بداية

رواية ملاك وعيونها هلاك -10

رواية ملاك وعيونها هلاك - غرام

رواية ملاك وعيونها هلاك -10

وراح قام دخل الحمام وتروش وطلع والى الان وهو يسمع ملاك تصيح
راح ووقف قدام مرايه كبيره في المدخل ويناظر شكله وصار يناظر وجهه والجرح الي ملاك سببته وفوقه اثر بسيط لبوقس كريس
إلا شوي قاعد يذكر يوم ملاك أول ماشافته جات وضمته وبكت على صدره
فيصل: لاحول ولا قوة إلا بالله
وناظر لساعه الكبيره لقاها 4 الفجر
فيصل(وهو يضحك): هذي بدايتها وصار كذا ههههه والله مفاجئات من كل جهه يالله والجاي اعظم
المشكله فيصل ملابسه داخل في الغرفه ومايبي يدق الباب على ملاك
راح نام على الكنب وخذى جلال الصلاه حق ملاك وتغطى فيه
إلا شوي دق جواله
فيصل: بسم الله من ذا الي يدق في ذا الوقت
فيصل: الو
محمد: الوووووو
فيصل: هلا والله ومسهلا يا حيى الله ذا الصوت
محمد: الله يحيك هاه وش علومك يالمعرس
فيصل: والله علومي ماتسر
محمد: افااااا ليش وش صاير
فيصل قال لمحمد على كل شي
فيصل: وهذ الي صار ياابو حميد
محمد: اهممم وانت بعد ليش تهاوشها الغلط منك انت
فيصل: أنا وش ذنبي
محمد: ذنبك انك رحت وخليتها موب هي ملكتك
فيصل: ليه تبيني ازمها(يعني اخذها) معي لدكتوره بس هالمره هي الجلاد
محمد: يعني هي ماتعرف
فيصل: امي وابوي وخيتي مايدرون تبي ذي تعرف
محمد:طيب قلها
فيصل: وش تبيني اقول لها ملاك حياتي ترى أنا تعبان مررره وفيني مرض غريب عجيب حتى انهم مايعرفون وش اسمه
محمد: بسم الله عليك ياابن الحلال مرضك لا غريب ولا عجيب بس السالفه ان رئتك تعبانه وماتتحمل انك تتنفس بسرعه لان عندك بعض الحويصلات الهوائيه مسدوده وبعمليه بسيطه جدا تسويها وخلاص
فيصل(عصب): بسيطه بسيطه نسبة النجاح 30% وتقولي بسيطه 70 الباقيه حياتي تروح
محمد: انت مكبر الموضوع حبتين يابن الحلال وسع صدرك
فيصل: اسكت والي يرحم والديك
محمد: متى العمليه طيب
فيصل: احتمال تكون بعد 10 شهور
محمد: ربك يسهلها
فيصل: الحمد الله على كل حال
محمد:إلا قلي وش بتسوي مع ملاك
فيصل: ماادري
محمد:حرام عليك البنت مالها احد إلا انت
فيصل: هذا الي أنا شايل همه البنت مالها احد إلا أنا وانا ما اقدر اخليها لحالها
محمد: ههههه قد سويتها
فيصل: على تبن
محمد: على اثنين واسكت وقل وش بتسوي
فيصل:تدري وشو بعلقها فيني واخليها بعدين
محمد: مافهمت
فيصل:ياغبي يعني راح اخليها تحبني وبعدين اذا خلصت السنتين راح ارجعها لبيت اهلها
محمد: ياحرام عليك تكسرخاطرها
فيصل: وهذا هو المطلوب اخليها ماتسوى شي اخليها تترجاني عشان ارجع لها فهمت
محمد:ياخبيث
فيصل: اعجبك
محمد:ياخوفي انت الي تترجاها
فيصل:محمد انقلع رح نام الغلط مو منك من الي قاعد يكلمك
محمد: ههههههههههههه
فيصل: اضحك اضحك لين يطق فيك عرق مالت عليك يالله تمس على خير
محمد(وهو يضحك): وانت من اهل الخير
(وسكرفيصل الجوال وسكر بعد عيونه ونام)
(هذا أول يوم لهم وانتهى كذا)
((اجل كيف باقي الايام))
في بيت أبو عبود
عبود رجع للبيت
أول مادخل لقى امه وسام
عبود(وهومضايق): السلام عليكم
الكل: وعليكم السلام
أم عبود: وش فيك ياوليدي
عبود: مافيني شي
سام:اجل وراك مكشر ياخي انشكح
عبود: انشكحي لحالك ماني فاضي لك
وقام
سام: افااا وش فيك
أم عبود: وش فيك
عبود عصب
عبود: كيف تجلسون هادين وملاك مع هذاك الغبي أنا مانيب مرتاح كل يوم افكر فيها واتحلم فيها انها انضربت او صار لها شي
سام: ان شاء الله مافيها شي
عبود: كيف مافيها شي وأنتي ماتدرين عنها هاه فهميني إلا متى وأنتي بتقعدين كذا ابتسام صحصحي شوي قومي خلاص حنى مو بعالم كله انشكاح كل ماقلت لك شي قلتي انشكح إلى متى قولي لي إلى متى خذي الامور شوي بجديه يابنت الناس لو اختك صار فيها شي بتنشكحين بعد
سام : انت منت فاهم شي
وقامت وهي زعلانه وتبكي
أم عبود: انت وبعدين معاك لهذي الدرجه خايف على ملاك
عبود: إيه يايمه خايف
أم عبود: وش الي بيريحك يعني
عبود(قعد يفكر): الي يريحني أنا راح اوريك وش الي يريحني
وراح طلع
أم عبود: وين بتروح
عبود: بروح احجز لي على أول طياره لبريطانيا
أم عبود: ايش ياولد تعال
عبود عمره ماعصى كلام امه فوقف
عبود: نعم يمه
أم عبود(بابتسامه عريضه): احجز لنا معك
عبود يناظرامه مستغرب
عبود: والله
أم عبود: إيه والله
عبود:طيب 3 اشخاص بس
أم عبود:إيه وبأقرب وقت
عبود: ليش
أم عبود: عشان نتمشى في بريطانيا يعني عشان ايش
عبود: مو عشان ملاك
أم عبود(تبي تسكته): إيه وعشان ملاك بعد
عبود عاد انشكح
عبود:ابشري
وطلع عشان يقص التذاكر على أول طياره

البارت السادس :

مرت ايام على حالتهم طبعا مايتكلمون مع بعض ولا شي
وفي احد الايام
فيصل كان يسبح في البحر
وفرحان ويضحك ويلعب معه بنات
ومسوين فريق كرت طائره شباب وبنات
البنات يترجونه يكون معهم
بس هو قال لا
وملاك جالسه تطالعهم كانت جالسه على الشاطئ
: اعجبك حلو صح
ملاك لفت وصارت تطالع فيها مستغربه
ضربت راسها: يوه والله اني دلخه
(بالاي): اعجبك الولد طول الوقت تطالعين فيه
ملاك(بالاي): أي ولد؟؟
البنت (بالاي):هذاك وتاشر على فيصل
ملاك ابتسمت (بالاي): ليش تسألين؟؟
البنت(بالاي): صراحه بس أنا مااحب احد يناظره غيري
ملاك صارت تضحك
ملاك(بالاي): وليش ؟؟
البنت(بالاي): كل البنات هنا يبون يتقربون منه بأي طريقه
ملاك(بالاي): وأنتي؟
البنت: انتي ماتفهمين يالمهبوله خواجيه ضايعه يامال الماحي
ملاك ضحكت وضحكت بصوت عالي
فيصل وهو يلعب سمع صوت ضحكه تجنن على طول لف يبي يشوف مصدرها ولقاها ملاك
فيصل رمى الكوره الي بيده وراح عندها
البنات ينادونه وينادونه ولا هو معطيهم وجه
البنت: ياسلام سلم هيه لا تضحكين ويل حالي جى جى
ملاك:ههههههههههه
البنت: يااااااااوه ابس لا تضحكين يقطع دابرها جابته بصوت ضحكتها
ملاك: ههههههههههههههههه (بالاي): مااقدر خلاص بس
فيصل وقف عندها ويناظر فيها
ملاك تسدحت على التراب وتضحك
البنت فتحت فمها فيصل واقف قدامها بالشورت وشكله
عذاااااااااااااااااااااااااااااااااااااااااااااااا ااااااب
فيصل(بالاي): وش قلتي لها
البنت: ياويل ويلي ويلاه
فيصل:هههههههههههههههههه
البنت: ياقلب منيره ياويل حالي والله الي فطست تكفى لا تضحك
فيصل (مستغرب):انتي وش تقولين
منيره: نووووووووووووووووووووووووره
جات نوره تركض
نوره: وش فيك
منيره: يحكي مثلنا
ملاك لا تسألون عنها منيره ذكرتها بسام طايحه ضحك
وفيصل واقف ويضحك
نوره: بس خلاص
ملاك: فيصل لا لا مااقدر اتحمل
منيره: نوره تهرج مثله
فيصل جلس جنب ملاك وصار يناظر فيها وهي تضحك من كل قلبها
ملاك صارت تناظر فيه واستحت واسكتت
منيره تناظر فيهم ونوره بعد
منيره: انتي تعرفينه
ملاك: إيه ههههههههه والله ضحكتيني يامنيره
منيره ابتسمت
ملاك: معليش نسيت اعرفكم بنفسي أنا ملاك
منيره ساكته وتناظر بفيصل الي جالس ورى ملاك
كلهم كانوا جالسين منيره ونوره جنب بعض
ملاك وفيصل كان وراها
على الأرض طبعا

نوره: أنا اسمي نوره وهذي اختي منيره
ملاك: ههههههههه تشرفت يامنيره والله من زمان ماضحكت مثل كذا
فيصل: ولا أنا
ملاك لفت تطالع فيه
منيره: وانت من؟
فيصل: أنا اسمي فيصل
منيره: اخو ملاك صح؟؟
فيصل: لا
منيره: ماتعرفها صح؟؟
فيصل:لا
منيره:اجل أبوها
فيصل: لا بالله وش شايفتني
منيره: ملاك وش يقرب لك انتم ماتحبون بعض صح؟؟
فيصل يناظر فيها مستغرب ونوره متفشله من اختها وملاك عارفه هي ليش تقول كذا
ملاك: لا يامنيره فيصل هو
منيره: عمك خالك
فيصل: انتي وش فيك؟؟
منيره تفشلت
ملاك لفت تناظر فيصل
بنظرات انه ليش قلت كذا
ملاك: لا يامنيره أنا اسفه فيصل هو زوجي
منيره: ياويل حالي أنا واسبديه ليه
ملاك:ههههه اسفه بس وش اسوي
فيصل: ليش واسبدك بسم الله على سبدك
منيره: البنات كلهم ميتين عليك وفي النهايه تطلع معرس
فيصل: إيه بالله معرس وعروستي مزيونه
ملاك: هههههه (ماعرفت وش ترد)
نوره: اسفه يافيصل بس منيره الي في قلبها على لسانها
فيصل: ياليت الي عندي مثلها
وقام
نوره: وش فيه أنا قلت شي يزعل
منيره: يامال المرض ياوخيتي زعلتيه
ملاك: لا عادي ماعليكم منه
منيره: نوره شوفي ذاك المزيون ولا ذاك واسبدي
ملاك: ههههههههه منيره قلبك خضر
منيره: إيه بالله خلاص مدام فيصل معرس وعنده ملاك وش ابيبه تبينه يفكر فيني هه والله ماجاب خبري
ملاك ابتسمت
نوره: إلا ملاك ليش جاين هنا
منيره: ليه يعني عشان شهر العسل صح
ملاك: لا شهر العسل خلاص من اسبوعين
منيره: اجل وش جابكم هنا
ملاك: فيصل بيدرس بالجامعه حوالي سنتين عشان كذا حنى هنا
منيره: اهاااا
نوره: ومالكم احد هنا
ملاك:لا بس أنا وهو
نوره: الله يعينكم
ملاك: الحمد الله على كل حال
منيره: ومتى اعرستوا
ملاك: ماادري متى بالتحديد بس كان قبل شهرين تقريبا
نوره: اهااا
منيره: حنى زي فيصل
ملاك: كيف يعني؟؟ زيه
نوره: قصد منيره اننا حتى احنا بنكون في الجامعه
ملاك: اهااا حلو شي حلو انكم تدرسون هنا
منيره: انتي باين عليك قدنا ماكملتي جامعه
ملاك: كان ودي هو اصلا مابقى لي إلا ترم واحد واخلص بس ماادري عن فيصل
إلا تجي كوره طايره وتصقع في راس ملاك
ملاك: مين الحيوان ذا؟؟
فيصل(بصوت عالي): اسسسسسسسسسسسسسف
(وفي نفسه): احسسسسسسسسسسسسسسسسسن
ملاك(بصوت مايسمعه إلا الي حوليها منيره ونوره): الحيوان الدب قاصدها هه تحسب اني مااعرف حركاتك يافيصل أنا اوريك يالدب
منيره ونوره يطالعون بعض ويطالعون فيها
ملاك ناظرت فيهم
ملاك ابتسمت: اسفه
نوره: منتو متفقين صح
منيره: لا يانوره هم مايحبون بعض
ملاك: وش قصدك؟؟ ومن قالك؟؟
منيره: عيونكم
ملاك مستغربه وتناظر فيهم
منيره: أنا ادرس علم نفس
نوره: وانا علم اجتماع
ملاك:اهااا عشان كذا
منيره: إيه عشان كذا
ملاك: وانتم جايين مع مين
منيره: لحالنا
ملاك: بالله ماشاء الله عليكم الله يوفقكم
نوره: بنات يالله نسبح
منيره: أنا مااقدر اسبح
ملاك: ليه
منيره: كذا يعني وش رايك؟؟
ملاك: إيه صح اسفه سوري
منيره(تغمز لها): اوكي يالله روحي اسبحي
وراحت منيره ووقفت تناظر فيصل
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -