رواية بقول ولا تقاطعني -27


رواية بقول ولا تقاطعني - غرام

رواية بقول ولا تقاطعني -27

راضيه؟

نوف تبتسم بنعومه:شدعوه غبيه!..لاتنسى ان اهم شي انك لي ساء كلك ولا نصـك
الوليد أبتسم لها من قلبـه..يالله وش كثر يحبها والحين زاد حبه لهـآ..صدق اثبتت انها احسن زوجه ممكن الواحد يرتبط فيها طوووول عمره..ومهما يكون ماراح يفرط فيها


أول مادخلت البيت كانوا ام عبدالله وسلطان موجودين..جلسنـآ شوي انا كنت متغطيه بنقاب وطرحه..يآسلآآآم اقدر اتمقله..اقولكم وش شكله؟..ماأظن عاد انا اللي احبكـ قد وصفته لكم
شـوفوا هو طويل اعطيه 170 أو فوق ههههههه حسيته عملآق لان انا طولي اممم اخر مره قسته ميه وفي الخمسينات..حنطي..يعني مب أسمر مره..أشباهه نقدر نقول أعطيه شاعر ههه..يعني زي الامراء بس مب ابيضاني ..لالا..حنطي ومايل لـ السمار شوي..سكوكته سووووداه مررره خشمه طويل شوي مب طويل يعني حلوو بس مب احلى مافي خمشه..من رايي فمـه مره حلو شفايف كيف؟..اممممم..اللي تحت صايره مليانه شوي ثم اللي فوق طايحه عليها هههههههههه ..اقول خلااص العين تزني..بس والله اخر شي..عيوووووووووووووونه..آخ ياعيونه شي مب صااحي..احم امزح التفت علي..سويت نفسي اناظر التلفزيون..الا غريبه مارما على كلمه
لالا اكيد اللي قدامي مب سلطان..ودي اقوم واقوله بسررعه اعترف انت مين؟..ووش سويت بـ سلطان؟

أخرتها قررت اقوم بكرامتي لاني ماأبي اتهازء ابد من قبل هذا الانسآن


"ريـــم"
"قالت وهي شوي وتصيح..نظراتها على امها وأخوها"- وشـو؟؟..مستحيل اتزوج مااااااابي!..وبعدين شلون تزوجوني واحد متزوج
ام محمد:ريم ياقلبي..هذي وصية ابوك الله يرحمه..ولازم ننفذها
ريم:أبوي مالقى غير الوليد
ام محمد:ابوك له حكمـه أكيد
محمد واخيرا تكلم:ريم..اعقلي! هذي وصية ابوي..واللي انتي على بالك عاجبنا اننا نزوجك ولد عمي اللي ماصار له 3 اسابيع متزوج
ريم:خلاااص قلتوها!!!..هو توه معرس..انا مااابي افهمووني هذا زواج يعني عمر..مب يوم ولا يومين...وبعدين لوتطلقت من بيرضى فيني؟؟؟؟؟؟؟؟؟
ام محمد:بعيد الشـر
ريم:يمـه افهميني.."وشهقت"..الله يخليك انا مابي اتزوج انتي ادرى بحالتي
محمد عاقد حواجبه:وش فيك؟
سكتت ريم وطالعت في امها..تكلمت امها اللي تردد وجالسه تحسب الكلمه قبل لاتطلع:اختك..أ..امممم..ريم عندها عقده
محمد طالع اخته:عقدة ايش؟
ام محمد:كانت تخاف من السـواق!..وهي متعقده الحين من شي أسمه رجال
زاد بكـى ريم..طالع محمد فيها وجهها الطفولي البرئ مب هااين عليه..بس هذي وصية ابوه ولازم ينفذها من بعده..تقدم لـ اخته:ريـم!..ان وافقتي على الوليد..والله العظيـم لك مني اني انا بصير لك أبو واخو..وأحل المحل اللي مفروض الوليد يملآه بس عشان خاطري وافقي ولاتخيبين رجـآ ابوي فيك..ريم انتي ماتدرين وش كثر موافقتك بتريح قلبي..الله يخليك ياريم تكفين وافقي..وريحيني
طالعت في اخوها اللي اول مره تشوفه بهـ المنظر..شوي يجي يبوس يدها يترجاها..طالعت باللارض وطاحت دمعه:..................مـ موافقه!

"عند نـآس ثانيه"
- هههههه أيه من جد ولا جاي يقولي انه الحين خايف من زعلي مادرى اني ابيها من ربي
ضحكت بـ صوت خشن صار طبيعي مع الوقت:هههه والله انه مخفـه..هم كذا الرجـآل دآيم
قالت وهي تلعب بـ وحده من خصل شعرها:ودي القى صفه حلوه فيهم هالرجآل بس ماش ماقدرت القى ابد
- اقول حبيبتي اكلمك بعدين أخوي العله جاي
تأأففت:اخوك هذا لو مات اعرفي اني انا اللي ذبحته
قالت وهي تقاوم ضحكتها: الله يقويك.."تكلمت بهمس"..الا حبو متى اقدر اشوفك؟
قالت:امممممممم بلكن بكره اروح السوق
قالت بصوت اعلى من الهمس اللي تو:لاااا..ابي مكـآن.."بهمس مره ثانيه"..خـآص..يعني اقدر اخذ راحتي
ضحكت:أبشري في بيتنا..بس ادبر لك مكان..بايوو

"الوليـد"
- يعني محمد متى ناويه الملكه
محمد:بيكفك بس انا من رايي انك تعجل بها..وو بس عندي شرط ياخوك
الوليد ببأبتسامه صفرآ:امرني
محمد:أبيها بـ بيت لحالها
الوليد:بس انا يامحمد شاري فله كبيره..نص لها ونص لـ نوف زوجتي
محمد عورته كلمة زوجتي.آآه بس ليه يبه تبي تزوج ريم واحد متزوج..وأكيد انه مايبي ريم أكيد :خلااص حلوو..اجل نقول مبروك
الوليد:الله يبـآرك فيك..
محمد:ولا أقولك اسحبها
الوليد :ليه؟
محمد:خلها يوم الخميس يوم الملكه
الوليد حك راحة يده ورص على أسنانه..ليه يحس نفسه مغصوب..تذكر ابوه اللي اصر انه يجي معه..

ابو الوليد:ليش طيب خلني اجي معك؟
الوليد بسخريه:لاتنسـى يبه ان هذي مب اول مره اتزوج عادي اقدر اتصرف
ام الوليد وهي تبخره:وعسى ان تكرهوا شيئاً وهو خير لكم..مايندرىوين الخيره فيه


- اقول وليد وين وصلت؟
الوليد:ابد..بس افكر مب كن الخميس بعيد شوي؟
استغرب محمد من الوليد بس عرف انه يبيـه يعجل عشان ينتهي من هالعذاب النفسي
سأل بـ تردد:الوليد انت متأكد انك موافق على ريم؟؟..
طالع الوليد في محمد..وش يقول؟..يقول انا ماأبي اختك وانا احب زوجتي؟؟
محمد:وليد
الوليد:محمد انا استخرت ربي..واحس نفسي مرتاح ليش مكبر الموضوع؟
محمد:دري احسك مـ...مدري
الوليد ضحك:هههههههههههههه لاتقول مغصوب اسطرك ترآ
ضحك محمد بس مجامله:اجل خلااص متى ماتبي الملكه انا موافق بس ترا ريم ماتبي عرس ولا شي ملكه وتاخذه معك
الوليد انبسط من هالطلب مايتحمل يصير عريس والعروس مب نوف:ليش؟
محمد:صعبه ابوي توه متوفي..

"هيفـآ"
- من جدك امي صارت توافق على رواحتك لـ عبير
هيفا بكل ثقه:ايه..هذا بيت عمي الله يرحمه ولاتنسين ام محمد الى الان بالعده يعني لازم بناتها جنبها وبروح اساندهم
امل تقوم:ايه الله يقويك..
دت بتطلع
هيفا :دقيقه!
لفت لها امل وكملت:ماراح تروحين لو رحت؟
امل:مدري على حسب المود

طالعت في الشباك يوم طلعت امل..دايم تحس ان هالانسان اللي ورا الستاره يطالعها ويشوف كل حركه تسويها..من يم شغل لحن المفارق وانا صايره اخاف منه..
"بصرآآخ"-هيفـآآآآآآآآآآآآآآآآآآآآآآآآآآآ..أمشي نلعب برآآآآ
التفت على اختها وهي معصبه:نعم خير؟..وش تبين؟؟
خوله:امشي نلعب برا يلله
مشت هيفا ورا خوله..عشان يلعبون..كانت اللعبه في نظر هيفا بايخه..ولا درت باللي سمع الحوار بين الاختيـن

افففف ذا البزر والله لولا العقل كان رميتها وسطحتها فوق الجدار..يعني الحين وش الفايده ارمي الكوره عليها وترمي الكوره علي..مدري وين المتعه

مادريت الا بـ كوره تتسطح علينا..كانت جلد وقويه..جا بعدها صوت رجـآل..
"هل يمكنكم ان تسطحوا الكورتآ علينا..لقد جاءتكم بالغطي الغير مقصود"
هههههههههههههههه يسمع بالفصحى هذا..هههههه الغلطي هاه؟؟
خوله:حسنـا أيها الرجل الذي هناك سوف نرجها لك
هههه ماردا منك الا خـوله..
اخذت الكوره.أبتسمت هذي الكوره اللي تونس مب حقت خوله المنسبمه..طالعت في خوله:خولووووه قلبي
خوله تناظر الجدار اللي جت الكوره من فوقه:هاااه
هفيا:ووجعه! قولي نعم..اسمعي ماتبين كوره جديده؟
طالعت خوله في هيفـآ:بس انا قلت لـ عزوز يقول بيتفخ لي هذي
هيفا :لا يعني زي هذي
خوله:اممممممممم لا..عزوز وعمور يقولون هذي قويه..
هيفا:افففففف مامنك فايده دخلت البيت وكوره بيدها..ومول في رآسها

"طـلآل"
دخلت البيت ومعاي أكيآس كارفور دخلتها المطبخ..اففف وين غلآ..دخلت وعلطوول جلست على الكنب اقلب في المحطات..بس استغربت من شي البيت هادي ومافيه حس..حطيت الريموت جنبي وقمت أشوف وينها فيه..دخلت الغرفه ولعت اللنور بس مافي احد..درت على الشقه كلها ميب فيه..رحت لـ الكنب..اتصلت بس ..سمعت صوت جوالها وكان بالمطبخ..لايكون صار لها شي؟..لا ان شالله مافي شي..يارب لايصير فيها شي..امووت والله

سمعت صوت البـآب ورحت هروله عنده لقيته تفصخ نقابها..قلت لها بـ قلق:غلااتي وينك؟
غلآ:اهلين طلآل..أسفه بس كنت مع غاليه اختي ووووو
وسكتت كملت مشيها لـ الكنب وجلست وهي تلتقط انفاسها..جلست طلال جنبها ووجهه مقابلها..:طيب وين رحتي؟
أبتسمت غلآ بـ نعومه وحطت يدها على بطنها:اللي نبيـه صآر
طالع يدها ثم طالعها..أبتسم ابتسامه غريبه:حـآمل؟
هزت رآسها:مب مصدقه ياطلآل..الطفل اللي كنـآ ننتظره جـآ وأخيراً جـآ
ضحك طلآل وقال بغرابه..او نقدر نقول بـ غموض:لا ياغلا..اللي ابيـه انا..انا وبس
غلآ:انت؟؟
طلآل:ايه ياغلآ..انا ابيك تحمليـن عشان تكمل خطتي..ولآ مب حبـاً في البزران
استغربت غلآ:طلال تراني بديت أخاف
قال طلآل بـ كل وضوح:تذكرين كل كف اخذته من خالد؟؟..جا الدور عليه هو الحين يجيـه الكف.."كمل وهو يشوفها مستغربه"..خالد اخوك الحبيب تزوج البنت اللي انا كنت ابيـها..اخذ هاله اللي كنت اقوم وانوم وأكل وهي في راسي..كانت اول حب عشته .."وبعد صمت قال وهو يطالعها"..وأخر حب..
غلآ وهي تصيح:طلآل انت اكيد مب صااحي..أي كفوف تتكلم عنها مدري وش تقول انت اصلاً.."وبقهر وغيره وغيض" وومين هـآله ؟؟؟؟؟؟؟؟؟تقصد زوجة خالد؟؟؟
طلآل:أيه هاله زوجة خالد
غلا وصيح يمكن يرحمها:طيب انا وش دخلني؟؟؟..وش بتسوي بـ ولدي
طلآل يأشر على بطنها بعيونه:الولد هذا لاتحلمين تشوفينه ..اول ماتولدينه ترجيعن بيت اهلك..وخلي خالد يتحسر على اغلى انسـآنه عنده مثل ماخلآني اتحسر على اغلى انسـآنه عندي
غلآ:وحبـنا يآطلآل..مب انت تحبني
طلآل:اعتبيرها نزوه
غلآ:حبك لي..نزوه؟؟
طلآل:ايه..ولارآح تتكر..
وطلـع برآ الشقـه

جلست غلآ مصدوومه..طلال يسوي كذا؟؟..معقووله طلآل الطيب اللي قلبه صافي وأبيض.. اللي حمدت ربي ليل نهار انه رزقني به..يصير بهالقسوه؟؟..لا اكيد هو فيه شي..يمكن جالس يتكلم بغير وعيه؟؟..آآآآآآه ياغلا ياحسرتك ياغلا..انا لازم اسقط لازم اطيح هاللي بـ بطني..لاآآزم
معقووله كل اللي كان بينا نزوه؟؟..معقووله ياطلآل.
الله يااااااخذك ياطلال موتت كل احلامي..موت فرحتي بـ ولدي..

"هيفــآ في نفس الوقت"
طلعت من الفله وانا ملصقه ورقه على الكوره..سطحتها عليه..
تبون تعرفون وش كاتبه بالورقه؟؟
"أذا تبي كورتك لعد تصطحها علينا..ولا ترآ اباخذها لآن ماعندي كوره"

تأخر جلس كم دقيقه..لـ درجة ان هيفا ملت وفقدت الامل من انه يرد لها ..هزت كتوفها بـ لامبالاه..وجت بتدخل بس استوقفها صوت الكوره..
ركضت لها بس ماكانت نفس الكوره كانت بلاستيك ولونها وردي وعليها ورود..شافت ورقه ملصقه عليها
"عشان ماعندكم كور..شريت لك وحده ^^"
خذت القلم اللي في جيبها وكتبت
"لآأأأ أبي زي حقتك جلد"
وسطحتها..ثواني وجتها الكوره..او الرسـآله
"بس هذيك قويه!..وانتي بنت شريت لك شي خفيف"
ردة لـه.."لا يعني لآ..أبي زي حقتك"
أول ماسطحتها صـآر مافيه رد..هههههه والله وشغلى طراره ياهيفـآ..
انتظرت كم دقيقه ولا رد..اخر طفشـت ودخلت جوآ

"ليــآن ×يـآسر"
- وش شعورك وزواجنا بكـره؟
ليـآن:شعور أي مواطن سعودي متزوج ياسر
ياسر:هههههههه ليه في كثير مثلك؟؟
ليـآن:لا مافيه..عشان كذا مقدر اوصف لك شعوري
ياسر:ليـآن بسألك
ليـآن:أيش؟
يـآسر:تحبينـي؟
ليـآن:.......أيه
ياسر:وش اللي ايه
ليان مستحيه:ايه جواب السؤال اللي سألتني قبل شوي
ياسر:نصاابه انا قلت شي؟؟..شكلك خرفتي وانتي توك.."وبحسره" ياحسرتي عليك يامرتي خرفت وهي في ريعان الشباب
ليان انقهرت:يووووووووه ياسر..ايه احبـك
ياسر بحماس:يسسسسس!..قالتها واخيراً..ههههههههههه
ليان:سخيف والله.."تكتم ضحكتها"
ياسر:ههههههههههه..مب مهم اهم شي انك تحبين يااسر
ليان:ايه طيب وانت؟
ياسر:يعني مب مره
لينا:أيش؟؟؟؟؟؟؟؟؟؟؟؟؟..نعم نعم؟؟..مب على كيفك حبيبي..الا تحبني غصصصب.."وبغرور" احد عنده ليان بنت طارق ولا يحبها
ياسر:احم ليان مرة ياسر لو سمحتي
ليان :لاا؟..مو انت مااتحبني؟
ياسر:افاا انا قلته
ليان:لاجد انت تبيني اخرف بدري..ولابموت ناقصه عمر
ياسر:ههههههههههه فديتك وربي..لالا تبين الصدز
ليان:ايه ولا شيء غير الصدز
ياسر:امووووت فيك..انتي الحرمه حقتي
ليان:صدز؟
ياسر ببراءه:هذا اللي انتي طلبتيه
ليان:هع ياحظـي..احبتس يمه
ياسر:وش دخل امك؟
ليان:لانها ولدتني
ياسر:هههههههههههههههههه يبي لك دكتور نفسي بسسسرعه

"منـــآل"
سكرت الاب توب وان افكر بالوليد وريم..استغربت ريم اللي تحمـل شوي من الغرور كيف توافق على الوليد..امممممممم..الظاهر مغصووبه..مدري ولا أبي ادري مالي شغل في احد
ههههااي بكره بيجتمعون اهل سلطان..وان شالله ربي يقدرني ارد على هيفـآ..

"طـلآل وبألاستراحه"
من العصبيه ماقدر يمسك نفسه..نسى كل الموجودين وتقدم لـ صديقه وهو نااسي كل لحظه حلوه بينهم ونااسي هالصداقه اللي جمعتهم..مسك قلآب (ياقه) ثوبه:انت انهبلت مجنوووووووون..وقسم بالله مجنون
طلآل ببرود:هذا اللي المفروض اسويه وافكر فيه ولا نسيت اهانااته لي؟؟
سعد يتذكر كل شي بس قال بعصبيه:بس هذي زوجتك..خل انتقاماتك على جنب..مافكرت باللي في بطنها؟؟..مافكرت بولدك وش بيسوي..والله حراام هاللي جالس تسويه حرآآآآآآم
طلآل:خلها تولد والله لايصير اللي ابيه
لا هذا مب طلال أكيد هذا شيطان بس بصورة طلال..قال سعد كلمه اخيره قبل يروح:ان شالله يجيك الولد اللي تبيـه..وتشوفه يموت قدامك وتتعذب وتشوف اللي شفته مثل ماأنا شفت يوم يموت نواف
وطلـــع
بس ياجبل مايهزك ريح!!!

×|آلفصـل الخامس عشـر|×


"الصمت اقرب لـ الرضا والصمت عادات القنوع"


كنت ادور بالصاله وانا افكر وش بسوي مع هالمصيبه اللي نزلت علي..ليش كذا ليه معد يحبني مثل اول.."مسحت دمعتها بطرف اصبعها"..والقهر اني الى الان احبـه..لآ انا ماحبه اصلاً هو حقير ولا مافكر بـ مشاعري اللي بتنجرح لو بالغلط..مافكر بـ اللي في بطني؟..

سمعت صوت الباب ينفتح ويتسكر..بس ماكلفت نفسها تروح تستقبله زي اول..دخل وعطاها نظره وكأن شي ماصار..
شي جواي فرح يمكن رجع لـ وعيه..رجع طلآل الاولي
ابتسم وقآل:غلآتي انتي هنا؟..حسبتك لين الحين نايمه
غلآ بنظرات احتقار:.......................
أبتسم وقرب لها ..رفع يده لـ مستوى وجهه وحطها على خدها:حبيبتي زعلآنه مني؟
غلآ:يعني تتكلم وكأنك ماتدري وش انك مسوي
طلآل ببراءه:وش مسوي؟
غلآ:طلآل انت حقيـــر!..ليش تسوي فيني كذا اذا ماتحبني ليش تتزوجني طيب؟..انا وش دخلني كانك تبي تنتقم؟
أبتسم طلآل مآل لها وعطاها بوسه على خدها ودخل الحمـآم

جلست غلآ وهي تهز رجولها توتر وغضب لو بيدها كان طلعت عنه بس اهي عارفه ان ابوها واخوها ماراح يرحبون بوجودها خصوصا ان لسه بأول شهر..
ابوها واخوها ماراح يوقفون معاها لان ماتمشي عليهم كلمة مشاكل..ومايطاوعني قلبي اقول طلال استخف..آآه ياربي ساعدني..صوت جواها يقول لاتطلعين..اجلسي معه وخليه يعرف ان الله فوق الكل مب هو ولاأمثاله يقدرون يبعدون ام عن ولدها
بس رحم الله امرء عرف قدر نفسه..انا ادري اني مب قدها ابد..وخصوصا اني احب طلآل اكثر نفسي..أكذب لو اقول اني مااتنفس هواه..آآه ياربي انك تسخره لي وترده لي مثل أول واحسن مع ان اللي انكسر مايتصلح

"منـــآل"

نزلت الدرج وانا اصلح لبسي..شفت عندل قايمه من الصـآله والظاهر انها كانت تكلم
عندل:واخيرا اخت منآل نزلتي؟..كان جلستي فوق مب احسن
منال:لا ماكان ودي..خبرك طفش فوق بلحـآلي

يتبع ,,,,
👇👇👇
أحدث أقدم