااف..
نواف صحى من اللي كان فيه ولف على فواز واستوعب ان اللي قدامه فواز مو حيا الله..
فواز: اتوقع من الادب تغض عيونك عن بنات الناس ولا يا متربي..
نواف يحاول يبرر موقفه: معليش فواز..انا ما كان قصدي اقعد اطالع فيها ووو.....
فواز وهو ما يتحمل يشوف وجهه: امش قدامي وانت ساكت..واحمد ربك اني لاحد الان ساكت لك وما ذحبتك..لانك ما تستاهل العيش واللي يخون الاهل اللي وثقوا فيه ما يستاهل غير الذبح..
نواف: والله فواز اني ما كان قصدي شي..ولا كان في نيتي على أي وحده أي شي..
فواز موصله معاه ويطالع نواف بنظرات احتقار:قلت لك امش ولا انت ما تفهم..
مشى نواف مسكين ما كان بيده شي..نوف تسحر اللي ما ينسحر ..جمال ودلع وترقص بعد..اتوقع هذا الشي بحد ذاته عذر له..
نوف الي انتبهت لنظرات نواف دخلت على طول في المويه وهي ميته خوف من نواف وفواز اللي كان واقف جنبه..
البنات كملوا رقص واستهبال وسباقات بينهم ومنافسات وما طلعوا لما قالوا لهم ان العيال بيسبحون..

العيال بعد ما لعبوا طائره وبلياردوا وكرة قدم ..قرروا انهم يسبحون..
مشاري: ليون تعالي حبيبتي..
لين: نعم...بعدين لا تقول حبيبتي...
مشاري: ليش يا قلبي...
لين: لا تقول بعد..يا قلبي..
مشاري:اجل وش اقول؟؟
لين: لا تقول شي عشان ما يزعل عليك مشعل لانه يغار علي مووووت..
مشاري: ابشري طال عمرك..اسمعي روحي للبنات داخل وقولي لهم ان العيال يبون يسبحون يا السمك الخايس...
لين: اقول يا السمك الخايس..
مشاري: اهم شي...شاطره حبيبتي..
لين حطت يدها على خصرها: وش قلت؟؟
مشاري: اسفين بس روحي..
وراحت للبنات...
مشعل: وش رايك فيني مربيها عدل صح..
مشاري: ايه مشا الله عليك الله يرزقنا بوحده تموت علي مثل لين..
مشعل بوثوق: لالا تحاول ما راح تلقى ..اصلا من زينك..
مشاري ضرب مشعل من رقبته لما بغى يطيح منها: اقول انقلع زين..
محمد: ههههه تفشل مسكين...
مشعل : عادي عادي تصير في الدول المتطوره عادي...
وبعد دقايق جاتهم لين وقالت لهم ان البنات طلعوا..
وراحوا العيال لعند المسبح واعجبهم شكله وعلى طول اسبحوا

عنـــــد البنات...

كانوا داخل غرفه في الشاليه يبدلون ملابسهم وينشفون شعورهم..
العنود وهي تنشف شعرا: اقول ريوم خلينا ننروح نقز العيال وهم يسبحون..
ريم: يله شوي وجايه..
رغد: على وين انتي وياها؟؟
ريم: انا عن نفسي بروح اقز سلومي..
رغد: وانتي يا العنود...
العنود: انا بروح اقز........اقز هذولا العيال الجديدين ما شفتهم زين..تعالي معانا..
رغد: خلاص اوكي...
الهنوف: انا جايه معاكم مع اني ما ادري وين بتروحون..
ريم: العنود ما تلاحظين ان كل شوي وحده قاطه..
العنود: بنادي البنات اللي تبي تجي تجي واللي ما تبي كيفها..
ريم: احسن بعد..
العنود بصوت عالي: بنات اسمعوا ..بنروح نتفرج على العيال وهم يسبحون اللي تبي تجي حياها الله واللي ماتبي بالطقاق اللي يطق راسها..<<الاسلوب من على جنب
وقرروا البنات كلهم يرحون وكمان بدور جات معاهم عشان تشوف فواز مع العيال على قولته..
راحوا البنات لعندهم وقعدوا يطالعونهم وهم ورى الشجر..
العنود: تتوقعين كانوا يشوفونا؟؟
عبير: لالا ما اظن عيالنا محترمين..
ريم: مين المحترمين..عيالنا ايه هين قابليني..
وبعدها فتحوا فمهم وطلال يتقلب في الهوا بعدين طب في المويه والعيال يصفقون له ويصرخون..
عبير والعنود خلاص ذابوووو في اماكنهم..
عبير: العنود شفتيه ما شا الله عليه.
العنود: الله يحفظه لعين ترجيه..
عبير وهي تتنهد: اميــــــن..
ريم تكلم نفسها وهم ماحسوا فيها: والله انهم قاضيات..
وبعد طلال جا دور مشاري وسوى حركه ثانيه..العيال والبنات انهبلوا عليه..
ريم: سموا على اخوي..
الهنوف وهي فاتحه فمها: بسم الله عليه من الحسودين..
ريم: انتي وش قططك هاه؟؟
الهنوف ارتبكت وبان عليها: هاه....هذا جزاي اني دعيت له..
ريم بنظرة خبث وتقرب جنبها: هنيف قولي انك تحبين اخوي..
الهنوف تبعد عنها: وش اقول..انا ما احب احد ولا افكر اصلا..
ريم: طيب خلاص صدقتك بس لا تبكين علينا..
الهنوف عصبت: ريـــــــــــــــــــــم........
ريم: طيب خلاص اذني والهـ ابيها...
رغد: اعقلي عنها وطالعي طالعي...من هذا؟؟؟
بدور طيرت عيونها في فواز اللي كانت الضحكه شاقه خشته وعيونه وملامحه غير بالمره اذا كان معاها..يضحك ويستهبل ويلعب عياله وكل هذا وكأنها اول مره تشوفه بحياتها,,توقعته ثقل شوي..عصبي معاهم شوي على الاقل....اكتشفت ان معها بس...بس معاها..
"طيب ليش؟؟ يش انا؟؟ ..انا وش سويت له...وش سويت له...دايما احاول ارضيه بكل الطرق والوسائل بس ليش ما يبين في عيونه..ليش ما احس اني زوجته..واهم سؤال واللي ابي اجابته بأسرع وقت ويرحني من اللي انا فيه...ليش يعاملني كذاااااا؟؟؟؟؟"
نوف: والله فواز خطير..
فجر: هههه هذا هو فواز من صغره وهو فنان في كل شي..
جا بعده فيصل..
العنود: فيصل فيصل فجير فيصل..
فجر وهي جنبها: احلفي واصدقك..طيب خلاص شوفيني جنبك واطالع..
عبير تستهبل تنغز ظهر فجر: فجر فجر ..فيصل والله فيصل..
فجر وصلت معها شوي: والله دريت من اختك..
عبير اشرت على ريم تهبل فيها..ريم جات مسرعه وتصقع فجر..
ريم: أي..فجر فجر شوفي شوفي فيصل أفرحي يله افرحي فيصل قدامك..
فجر انفجرت منهم: خلااااااااااااااااص عرفت والله عرفت..
جات رغد ما تدري عن السالفه بس تبي تعرف وش ردة فعلها: فجوره شوفي فيصل قدامك يله انبسطي..
فجر تصارخ: فهممممممممممممت وربي وربي فهمـــــــــــــــت خلاص حامت كبدي.دريت انه فيصل والله دريت ..وبعدين اذا صار فيصل ماله داعي كل هذا انا قاعده ماله داعي الحلفه اللي انتوا مسوينها عشانه...
جاتهم نوف: فجر شفتي حركة فيصل...
فجر بتكبي خلاص:يارب يارب صبرني بس..
رغد ونوف: وش فيها...؟
العنود وعبير وريم متسدحات من الضحك عليها..
وبعدها ريم سكتت على طول..جا سليمان وبعدها سكتوا العنود وعبير وتقدمت رغد لعندهم وفجر ونوف جنبهم انهبلوا من جمال سليمان..شعره مبلول فيه كم خصله على وجه ويضحك وبانت غميزاته وذابوا على جسمه جسم صح..ريم طاحت على العنود..
ريم بصوت واطي: الحقيني..الحقيني يا العنود قلبي بيوقف..
العنود مطيره عيونها: والله ما تنلامين..
ريم ضربتها: وانتي لا تطالعين..
العنود: شوفي شوفي كيف الحركه ما شا الله عليه..
ريم: يارب اوعدني الصبر خلاص ما تحمل يذبح والله يذبح..
العنود: يعني وش بتسوين..
ريم: لالا بروح انتحر وافتك..
عبير: العنود شفتيه شفيته يهبل يجنن يقطع القلب..
ريم والنار تطلع من عيونها: هيه هيه انتي عيب استحي على وجهك..
عبير: وش فيك عسى ما شر.. ولا تعالي قولي لي لا تطالعين احد احسن..
ريم: يكون احسن ماله داعي تقزين الولد قز..
عبير: لالا حلال عليك وحرام علينا..
ريم توهقت: لا مو كذا على الاقل انا اطالع وانا ساكته مو انتي يا المشفوحه..
رغد: اقول انتي وياها طالعوا وانتوا ساكتين..
بدور: من هذا ولده ما شا الله..
ريم: هذا اخوا مها..
بدور: ما شا الله..الله يخليه لامه..
ريم بصوت واطي: احسن شي انك متزوجه..
بدور: ايش وش قلتي ما سمعت..
ريم: اقول امين الله يخليه لاحبابه..
بدور: امين..
بعدها جاء دور تركي بس معها واحد اخر واحد ممكن يكون معاه...
وليد وتركي مع بعض بيسون نفس الحركه..
ريم طالعت رغد تبي تشوف ردة فعلها وما لقت الا الحيره بعيونها..
رغد في نفسها" حتى الحين مع بعض..مع انهم ما يحبون بعض بس ليش كذا...عشان يحيروني زياده.. ولا يحسسوني بتأنيب الضمير...يارب لا تزيد حيرتي حيره..يارب اللي فيه الخير قدمه لي واللي فيه الشر لي ابعده عني يا رب.."
شجون: شوفي وليد وتركي وكأنهم اخوان..
مها: يمكن في شي مشترك بينهم..
ريم تطالعهم وتقول في نفسها"اختي هي القاسم المشترك بينهم..الحين تحسون كأنهم اخوان..وانا عارفه بعدين بيكونون اكبر اعداء..وبتكون السبب فيه رغد..صحيح مالها دخل بس هي اللي تحدد مصيرهم..والله حمل كبير عليك يا رغد ترضين ولد عمك ولا ترضين ولد الناس والمشكله كلهم يحبونك بجنون...الله يعينك يا اختي...
رغد وتغير حالها: بنات انا رايحه احس اني تعبت..
ريم: وحتى انا...
بدور: وان كمان..
البنات: يله كلنا بنروح لداخل..
وبعدها دخلوا داخل وبعد حاولي ساعه طلعوا العيال من المسبح وتعشوا وريحوا..والبنات نفس الشي تعشوا وقعدوا يسولفون...


عند العيــــــــــــــــــال..
نواف: اقول لك شافني وانا مطير عيوني في اخته..
سعود: طيب مافي الا هي قول انك تطالع وحده ثانيه..
نواف: هذي المشكله ان هي الوحيد اللي طالعه والباقين في المويه حتى انهم ما بينوا..
سعود: وش بتسوي الحين؟؟
نواف: ابي ارجع للرياض..
سعود: اخاف تشككه زياده..
نواف: انا راح احلها بعدين بس الحين ابي اروح عن نظراته يحسسني اني خاين..صح اني غلطان سواء كانت اخته او لأ واني مفروض ما اطالع..بس والله شي غصب علي..وبعدين اقسم لك ان ماكان في نيتي عليها شي او أي وحده ثانيه...انت فاهمني صح..
سعود: انا اكثر واحد فاهمك وعارفك وانت يا نواف ولد ماشي مستقيم وعارف هذا الشي وكمان انت مو راعي سوالف بنات وسوالف بطاله..وواثق من هذا الشي..بس موقفك صعب..
نواف: زين ما صرخ علي وفضحني عند سليمان..سليمان بيذبحني لو عرف وتركي بعد..
سعود: اوكي قول لهم ان جاتك ظروف ولازم ترجع للرياض وخذ اغراضك وعلى اول طياره.ويمكن ارجع معاك..
نواف: ايه تكفى ارجع معاي..
سعود: اوكيه برجع معاك..تعال نقول للعيال الحين عشان نحجز على الصباح او الظهر..
نواف: اوكي..

عنــــــــد البنـــــــات...
رغد مجتمعه هي وريم والعنود وعبير بس...
رغد: ايوه وابيكم تساعدوني وتساعدونها بدون ما تحس اوكي..
ريم: يا حرام يا بدور يا عمري عليك..
عبير: تصدقون كرهت فواز..
رغد: يمكن له اسبابه...
عبير: تكفين وش سبابه اللي تخليه يعامل وحده مثل الجوري.مثل الورده الناعمه بالطريقه هذي..
العنود: الا انتي يا رغد وشلون عرفتي السالفه..
رغد ارتبكت: عرفتها...عرفتها وهي تكلم اختها بالموبايل وتشكي لها..
العنود: اها...طيب وش راح نسوي..
رغد: عشان كذا انا قلت لكم السالفه..اول شي لازم نعرف السبب ..واذا عرفناه عرفنا نحل المشكله كلها ولازم تفكرون صح عشان خاطر المسكينه بدوره..
ريم وهي تفكر:طيب..اول شي كيف نخليه يتكلم..
العنود: لا قبل من اللي راح يكلمه إحنا ولا واحد من العيال..
عبير: نخلي ماجد يكلمه..
رغد: ايوه صح جبتيها..نخلي ماجد اقرب واحد له يكلمه..
ريم: بس كيف يقول له ماجد..وكيف نخلي فواز يتكلم عن حياته الزوجيه..
العنود: نقول لماجد وهو يتصرف..
رغد: واكيد راح يتصرف؟؟؟
عبير: ماجد اخوي عقله يوزن بلد ما شا الله عليه...
ريم: وليش ما طلعتي عليه...
عبير: والله خلصت التذاكر...
ريم: هـ هـ هـ بايخه..
رغد: الحين خلونا في الجد..
ريم جاتها الحاله: في الجد ولا في المزح ههههاي..
العنود: ريم تكفين لا تبدين..
ريم: أبدا ولا انتهي ههههاي..
رغد: بلا سخافه..
ريم: سخافه ولا سماجه ههههههاي..
عبير ضربتها من راسها لما وصل للأرض: اسكتــــــــي..
ريم:آآآآآآآه"وتصرخ بقوه"آآآآآآآآآآآآآآآآآآآآآآآآه..حسبي الله على إبليسك والله سخيفه..
عبير: مو اسخف منك...الحين احنا في ايدينا اكبر مشكله مرت علينا وقاعده حضرتك تنكتين ولا يا ليته شي صاحي سماجه في سماجه..
ريم: آآآآآه يا راسي..جعل ايدك الكسر حشى ولا عجرا تسوي كذا.."ولفت على رغد" وانتي كملي بعد..
رغد: لا تنافخين لا ااشوتك واوصلك للرياض الحين..
ريم: لالا الرياض خلاص بأسكت..
رغد: يعني المهمه هذي على ماجد اكيد..
العنود: اكيد..
رغد: طيب وش راح تقولون له..
عبير: انا اقول نقوله السالفه كامله عشان يتحمس..
رغد: اوكيه مو مشكله بس نبهوه انه ما يطلع الحكي لا يمين ولا شمال اوكيه..
العنود عبير: اوكيه..
رغد: بنقول له السالفه اليوم عشان نخلص موضوعها قبل لا نرجع الرياض..
ريم: ما راح يخلص الا في الرياض عشان يقابلون بعض اما هنا هو راح يتهرب منها..
رغد: اذا عرفنا السبب ..قدرنا نعرف كل شي..الحين خلونا في الخطوه الاولى..يله اتصلي عليه يا عبير..
عبير: اوكي.."واتصلت"...الووو ماجد..
ماجد: هلا والله..
عبير: اهلين..مجودي اذا كنت مع العيال اطلع ابيك انا والعنود في موضوع ضروري وخطير..
ماجد: جد فيه شي ولا تستهبلين ولا مسوين فيني مقلب ترى اعرف سوالفكم..
عبير: والله يا ماجد الموضوع جدي ما يتحمل التأجيل..
ماجد: اوكيه تعالوا عند النافوره...
عبير: يله جايتك.....باي..
ماجد: باي...

سليمان: ترجع للرياض ليش؟؟؟
تركي: وش فيك وش صاير هناك؟؟
نواف: اهلي متصلين علي يقولون لي ارجع..
سليمان: يعني فيهم شي...؟؟
نواف: لالا ما فيهم شي ا نشا الله..
سعود: وانا راح اروح معاه..
تركي: ماله داعي تروح معه..
سعود: صديقي لازم اوقف جنبه..
تركي: اكيد عشان الاهل..يعني محد ضايقك بشي .لا بكلمه ولا بنظره ولا أي شي ثاني..تكلم يا نواف..
نواف رتبك والعرق يصب: لالا محد قال لي شي انا كذا برجع..
تركي: براحتك بس خساره ما طولتوا..
نواف: ما عليه الجايات اكثر..
سعود: اكثر ما اكثر الله عندنا الاجازات اول اجازه نجي هنا..
سليمان: ومتى راح تروحون؟؟
نواف: الحين بنحجز التذاكر ..
سعود: انا حاس انه اليوم الفجر او الظهر...
تركي: والله بنشتاق لكم..
نواف: وانا اكثر والله بس وش عندك راضي علينا..
تركي: عشان اذا متوا اكون راضي عليكم وانتوا راضين علي..
سعود: فال الله ولا فالك..

الجــــــــزء الرابــع والثــــلاثون.....

ماجد: معقوله فواز يسوي كذا بدون سبب..
العنود: ايوه بدون سبب..
ماجد: بس اكيد فيه شي..
عبير: وهذا اللي نبيك تعرفه..
ماجد: صح تذكرت اليوم قال لي شي عنها..
العنود: وش قال..؟
ماجد: كنت اقوله اذا ما تحبها طلقها هو انصدم ..وقال لي اطلقها؟؟؟..قلت له احسن من انك ترميها ..قال ومن قال اني انا راميها..قلت اجل اللي انت تسويه شنو قال اربيها..
عبير عصبت: وش يبريها هي بزر عنده..
ماجد: سألته نفس السؤال قال اذا تزوجت هذيك الساعه بتعرف..
العنود: بدور متربيه قبل لا تعرف وجهه...شايف نفسه هذا على ايش..والله فقع مرارتي..
عبير: انت اقعد معاه اليوم .ولازم تعرف وش قصته ..وتكلم معاه بأسلوب يخليه يفضفض لك..
العنود: والله ما يعرف هالحركات الا وحده..
عبير: رغد..
العنود: ايوه رغد ما شا الله عليها تعرف هالحركات..
عبير: اتخيلك ماسكه فواز من شعره وتقولين له تكلم احسن لك اعتربني وحده من خواتك ولا ترى بتشوف رقبتك قدامك..
ماجد: حشى الــvip مو العنود..
عبير: هذا الحين بأسلوب لو مو اسلوب كان الحين هو في المقبره..
العنود: تطنزوا تطنزوا..عاد انتي يا ام الاسلوب..
ماجد: بتقعدون تتهاوشون الحين..ترى بروح..
عبير: لا تنسى ضروري اليوم تقول له وبكره بينا لقا اوكي..
ماجد كشر: يعني بشوفكم كثير..
العنود: خواتك تحمل..
ماجد: الله يعين ازواجكم..ما ادري وش بيصير فيهم..
العنود: بيكنون اول حالات انتحار في المملكه...
عبير: ههههههه بس هذا زوجك..
العنود: لا انتي زوجك بيقولون عنه اشعل في نفسه النار ورمى نفسه من الفيصليه هههههههههه..
عبير: بسم الله عليه..
ماجد: من هو؟؟
عبير: وانت وش عليك ..رح بس ولا تنسى هاه..
ماجد: راح اوكي..
العنود تتمليح عند عبير: عبير مين تكفين مين اللي تفكرين فيه..
عبير: واحد ما تعرفينه..
العنود: كذابه..
عبير: كيفك لا تصدقين..."ومشت"
العنود: يعني ما في امل تقولين..
عبير: ولا خديجه ختى..
العنود: يا شينك..

محمد جالس مع لين ...ومشعل عند ابوه يكلمه....
محمد: ليونه..
لين بدون ما تطالعه تطالع مشعل: نعم..
محمد: ما دريتي...
لين لفت عليه وتناظره بنظرات استحقار: عن ايش..؟
محمد: عن مشعل..
لين بدى الاهتمام عليها:وش فيه..؟
محمد:مشعل شايفه كم مره جالس مع وحده..
لين بصدمه: وحده..
محمد: ايه وحده اجل واحد..
لين: ومين هي؟؟
محمد: وحده تعرفينها بالمررررررره..
لين: اعرفها انا؟؟
محمد: شكلك صقهى وما تسمعين..
لين: من هي؟؟
محمد: فكري انتي فيها...
لين: مافي غيرها..انا كنت حاسه والله كنت حاسه..
محمد استغرب: مين هذي اللي كنتي حاسه فيها..
لين بكل حقد: شهد بنت فواز..
محمد مات ضحك:شهد هههههههه شهد مره وحده هههههه..
لين: يعني مواهي..
محمد: لالا راح بالك بعيد..هي وحده عمرها حول 12 و11..
لين بتفكير: عمرها 11و 12...اعرفها زين؟؟
محمد: ايه زين..
لين: ما فيه وحده بالعمر هذا..طيب تعرف اسمها..
محمد: اعرف اسمها..
لين: وش اسمها..
محمد: اسمها...اسمها "وكتم ضحكته"..اسمها لين ههههههههههههههههههه..
لين عصبت: صدق انك بايخ وسخيف وسامج وما عندك أي ذرة من خفة الدم يا ثقيل الدم..
محمد: احسن تستاهلين هذا اللي ما يثق في حبيبه..بأعلم مشعل عليك<<يبي يرفع ضغطها.
لين خافت: لالا تكفى لا تعلم..
محمد: الا بعلم..
لين: محمد تكفى لا تعلم..
محمد: بشرط..
لين: لك اللي تبي..
محمد: جيبي البلاي ستيشن المحمول حقك والجيم بوي ..وامممممم وسوي لي بوب كورن يله بسرعه ولا علمت عليك..
لين: ا نشا الله هذا انا قايمه"وراحت"
محمد: يا حليلها خبله ا نشا الله تحبني وحده مثلها خبله وتموت فيني..
جاء مشعل: وش فيك انت ولين هواش...
محمد: أدبتها لك..الحين بتسوي كل اللي نبيه..
مشعل: ليش وش سويت..
محمد: هبلت فيها..بعدين اقولك بس الحين تأمر عليها وهي تنفذ..
مشعل: لا حرااام عليك اذا تحبني حرام اللي اسويه فيها وتراني اغليها..
محمد: اترك عنك حركات المراهقه ووسع صدرك وخلك معاي والله تنبسط..
مشعل: يله وش ورانا..
محمد: كفو والله..

رغد واكبر علامة تعجب فوق راسها: قال اربيها؟؟؟؟
ريم: يبربيها ليش هي وش مسويه له...؟
العنود: علمي علمك..
رغد: غريب مره غريب مستحيل تسوي بدور شي يضره او يأذيه او حتى يزعله..
عبير: وهذا اللي قاهرني بدور ما تزعل نمله تخاف عليها وشلون زوجها وحبيبها...
العنود: انا متأكده انه شايف نفسه عليها لانها معطيته وجه...
رغد: احتمال جائز..
ريم: بس مهما كان ما يعاملها بالاسلوب هذا اكيد في شي اكبر..
عبير: بنعرف ا نشا الله كل شي الليله..
العنود وريم بصوت واحد: وش يبصبرنا؟؟؟؟
رغد وهي تضحك: روحوا دوروا لكم شي يسليكم..
العنود: اقول خلونا نتمشى عند البحر...
رغد: أي والله خلونا نروح البحر وافضفض له عن همومي..
عبير: الله واكبر وهمومك الحين اللي يسمعها يقول مطلقه وعندها 12 بزر وما عندهم بيت ولا تدري وش تعشيهم..احمدي ربك بس..
العنود: وبعدين وش همومك تكفين...
رغد: انتي واختك اول هم بحياتي وبعدكم تجي هذي النشبه"وتأشر على ريم"
ريم تتمسكن: افا انا هم ما عليه يا اختي مقدره حالتك النفسيه وما راح ازعل..
رغد: امزح يله بس خلونا ننروح ننادي البنات ونطلع..
ونادوا البنات وطلعوا الامهات..
رغد: ريم اتذكر اني قلت البنات فجأه صاروا حريم..
ريم: كل شي جايز بهالدنيا..
العنود: وش جابهم ذولي...
عبير: استحي على وجهك امك معاهم..
العنود: ايه امي وش جابها..
ريم : عنيد اسكتي فشلتينا..
ام مشاري: بنطلع معاكم..
رغد: حياكم الله..وين البنات؟؟
ام ماجد: بيلبسون عباياتهم ويجون..
ريم: يله مشينا..وهم بيلحقونا..
ومشوا ومروا من عند مجلس الرجال وهم يشوفونهم والبنات ما يشوفونهم عشان الزجاج عاكس..
مشاري: مشا الله كبروا بناتنا بسرعه...
وليد: ما سمعت باللي يكبرون كل ساعه..هذولا خواتنا..
طلال: مشا الله كلهم بنات عماني..
مششاري: وخواتك بس انت اذكر الله...
طلال: مشا الله..
سليمان يطالع ريم: طالع الزين كيف يمشي..
تركي: في احد يطالع البقره ويترك الغزال...
سليمان: ما في ثور الا انت ومرتك البقره.
نواف صاد وجه عن القزاز بالمره ولاهي في جواله عشان فواز اللي كان يطالعه هو بالذات...
نواف يهمس لسعود: سعود..سعود شوف كيف يطالعني..
سعود: لالا خلاص بعد شوي بنطلع هذا ما راح يتحملك ولا ثانيه..
نواف: المشكله شوف تريك وسليمانوه ما قال لهم شي وانا بالذات قال لي ليش؟؟
سعود: تركي وسليمان صاروا حسبت اهلهم وانا وانت ما زلنا اغراب عنهم..
نواف: يا ليتني ما طالعت بنتهم وافتكيت..
سعود: معليش..بعد عشر دقايق راح نطلع حتى لو ما سافرنا بنحجز بفندق ثاني..
نواف: ايه يكون احسن بعد..

وصلوا الحريم مع بناتهم للبوابه اللي تطلعهم للبحر وفتحوها كان منظر البحر شي خطير كانت الانوار الصفراء حوله مع صوت البحر وهواه الرطب يحسسهم بالانشراح..راحوا الحريم يتمشون البنات كانوا مجموعه ولما لحقوهم البقيه افترقوا مجموعات مثل كل مره بس اللي تغير ان مها جالسه مع ريم لحالهم وبدور والهنوف وعبير ورغد والعنود مع بعض وفجر ونوف وشجون مع بعض ..كانوا حول بعض..هم كذا يحسون ببعضهم وهم بعدين بالمسافات لكن بالقلوب قراب بالمره..كلهم روح وحده وقلب واحد في اجسام كثيره..صحيح هواشاتهم كثيره وشخصيتاهم مختلفه لكن مع هذا كل وحده تكمل الثانيه ولو تنقص وحده منهم حسوا بالفراغ...
ريم جالسه مع مها وتحس انها لغز كبير وفي داخلها اشياء كثيره ودها تكتشفها..
ريم: متى نجلا اختك تزوجت..؟
مها: من يوم كنت بثالث متوسط..
ريم:يا عمري والحين لحالك..
مها: ايوه لحالي بس تعودت..سليمان ومحمد وعبودي اخوي الصغير مالين علي حياتي..
ريم: كيف نظامكم في البيت ومعليش على القافه اذا في سؤال ما عجبك ترى عادي ما تجاوبي عليه..
مها: هههه لا عادي اصلا انا ودي اسولف..
ريم: اجل مادمك ودك تسولفين ابشري بخليك تقولين لي سيرتك الشخصيه كلها..
مها: ههههه ابشري مع اني احس انها ما راح تهمك..
ريم: بالعكس يا قلبي الحين انتي وحده منا وفينا وربي اني اعدك بحسبة اختي رغد..
مها: تسلمين يا قلبي حتى انا ما اعدكم الا خواتي.
ريم: تسلمين..المهم تكلمي عن نفسك عن اهلك ..كل شي..ترى احب هالاشياء..
مها: اممممممم انا من يوم صار عمري خمس سنوات تيتمت"سكتت شوي تبلع عبرتها بعدين كملت وهي تطالع البحر" امي كانت ماخذه دور الام والاب والاخت وكل شي بالنسبه لي..كبرت انا وكبرت نجلاء اختي وسليمان اخوي...نجلاء شالت جزء كبير عن امي..مثلا شغل البيت واحنا البزارين ..وامي كانت تشتغل تبيع اكلات شعبيه لان راتب ابوي ما يكفينا وترفض ان سليمان يلهى عن دراسته بالشغل...لحد ما كبر سليمان وصار بالمتوسط وصارت امي تعتمد عليه اكثر من اول...صار يسوق يجيب لها اغراضها ويودينا ويجيبنا ويطلعنا..تحمل مسؤليتنا من يوم كنا صغار..صح اني اكبر منه بسنه بس احس اني طفله.. وهو على طول صار رجال وكأنه اكبر مني بسنين...وصل للثانويه وصار يدرس الصباح ..ومن العصر لما الليل يشتغل..طبعا امي ما اقتنعت انه يشتغل لما دخلت المستشفى من التعب والشغل...سليمان ما سكت وقال لها انه صار رجال ولازم تعتمد عليه وترتاح...تزوجت نجلاء اختي وتركت فراغ كبير بحياتي بس ما كانت تفارقني ابد..اذا ما شفتها تتصل..وترسل لنا دايما فلوس مع ان محنا في حاجتها .واذا احتجنا أي شي توفره لنا..وزوجها مره حبوب وحسبة اخونا الكبير بس سليمان ما يرضى ياخذ منه ريال واحد...
ريم تذكرت سليمان يوم كانوا في المدرسه وابتسمت..
والحين تحسن وضعنا كثير عن اول ..سليمان اشتغل في شركه راتبها مره حلوا وينفع وانا دخلت الجامعه وصرت ادّرس في معهد كمبيوتر ويدخل علي كويس...
ريم راح صوتها لانها كاتمه العبره: ما شا الله عليكم اخاف احسدكم على طموحكم وتحديكم واصراركم الي ممكن يكون معدوم عندي...
مها: كذا الحياة على ما تعودك...
ريم: طيب بسألك سؤال ترى مو ضروري تجاوبي عليه..
مها ابتسمت: قلت لك خذي راحتك..
ريم: كيف علاقتك بأبوك..يعني اشتقتي له وودك تشوفينه...تتخيلين لو كان عايش وش راح تكون حياتكم..
مها: اكيد فكرت في هذي الاشياء في البدايه كنت اكره ابوي لانه راح وتركنا ما كنت افهم..كنت لما اشوف امي تتعب في البيت والشغل اكره زياده..لما اشوف نجلا يغمى عليها كثير عشان عندها انخفاض بالضغط ومن التعب على طول يغمى عليها كنت اكره اكثر .ولما كنت اشوف سليمان اخوي يطلب من امي شي بسيط وما تقدر تحققه له اكره اكثر واكثر..بس الحين اتمنى انه عايش الله يرحمه..اتمنى اني اقول بابا..نفسي اقول بابا ودني الملاهي..بابا اشتري باربي...بابا شوف محمد يضربني..حتى لو اني كبيره بس هذا الاحساس معاي من يوم كنت صغيره..شي محرومه منه وموجود عند الكل حاولت اعوض فقدان ابوي كثير بس ما لقيت احد يحل مكانه الا شخص واحد صار لي ابوي واهلي كلهم بعد امي..
ريم: سليمان صح...
مها: ايوه سليمان...لو يصير له جرح بسيط اخاف عليه..واخاف اني افقده..اخاف اني ما عاد اشوفه مره ثانيه....اخاف انام وبكره اصحى وما احصله ..ما ادري ليه افكر كثير بهذا الشي..بسم الله عليه الله يحفظه ويخليه لنا...
ريم: امين...
مها: سليمان حبيبي عوضني عن اشياء كثيره بحياتي يسأل عني ويهتم فيني يحبني ويدلعني وما يرد لي ولا طلب لو اطلب عيونه...
ريم: عشان كذا انهرتي لما صار له الحادث..
مها: مو انهرت بس حسيت اني بموت..تصدقين يا ريم وادري بتقولين مجنونه..فكرت لو مات بروح ارمي نفسي لسياره والحقه...
ريم: لا صدق مجنونه..
مها: ترى الشين فيني متعلقه فيه بزياده يعني الله يعين زوجته بنشب لها..
ريم: زوجته بتحطك بعيونها ان شا الله..
مها: وش دراك يمكن تكرهني..
ريم:متأكده ان اللي تعرفك مستحيل تكرهك..
مها: والله ان كلامك عسل..اجل ليش نوف دايما تحشك وتقول ما عندك اسلوب..
ريم: نويف الشينه قايله عني كذا هين اوريها..
مها: لالا خلاص هونت امزح..
ريم: لا ادري انها تقوله..قولي لها مخليه الاسلوب لك..
مها: هههههه تصدقين حبيتكم وتعلقت فيكم...
ريم: وحتى احنا كمان تعلقنا فيك... خلاص من اليوم ورايح..من يوم نرجع للرياض بتروحين وبترجعين معنا...انتي مو نفس جامعة عبير..
مها: امبلا معها بنفس الجامعه بس ما اشوفها كثير..
ريم: اهم شي انك معها..يعني بترجعين معها لبيتنا..
مها: من الحين خططتي وخلصتي.
ريم: انا كذا احب اخطط لكل شي...
مها: واضح عليك انتي والعنود شخصياتكم قياديه..
ريم: انا والعنود تقربيا نفس الشخصيه بس هي قساها زمانها..صار لها موقف يوم كانت صغيره اثر عليها لحد الان...
مها: العنود؟؟؟...يعني ما كانت كذا..
ريم: لالا ما كانت كذا..
مها: ممكن اعرف وش الموقف اللي صار لها...
ريم: الموقف لما كانت بأول متوسط..كانت مره دلوعه وكيوت وشعرها نفس الحين قصير بالمره بس كان مقصوص بدلع...في يوم من الايام تعرضت للتحرش في دورات المياه الله يكرمك..وقعدت تصارخ وتنادي احد يساعدها بس لا حياة لمن تنادي..كانوا بنتين يراقبونها من ايام لما جا اليوم اللي طلعت من الحصه لدورات المياه وحجروها في زاويه ومثل ما قلت قعدت تصارخ وتستنجد باللي حولها بس محد سمعها ولا سمع دموعها وصرخاتها..كانوا خلاص ناوين ينهونها الا دخلت وحده من طالبات ثالث...هم اخترعوا ما توقعوا ان احد راح يدخل عليهم قامت البنت طلعت وصارت تصرخ لما جاوا الإداريات ..اخذوهم واخذوا العنود...قعدت العنود بعدها شهر ساكته من الصدمه..وما صارت تروح المدرسه...خالتي سحبت ملفها من المدرسه وقررت تنقلها وحده ثانيه..والبنات فصلوا وما عاد تقبلهم أي مدرسه ثانيه...وهذا الموقف اللي حصل لها ..وتغيرت من بعده...العنود بعد فيها ميزه انا اوقف وادق لها تحيه..العنود دايما مضحيه..ياما مواقف صارت لنا ومشاكل نتورط فيها..تدافع عنا وتقول انا السبب فيها قدام الكل وبجرئه عشانا احنا ..عبير ورغد وانا ما يصير لنا شي..بصراحه دايما وابدا احيي شجاعتها حبيبة قلبي والهر..
مها: ومن بعد هذا الحادث صارت كذا...
ريم: ايوه تحس ان الدلع والهدوء ضعف وانه ما يمشي بالزمن هذا الا القوي واللي الناس تهابه..ترى هي قويه من برى بس لكن من داخل هشه بسرعه تنكسر وكمان تبكي من داخل لان الدموع على قولتها مو لها..
مها: مسكينه يا العنود ما تستاهلين..
ريم: ايوه مسكينه في كل شي..حتى في حياتها العاطفيه مسكينه..
مها: ليش؟؟
ريم: بقولك بس بليز ما يطلع ولا حرف من اللي بقوله..
مها: اكيد يا قلبي..
ريم: الشخص اللي حبته العنود اكتشفت ان عبير تحبه..
مها انصدمت:وعبير عرفت..؟
ريم نزلت راسها: لا ما عرفت ولا تبيها تعرف.
مها: اكيد بتضحي عشان اختها..
ريم: هذا اللي انا متأكده منه..الحين هي تكابر وتقول انها راح تواجه عبير وتقولها انها تحبه..بس ادري ان هذا الشي مستحيل يصير لو على قص رقبتها..
مها: طيب ليش هي اللي تضحي دايما..ليش ما تدافع عن حبها على الاقل..
ريم: هذي العنود اللي في ايدها وقلبها مو لها...مسكينه بنت عمي..
مها: بس انا من راي ما تسكت..
ريم: يا بنت..العنود بسم الله عليها تدبر نفسها...خلينا نروح نجلس مع البنات ونفلها ونحلل دبي وايامها..
وراحوا لعند الشله..
رغد: ريم ابتسمي للكاميرا..
ريم ضحكت لما طلعت اسنانها اللي ورى: تشيييييز..
رغد: انا قلت ابتسمي مو اكشف على اسنانك..
ريم: هذي الابتسامه دوخت ناس وناس..
العنود: اكيد عميان هههههههههه..
عبير: هههههه حلوه يا العنود اول مره تقولين شي حلو..
الهنوف: ما تلاحظين يا ريم انهم يهزؤنك وانتي ساكته ..
ريم: انا اعلى منهم مستوى فا ما اعطي أي احد وجه.. فهمتي.
العنود: بنت الوزير وانا ما ادري...
ريم: اكبر يا حبيتي اكبر...انا ريم بنت عبد العزيز فاهمه..
عبير: عبد العزيز على العين والراس بس انتي لالا ما اتوقع..
رغد: يا حبكم للمشاكل ودي اشوفكم يوم بدون ما تتهاوشون..
ريم : تصدقين ولا مره صارت..
الهنوف: حتى انا من يوم تعرفت عليكم صرت مثلكم الا طبعا رغد قلبي...
عبير: مسكينه الا انتي اللي من يوم تعرفنا عليك واحنا مشاكل في مشاكل..
مها: تكفون راسي يعورني اسكتوا شوي سولفوا بهدوء..
العنود: بهدوء؟؟؟؟؟ غربيه هالكلمه ماهي في قاموسي..يعني ما نتبعها فهمتي.
مها: اجل انا رايحه لعند البنات يله باي..
البنات: باي...
ريم: عيب عليكم البنت ودها تجلس معانا..وانتي ابعدي هالكاميرا عن وجهي...
رغد: هذا جزاي اقول احلى الشله واصورها..
لفواعليها العنود وعبير والهنوف: يعني وش قصدك..
رغد خافت: العب عليها...عشان اضحك على وجهها بعدين..
الثلاثه: ايوه نحسب..


عنــــــــد العيال..
ماجد: فواز ممكن نطلع انا وياك أي مكان لحالنا...؟
فواز: ايوه اكيد..
ماجد: وش رايك نطلع عند البحر نتمشى...
فواز: يله قدام...
وطلعوا عند البحر...
فواز: يله قل وش عندك يا اخوي..محتاج شي صاير لك شي..؟
ماجد: انا ما احتاج شي بس انت تحتاج..
فواز بدهشه: انا محتاج لأيش...
ماجد: محتاج تتكلم عن نفسك وعن زوجتك وعيالك..يا اخي فضفض شوي...اذا كنت في مشكلها نحلها لك..ترى ما يصلح تجمع هموم على قلبك بالشكل هذا...
فواز: وش تبيني اقول يا ماجد..
ماجد: قول اللي في قلبك..قول لي وش تعاني منه وانا اوقف معك واساعدك..
فواز: انا يا ماجد ما عندي مشاكل ابد..وزجتي مسعدتني في حياتي و موفره كل شي لي..وايامي كلها حلوه..
ماجد: طيب ليش تعاملها كذا وكأنك ما تحبها ولا تبي تشوفها..
فواز: مو عشاني عشانها..
ماجد: يعني هي ما تبيك..
فواز: لالا بالعكس...بس ابي اغير اسلوبها..
ماجد: وش فيه اسلوبها وليش؟؟
فواز: شوف انا ما احب اتكلم عن حياتي الخاصه..بس ابتكلم معاك لانك اخوي وصديقي.. وابي رايك باللي سويته..
ماجد: اوكيه..
فواز: احم..بدور شخصيتها ضعيفه..مانتاقش وما تعترض..ما تقول..لا.... ما لها راي..الراي راي والشور شوري...بعض الاحيان احس وجودها مثل عدمها..اذا استشرتها في شي تقول نفس راي..وغير هذا مالها شخصيه..وهذا الشي ما عجبني....انا وعيالي نحتاج احد يقودنا ما نقودها وخصوصا العيال الصغار..الحين لما تقول لهم شي ما يسمعوا لها كلمه كيف لما يكبروا ..عرفت الحين ليش اعاملها كذا..
ماجد: طيب انت تعتقد ان الطريقه اللي تستخدمها صح..
فوازبثقه: ايه..
ماجد: جابت نتيجه..؟
فواز: بصراحه....لا..
ماجد: يعني غلط...طريقتك غلط .حتى انك ما صارحتها باللي تبيه..ما واجهتها بالحقيقه..مخلي البنت على عماها..
فواز: وش تيني اقول لها..
ماجد: قل لها أي شي بس لا تخليها كذا معلقه وما تدري هي وش سوت ..عشان تسوي فيها كذا...هو انت تكرهها..
فواز: اكرهها؟؟؟ اموت ولا تجي الساعه اللي اكره فيها بدور..ماجد بدور في حياتي شي كبير..تحديت الكل والجميع عشانها وتقول اكرهها..
ماجد: عشان كذا يا فواز لازم تغير طريقتك معاها..
فواز: لازم انا اللي اقولها..خلنا نخلي احد يلمح لها..
ماجد: هذا الغلط..مشاكلكم محد يتدخل فيها..انت لازم تحل المشكله اللي بينكم..ترى بدور ما تستاهل اللي تسويه فيها..كبير عليها بالمر..
فواز:ادري والله ادري بس كل هذا عشاني احبها يا ماجد..
ماجد: ادري..بس عشانك ما قلت لاحد ولا اخذت شور احد وتصرفت من نفسك..هذي النتايج..يمكن زوجتك تعيش حالة اكتئاب..
فواز: وش دراك انت؟؟
ماجد: انت ما تسمع البنات كيف يسولفون عنها..يقولون ما تتكلم ابد ولا تضحك ولا تسولف يا قاعده مع عيالها يا تفكر...
فواز: للدرجه هذي..توقعت اذا جلست مع اهلي تنبسط..
ماجد: كيف تنبسط وانت تصد وتبعد عنها قلي؟؟
فواز نزل راسه : تصدق توني اكتشف اني غبي..
ماجد: هذا درس عشان تستشير احد ..ما يصلح اللي في نفس المشكله يحلها لحاله اكيد بيكون فكره مشتت وبيشوف الموضوع من زاويه واحده..عشان كذا لازم تشارك احد معاك ترى ما فيها شي...
فواز: شكلي بروح لبدور الحين..
ماجد: على طول مشا الله..
فواز: امزح معك بخليها بكره..
ماجد حط ايده على كتف فواز: ترى مو لازم تتغير اهم شي سعادتها اوكي..
فواز: وانت صادق...

مشاري: اقول عيال خلونا نطلع مع امهاتنا شوي..
العيال: يله..
في اللحظه هذي طلعوا سعود نواف برى الشاليه للفندق ياخذون اغراضهم وحجزوا لهم على اول طياره للرياض الساعه 8 الصبح..بدون ما يقولون لاحد..
طلعوا العيال شافوا الحريم جالسين مع بعض والبنات منقسمين مجموعتين وجلسوا مع امهاتهم..
ام سليمان: حيا الله عيالي..
العيال: الله يحيك خالتي..
وكل واحد باس راس امه وجلس...وقعدوا يسولفون مع بعض..
رغد: شوفوا العيال لاحقينا حتى هنا..
العنود: اصلا ما يستغنون عنا..
الهنوف: بنات ما تلاحضون ان الجو يجنن..
ريم بخبث: اكيد يجنن والحين زاد حلاه عشان الحلوين صح..
الهنوف ما فهمت: وش قصدك..
ريم وهي تطالع بعيون الهنوف: يعني مشاري موجود وكذا..
الهنوف راتبكت: اقول روحي زين.."ولفت على رغد"..اقول رغد خلينا نتمشى..
رغد: يله..احد بيجي معانا..
عبير: انا عن نفسي مالي خلق ما اشتهيت اتحرك..
رغد: اصلا انا غاسله ايدي منك اسأل البنات..
العنود: وش رايك ريم..
ريم: لا خلينا جالسين احسن..
العنود تهمس لها: عشان حبيب القلب..
ريم: ايوه مثلك عشان حبيب القلب...
رغد كانت تبي تهرب ..ما تحب مكان مجتمعين فيه وليد وتركي..ما تحب تفكر كثير..
ومشوا مسافه وهم ساكتين..
الهنوف: رغد فيك شي...؟
رغد في نفسها"والله ما يحس فيني غيرك": لالا ما فيني شي..
الهنوف: رغد تراني من زمان ملاحظه وساكته واقول مصيرها بتقول بس طولتي..
رغد: الهنوف مافي شي عشان اقوله..
الهنوف لفت على رغد ولفتها لجهتها: رغد طالعيني..مستحيل تخفي هذا الشي عني..انتي فيك شي وما تبين تقولينه لي صح..انا بالذات صح يا رغد..
رغد لفت وجهها عن الهنوف: الهنوف ليش مو راضيه تصدقين..قلت لك ما فيه شي..
الهنوف تركت رغد: براحتك بس لا تنسين اني موجوده..الهنوف موجوده يا رغد..حتى لو كنتي متضايقه مني انا قولي لي..
رغد: لا مو منك ابد..
الهنوف: اجل من اخوي..صح يارغد من تركي..
رغد غرقت عيونها دموع: الهنوف ممكن نمشي..
الهنوف خافت على رغد: رغد تركي عامل لك شي..
رغد: الموضوع مو كذا..الموضوع اكبر من كذا...واخوك تركي ماله دخل في الموضوع...
الهنوف: بس اكيد له طرف بالموضوع..
رغد: الهنوف ما اقدر اتكلم ما اقدر...
الهنوف: ليش ابي اعرف ليش؟؟؟
رغد: محتاره يا الهنوف...محتاره"وضمت صديقتها"...تعبت يا الهنوف والله تعبت..
الهنوف ضمتها بقوه: تكلمي يا رغد..انا معاك وما راح اتخلى عنك مهما صار..
رغد اخذت نفس وهي في حضن الهنوف: الوليد ....يحبني..
الهنوف مصدومه: الوليــــــد؟؟
رغد: ايوه يا الهنوف واعترف لي..واخوك يا الهنوف كمان اعترف لي في نفس اليوم.
الهنوف بعدت رغد وتطالع بعيونها: وكل هذا بقلبك وساكته....
رغد: خفت انك ما ترضينها لاخوك وبتقولين حددي بأسرع وقت يا وليد يا تركي..
الهنوف: صح هذا كلامي وهذا الكلام الصح..بس ما راح اضغط عليك..
رغد: وش اسوي ياالهنوف..شوري علي..
الهنوف: هالمره الشور شور قلبك يا رغد...اسألي قلبك وهو دليلك..
رغد: واذا قلت لك القلب محتار بين الميول والرحمه..
الهنوف: اختاري الميول..الرحمه ما راح تنفعك...
رغد: بس صعب اشوف اللي ارحمه مكسور وحزين والسبه انا..
الهنوف: وحرام اللي تملين له تكسرين قلبه مع انك تميلين له..
رغد: زادت حيرتي حيره..
الهنوف: وما يصلح اعرف من اللي ترحميه ومين اللي تميلين له..
رغد: عاد هذي اسمحي لي يا الهنوف..
الهنوف: لا تفكرين فيني اوكي ولا حتى في امي احنا راضين بقرارك وراح نظل صاحبات طول العمر يا قلبي..
رغد ضمت الهنوف: الله يخليك لي ولا يحرمني منك ولا يفرقنا..
الهنوف: امين..
رغد بعدت عنها: ما تلاحظين قلبناها عزاء ..
الهنوف: خلك مره ثانيه تسوينها وتخبين عني شي..
رغد ابتسمت: لالا التوبه..
وحسوا ان في احد وراهم يمشي..
الهنوف التفتت: رغد كأنا احد ورانا...وما ودي التفت..
رغد: يمه لا تخوفيني..اكيد وحده من البنات...
الهنوف: لا تلتفتين..
رغد: خليني اشوف..
الهنوف: اخاف جني..
رغد خافت: جني لالالا وش جني لا تخوفيني...
الهنوف: خلينا نسرع احسن..
رغد: يله...
وصاروا يسرعون واللي وراهم يسرع وهو ساكت....


يتبع ,,,,
👇👇👇

تعليقات
    حجم الخط
    +
    16
    -
    تباعد السطور
    +
    2
    -