رواية برد وجفا ونسمة هوى -29


رواية برد وجفا ونسمة هوى - غرام

رواية برد وجفا ونسمة هوى -29

اعرف ليش..!!؟الوليد وهو يظغط على نظارته بصعوبه وشوي وبتنكسر بأيده..ويرص على اسنانه\اذا كلمتك بتعرفين..!!
وعاد الكلمه للمره الثانيه وبنفس النبره\..أتفقنـــأ..!!
لا..الرجال مصرّ..السالفه شكلها قويه..خليني أجاريه واللي بيصر بيصير..
الصراحه ماأقدر ارفض طلبه...اوكي جمانه..لاتخورينها زياده وردي عليه..
أنت تدرين انك بتموتين وتعرفين وش يبي فيك..!!
ومسويه نفسك ثقيله..وانتي كلش..مابينك وبين الثقل صله..!!
بلعت ريقي وقلتها بصعوبه\اوكي..ممكن اروح اللحين..!!
الوليد بلهفه غريبه ونظره اغرب\يعني موافقه..!!
أنحرجت الصراحه..شنوا يعني..!!يبيني أقوله كاش..اتفقنا..أستحي..ليش مايفهم..!!
..ماعنده احساس..كل الشباب كذا دفشين..وماعندهم مشاعر..ويفكرون أنا البنات عادي عندهم..
الوليد واصر برايه\مارديتي..
نفذ صبري منه وماعدت أقوام رغبتي الفظيعه اللي تقول أيه ياجمانه قولي له ايه ورحي نفسك وبالك المشغول فيه..ومدري كيف قلتها..لكن حسيت مو أنا اللي قلتها قلبي اللي قالها..أيه يالوليد أيه..\خلاص أتفقنا..
الوليد وابتسم اخيرا وبانت الفرحه بعيونه\أيه..قوليها... والله أنك ياجمانه .....وبرقه...جننتيني..!!
.

Oh my gad... Oh my gad ..
شيقول هذا..!!
ناقصه أنا..
جننتيني..شقصده ..؟
يكفي كلام البنات اللي يرن بأّذني اللحين..وكلام فجر اللي فتح عيوني على اشياء كثيره,,
أووف..ياربي والله بمووت..
شرد عليه اللحين..!!
لفيت وجههي الجهه الثانيه وانا ميته احراج..ماأقدر أحط عيني بعينه..مأاقدر..ليتني ماقلت له ايه..ليتني..!!
الوليد وضحك هالمره بنعومه وارتياح\هههههه..خلاص جمانه..يالله روحي..أفراااااج..
وماأنتظرته يكمل أصلا..مشيت بسرعه..وانا احس بالشبهه وألأحراج..أحس انه الكل يطالعني.والله اللي يشوفوني يعرف أني مسويه شي غلط..مفضوحه..أنا مفضوحه,,زين اني متغطيه ومحد يشوفني..والا كان رحت فيها..
..أكيد اللحين بيسئلوني..
ليش تاخرت عليهم..!!
وش أقول لهم..
ماعندي عذر..
لي اكثر من ربع ساعه طالعه....
مافي الا أني أسكت وماأرد على أي أحد..
هذا الحل الوحيد..
ان شاء الله بس مايحسون بالوليد..
يارب مايحسون..
يارب استر على عبادك..
دخلت على طول القاعه..وجلست بكرسي..
و..الحمدلله..الكل كان مندمج أصلا ومو حاسين باي أحد..
صج ضاع نص الفلم..بس يالله..معليش..فلم لاراح ولاجاء..
مومهم..اللي في بالي أهم..
ولفيت وجهي لاراديا صوب الشباب وشفت الوليد توه جاي وجلس بمكانه ولاكأنه شي صار..!!
خبيث يالوليد..
مر الوقت بسرعه وانتهى الفلم..والكل يعلق من جهه..
اللي تقول يجنن..واللي مغامره وممتع..واللي تقول نفسي أشوفه ثانيه..
وأنا ساكته وهاديه مره..ولا ادري وش صار بالفلم..وكل تفكيري باللي صار بره..
طلعنا من القاعه ونزلنا تحت وهالمره تسوقنا نص ساعه قبل مايبدى الفلم الثاني..



مسكت ايدها ومشينا..وين ماندري ..أهم شي نمشي..وأيدي بايدها..
طبعا هي منحرجه..وايدها حسيتها نار..مدري من الدفا اللي فيني..والا شي ثاني..
همست بأذنها بأنه بيكون حلو عليها..وهي انحرجت وخذت قطعه ثاني..
أحمد\والله حلو..شفيك مااتطنز..
سماح برقه\أدري..بس لاتطالعني..!!
أحمد\وش دخل هذا بهذا..!!
سماح بعجز فظيع \أحمــــد..
ظحكت عليها...حتى في هذا بتستحي..
احمد\أوكي..خليني أنا اختار لك..شوفي هذا اللون بيطلع جنـــان عليك..!!وكنت اشر على بلوزه سوده وفيها شهخابيط ذهبيه..
سماح وتتأمل في البلوزه وشكلها عاجبتها\يعني رايك أخذها..!!
أحمد\أكيييد..وخذي هذه بعد..وكان نفس الشي بلوزه سوده صوفيه وناعمه ونص كم واللي محليها القلوب الحمراء اللي تبرز على جنب بشكل حلو ..
سماح وتناظره بحالميه وحب\ياحبك للأسود..!!
أحمد وابتسمت لها\عشقي الأسود..!!وفي شي ثاني بعد..!!
سماح\شنوا..!!
أحمد\ومحمد عبده..أحبه كثير..
سماح بغيره\بس..
احمد بهمس\بس..
سماح وبدون اهتمام\طيب..سلملي عليه..!!
أحمد برقه\منوا..!!
سماح وعطتها البلوزتين عشان يحساب وكلامها فيه قهر واضح\محمد عبده..
مشيت لعند الكاشير وانا طاير..كلامها يجنني..ويمحي أي ذرة عقل فيني..
ويوم حاسبت جيت لعندها وطلعنا..وطبعا مسكت ايدها وابتسمت..
سماح وهي مركزه على شي بعيد\أقول أحمد..!!
أحمد\هممم
سماح وركزت اكثر\مو كأنه هذا هيثم أخوك..!!
وقفت عن المشي.. وناظرت على قدامي وشفت هيثم..ويوم دققت اكثر شفت سلطان والوليد وطلال ,,
أحمد وعيني عليهم\أي والله صحيح..أمشي نفاجأهم..
سماح بلهفه بشوفتهم\يالله..
مشينا لهم وهم ماحسوا ابدا ويوم قربنا اكثر علا صوتي\صج ماتستحون..لاحقيني للبحرين..!!
هيثم وتفاجا\أحمـــــد..
وكلهم قالوا بنفس الوقت ..احمـــد..
سلمت عليهم وشفت بطرف عيني سماح تبتعد شوي..لمن تركنا طلال وراح لها..
سالتهم عن اخبارهم وأحوالهم..وسبب جيتهم البحرين..!!
سلطان\شنسوي بعد..هالبنات ذبحونا..شكلنا بنزوجهم عشان نفتك منهم..نفس سموح..أفتكينا منها..
أحمد وماعجبني كلامه\أقول..شخبارك سلطان..!!
سلطان وحس فيه\زين بخير..يعلك البخير..
أحمد\يعني البنات هنا..!!
هيثم\ايه موجودين..وفجر غلا بعد موجودين..
أحمد\وفجر..بعد..!!وينهم..!!
هيثم\داخل بهالمحل ..
وبالفعل رحت لسماح اللي فرحانه بشوفة طلال وخليتها تدخل على البنات تفاجأهم وتنادي خواتي أسلم عليهم..


بعد ماطلعت من الشركه..مريت على عمي اللي صار في أخر أيامه جالس في البيت ومايقدر غير أنه يوقع على بعض الأوراق المهمه..
دشت علينا أمي وحامله بايدها ريوف..ياقلبي عليها ..الصبح كله ماشفتها..
لأنها كانت بيت جدتها تسبح وتلبس وعلى طول تجيهم مع روز..والحمدلله انه البيت جدار بالجدرا والا كان عانيت مع ريوف..وروحاتها اللي ماتخلص..
مسكتها بأيدي وحضنتها وانا مشتاق لها حييل..
وكلمتها بشوية عصبيه..ومو من خاطري..
\وانتي كله جايه هني..وبعدين معاج.عيب يابابا..تطلعين ولا تقولين لي..!!
وزي ماتوقعت تركتني وراحت لجدتها وهي شوي وبتبجي..
الجده وهي معصبه\يوووه ياعبد الرحمن شفيك على البنيه..خلها هنيه تونسني مو كافي أنه البنات سارحين لي لحد اللحين..وحضنت ريوف....تركيه ريوف..ابوك خرف..اذا صرخ عليك مره ثانيه قولي ..طيب..
ريوف ودمعت عيونها\تيب..بقولج..اذا صرخ علي مره تانيه..
الجده وشدت عليها أكثر\بعد قلبي والله..أمي أنتي...ياحلو تيب من ثمك الصغيرون..!!
الجد\خلاص ياعبد الرحمن..البنت بتكرهك والسبه أمك..!!
الجده وعلا صوتها\أيه أنت هذا اللي تبيه اصلا..!!
الجد واستغرب \وانا شقلت اللحين..!!
الجده بعصبيه\ماقلت شي..
عبد الرحمن ويبي يهدي الوضع\أقول عمي وش قلت على مناقصة الوضيحي..
الجد واحتار\أنت درستها عدل..
عبد الرحمن بثقه\ميه بالميه..
الجده\خلاص أتكل على الله..
عبدالرحمن باصراره\أكيد..
الجد بكل حب\أكيد وانا ابوك..عمرك ماخذلتني ياعبدالرحمن..وانا أعتمد عليك بكل صغيره كبيره..
تاثرت من كلام عمي..وخنقتني العبره..شي حلو أنك اللي يعتمد عليه..
يالله..أحساس كبير.أمر فيه..ماعمري ذقته..
عايله..
أب..وأم..فقدتهم كلهم بأول حياتي..
وفقدت كل شي يوم بديت حياه جديده مع سماء..
وينج ياسما..!!اشتقت لج..!!
لكن الله عوضني في بنتي ريوف..وعمي الغالي..


أول ماقال لي أحمد أنه البنات داخل..دخلت على طول لهم ونسيت أحمد اللي جاء وراي وهو يظحك علي..شسوي والله أشتقت مره..
سلمت عليهم وكان استقبالنا فيه شوية جنون..
تذكرت ظحكهم وسوالفهم تالي الليل..وجمعاتهم..وسهراتهم..
مقادرت اقاوم ودمعت عيني من الفرحه بشوفتهم..
سماح\حبايبي والله..وحشتوني.,حشتوني...وحشتوني..
فجر بلهفه\حتى أنتي وحشتينا والله..لحظه سماح بسلم على أحمد وبجيك..!!أمشي غلا..
راوين ونفس الشي مشتاقه لسماح\سموحه..شسويتي..وش أخر أخبارك..!!
سماح\أنا بخير ونعمه..أنتوا اخباركم..واخبار جمعاتكم..!!وبعيدن قولوا لي شمجيبكم البحرين..من وراي يالخونه..!!
ابتسام واظحكت\هههههه شنسوي بعد ..والله من الزهق أقترحنا هالأقتراح على الشباب..وزين منهم وافقوا..!!
وجات فجر وغلا هاللحظه..
فجر\ حسافه سموح ماسولفت معك..احمد يقولك يالله..
جمانه وتبي تحرج سماح\أحم أحم..الرجال مش قادر يستغنى عنك..!!
وانحرجت طبعا..وقويت نفسي شوي,,
سماح\ياربي جمانه ماتغيرتي..!!
جمانه وظحكت على نفسها\ههه الكل يتغير الا أنا..
سماح\طيب بنات..اشوفكم قريب ان شاء الله..يالله مع السلامه..
البنات\مع السلامه..
طلعت لأحمد اللي كان ينتظرني بره..وعلى طول يوم شافني قرب مني وطلعنا من المجمع..وركبنا السياره..
كنت أبي أعرف وين بنروح اللحين فسألته...
وجوابني بهدوء \أنتي وين تبينا نروح..!!
سندت راسي على ورى بتعب وقلت له\تبي الصراحه..!!
أحمد بابتسامه\وفي أحلى من الصراحه..!!
غمضت عيوني ومش حاسه بنفسي أبدا وقلت له\البيت..من الصبح واحنا طالعين..واحس أني مرهقه..!!
وماحسيت الا بايده تمسك ايدي..ويظغط عليها
احمد\ولايهمك..ماطلبتي شي..تبين البيت نروح البيت..!!
رديت عليه ولازالت مغمضه\أحمد..
أحمد ويناظر الطريق\ايوه..
ومدري لسه حسيت اني أبي اسأل هالسؤال,,وعلى أني عارفه الأجابه لكن حبيت اسأل..أحس براحه اذا سمعت صوته الدافي..احس أنه يحتويني..ويطمني....
\تهمك راحتي...!!
مارد علي..وظل ساكت..معقوله الجواب صعب..!!
وبعد فتره قصيره رد علي\..أنتي اذا أرتحتي أنا ارتاح..! سمــاح.. وشبك اصابعه بأيدي وظغط عليها وبكل هدوء..أحبـــــك..


حلو صح..؟!
هيثم و يتأمل القلاده\أممم يعني..!!
طلال وطالعه بنظره\مالت عليك..!!
هيثم ويبي يبرر موقفه\هي حلوه..لكن انا ماأهتم في هالأشياء..!!يعني ماأعتبرها شي مهم..!!تدري فيني عملي بقوه..!!
طلال بجديه\أوكي حلوه العمليه لكن بنفس الوقت جميل التنوع في الأمور..
هيثم\معاك حق..لكن شتسوي في عقلي اليابس..
طلال بظحكه\رش عليه ماااي؟؟خله ينقع..ههههههه...ويكلم راعي المحل..غلفها لو سمحت..!!
الرجال\باي نوع يالطيب..!!
هيثم بصوت واطي\وفيها نوع هذه بعد..!!
طلال يتأمل الأقمشه وعجبه الكحلي اللي مطرز بذهبي\عطيني المخملي..!!
الرجال\أي لون..!!
طلال وياشر عليه\هذه الكحلي..!!
ظل راعي المحل يغلف بالعلبه ويتفنن فيها بذوقه ..وكانت عباره عن سلسله ذهبيه وبوسطها حجر من ألأحجار الكريمه لونه كحلي غامق ممزوج بعنابي ..وكانت ناعمه جدا لكن ممسكها ثقيل..
هيثم ووده يطفر بطلال\أقول طلال..!!مين له هالهديه..!!
طلال ويطالعه بنظرة\لأمي..!!وكمل بضيق...وانت شعليك يالبايخ..!!
هيثم ومات ظحك على ولد عمه المتهور\والله أنك ياطلال..رومانسي بقوه..ولا..وجراح..الصراحه مايلبق..!!
طلال وعصب عليه\..ياملقك..!!


ياختي عاجبتني كيفي..!!
ابتسام ومو عاجبها ابدا ذوق جمانه\خبله أنتي خبله...صج خبله..!!
جمانه \طيب شالفرق..!!
ابتسام وعقدت حواجبها\أي فرق..!!
جمانه وجاده بكلامها\شالفرق بين خبله..وخبله..وخبله..!!
ابتسام ومالها خلق الظحك\جمــــــــــانه..!!
جمانه ومسكت الشنطه اللي تبي تشتريها ومشت عن ابتسام\احسن لي بروح لغلا أم الموضه غلا..احسن منك يا..هيثوم..!!
ابتسام وصرخت وهي مش حاسه أنها بالمحل\تعالي ياحماره..!!اوريك..!!
راحت جمانه لغلا وشافتها واقفه بالزاويه وماسكه 3 شنط بأيدها وشكلها كذا محتاره..!!
جمانه\أقول غلا..!!
غلا ومارفعت عينها عن الشنط\ها
جمانه\طالعيني..!
غلا ولازالت تناظر بالشنط\شتبين خلصيني..!!
جمانه وعرفت أنها مستحيل تاخذ شي من غلا فوقفت قدامها عشان تشوفها\غلا تكفين..شوفي هالشنطه حلوه..!!
غلا ورفعت عيونها وقعدت تقلب بالشنطه..حتى القماش اللي داخل الشنطه لمسته..
غلا\حلوه..لكن خذي لون ثاني..!!
جمانه\مافي الا لون فيروزي..!!
غلا\خلاص خذي هالفيروزي..!!
جمانه واستغرفت\لا ماأبي..
غلا وعصبت\اووه جمانه خذي اللي تبين؟؟
جمانه\اوكي..وأنتي وش بتاخذين..
غلا وتناظر الشنط\محتاره بين هالذهبيات..!!ودي بهذه لكن كبيره حيل,,
جمانه\ويه مااتخيل أخذ شنطه ذهبيه..!!وبهالكبر..!!
غلا ولازالت محتاره\الموضه ياحظي ذهبي..!!
جمانهورفعت حاجب بعدم اهتمام\والله عليك ياغلا الوان..!!
غلا ورفعت عينها\جمانوا..وخري عني أحسن لك..!!
جمانه وتأففت\أوووف طيب سمعي
غلا وتعبت منها\ياليل مااطولك
جمانه\أخذ البيضه اللي بأيدي والا فيروزي..!!
غلا\اللي تبين خذيه..!!
جمانه بحيره\مدري وش أخذ..
غلا وطفح الكيل\خذي الفيروزي..خلاص..
جمانه\متأكده..!!
غلا ورمشت بعوينها بعصبيه\أنقلعـــي..
جمانه\شفيكم انتوا كل وحده تسبني من جهه..!!مالت عليكم..!!صج بنات خال خرطي..!!ومشت وهي تتحرطم وتسب...وبالنهايه..خذت غلا الذهبيه..وجمانه الفيروزي..
أما البقيه ماعجبهم شي وطلعوا من المحل..
وعلى طول قطوا اغراضهم بالسياره وأتجهوا للسينما لأنه بيبدى الفلم..!!
وتقريبا جلسوا بنفس المقاعد لكن صار في أختلاف شوي..
سلطان يتوسط الشباب وبيمينه هيثم الوليد طلال
وعلى يساره ابتسام غلا جمانه فجر راوين
وبدون سابق أنذار ابتسام حست بركبه خفيفه..وماتدري ليش حست هالأحساس
يمكن لأنها قريبه من الشباب وخصوصا هيثم اللي مايدري عن هوى دارها..!!
أو يمكن لأنه موضوع البنت أنغرس في بالها
أو يمكن لأنها أستلطفت هالجانب بدون اراده..
اسباب كثيره ماعرفت لها أجابه او تفسير..
وأمور كثيره تزاحمت في بالها..وشتت افكارها..
وحست بعدم الراحه على هالقرب الشديد..
هذا غير الكلمات اللي تجيها من غلا وجمانه لأنه هالثنائي مافاتهم الموقف ابدا أبدا وناوين على ألأنتقام بشده..


بدى الفلم اللي كان بطولة عادل امام ..وماأدراك عن عادل أمام.!!
من بداية الفلم طلعت لقطه ممكن اقول أنها مشفره شوي.. أحرجت الكل وخصوصا البنات اللي أبدا ماتمنوا هالموقف يصير قدام الشباب..
وتكلم سلطان بشكل كوميدي ومظحك عشان يخفف الأحراج اللي طغى على الجو.. واللقطه لسه مانتهت وشكلها مراح تنتهي,,
سلطان\بنات..شباب..شوفوا جوالاتكم الظاهر فيها مسجات جديده..
طبعا الكل عرف وش ورى هالجمله الغريبه..
وبدون شعور.ابتسام مسكت شنطتها ونزلت راسها كله وهي تدور أي شي..المهم انها تلهي نفسها بحاجه معينه..ووخصوصا لأنها جنب سلطان..وسلطان رجال..حتى لو كان عمها.. بيظل رجال..أحرااااااااااج ياناس..
وعفوية أبتسام خلقت ألأبتسامه في وجهه هيثم اللي لاارادي ألتفت على البنات وخصوصا لما حس بالأزعاج اللي صدرته ابتسام بعد الهدوء..
وظل مبتسم..ويوم حس أنه مصخها لف وجهه وكمل مشاهدة الفيلم و انتهت اللقطه المشفره بسلام..
مر الوقت والفيلم لسه ماانتهى والظحك قايم في القاعه كلها..عادل امام ماخلى أحد الا وظحكه..حتى الوليد اللي كان نعسان ظحك بشكل هستيري ..وهو باله مرتاح جزئيا
وانعرضت لقطه مره ثانيه مشفره ..وهنا البنات مااستحملوا ..وابتسام على طول ارخت جسمها في الكرسي لمن صارت شبه راكعه..وهي تلعن وتسب في البنات اللي وهقوها في جلستها جنب سلطان..
جمانه حست بالموقف البايخ وماهانت عليها ابتسام ابدا وهمست لغلا\ياويلي ..وش مجيبنه البحرين..!!
غلا بصوت أوطى وهي خلاص ماتبي تكمل الفم\سكتي بس محد رضى بهافكره الا راسك..!!
واظحكت جمانه وهي في قمة احراجها\أقول غلا شخبار اللي جنبك..!!ياعمري الله يعينها..!!
غلا وطلت على ابتسام اللي ماغيرت وضعيتها\مسكينه متكوره في الكرسي..!!هههه شكلها يظحك..!!
جمانه بيأس\غلا امشي نطلع ماأقدر..!!
غلا\من صجك انتي..خلاص شوي وبينتهي الفيلم مسكي أعصابك..!!
جمانه\وهو في أعصاب..!!غلا والله أحنا مانستحي عل وجهنا..!!والله لو تدري امي بتذبحني..!!كله منكم تبون هالفلم..!!!
غلا وعصبت ورصت على اسنانها\وهو في غيره عشان ندخله يالبايخه..!!
جمانه وقهرته\أقول بس لاينط لك عرق..!!
أنتهى الفلم بيسلام بعد مانشف دم البنات من الأحراج والتوتر والفشيله..
وفجر عصبت عليهم وعلى هالفيلم اللي دخوله..
لكن جمانه بالظحك والأستهبال أمتصت العصبيه على الكل ..لكن لحد الآن ابتسام منقهره ومتفشله..وتبي تذبحهم كلهم..
وبعد مااطلعوا كان ترتيبهم أنهم يدخولون البوفيه اللي جنب السينما ويمشون السعوديه على طول..
ودخلوا المطعم على عجله وماكان في أحد كثير خصوصا لأنه وسط اسبوع والوقت متأخر والمطعم أصلا شوي وبيقفل يعني زين منهم جاو في اللحظات الأخيره.. ..
ابتسام ولحد اللحين فيها حره وبدت تعلق على اللي صار وبصوت عالي لأنه ماكان ابدا فيه احد\ياويلي..ياويلي..مت..متتتتتتتتتتت من الفشيله..ياربي ماتتخيلون قد ايش أنحرجت..وقسم بالله جلست أدعي على هالثنتين..وتأشر على غلا وجمانه اللي ياكلون..يعلكم ماتربحون أن شاءالله ورصت على اسنانها.. أنتوا السبب..انتوا السبب..!!
سمعت جمانه كلام ابتسام وردت عليها\والله محد قالك ترتزين وتجلسين جنب سلطان..!!
عصبت ابتسام اكثر\وتتكلمين بعد..!!والله يبيلك ذبح ياجمانه..سكتي تراني معصبه..!!
فجر أنزعجت كثير وماتبي تتذكر سالفة الفيلم فردت بهدوء مصطنع\أقول حبايبي..كلوا,,الوقت تـأخر ولازم نرجع البيت..!!
أيدتها راوين لأنها خلاص تعبت وتبي تنام وترتاح وتجلس معا نفسها شوي \صحيح بنات كلوا بسرعه..تاخرنا كثير..
وبكذا وكأنه الكلمه السحريه أللي أنقالت للبنات وسكتتهم..وهم يتذكرون انهم بيرجعون البيت..
يعني..!!
الطلعه انتهت..!!
يعني..!!
أهلا للطفش ..ووداعا للوناسه..
:::::::::
أنتهى اليوم الجميل بأحداثه على الشباب والبنات..
ورجعوا للسعوديه الساعه وحده بالليل..
وكل واحد فيهم فاز بذكرى معينه تشهد بحلاوة هاليوم ونقائه على الكل..
..واهمهم..
جمانه اقتحمتها مشاعر الحب فجأه...بعد ماكانت هالمشاعر مركونه في زاويا من زوايا قلبها الشجي..!!واعترفت اخيرا بينها وبين نفسها أنها تكن مشاعر للوليد..
ومو أي مشاعر..مشاعر غريبه....مااكتشفت هويتها الا لمن لمحت نظرة اللهفه بعيون الوليد..
طلال أكتفى بوجود راوين معاه..وماتحرك خطوه وحده..
واحتفظ بالهديه اللي شراها..وكأنه عاجز عن فعل أي شي..
ممكن انه يقربه ويبعث الأمل بداخله..!!
وللعلم هذه مو الهديه ألألى اللي يشتيريها ويركنها بغرفته..!!
هدايا كثيره محفوظه عنده..وكلها تدل على البعد الأبدي اللي بينه وبين راوين..

يتبع ,,,
👇👇👇
أحدث أقدم