رواية شغب بنوته -2
طلال : طقيها ..ديما : لا مو بس طقتني وقالت امج ماربتج وابوج واحد كل يوم مع حرمه
طلال (الي عصب بدرجه مو طبيعيه ): خليها تجي بالحوش حق الحريم قوليلها ان اخوي يبي يكلمج بروحج ...
ديما (بضحكه شيطانيه ): اوكي طلول بس بسرعه
طلال : اي بنتظر لم محد يطالعني ..
(( وراحت عند ريماس الي ماااايته ضحك وهم متجمعين بمكان بعيد عن الحريم ))
ديما : تعالي ابي اكلمك
ريماس : ليه مافي غرباء كلنا احنا البنات على بعض
ندى : اي قالتها الست ريماس كلنا على بعض ياتقولين الي تبينه ياانقلعي ....
فارجي ...
ديما : بسوي نفسي ماسمعت الي قلتيه
ندى : اسمعيه وحطيه حلقه في اذنك
ريماس : شنو تبين
ديما : اخوي يبيك
ريماس (بستغراب ): اخوك
ديما : اي اخوي طلال موب مازن
ريماس : طلال ولا مازن بشنو يفرق كلهم حشرات
ديما (بعصبيه ): احترمي نفسك طلال مو حشره
ريماس : ليه دافعتي عن طلال لانه يبي يساعدك وهو دايما يعطيك وقت ام مازن
لانه يحقرج فما تدافعين عنه
ديما : لا لاني احب طلال اكثر فهمتي
ريماس : انزين شيبي فيني اخوج
ديما : يبي يكلمج عن سالفه (قعدت تحك راسها جنها ماتدري ) اا ..أأأأ مدري
امكن عشان ...... ااا
ريماس : خلاص فهمنا وينه اهو
ديما : بالحوش حق الحريم
ريماس : يالله ندى
ندى : لا حبيبتي مالي خلق
ريماس : امشي معي كلها كم خطوه
ندى : مالي خلق
ريماس : كيفك
(ومشت ريماس الي قلبها يطق طبول على فكره ريماس تحب طلال بس موب معلمه احد
وكل تصرفاته تبين انها ماتحبه وتكرهه معنها تموت عليه )
>> وراحت ريماس بروحها للحوش <<
وطلعت برا ودخلت في احدى الزوايا وهي ترتجف اول مره تكون معه بروحهم
ريماس (الي انهبلت اول مره تشوف طلال كذا معصب ): السلام عليكم
طلال : حنا مابينا سلام مادم هذا كلام تقولينه
ريماس :؟؟!! بقلبها اي كلام يقصد انا وش الي قلت عشان يعصب حسبالي
موضوع عن السيارات او شي ثاني !!!!؟؟؟
ريماس : السلام لله مو لنا
طلال : بس انتي ماتستحقين السلام
ريماس : ليش(وكتفت ايدينها ) بالله ..؟؟
طلال : ((ببروده )) شوفي ريماس اذا ماتبين الرسايل تنكشف جدام الكل ويعرفون
انج وحده رايحه فيها لاتقربين من اختي و منا واحنا ماعمرنا حبيناج واذا تبي
تقولين حبيب القلب مازن فهو يعتبرج عمله نقديه في بوكه وانتي وحده
تاااااافهه تدرين شنو تاااااااااافهه يعني الموت احسن لج
واحنا مانبي قربج
(ريماس منصدمه وحول تبجي بس صامده )
>ومر طلال منها بس مو وايد يعني بس يوم تحرك الهوا الي يمها هز كل ذره
داخلها كان ودها تصرخ تقول انا وش سويت ليه انت قاسي
راح ويليته ماراح ليته نفض قلبي وخذني معاه
هزني في طوله وجرح قلبي معاه ناديته من بعيد
وانا انوح لا تروح انا من بعدك جروح في جحور
(متنقبه وبكل فخر )
مدون وعي طحت على ركبتي وقعدت اصيح بس بصوت واطي واشهق انا وش سويت و شنو
يقصد برسايل اي رسايل انا طووول عمري محترمه ماكلمت احد ولا كتبت رسايل لاحد
اهو شنو يقصد وليش سوى جذي ......
مسحت دموعي وانا احس ان قلبي كله جروح وقمت و تنفست كأني قطيت كليتي مع
هالتنفس ..
ورحت حق الصاله وقبل لا اروح فكيت حلجي لاخر حد كأني مستانسه كأن احد عطاها
حصان هديه ...
(بعدمامر على هالشي 6 اشهر و بنات الشله بس يدقون علي لاني بكل ال6 اشهر
ماشفوني لاني مابي اروح حقهم اتعلل قدام امي وابوي اني مريضه وساعه مشغوله
وساعه راسي يعورني والاهم ان شخصيتي تغيرت 180 درجه والكل حتى بنات المدرسه
مستغربين ..؟؟؟؟ بس انا قررت اني انسى او بالاصح اتناسى الموضوع ليوم واحد
فقط وهو يوم الرحله المدرسيه لان صفنا انظف صف . ونسيت اقول سواقنا الي دايم
يودينا سوى حادث بس هوي لا اله الا الله ماجه شي بس السياره تقطعت فضطريت
اشترك بالباص الي حق قطعتنا بس الي محيرني اي رساله او رسايل قصده )
الأحد 6 صبحاّ
: تيت تيت
ريماس : البااااااااص يا ميري جيبي
مريوووووولي (وتصرخ )
ميري (وكشتها الطايره جت لي مسرعه ): هنا مافي شوف في كبت (دولاب)
ريماس : طلعيه يله طلعيه
ميري : انتر شويه
ريماس : شنطر الباص تحت يامال العله
ميري : هاك
ريماس : يالله اطلعي بسرعه ببدل
(وطلعت ميري ولبست المريول ونعالي ركضت للباص وانا ماره حق طاوله الاكل
الفاضيه اخذتلي توسته مزهبه لي وركضت للباص )
ريماس : لا لا لاتروح ياكومار العله انت وميريتنا
(ولد الجيران يطلعني وهو مايت ضحك بس يكتم الضحك وهو يركب السياره )
ريماس (بهمس والباص يرجع وش سالفته يضحك على اسم كومار الظاهر .....اما خليت
كومار يدعسه هو وسيارته ابخليه يدعسه بباصنا عشا يتعلم الادب ويتعلم شلون
يضحك على الناس )
>اول ماركبت الباص الكل يناظرني وهو يضحك حتى كومار عشا كذا استبعدت فكره
دعس سياره ولد جيراننا <
ومشا الباص وانا ماشيه لمكاني
البنات : هههههههههه
وحده من البنات : حلوه ياريماس والله حلوه موديل ولا اروع
وثانيه : يااختي كان علمتيني انك مستهبله لهدرجه
ريماس : احم اي اي لاتعلميني عن نفسي (وهي ماتدري وين الله حاطها )
>عند مكاني المفضل وهو اخر الباص و يوم قعدت شفت البلاوي الله لايوريكم
موقف لا احسد عليه <
ريماس بعدم استوعاب : هذي حقيقه ولا علم
هند : لا حقيقه ليش ياحلوه قصدي يابايعه عمرج ..؟؟؟
ريماس بعد مااستوعبت : هييييييييييييييييييييييء( اشهقت شهقه كل الي بالباص
طالعها حتى كومار )
هند : شفيك ..
ريماس (وهي تأشر على مريولها ) : انا شسويت ..؟؟
هند : ليه شنو الي شنو سويتيه
ريماس : انا طلعت قدام ولد جيرانا بهالملابس
هند : وقدام كومار
ريماس : انا شلون مادريت وش الي خلاني عميه ماشفت
هند : ليش شالسالفه ..
ريماس : اه اه افففففففففف فشله ابي اقطع نفسي ..قطع
على الي سويته
(تدرون شنو سويت تدرون ان مرتفع مريولي وطالع شوي من بنطلون بجامتي الي لونه
وشكله تقل حق هندي وانا مدري عشان كذا ولد الجيران يطالعني ويضحك الله يقطع
بليسه )> وجفست (صفطت ) ريماس البنطلون ولم وصلت المدلرسه افصخته
بالمدرسه
بالطابور
المديره (الناظره): اليوم ياصف 9\4 لاترحون لصفكم (طبعا مبلغينا من امس عن
الرحله عشان نيب فلوس و الاحتياجات )
في باص الرحله بعد مالي متحجبه لبست حجابها والمتنقبه تنقبت و ركبوا الباص
......
(ريماس اختارت قدام عشان ودها تجرب شنو شعور الي راكب جدام والمغازلجيات نطو
ورى )
في الطريق امش وعدد سيارات الصبيان (الاولد) لان الله يعافيهن المغزلجيات
ولاحرج يوزعون ابتسامات ولان البنات ورى فالأبله مومناظرتهم ولا كان ذبحتهن
بس الظاهر شكت انهم يلحقونا عشان الجمال اما والجمال الخقاق قصدي الي
يموت
في مطعم الابراج في الكويت
كان بوفيه للحريم وريماس اتجهت لمكانها بعد ماخذت الي تبيه من الاكل
وهي تكلم منى وهند ومها بعد ماخلصت من الاكل ريماس : بناات احس بملل مافي شي
يونس
منى : وش رايك نفصل
ريماس : جبتيها بس اشلون ..؟؟
هند : يعني نرقص
منى : لاتكفين على الرقص
مها : وش رايك نرقى فوق عند المناظير
منى : جابتها مها يالله بسرعه قبل لاتشوفنا المدرسه
(ورقوا فوق وبدوا يقرقرون فشافوا شله المغازلجيات يتفلفسون على الهنادوا
)
بدريه : ياحلو بكم هذا ..؟
الهندي : ؟؟؟؟؟؟؟؟؟؟؟؟؟؟ الظاهر يقول بقلبه ياعيني على الشينه ماتشوف نفسها
لم تتكلم هي ونمشها قصدي حبوب شبابها ؟؟؟؟؟؟؟؟
ريماس : الله يعينك يا الي مدري وش اسمك عللى ذولي
بدريه : قصدك الله يعينا احنا الي مدري ليه مغازلينه
ريماس : مدامك تدرين ورا مغازلينه عسى ماشر
منار : الشر ميجيك لا مغازلينه ولا شي امكن بدريه بس احنا لا بس نستهبل
عليه
ريماس : مثلا شنو تسون
منار : طالعي شنو نسوي
هند : ترى هذا ريال وله احساس استحوا على اعماركم ماتحشمونه ولا تحشمون
المكان
منار : اقول هند صدقيني ماسوينا شي غلط بس نستهبل طالعي بس طالعي " بيسره
انت شنو في اسم "
بيسر : انت مافي ارف شنو اسم
بدريه : لا قرف واكككككككككككككككك وههههههههو وهييييييييييييييي
والشله نفس الحاله
هند +مها +منى+ ريماس = ؟؟؟
بدريه : ليش ماتضحكون ؟؟.. واااااه
ريماس وهي تحك دماغها وتتلفت يمين ويسار : بصراااااااااحه بصراحه ابصراااح ه
.. انتو ح د ... حدكممممممم ( ونخشت ورى هند وقالت ) :
ملييييييييييييييقين فهمتوا
الشله : (هدوء يلوح بالمكان و كل شله بدريه مستغربين )
بدريه : افا ليش
ريماس : شنو الي يضحك بستهبالكم
بدريه : التعليق على كلامه
ريماس : بس هذا سخافه
بدريه : عيل شنو الوناسه بالنسبه لج او الشي الي يضحك
ريماس : نطري لم افكر ممممممممممممممممممم اممممممم
اييييييييييي لقيتها ..
البنات : شنو ؟؟؟
ريماس : بيسير ازيك يخوي دنا بموت عليك موت الحمير (تقلد اللهجه المصريه
)
بيسير : انت في واااجد مجنون
ريماس : تقي منك اكتر يخويا
البنات : خخخخخخخخخخخخخخخ+هههه
هند : يالله بنات انا رايحه تحت من يبي يجي معي
مها: انا يالله انروح
ريماس : ليش ماعجبكم الوضع
مها : لا بس ملينا يالله فمان الله
هند : فمان الله
ريماس ؟؟؟؟: فمان الحافظ
(بعد ماراحت هند ومها قعدت تستعبط ريماس على بيسير )
ريماس : دنت صلعتك اه يبوي الله يرحم صلعتك
بيسير : ؟؟؟؟؟؟؟؟؟؟
ريماس :صلعه ولا اروع د صلعت ابوي لاماعه ليه يخوي دنت كدا مب تفهم شي
بيسير :؟؟؟؟؟؟؟ تقل اصمخ وريماس تستهبل عليه بالهجات لانه يالله حافظ اللهجه
الكويتيه ؟؟؟؟
ريماس : (بدت تتكلم امراتي ) انت شو تبا ليش تطالعني .؟
بيسير : (يكلم صديقه الي جنبه بالهندي وهو مستغرب )
ريماس : لا اخوي وش الي مزعلك علينا عسى الطعميه الي مسويتها موب عاجبتك
(قصيمي موب بحت )>طبعا ريماس تعلمت اللهجه القصيميه والامراتيه والمصريه
من الروايات <
ريماس(اللغه العربيه الفصحى) انت يااخي العزيز مكون من جسد ودماغ فارغ من
التفكير
: انتي ماتستحين على عمرج عشان تكلمين الريال جذي بدون لا ادب و اخلاق ولا
تعيبين عليه زين ان ابله ليلى مو هني
ريماس : (ارتبكت ريماس وتوترت ) هي هي يويلي يااااااااااااويلي هيهي
هيهئ
: حسابي معاج ياريماس بعدين ام انتي وياها شتسون اهني
البنات : نبي الحمام حسبالنا فوق ياابله مريم << ام الجذب
ابله مريم : يالله انزلوا قبل لاتشوفكم ابله ليلى سارلنا ساعه واحنا ندوركم
واثاريكم اهني وتستعبطون على الريال بسرعه قبل لانتأخر عن الباص
ريماس ابلعت ريقها هي مايته خوف من الحساب الي يبي ييها من ابله مريم
)
نزلنا تحت و ركبنا الباصات وحنا بطريق المسجد الكبير وجهتنا الثانيه بعد
المطعم
هند : ريماس بقولج كلام بس ابيج تعتبرينه من اخت لاخت و اتمنى ماتزعلين
علي
ريماس : افى ليش ازعل انتي امري وتطلبي و بعتبرج امي بعد شتبين
هند : هاج هالشريط سمعيه تكفففففففففففففففففين معني ادري انج ماتحبين
الأشرطه وهالسوالف بس هذا عن مواضيع شبابيه بس طلبتج انج تسمعينه يالله
اوعديني
ريماس : اوكي باخذه وبسمعه عشانج
(اخذت الشريط وانا الاستغراب مالي عيوني وشنو هالشريط وش مقوماته وش سالفته
بس حبيت اقرى عنوانه وهو " حينما ينتحر العفاف " تصدقون هزني عنوانه شلون
ينتحر وليش؟؟؟!! لل شيخ سعيد بن مسفر )
وصلنا المسجد ونزلنا بنتظام << ويننا ووين الانتظام حشى اربعين اربعين
مو ثنتين ثنتين
ودخلنا خيمه الفعاليات وسمعنا محاضره عن الصلاه
مها (بهمس ): رهيييييييييبه المحاضره
ريماس(بهمس ) : اي والله جناااااااااااااااان المحاضره ماتوقعتها كذا
منى : اعترف اني كنت أأخر الصلا بس يوم دريت عقوبه تاركها لا والله
ماتشوفيني اليوم الا وانا انشاء الله كل الصلاوات مو مأخرتها
ريماس : عسى الله يهدينا
هند (بمزح وتقلد صوت الاب ): يبيلكم احد يلحقكم بعصاه يالله تتأدبون
ياعيالي
البنات (بهمس ): هههه
(( وعلى فكره هند مررره دينه ومتغطيه (متبوشه + متغشيه ) بس سبحان الله حلوه
والاكثر من كذا نعومه و طيبه ولا تحقد على احد و هذا الي خلاني اصادقها
))
ريماس : تصدقون عندي مسج روعه كان من اهم الاسباب الي خلتني احافظ على
الصلاه بوقتها ولا من كثر ماهو اثرعلي حفظته صم
المسج عباره عن :
(( وذكر ان الذكرى تنفع المؤمنين ...., ارجوك طلبتك تقراه تمنيت لو مره
علموني اياه بالمدرسه طلب ثاني انشره بين احبابك واقاربك والي يعزون عليك وكل
الناس بكل مكان بالمطاعم بالشوارع عند الاشارات والمحلات والملاعب ..
قال الرسول صلى الله عليه وسلم :
*من ترك صلاه الصبح :<فليس في وجهه نور >
* من ترك صلاه الظهر : < فليس في رزقه بركه >
*من ترك صلاه العصر : <فليس في جسمه قوه >
*من ترك صلاه المغرب : < فليس في اولاده بركه >
* من ترك صلاه العشاء : < فليس في نومه راحه >
عقوبه تارك الصلاه :
من تهاون في الصلاه عاقبه الله 15 عقوبه , 6 منها في الدنيا وثلاث عند الموت
و 3 في القبر و3 عند خروجه من القبر ر.
@ اما الست في الدنيا : فهي ؛؛
1- ينزع الله البركه من عمره
2- لايرفع له دعاء الى السماء
3- يمسح الله سيم الصالحين من وجهه
4- تمقته (تكرهه) الخلائق في دار الدنيا
5- كل عمله لايؤجر عليه من الله
6- ليس له حظ في دعاء الصالحين
@اما 3 التي تصيبه عند الموت :فهي ؛؛
1- انه يموت ذليلا
2- انه يموت جائعا
3- انه يموت عطشا ولو سقي مياه بحار الدنيا ماروى من عطشه .
@ اما 3 التي تصيبه في قبره فهي ؛؛
1- يضيق الله قبره ويعصره حتى تختلف اضلاعه
2- يوقد قبره نارا في جمرها
3- يسلط الله ثعبا يسمى الشجاع الاقرع ) يضربه على ترك صلاه الصبح من الصبح
الى الظهر وعلى تضيع صلاه الظهر من الظهر الى العصر ..... وهكذا .., وكلما
ضربه يغوص في الارض سبعين ذراعا
@ اما 3 التي تصيبه يوم القيامه فهي ؛؛
1- يسلط الله عليه من يسحبه الى نار جهنم
2- ينظر الله تعالى اليه بعين الغضب يوم الحساب فيقع لحم وجهه
3- يحاسبه الله عزوجل حسابا شديدا ماعليه من مزيد ويأمر الله به في النار
وبئس القرار
هذي وسائل تساعدكم على انكم تقومون تصلون الصلاه بوقتها يابنات :
- عند الاذان تصمت عن الكلام وتتبع الاذان وتردد مع المؤذن بقلب صادق وتقول
بعده اللهم رب هذه الدعوه التامه ...الخ
- وتترقب للآذان بشده اشد من ترقبك لبدء مباراه او برنامج ما او حتى لمقابله
شخص عزيز عليك وغيره وتداوم على ذلك بقلب صاحي وستلاحظ انك ستستمع للأذان
وانت نائم وتردد مع المؤذن وتقول اللهم رب هذه الدعوه التامه ...الخ ثم عليك
ان تستعيذ بالله من الشيطان الرجيم لتطرد الشيطان عنك
ستلاحظ :
انك تقوم لتؤدي الصلاه في وقتها بلا منبه ولاشخص يصحيك من نومك لتصلي ذلك
لان قلبك صاحي
-كذلك توضأ قبل النوم وضوئك لصلاه ثم صلي ركعتين سنه ثم اذهب لتنام مع نيتك
الصادقه وعزمك على الصلاه ويكون نومك على جنبك الايمن (جهتك اليمين )لان
القلب في جهه اليسار وحين تنام على جنبك الايسر تضغط على القلب ويصبح عمله
ثقيل
- كذلك اطلب من الله قبل ان تنام بنيه صادقه ان يساعدك في ان تقوم لاداه
الصلاه واطلب مرارا وتكرارا ان يبصرك لنفسك ولصلاتك وان يهديك ويحسن خاتمتك
.
* تدري ليش ؟؟؟
- لان الصلاه عماد الدين واخر وصيه وصا بها النبي واول شي اوجبه الله من
العبادات واول مايحاسب عليه العبد واخر مايفقد من الدين
فحافظ عليها تكن لك نور وستر وبرهان يوم القيامه .
هناك قصه تقول ان في واحد كان صايع لكن ملتزم بصلاته وماقعد بعد 3 شهور الا
هو ميت بحادث سياره وكل من شافه قبل لايدفن استبشر له بالخير من النور اللي
في وجهه صلحت صلاته فصلح سائر اعماله سبحان الله .
مها: سبحان الله معلومه اول مره اسمعها
منى : توبه توبه ااخر الصلاه بعد الي قلتيه
هند : الله يهدينا ويهدي الجميع لما يحب ويرضا
** اتعظ واعتبر منهم {
ريماس :ولا بعد عندي قصه تبون تسمعونها
البنات : اي
ريماس :
تخيلوا سمعت بقصه شباب مسافرين في (....) وصار عليهم حادث انقلبت عليهم
السياره وطلعت جثثهم منها داخل بيسعفون لقوهم ميتين واحد لقو جزء من دماغه
طايح على شريط الاغاني اللي من قوه الانقلاب طلع من المسجل والثاني كان بين
ايديه ظرف فتحوه وليتهم مافتحوه كان فيه صور نساء وعري وفحش والاخره اه الله
يرحمهم ويعفو عنهم وخاتمتهم والله شينه الله يحسن خاتمتتهم وكان لايصلي ويسمع
الاغاني حسب ماذكر
هند : يوه قصه مررررره محزنه الله يحسن خاتمتنا
مها : الله يعينهم على العذاب
منى : اللهم احسن خاتمتنا وارحمهم
>>> بعد ماخلصنا محاضره وتأثرنا ودموعنا مثل مايقولون اربع اربع
وتمشينا بالخيمه وكنت احس بسعاده وكان ودي ادخل اصلي المهم بعد ماتمشينا
وطالعنا واستفدنا من الي محضرينه بنات المراكز الدعويه والاسلاميه من قصص
ومجسمات وحلويات و هدايا واشرطه بس اكثر شي لفت نظري هو سنيكرز صغيرون معلق
عليه ورقه صغيرونه مطبوع فيها صوره القران الكريم مع برا ومكتوب يمه " طعم
حلاوه هذهي الشوكلاته لذيذ لكن حلاوه القران ألذ لماذا لا تتذوقين حلاوته
يااختي " بصراحه عجبتني وايد هالكلمه وقد شنو هي مؤثره ولها معنى خاصه من
قلوب صادقه <<<
طلعنا عشان نرجع حق المدرسه ووصلنا عند الباب الخارجي وقبل لانطلع استأذنت
مها الابله عشان تروح الحمام طبعا رحنا معاها انا وهند ومنى دلال ومنار وكلنا
اول مره نروح حق المسجد الكبير فالقائده الحين الي احنا نمشي وراها اهي مها
وهي تحوس فينا اخير شي :
ريماس : الحمد لله توها تلقاه
منى : اي والله اتكسرت ريولنا من المشي والفراره
هند : روعه ساحه المسجد بس هنا بالساحه يابنات شنو يسون فيها
منى : مدري ؟؟
ريماس : ولا انا
(بعد مادشينا الحمام هند افصخت نقابها ام منار فقعدت تكد شعرها ام مها فدخلت
وحد من الحمامات المصفوفه ام انا فرحت عدلت شعري و رحت حق الحمامات اطققطق
على حمام مها عشان اغثها )
ريماس : مها يالله نبي نروح عنك ويكك ويككككككككككك ويكككك مع السلامه
ااااااااااا(تقلد الاوبرا )ااااااااااااااا
طراخ طراخ اطرخ <<اطق الباب يال النعومه )
مها : (ماشي رد + مافي رد)
ريماس : شفيج لايكون متي عاد نبتلش فيج يقولون احنا قاتلينج ومتهم م ..مم
.مممممم...مممم..... (صدمااااااااااااااااااااات ياااااااانااااس انواعها
كلها عندي بعد الي شفته من بعد الباب الي كنت اطقه والي حسبالي حق مها انفتح
)
>> طربق طربك (طاح مشط وحد من البنات من الصدمه وانا ماتحركت وتعلثمت
ام هند نفس الحاله <<
الرجل: ؟؟؟؟؟ وباين انه كاتم الضحكه ؟؟؟؟؟؟؟؟
ريماس ماتكلمت ولا تحركت من طريق الرجل بس هو راح عن طريقها واتجه للمغاسل
وكان باين عليها الاحراج الكامل
مها (من احدى الحمامات بصوت عالي ): ادري انكن تكذبن مارحتن بس تستعبطون
يادبياااااااااا(الاوبرا مها هذا معروف عنها تضبط لم تقلد الاوبرات
)اااااااااااااااات
كل الي بالحمام على الصامت
مها (بخوف): والله ان رحتن لقتلكن
الرجل فتح صنبور الماء وتوضى ام البنات فماتحركو حتى هند ماتغطت
مها (يوم سمعت صنبور الماء انفتح استانست حسبالها البنات مارحن ): صدق انكن
كذااااااااااااااااا(الاوبرا اشتغلت )اااااااااباااااااااااااااااات
مها : انا في الروضه ويااصحابي لايلا يلا انا في المسجد اصلي ويا اصحابي لا
ي لاي لا انا في الشارع اصارع ربعي (صديقاتي+شلتي +جماعتي )
ريماس (بقلبها من يسكتها لا انا ولاغيري يقدر بس استكي يامال العله انتي
وخرابيطك )
مها : انا قدساااااااويه وافتخر والي مو عاجبه ينتحر ويكتب على قبره
منقههههههههههه(ركزت على الهاء )ههههههر
(وطلع الرجال بعد مااتوضا ومع كل قطره ماء انزلت من الصنبور وقف قلوبهن
المشكله ولا وحده تكلمت وسكتت مها وولا وحده منا تحركت )
(طلعت من الحمام وهي تطالعنا مستغربه )
مها : شفيكم ماغنيتوا معاي ولا رديتو علي
هند بعد مااستوعبت : اااااااااااااااااااه اههههههه ااااااااااااااااهه
(اتصيح +تبكي )
مها :؟؟؟؟؟؟
ريماس : خلاص خلاص الظاهر الريال داش غلط لاتبجين مايسوى الشي بعدين الي
لازم يبجي انا موب انتي يالله انتي ماسار لج شي انا الي انحرجت
هند : ماتغطيت يوم دخل اهههه ااااااااااه
دلال : عادي مالج اثم لانج مادريتي
هند : لا ااااااااااااااهااااااااااه اههههههاهاهاهاهاها
ريماس : هههههههه هههههههه ههالشله : ؟؟؟؟
دلال : شفيج تضحكين البنيه تبجي على الاقل واسيها
ريماس : واااه واااه تذكرت شقالت مها يوم كان الرجال موجود
مها :؟؟؟؟ اي الرجال تقصدين وين ترى احنا بحمام حريم .. لايكون فقدتي
عقلج
ريماس : لا المشكله قعدت ترنرن و وتقلد الاوبرا وههههه
البنات بعد ماتذكروا منهم بعد هند :هههههههه
(وطلعنا واحنا مايتين ضحك )
مها : وش السالفه ؟ وش تقصدن ؟
ريماس : كنت انا اطق على باب ضنيته انك انتي داخله ... الخ
(قالت لها القصه ومها تصبغ وجهها الوان )
دلال : ناظروا حمام رجال مكتوب عليه
ريماس : مها العميه اهي الي دششتنا اياه (دخلتنا اياه )
مها : محد قالكن تمشن وراي
(ومرت الرحله على خير وبعد اسبوع ..)
الدنيا ماتسوى من دون الضحك .
اضحكي ياعيوني الدنيا ماتسوى..
هم .. وحز .. وزعل .. اضحك يا.
مكشر الوجه الدنيا مليانه فرح....
متنقبه وبكل فخر ..
قاعده ريماس¬ على الكنبه وهي تحس بملل فضيع فجتها افكار غريبه <
ريماس بقلبها امممممممممممممممممم ليش مااخرب البيت مادام الكل نايم لا لا
موب حلوه لا ياحظهم نايمين بعذرهم موب مثلي اهذر مع روحي .... وهم ياسلام كل
واحد يشخر اكثر من الثاني ...
ريماس ( بصرخه خفيفه ): لقيييييييييتها
ريماس تكلم نفسها انتي حلوه ياريماس انتي شتوره ( شطوره <<<بس
ريماس تحب تعيب على الدلوعات )
ريماس (تاخذ هواء وتطلع هواء )
( جبت صبغ جدران من السرداب ( الدور الي تحت الارضي )
وقمت اخترت اللون الاحمر حق اخوي فيصل وحق ساره اللون الاصفر بس بعدين
تراجعت لاني قدساويه فخترت اللون الاخضر ام الاخير و الاحلى هو اللون الاسود
حق ابوي وامي
لبست قفازات مطاطيه تقل الي بفلام كرتون و كاب قصدي ..... شماغ فصول ( دلع
فيصل ) ونعال الحمام وجبت فرشاه الوان صغيره ولبست مريله طبخ برتقالي و
فصفوري ازرق لون المريله لاتصدقون ترى موب حقتي حقت ميري يويلي الله يعينها
البنت يعنني كاشخه فيها تلبسها قليل بس بعد محد قالها تسير طماعه اي لازم
نعلمها الكرم نحن عائله كريمه وبالذات انا <<< ام الحق كلامهاانا
كريمه من سابع المستحيلات
واول ماتجهت اتجهت حق غرفه فيصل الي لونها اخضر و كلها صور لاعبين العربي
<<<<< عرفتوا ليش اكرهه لانه عرباوي بس مهما كان العربي موب
شين بالعكس (...)
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك