رواية تعبت اشكي -23
فيصل وين نحصله
أبو فيصل بابتسامه خبيثه لاتخاف أعرف مكانه
فيصل شوفوا أنا أبي اذا ردوا يكون كل شي جاهز...أبي كل شي بسرعه....
أبو فيصل ويــه الولد مستعجل
وقطع كلامهم صوت تليفون فيصل..وكان المتصل ...أكيد عرفتوها صح!!!وأول
ماشاف الأسم كشر بوجهه
فيصل وهو مرتبك أستأذن...
أم فيصل أذنك معك
فيصل بصوت واطي هلا حبــي
لينا هلا فيصل أنت وينك من زمان عنك
فيصل أي من زمان الله يخليك توه من قبل يومين كلمتيني
لينا أنا موقصدي هذا الشي أنا قصدي من زمان ماجييت لعندي
فيصل تدرين ياعمري ظروف وشغل وحوسه...
لينا انا عاذرتك بس يافيصل أنت كثيير تغيرت أول كنت كل يوم أسمع صوتك
وأشوفك كثيير والحين بالمووت أسمع صوتك
فيصل معليش هالأيام انا مرره بالي مشغول
لينا بأيش بالك مشغول
فيصل بالشغل في غيره..أوكي لينا..بروح للأهل عشان مايشكون ..أوكي
لينا أوكي بس تكفى حاول تجيني أبي أشوفك
فيصل انشاء الله يالله باااي
لينا باي
لينا:الله يسلمكم هذه حبيبة فيصل من زمان وهي بنت متحرره شوي وساكنه عند
خالتها التونسيه..لأن أمها وأبوها متوفين في حادث سياره..أمهاتونسية الأصل
وماعندها غير أخت وحده اللي هي خالتها صفاء..وأبوها سعودي
الجنسيه...ومقطوع من شجره ويوم تزوج أبوها من التونسيه جات معها أختها ..يعني
ماعندها غير خالتها صفاء وخالتها
طلقها زوجها لأنها عقيم ماتجيب عيال...
اتصلت أم حنين بيت أخوها ورد عليها لافي وطلبت منه يودي العنود المستشفى وطبعا
هو ماصدق خبر وأستئذن من أهله و على طول جر ريم أخته معه لأنها تنفع في هذه
الحالات<<طبعا تعرفون أي حالات
وبعد نفس الشي أخته ريم ماصدقت خبر وعلى طول لبست العباه وركبت السياره
وراحوا لبيت عمتهم,,وكانت العنود جاهزه وتنتظرهم مع أخوها عمر لأن حنين
حالتها النفسيه زفت ومالها خلق لأي شي وساد الصمت في السياره لأن كل شخص
منحرج من الثاني
العنود منحرجه من لافي
وريم منحرجه من عمر
حط لافي شريط عشان يغير الجو وكانت الأغنيه لــ عبد الله رويشد طمني
وهذ الأغنيه بالذات تموت فيها العنود
وقاموا الشباب يدندنون مع الأغنيه <<من قدهم حبايبهم معاهم
وأخيرا وصلو ا للمستشفى والأخت العنود تمشي بالعكازات
جلسوا البنات على الكراسي ينتظرون ملف العنود
وجاء أسم العنود ودخل معا عمر وريم
فتحت الممرضه الجبس والعنود ساكته ماقالت شي بس يوم جابت المطهر عشان
تنظف الجرح..صرخت العنود في وجهها وضربت أيد الممرضه
الممرضه المصريه وبعديــن
العنود وبعدين يصكك أنشاء الله
الممرضه يعني أيه..بيبي بتخافي من المطهر....اذا استمريتي كده بدون تنظيف
حتتجمع الجراثيم حول الجرح
العنود ياعل جراثيم تتجمع في ضلوعك
الممرضه ايه ده أيه ياعل تتجمع في ضلوعك..
العنود والله أنك بريعصي
وهنا عمر وريم ماتوا من الضحك على العنود......بس أكتموها عشان خايفين
ياخذون تهزيئه والا طقه من العنود
الممرضه ولفت على عمر وريم هي بتخرف وتقول أيه!!
العنود أنا مخرفـــه يــا وتوها بتتكلم الا قاطعها عمر وقال
عمر ااااا ولا شي هي تعرفين البنت شوي تعبانه من رجلها والمدرسه بس ماعليك
منها..المهم يلاشوفي شغلك
كملت الممرضه شغلها..وحصلت كم ضربه من العنود..وكم صرخه
منها.وبالموووت
قدرت تنظف لها رجلها..وحطت الشاش لها,واخيرا خلصوا وركبوا السياره
وقالوا
لــ لافي السالفه كلها.وأول ماسمع السالفه أنفجر من الضحك على
العنود لأنه
يدري أن ماينخاف عليها وتاخذ حقها مرتين
لافي هههههههههههههههههههههههاي ههههههههههههههههههههاي كلها هذا
سوته العنود في الممرضه والله أنها مسكينه ههههههايبس والله عرفتي يالعنود تاخذين
حقك منها........
ريم لا وأسمع قالت العنود للممرضه والله أنك بريعصي..وقالت الممرضه هي بتخرف
وبتقول أيه هههههههاي
عمر من جد يالعنود والله أني ماسك نفسي أخاف تفهم الممرضه أن أنتي تسبينها
وتشتكي علينا ونروح فيها بس الحمد لله الله ستر .. بس والله أنتي شي ههههههههاي
العنود أيه ضحكوا علي ياللي ماتستحون ياعل تضحكون بليا ضروس..
ريم عســــــــــل والله عسل على قلبي..المهم أنا أحنا جننناك شوي
العنود وشوي بتصيح أصلا أنتوا ماتحبوني وتبون أي فرصه عشان تغايضوني
لافي لالالالالالالا الا هذه وقفي عندها ستوب أحنا بس نمزح معك..
العنود واضـــــــــــح
لافي يالله عمر ريم أعتذروا من العنود والا والله لأغطكم بالشارع
عمر لا تكفى نعتذر لها ونحب راسها اذا تبي بعد
العنود مابي تحبوني أخاف أتجرثم زياده وانا ماني ناقصه جراثيم
ريم ويــــــــــه أبركها من ساعه.....يعني أحنا اللي ميتين عليك
العنود طيب ياريم أحسابك بعدين
عمر أقول اذا عندك كلام لــ ريم قوليه قدامي موبعدين
لافي لا والله
عمر أيه عادي ريم بنت خالي ..صح ريم
ريم بكل دلع صــح
المهم كملوا طريقهم بسوالف وضحك وشوي زعل وشوي أحراجات لمن وصلوا
البيت
ونزلت ريم مع أخوها عشان يسلمون على عمتهم,,بعدها أستئذنوا وطلعوا لبيتهم
اليوم الثاني
أم حنين قصدك تبين حنين لـــ متعب
أم متعب أيــه والا مش عاجبك
أم حنين لا أبد بالعكس مش محصلين أحسن متعب بس لازم أشاورالبنت أول
أم متعب هذا أنا قلت لك..وردوا علينا خبر لا تتأخرون..يالله مع السلامه
العنود يمــه صج اللي قلتيه
أم حنين وش قلت
العنود أن متعب يبي يخطب حنين
وتوها بتتكلم الا سمعت صوت شي قوي طايح..ويوم لفوا عشان يشوفون وش اللي
طاح شافوا حنين مرميه على الأرض ومغمى عليها
الجزء الخامس عشر
بأعلى صوت حنين
راحت..أمها لها وأسندتها على حضنها وضربت خدها عشان تصحصح
أم حنين يمــــه حنين حبيبتي قومي
حنيــــــــن..قومـــي..حنين الله يخليك قومي..خلاص مافي لافيصل
ولا متعب بس أصحي حبيبتي..أنا أمك اللي تحبك قومي يايمه قومي
العنود بسرعـــه جيبي عطر .................
وقامت العنود.. بخطوات سريعه ونست أن رجلها مجبسه وتألمها بس كل شي يهون
لأجل جنين..وبعد ماجابت العطر رشت رشه في يدها وقربتها لــحنين
..وبعد لحظات صحت حنين...
أم حنين وهي تصيح من الفرحه الحمـــــد لله الحمــــــد لله
العنود حرام عليك حنين خرعتينا عليـك..
حنين ودموعها لسه في عيونها وهي تمسك راسها شسالفه !!شفيكم!!
أم حنين مافينا شي حبيبتي..بس أنتي طحتي علينا وأغم عليك
وفي هاللحظه تذكرت حنين ليه أغمى عليها !!وزادت الدموع اللي في عيونها
العنود بحسره على أختها حنين ليــه هالدمـــوع!!
حنين يمــــه
أم حنين عيون أمها قلبها..
حنين ..................أنا سمعت كل شي..........
أم حنين ماعليك منهم يايمه اللي تبينه سويه..ومالهم دخل فيك
العنود وطز فيهم كلهم أهم شي راحتك....
حنين بـــس
ام حنين أش أش ولا كلمــه قومي الحين من حضني والا عجبك الوضع وجلسي
على الكنبه وأنا الحين بروح أحطلك الأكل
حنين مالي خلق ومش مشتهيه أي شي..
العنود على كيفك هو ...لا ياماما غصبن عنك بتاكلين.وأبتسمت العنود .وأنا معك
اذا تبين...تراني ضيف مرغوب فيه
حنين بابتسامه باهته خلاص مدام العنود بتاكل معي أنا موافقه
أم حنين طيب يالله قومي ياقلب أمك أنت وجلسي في الصاله وانا بروح أحضر
الأكل
وقامت حنين من حضن أمها وأول كنبه في الصاله شافتها جلست عليها
العنود حنونه تكفين بلاش هالتكشيره والألم اللي في ملامحك أبتسمي شوي
حنين بابتسامه أنشاء الله ......أحاول
العنود حنين ممكن سؤال!!
حنين سألي!!
العنود ..لهدرجه!!طحتي علينا عشان ماتبين تتزوجين
حنين لا يالعنود مش هذا المقصد أنا عشت هاليومين أقصى أنوع العذاب..
كنت أفكر..أفكر كثيير لدرجة أنا الدم تجمع في راسي من كثر التفكير وصار ظغط
قوي جدا..وطبعا زي أنتو ماتشوفون كنت صايمه طول اليوم ماأشرب غير
ماي..
العنود أها وأنا أقول أشفي البنت ضاعفه...
حنين وهذا اللي هامك .
العنود لا طبعا بس والله أمي جلست تحاتيك وتفكر فيك حتى أنها تلخبطت وماقالت
لأم متعب أن فيصل خاطبك من قبل
حنين وبعد تنهيده آآآه بـــس
العنود سلامتك من الآه
حنين الله يسلمك
العنود طيب أسمعي ليه ماتخذين متعب تراه شاب مزيزن وطيب وشخصيه..على الأقل
أحسن من هالــ فيصل اللي مانعرف عنه شي !!!
أم حنين لا والله
العنود ماشاء الله عليك ياأمي سمعتينا!!
أم حنين أكيد سمعتكم المطبخ قريب من الصاله..وبعدين لاتنسون أن أن فيصل خطب
قبل متعب يعني هو اللي له الحق برفضه أو قبوله
حنين طيب انتي ياأمي الله يهديك قلتي لأم متعب شي ثاني..
أم حنين شسوي والله أن من الصدمه ماعرفت أتكلم ...تلخبطت..ونفس الوقت
أتفاجئت
حنين طيب والحل!!؟
أم حنين خلي سالفة خالتي علي بكلمها وبشرح لها الوضع وبقول لها اذا مافي نصيب
لــ فيصل خلي متعب يتقدم مره ثانيه...
حنين الله يستر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك