رواية بقول ولا تقاطعني -2

رواية بقول ولا تقاطعني - غرام


رواية بقول ولا تقاطعني -2

سفهت فيهاا..دخلت غرفتي وشفت من الشبـآك عائلة ابو عبدالعزيز وهم يضفـون اغراضهم فوق الـجيب حقهم..حطيت يدي على خدي وانا اشوفهم..شكلهم ناوين يروحون البر او شاليهات

ماقد رحت لـ أي شاليه بـ حياتي بس اسمع صديقااتي لما يسولفون

عائلتهم مكونه من 3 بنـآت وولدين..هو اسمه ابو عبدالعزيز...

اللي اعرفه ان عنده ولد اسمـه عبدالعزيز..هههه اكتشفت البترول..يقول عمي انه فااهي والله موب شكله فااهي..وفيه ولد ماأعرف وش اسمه والبااقي بناات..نفس الشي ماأعرف اسمائهم

جت سيـآره كان شكلها حلوو مرررره..لونها اسـود خيـآل..عجبتني خخ..وقفوا عبدالعزيز واخوه مدري وشسمه..اما بنات ابو عبدالعزيز دخلـوا جووا.. راعي السيـآره اللي الظااهر لو اعيش عمري مرتين ماراح اجيب لو نص فلوسهاا..ماكان وجهه بـآين..فضوول ياكلني ابي اشوف وجهه..

كان عبدالعزيز يكلمه شوي يضحك وشوي يبتسم..ثـوآني معدوده ومشى صااحب السيـآره واختفى بين الابنيه وانا الى الان ماشفت وجهه

دخل عبدالعزيز اما اخوه جلس..في فرق بين عبدالعزيز واخوه يعني لو بنقول ان واحد منهم فااهي فـ هو اخوه مع ان شكلهم كلهم رجـآل ماشالله عليه..


"عند عائلة ابو عبدالعزيز"

دخلت..وقفت قدام المرايه..اليوم توها مخلصه اختبـآرات ومخلصه ثالث ثنوي..اخذت نفس وطالعت شكلها كانت لابسه تنوره جينز طويله وبلوزه بيضـآ..وشعرها رابطته والذيل ستيرت..ابتسمت لـ شكلهاا..بـ رضا

- امل!..وين شنطت اختك؟

التفت امل لـ أمهاا وابتسمت بـ نعومه:يمـه..كم مره لازم اقولك ركبهاا عمر..خلاااص ركبنا كل شي
ام عبدالعزيز مرتبشه:خلاص خلاص!..وين أختك؟
امل:مدري..تو دخلناا عشـ...
قاطعتهاا امهاا:اوكي اوكي!..روحي شوفي خوله فوق..مابعد نزلتها وقولي لـ اختك الكبيره تنزل ماعد الا خير
امل:تو كانت معي براا..مدري وين ذلفت هـ الشينه
ام عبدالعزيز:ماعليه...روحي شوفي وينها بعد ماتااخذين خوله..
طلعت امل فوق ودخلت غرفة امها وابوهاا وشافت خوله اختهاا اللي تبلغ الـ 4 سنين جالسه وتلعب بـ العروسه..ابتسمت وشالتهاا وانتبهت لـ بيت الجيران..طالعت شوي تحب تتأمله تحسه قديم ومهتري..بس ملموم..أهله عايشين حياة عائله حلووو.."هزت كتفها"..واحنا بعد الحمدالله .. الله لايغير عليناا..

نزلت تحت عشـأن تشوف اختهاا هيفـآ اللي اكبر منها بـ4 سنين..
كانت هيفا لابسه عبايتهاا وجالسه وتلكم صديقتهاا اللي ماتمر ثانيه الا تكلمهاا..
امل:هيفـآ!
هيفـآ:نعم!..."تلكم صديقتها"..دقيقه حبيبتي!...وش تبين؟
امل:امي تقول تجهزوا
هيفا:طيب انا لابسه عبايتي..
جلست امل وحطت اختهاا خوله ع الارض..دخل عبدالعزيز:السلآم عليكم
امل ابتسمت:عزوز!..وعليكم السلآم..نروح نركب
عبدالعزيز:هههه...مستعجله؟..تراك بتملين الطريق 4 ساعات
امل:عاادي..
شالت امل خوله ورن التفلـون..جت بترد بس اشر لها عبدالعزيز انها روح جت بتطلع هي وهيفآ

رفع السمـآعه:آلوو
....:آلوو..السلآم عليكم
عبدالعزيز:وعليكم السلآم...من معي
....:عبدالعزيز؟..انا ريم..كيفك؟
عبدالعزيز:ايه هلا ريم..ألحمدالله انتي شلونك
ريم تختصر:بخير...ألا وين اموووله؟
عبدالعزيز:والله توها طالعه..
ريم:خلاااص اجل..فمـآن الله
عبدالعزيز:فمـآن الله


طلـع عبدالعزيز وركب السياره..كان معااه امه واخته وعمر..اما ابوه بيلحقهم بعدين لان عنده شغـل

ام عبدالعزيز:امل وهيفـآ من الحين اقولكم..ان صاروا عيـآل عمكم فيه..ولا فيه رجـآل..
كمل عمر:تنثبـرون في الشاليه انتي وايااهاا
هيفـآ:اقول لايكثر يابو خشـه!..امي تلكمنا ولا قالت عمر
خوله تكشر في وجه اخوها:وقـآآحه!
امل:هههه..تعملتها منك ياهيفـآ
هيفآ تبوس اختها:ياحبي لك ياخوله!...وربي انك شي
ام عبدالعزيز:المهم كلامي واضح؟
هيفا:يمه موب لازم تقولين لناا..كل يوم لازم تقوولين!
عبدالعزيز:لـ التذكير فقط
امل:نتذكر
عمر:لاتنسـون!
ام عبدالعزيز:اسسسسكت!..كل ماقلنا شي حكـآ
عبدالعزيز وهيفآ:هههههه..
امل:يمـه..بيجي عمي فهد؟
ام عبدالعزيز:اكيد
عبدالعزيز يناظر اخته من المرايه:على طااري عمي فهد تراا ريم داقه عليك قبل لانطلع
امل:اممممممم..بشوفها ان وصلناا..مو لازم ادق
هيفآ:بخليه ماتبي تصررف فاتورتهاا..ماراح توصلين الحد الأتمااني..لاتخافين
ام عبدالعزيز:ليتك مثلهاا
عمر:في هذي انا معـآآآآآآكم
امل:ههههه..ملقووف!


×|الفصل الثـآني|×

"جمرة غضى .. أضمها بكفي..أضمها حيـل "

يوم جديد في احدى أيـآمي الـ"فاضيه"..قمت من مفرشي وانا انفض اخر خيوط من احلآمي..
دخلت الحمام وغسلت وجهي..امس نمت بدري من الطفش..والله متحمسه اعرف وش نتيجتي.. ولو اني ماراح استفيد منها لاني ماراح ادخل الجامعه..بس من محااسن نومتي بدري اني مالحقت على عمي وهو رااجع..يسكر وانا اتحمل.."اخذت نفس"..لبست جلابيه قطن لان الجوو حـآر..ولميت شعري اللي على قولة وحده من النـآس..الله يذكرها بـ الخير..شعري اللي كنـه زولية بيتهم..ههههه..من ناحية اللون ...
هذي صديقتي معي من المتوسط..والله كانت اياام حلووه..
في نقطـه نسيت اقولها لكم اللي هي ان امي مو سعوديه....امم ماراح اقولكم قصة ابوي الحين لان عندي شغل لما شوشتي..بس امي فرنسيـه..وهذا سبب ان عيـوني خضر..بس اخضر غاامق يعني مو اللي بااين مره..بس من شاافني من بعيد يعرف انها ملونه..تدرون عااد ان في نااس ماتدري اني سعوديه..هههه..شعري لونه بني فااااتح..احسه اشقر احاينا..اجل لون زوليه..خخخخ..

نزلت تحت دخلت المطبخ وطلعت نواشف اسم اني مسويه غدا..لان ماافيه أي شي ممكن اني اطبخه..السـآعه الحين 9 صباحاا..عمي اكيد في شغله ومرة عمي يبيلها وقت لما تقوم..طلعت براا لاني ماغسلت الحوش من يوم اياام المراجعه..وبديت اغسله تحت هـ الشمس الحااره..والله حرررر الله لايوريكم..

وقفت وانا اعدل ظهري وضربته ضربين خفيفات..واخذت نفس عميـق..الحين خلصت..دخلت البيت وتوني بنسدح ع الكنبه برتااح..
-خير خير!..ناويه تنومين عمتي طلاله؟؟..

ناظرت منال مرة عمهاا..وقامت من الكنبه..
منال:طيب انا خلصت شغلي
مرة عم منال:غسلتي الحوش؟
منال:ايه
مرة عمها:طيب سويتي فطور؟
منال:ايه
مرة عمها:غسلتي الملابس
منال:لا
مرة عمها:لاياشيخه؟..وناويه ترقدين؟؟..اذلفي يللااا

رحت فوق وانا افكر بس وش بتكون نهايتي مع هـ العيشه..دايم هـ السؤال يجي..مدري ليه..

رحت عشاان اغسـل الملابس..

"في مدينه ثانيه..وعند البحر"

وقف عند البحر..يدينه في جيبه والهوا يضرب وجهه بـ كل حريه..ويداعب خصلآت شعره الاسود..عينه الداكنه تطالع في البحر..تنهد من الاعمـآق الى الان عاايش بس ميت..الكل يظن انه نااسي بس هيهـآت..

يحس هـ البحر واتمداده اللي ماله نهاايه في نظره..مثلـه!..مثل حزنه اللا متنـاهي..يحسبونه مكبر الموضوع!..هذا شعوري ومحد بيحس فيه غيري
رجع قـنآع اللا مبالاه على وجهه وركب سيـآرته السـودا..وانطلـق لـ"ولامكـان"

"عند عيـآل ابو عبدالعزيز"

كانت امل جالسه ع البلكونه وتقرا مجلة باريس غاليري..دخلت هيفا وهي تكلم
هيفـآ:اووكي..خخ لابس قلت يمكن تبين شي ولاااش....ههه..يللا اجل فمان الله..

امل تسكر المجله وتحطها ع الطاوله اللي جنب كرسيهاا:انتي ماتعورك اذنك؟
هيفا:نلااله الا الله
امل:تدرين يقولون ان الجوال مضر اكثر من التدخين؟
هيفا:فقـش.."وقربت لها"..وش عندك ياحلوووه؟
امل:وشو؟
هيفا:اشوفك تو تشربين شي؟؟
امل ترفع العصير في وجه هيفـآ:عصير برتقـآل..وين الشي الغريب؟
هيفـآ توقف بـ ملل:خل نطلع لـ أي شي
امل ماعجبتها الفكره:عيـآل عمااني براا..ولاتنسين امي..والله ان تدفنّـأ احيّـآء
هيفـآ تجلس جنب اختها:متى يجون بنـآت عمي؟؟..عبير راعية طوويله..وريم حظرتها لازم تتأخر
امل:تعرفينها بعد..لازم تروح لـ مملكة المراءه كل ماطلعت من الامتحـآن
هيفـآ:ايه والله من زماان عن مملكة المراءه.."حطت يدها على خدها"..ان شالله اذا رجعنا الرياض رحناا
امل:انتي تعرفين ابوي مايحب هـ الامااكن!..
هيفا تتأفف:افففففف..ابوي مايحب شي
امل:احمدي ربك..أبوي ماحرمك ياخبله.."ومدت لها العصير"..خذي
ماأخذت هيفـآ العصير ورجعت تدخل جوا الشاليه..هزت امل راسهاا ورجعت العصير ع الطـآوله..وواخذت المجله جالسه تقلب فيها اللي مالقت غيرهاا بالشاليه..

- ياأخي عطني الكوره لايجيك كف يعدل وجهك!

رفعت نظرهاا لـ الصوت هذا صوت الوليد ولد عمهاا..ضااقت عيونها صحيح ماقد كلمته ولا بينها وبينه أي ذكرياات بس تحس ان في حيـآته اسرار كثيره يخبيهاا..هي مالحقت عليه لان عمره 24..وهي 18 سنه وبينهم فرق6سنين وهو اصلا كان يحب يجلس مع الاولاد الكبـآر..
هزت رااسهاا وكملت قرايه في المجله..

"منال"
نزلت من الدرج وانا الم شعري الرطب..توني متحممه..الله انتعـآآآش صرآآحه..بس وقفني شي واحد

- الله يلعن شكله..والله انه مايستحي
مرة عمي:منهوو اللي مايستحي؟؟..هذا حقه
عمي:لامايستحي!...اجل رجـآلن كبر ابوه يطردني؟؟..فوضه الديناا
سكتت شوي ثمن قالت:بس انت صار لك 6 شهور مادفعت الاجاار..المهم دبر لك فلووس عشاان نشوف وش بنسوي..مانقدر نسكن في الشـآرع
عمي:مدري هو عطااني فرصه...وبشوف وش بسوي..
نزلت تحت وتوجهت لـ المطبخ..وانا في طريقي شفت عمي يطلع الزقااير حقته..طالعت الشبـآك المغرب قرب..لازم هـ الوقت من اليوم..لازم يدخن..الله يصلحه

مرة عمي:ترااك خيستنااا...رح برآآآ..وان خلصت تعـآل
طلع عمي من غير لاينطق ولا كلمـه..مدري ليه لحقته..اقولكم شي؟؟..احب ريحة الدخـآن بس اتجنبهاا.. مع اني اتذكر لما كنت في..اممممم..بلكن اولى ثنوي او ثآني..اخذنا في الفقه عن الدخاان وانه مضر..وان الناس الي تجلس مع المدخن كأنهاا تدخن معه بس طبعا بـ كميه اقل


اذن المغرب وجلست اردد مع المؤذن..طبعا عمي الله يهديه اخر شي يفكر فيه انه يروح يصلي في المسجد...سمعت صوت ابو عبدالعزيز..

ابو عبدالعزيز:السـلآم عليكم
عمي:وعليكم السـلآم!!
ابوعبدالعزيز:وش رآيك نمشي انا واأيآك لـ المسجد؟؟
عمي سكت الظااهر انه يطالعه ووده يقول وش دخلك..:لا رح انت لحالك..ماتدل؟
ابو عبدالعزيز بـ مرح:الا ادل...بس قلت نمشي انا وانت..يعني نكسب اجر مع بعض
عمي:لاالله رحم والديك...رح لحالك
ابو عبدالعزيز بـ جديه:ياأخي خل عنك هـ المنكر..وارجع لـ طريقك والله ماراح تستفيد شي من هـ السم اللي تاخذه
عمي:اقول يالمطووع..اللحق على صلآتك احسن لك
تنهد ابو عبدالعزيز..ورآح..:الله يهديك..

ضـآق صدري لان عمي زعّـل ابو عبدالعزيز..والله انه مايستـآهل..ونفس الشي عمي لين متى بيضل متهااون في الصـلاة؟؟..

دخلت جوا لاني ابي اصلي..ماشفت مرة عمي في الصاله..اممممم..يمكن في المطبخ...مدري..رحت لـ غرفتي لاني ابي اصلي

"في الشاليهـآت"
طلت بـ رآسهاا:أنـآ جييييييييت
التفت امل لـ بنت عمها ريم..وقالت بـ زعل مطنع:لاوالله؟..توك تجين؟؟
ريم قربت لهاا وحطت طرحتها اللي كانت مليـآنه كريستال ملون على كتفهاا:وش اسوي تأخر في ممكلة المراءه
امل:بـ الله وش تسوين بالمملكه..يوم كـآآمل؟
ريم:هههههههه..ماطلعت الا المغرب!..وقلت ماراح اروح الحين خل اسنـأنس شوي واجي
امل:في احد يعااف السفر عشاان الممكله يختي ماراح تطير
ريم تنفش شعرها الاسـود الغزير:نوب..بس احلى شي انك تطلعين من الاختبـآر وعلطوول ع المملكه
امل تهز كتفها:مدري وش الفكره من هـ التصرف بس اهم شي استـانستي
ريم:مررررررررره...كلهم هنـآك بنات مداارس..اي مدرسه تبين..التربيه !..دار العلوم دار السلام دار المعارف..كللللللهم..حتى الحكومياات.مرر فلينااهاا
امل:هههه..وش بتسوين لامنك رحتي الجامعه؟
ريم:اممممم..مدري أشـوف..بس اكيد بنات الجامعاات هنـآك..لان عبير تروح بعد
امل:ودي يوم اجرب هـ الونااسه
ريم:في اليوم الوطني ان شالله..
امل:ماشالله عاارفه متى موعد الهبـآل..
ريم تضرب على صردها بـ فخر:افكوووووورس

دخلت هيفـآ..وسلمت على ريم
هيفـآ:وش عندك مبسووطه ريموه؟
ريم تبتسم لـ هيفاا وبانت اسنانها وصفتها الحلوه:مرووقه..نايمه كثيير
هيفـآ:وين اختك؟
ريم:توها ست الحسن مابعد كشخت
هيفا ارتااعت:ماجت؟؟؟؟؟
ريم:هههه..الا..بس في الحمـآم!
امل:هيفاا وين خوله؟
هيفا:مع امي..."وقامت"..بروح اشوف امل حجازي وينهاا
ريم:هههه..روحي

هيفا تسمي عبير امل حجازي لانها تشبه لها مرره

امل:وآآلله اختك حاله مستعصيه!..مافي الا اهلها ونااسها ليش تتزين؟؟
ريم تتطنز:حركات الـhigh class
امل:ياروووحي!
ريم:قومي نمشي ياللا
امل:لالا..اخااف في عيـآل عمي برآآآ
ريم:من فيه ياحسـره..بعيد ان انتظرنااهم ماراح نطلع..يللا بس
امل:اووكي..بس بلبس عبايتي لحظه
ريم:اوكي!

دخلـوا الشاليه وريم انتظرت امل عند البـآب..
ريم شافت امل وهي تحط عبـآيتها على راسهاا:مدري وشلون تتحملين

يتبع ,,,,
👇👇👇
أحدث أقدم