رواية بين ثنايا الايام -27


رواية بين ثنايا الايام - غرام

رواية بين ثنايا الايام -27

جا اخوها فارس .. واشر على المجلس .. قال : يللا ادخل .. حدك خمس دقايق

قلت : خمس دقايق مايمديني اقول السلام عليكم

قال : راح من الخمس دقايق دقيقتين .. تراني احسب

قلت : لا لاتحسب من الحين .. حرام عليك

قال : طيب ادخل

دخلني وقفل الباب ..شفتها جالسه على الكنبه .. بس ماتناظر فيني

قربت وقلت : السلام عليكم

قالت : وعليكم السلام

قلت لها : كيف حالك الريم

هزت راسها .. جلست بجنبها .. قسم بالله ودي اقوم ارقص من الوناسه

قلت لها : مو مصدق .. احس نفسي في حلم .. اصفعيني عشان اصدق ان اللي يصير حقيقه

ابتسمت بس .. جلست ادقق في ملامحها .. تذكرت الموقف اللي صار في بيتنا ..يوم تلعب هي واختي بالمويه .. كانت حلوه .. بس الحين هي احلى

قلت : اوعدك اني اسعدك .. وان شاء الله ماتمر لحظه في حياتنا فيها حزن .. الدرب اللي بمشيه انا وانتي كله سعاده وفرح

قالت وهي تعدل شعرها : ان شاء الله

قلت لها : عندك جوال .. عشان باخذ رقمك

رفعت راسها وناظرت فيني .. وش فيها تناظرني كذا .. كاني قلت شي غلط .. عادي هي زوجتي ولازم اخذ رقمها .. عضيت على شفايفي بسرعه .. تذكرت ان رقمها عندي وهي تدري .. راح عن بالي .. وش هالفشله بتقول عني استهبل من اولها

قلت لها : الورده اللي بشعرك بتطيح .. لحظه بعدلها

قمت عدلتها وانا مستانس .. ورجعت جلست .. دخل اخوها فارس وقال : خلصت الخمس دقايق .. يللا

ما ابي ما ابي .. ماراح اطلع .. ابي اجلس بعد

وقفت .. بست راسها .. وقلت : يللا عن اذنك يا الغاليه ..واي شي تحتاجينه انا حاظر

قال فارس : لاتجلس تزيد كلام عشان تطول المده

اووف هذا فارس انا حقدت عليه .. ناشب لي في البلعوم



**** نهاية الجزء الثالث عشر ****


...:::][ الجزء الرابع عشر ][:::...


بيت الريم ..الساعه 12:00 مساءً


** الريم **

ابيك تعرف!

ان لا يمكن إحساس قلبي يخليك

لو الشعور بداخل القلب

ماات ..

العمر يمضي!

ونصه يناديك

والنص الاخر يمسح

بدموع الآآآهات ..

مستحيل؛؛

اتخلى عنك واقول

ناسيك

،،انا،،

لاخريوم في عمري

باكون وياك ...!


هذا المسج جاني الحين من محمد
كتبت له مسج


مشتاق...

صدقني مشتاق لشوفك ولقياك

وكل العيون بلا عيونك

ممله ...

اسمك على لساني

وشوقي لملقاك

ورسمك ترى بوسط

قلبي محله ...

كلي امل تجمعني الايام

وياك

ياملك القلب والعقل

كله...


اول مارسلت المسج .. على طول محمد دق علي

&مستحيل انساك& يتصل بك

~~)(~~ دنياك دنياي هو حد يسواك في القلب وياي وفي البال وياي
يا الغالي وشلون تضن ابنساك كيف الهوا يهون والقلب يهواي~~)(~~

اغنية راشد الماجد .. كانت نغمة جوالي

رديت .. قال لي : الووو.. هلا وغلا الريم

قلت : هلا فيك

قال : كيف حالك يا الغاليه

قلت : بخير الحمد الله

قال: ان شاء الله دوم مو يوم

قلت : يدوم غاليك ومغليك .. وانت كيف حالك

قال : بخير دام انا اسمع هالصوت

استحيت ومارديت عليه .. قال : ليه مانمتي

قلت : الحين بنام

قال: اجل اخليك تنامين .. تصبحين على خير

قلت : وانت من اهله

قفلت .. ورحت انسدحت على سريري وانا مبسوطه اني اكلم محمد

&مستحيل انساك& يتصل بك

~~)(~~ دنياك دنياي هو حد يسواك في القلب وياي وفي البال وياي
يا الغالي وشلون تضن ابنساك كيف الهوا يهون والقلب يهواي~~)(~~

رديت : الوو

قال : هلا الريم .. نسيت اقولك اني بكره الظهر بمرك .. عشان نطلع نتغدا سوا

قلت : اممممم

قال وهو يضحك : اممممم وشو ؟

قلت : ان شاء الله

قال : انتبهي لنفسك الريم

قلت : طيب .. وانت بعد

قال : من عيوني .. يللا مع السلامه

قلت : يحفظك الرحمن

ناظرت في الساعه .. شفتها 1ونص .. خل انام احسن .. اخاف يجي الصبح وانا مانمت .. بعدين يمرني محمد الظهر وانا نايمه .. طفيت النور وتغطيت .. ونمت


بيت مشعل ..الساعه :1:30 الظهر
_____________


** رهف **


اليوم الخميس .. كل اهل مشعل في بيتنا ..عشان بيتغدون معانا .. كنت جالسه اسولف مع الهنوف

قالت لي : انا مو مره شاطره في الرياضيات .. والامتحانات قربت .. عشان كذا خايفه

قلت لها : انتي سنه ثالثه صح

قالت : ايه

قلت : خلاص اجل .. في الامتحانات تعالي لي كل يوم .. نذاكر سوا

قالت وهي مبسوطه : والله جد .. تسلمين حبيبتي

قلت : الله يسلمك .. انا شاطره في كل المواد .. عدا الانجليزي اتوهق فيه

جات حنان .. وقالت : تعالي هنوفه .. ابيك شوي

قالت الهنوف : لحظه رهف .. شوي واجيك

قلت وانا ابتسم : مو مشكله خذي راحتك

راحت الهنوف مع حنان .. وصرت جالسه لحالي

بدق على الريم باخذ اخبارها الجديده

دقيت عليها

ردت : الوو هلا رهوف

قلت : هلا ريوم .. وينك

قالت : اتغدا مع محمد

قلت : بل عليكم من ثاني يوم طلعات .. وش بتسوون بعدين

ضحكت وقالت : حسدتنا هالدبه

قلت : شوف هذي مايمدي الواحد يمزح معها .. قالت حسدوني .. ويغارون مني .. عطيني محمد بس

قالت بضحكه : لحظه

اخذ السماعه محمد وقال : هاه رهوف .. وش تبين .. مو فاظيين لك حنا

قلت : مالت على اللي يدق عليكم يبي ياخذ اخباركم

قال : طيب طيب وش تبين .. بقفل انا

قلت : ما ابي شي .. يللا باي

قال : باي

قلت بسرعه : لحظه لحظه

قال وشكله عصب : يووه وش تبين بعد

قلت : خلاص خلاص .. يللا باي هههههههههه

قفلت .. و حطيت الجوال بجنبي

** نجود **

كنت نازله مع الدرج .. بروح اجلس مع بنات عمتي

وانا نازله سمعت وليد اخو شجن يناديني

قلت : هلا لودي .. وش بغيت ؟

قال : فيه بنت تبيك برا تقول انها صديقتك

عقدت حواجبي وقلت : وش اسمها

قال : اسمها جوري

يتبع ,,,,
👇👇👇
أحدث أقدم