رواية بقول ولا تقاطعني -12

رواية بقول ولا تقاطعني - غرام


رواية بقول ولا تقاطعني -12

سلطان:شغاله؟ام عبدالله:ايه..يللآ عااد رح وانا امك
سلطان:ا.."يفكر وشسالفه"..طيب!..تبين شي؟
ام عبدالله:سلآمتك

"هيفـآ"


لبست ملآبسها اللي كانت مخططه لها من الاول..بدي من غير سيور وجاكيت نص كم مع تنوره تحت الركبه وبنطلون سترتش..
امل دخلت :على وين العزم
هيفا تحاول تنفش شعرها:لـ عبير
امل رفعت حاجبها:عبير؟..وليش ان شالله
طالعت هيفا اختها من المرآيه..:اقول..ماتلاحظين انك جالسه تحققين معي..وفي غرفتي؟
امل أتسعت أبتسامتها:ادري!..بس حبيت اسألك!
هيفا:لا ياقلبوو..لامنك صرتي ولية امري أسألي.."وتنفش شعرها"..افف..يقههر
امل:هههههههه..لاتحاولين..شعورنا ناعمه على امي
هيفا بـ همس:ليت الواحد يقدر يختار أهله
امل:ايش؟
هيفا:ولا شي..أقول ليش كذا شعري
أمل بـ نبره:لاتحاولين تحتكين بـ عبير..ماراح تجارينها
طالعت هيفا بـ اختها بـ نظره ولا قالت شي..سحبت عبايتها..:انا طالعه
راحت تنادي عبدالعزيز عشان يوديها
×
×
عبير تلعب بالقلم اللي معاها:اممممم..انتي وش رايك رنا..ألبنت توها جايه من البيت وش رآيك..وش نسوي؟
رنا تحط سماعة الجوال على اذناه الثانيه:اممم..انا ماعمري شفت بنت عمك هذي..بس من رآيي نروح أي مجمع ولا ناخذ لنا كم لفه فـ التحليه..ومره وحده ناادي ثامر
عبير:ثـآمر؟؟..والله هو يبيها من ربي!..بس أخاف ذا البزر تعلم امها
رنا:هههه..ماحزرتي..قولي لها وحده بـ وحده..ان سترتي علي سترت عليك..ولا بقول لـ ابوك انك طالعه معي لـ التحليه او لـ أي مجمع
عبير:اممممم.."تفكر"
رنا:مافيها طقت عصا ياقلبوو!..بتقول شفت عبير مع خويها..هو بيسألها بيقول وين شفتيهم..بتقول انها راحت معانا لـ التحليه؟
عبير:ههههههه..لا
رنا:اووكي..خلاااص..بعدين ماأظن تعلم..اللي مثلها يحب يكتشف اللي زي كذا مو؟..يعني بسكت بتطلع..بتتكلم بيجيها حرمان من الطلعه خصوصا معك..وانتي المتنفس الوحيد لها
عبير:الا..خلااص ع العموم انا بروح امرها وبجيب لها عبايه..
رنا:واي؟
عبير:تلقينها جايبه عباية راس الله يفشلهاا؟
رنا:ههههههههههههههههههههه..ليش عجوزه هي؟
عبير:لا..بس ابوها يغصبها ع العباية الراس
رنا:اهاا..اوكي اجل..لما تمرينها تعالي لي انا وعهد
عبير:خلاااصوو..يللآ..سي يآآ

"مـ ن ـآل"

"مسحت دمعتها"-وهذي كل السـآلفه
ابتسمت ام عبدالله بـ حنان..كملت انا:ترا العنود ماتدري عن شي...يعني حتى الظرف ماقلت لها عنه
أم عبدالله..لمحت العصبيه في نبرتها:عندل الله يهديها..قبلها تتصرف على كيفها.."وكملت بـ كل طيبه"..لوتس جايتني ياأمي مب احسن لتس؟
أبتسمت..ايه والله لوني جايتها احسن لي..كملت:اسمعي ياأمي!.."ومسحت على شعري البني".. من اليوم وراايح بتعيشين معنا ذا الاربع شهور من غير لاحد يقولتس شي..وبقول لـ عيالي..وبتصيرين وحدتن منا وفينا
أبتسمت لها..مره مره مره حبيتها..يانااس لو أقولكم وش كثر حبيتها ماراح اوفي ابد..لو تدري ان ولدها قبل كم يوم طاردني من البيت وش بتسوي؟..:احرجتيني ياخالتي
ام عبدالله:لاأحراج ولا شي..انا من زماان ودي بـ حس احد غيري انا والعنود...تكفين يابنتي طالبتتس..لاتنحرجين..وخلس وحدتن منا وفينا..وانا بسوي لتس عزيمه عشاان الكل يدري ان انتي هنا
منال:بس..هذا كثير مرره علي
ام عبدالله:انا من شفت وجهك هـ الزوين وانا متعشمتن فيتس الخير..وشكلتس بنت نااس.

"يـآسر"

"وهي تجلس"- لايمه ولدك انهبل وقعد!..يبي له كف يعدل مخه هـ المتعطل
ام ياسر:انثبري بس..دقي على خويتس اشووف!..قولي لها بنروح لهم..وان شالله ترد بسررعه
ميعاد:هههههههه..هي تبيها من ربي..بيخطبها واحد مثل يااسر..لها الشرف ان ياسر بن "فلان"..جاي يخطبها...
ام ياسر:ميعـآد
ميعاد:يمه يختي وش فيك!..انا ماقلت شي..هذي صديقتي واحبها بس كان ودي مرة اخوي تطلع حلوه وتواجه
ام ياسر:لاحول ولاقوة الا بـ الله
ميعاد:دقيت يمه الموعد الخميس.قلت لهم الخميـس
ام ياسر:زين..بعد بكره..حلو..ودي اخليها مفآجأه

- السـلآم عليكم
الكل:وعليكم السلآم
ميعاد:ياأخي حبنا شوي مثل عبدالمجيد..
ياسر يجلس:انتوا مكانكم هنا.."ويأشر على قلبه"..وعبدالمجيد جنبكم
ميعاد:لالا..خله تحت شوي..انا ابي اصير فووق
ياسر:هههههههه..ماينفع..انا النااس عندي سواسيه ولا عندي عنصريه
ام ياسر بـ حب لـ ولدها الوحيد:طوول عمرك طيب ياولدي
ياسر بـ احراج:ههههههههههههههههههههههه..يمه!..
ميعاد:هذي امي لامنها تأثرت تجلس تخثرق..تقول حكي ماتدري وشو
ام ياسر تضرب بنتها بـ خفيف:اقول روحي لـ رجلتس بس..
ميعاد:خلااص بروح لـ رجلي..وبزعل عليكم وووشوفوا من بيروح معااكم يوم الخميس
ياسر:الخميس؟
ام ياسر تتوعد ميعاد..قالت ترقع:هه..لا بس هي تحب تهبب
ياسر أبتسم:هههه..يمه مابعد صرت غبي
ام ياسر:هااو!..بسم الله عليك من الغبااء!
ميعاد:شف ياأخوي احنا بنروح يوم الخميس لـ الاستراحه
ياسر وهو فاهم الطبخه كلها..لانه سمع شوي من الحكي قبل يدخل..أبتسم ولا علق
أستغربوا اخته وأمه من أبتساامته الغريبه..طالعوا بعض وهو ولاهاامه..يمكن لانه مايشوفهم فـ مادرى ان أبتساامته وااضحه

"طلال"

وقف سيارته الكابرس موديل العام المااضي..لكن كانت حلووه وعلى مستوى من الفخامه.. ضحك يوم ألتفت لـ وردة الجوري اللي بجنبه..
همس لـ نفسه بـ ابتسامه:سعد مايخلي احد فـ حاله!..
مسك الورده اللي كانت حمرا وملفوف عليها شريط ساتان احمر ومربطه بـ فيونكا..مد أصبعه عليها وجرحت أصبعه..:احح..والله تعور ذا الورده
أخذها ونزل..لقى الباب مفتوح لآنه قايل لـ علا انه بيجي..أول مادخل شم ريحة عطرها..وأبتسم..سكر الباب ولف عليها:مسـآء..ألـ.."يفكر"...الجوري!..ههه
غلا بـ ضحكة حيا:ههههههههه..
أخذت منه الورده :هذي لي؟
طلال يستهبل:لا لـ بنت الجيران
طالعت فيه بـ عيونها الصغيره..بس الحلووه..ثواني وضحكت:هههههه..ادري سؤالي غبي
قربت لها طلال:احلى سؤال داامه منك!
نزلت رآسها وجلست تعلب بـ الورده بـ أضافرها..مسك يدها .رفعت راسها..تنتظر منه أي حركه جريئه بس قـآل:ترا بتجرحك زي ماجرحتني
ضحكت غلا على فكيرها:هههههههههه..بسم الله عليك..وين الجرح؟
وراها طلال أصبعه اللي كان ينزف..بس ماحس به..:اووف ويصب بعد.
توه بيدخله في فمه بس مسكته غلا:لألأ..طالع فيها..
بعدت هي عنه بس يده الى الان بـ يدها..حطت الورد ع الدرج اللي يدخل ع المجلس..
أخذت منديل من جيبها..قالت بـ مرح:لاتخااف مب مستعمل!
طلال:ههههههههههههه..عاادي هماه منك
ضحكت غلا..خلت المنديل على أصبعه خذت الورده..ودخلته جوا
يوم جلست قالت:دقايق..بروح اجيب لك بلاستر وأجي
هز راسه..رآحت هي..مايدري ليه استغرب من كلمة"بلاستر"..اخبر ان اهل القرى يقولون "لزيييييق"..ضحك على تخيلاته خلاااص ياطلال..من شاف هـ البنت قداامه مايقول ابد انها من قريه

"ع ـبير"

- وأخيرا هذي آآخر وحده من الشـله..
رنا وهي تركب:سوووري قيرلز!..بس شكلي ضيعت صندلي
عبير:لاياقلبوو عادي
سلمت رنا على عبير وعهد وهيفا اللي كانت تحس نفسها محط الانظاار لأنها مالبست عباية كتف من ثالث متوسط
رنا:هيفا مو؟
هيفا تبتسم:الا!
رنا:طيب افتشي!..خاطري اشوف وجهك
عهد:عادي حيـآتي السياره مضلله..
هيفا تأشر ع السواق:بس السواق
عهد:هههههههههههههههههههههه..هذا تسمينه رجـآل
رنا وعبير مع عهد:ههههههههههههههههههههههههههههههههه..
انحرجت هيفا منهم كثييير..قالت رنا:يللا عااد بي ايزي
هيفا بـ كل ضعف شخصيه..فكت الطرحه..طالعت رنا فـ وجهها..أرتسمت أبتساامه غريبه على ثغر رنا.. كانت ملامح هيفا حااده صحيح مملوحه بس حدة عينها على خشمها فمها وسيع شوي بس على حده بعد..صحيح ملامحها تجي بنت لو تصير ولد تطلع..ولد وسيـم!
رنا:وآآآآآآآو..مره خقـآق انتي!
غهد تضحك بـ سخريه:ماتغير مصطلحاتها.."وتقلد نبرة رنا النوثيه"..وآآآآآو
رنا ترز لسـآنهاا..قالت عبير:ماعليك منها رناا.."تكلم عهد"..عهد!..صوتك ابد مايجي انووثي ترا..خلك ع البوي احسن لك
عهد:لالا انا بويه علطووووووول

وصلـوا لـ شارع التحليه..قلب عبير بدا يضرب طبوول..قالت رنا:عبووره دقي على ثامر
التفت هيا لـ عبير..مب فااهمه
أبتسمت عبير..:مب الحين
عهد:متى يعني؟؟..لاوصلنا لـ نص الشارع؟..دقي الحين
عبير تمسك الجوال بـ يد ترتجف:أوكي!
رنا:اكيد ياهيفا ماتعرفين من ثاامر..صح؟
هيفا:...لا
رنا:هذا حبيب عبير..
هيفا:......"مصدوومه بس تخاف تقول شي يضحكون زي تو"
رنا:هي تحبه..وقدري هـ الشي ولا تقولين لـ احد

حسيت بـ نبرة أمر على تهديد بـ صوتها..مدري ليه..مادريت الا انا هازه رااسي وكأنها مأثره علي..

"سلطـآن"

مسك الدركسون وهو متوتر..مايدري ليه يحس ان جلسه هـ"التطفله" مع امه بتجيب العيد بدري..تنهد بـ شوية نرفزه..والله لـ اوريك نجوم الليل بـ عز الظهر كانك ناويه علي شي.. فـ البدايه عندل الحين امي..لاوالاخت جاايبه 99؟
ماتوقعت
ماأنكر ان روحتي مب لـ سواد عيونها..عشان بيشوف وش عايلتها اما النسبه ماأهتم لها..بس طلعت سعودية الجنسيه!..عمرها 18 وشهرين..وبنت حمـآيل!.."أبتسم"..والله عرفت عنها بعض الاشياء
ماأنكر انها برئيه يعني ماكذبت علينا على سالفة اسمها لوها وحده راعية كم لفه كان خاافت تعلمنا عن أسمها..
نفض هـ الافكـآر ودخل عند اصدقاه اللي متجمعين بـ الاسترااحه

"الوليد"

وقف بـ الخااطوف..وسط شارع التخصصي سأل منصور:وش ناوي عليه؟
منصور:موته!
ضحك الوليد..:لاجد وش نااوي عليه
منصور:احتريه يطلع من الكوفي..بس صبر
أثر الوليد لـ 3 دبابات وراه انهم بيحترون واحد من شلة مهند..

دقـآيق يمكن وصلت الـ 15 دقيقه..وطلع من الكوفي..ركب سيارته ومشى بهاا
أشر منصور لـ خويااه انهم بلحقوونه..لما وقف الشااب عند الاشآره..وقفوا القروب المكون من 5 شباب وراه..قال الوليد:اسمع احنا 5 خل واحد منا يقوم عليه!..مب مرجله 5 على 1
منصور:اوكي.."ونادا واحد منهم"...سلمان!..امش!
مشى سلمان صاحب الجسم الرياضي بـ دبابه بـ شويش لين قرب لـ منصور:رح له انت
سلمان:ابشـر!

مشـى له سلمـآن و نزل من الخاطوف..وصل لـ سيارة الشاب اللي كان يسمع اغاني بـ سيارته ويشرب من الكوفي حقه..طق القزازه..ألتفت لقى سلطان..أشر له سلمان يفتح القزازه
يوم فتحها:هلا يالاخو..بغيت شي
سلمان:بغيتك..انزلك شوي
اسغرب الرجال..بس نزل عشان لايقال له جبـآن!
اول موطت رجله الارض..أستلمه الثـآني ضرب!

"عائلة ابو عبدالعزيز"
دخل..:السـلآم عليكم
رد عبدالعزيز وامه السـلآم:وعليكم السلآم الرحمه
جلس عبدالعزيز وهو يبتسم على شكل خوله اللي تركب والتركيبه مب راضيه تتركب معها:اجل وين عيـآلي؟
ام عبدالعزيز تصب قهوه لـ رجلها:امل فوق..وعمر طاالع..هيفا عند عبير
كشر نص تكشيره بـ شكل غير واضح مرره..:متى بترجع؟
ام عبدالعزيز مدت له القهوه:الله اعلم
عبدالعزيز يحط قهوته:تبي اجيبها يبه
ابو عبدالعزيز يبتسم:لايابوك!..خلها تستاانس شوي..
عبدالعزيز:انا ادري انك ماتحبها تروح لهم..بس هي اصرت وامي واقفت
ابوعبدالعزيز:لا ان شالله بنت عمها مب ضااره لو راحت كم سااعه..
طبعا يحاول يقنع نفسه قبل يقنع اللي قدامه

"طلال"
يطالع البلاستر اللي في يده..غلا ماقدرت وماااتت ضحك:هههههههههههههههههههههههههه
طالع فيها طلال..وضحك:هههههه..احس ملعووب علي
غلا:وش اسوي..مافيه الا بلاستر حمااده ولد اختي..هههه..مافيه
طلال يطالع في البلاستر الابيض ومرسوم عليه اشكال كثيره من الحيوانات:اخاف احد يشووفه
غلا:ماعليك منهم..خلك واثق من بلاسترك..ههه
طلال:قولي خلك واثق من نفسك
غلاك:لا من بلاسترك..ههههههههههههههههه
طلال:ههههههه..فديتك!

"ع ـبير"

تضحك بـ كل قوتها..كان صوتها عااالي..رصت هيفا أسنانها ع المصاص..تحس انها مب منهم ولا معااهم..هـ الاجواء ماتعودت عليها..جا شااب طويل وسيم نوعا ماا..لابس جنز وتي شيرت احمر..كان يطالع فيهم بـ طريقه خوفتها وقززتها..الى الان فطرتها ماتلطخت مثلهم..بس هي المفروض ماتستغرب هـ النظراات لانهم جابوها لـ نفسهم..بس اللي فآجأه وأستغربت منه غير النظرات..انه
جلـس معااهم
الشاب:هلا والله وغلا
عبير بـ غنج:هلا بـ ثاامر
أبتسم ثاامر:كيفك حيـآتي؟
عبير:بخير ياقلبي..انت كيفك؟
ثامر:انا ماكنت تمام..بس يوم شفتك صرت تمام..لآني شرهاان عليك
عبير:افاا..ليش؟
ثامر بـ صوت ذوب عبير:لانك ماتردين على أتصالاتي
عبير:هههههههه..بس عوضتك بهـ الطلعه..
ثامر:تعرفين تلعبين علي..تدرين اني احبك ومستحيـل ازعل منك
قاامت هيفاا ومشت لـ السياره..هـ المنظر ماتحب تشوفه حتى بـ المسلسلات وتشوف ع الواقع؟..لا ومين ..بنت عمهاا..قامت وهي تسمع آخر خيوط من ضحكات عبير المليئه بـ الغنج

لحقتها رنا..وجلسـوا بالسياره..ثواني وجت جلست معاااهم عهد

"منـآل"
أول مره بـ حيـآتي ادخل الفيصليه..بس كانت حلوووه..ضحكت وانا اتذكر اشكال الشباب بترجون السكيورتي عشان يدخلوهم..ولاعندل ماتمسك لسانها ابد..هاوشتهم لانهم حاولوا يجون جنبنا كأنهم معناا..هههههههه..علمتهم ان الله حق على قولة ريم..والله عصبيه عندل
دخلنا محل كان ع اليمين كبيــــر مرره..وفيه كل مالذ وطاب من الملابس..
العنود:طبي وتنقي..
منال:بس..اممم
العنود:لاتجلسين تتبسبسين لي...يللآ اشووف قدآآمي.."تستهبل"
منال:هههههههههههههههههههههه..ان شالله عمتي..
العنود:بنـآت مايجون الا بالعين الحمراا
ضحكت على كلامه...قلت وانا أقلب لبس عجبني نوعا ما:يوم الخميس بيـكون يوم حاافل
العنود:من جد..

تذكرت وجه العنود يوم تدخل علي متفآجأه ان امها درت بـ وجودي..بـ صرآآحه جزي مني كاان خاايف..بس جزء مني كاان يقول ان ام عبدالله يتحميني..ماخفت من احد من بعد ام عبدالله..بس تفآجأة بوم شفت العنود مبسووطه..كان خاطري اشوف وجهها وجه امهاا يوم تكلمون عني..ههههههه..اكيد كنه مصفق

"الوليد"

وقفوا عند زاوية فدركرز..منصور يضحك على شكل سلمان:هههههههههه
سلمان:خليته بيزه مايسوى..هههههه
الوليد:مسكين حتى ماأخذ حقه
قال واحد منهم..بـ استهبال:ههههه..كسر خااطري
الوليد:خله..مسوي فرعوون على خويناا..خله يعرف ان الله حق
منصور:هههههههه..امشوا بس ندخل المطعم نااكل لنا شي
الوليد:مشينـآ..

"ألليـل السـآعه 12 ونص"

دخل البيت وهو يغني ويدندن بـ احد الاغااني الغرب
And the hearts all over the world tonight-

كمـل طريقه وهو دآخل الفلـه شااف وحده كانت لابسه عبايتها وتطـآلع في احد..وتبتسم بـ خجل..وجهها برئ مرره..شعرها مجعد وواصـل لـ اخر كتفهاا..وعليه خصل بـ الاشقر.
اما لبسها ماأنتبه لها لانها لابسه عبايتهاا
الوليد يكمل الاغنيه: hey!..little mam
ألتفت له شاافت واحد يطالع فيها وهو مبتسم..ب س الظااهر مب حااس

يتبع ,,,,
👇👇👇
أحدث أقدم