رواية بقول ولا تقاطعني -13
تغطت بسررعه..اما هو تراجع ودخل مع البـآب الثـآني
×|الفصل الثـآمن|×
"جرحتني!.. لاتترك الجرح تذكآر"
طلعت من المحل الاخير..ودي اجلس ع الارض واهمز رجولي..تعبت مشيت كثير مرره..
العنود:افففف..وش ذا السـوآق..مدري وش عنده مسوي بزنس
منال:وش السالفه؟
العنود تضغط على ازرار الجوآل..أشرت ع الكرسي:السواق الله يخسه..يقول مشغول مع امي..اجلسي ميموو..ابجي الحين
هزيت راسي..رآحت عندل..مدري وين بس انتظرتها كثيـر.
"عبير ×هيفـآ""
نزلت هيفا لـ بيت عبير..اول ماوصلت فصخت عبايتها وهي الان مصدوومه من بنت عمها اللي يمكن كان متوقع منها هـ الشي..
عبير تجلس ع الكرسي وترتخي بـ جلستها:آآآآآآآه..يازين الرآآحه والله!
تو هيفا بتعلق ع اللي صار اليوم..بس تراجعت..واللي وقفها بعد ان جوالها رن..أخذت الجوال
المتصل>عزوز
ردت:هلا عزوز
عبدالعزيز:هلا هيفـآ..انا قريب ترا
هيفـآ:اوكي!
اخذت هيفا عبايتها..من غير ولاكلمه..وطلعت حتى من غير لاتودع بنت عمها
"بنت عم الغفله"
"منـآل"
طالعت ساعتي..السـآعه الحين 11 ونص..افف قفلت المحلات..هذي وين رآحت..صار لها ساعه الا ربع رايحه..شهقت لايكوون تركتني..لالالا..ماأظن..جلست اضرب بـ رجولي بـ توتر..الرجـآل اللي كانوا يبيعون بـ المحلات سكروها..والحين السوق فااضي الا من الرجـآل..أقصد العماال اللي يبيعون..
- سووري تأخرت!
طالعت فيها..أبتسمت:لاعادي
شفت معاها أكيـآس..كنت بسـألها..بس ماقلت شي
قالت العنود بـ أستعجـآل مستغربه انا سببه:يللآ سلطووني برا ينتظرنا
طارت عيوني..سلطان مره وحده؟؟..أبتسمت وانا أتذكر شكله قبل يطردني..يوم كان يعدل الكبك..أممممم..ولا يوم كان يكلم بـ الجوال!..البرود في وجهه حتى القسوه..حلووه..عجبتني مدري ليه
قمت معهاا..ومعي آحلآمي..وفكرتي فيه كـ"رجل"..ليش مااتت زوجته
وقفنا عند البـآب ننتظر سيارة سلطان..قلت بـ تردد:عندل!
العنود:همممم!
منال:آ..ألحين كيف ماتت...
سكت لأن سيارة سلطان وصلت..التفت علي عندل:ايش؟..من مات؟
أبتسمت:لالا..ولاشي
ركبت عندل قدام..بس اظطرت تلف عشان تروح مع الباب يعني لو بركب الحين..بصير معاه بالسياره لحالي..وهذا مايصلح هذي خلوه....هههه..والله اني صاحبة دين..الله يثبتني..
اول مافتحت عندل الباب ركبت انا..
انا بـ صوت واطي:آلسلآم عليكم
رد على وهو يقصر على صوت المسجل..:عليكم السـلآم
العنود:هآآآآي ماي برذر
سلطان:هآي بك أكثر
كلنا كنا ساكتين..مافي صوت الا صوت الاغنيه اللي كان مشغلها مدري وشهي لاني ماأسمع زين..الصووت مره وااطي..بس شكلها من أغااني محمد عبده
العنود وهي تطالع الشوارع:أمي نامت؟
سلطان وعيونه ع الطريق:يوم أطلع وهي رآيحه تنام
العنود:أكيد معصبه!
سلطان:ليش؟
العنود:لآني مب عندهاا..هي تبيني انا أعطيها الدوا
سلطان بـ نبرة سخريه:لا في نـآس صارت تتولى هـ الشي.امي أرتاحت لـ احد ثالث معنا
مدري ليه انتاابني نفس الشعور يوم كنت بـ البيت..أدري انه يقصدني
سلطان كمل:نااس متطفله!
نزلت رااسي أطالع يدي اللي ظغطت عليها بيدي الثاانيه..دسيتها بين رجوولي..كأني امنع صرخه من الخروج..كأني امنع القهر من انه يفضحني..
العنود:من تقصد؟
سلطان:ناس الله يستر عليهم
عـم الهدوء والصمت المكـآن..والتوتر..قالت عندل عشان تقتل هـ الجوو وعشان انسى.. يمكن..لآنها عارفه انه يقصدني:انا جوعـآآنه
سلطان:في شغآلآت فـ البيت..قولي لهم انك جوعاانه
العنود:بليــز سلطوووووني..انت عاارف انا وش أقصد
سلطان أبتسم:أبشري..بس قولي كذا من البدآيه
العنود بـ بثااره:أموآآآآآآآح!.."وقالت تتميلح".احبك ياأخوووووووياآآ
سلطان ضحك لكن من غير صوت..لاحظت هـ الشي من كتوفه...ولما طالعته من المرآيه شفت أسنانه باينه يوم ضحك..مدري ليه حسيت ان مب من حقه يضحك عقب ماجرحني..
وصلـنا لـ مطعم ماقريت اسمه..اصلا ماكلفت نفسي أقرا الاسم..بس طلبات سياره..
سلطان يلتفت لـ عندل:وش تبغين؟
العنود:اممممم..زي داايم..
سلطان:ماتغيرين أعوذ بـ الله..
العنود:ههههه..مب لازم
طلب سلطان..وأثناء ماكان يطلب.سألني وش أبي..لاياشيخ بدري..أصلا ماأبي منك شي.
سلطان:تبين شي؟
حطيت يدي على خدي وطالعت برآ:شكرا
هز كتفه..وطلب
العنود ألتفت لي:افا ياميموو؟..ليش؟
منال:مالي نفس
قالت عنود بـ همس على بالها اللوح اللي جنبها مايسمع:زعلتي؟
منال:لا
سلطان:أصلا مافي شي يزعل.."وقال شكله يكلمني"..صح؟
مارديت..كأني ابي ارد له حركته..
العنود تكلمت:صحححححين!..قله يجيب الطلب الله لايهينه
سلطان ضحك:أن شالله!
"طلآل"
دخلت البيت حدي داييخ وهلكاان من الشغـل..صحيح شغلي يخلص 9..بس رحت لـ غلا.."أبتسمت"..صآرت جزء من روتيني..وحيـآتي!
-أياا ياقليلة الحيـآ!..ماتسمعين اقولتس حطي الرز بالمخزن يالمااال العمى!
هزيت رااسي..هـ الشغاله مدري كيف متحمله ذا العيشه..انا اللي القى متنفس مب سالم منها كيف هي..
دخلت البيت وتوني اسكر باب الفله
- لاوالله؟..كان بعد تأخرت عند ست الحسن؟
لفيت لها وانا اتعوذ من الشيطان:السـلآم عليكم
هند:وعليكم السـلآم..أسمع!..انا ذا الشغاله ان جلست عندي يوم بعد بيجيني المرض..جاابت لي الظغط
طلال:انتي اللي جايبه الظغط لـ عمرك
هند انقههر:لاآآ؟..والله وصاار عندنا لسـآن ياطلال!..أقوللل اسمعني زييين..انا حرمتن ان جلست ذا الخاايسه عندي بيجيني السكر.."وكملت تناظر المطبخ"..جلعها الجدري
مشيت لـ الدرج..وقلت من غير اهتمام:من اصبح افلح
هند تصررخ:لاآآآآآآآآ!..هالحين ترووح
طلال التفت:لاتصاارخين؟..انا قلت بكره!
هند:حسبي الله عليكم ثنينكم..
رقيت الدرج وانا اطنش دعاويهاا..دخلت غرفتي فضخت ثوبي دخلت الحمام اخذ لي دش عقب حر الشمس..والكرف..
المويه البـآرده تصب على جسمي..كأني من غير احسـآس..هانت ياطلال كلها فتره وتعدي..وبتترك هـ النسره..
مدري كم صاار لي وانا تحت الدش..سكرته لفيت الفوطه علي..والثاانيه على شعري المبلل..مشيت لـ كمدينه..وشفت جوآلي نوره مولع..لقيت مكالمه لم يرد عليهاا.. تركت الجوال اكيد احد من الربع..فتحت دولابي اخذت لي بيجامه لبستهاا وانسدحت ع السرير..اخذت جوآلي وفتحت لقيت المكآلمه من غلا..أرتسمت ابتساامه..اتصلت عليها بسررعه
"ردت علي بـ صوتها الحلو"- هلا بـ اللي له الخافق يهلي..
ضحك طلال:هلا بك أكثر ..وحشتيني
غلا:هههه.اوكي انا اللي داقه..خلني اتكلم
طلال:وش بغيتي؟
غلا:امممم..مدري!..دقيت كذا..هههه
طلال:قولي انك مشتاقةلي؟
غلا:ايه
طلال يبيها تقول:ايه ايش؟
غلا:ايه..
أبتسم..ولاعلق.كملت هي:طلال!
طلال:هلا
غلا:فيك شي؟
أتسعت ابتساامته..:مافيني الا العاافيه
غلا:الا طلال..فيك شي..انت جالس تكذب علي..اذا فيك شي قول ايه ومب لازم تقولي وشو
طلال:....................
غلا:....أوكي!.."وقالت بسررعه"..لاتزعل ياطلال!..ترا والله الدينا ماتسوى
طلال:.........
غلا تكمل يوم شافته ساكت:لايضيق صدرك..ترا الحياة على قولة امي..فانيه!..وماتسوى عليك تزعل نفسك وتضيـّق صديرك على أي شي ترا..واذا احد مزعلك.. اللي مزعلك مايستـآهلك ابد
طلال:انتي
غلا ارتااعت:وش فيني
طلال:انتي مزعلتني!
غلا:.......................
طلال:ههههههههههههههههههههههه..فديت الخواافين..وش فيك امزح معااك!
غلا:ههههه..أشوى!
طلال يتنهد:آآآه ياغلا
غلا:......
طلال:مدري شقولك..مرة ابوي الله....ماأبي ادعي..كاره نفسي كاره عيشتي بـ سببها
غلا:ليش؟..وش سوت لك اللي ماتستحي على وجهها
طلال:ههه..داايم حنه..دايم تصررخ..
غلا:ههههه..ياحبي لك ياطلال!..لاتصير حسـآس عااد..هذا طبع العجر
ضحك يعطيها على قد جوها بس بين لها بطريقته:مب عجوزه..في الـ 30...تدرين يوم كنت افكر اتزوج..قلت لي من بترضى فيك
غلا:ليش؟
طلال:لاني في نظرها فقيـر!
غلا:فقيـر؟؟..
طلال:ليش ان ماعندي مثل عمااني..مستواي اقل منهم
غلا:الغنى غنى النفس..
طلال:هههه..وين سامعتها!
غلا:هه..مدري
طلال يكمل:ويوم مات ابوي...تدور الورث..ماهما انها ارمله..حتى ايام الحداد..ماعندها تطلع وتروح وتجي..ويآويلك لو تقولين لها شي..أصلا انا ماكنت اقول لها أي شي..لأن ماأحب ادخل معها في أي نقااش او كلام..بس كانت تقول ان الدنيا متوقف على موت اهلي..لانها لو وقفت وقفت على موت الرسـول
غلا:أففففف..حقيــــره!..ماألومك اجل!
طلال يـختبرها:بتتحملين تعيشين معها في بيت واحد؟
غلا:مع مرة ابوك؟؟؟؟؟؟؟؟؟؟
طلال يخفي ضحكته:أيه!
غلا بـ حيا ماخلاها تتكلم بـ صوت وااضح:لجل عين تكرم مدينه..لو تبيني اعيش مع اهلها عشت..دامني معك!
أبتسم طلال.وقال لـ اول مره:احبـــــك!
غلا ماتدري وش تقول..ضحكت
طلال:آآآه..ياغلا وينك عني من زماان
غلا:انت اللي وينك عني!..
أبتسم..قال مره ثانيه:أحبك يختي!..والله امووت فيك
غلا:وش عندك صااير رومنسي..اول كنت تخووف
طلال بـ صوت هاادي عاش جو الرومنسيه:من بعد ماشفته أنقلب روميوو
غلا:طـلآل!!..ههههه
طلال:ههههههههههههههه..خلاص انتوا يالبناات..ماتنعطون وجه!
غلا عصبت:لاوالله؟
طلال مسوي خاايف:امـزح!..والله
غلا:ههههههه..أشوى.."شقهت بـ استهبال"..لالالا..البنـآت؟؟..ابي بس انا
طلال:لا ماينفع
غلا:لاوالله
طلال:انا من بعدك كل العذاى خوااتي..
غلا:هههه..مقدر انا يالشااعر..
طلال:هههههه..
طالعت غلا بـ الساعه:اقول طلووتي
طلال:وهـ بس..عيووووون طلولتك
غلاأبتسمت..أول مره تقول كذا او تتمادا يوم اعترف بـ حبه حبت تعبر له هي بعد..قبل لاتقوله:وقت نومك
طلال بـ طفوليه:لازم اناام؟
غلا:ايه..بكره عندك شغل
طلال:طيب دقيقه ابي اسولف معاك
غلا:لا ياطلال!..ماينفع لازم تناام
طلال مسوي زعلان:مالت عليك..واللي يبي يجلس معك
غلا:ههههههههه..مقبوله منك!..يللآ رح فرش اسنانك وتغطى زين!
طلال:ههههههههه..ان شالله..شي ثاني؟
غلا:لا..
طلال:الحمدالله..يللآ..مع السـلآمه..لاتسهرين ترا اغااار انا انام وانتي تسهرين
غلا:قوول خاايف علي..ماأقول لا ..والله
طلال:هههه...روحي ناامي يللآ!
غلا:هههههههههه..ان شالله..بـآي!
سكرت غلا من طلال وهي مبتسمه وسعيـده حيـل..دايم كذا لو تسمع صوته ولا تشوفه..لازم تكون مبسوطه
بس هل الدنيا بستمر لهم كذا؟
"الوليد"
دخلت البيت مع باب المطبخ.."أبتسم"..تغيرت.. صحيح وجهها الى الان بيبي فيس..بس كبرت..
وصلت الصاله لقيت امي جالسه..:السـلآم ع الحلووووين
ام الوليد أبتسمت:هلا بـ ولدي..وعليكم السـلآم
جلست وقلت استغبي وعيني ع الباب اللي طلعت منه:اقول ياطويلة العمر
ام الوليد:هلا
الوليد:من اللي تو هنا
ام الوليد:ريهام واختها رهف!.."وكملت وكأنها تكلم نفسها"..ياحبي لهم
أبتسم:رهف؟؟..هي اللي شعرها اشقر؟
طالعت فيني..:أشقر؟..انت شفتها
يعني صح علي..:كنت داخل لمحتها بس..حتى ماعرفت من هي
ام الوليد تهز راسها:أيـه!..يااحبي لها
الوليد يستغبي مره ثانيه:كم صار عمرها؟؟..15؟
صحكت:هههههه..لآ..خلصت ثالث ثنوي
الوليد:أهااا
دخلت منى اللي من بعد دخلتها تغير الموضوع:الوليد هوون؟
الوليد:هلا...توني شايفك اليوم..مب لازم تسلمين
أبتسمت:ماراح أسلم اصلاً
جلست منى:يمه انتي كنتي بتقولين لي شي..بس جية ريهام خربت عليك..وشو
ام الوليد:ايه..بكره في عزيمه عند جدتك!
منى:بكره؟؟.."تغير وجهها"..مالي خلق
الوليد طالع اخته:وليش مالك خلق
منى طالعت التلفزيون..:مب عشااني صرت اطلع وأضحك معناها نسيت..لآ!..العزيمه ماراح اروح لها
الوليد:الا بترووووووحين!..غصب وبقول لـ سعد يغصبك
طالعت منى بـ اخوها..توها بتتكلم..قال ام الوليد:وقول لـ سعد يجي بعد..لانها بعد عزيمة
الوليد:لاحووول!...والله فضاااوه
منى:طب شالمناسبه؟...
ام الوليد:مدري..بس عندهم شي..حسيته من نبرة العنود وهي تكلمني
سكتت منى ولا قالت شي..ماتبي تقول انها ماتبي تروح عشان لحد يغصبها..خل تحطهم قدام الامر الواقع
"منـآل"
اخيرا يوم اختليت بـ نفسي..طالعت بـ الاكيااس انوااع المحلآت..انا وعندل مارحنا بس الفيصليه..مرينا الصحارتين..بلازى والرياض!...ورحنا حياة..واخر محطه كانت الفيصليه..تقطعت رجلي..بس فيني حمااااس اشوف هـ الملابس علي..مدري وش البس بكره ووش اخلي...ونآآآسه والله!
طـق!..طـق!!
- ادخل
دخلت العنود ومعها الاكيآس اللي كانت معها يوم كنا بالفيصليه..
العنود:هآآآي مناليلوو
منال:هلا
العنود مدت لي الاكيـآس:هذي لك..ماحبيت اعطيك اياها الا وانا منتهيه منهاا..هع
طالعت بـ الاكيـآس..ثم طالعتها وقلت:وش ذا؟
العنود فتحت اول كيس:هذا لابتوب!..وديته لـ سلطووني يعربه لك ويبرمجه مدري شيسوي به..وتقدرين تدخلين النت علطوول لان الـ دي اس ال موصل لـ البيت كله
هزيت راسي..وكملت هي تكمل الكيس الثااني:وهذا جوآل!..
طلعت جوال مدري وشسمه بس عجبني..لونه فووشي فسفوري..
العنود:ان شالله عجبك..حطيت الشريحه جواا..يبي لك بس تشحنينه..ورقمك جوا.."وقالت تغمز"..كووشخه حرصت انه يكوون مميز.."وقالت بـ فخر"..احم رديفي!..وترا بـ اسم سلطووني..
منال:عندل والله هذا كثيـر مره..انا بـ الملابس ويالله بزيتك
العنود تهز كتفها:انا مااالي دخل وصية ام عبدالله الله يحفظها
أبتسمت ..يآحبي لـ ام عبدالله:طيب انا ماأعرف استخدم الابتوب..الجوال اعرف شوي بس
العنود:مافيها طقت عصا ياقلبوو..بعلمك بس مب الحين لاوبـ صرآحه مب فاضية لك
منال:ههههههههههههههه..اوكي يالبزنس
العنود:بايووووووو..مااي نيوو سستر
طلعت عندل من عندي..اخذت الجوال وفتحته..اما الاب توب خليته ع الارض عشان لما تعلمني عليه العنود..خليت الجوال يشحن!..
اخذت الاكيـآس المحطوطه ع الارض بجنب السرير..يمكن ولا 13كيس..يؤ كل هذي ملابس؟
طالعت فيهم..زارا..ناين وست..دبنهامز..بيرشكا..ووو...واحد بالموت عرفت اقراه.أممم.. ستراديفاريوس.. خخخ..كيف كتبوه ذا..وو وش بعد!..جينفر..مانغو..فينسي ..أكسسواريز..
اففف طفشت وانا اقرا خلاااص..اخذت كيس زارا..حبيت هـ المحل..
كنت شاريه بلوزه وجينز..امممممم..حسيته عاادي..رميت الاكيااس بـ ملل..مب وقته الحين اختاار لبس..انا حدي جاااااايعه وفيني النوم..
نزلت تحت المكـآن مظلم رفعت يدي اشوف سااعتي..مدري ليه لما
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك