رواية بقول ولا تقاطعني -29



رواية بقول ولا تقاطعني - غرام

رواية بقول ولا تقاطعني -29

ريم:عشان السواق يوم يتحرس فيني..ابوي يدري ان عندي عقده من الرجآل..فـ هو حب يزوجني واحد من عيال عمي عشان يظمن انه بيوقف معي..اما لو واحد غريب ماراح يصبر علي ابد


أمل:اهـآ..يعني ابوك يدري
ريم بلعت ريقها..وهزت رآسها بـ"أيه"


"آلوليـد"


كنت جالس بالبيت لحالي..نوف عند أهلها تقول بتجلس عندهم لين يمر كم يوم على زواجي.. ملكتي بعد بكره وانا حاااااير.. ودي انسحب دامني بالبر..هذا زواج مب لعبه ليش اسمح لنفسي اني اجرح مشاعر زوجتي.. حتى لو وصية عمي...وخير ياطير..بس من اتذكر شكله وهو يكلمني.. وكأنه معلق اماله كلها علي..وعلى زواجي من ريم..بس وش معنا ريم بالذآت مدري
دفن وجهي اللي احس انه حااار بين يديني..زفرت بـ غضب..
قمت وأتصلت على رآشد..والحمدالله رد
رآشد:يس رآشد سبيكنق!
الوليد:رآشد فاضي؟
رآشد:تبي تطلع؟
الوليد:أي مكآن لو البطحه
رآشد :هههههههههه بس بشرط
الوليد:يآليل الـ...مدري وشو..وش تبي؟
رآشد:ابي اسوق سيارتك؟؟
الوليد:احم!.."وبصوت فيه غرور شوي"..أي وحده اخوي؟..الـ bmولا اللكسز؟..كانك تبي الروز ماعندي مانع
رآشد:اقول لايكثر الوليد بن طلآل وانا مدري..الشتارجر وتخب عليك ههههه
الوليد:ايه اشوى انك تطرني ادور بك فيها..اقول تجهز هذاني جايك
رآشد:ان شالله عمي..بلبس فستاني..بس اصبر خل احط لي مسكره مدري مناكير
الوليد:هههههههههههههههههه رآشد والله لو هموم الدنيا كلها فوق راسي انت تشيلها وترميها
رآشد:هههههههه..افهم من كذا انك تحبني
الوليد بعد تفكير:..امممممم..مب مره..بس اكن لك بعض الود والاحترام
رآشد:الوليد..الوعد عند باب بيتنا
الوليد:ههههههههههههههههههههههه ان شالله يلله بـآي
رآشد:بآيآت


اخذ الوليد مفاتيحه وركب سيارته وأتجـه لـ بيت رآشد..
أول ماركب رآشد مكآن السواق:الله يحيك بسيارتك ههه
الوليد:هههههههههه سق سق بس


"من بكره وعند منال"


كنت جالسه مع عندل نناظر مسلسل على one tv..والله حلووو اسمه قليمور قيرل
منال:فلـه والله لو امي عايشه كان صرنا صديقات كذا
العنود تاكل من الببكورن اللي معها:هههههههه وهي تشاورك تقول اطلع مع خويي؟ ولا وش رآيك نروح مع صديقنا
منال:هههههههههه تخيلي ياملحي..والله ودي أعرف شكلها
عندل لفت لها:ماعندك صوره لها؟
منال هزت راسا بـ"لا"..قالت عندل وهي تناظر التلفزيون:تشبهين هالبنت..والله نسخه
طالعت منال في التلفزيون..:هههههههه اوما..صح نفس الغباء حق الوجه بس مب نسخه
عندل:لاوالله نفسها..حرآم عليك مب غباء..براءه.."تفكر"..اسمها سام مدري اليكس..واحد منهم الحقيقي
منال:اليكس..الله يرحم امـ"ن" جابتك
عندل:هههههههههه بس في المسلسل اسمها سآم


- أحم!...عندل!


تغطيت على طول لاني سمعت صوت سلطان..هذا صوته مستحيل اغلط فيه..قامت له عندل..اما انا رقيت فوق..


"ع ـبير"
- وينك افف سنه؟
هيفا وهي تسكر باب السياره:يختي وش أسوي؟؟..امي طول الوقت تحرص فيني ومسوية لي محاظره
عبير :طيب مب لازم اسمع قصة حياتك..
مشـآ السواق وهنا سألت هيفآ:الا وين بنروح
عبير وهي تطالع قدام:البنات مجتمعين في سوبر موديل
هيفآ:اهاا


أول ماوصلوا اتجهت عبير لـ الحمام..
هيفا:وين؟
عبير:امشي غيري عبايتك..ولا ناويه تدخلين لي بهالعبايه؟
هيفا:اوكي
دخلت هيفآ ولبست عبايه كلها سوارفسكي ..مخصره تبين جسمها
عبير وهي تطالع شكلها بتفحص:بيـرفكت!..امشي
مشـوآ لين وصلوا سوبر موديل ودخلـوا..
عبير:متى مابغيتي تجين..صديقاتي دايم متجمعين هنا
هيفآ:اها


وصلـنا لـ الطاوله وجلسنا..انا حسيت ان هالمكان مب لي..بس شسوي..نصي كان مبسوط.. بس لآحظت شي نظرات عهد لي مب أي شي..جت رنا اللي طلبت لنا كل وحده مشروب شكل وعلى ذوقها..وزعت علينا وجلست جنبي..
رنآ تكلم عهد:اقول عهد من جلست هيفا وانت ماشلت عينك عنها؟
عهد وماشالت عينها عني:لأنها حلوه
أبتسمت وانا مستثقله دمها:تسلميـن!
قامت عبير تكلم العاشق الولهآن وانا جلست مع رنا وعهد..شوي جوآ بنات بويآت ومعهم بنات عاديات..على قولة عبير كيوتات..مدري وش جمعهم..المهم انا قلت لـ رنا لاني مرتاحة لها ولأني أكلمها احياناً قلت لها خل نطلع وفعلآ طلعنا ونزلنا تحت وجلسنا ندور بـ المحلآت


"ريـم"
لفيت نظراتي حول غرفتي..ايامي..او بالاصح ساعاتي صارت معدوده بهالغرفه..بكره ان شالله آخر مره انام وانا مرتاحه هنـآ..
اخذت نفس وانا استرجع الذكريآت..يمكن بعكم يعتبرني سخيفه او خوافه بس والله من الخوف والحد يسي وي اشياء مايدري وشي
×
كانت تركض وهي مابلغت من العمر 10 سنييـن..ركبت السياره ومعها امها وهي مبسوطه ان امها معها..صحيح هي رآكبه قدام وامها ورآ..بس ولو..السواق مايقدر يسوي فيها شي..حتى مايقدر يحط يده على جسمها.. أول مانزلت ام محمد..جت ريم بتنزل بس..حست بـ أحد يمسك يدها البيضـآ والناعمه..لفت لـ السواق
- وين روح؟..اجلس سويآ مع انا؟
قالت والدموع تتمجع في عيونها:مااااااابي اجلس..وخر عنـي ترا والله بعلم ابوي
ضحك السواق لأنه عارف ان محد بيصدقها..تفحص جسمها..صحيح ان عشر سنين وطلعت فيها أي ملآمح..بس كانت ريم بيضـآ ومليانه..وهالشي يكفي بـ النسبه لـ"حيوان" ماتهمه الا شهوته وغرائزه..مايفكر لابـ عقل ولا بـ قلب
توه بيمسكها..بس هي فتحت البآب ونزلت ..ودخلت بيت جدتها ركض..هي تدري ان امها دخلت واخر اهتمامها ان ريم دخلت وراها لأنها تأمن السواق على عيآلها
صدمت بـ شي أول مارفعت عينها لقت ولدعمها الوليد..كان وقتها عمره 15 يعني مب بزر
الوليد:أهلاً ريمووو..اخبارك يابطله؟
ريم وهي تصيح:الوليد!..تكفى الوليد..شف السواق
الوليد:وش فيه؟
ريم ماقدرت تتكلم الاحراج يمنعها..نزل لـ مستواها ومسح على شعرها وقال بحنيه:وش فيك ياقلب الوليد انتي..
ريم:السواق يسـوي لي حركات
الوليد:حركات؟..زي أيش؟
ريم:حركآت غريبه مدري وشـي..الله يخليك رح هاوشه انا دايم اقول لـ محمد وأمي وعبير بس مايسمعون كلآمي.."وصاحت"..ولا يصدقوني
الوليد رفع حاجب:وشي حركات زي ايش؟
ريم صرخت في وجهه:وليـــــــد رح هاااااااوشه!!!
ضحك الوليد:ههههههههه والله انك معقده تلقينه يلعب معك
مسحت دموعها وهي تهز رآسها بـ"لا"
الوليد قام عنها وأتجه لـ فلة سلطان وين الرجال ماكانوا..:اقول ريم لاتصيرين زي اهلك معقده هو يلعب معك..يعني مالقى الا انتي يالبزر يلعب بك؟
ورآآح
×
أكرهـك يالوليد..لو صاير لي شي..كان ماراح اسااامحك ابد..محد فهمني ذاك الوقت الا انت..محد قدر يعرف نوآيا السواق الا انت..ولا فكرة تفزع معااي..
اكررررررررررهك


رجعت بها الذاكره يوم يدري أبوها.."أبتسمت"..كيف عصصب على السواق وطاح فيه ظرب..وسفره علطوول..وحلف مانجيب سواق من نفس جنسيته..
الله يرحمك يبـه..ويدخلك جناته


"هيفـآ"


كنـآ نتشمى انا ورنا في المملكه..والله ونااسه كل مامروا شباب طالعونا انا ورنا..مب لامني لبست عباية رآس محد يفكر يناظرني..يحسسني بأنوثتي..اففف
جلسنآ في جلسات انا خااقه مع واحد من شفته وانا قلبي يقول طربق طربق طرقااح..احم هذا صوت قلبي الحين هههههه..حتى هو والله ماشآل عينه ولو أني كنت متلثمـه..مدري كيف قدر يخق مع شكلي..اجل لو افتش؟..اتوقع يغمى عليه من الخقـه..تؤ تؤ..مسكيـن!...المهم قآمت رنآ بتجيب لها قهوه هالبنت تتعـآطى قهوه..فآجأني شي انه جـآ وجلس معي..انا هنا قام قلبي يظرب طبول..ويطلع صوووآرخ حقت العيد هذيك الل عند شارع الملك عبدالله حق الحوامل عرفتوه؟؟..أيه هذي كانت جوآي..
جلست :مسـآء الخير ياقمر
تدرون ان القلب هو اللي يضخ الدم صح؟..انا صار وجهي هو اللي يضخه!..قلت وانا ارفع حاجب بـ اشمئزاز..:نعم اخوي بغيت شي؟
أبتسم ابتسامه يغيت انسـى حليب امي..اصلاً انا ناسيته:لآ بس حبيت اتعرف..
هيفآ:اقول يآلاخو قم بس لاجيب العيد بدري..
ضحك:هههههه..أوكي انا أسمـي مآجد
وقآم..الحمدالله والشكر..وش اسوي بأسمه هـ العله..لا والله مب عله شكله واسمه وكله يهبــل..
- مين تو كان هوون؟
طالعت في رنا ومعها قهوه:وانتي ماغير تقحنين في هالقهوه
رنا:لاتغيرين الموضوع..من كان هنا؟
هزيت كتفي وانا مسويه مب مهتمه:واحد يقول اسمه ماجد
رنا رفعت حاجب:طبعـاً انتي مافهمتي وش ييقصد صح؟
رفعت حاجبي..وانا ماغير ارفع هي هالحاجب:وش افهم؟
اخذت جوالي..وفتحت البلوتوث ودورت اسـم ماجد..وفـعلاً لقته وارسلت له مدري وشو
طالع فيني ومعه أخوياه..والله شكله ولد نعمه..من شفت ثوبه وجواله وجزمته وكله وانا قايله انه ولد نعمـه..
جاني بلووث منه..كاتب رقمـه هو وذا الخشه هههههههههه الحين ماعندي غير سب ومدح.. شكل عندي انفصآم بالشخصيه


"منـآل"
كنت أكلم نجد صديقتي..ومتحجبه بـ الجلآل..اول ماخلصت منها نزلت مالقيت احد بالصاله علطول خمنت انهم بـ البلكونه..دخلت وانا متغطيه لاني سمعت صوت سلطان..جلست معاهم شوي
ثمن طفشت جالسين يسولفون عن اهلهم وانا وسلطان ساكتين..والله فاضين من حملت ومن ولدت..ومن تطلقت..اخر شي قررت اطلع برآ..أبتسم على حركة سلطان امس ويوم يدافع عني..صدق جسيته رجآل ومحمد الله يـ......اففف ماودي ادعي عليه..لأن هو كان وقتها معصب ومن حقه يدافع عن اخته..هو مايعرفني ولا يعرف كذب هيفـآ.. عشان كذا ماأقدر الومه واللي عرفته من عندل ان محمد طيب مرره..
بس فآجأني شي هو يوم يقول سلطان بـ هيفا عن العبايه..أكيد عندل قالت له هههه فله انا قاصده اقولها كودها تقوله..احســـن قالت له وعرف اني مظلومه بس يقهـر ماأعتذر افف


- احـم!..ياولد
علطوول تغطيت ومـر من عندي..لمحت شبح أبتسامه على ثغره..فتحت فمي من غير رآيي :سـ..سلطان
وقف وقتهـآ حسيت بـ الخوف..ليش اناديه صدق ماعندي سالفه..:اممممم..شكـراً
سلطان:على؟
منال:يوم...يوم محمد
توقعـته يقولي عفـواً..أي شي..ماعليك هذا واجبي..بس رآح..أتجه لـ باب االشآرع وطلـع
قهرررررني هذا وانا مسويه سنعه وحركـآت قايله شكراً ماأقول الا مـآلت


"في المطعـم"

- خصلتي ياقلبي
أبتسمت ليآن:ايه بس بروح الحمامات واغسل
ياسر:حلوو..يلله
قامت ليآن ورآحت الحمام..وياسر نفس الشي..كان عبدالمجيد يحتريهم في السياره..
طلعت ليان من الحمام ومشت جنب ياسر اللي دفع الحسآب..وجوآ بيطلعون..صدم ياسر في شخـص..
- عمـى!..ماتشوف انت ؟
البياض اللي كان من صفات وجه ياسر..صآر صفار..أبتسم ياسر وهو منزل رآسه:آسف أخوي انا فعلاً أعمى
انخطف وجه الرجآل..وقآل:آسـ..اقصد اعذرني مادريت.."ولف لـ زوجته"..امشي ندخل
دخلـوا وليان علطول مسكت يد يآسر الى الان مبتسم بس مب أبتسامة الفرح الابتسامه اللي تحلي وجهه..لا!..أكيد الغبي يقدر يأكد انه انجرح من كلـة الرجآل
ليآن:يآسر حبيبي لا تضيق صدرك..عشآن خاطري
ياسر ميل شفته بـ ابتسامه:ومن قال ان صدري ضآق؟..بلعكس عادي
طالعت فيه ليان لوك تقدر تشوف وجهك مابعد صرت بقره عشان اغفل عن لمحـة الحزن..ونبرة الشفقه في صوت الرجال يعني لو ياسر مب اعمى كان ماقاله كذا ولاأعتذر بس يمكنه يعتبر ياسر حاله خاصه لآنه اعمى وهذا شي ثاني جرح ياسر
ليآن:ياسر انت انجرحت من كلمتة..لاتكذب علي
ياسر انمحت الابتسآمه وقال بـ صوت ماخفت العصبيه عن ليان:ليآن ادري انك فتفحين معي موال العمليه..يا ليان انا سويتها مرتين خلااص مافي امل..ويمكن لو أسويها مره ثانيه تصير نتايج عكسيه خلاآص..يمكن كذا احسن لي اجلس اعمى.."وابتسم وقال"..اهم شي انك مرتآحه معي..صح؟
ليآن تضم يده لهـآ:مرتاحه معك وبس؟؟..الا ماأبي غيرك من هالدنيا كلها
أبتسم بـ رآحه وأتجهـوآ لـ السياره


" الوليد ومن بكـره"
- ياآخي لاتجلس تسوي في نفسك كذا..خلاآص ماتسوى عليك
الوليد بـ عصبيه وتوتر وخوف وكل شعور داخله:ماأبيها والله ماأبيها..ابي نووف
رآشد بينزل من السياره:اسمع انا بنزل الحين الوالده طالبتني زي ماقلت لك..لاتسوي في نفسك شي..اعرفك انا ضعيف ايمان..رح الحلآق وحلق ومر بيت عمك المرحوم..لازم ترتز اول واحد هناك
الوليد يمسك الدركسـون بـ قوه ويرص على أسنانه:رآشد انقلع عند امك لآأجي افرشك
سكر رآشد ولا رد..
أخذ الوليد نفس..لو يقدر كان عااند..بس خلااص وش عقبه؟ يوم طاح الفآس بالرآس؟
أخذ جواله وأتجه لـ مكان محدد في رآسه..دق الارقآم وردة عليه
-هلاوالله وغلا
الوليد:مريم؟..انتي بالشـقه صح؟
مريم بـ غنج:اكيـد.."وبنبره"..الجمعه عندي
الوليد:ثوآني وجايك
أتجـه الوليد لـ مريم بـ سررعه البرق
×
×
لبست فسآني الكستنائي طويل وحلوو..طالعت في ساعتي بتوتر وخوف..طالعت ساعتي السآعه 8 ونص والساعه 10 بيجي الملاّك..ان شالله تصير زحمه ولا يجي..
اخذت نفس خلااص ياريم..هو ماله دخل فيك ابد محمد هو بيلبي لك كل طلبآتك والوليد زوجك بـ الاسم بس..
انا جالسه اكذب على مين محمد مصيره يتزوج ويمل مني..
المـهم الوليد زوجي بس قدام الناس ..أما في نظري ونظره ونـظر زوجته..مجرد أثنين مع بعض في نفس البيت
×
×
دخلت الشقه..بس المكآن كان هادي..سكرت الباب ورآي ..يمكن محد جـآ لين الحين..رميت نفسي ع الكنب ..
كنت معصب مدري من ايش بس توني احس على نفسي..يوم ملكتي حسيت على دمي شوي..ولا يوم أكلم نوف ماخفت علي نبرة الحزن في صوتها..آآآه بس
دخلت علي مريم..او طلعت من غرفتهآ..كانت لابسه فستان قصير حرير..مغـري!..أتجهت لـ المطبخ وقدمت لي قهـوه..سبحان على قد مانوف تحبني..بس محد يفهمني كثر مريم..لأني محاج قهوه الحين..مع سكر كثيـر..رغم انها تعتبرني غامض..قربت من عندي وهي مبتسمه..وعطتني القهوه..شربت منها وهي أكثرها سكر..تعرفنـي..طالعت جسمهـآ من فوق لـ تحت..
بللت شفايفي ..وانا احاول اقاوم عيني ماتناظر فيها..بلعت ريقي وقلت وانا أأشر على لبسها بـ رآسي: وش..وش هاللبس؟
مسكت طرفه بمـآ انه نص الفخذ..وارتفع شوي..ودي الف بس مقدر..جسمها شي حلوو..عذآب!..قالت وهي تطالعه ورافع طرفه وكأنه ماتقدر تشوفه الا لين رفعت طرف منه: لابسته عشانك.."وبـ همس ودلع ذووبني"..مو أنآ احبك؟..
حطيت القهـوه..وقلت بثقـه اخفي هالارتباك:قربي
قربت لي وجلست جنبي مرره ..ليش قلت لها تقرب؟..هي أصلاً تبيها من ربي..ماقالت لي ليش تقولي قربي جت وجلست جنبـي..كنـآ 2..الشيطآن هو الثآلث!
×
×
- ماجـآ
ناظر امه وهو يطالع الساعه بتوتر:لا..بس تونا بدري انا قايل 10
ام محمد:ولو!..مفروض يجي بدري..
محمد يهدي امه..الملكه ساكتيه..وشو له يجي بدري؟
ام محمد:انا قلبـي ناغزني


عطني اعذارك وانا ابقى بـ حبك"


ودي أكـون أي شخص ثآني..
أي شخص عآبر .. وألتقآك
وبسألك وش منك جآني وبالمقآبل شلي جآك
انت ماتذكر حنآني؟
وكـيف كنت اشري رضآك..كنت أشوف العمـر
فـــــآني
واللي يبقـى لي هـوآك


سكرت جوالي وحطيته على الطاوله بـ ملل..قمت لـ غرفتي وانا احس بـ دوخه..مسكت بـ الباب بس بسرعه رجعت لـ توازني..حطيت يدي على بطني وقلت بـ همس: حتى وانت في بطني متعبني..ولد طلآل مارحت بعيد!
مادخلت الغرفه رحت لـ الكنبه اللي كنت جالسه فيها وجلست ارتاح ..اخذت جوالي ودقيت على ماجد أخوي..بس مارد..
رميت الجوآل..
احس بـ غثيان..اففف الله ياخذك من ولد..أكرهك حتى وانت في بطني..اكرهك وانا مابعد شفتك

يتبع ,,,,
👇👇👇
أحدث أقدم