رواية ملاك وعيونها هلاك -9
فيصل: وش بتسوين يعني
ملاك: شف ياويلك لو فتحت ذا الباب فاهم اتركني في حالي مأبي منك ولا شي مالت عليك انت وجهك
راح فيصل وسبقها ووقف عند باب الغرفه
ملاك: وخر
فيصل: أنا أبي ذا الغرفه أبي اجلس فيها
ملاك: خلاص طيب
ودفته عشان يدخل داخل الغرفه
ملاك: أنا بجلس في الصاله ولا تزعجني
فيصل: ابي اسال سؤال؟؟
ملاك: لا
فيصل: انتي ليش معصبه؟؟
ملاك: من قال اني معصبه
فيصل(ضحك ويستهبل):الشرار الي بعيونك وتصرفاتك
ملاك: انت همك زعلي يعني؟
فيصل: لا بس حبيت اسال؟
ملاك: لا لاتخاف مانيب زعلانه وازعال عشان وشو اصلا؟؟
فيصل: عشاني ما حنيت عليك ولا حبيتك ولا راح افكر اني احبك وعشانك انتي
تحسين انك امانه ثقيله علي وانك متعبتني في حياتي الي توني باديها
ملاك تناظر فيه وهي فاتحه فمها
فيصل ابتسم: السكوت علامة الرضى وعلامة ان كلامي صح
ودخل فيصل وسكر الباب ملاك راحت وجلسة في الصالة إلا شوي فتح فيصل الباب
وملاك لفت تناظر
ملاك:خير
فيصل وهو يطل من عند الباب:تراني امزح عليك اذا كان هذا شعورك فأنتي
غلطانه(وراح لف ويمشي بيدخل للغرفه ويقول) وعلى العموم قدامنا سنتين وراح
تغير اشياء كثيره صح (وابتسم)
وقبل مايدخل وقف عند الباب وطالع فيها و طلع لسانه يبي يقهرها ودخل
ملاك:مهبول عندي بزر أنا
((وجلست ملاك وشغلت التلفزيون وصارت تتفرج عليه وتفكر في كلامه بس ماعورت
راسها بالتفكير))
فيصل أول مادخل لف تنهد وبعدين لقى شنطة ملاك ابتسم ابتسامه عريضه
فيصل:زوجتي عادي اشوف شنطتها
وجلس وفتحها وطلع كل شي وسطها
فيصل:ياويل حالي ماعندها شي ساتر ذي صدق ماتستحي
إلا شوي فتح الجيب حق الشنطه لقى فيه ورقه
خذاها وقرأها مكتوب فيها
بسم الله الرحمن الرحيم
ههههههه اااي
ملاك ملوكه اذا قريتي هذي الرساله تكونين في احظان فيصل اتمنى اشوف شكلكم مع
بعض
أنا عارفه انك راح تزعلين من الشنطه
بس هذولي البنات وجود معهم بعد حالفين ليحطون كل شي يجذب فيصل لك ويخليك
more sexy مع انك ماتحتاجين والله ياملاك ماندري وش نقول بس الله يخليك لفيصل
ويخلي فيصل لك وهذي هديه مننا
مع حبنا
تنفيذ هند ولميا
باشراف الشله
((الهديه كانت عباره عن صورة ملاك وهي تسوي بروفه لفستان الزواج وكان شكلها
يجنن وصوره ثانيه ملاك وهي صغيره تبكي))
فيصل يقرى ويقول: الحمد الله والشكر الي عطان العقل بس والله فله
: والله حرام مسكينه ملاك عشان كذا لابسه كذا بس والله انها حلوه
وقعد يناظر الصور اخذ صورة ملاك وهي صغيره وحطها بجيبه وخلى الكبيره عندها
ورجع كل شي مثل ماكان وراح انسدح على السرير
أول مانسدح صار يشم شي
فيصل(وهو ياخذ نفس عميق): الله وش ذا الريحه تجنن
راح واخذ المخده وقعد يشمها
فيصل: يلعن شيطانها ماأحلى ريحتها
وصار يتقلب يمين ويسار ماجاه النوم ابد
فيصل: خليني اشوف وش تسوي ذا البنت
وطلع
أول ماطلع حشى بعالم ثاني تماما الليتات مطفيه والمكيف كان بارد وملاك مشغله
التلفزيون وقدامها اكل كثير
فيصل:ماخذ بزر أنا
وراح قرب منها والدلخه من كثر ماهي متحمسه مع الفلم ماانتبهة له
فيصل قرب لين وصل عند اذنها
((ويصيح ذيك الصيحه خلت ملاك تنط موب على الطاوله وصلت الجهه الثانيه من
الغرفه))
ملاك(تتنفس بسرعه):بسم الله بسم الله بسم الله الله ياخذك يالدب
يالمهبول
((وتقرب منه وهي تهاوش وتسب وهو يناظر فيها اصلا ماسمع ولا كلمه من الي
قالته ))
راح فيصل وقرب منها وحط يده على رقبتها ورجعها على ورى لين ماوصلت الجدار
وشكله رفعها مادري كيف بس ملاك خافت مو خافت قلبها طاح وساااكته وهو يناظر
فيها ويبتسم وملاك تبي توخر يده بس ماقدرت وهو كان قريب مره مره مره منها
لدرجة انه يحس بأنفاسها الخايفه على وجهه
^_^
وش راح يصير بينهم؟؟؟
ووش قصد حركة فيصل؟؟؟
تتوقعون يبوسها اوشي من هذا القبيل؟؟؟
ولا يسوي فيها شي ثاني؟؟؟
سوزان بيكون لها اثر في حياتهم؟؟؟
ولا كريس؟؟؟؟؟؟؟؟؟؟
البارت الخامس :
فيصل مقرب منها غمض عيونه وخذى نفس عميق
ملاك خايفه ومغمضه عيونها
فيصل ابتسم
ملاك فتحت نص عين
فيصل بهمس: هلاك يالله
ملاك فتحت عيونها عرفت ان الوضع تمام: اسمي ملاك ووخر عني ويالله على
وين؟؟؟
فيصل: ماتبين تطلعين أنا طفشت
ملاك((وهي توخر يده)): أول شي وخر يدك والواحد مايطلب من احد انه يطلع معه
كذا ووين بنروح
فيصل(وخر يده): امشي وتشوفين
((ملاك طيب خلني بس اللبس واجي))
فيصل: حاولي بقدر المستطاع تلبسين شي ساتر
ملاك استحت ماعرفت وش ترد
فيصل: أنا عارف الذنب مو ذنبك بس حاولي
ملاك راحت تلبس وتدور وتدور لين تعبت
ملاك: ياربي وش اسوي يالله بلبس أي شي ودخلت يدها وهي مغمضه عيونها وطلعت
الي طلعته
طلعت بنطلون جينز مرره ماسك عليها وتيشيرت فوشي ومرسوم عليه صور وقلوب
بالاصفر والحاله حاله ولبست سليبر الله يكرمكم وشنطه لونها اصفروتكشخة كان
شكلها حلو
وفيصل لبس برموده بيج وتي شيرت سماوي مررره كان شكله حلو
ملاك طلعت من الغرفه
ملاك: فيصل يالله خلصت
فيصل يطالع فيها من فوق لتحت
فيصل: بتطلعين كذا
ملاك استحت: وش اسوي هذا الي لقيته
فيصل: طيب
وقام اخذ بالطوا اسود جلد مرررررره حلو ومده لملاك
ملاك: وشو هذا
فيصل من غير مايطالع فيها:خذيه البسيه
ملاك خذته: شكرا واسفه
فيصل لف وطالع فيها: شكرا وفهمناها واسفه وضحيها
ملاك: اسفه لاني لابسه زي كذا بس
فيصل تنهد:خلاااص أنا عارف الذنب مو ذنبك يالله امشي
وطلع
وملاك وراه
راحوا يتمشون برجولهم وفيصل قدام ملاك ويمشي ولا يطالع فيها
وملاك مرررره مستحيه ومنحرجه من فيصل والبالطو خلى شكلها احلى واحلى والكل
يطالع فيها
فيصل صار يمشي بسرعه
ملاك منزله عيونها بالارض وكانت مسرحه ولا انتبهت له
والناس يناظرون فيها كان شكلها مررره حلو وملاك على اسمها
رفعت ملاك راسها مالقت فيصل قدامها وتدور يمين يسار
ملاك: فيــــــــــــــــــــــــــــــصااااااااااااااااا ااااااااال
^
^
فيصل:...........
ملاك: ياويلي أنا هنا لحالي ولا اعرف شي الله يلعن الي يطلع معك
يافيصل
(بالاي):تحتاجين مساعده
ملاك لفت وجهها
(بالاي): انت
كريس(بالاي):واو هذي احلى صدفه في حياتي
ملاك ابتسمت ووجهها صار احمرر ودموع بعيونها
كريس(بالاي):وش فيك؟ ليش عيونك مليانه دموع؟؟
ملاك صارت تبكي
كريس مسكها يبي يقرب منها وخرت هي عنه <<انكسح>> ^_^ احسن
كريس مسك كتفها وراح جلسها وهي تبكي
ملاك(بالاي): كريس شكرا شكرا
كريس(بالاي): ماعليك انتي أي شي تطلبينه راح اجيبه
ملاك: شكرا
كريس(بالاي): ايش( وات )
ملاك(بالاي): قصدي شكرا
كريس(ابتسم) (بالاي): العفو
وراح قومها لانه قال لها امشي نتمشى شوي المشكله
ملاك كانت خايفه لانهم بالليل
كريس يمشي ويسولف ويسولف وملاك ماهي معه تفكر
ملاك(في نفسها): الله يلعنك الله يلعنك يافيصل ياكلب يا حيوان وين رحت
كريس: هيه انتي يا...
ملاك انتبهت(بالاي): ايش وات؟؟
كريس: انتي بالك مو معي !!
ملاك(ابتسمت)(بالاي): أسفه
كريس: تفكرين في هذاك الولد؟؟؟؟
ملاك وقفت (بالاي): لا ماافكر فيه
ومشت بسرعه
:ملااااااااااااااااااااك
ملاك رفعت عينها لقت فيصل من بعيد يناديها ويضحك فرحااان
ملاك أول ماشافته عيونها صارت تدمع وراحت ركضت عنده وضمته
فيصل راح فيها وضمها بقوه
ملاك: وين رحت يالدب ليش ليش خليتني لحالي ليش
فيصل: اصصصصصصصص اص خلاص لا تبكين انا جيت
كريس(بالاي): ليش رحت وخليتها كانت تبكي طول الوقت وتفكر فيك
فيصل(وهو معصب يناظر فيه)(بالاي): انت كنت معها
كريس(بالاي): يس
ملاك لسى بحضن فيصل تبي توخر بس فيصل ماسكها بقوه
فيصل وهو مرره معصب(بالاي): أنا مو قلت لك اذا شفتني راح تكون نهايتك
كريس:ههههههه يس بس أنا رجعت لك حبيبتك
فيصل(بالاي): هذي مو حبيبتي هذي زوجتي ملكي أنا
كريس(مستغرب): زوجتك ااهممم سوري هذي غلطتي لاني ساعدتها وماخليتها تايهه في
اخر الليل وانت ماادري وين كنت
فيصل(بالاي): انت مالك دعوى
كريس(وهو معصب): أبي افهم كيف تخلي انجل مثل هاذي لحالها انت ماتشوف كيف
الرياجيل يطالعون فيها
فيصل(بالاي): وانت وش عليك يشوفونها مثل مايشوفونها مالك دعوى
كريس: نصيحه لا تخليها لحالها مره ثانيه ماتدري وش راح يصير لها
لحالها
فيصل طبعا ماقدر يمسك اعصابه وبوقس على خشته
كريس طاح على الأرض وقام بسرعه
ملاك: فيصل لا والي يرحم والديك يافيصل هذي بدايتها الله يخليك امش
فيصل(ناظر فيها): هذا كله بسبتك
ملاك: نعم نعم بسبتي طيب
وراحت تمشي وخلته
فيصل: ملاك استني
ماردت عليه ومكمله طريقها
فيصل: ملاك وقسم بالله لو ماوقفتي لاوريك شي عمرك ماشفتيه
ملاك(مالفت ولا شي لانه لو لفت راح يشوف فيصل دموعها): أنا ماني ملكك عشان
تسوي الي تبيه فاهم ولا لا
كريس: هههههههه
فيصل لف يبي يعطيه بوقس ثاني بس سبقه كريس وعطاه بوقس ملاك ماقدرت تلف بس
سمعت فيصل وهو يطيح على الأرض
كريس: هذي لانك عطيتني بوقس والباقي بعدين يا فيصل
<<عاد شوفو كيف ينطقها بالاي>>
وراح كريس
فيصل قام وهو معصب وراح مشى لين وصل عند ملاك وتعداها
فيصل(يتكلم وهو مايناظر فيها وماشي): الغلط على الي طلعك
ملاك ماقالت ولا شي بس مشت بس ها المره عيونها عليه عشان ماتضيع بس دموعها
تحجب الروئيه الين ماوصلوا للاوتيل ودخل فيصل اللفت لحاله ودخلت ملاك اللفت
الي قدامه لحالها
وانفتحوا مع بعض فيصل أول ماانفتح شاف ملاك
فيصل(كان مررررره معصب): ماخذ هلاك مو ملاك
ملاك سكتت ومشت وراه وراح فتح الباب ووقف لين ماتدخل ودخلت
وسكر فيصل الباب بسرعه
فيصل: يلعن أبوها ليله
ملاك:.......
فيصل: الله يلعن الي يطلعك اصلا
ملاك: محد قالك طلعني
فيصل: بلى من غبائي مطلعك حمار بن حمار ان طلعتك
ملاك: انا وش سويت انت الي اختفيت من وجهي
فيصل: وتروحين مع الغبي ذا الي اسمه كريس
ملاك: هو الي جاني مو أنا وهو اهتم فيني مو مثلك
فيصل: يعني انتي تبين اهتمام
ملاك: إيه أنا مالي احد هنا
فيصل: طيب
ملاك: تدري وشو خلاص أنا بكره رايحه
فيصل(مستغرب): وين ان شاء الله
ملاك: وين يعني برجع لديرتي دار بو متعب
فيصل: لا بالله
ملاك(وهي تقلده): إيه بالله
فيصل: ووش تسوين هناك ان شاء الله
ملاك: ارجع لحياتي الاوله
فيصل(يستغبى): وكيف
ملاك: خلاص يعني كيف كل واحد يروح بطريقه
فيصل: المشكله طريقك معي
ملاك: لا مو معك
فيصل: إلا معي وغصب عنك اذا طلقتك واحنا بشهر العسل هذا وش بيقولون
عنك
ملاك: يقولون الي يقولونه
فيصل: أنا ماراح اتأثر انتي الي بتروحين فيها اكيد راح يقولون مأعجبته شاف
منها شي شين او ...او انتي عارفه ان كلام الناس مايرحم ياملاك
ملاك( عصبت): طيب أنا عندي سؤال واحد بس ليش
فيصل: ليش وشو
ملاك(ودموعها بدت تنزل): ليش تزوجتني وانت ماتبيني ليش
فيصل(وهو يبتسم): بس كذا
ملاك: فيصل أنا اكرررهك الله ياخذك ياشيخ
وراحت دخلت الغرفه وصارت تبكي بصوت عالي مررره
ملاك(بصوت عالي): هذا شهر عسل هذا هذا شهر بصل
وكملت بكيها
فيصل مررررره معصب
فيصل(بصوت عالي): أنا ماني شيخ أنا امير وملك بعد
ملاك: ومن هالشعب والرعيه المساكين الي انت ملكهم؟؟
فيصل: انتي انتي الشعب والرعيه والوزير والخدم
ملاك: فيصااااااااااااال كل تبااااااااااااااااااااااااان
(وبصوت واطي): والملكه بعد وأنتي قاضي حياتي والجلاد
: أنا عارف اني استخفيت
وصار يضحك على نفسه وبصوت عالي بعد
وملاك عصبت لانها هي تبكي وهو يضحك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك