رواية بقول ولا تقاطعني -14
أشوف الوقت اتذكر العنود..ساعتي ماأعرف الماركه بس اظن اسمها شيروتي!..وعندي وحده ثانيه دكني..وفيه عندي ماركات صغيره..مثل ساوتش..و بعض الاشياء من السوانييي..هههههه..أقول قمت اتفشخر..خلاااص..ألمهم السـآعه كانت 1..بس ليش الكل نااايم؟..خبري اهل الرياض ينامون وقت العطل 9الصبح..وهذا ان ناموا بدري..نزلت تحت لـ المطبخ التحضيري وسويت لي خبزة جبن..حميتها شوي ع الناار واخذت لي سفن اب من الثلاجه!..طلعت برآ الجو بااين حلوو في هوا شوي.الحووش كان وسيع الين اوصل لـ باب الحووش..طالعت بيجامتي..أبتسمت الله ياالدينا من كان يصدق اني بلبس مثل هـ البيجامات فـ يوم من الاياام....كانت بيجامتي برمودا اصفر مرسوم عليه قلوب بـ الاحمر..قلوب كبيره وصغيره..اما البلوزه كانت صفرا فااتحه وعليها قلب كبيـر بـ الاحمر..شعري خليته على طبيعته...مشيت السيب اللي تطلع عليه غرفتي..وصلت الباب اللي يودي لـ فلة سلطان..مدري ليه احسه يكن لي كرررره..ومو أي كره..لو بيده ذبحني..بس اللي مدري عنه بعد ليش انا ماأحقد عليه..ليش ماأكرهه.."أبتسمت"..يمكن لاني بصير زوجته على قولة عندل..ههههههه..والله حالتي صعبه..اتزوج مثل سلطان؟..
وصلت عند بابه وصرت اطل منه..شفته وهو جووا..كان واقف عند الصاله اللي فيها شبـآك كبييير يطل ع المسبح..لابس تي شيرت اسود اما تحت ماشفت بس اظت بنلطون...هههههه .. ماشالله ذكيه انا..
أبتسمت بـ شوية فرحه يوم شفت معه سفن اب..ههه..قلود!..يوم شرب منه بـ طريقة مبزره شربت انا بعد..ضحكت على طريقتي..وربي اني احس نفسي مجنونه..الظااهر مع الكبت اللي كنت اشوفه عند عمي وزوجته...انهبلت..سكرت عيووني وانا أشوفه يفصخ بلوزته.. يييييييي.. وش يحس فيه ذا!..ليش يفصخ..رمى نفسه ع الكنب..ومعد شفته..وربي خفففت..كأني بزر وروها فلم نص كم..تراجعت ورجت لـ الفله..كملت خبزتي..والسفن كبيته..ماأذكر يوم من الايـآم كملت مشروب غازي فـ حيااتي
انسدحت وانا أفكر فيه..مدري ليه احس بـ الامان لما اشوفه..مع انه هو بحد ذااته يجيب لي رعب..شعوري غريب..بس لو يتحقق اللي قالته عندل..ماراح اقول لا..انقلبت ع الجهه الثانيه..وش يفكر فيه الحين سلطان؟..فيني؟..امممم..ماأظن..حتى لو..بيفكر بـ سوء..لانه ومثل أنا احس..يكررررهني!..
×
×
انسدحت وانا احس نفسي كااااااااافخ!..حر مدري من وين جاا مع ان المكيف يشتغل..بس حرر..
- مستر سلتاان
فتحت عين وحده شفت الشغاله كاانت شوي وتطلع عيونهاا..تناظر كنها ماقد شافت رجآل..لاني فاصخ بلوزتي..سكرت عيني:يس!
الشغاله:أي ول قووو..ديو نيد اني ثينق؟
حركت يدي لها وانا ماابي شي..طلعت الشغـآله وراحت لـ النص الثاني من البيت..وانا بقيت لحآلي..مدري ليه مر طيف منال في مخيلتي..هـ البنت تمثل براءه ماشفتها فـ احد..براءه يمكن فقدتها من بعد امااني..اللي ماحافظت عليها..واظن لوها عاايشه ماراح احاافظ عليها..بس منال غير..براءه على عفـويه..اجرحها واحسها تداوي نفسها بـ نفسها وترجع مثل اوول واحسـن..الدنيا مادنست هـ البراءه اللي ماتخللها التصنع..حركتي معها بـ السياره ماأنكر انها اختبار..
فجـآه لقيت نفسي..اضحك على أفكااري "الغبيه"..افكار مراهقه صبياانيه!..
من انا عشاان اختبرها؟..من هي عشاان اعطيها جزء من وقتي!..مجرد بنت شفتها بـ الشارع مردها الشـآرع!
بس ليه كل ماأختليت بـ نفسي القى نفسي اروح لها..وش هـ السررعه..مقعوله لها مكان..هنا..لا..مب بهـ السرعه البنت ماكملت الـ 3 اساابيع عندنا..امااني اللي عشت معها سنه ماقدرت اكسبها ولا تكسبني..اصلا ماكلفت نفسي احااول..تفكيري من شفتها يجي لـ عندها من غير لاأحس ولا أدري..
"مـن بكـرهـ"
وقفت وانا خايفه أشوف شكلي بالمرايه..ضحكت العنود:هههههه..وشو تراه ستريت وانتهيناا!
هزيت كتفي:مدري..اخاف يطلع شييين
العنود:حتى لوو شين..انتي بتحلينه
منال:يسلموووو ياعندل.....احبسسس
وقفت عند المرآيه..وشفت شكلي كانت مسوية لي نفخه حلووه..او مثل ماقالت عندل..بآف!..وشعري ساايح اكثر من اول!..
أبتسمت على شكلي..هههههه..خقيت!!.مدري ليه جاا فـ بالي سلطان لو يشوف هـ الكشخه..وش بيسوي؟
امممممممممم..وانا وش علي..اصلا هـ المكان مجرد محطه..بجلس 4 شهور وبس وان شالله بشوف المحامي وش بيقول
- كيف؟
طالعت فيها وانا احس العاالم كله يشوفني حلوه..:عجبني...ذوووقك خطير
"نــآس ثانيه "
دخلت امها لـ الغرفه لقتها تتفرج على اخوانها اللي يلعبون بـ الحديقه..من شباك غرفتها الواسع..التفتت لـ امها بـ ابتسامه عذبه:هلا يمه
الام وهي ترد الابتسامه:هلا بك حبيبتي!!
- بغيتي شي؟
الام:تعالي يمه بغيتك!!..
ومسكت يد بنتها وسحبتهاا وجلسوا على طرف السرير
- لبيـه يمه..وشو موضوعك؟
الام تتأمل بنتها:والله وكبرتي يآليآن..وصرتي عروسه
ليان وهي ترخي عيونها ويبين هدبها وكبر عيونها من الحيـآ..ومميله فمها بـ ابتسامه مستحيه تطلع
الام وهي تظغط على اطراف اصابع بنتها:ها وش قلتي؟
ليان بـ حيا:وش راي ابوي
هي حست بـ"الغباء"..لانها ماتعرف أي شي عن اللي متقدم لها!!..بس ماحب تسأل اذا بيوقول اهلا وسهلاً
ام ريان:ابوك يقول انه اخلااق ورجال..ومايعيبه غير شي!!
ليان عقدت حواجبها وترفع عيونها الناعسه:شي؟
الام حايره:امممممممم..ايه شي!!
قطع عليهم هدوءهم..صوت البـآب اللي انفتح بـ قوه..ليان وهي حاطه يدها على صدرها:بسم الله
- هاه ياأم ريان وش قالت؟
ام ريان بـ هدوءها المعتاد:الى الان ماقالت لي
طالع ابو ريان فـ بنته:يعني عشاان الرجآل اعمى ماتبينه؟
ناظرت ليان فـ امها:يمه؟..اعمى؟
ام ريان وعيونها ع الارض:ايه..أعمى!
ابو ريان وهو ممسك بـ قبضة البـآب:ولا بعد ودك تتشرطين؟..الرجال ماينتعوض وان شالله اني بوافق عليه..ولا تنسين ذا الحرق اللي بـ جسمك!!
طالعت فـ الحرق البسيط..اللي على كتفها..بس كبر مع نقل الحكي بين النااس..تذكرت اللي صار لها وهي صغيره..
أعلنت الاستسلآم.يبه!...انا موافقه!!
"الســآعه 9"
- الحين وشلون جيتك الجراءه وعلمتي امي عنها
العنود:ههههه..هي اللي درت..قفطتها...
ريم:طب متى بتزل حظرتها؟
امل:اصبري..خل جدتوو تقول اول
×
×
- الحين وش السـآلفه؟..ليه جامعين الرجال؟
سلطان:انا ماراح اقولك يامحمد!!..الوالده بعد شوي بتقولك
عمر:ميحيد!!..كم عمر سلطان؟
محمد:امممممممممممممم..اتوقع 31؟.."يكلم سلطان"..صح؟
عمر:هههههههههه
سلطان:لا 28
محمد:لاياشيخ.."يتذكر"..قبل سنتين قلت نفس الكلام
سلطان:الرجال مايغير كلمته لو وش يصير..
عمر:هههههههههههههههههههههههههههه..يالغبي دامه قايل هـ الحكي قبل سنتين ليش تكبره سنه زيااده؟
محمد:مدري توني افكر فيها
عمر:مسوي تعرف الاعماار لا يكثر بس
×
×
وقفت قداام المرآيه وانا خايفه كنت لابسه فستــآن احمر تحت الركبه وكت..ومع وراه الظهر مكشوف بس يغطيه بدي..واصلا انا فااكه شعري الـلي صار طويل..والمكيااج ماحطيت شي كثير..يعني مجرد كحل وبلشر وكلوس..وبس
- وينك يلله..
لفيت لها..:اووكي!..يلله!
نزلت تحت..اول مادخلت عليهم شفت الدهشه على وجيههم الا امل وريم وام عبدالله
ام الوليد:لحظـه..وجهك مب غريب؟؟
أبتسمت لها..الحرمه كأنها تتذكر..هي صادقه..شافتني يوم موت نواف الله يرحمه..
قالت ام عبدالله:هذي اسمها منال بنت احمد..بتجلس عندنا اربع شهور..ليما تلقى اهلها
جوا عندي وسلموا علي وانوااع الاسئله..مدري من اجااوب عليه ومن اخلي..اللي دخلوا قلبي مرة ابو عبدالعزيز..وام منى..هم اللي حبيتهم حييييل..اما في ثنتين ماأبدوا أي اهتمام..خوات ريم وامل..الكبار..مدري بس حسيت بـ برود يصدر منهم..وكأن لهم عالم خاااص فيهم نظراتهم لي ولا وحده فكرت تبتسم لي حتى..مهما كان انا في مكان غريب وحتـآج منهوو معي
مب مشكله..انا وحيده من عمر الدنياا
وطوول عمري قويه وماعمري استمديت قوتي من اللي حولي..ماصار شي جديد
رجعت ابتسمت لـ اللي حووولي
صدق حبيتهم
×|الفصل التـآسع|×
" أعتبرني في بدايه سكتك عابر سبيل"
جلست وسط البنات اللي كان وقتهم كله رقص..متحمسين الله يهديهم..ههههه
العنود:ميمووو..امشي ارقصي
أبتسمت بـ أحراج وانا اطالع نظارت هيفا لي:ماأعرف
العنود:ههههههه..امشي هزي وبس
هزيت راسي بـ لا..وش اقوم افشل نفسي..ههه والله خووش
×
×
الوليد يطالع فـ جدته:يمه!..من جدكم؟؟.."طالع عمه سلطان"..طب وش سالفتها
ام عبدالله:السـآلفه ومافيها ان البنت بتجلس عندنا لين يجون اهلها..أتمنى انها تحس نفسها فـ بيتها
طالع سلطان فـ امه..هذي كل كلمه والثـآنيه تقول أهلها واهلها..هذي مالها اهل
×
وقت العشاا..قمت لـ المغاسل..شفت عبير وهيفا..والله ذاكرتي اصليه حفظتهم خخخخ..
كانت هيفا تصلح شعرهاا وتطالع فيني بـ نظرات ودي اروح لها وافقع عينها..اوف والله صرت عنيفه ههههه..اول وش حليلي مسـآلمه
هيفا وهي تنزل يدها عن شعرها:ضحكينا معك؟
اتسعت ابتساامتي وانا افتح المويه:لا ابد..بس تذكرت شي
عبير بـ نبره تطالع هيفا :اهااا
طلعـوا..افف مابغوا..حسيت اني جالسه فوق روسهم..يكدون علي لاسمح الله..ليش كذا مسوين نفسهم فوق والعالم تحت..ماهمني..انا طوول عمري معطيه مثل هـ الاشكال اقوى اقنووور!!
رحت لـ العشا اللي كان بوفيه..ام عبدالله متكلفه كيثـر..آآخ بس طول عمري عاله ماجابوا شي جديد
شفت ام عبدالعزيز لحالها رحت لها سيــدااا
منال:السلآم عليكم
أبتسمت لي:هلاوالله..وعليكم السلآم
منال:امممممم..انتي اسمك ام عبدالعزيز صح؟
طالعت فيني بـ حنيه:ايه نعم
لعبت بـ اصابعي:انتي ساكنه بـ حي "......"
هزت راسها بـ دهشه..كملت:عندك ولدين و3 بناات موو؟
ضحكت بت دهشه:من قالك؟..لايكون عندل
رديت لها بـ ضحكه:لا..انا جارتكم..بنت اخوو احمد الـ"......."
فتحت فمها بـ دهشه..وحطت يدها على فمها:آيـــش؟؟..انتي منال؟..انتي بنت اخو احمد؟؟
مدري ليه نزلت دمعتي..مع اني ماأعرفها ولاقد احتكيت بها
"يـآسر"
ياسر اللي كان جالس بـ الحديقه وجنبه اعز وأقرب اصدقاه مع انه مو اكثر من مساعد وسواق لـ ياسر..لكن ياسر بـ روحه الطيبه المتواضعه مايحس في فرق بينهم ..بـ العكس!..مايشكي همومه غير لـ هذا..اللي "الناس" يحتقرونه
ياسر وهو مسند راسه ع الكرسي:عبدالمجيد!!
عبدالمجيد:سم طال عمرك!!
ياسر:تتوقع يوافقون اللي خطبت بنتهم اليوم؟
عبالمجيد:أكيـد يوافقون!!!..مافيك شي عشان يعافونك
ياسر ألتفت لـ مصدر صوت عبدالمجيد:ليش ياحبيبي..انا فيني اقوى عيب.."بـ نبره هاديه"..انا اعمى!!..ماأشوف!
عبدالمجيد منزل راسه:طب ليه خطب هـ البنت بـ الذاات!!
أبتسم:سمعت من اهلي انها طيبه ومكسورة الخاطر!..كل اللي بـ عمرها تزوجوا الا هي!..اهم شي انها اخلاق..صحيح ميعاد رفضت بـ حجة انها مشوهه بس انا مايحق لي أخذ كامله!..وانا ناقص
عبدالمجيد يسمع ياسر لـ الاخر عشان يرتاح..وبعد ماسكت تكلم:الله يوفقك يارب!..يللا ياعمي خل نقوم نتجدد لـ الصلاة
ياسر وهو يقوم ويسمك بـ يده عصاته ويده الثانيه يضرب رقبة عبدالمجيد بـ خفيف:متى بتبطل كلمة عمي؟
"منال"
اخذت صحني وجيت بروح عند امل وريم..
سمعتهم يتكلمون
امل:اقوول ريموو لحد يسمعك ويظن ظن سوء فيك
ريم:أي دوونت كير..كلهم اهلي ونااسي محد بيقول عني شي
امل:بـ رآآحتك انا حذرتك
منال:هآآي!..
امل:هآيآت
ريم:بـ الله منووول..الحين لما تبدين رآيك بـ انساان وسيم وجذاب..الناس بتحكم عليك بـ انك انساانه دشره وعينك زايغه؟؟
قلت وانا احط اللقمه فـ فمي:على حسب الشخص اللي يسمع..بس انا من وجهة نظري احسها مراهقه..بس النااس وش تقول
ريم تاخذ من صحنها:ماهمني احد مب لازم
امل بـ نبره:مب لازم تخفين اللي فيك بـ الغلط..اقصد لاتعالجين الغلط بـ غلط
طالعت ريم فـ امل ولا ردت..وانا مثل الاطرش بـ الزفه
"السـآعد 12ونص بـ الليل"
جلست ع السرير وجلست عندل قبـآلي:وش رآيك بـ اهلنا
أبتسمت..:حلوووين..خخخ..مررره ارتحت لهم
عندل:شووفي من الحين اقولك..ام محمد وعبير حطي عليهم أأأأأكس!!..
منال:ليش؟..."سألت غبااء"
عندل:كذا..هم نااس شايفين نفسهم..كنهم لحالهم بشر والبااقين حيوانات..الله يكرمك
قلت وانا العب بـ اصابعي:عبير احسها هيك.."وكأني بوصل لـ شي"بس عندل بسألك انتي ليش تطلقتي؟
تنهدت:مثل ماقلت هو خاااين..افف الله يااخذه!...
منال:..........
العنود:ابد ياطويلة العمر..مره كنت جااايه من بيت اهلي وماصار لنا 6 شهور متزوجين..سمعته يكلم وحده..مشيتها له بـ مزااجي..يمكن لأني ماأحبه..بس حطيت خبر عند سلطان..راح سلطان عشان يتأكد لي..وفعلاً..طلع انسـآن واااطي..بس سلطان ماقال..بـ حجه انه يمكن ظالم الرجـآل فـ ماجب يقولي ويكبر الموضوع..بس عرفت مرره يوم شفته بـ عيني..كان متزوجها مسيااار..وطبعا انا مب متأكده هل هي اللي كلمها متزوجها مسيار ولا وحده غيرها..لانه بـ صرااحه يجي منه..وغير الافلام الابااحيه اللي كان يشوفها..الرجال مب حااس انها خياانه ابد...وهذا هي تطلقت منه واحنا ماكملنا الـسنه.."تنهدت مره ثانيه"..كانت سنه شينه لاني ماطلعت من الحااله هذي ابد..الا بعدها بـ كم شهر..انا ماكان عندي مانع لو يتزوج بس ليه يخووني..ويكذب علي..ع العموم جات منه..انا ماأكنت اهضمه
أبتسمت من غير بشاشه
العنود:امي المسكينه..اخر عيـآلها ماتهمنت بـ زواجاتهم
منال:اممممممم..كيف مااتت زوجه سلطان؟
عندل:هذا سر..وبليـز لايطلع برآآ..
منال:سرك فـ بير
عندل:اممممم..من فين ابدا..القصه مبهمه شوي..لان سلطان مايتكلم عنهاا كثير مع انه وااضح عليه انه الى الان مانسى..بس اماني كان فيها سرطاان..وسلطان ماقال لـ احد والظااهر انه خبى حتى عن امااني نفسهاا..واظن اظن اظن كااني مب غلطااانه انها مااتت بهـ السبب..اتذكر شكل الدكتور كان معصصصصب على سلطان..بس ليه مدري..يعني هذا مجرد تخميـن لاأكثر
منال:مافهمت شي
عندل:انا مثلك سلطان مايحب سيرة امااني ابد..هي ماتت وهو مدري وش مشاعره بـ الظبط اتجاهها..انا مب متأكده ..بس يمكن انه حبهاا..ويمكن لا
فجـأه حسيت بـ غيره قوويه مدري ليه..بس ليه اغاار من وحده ميته... كملت العنود:هو كان يكرهها بس بعد موتهاا..اممممممم..مدري!...بس ماتأكد انا..يمكن انا ظالمه اخووي..ع العموم هذا شي صار منذوو مبطي..خل ننسى
مدري ليه حسيت اني ماجمعت السـآلفه ابد..بس مب مشكله
×
×
- انتي وش رآيك فيها..انا مدري ماحبيتها
عبير:امممممم..اكذب عليك لو اقول حبيتها..احسها دخيله ومتطفله..يعني وحده جت كذا فجأه ..ولااا..جدتي ماتبي تعلمنا سالفتها
هيفـآ:افف..احسها ثقيله علي مدري ليه..بس وجهها مب غريب مدري
عبير:نفس كلام ام الوليد..قالت نفس كلامك..بس وين تذكري..
هيفا:انتي ماتذكرينها؟
عبير:لا
هيفا:انا مدري
عبير:اها..انا احـ......."صوت جوآلها"..سووري ماي لوف دق..بـآي
ولا عطت هيفا ترد الـ"بآي"
×
×
- انا من دريت انها بنت الـ"....." وانا افكر
ام عبدالعزيز:ايه هي..جت وكملتني..
ابو عبدالعزيز: هي بنفسها قالت لك؟..ع العموم انا متأكد يوم اروح القسم
ام عبدالعزيز:ايه..قالت لي..عرفت اني مرتك وانك ابو عبدالعزيز صديق ابوها الله يرحمه
ابو عبدالعزيز يسأل نفسه:اجل وين عمها وزوجته..."وكمل يجاوب نفسه"..ماتوا!...طيب كيف وصلت لـ امي..
ام عبدالعزيز كمل الاسأله:دخلوها معااهم...وكأنها تعرفهم من زماان.."كملت تمسك يد زوجها"...لاتنسى ان جلستها هنااك مالها دااعي..كلام النــآس..ووو هناك في رجال عزوبي
ابو عبدالعزيز:قصدك اجيبها عندي؟..ماأدري!..انا عندي رجالين عزوبييـه!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك