بداية

رواية برد وجفا ونسمة هوى -1

رواية برد وجفا ونسمة هوى - غرام

رواية برد وجفا ونسمة هوى -1

الكاتبة وصيت قلبــي عليك
اهداء الى كل متغرب عن وطنه يعاني أنواع الأهانه والقسوه…يحاول ان يلملم شتاته الباقي منه..يناضل ويتألم…يقاتل ويخسر ..مشتت حزين تائه بدنيا غريبه…ضائع بغربه مسوده ومغبره..ترون الأنكسار بعينيه التي أدمعت دما بسبب ظلم وجبروت القدر
الجزء الأول
4 march 2005
يتذكر ذيك الليله السوده..وكأنها صايره اليوم ..مو كأن فات على الحادثه 11 سنه …
يتذكر كل شي…يتذكر يوم جاه أتصال من صديق ولده وراح له
وهو يلهث من كثر المشي اللي مشاه لحد ماوصل سيارته اللي مبركنه
في اخر الشارع الرئيسي
يتذكر ويتذكر ويتذكر وادمعت عيونه بسبب الذكرى اللي مرت على باله
ذي اللحظه
سأله بعيون كسيره ومتعذبه تطلب نظرة امل ..تطلب كلمة رجا …تطلب
أجابه لسؤال محير ..ويبيله اجابه…
تطلب كلمه وحده ..كلمه تحيي قلوب ماتت واندفنت وهي
متعذبه ..متعذبه من القهر وحرقة الجوف ..
وين ولدي….وين يوسف…!!!
هذا السؤال اللي محير عايلة العالي من كبيرهم لصغيرهم …

21 april 1997
اليوم كانت ملكته على بنت عمه…وهو لسه ماجاء والشيخ وصل
والمعازيم ينتظرونه…
بو يوسف محمد..!! وينه..وينه يوسف….تكلم ..أنطق!!
محمد عمي…..يوسف..يوسف…أخر مره شفته عند باب شقتي..وسياره تلحقه..
بو يوسف بأعلى صوته سياره تلحقه..!!ليش..!!
محمد بعيون تدمع مدري ..والله مدري ياعمي.. كل اللي أعرفه أنه بينزل من السياره..ويوم شاف السياره اللي وراه ركب مره ثانيه..…
وأخر كلمه قالها لي:
قول لأهلي انا راجـع..

اسودت الدنيا بوجهه ومابقى مكان الا دوره فيه.. …وحتى اصدقاءه سألهم واحد واحد..لكن بدون فايده..
وضاع الحلم…ضاع أحلى حلم يتمناه أي أبو وام لولدهم العود
كانوا يتمنون يشوفون ولدهم في بيت هو مع زوجته وعياله…
كانوا يتمنون الليله تكون أول ملكة حفيد بهالعايله…
كانوا يتمنون المعازيم تبارك لهم وتدعي لهم لباقي عيالهم..
كانوا وكانوا وكانوا…
وماكل مايتمناه المرء يدركه…

انتشر الخبر على المعازيم كلهم أن يوسف ضايع ومالقوه والكل مستغرب
من أختفائه المفاجأ والغريب
والأم تقطع قلبها على ولدها وماتت من الصياح بس بدون فايده…
والكل قام يبحث عن يوسف مره ثانيه بجميع الأماكن بالمستشفيات والمغافر
والشوارع وكل مكان..
وبالأخير وبعد بحث أسبوع كامل بشتى الأماكن كانت النتيجه وحده


يوسف أختفى..
وكأن الأرض أنشقت وبلعته

الجزء الثاني


4 march 2005
في بيت الجد يوسف كانت العوايل مجتمعه على العشاء
وكان كل يوم اربعاء يتم هالأجتماع العائلي ..
طبعا البعض يحسون نفسهم غير مرغوبين بهاللمه الأسريه والود ودهم ينتهي اليوم عشان يروحون لبيوتهم..
اما الباقي فكانوا يتمنون لو اليوم يطول عشان يستمتعون بهالجو العائلي اللي نادر مايصير فيه اجتماع الكل
ماجد شوفه شوفه..كيف ماسك عبدر الرحمن بأيده..ياخي خله يتنفس ..حشى...والله لو واحد من عيالك كانت
ماسويت له اللي تسويه بهالعبدالرحمن..
سلطان ياخي أيش عليك أنت..خل الوالد على راحته...واقف له على الحبه...
ماجد أيه أنت شعليك..الطفل المدلل وأخر العنقود..شتبي أكثر من كذه..انا مدري شمسوي لكم هالــ عبدر الرحمن
عشان تحبونه هالكثر..!!ياخوفي أنه ساحركم وانتوا ماتردون...
سلطان أستغفر الله العظيم من كل ذنب عظيم...ياماجد أذكر الله..شالكلام اللي تقوله..ولا وهذا أنت أخوي الكبير
تقول هالكلام أجل أنا ماأشره على البقيه...!!
وحب يغير الموضوع..
الا أقول شخبار سماح..وافقت والا لا!!!
ماجد أووف لاتذكرني بهالبنت..مدري على مين طالعه عنيده..الولد بيروح من أيدها وهي جالسه تتفرج...
حاولت فيها كذه مره بس مش راضيه تقتنع ..حتى أمها زهقت وهي تقنع فيها...
سلطان طيب أيش رايك اكلمها يمكن تقتنع..!!
ماجد ليه أحنا مانكفي..!!
سلطان بخاطره مو هذا البلاء أنت وزوجتك..
سلطان لا أنا قصدي يمكن تسمع مني...هي محاوله لا أقل ولا أكثر...
ماجد والله تسوي فينا خير ياسلطان ..
سلطان خير أن شاء الله
ماجد..الأبن الثاني للجد يوسف بشتغل في شركة ابوه العالي للعطور العربيه متزوج من بنت خالته مريم
سلطان..أخر العنقود طالب في جامعة الملك فيصل

كانت جالسه مع جدتها..وتسمع سوالفها..وكل ماتخلص سالفه تلعوزها عشان تقول لها سالفه ثانيه..
طبعا الجده ملت من هالبنت الشيطانه بس زي مايقولون عمك أصمخ ..والبنت عنيده وراسها يابس.
هذه جمانه عمرها 18 سنه بتدخل هالسنه ثانويه عامه
بنت حبوبه وتموت في شي أسمه سوالف أول وخصوصا سوالف الجد وحركاته الغراميه مع الجده...
المسكينه تفكر أن زمان أول بعادته وتقاليده مثل هالزمان اللي مايعرف شي غير الماده..
ماتدري أن زمان اول كانوا يحكمون الناس بطيبة قلوبهم ومبدأهم هو الوفا اللي يحطونه تاج
على روسهم...
أيه نسيت البنت عنده هوايه ثانيه...وهي تحب الرياضه وخصوصا كرة القدم ومن مشجعين المنتخب السعودي وأولهم نواف التمياط...
الجده ياجمانه ..والله ذبحتيني ..هلكتني...عورتي راسي..ماصارت ذي أسئله...خلاص..روحي مع البنات...
جمانه جدتي..حبيبتي أنتي.بس وحده..سالفه وحده بس..وبقوم..تكفيييييييييين تكفييين....!!!
الجده جمانوا.وبعدين معك..قلت لك خلصت السوالف..فكيني...
جمانه لالالا..أبي أسمع سالفة جدي وهو راكب الحمار...
الجده حسبي الله على بليسك..هالسالفه ذي بالذات عدتها لك ألف مره...
جمانه تكفين أخر مره..صدقيني أخر مره..
الجد يابنـــات...ياسميه روابي أبتسمام ...وينكم تعاولا خذوا مني هالبنت والله لأذبحها...
أبتسام عجوز العالي...شمسويه بجدتي...

جمانه وهي ترفع شعرها من عيونها نعم...شتبين أنسه أبتسام...هذا شي بيني وبين جدتي ماأبي أحد يتدخل فيه...
أبتسام أوكي..جمانه..بس بعدين تعالي وقولي لي..وين الصور...اللي من الوليد....
جمانه وكانها تذكرت شي كبير وفزت من مكانها حبيبتي عمري قلبي بنت خالي...أنا اصلا ماأقدر أزعل
هالقمر..خلاص حبيتي هذاني قمت وسمعت الكلام بس تكفين الا الصور...
ابتسام أيه تسنعي بنات مايجون الا بالعين الحمراء...
الجده صج ماتستحين يابنيه ..وأنا اللي من زمان ارتجاك تقومين ماقمتي...
جمانه شكلها العجوز خرفت..
وتوها الجده بتمسك العصا عشان تضربهم الا أمسكت جمانه يد ابتسام وأنحاشوا..
ابتسام عمرها 25 سنه مخلصه كليه وجالسه في البيت تبحث عن وظيفه...
أخت يوسف والوليد
.

كانت جالسه معهم في الصاله وتسمع كلامهم اللي يقطع القلب قطعه قطعه...ياما تناقشت معى أمها وفهمتها
الوضع ..لكن طيبة أمها وحنيتها..خلتها حتى تنسى كرمتها المهزوزه...
وهذا حالها هي مع أمها ...كل جمعه تصير أضحوكه للكل من كبيرهم لصغيرهم هذا غير الحش اللي ورى
ظهورهم..
كثير تستغرب ..وتسأل نفسها ..ليه أمها ماترد عليهم..!!
ليه ماتصير شخصيتها قويه مثلهم...!!!
وليه هي غير عن البنات..!!
ليه دايم تحس بالمذله وهي تسمع سوالفهم..!!
ليه ماتحس بالأمان وهي عند أهلها..!!
معقوله....!!
اذا ماشفنا الأمان عند أقرب الناس لنا!!!اذا مالمسنا هالخصله فيهم....!!
وين نحصله..!!
وين نلقاه!!!
وعند مين نشوفه..!!!
عند شخصية الأب اللي كلمته تطيح بالأرض قدام أخوانه..!!!
والا عند الأم الحنونه ..الي غلطتها بهالدنيا كلها أنها أجنبيه...!!
والاعند الأخ الأناني...!!
وش هالدنيا هذه!!!
وأيش الجرم اللي أرتكبناه عشان نكون أحقر الناس...!!

هذه هي راوين ..
العمر 20 سنه طالبه في جامعة الملك سعود تخصص علوم طبيه
حزينه ..كئيبه ..ولكن هناك نور يشع من قلبها الصافي...
هناك حب عذري يتاميل ويطرب أعذب كلمه قيلت للمحبين...

مريم أها..وبعد مدام نور..وش تسون اذ رحتوا الهند...
لطيفه يعني وش بتسوي بعد ...!!أكيد بتشتري لها ذاك الكريم اللي يطول الشعر..ماتشوفين كيف شعرها غادي
طويل كل ماتروح الهند...ههههههههههههههههه
نور بطيبة قلب هههههههههههه ياحليلكم شكلكم تبون مثلها..والا منقهرين من شعري صح!!!
مريم بتطنز ههههههههههههههههه مين اللي منقهر...!!أحنا!!! وأشرت على نفسهاههههههههه ظحكتيني
وأنا مالي خلق أضحك
يانور...
الجده وبدت تعصب من حريم عيالها بس يابنات...ويالله قوموا حطوا العشاء لرجالكم...أكيد اللحين ميتين
جوع...وتعالي ياهند أبيك بالغرفه
هند أن شاء الله يمه...
دخلت هند الغرفه وهي عارفه وش السالفه اللي تبي أمها تكلمها عنها..
.
ولمحت أبتسامة سخريه من مرت أخوانها مريم ولطيفه وشافت الراحه في عيون نور وشيخه بس أسكتت
عشان تبعد الشر والمشاكل لأنها مش ناقصه اللي فيها كافيها..
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -