رواية تعبت اشكي -21
ساره أنشــاء الله
فيصل آميــــــــن
خالد ول من قلب شكلك تقولها
فيصل بابتسامه أكيــد من قلب...
العنود ماقالولك يمه ليش بيزورنا!!
أم حنين لا والله يابنتي...بس أحس أنا جيتهم فيهاشي!!
العنود الله يستر...أهل أبوي ماوراهم الا المصايب
أم فيصل عيب يالعنود لاتقولين كذه وبعدين أم فيصل طيبه..وغير عنهم ..........بروح
أسوي الشاي والقهوه مابقى شي على المغرب...
العنود نفسي أدق على ريم وأعرف ايش سالفة الهديه!! بس مش متجرأه حتى أرفع سماعة التليفون..اخاف لافي يكون موجود جنب التليفون..بس والله ماني قادره !!الفضول ذابحني...ياترى اذا شفته مره ثانيه ..وش بيكون موقفي اتجاهه بعد سالفة الهديه...شكلي بروح فيها اذا شفته...
لافي آآآه يالعنود ..ياترى الحين ايش تسوين تذاكرين والا جالسه مع الأهل!؟ والا
نايمه!!؟ودي أدق عليها وأشوف ايش رايها بالهديه..بس مش قادر ...أخاف يزل لساني
...وتستحي أكثر من أول....ياربي ساعدني...
خلاص بكلمها واللي يصير يصير...ورفع السماعه وأول مارفعها سمع
صـــوت
يــاترى صوت مين!!!!
بيت بو متعب
أم متعب هــا شلونك ياروابي ..وشلون العيال ونايف!؟
روابي الحمد لله يمه العيال بخير ونايف يسلم عليك..
أم متعب طيب ليه ماخليتيه ينزل هنا
روابي شوي وبيجي راح يسلم على أخته
متعب ويناظر روابي أحــم..
روابي أيــه صح يمه صج اللي سمعته متعب يبي يتزوج !!
أم متعب أيــه يبي يتزوج ...بس هو الله يهديه مايبي غير حنين..
روابي ونعم الأختيار والله وعرفت تنقي ياأخوي..
متعب أيــه بس أمي مش موافقه
روابي صحيح يمــه أنت مش موافقه على حنين
أم متعب أيــه مش موافقه..
روابي ليــه يمه حنين شيخة البنات وأحلاهم ماشاء الله عليها ربة بيت ممتازه
يكفي أنها قايـمه بأخوانها..
أم متعب أدري أنها ربة بيت وأخلاق وكل شي لكن أنا مش موافقه عشان فيها شي
شين أنا رافضه لأنها بعد ماتتزوج مين بيصرف على أهلها غيرها..وبعدين أنت قلتيها
بنفسك هي اللي قايمه بالبيت ..
روابي ومستغربه من قسوة امها اللــه يايـمـه عشان كذه أنت رافضه..أصلا هذا
مش سبب مقنع وبعدين
لاتنسين أن ربك هو اللي يرزق عباده ,,وأهل حنين مش ضايعين بعد ماتتزوج..
أم متعب ولو أنا رافضه هالشيء لأن أخوك هو اللي بيحتاس وبيتعذب..لأن المسؤليه
بتطيح عليه بعد.
متعب انـــا راضي بكل شي ..مهما كان..وبعدين البنت بتدرس لأن هذا شغلها
اللي هي تبيه ومستحيل أمنعها عنه..واذا ماانت برضيه يايمــه على حنين أنا بطيعك
ومش متزوجها ولا متزوج غيرها..قال هالكلام وطلع لغرفته
أم متعب شفتي كيف الولد متغير!! أنا مدري ايش مسويه له فيه هالـحنين
روابي يمــه حتى أنتي الله يهديك تنرفزين الواحد..هذا مستقبله وهو أحرص فيه منك
..يايمــه الله يخليك خليه يتزوج حنين والله بيسهل عليه الله مستحيل يترك عباده ...
وبعدين زي ماقالك هو بيخليها تدرس يعني مافي أي صعوبات على زواجه..وأنت تدرين
...ولدك اذا ماتزوج حنين يسويها ومايتزوج غيرها...شوفي أنتي فكري بالموضوع مره
ثانيه.
.لين متى أخوي بيجلس عزابي
كثيير متزوجين وعندهم عيال
...ماتبين تشوفين عيال متعب..يكبرون بين أيديك ..ماتبينهم يقولون لك يا جده..ماتبين
تحضينينهم وتقولين هذا من ريحة الغالي...فكري يمه ..فكري مره ثانيه...
العنود الــو
لافي الو
العنود مستغربه لافــي
لافي مستغرب العنـــــــود
العنود كيف أنت على الخط بدون رنه!!؟
لافي وانا بسئلك نفس السؤال لأني أنا مادقيت على بيتكم!!؟
العنود غريبـــه.....
لافي شكلك أنتي كنتي تدقين علينا وانا رفعت السماعه لأني بدق عليكم...
وتـــوها حست أنا اللي أتكلمه لافي حبيب قلبها وتذكرت سالفة الهديه وانحرجت
وأسكتت
ونفس الشي لافي توه أستوعب أنا اللي تكلمه العنود..ونفس الشي أنحرج وسكت
وظلوا دقايق ساكتين
لافي أمممم بتطولين
العنود على ايش !!!؟؟
لافي وأنت ماسكه السماعه وساكته
العنود أنحرجت زياده ..........طيب ليش أنت ماتتكلم
لافي لأنك انتي اللي دقيتي..
العنود طيب حتى أنت كنت بتدق....أيش كنت تبقى!!
لافي وماعرف ايش يقول ....أعجــبـ ـــتــ ــك الهــديــه
العنود ....................ايه أعجبتني ...........مشكور...
واسكتوا مره ثانيه
لافي طيب امم.......احد عرف عنها!!!
العنود ...ايه حنين...درت عنها.......
لافي أكيــد عصبت صح!!
العنود بتسرع لابالعكس
لافي بابتسامه يعني أفهم من كلامك أنها فرحت فيها...
العنود .............................ايــه
لافي ممكن أسأل سؤال!!
العنود تفضل
لافي ليــه أفرحت فيها!!!؟؟
العنود .................لأن ...لأن.....وغمضت عيونها لأنها خلاص وصلت لقمة
الأحراج..وأسكتت للمره الثالثه
وعرف لافي أنه الأجابه تحرج شوي عشان كذه قال لها خلاص اذا ماتبين تقولين عادي
لاتقولين المهم أن السالفه عدت على خير,,ومااحد درى عنها غير حنين
العنود ..........طيب
لافي اوكي العنود تامرين على شي قبل ماأسكر..
العنود ...لا مشكور
لافي طيب أممممم أتنبهي على نفسك ولا تتحركين كثيير عشان رجلك ماتعورك...
وأي خدمات أنا حضر عشانـــك أنــــــــــــت بــس
العنود ...........مع السلامه لافي
لافي الله يحفظك ..وسكر
وقعدت العنود الخبله تتحسس في وجهها وتشوف حرارة جسمها...
العنود..........ياويلي ياويلي أنا مااقدر على هالكلام ...ياربي أحس جسمي
نـــــار أحس بحراره ...زين أني كنت أكلمه والا لو شايفني بيمووت ضحك
على شكلي....بس والله جريء الولد...كله ولا كلمة انتبهي على نفسك ..ياربي يخاف
علي..ياربي تحفظه لي من كل شر ...وتخليه لأهله ,,,,ولي
سيارة فيصل
ساره فيصل شوي شوي بنصدم,,توه الوقت بدري
فيصل ولف على ورى عشان يكلم أخته ايش بدري الله يهديك صلاة المغرب مخلصه من
زمان
أم فيصل ساره أسكتي عن أخوك شوي بنسوي حادث
فيصل لا أنشاء الله مافي حوادث...ساره ماوصيك على حنين جلسي جنبها وعرفي كل
شي عنها أوكي..
ساره أنشـــاء الله على هالخشم
بيت بو متعب
العنود بتحطين مكياج !!
حنين لا أنا احب اكون بسيطه...
العنود طيب هذه أول مره يدخلون بيتنا لازم نتكشخ لهم
حنين حبيبتي الجمال في البساطه وأنا أحب دايما أكون بسيطه
العنود في هذه أنت صدقتي ..طيب ممكن تطلعين عشان أبدل ملابسي
حنين من عيوني بس خليني أحط الكحل
حنين كانت لابسه بلوزه حمره وعلى الأكمام فيها سحابات سوده..وتنوره لونها أسود
ممزوجه بقماش الحرير الثقيل والدانتيل المطرز
على فكره حنين تحب اللون الأسود بجنون لازم كل بدله فيها اللون الأسود
أما العنود فقررت تلبس بدله برتقاليه أكمامه طويله وقماشها يتكون من قطعتين لأنه
شفافه..وتنوره بيضه جينز لونها ابيض..وفيها على الجنب جيوب برتقاليه
طبعا العنود تحب تتفن بالمكياج وخصوصا منطقه العيون لكن هالمره ماحطت غير شدو
برتقالي فاتح
فيصل متى تبوني أخذكم
أم فيصل أحنا بندق عليك مش مطولين
فيصل خذوا راحتكم أهم شي يخلص موضوعي..ساره لاتنسين اللي أتفقنا عليه
ساره أنشاء الله
ونزلوا من السياره ودخلوا البيت بعد ما طقوا الجرس..وأستقبلتهم أم حنين ودخلتهم غرفة
الحريم لأنها كانت راقيه نوعا ما بالنسبه للبيت
أم حنين ياهلا من زارنا تو مانور البيت
أم فيصل اله يحيك ويبارك فيك ..عسى ماضايقناكم وعطلنا أشغالكم!!
أم حنين لا ياأم فيصل البيت بيتك ..وأي وقت تبين نزورينه فيه تعالي حياك الله نشيلك
بعيونا
أم فيصل الله يخليك يارب
ودخلت في هذا اللحظه العنود وسلمت عليهم بعدها دخلت حنين وأول ماشافتها أم
فيصل عطتها ذيك الأبتسامه اللي تهبل لأنه فرحانه فيها وتتمناها توافق على فيصل
حنين هلا عمه شلونك ..
أم فيصل الحمد لله حبيتي أنت شلونك عساك طيبه
حنين انا بخير وعافيه الله يسلمك
وجلست ماسكه أيدها وحنين أنحرجت ودها أتفك أيدها بس مستحيه من الموقف اللي
أنحطت فيه.وبعدها أنتبهت أم فيصل أنا لحد الان ماسكه أيد البنت حررتها وراحت حنين
تسلم على البقيه
الأخت سوزان مش عاجبها الوضع وجلست تطالع الغرفه اللي جالسين فيه باستحقار
كأنها تقول أيش العيشه اللي عيشيينها!!!؟وانتبهت عليها العنود وودها أذبحتها ذيك
اللحظه بس مسكت نفسها..عشان ماتسوي مشاكل...
وبعده بربع ساعه خذت حنين البنات وجلستهم في الصاله عشان ياخذون راحتهم في
الكلام
لكن الآ نسه سوزان رفضت تروح معهم وقالت العنود في خاطرها أبركها من ساعه...
وجلسوا النات يسولفون مع بعض في كل شي
حنين علومك ياساره يالقاطعه
ساره شوفــي شوفــي الصراحه كلنا قاطعات وقليلات الأدب ومانستحي على
وجهنا
العنود في هذه الصراحه أنتي صادقه كلنا قاطعات...
ساره المهم ماعلينا من اللي فات أحنا عيال اليوم...
حنين أي والله أحنا عيال اليوم
ساره أيه صح أنا من وأنا صغيره ماشفت عمي ..هو الحين وينه!!
وعم الحزن في ارجاء المكان وصارت الكلمات منسيه بليا حروف وانرسمت الكآبه على
وجهم بعد ماكانت الأبتسامه ماتفا رق شفايفهم...كل هذا بسبب خيال أبوهم اللي
أقتحم عالمهم الصافي.....
ماتدري حنين وش تجاوب ساره !!هل تقول لها أبوي من فتره طويله ماندري عنه
ولايدري عناوالا تكذب عليها كذبه عشان تطلع من الموقف ..
لكن العنود تداركت الوضع وردت على ساره
العنود أبوي مشغول هالأيام
ساره اسكتت لأنها تذكرت سالفة أبوهم وغيابه المستمر وطلاقه من أمهم ..
وبعده بنص ساعه جاء فيصل ياأخذ الأهل لأنهم دقوا عليه وأنجزوا المهمه اللي جايين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك