رواية ملاك وعيونها هلاك -24


رواية ملاك وعيونها هلاك - غرام

رواية ملاك وعيونها هلاك -24

ملاك: كرامتي فوق كل شي ماسمعتي اغنية صابر الرباعي الي فيها مقطع يقول

عزة نفسي

ماتسمحشي

انسى جرحي

واركض ليك

والله لو اموت ماارجع له الا لو صارت معجزه

منيره: سبحان الله على كثر ماتحبينه مستحيل ترجعين له

ملاك: مستحيل


فيصل بالحمام الله يكرمكم

غسل وجهه

فيصل في نفسه: جوش ليش وش يبي فيها لا يكون بيسوي مثل الي سواه باليزابيث...بس هي الي راحت عنده ملاك..مااظن انهاراح توافق انها تكون حبيبته عشان الفلوس اكيد انه عارف هالشي ...اوووف ياربي والله القلق صدق لازم ماتغيب عن عيني ولا لحظه بس وشلون

وصار يفكر بعدين حس بدوخه وكان بيطيح بس تمسك بالغساله وحس بالم في صدره بس تجاهله

وتوازن من جديد

فيصل: الله يستر بس

وطلع راح عند انجلا وهو عينه على ملاك

انجلا: دادي وش فيك؟؟

فيصل جلس على الكرسي وحط راسه على الطاوله

انجلا: دادي

فيصل رفع عيونه وصار يطالع فيها

انجلا: دادي وش فيك؟؟

فيصل رجع ظهره على ورى ((جلس زي الناس ))

تنهد

وحط يده على الطاوله وهو يتالم

انجلا بخوف: دادي من اول أبي اسالك وش في يدك كذا؟؟ هذي مكسوره ..ليش مارحت للمستشفى؟؟

جون: بس ماابغى

انجلا: وشلون ماتبغى يدك مكسوره انا عارفه المها فضيع وماينتحمل..... الالم مستحيل احد يقاومه

جون: اكذب عليك ان قلت هي ماتعورني الا تموتني

انجلا: طيب ليش ماتروح ؟؟

جون: انجل

انجلا مستغربه: وش فيها؟؟

جون: هي الي قالت لي مااروح؟؟

انجلا: هذي مجنونه وانت بعد مجنون انت عارف انه يمكن باي لحظه تطيح ويغمى عليك لان عندك نقص بالدم وراسك ماراح يوصله دم ضغطك بينخفض

جون: بس بس خلاص

انجلا: يعني بتروح؟؟

جون: لا

انجلا: بس..

جون (قاطعها) وبابتسامة خبث: الا اذا وافقت انجل

انجلا: وينها؟؟

جون: هناك

واشر على طاولتهم

انجلا: عشان كذا عينك على الطاوله طول الوقت ...طيب انا راح اخليها توافق لو بالقوه

وقامت

جون: تعالي امزح معك تعالي

ولحقها

نوره عينها عليهم من اليوم وهي مستغربه من هذي الي معه

انجلا: هاي

الكل: هاي

انجلا: ممكن اعرف مين هي انجل؟؟

انجل: انا انجل

انجلا: توقعت انها انتي بس حبيت اتاكد

انجل: وهذا انتي تاكدتي ..وش تبين؟؟

انجلا: انا ابيك توافقين ان...

فيصل: هي ماتبي شي

ملاك لفت تطالع فيه

ملاك وقفت وعصبيه: انت وش جابك هنا؟؟

نوره: ملاك خليني اشرح لك

ملاك: تشرحين لي يعني انتم الي قايلين له اننا هنا

نوره: لا..بس

ملاك: لا بس ولا شي انا الغلطانه الي حسبت انكم صديقاتي وقلت لكم الي بقلبي

منيره: اللحين وش السالفه ..ومن هذي؟؟

ملاك: اكيد انها حبيه جديده لفيصل قصدي لجونثن ؟؟

انجلا: دادي وش قاعده تقول؟؟

جون: قلت لك لا تروحين بس ماتسمعين الكلام!!

انجلا: بس انا مارحت الا عشان يدك شوف كيف شكلها والسبه انجل هذي مو انجل هذي قوست ((يعني شبح))

فيصل صار يضحك

وضحكته تجيب العافيه

ملاك: اضحك اضحك انا اوريك وشو القوست يابعد حي الغلط مني انا مو منكم

وخذت اكياسها الكثيره

ملاك: باي

منيره: على وين؟؟

ملاك: على مكان ماشوفكم فيه

وتاشر عليهم كلهم

فيصل: بس انتي ماتعرفين شي هنا

ملاك: انا ماطلعت من بطن امي وانا اعرف كل شي بس ..راح اعرف ادبر نفسي

وراح وقف لها تاكسي وركبت

منيره: انت وبعدين معاك ..ترى البنت ماتحمل اكثر من كذا الي جاها منك يكفي بعد جايب بنت وش حلاتها قدامها وماتبيها تعصب وتزعل وحظرتك تضحك

فيصل: اول شي هذي بنتي

منيره ونوره: وشوووو؟؟

فيصل: بنتي الي ملاك زعلت مني بسبته

منيره: فيصل هذي كبرنا

فيصل: تمام يعني مو بنتي

نوره: صدع راسي بنتك ولا مو بنتك

فيصل بصعوبه: بنتي..ب..س..ب.ت..بني

منيره: فيصل وش فيك؟؟؟

فيصل حس بدوخه بس هالمره قويه وحط يده اليسار على الطاوله لان اليمين ماتتحمل ولا قدر يتوازن وطاح وطاحت الطاوله منيره صارت تصيح : فيصل..فيصل

ونوره بعد وانجلا

وهذا كله قدام ملاك الي تناظرهم من شباك السياره

ملاك: وقف..وقف

التاكسي:......

ملاك: ستوب..ستوووووووووب

التاكسي: اسف ما اقدر

انجل: كيف ماتقدر ياغبي وقف فيصل بيموووت

التاكسي: بس السيد يقول ممنوع

انجل: مين جوش

التاكسي: ايه

ملاك صارت تحاول تفتح الباب ماقدرت وتبي تكسر الشباك يدها عورتها وصارت دموعها تنزل وهي تشوف فيصل بهالحاله والناس متجمعين عليه

وفيصل المسكين مو قادر يوقف وهو فجاه طاح وش السالفه مايدرون حتى هو مايدري وش فيه جات سيارة الاسعاف بسرعه وخذته على اقرب مستشفى

ملاك: يارب يارب انك تحفظ فيصل يارب مايصير فيه شي يارب اللهم احفظ لي فيصل من كل سوء وانت خير الحافظين

وفي نفسها: غلطت ياجوش يوم انك تعاملت معي والله مايصير لك طيب وانا بنت ابوي


فيصل الا سعاف خذاه ووداه للمستشفى لاكنهم طلبوا نقله لمستشفى ثاني وباسرع وقت لان حالته صعبه وكان المستشفى الثاني مره بعيد بس انه احسن مستشفى والي تشتغل هناك إيفا فيصل بسيارة الاسعاف ومعه منيره ونوره وبنته انجلا

فيصل يهذي: ملاك ..ملاك..جوش خذاها ..ملاااك جيبوها جيبوها

منيره: طيب طيب يافيصل اللحين بتجي

الا شوي صار يصيح من قلبه الم فضيع في صدره ويصيح لدرجه البنات صاروا يبكون وهم يشوفونه بها الحاله ولا احد يدري وش فيه الين ماوصلوا للمستشفى

: نداء نداء الى الدكتوره ايفا حاله طارئه في قسم التنفس والرئه

إيفا جات ركض

شافت نوره ومنيره وانجلا وحست انه فيصل دخلت بسرعه وهي تتمنى انه مو هو

إيفا: جون ....وش صاير؟؟؟ ليش انت كذا؟؟؟...وش فيه؟؟

الممرضه: نزيف حاد في الرئه اليسرى...وانخفاض حاد في الضغط...وكسر مضاعف في يده اليمين

إيفا: يامجنون ...خذوه بسرعه على غرفة العمليات


وقفت سيارة التاكسي قدام قصر كبيرمررره ودخلت

التاكسي: انزلي

انجل: ماابي

التاكسي: انزلي ولا انزلك بالقوه

انجل: ماني ناازله يعني ماني نازله

التاكسي: طيب

ونزل فتح بابها وسحبها بقوة

ملاك: يالكلب ياحيوان وخر يعني يامال المرض وخررررر

بعصبيه: اتركها

ملاك ناظرت فيه

انجل: انت من سمح لك تاخذني هاه

جوش: اهلين انجل كيف حالك؟؟

انجل: حالي من حال فيصل رجعني

جوش: لفيصل ولا جونثن

انجل: الاثنين

جوش: لا

انجل: ليش

جوش: اولا شكل جون ماراح يعيش

ملاك : وشو؟؟؟ فال الله ولا فالك

جوش: ثانيا انتي ملكي

ملاك تذكرت كلام فيصل

انجل: انا ماني ملكك انا ...ملك جونثن

جوش عصب: لا مانتي ملكه ..انا اقدر اخذ الي ابيه

انجل: موب على كيفك

جوش قرب يبي يضربها بس ماقدر وهو يشوف عيونها ونظراتها الحاده الي ماتدل على اي خوف

جوش بهدوء: انتي منتي خايفه؟؟

انجل: لا وليش اخاف منك؟؟

جوش: وليش ماتخافين مني؟؟

انجل: بكل بساطه لانك مثلي...ولاني مومنه برب العالمين وهذا شي انت ماراح تفهمه

جوش بعصبيه: انا افهم كل شي كل شي

انجل: طيب اذا كنت تفهم ..افهم اني مااحبك ولا ابيك وانا مو من املاكك ..انا احب جونثن وانا ملكه انا زوجته فهمت ولا لا

جوش عصب: خذوها خذوها مابي اشوفها

: وين نوديها يالسيدي

جوش: بغرفتها

راحوا مسكوا ملاك

انجل: وخر انااعرف امشي

ومشت بكل تكبر وغرور بس هالشي بالنسبه لها ثقه بالنفس وهي ماره من عند جوش

انجل: ولي غرفه بعد ..اوكي بنشوف

جوش كان مره متنرفز منها بس مايقدر يسوي لها شي ليش؟؟؟ مادري!!!!


فيصل في غرفة العمليات

فيصل: وخرو عني ملااااك ابي اروح عندها

إيفا: عطوه مهدي

فيصل: لالالالالالا

إيفا: طيب اهداء

جون: طيب طيب بهدى بهدى

وغمض عيونه غصب عنه وصارت دموعه تنزل وتذكر اخر شي شافته عينه

ملاك وهي تصيح وتبكي تبي تجيه ولا قدرت

وحطوا الاوكسجين وماحس بنفسه الا وهو نايم

منيره: يارب تطلعه بالسلامه

نوره: يارب ..ملاك ..ملاك وينها

منيره: مدري ..اكيد لو درت راح تجي

انجلا: ابوي بخير؟؟

منيره: انشاء الله ...انشاء الله


ملاك اول مادخلت للغرفه وااااو وش ذا الغرفه جناح كامل

كانت الغرفه مررره كبيره والسرير مو كفي 2 ولا 3 لا كان مررره كبير يكفي كل الي في البيت ودائري كانت الغرفه مره حلوه

ملاك دخلت الحمام تبي تفتك من الخدم الي حوليها

اول مادخلت الحمام وانتم بكرامه طاحت على الارض وصار تصيح

ملاك: فيصل بيروح فيصل مات...ااااه يا فيصل ....والله روحي ترخص لك والله عمري كله مايغلى عليك.... اااااه يافيصل .....شوف ملاك وش صار فيها...شوف من دونك انا مااسوى شي...ااااه

وصارت تبكي من قلبها ولحالها

ملاك: والله ان رحت يافيصل لالحقك....ولا راح يطب فمي شي الين اشوفك

قامت وغسلت وجهها وطلعت وجلست في البلكونه

صارت الساعه 1 بالليل وملاك مثل ماهي بس دموعها تنزل وتمسحها لا قامت ولا تحركت

الا شوي دخل جوش

جوش: مساء الخير انجل

ملاك مانظرت فيه حتى

اشر للخدم يحطون الاكل قدامها

ملاك ناظرت في الاكل ولفت وجهها وصارت تناظربالسماء الي مزينها القمر والنجوم

جوش: ماتبين تاكلين

انجل: لا شكرا

جوش: ليش

انجل بحده: بكيفي ماابغى

جوش: طيب انا عندي لك عرض وش رايك اعطيك الي تبينه الي تبينه بشرط تتركين جونثن و...

انجل: ماابي منك شي

جوش: ايش؟؟

انجل: قلت ماابي منك شي

جوش: احسن وشلوا الكل موتي من الجوع ومصيرك راجعه لي

ملاك: في احلامك يالتبن

جوش: وشو؟؟

ملاك ناظرت فيه بحتقار ولفت وجها عنه

هو عصب وطلع

ملاك نزلت منها دمعه: فيصل وش اخبارك اللحين ؟؟؟يالله عساك بخير؟؟


فيصل للحين بغرفة العمليات

وبعد 12 ساعه طلعت إيفا

منيره: إيفا طمنيني

إيفا: نجحت العمليه

نوره: ليش طولتوا؟؟

إيفا: لان فيصل ماتخدر بسهوله كم مره كان بيموت والسبه عقله

انجلا: كيف يعني؟؟

إيفا: عقله فيه نشاط زايد يخليه ماينام ولا يتخدر بسهوله؟؟؟بس نجحت العمليه وبصعوبه

منيره: ملاك اكيد يانوره ملاك يفكر بملاك

نوره: ياربي ملاك وفيصل الله العالم وش بيصير بعدين يارب تحفظ ملاك لفيصل وترجعها يارب

انجلا ومنيره: يارب


: يمه يمه

: لبيه

: يمه انا خايفه على ملاك

ام سام: وليش يابنيتي ؟؟؟

سام: لي يومين وانا ادق عليها طول الوقت وجوالها مقفل وهند تدق وجود بعد الكل يدق وعبود وابوي والكل يعطي مقفل

ام سام: حتى انا دقيت وعطاني مقفل ..بسم الله على بنيتي ان شاء الله مايكون فيها الا العافيه

سام بخوف: ان شاء الله

ام سام: الا وش اخبار عبود؟؟

سام: معليه رايح لباريس كيف ماينبسط اكيد مستانس

ام سام: الله يرجعه سالم ويرجع اختك سالمة غانمه

سام: اميييين


: عبد الله الا قلي متى بتتزوج

عبود : بعدين بعدين

عزوز: انا أمي تبي تخطب بنت عمي ..لازم يكون زواجنا بيوم واحد

عبود: يصير خير يصير خير

عزوز: شف شف ...اووووف ياحلوها

عبود على طول لف

يتبع ,,,,

👇👇👇
أحدث أقدم