رواية شغب بنوته -18 البارت الاخير

رواية شغب بنوته - غرام




رواية شغب بنوته -18

في بيتنا

امي : اتبهي على الصغار
ريماس : لا ماابي بروحي
امي :عندك هيام وندى
ريماس : كلهن نامن الا انا
امي : اجل روحي غرفة ساره واعتني بهم
ريماس : انشاء الله بس كثار
امي : بس 11
ريماس : الشكوى لله
ريماس (صارت معي قصة معهم اضربهم ويضربوني جابولي الهم هالبزران الله يهديهم حال القصيده يكفي حتى ملابس ساره ماسلمت والنعال والدواليب والمويه والمسكره والمرطب امسك ذا ويجي الثاني يضربني والرابع والسادس يلعبون بالمجلات والي يكفخني يوم قررت اسويلهم اكل الكل يتشرط تقل شغالة عندهم الله يقع بليسهم اخير شي قلت لهم انقلعوا عن وجهي بتخلوني اخرف من الحين )



(( حددو الملكه والعرس ))
في يوم الملكه

هيام : ندى ابي اسوي مقلب لريماس
ندى : لاعاد توها مالكه
هيام : صغنووون مرره بس راح تتذكرنا فيه
ندى : افف ياام الحركات انطقي
هيام : اباخذ جوال اخوي زياد وارسل لها رسايل حب
ندى : لالالالا عاد اخوك متدين ليش تخربين شكله عند ريماس
هيام : عادي الحين هم ازواج بس بقى العرس
ندى : خليها ورى العرس احسن
هيام : ورى العرس بتروح معه تسافر
ندى : طيب ...مدري انت بكيفك انا منيب داخله بذا المقلب
هيام : ترى اسويلك مقلب
ندى : لالا تكفين منيب محتاجه
هيام : تسوين مقلب لريماس
ندى : لا
هيام :ههههههههههه الحمد لله ذا كان اختبار كان ودي اعرف وش وراك يعني معقوله تسوين بوحده مننا
ندى : الحين عرفتي
هيام :أي اكيد

( بيوم العرس )

ريماس : اسرعي
هيام : وراك ارتجيتي يوم قالوا لك الساعه 10 عادي
ريماس : اصلا انا مرتبكه من الصبح
ندى : عاد موب تصيحين وتخربين المكياج
ريماس : ابحاول
هيام : عشان نذبحك هي من اليوم تسويلك واخير شي بتصيحين
ريماس : نشوف لاتزوجتن وش بيصير بكن
هيام : عادي بنصير هاديات
ندى : أي موب مثلك مرجوجه
ريماس : نشوف
((والدموع ودها تطلع بس الله يعافي الحرس الي جنبي هيام وندى تقل بيضربني العرس عادي لاني وزياد بالذات انا لانه اخاف اكون من المسرفين قال تعالى :" كلوا واشربوا ولا تسرفوا " وبسيط حيل بس مرره روووعه وهادي يعني شبه عائلي ومع صديقاتي والي يعزن على قلبي وماانسى اقول ان عايلتي كثيره وعلى فكره زياد مرره غني موب سالفة انه محتاج او طماع ))
>> دخلت الغرفه وانا بي الصياح ودعت اهلي وصديقاتي دخلت بس هو توه مادخل الحمد لله جلست اصيح غصبن علي مستحيه وخايفه والمكياج شي فضيع وامسح بهالمنديل ودخلت هيام يعني بتسوي مفاجئه وقالت : ريماس لالالالالالا وش سويتي بوجهك
ريماس : ورى وشبه
هيام : شبح مقعد نددىىى ادخلي زياد موب هنا هالريماس خبصت بالمكياج
ندى (وحطت ايدها على فمها ) وقالت : وش ذا !!!!!!!!!!
هيام : انا بسويلك مكياج
(( ويبدن يمسحن الي بوجهي و حطت لي هيام مكياج خفيف وناعم وحلووو مرره ))
هيام : ندى روووحي الحين بيجي زياد
(وتطلع ندى )
ريماس (والدموع بالعيين )
هيام : لالالا تكفين بدون دموع تخيلي انك بحلم موب بالحقيقه
ريماس : بس مقدر
هيام : انا قايلتن انك بكايه
ريماس : لالا موب بكايه
(ودخللل !!!)
زياد : السلام عليكم ورحمه الله وبركاته
(يااي صوت يجنن )
هيام وريماس : وعليكم السلام ورحمه الله وبركاته
هيام : وشلونك زياد ادري الغرفه قراطيس ومكياج وخرابيط بس الي مسويه ريماس ههه يالله مععع السلامه يارمنسين
(وطلعت )
ريماس ( ابي اقوم افلع هالبنت ياربي جلس وش اسوي ان تكلمت صحت وان سكت خفت
)
زياد ( حاط ايده قريب من فمه ويهوجس والحمد لله ماتكلم )
زياد : شلونك
ريماس : على الصامت
زياد : وشلون الدراسه
ريماس (على الصامت )
زياد ( البنت شكلها مستحيه )
(( نص ساعه مااسمع الا صوت الصمت ))
زياد : مو جوعانه
ريماس (هزيت راسي يعني أي )
(( الاكل يجنن بس استحي اكل قدامه اللهم كم جغمه من العصير وانا مشتهيتن الاكل هو نفس الحاله بس عصير والكل بعالمه سرحان عاد شفته يهةجس يناظر العصير عاد انا استغليت الفرصه ةجلست اناظره مشاء الله يجنن خشمه فضيع ولا فمه كل شي يجنن فيه ))
_____فجأ÷ ____
رفع راسه وحط عينه بعيني وانا تقل طياره بسرعه ناظرت العصير
زياد : تبيننا نمشي
ريماس(لالا ماابي لاتخليني اصيح )
زياد : وش رايك ؟؟
ريماس (على الصامت )
زياد : اجل بنمشي وش رايك
ريماس (الصامت )
(( وقام وقال ))
زياد : عمري انا في السياره
ريماس (( واجلس البس عباتي بتمط وتتديمع عيوني الحمد لله هالمره مابه شي ساح نزلت وانا مره موب متعودتن عليه ركبت السياره ياااي ريحتها تجنن موب سيارة ابوي ))
زياد : شكلك ماتعشيتي وش تبين عشا
ريماس : ش...ششبعانه شكا
زياد :ههههههه وش معنى شكا
ريماس : يعني شكرا
زياد : منين جبتيها
ريماس : من اللغه العربيه
زياد :ههههه لاياحياتي شكرا في العربيه
ريماس : شكرا
زياد : ههههه لايكون زعلتي
ريماس : لا
زياد : تبين نروح الفندق ولا نتعشا
ريماس : براحتك
زياد : انت مااكلتي شي
ريماس : وانت بعد
زياد : براحتك اجل
ريماس (بطي يزقزق ابي اكل لو اني جريئه كان قلت له )
رحنا الفندق و ركبنا الاسنسير ويجيك ذي الزحمه وصلنا ولله الحمد جناحنا ياااي شكله يجنن واحمر وحركات ليت الرومنسيين يجون هنا موب انا امكن زياد رومنسي بس انا حدي الصرقعه )
جلست على السرير بعد ماغيرت ملابسي ولبست قميص وردي لنص الساق طبعا انا تحدي لانه هيام وندى بيلبسن كذا بس انا لوني الاحلى هيام اصفر وندى اخضر صدق اشكالهن ناعمه بس الوانهن فاقع ))
نمنا وفي اليوم التالي تفطرنا طبعا انا ماتفطرت الا شوي معنا بطني يزقزق من الجوع بس الشكوى لله الحي يلعب دور





( مرررت سنه على زواجي به واطيب منه ماشفت واجمل منه بعد ماشفت احسه تقل الي برسومات الانمي )
اعرست ندى وعرسها يجنن بس ماتحسفت ابد اني سويت عرس بسيط يكفي ان الله اسعدني مع زياد ..

وبعد شهرين هيام

هيام : (تدمع عيونها)
ريماس : مدري مين الي تقوول ماراح اصيح
هيام : موب انا لانه عيوني دخلها رمل
ندى :اييي موب يعني دموع خجل
هيام :عاد انت قبل شهرين صايحهه
ندى : لا انا بس
ريماس : اقول بس اهجدن خل نسمع الاذان
هيام : ابروح اصللي
الكوافيره : ماما من الصبح في سوي
هيام : مالي دخل ابروح اصلي
ام هيام : لايابنيتي اجمعي
امي : لا تيممي
ام سعود : يجووز للمعرسه تتيمم
(( وتجيك الفتوى الي من مخهم ^^^ يعني كلام ام هيام وامي وام سعود كذب المعرسه تصلي زينا )
هيام : ابروح اصلي مالي دخل انتظرت 45 حاله بتفوت ابروح اصلي (( وتبدى تتوضى وتفرش السجاده وطنشت بكلام الحريم وصلت ويوم سلمت 

طاحت ...
0(بدينا نقومها نهزها مافي فايده
مااااااااااااااتـــــــــــت هيام ماااتت حسيت ان عمري دار هيام كل دنيتي ماااتت انعاد شريط العمر قدامي والحريم يصيحن انا عجزت استوعب ماااتتت ....
مـــــــــــــــــــــــــــــــاـــــــــــــتـــ ـــــ ((قصه حقيقيه رحم الله صاحبتها واسكنها فسيح جناته والمؤمنين والمؤمنات ))


بعد شهرين
زياد : (الدموع بعينه ) ياعمري مايصلح تصيحين اكثر وربي يكفي انها ماتت بعد ماصلت
ريماس : بس هيام ماتت
زياد : الحمد لله على كل حال
ريماس : الحمد لله

ريماااس : هياام وش بك من نص ساعه ماتردين علينا
هيام : لا ابد سلامتك بس القصه الحقيقيه الي قلتيلي عنها الي ماتت وهي تسلم بيوم عرسها تخيلت نفسي مكانها وخفت
ريماس : كلن له يوم
هيام : أي صادقه كلن له يوم
ريماس : الله يعيننا على القبر
ندى : اه شكله يوحش يارب اعننا واعن كل المؤمنين والمؤمنات

(بعد 5 سنوات في بيت هيام وتركي )
تركي : هيام لاتنسين تغسلين ملابسي
هيام : أي انشاء الله اليوم اغسلهن واغسل ملابس البنات جنى وهدى (توأم)
تركي : بس انتبهي على ملابسي
هيام : وليش مانتبه وانت الغلا كله
تركي : فديتك (وباس خدها )


__ نديم هدى العنود الكثير الكثير بحال طيبه __


في بيت فيصل و ندى بعد 5 سنين
ندى : قول انك من زمان تحبني
فيصل : وانت وش دراك
ندى : ريماس قايلت لي من زمان قرأة كلام بدفترك
فيصل : تبين الصراحه أي
ندى : (بدت تتميلح ) اجل انا حلوه
فيصل : تجننين جعلك ذخر لولدك محمد وجابر وبنتك هند
(( بأختصار ندى مجننه فيصل وعرفت تركده ))


عائشه تزوجت من راشد وجابت صغار يجننون بس نحاف طالعين على امهم واحد اسمه راكان والثاني رامي و البنت نجود مررره مشاغبين بالذات نجود دايما تصفق ولدي يوسف يقلك قويه الله لايوفق عدوها

(بعد 5 سنين في شاليه )
(( على شاطئ ذلك البحر فتاة لم تتعدى 23 سنه ذات الفستان الشيفون الوردي الذي يصل فوق الركبه بقليل و الكموم جبنيز والشعر البني المتوسط الطول هو و الفستان يتحركان مع الهواء الضجر من امواج البحر الهادئه الذي يلامس قدميها والطفل ذا ال2 سنه بريئ وجميل ولن تتركه مهما انشغلت فهو ولدها كل حياتها هو و ابيه ,,يلعب في الرمل ولم يأبه لالام امه اسمه يوسف نعم تلك الفتاة هي انا رحلت امي قبل 7 شهور واخر كلماتها : سامحيني ياابنتي عاملتك بقساوه سامحيني ... استسلمت لدمعه لتشق طريقها في هذا المكان البارد بنسمات الهواء اقترب ....واقترب.... و ضضمها من الخلف ومسح دمعتها وقال : صدقيني احبك ولا يرضيني بكائك صدقيني ....احبك ....

احبك ... ياريماس

احبك . . .



تمــــــــــــــــــــــــــــــــــــــــــــــــ ـــــت بحمد الله

ختاااااااااااااااااما.......




قدودعتكم يااحبتــــــــــــــي
والشوق يعصــــــــــــــــــر الالام
لكن بيد الله الخالق الجباري
كل فراق ولقاء بين كل ابن ادم
مكتوب قبل ان يخلقنا الجباري
والحمدلله العزيز الحكيـم
لن اسخط يوما رغم البكائي
سرعان مامرت الايــــــــــــــــــام
وات الرحيل محملن اهاتي
ان لم نجتمع يوم بعد هذا الـــــــيوم
فالقاء يارب في الجنه و في
الدنيا التي تنستنزف الــــــــــــدم
الوداع الوداع يااحبتي...
ادري ان الشعر موب حلو بس وربي سويته لكم وبس
.... اعذروني على الاخطاء الاملائيه وتكوين الجمل لاني في القواااعد ميييح >>هذا وانا كاتبه.... ومن الاخطاء .... ((دع مايريبك الى مالا يريبك )) رواه ###### <<< ### هذي الشبكات انا حاطتهم عشان اروح اتأكد ثم اكتب مين الي راويهم فحطيت هالشبكه عشان اتذكر ونسيت والي راويه هو .. رواه الترمذي وقال : حديث حسن صحيح.... وفي حديث قال الرسول صلى الله عليه وسلم :

*من ترك صلاه الصبح :<فليس في وجهه نور >
* من ترك صلاه الظهر : < فليس في رزقه بركه >
*من ترك صلاه العصر : <فليس في جسمه قوه >
*من ترك صلاه المغرب : < فليس في اولاده بركه >
* من ترك صلاه العشاء : < فليس في نومه راحه >

الخ

هذا الحديث مشبوه لا يجب نشره والدليل : و قد قال عنه الشيخ محمد بن صالح بن عثيمن رحمة الله عليه :

هذا الحديث موضوع مكذوب على رسول الله صلى الله عليه و سلم لا يحل لأحد نشره إلا مقرونا ببيان أنه موضوع حتى يكون الناس على بصيرة منه

ويوجد غيره من الدلائل ولكن أكتفي بهذا وأرجو ان محد ينشره اسفه طلع مشبووه فيه اعذروني ولايجوز نشره يعني ياحلوات لاتنشرونه ابدا تكفون ...
.. مدري وش اكتب مالقيت الا الدعاء لكم على الردود والمتابعه وحتى الزوار لما اناظر دخولهم افرررح ... مدري وش اقول وش اهذري بس منيب محزنتكم
صحيح ان ممكن مانتقابل في الدنيا والكل مفارق اهله واحبائه .... لكن مافقدت الامل مثل ماالشيخ مشاري الخراز متفائل بالي حضروا المحاضره فأنا ايضا ...
متفائله بكم بكل من قرا الروايه ..
يااارب مثلما جمعتنا في الدنيا اللهم اجمعنا في الجنه فأننا تجالسنا على ذكرك وتحاببنانا بك فاللهم اظلنا في ظلك يوم لاظل الا ظلك وارحم واغفر واهد بلطفك ورئفتك وادخله جنانك كل من قرأ الروايه وذكر الله والمؤمنين والمؤمنات

تصدقون انا جالسه اسمع شمس الوداع ..
ممكن ماتفقدوني ولاتحسون بس انا كثييير بفقدكم خففتم من الصياح الي كل صيف وكل عطله لازم بكي لافرقت خوالي بس احب ابكي بالصامت تحت الغطا حسيتكم خواتي..... رغم ان اليوم بنسافر لخوالي يعني لازم اكون حيل فرحانه بس وربي دمعت عيوني لاني من الممكن افارق صديقاتي الي تعرفت عليهن وافارق كل من تابعني بس انا متفائله بكم مثلما تفائل الشيخ مشاري الخراز بألي سمعوا المحاضره ...وانا سأودعكم على امل في اللقاء في الجنان فأن متفائله ان نجتمع في الجنه مع من نحب بلادموع! بلا فراق ! بلا الالام! بلا احزان! بأن نجتمع بتلك الجنه بتلك الدار التي لاتفنى ....





بإشراف ::غموض بنيه
أحدث أقدم