رواية بقول ولا تقاطعني -18
جلست ليان..قال:وش تدرسين ليان؟..ليان:انا الحين ثالث..علم اجتماع
ياسر:ماشالله!..كيفك مع الجامعه..
ليان:والله الحمدالله.."وكملت بـ طلاقه"..ولو انها مطبات بس ربي يسهل
ياسر ابتسم لانه مب مظطر يتودد لها عشان تتكلم:شدي حيلك..نبي درجات حلوه هالسنه
أبتسمت هي بعد:ان شالله..دعواتك
مدري ليه دخلت معه بكل سهوله وكأني اعرفه من زماان..صحيح اني ازلت الحياا وبكل قوه طلعته من قلبي..لانه زوجي!
صحيح اعمى..بس يعتبر رجال واول مره اشوفه او اقابله..بس ليه كذا دخلت معه بسررعه .. حسيته طيب وحبوب..حنون!..ويحب الدينا على انه اعمى..بس يحبها عكسي..طالعت فيه..
طالعت فـ الجمال الرباني..
أبتسمت له ..ادري مايشوفني بس..أبتسمت لانسان اللي عطاني امل..لو تسألوني امل بـ ايش...بقول مدري..امل وبس..
ياسر:وين سرحتي؟
ليان:معك
ياسر مد يده يبيها تمسك يدها..فهمت عليه..ترددت شوي بس مدت يدها ومسكهاا..استحت!..أبتسمت بـ وجه احمر..
ياسر:تدرين!... انك احلى وحده شفتها بـ حيآتي؟
ليان مافهمت:احلى؟..
ياسر:ايه!...احلى بنت..
ليان:وين شفتني؟
ياسر:من هنـآ..."يأشر على قلبه"..
ليان استحت:بس توك تعرفني!
ياسر: بس احس اني اعرفك من زمان
ليان:حتى انا..
ياسر:طيب انا؟..اكيد اشين واحد شفتيه..صح؟..هههه
ليان ابتسمت..واحد مثلك الظاهر يسمع المدح كل يوم..:ههههههه..شدعوه!
ياسر:أوكي ليان!..ابسألك من الحين لان بصرااحه اهلي كل يوم يسألوني هالسؤال
ليان:ايش؟
ياسر:تبين بيت لحالك ..ولا مع اهلي
ليان:................"احراج"
ياسر:عادي قولي..انا مجهز نفسي على بيت لنا لحالنا..بس انتي براحتك
ليان: برآآحتك!
ياسر:افهم من كذا اننا راح نسكن لحالنا؟
ليان:عآدي
ياسر:هههههههههههههههههههههههههههه..اوكي خلااص بسكر فمي!!
ليان ابتسمت على مرحه..تكذب لو قالت ماأستلطفته.....بس..
بس انه أعمــــى!!!!!!
"منــآل"
قمت من سريري..الحين صاار لي 3 ساعاات جالسه بهالغرفه..كله بسبب هالسلطان..كل ماأتذكر عمي ومرة عمي وابو صالح ترجع حااالتي..انا ماصدق قدرت انسى يجي يزيد علي
انا كنت حاطه خط عريـض بين المااضي والحاظر لـ درجة اني ماأحس اني يوم دخلت الحاظر اني اعرف شي من الماضي غير نفسي..كل شي تغير..البيت...البيئه..النـآس!..حتى منال تغيرت!..لبسها ويمكن كلامها..
آآآآآآآه...احس ان المااضي..عمي!..مرة عمي!..ابوي وامي..ابو صالح!..كلللهم..تجمعـوا مع سلطان ووعندل وام عبدالله وغيرهم من الحاظر..كونوا كوره ثلجيه تتدحرج علي ومع مرور الوقت تكبر وتكبر..وتطيـح فوق رآسي..وتهشمني بـ كل قووه
مسحت دمعتي..طوول عمري اقدر اطنش مشااعري..طول عمري اقدر اخفيها لـ درجه انا نفسي مقدر احس بهاا..
قســوة عمي اول..ماكنت احس فيها لاني منعت نفسي من هالشي..ظلم مرة عمي لي..نفس الحكاايه انا اللي منعت نفسي وقررت اني ماأحس الا بالشي الحلوو..تجريح سلطان لي..
بس الحين لا..كل شي تغيّر..تبدل!..سلطان له قدره فـ انه ينسيني ويرجع يذكرني..يقدر يبعثرني ويرجع يلمني..
معقـول انسآن ماصار لي الا يمكن شهر من عرفته..يسوي كل هـ الفوضى جوااي..
×
×
-ههههههههههههههههههههههه يوم المنى!!!
سلطان:انتي الى الان عندك امل اني اتزوج؟
العنود:امل كبيــــــر!!!!!!
سلطان:في الحياة الجاايه ان شالله..بعدين تراك حبيتي ذا المنال مرره..لاتتحمسين مثل حماسك على زواجي اللي ماراح يصير
العنود تهز كتوفها:نشوووف!!!
ام عبدالله:الله يهديك بس..محد من عيآلي متعبي كثرك
سلطان ابتسم لـ امه:بس محد تحبينه كثري
ام عبدالله ابتسمت..ماتقدر تنكر انه الغاالي وماتقدر على بعده لو يكبر ويكبر..
العنود:هههههههههههههههههه..امي يتاخذ دور الوالد الله يرحمه!
ام عبدالله:الله يرحمه..كان يحبك
العنود:ومدللللعك بـ شكل!...اللهم لاحسد
سلطان:هههههههههههه..خايفه تحسديني؟؟..
ام عبدالله:الا منال وينها؟
العنود:فوق!...من راحوا ريم وامل وهي فوق...
ام عبدالله:الله لايلومها ماتبي تسمع كلام يسم البدن
سلطان:.....................
العنود:سلطوووني والله انها حبوووبه بس لو تخليها براحتها..اكون شاكره لك
ام عبدالله:تراها 4 شهور تحمل وانا امك
العنود:ابد عاااااابر سبيل على قولتهم..وبعدها ماراااح تشوفها ابد
ماراح يشوفها؟...وقف سلطان:يصير خير..انا طالع تبون شي؟
ام عبدالله:سلآمتك ياولدي!..
سلطان:الله يسلمك..مع السلامه
وطلــــــــــع
العنود:وهذا احنا لامنننا جبنا طاريها وانه غلطان لازم يقوم
ام عبدالله:الله يهديه يارب..
"من بكــــره وعند طلال"
دخل الشقه اللي كان شاريها عشانه هو وغلا
سعد:هذا عش الزوجيه؟؟..ماشالله
طلال:شفت عااد..انا ماكملت الاثاث بس ان شالله قريب..
سعد:كم غرفه هنا؟
طلال:امممممممممممم..صاله طبعا...مطبخ..4غرف..غرفة ملابس وغرفة نوم وغرفه بنخليها مجلس لانها عند الباب..ووحده زاايده مدري ليه..يمكن لين جانا مولود..ههه
سعد:ههههههه..اتخيلك ابو انت وذا الوجه..
طلال:ابصير ابوو..ليه الابوه لك بس؟؟..
تنهد سعد..ذكر نواف اللي بـ سببه صار ابو..وهذي امنيته من تقدم لـ منى..وحبها وتمنى مولود منها..وتمتم بـ"الله يرحمه"..قال طلال يغير الجووو:اقول سعد!...وش تتوقع احط ستاره لـ الصاله؟؟
سعد:وش لون الكنب
طلال:شفت واحد بـ ايكيا حلووو لونه ابيض واحمر...
سعد:اخص يالورمنصي!...انا اقول خل الستااره موف ولا برتقاالي!!..يطلع حلوو ومتنااسق
طالعه طلال...:هاه!...وش قالوا لك فيني عمى الووان
سعد:هههههههههههههههههههههههههههه..حط ابيض ولا احمر وخلصنااا
طلال:ههههههه..اصلا انت اللي يشااورك غبي..اجل صاله حمرا واحط ستاره برتقالي
سعد:مشكلتك قروي وماتعرف فـ الفن وتنااسق الاواان..
طلال:امش نروح بس لـ سيداار..خل ندور لنا ستااره
سعد:يووه طلال..فااضي اطق مشوار لـ العليا مدري التحليه زحمه عاااااااااااالم هنااك
طلال:اقوووووول امش..اصلا كلها كم يوم وباخذ غلا معي
سعد يوقف يحتري طلال يقفل باب الشقه:اجل وافق ابوها انك تاخذها معك
طلال:ايه.."حط المفتاح فـ جيبه"..بس معنا اخوها ماجد
سعد:وماجد ذا وش كبره؟
طلال:تسـآني مب غلطاان...25
سعد يضحك يهز رااسه:ههههههه..بزر
طلال يستهبل:تمسـك يالكبير
سعد:هههههههههههههههههههههههه...
"منـــآل"
مسكت جوالي..تذكرت حده من صديقاتي اللي كانوا معاي بالمدرسه..اعرف رقمها لاني حافظته..بس مدري ادق عليها..وودي اعزمها على حفلة التخرج..
حفلة التخرج..تدرون اني قلت لـ ام عبدالله وعندل اني ماأبي اشترك معاهم بس عيـّو..كله من سلطان خرب فرحتي..
تعوذت من ابليـس خل ادق بس
ثواني جاني صوت
.........:آلوووو
منال:السلام عليكم
.....:وعليكم السلآم
منال:ممكن نجد؟
.....:لحظه!!
دقـــــــــــآيق..
نجد:آلووو؟
منال:آلوو...نجد؟..كيفك يادووووبااا
نجد:هلا مين؟..منال؟؟؟؟
وانا امسح دمعتي وربي اشتقت لها:ايه وهل يخفى القمر..هههههههههه
نجد:هههههههههه هلاوالله يالثقه ..كيفك ميمووو واخباارك..وكيفك مع النسره مرة عمك
منال:مرة عمي ؟...الله يرحمهم الحين.."أبتسمت"
نجد شهقت:مااااااااااااتوا؟؟...أستغفر الله استغفر الله!..ياربي والله اني اتوب
منال:هههههههههههههههههه..اقول نجد!
نجد:هلا..طيب دقيقه انتي الحين كيف عاايشه من غير مرة عمك وعمك
منال:نجد حبيبتي اسمعيني!
نجد:هلا
منال:اسمعي انا ابعزمك على حفلة تخرج اوكي؟
نجد:اوكي..بس وين البطاقه..هههههههه
منال:هههههههه عجله..مدري بدبر لك طريقه اعطيك اياها..حلو؟
نجد:حلوووو...وابي اشوفك اسمع اخباارك
منال:ياحبي لك!..وانا بعد والله محتااجه احد افضفض له..
"أسبـــوع مر"
دخلت البيت..تونا راجعين من عند الكوافيره!..
منال:اقول عندوووله..فيه احد جوا
ضحكت العنود:لا..ههههههههههههههه..ادخلي خووافه
منال:وش اسوي اخوك يخوووف
العنود تشيل الطرحه:حرام عليك..ترااه طيب بس مايعرف يرحب بالنااس
منال:نعم اختي؟...مايعرف يرحب؟...
العـنود:هههههههههههههههههههههههههههههه...فديتك ادخلي بس خل نروح نلبس شوفي السااعه 7
منال:والله مستاانسه..من زماان وانا ابي احضر زواج ولا حفله ولا شي
العنود:ليش ماكنتي تحضرين اول؟
منال:لا..عمي يعييّ
العنود:اصبري بعدها بـ اسبوعين زواج طلال
منال:الله يووفقه..انا بروح البس اجل..بدك شي؟
العنود:مي توووووو!!..سلامتك..شوفي ميموو ان مالقيتيني بالغرفه انا مع امي بالبلكونه
منال:اوكي
رقيت الدرج..لقيت فستـآني محطوط ع السرير..أبتسمت طوول الليل امس وانا امشي به..وماغير اقووسه..
لبسته وكان عباره عن..كان عباره عن فستان ذهبي يميل لـ الرسمي اكثر شي..اممم..احس القماش حرير..مره نااعم علي وعلى جسمي..كان طوويل وفخم.وطالع مره حلوو علي..كل شوي اطالع شكلي بالمرآيه..خخخ.. ولا المكيـآج!..صحيح عاادي بس حلوو..يعني مجرد اضاءاات وغيره..كحل وماسكرا بس صايره رمووشي حلووه..كانت بتحط لي رموش بس عييت لأنها حرام وتعتبر من الوصل..عاد مافي شي يستـآهل اصير ملعوونه بسبـبه!!..والله تغيرت 180 درجه..اكتسبت اللون البرونزي!..من كريم حق Dior..بس كلها اسبوع وهو راايح بس صااير مره حلووو..ومنااسب لـ عيوووني الخضرا وشعري الماايل لـ الشقاار.. وشقرت حواجبي تشاينـيز..طالعه شريره ههه..ملامحي تعطي على اني وحده مغروره وشريره..
شعري اللي كان يوصل لنص ظهري درجته والحين انا مجعدته..ومن فوق بااف مجعد وصااير كبير شوي خخخ..بس حلوو والله
طالعت شكلي لـ المره الاخيره بعد ماأنتهيت..امممممممممممممممممم
"بـــــــــرفكت!!!"
اخذت الكعب..اول مره البس كعب..هههههههه لاتخافون ماراح اجيب العيد..جلست اتدرب عليه من الاسبوع اللي راح
اليوم نفسيي عال العال..نفسيتي حلووه..صار لي تقريباً 3 اسابيع ماشفت سلطان..صح انه على قولتهم زين شين..بس ع الاقل ارتااح شوي..رآح شهر الحين.."تنفسهت بـ رآحه"..بشتااق لـ جو هالبيت حتى سلطان..بشتآق له..
"بـ وجه احمر"..بشـآق له كثير..حتى قسوته اللي احبها..بس لو مايمارسها علي..يكون شي حلووو..الحين اقدر انزل اوري عندل اذا اسوي شي زيااده ولالا
×
×
دخل سلطان الفله..مافي احد بالصاله؟..المجالس..وينهم..اكيد العنود فوق تلبس..
كان جااي عشان يقول لها ان المطعم راح يتأخرون شوي..
رقـى الدرج..عندل طول عمرها مسبهه..اتصل عليها ولا ترد..والحين جااي ادورها حضرتها ماخلصت.."طالع ساعته"..الحين 9 الا ربع..شكلهم بيجون بعد المعازيم
×
×
وانا انزل الدرج
الحين انا النفسيه عندي حلووه..وحاليا انا طرباانه..اللي يشوف وجهي يدري اني مبسووطه ع الاخر..بس مب لاني بسوي حلفة تخرج او ان في حفله بتصير عشاني ولاني تعبت تخرجت..هو صحيح جزء من هالفرحه لاني تخرجت وتووي احس بهاا..بس كنت مبسووطه لان نجد بتجي.. وكنت مبسووطه لاني طلعت من حالة الكآآبه اللي كنت فيها واللي كنت احاول اخفيها عن النااس على قد ماأقدر..
فجــــــــــــأءه
فقدت توازني وانا ع الدرج..وانا بالبدايه..يعني لو بطيح بيطيح من اعلاااه..بس حسيت بـ يد تمسكني من خصرس وتثبتني..وووو"بسم الله عليك"...طلغت من صاحب الصوت المبحوح.. بلعت ريقي وانا احس بـ الم في بطني.. رفعت راسي..كان "سلطـــأن"..أستوعبت ان يدي اللي ارتفعت بـ صعوبه مثبته على كتفه.. ييي! وخرت عنه وانا ميته حيآ بس هو ابداا ماشال عنيه عني..بعدت عنه عشان يفضى له الطريق..افسحت له مجال يمر..بس فآجأني انه تقدم لي..وكأنه قااصدني انا..وانا كنت ارجع..
صدمت في الجداار..قرب هو ماكان بينا الا بعض مسافه قليله..حسيت بـ أنفاااسه تلفح وجهي..قآل
سلطان:تدرين انك..............نفسي اذبحك مثل ماذبحتيني!!!
ووخر عني ورقـآ فوووق وانا مية الف علامة استفهاام فوق رااسي..انا ذبحته؟..معقوله انا اللي على قولتهم "لابهش ولا بنش"..اذبح واحد مثل سلطان؟
×
×
سلطـآن ياغبي ليش سويت كذا؟..ليش هالحركه الباايخه لازم تبيـّن لـ العالم كله انك غبي!..
وصلت لغرفة عندل وانا الود ودي اذبح نفسي من غباائي..
طـق!..طـــق!
-ادخلي ميميووو
دخل سلطان:انا سلطووون..ههه
عندل:هلااااا سلطووني..اجل ميموو وين
سلطان:مدري بس جيت بقولك ان المطعم يمكن يتأخرون
"يــآسر"
- ههههههه شكلك تسمع بالحب اللي من اول نظره ياعبدالمجيد!
عبدالمجيد:هههه لا بس أسأل يعني ارتحت معهاا هالاسبوع
ياسر يبتسم أبتسامه ذابله:ماحبيت اكثر عليها زيارات ايام الملكه..خبرك عروس وتبي تاخذ رآحتها
عبدالمجيد:عمي انا اعرفك من زماان..مب هذا عذر..اكيد انك ماتبي تجلس معها لـ شي
ياسر:مدري!..حسيت ان البنت مابعلتني..شكلي ثقيل دم ههههه
عبدالمجيد:مابلعتك؟..هي الخسرااانه..صدقني لو ماحبتك ولو اني شك..بتحبك مع الوقت..
ياسر:الله كريم
×
×
- مدري يافهده..احسه طيووب وحبووب..بس احبه كـ زوج..مدري
فهده:ليش اختي؟..ناويه تحبينه حب صدااقه؟
ليان:هههههههههههههههههههه..يمكن..
فهده:صدقيني ليااان..بيجي اليوم اللي بتكتبين فيه شعر..وقولي فهده ماقالت
ليان:شعر مره وحده؟
فهده:وخواطر بعد
ليان:هههههه
×|الفصل الحـآدي عشــر|×
"ذبلت انوآر الشوارع وانطفى ضي الحروف"
دخلنا القـآعه..كانت حفلة التخرج في قاعة الفهد كراون..مسكت يد العنود وانا اشوف هالنااس الكثيره
عندل:وش فيك ميمو؟
منال:مدري!..خايفه..ناس اول مره اشوفهم
عندل:عادي يابنت النـآس!..انتي بنتناا..امشي بس
دخلت القاعه وانا ارتجف خايفه من ذا الناااس..
"طلآل"
وصل طلال لـ بيت غلا..رن الجرس..
ثواني وفتح له:أهليـــن!
دخل طلال:هلاوالله!..كيفك غلا
غلا:الحمدالله!..
طلال:الا ابوك هنا؟
غلا:لا..ليش بغيت شي
طلال وهو يدخل المجلس وغلا وراه:لا بس كل مره اجي ولا أسلم عليه!..
غلا:اممم..مدري بيجي اليوم ولالا..لانه طالع مع اصدقاءه لـ الاستراحه
طلال يجلس:اهاا
جلست غلا:كيفك طلوول؟
طلال:الحمدالله..انتي؟
غلا:عاال العااال!..توك سألني..ههه
طلال:ههههههه..نسيت.."تثااوب وبعدها تمغط"..اممممم..لو انااام شوي بس..ودي ارجع البيت
غلا:لاااا..عاد انا مجهزة لك فلـم..شي
طلال:وشو؟.فلم ايش؟
غلا:ماراح اقولك..ابشغله لك..وانت تناظره معي..اوكي؟
طلال:اوكي
قامت غلا واخذت الريموت وشغلة الفلم..علق طلال:ههههههه..مجهزته من الاول؟
غلا بـ دلع:يس!!
طلال ضحك:ياحلوك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك