رواية بقول ولا تقاطعني -39

رواية بقول ولا تقاطعني - غرام

رواية بقول ولا تقاطعني -39

طلعت من الغـرفه..نزلت الدرج..بس فآجأني منظر وحده........لا شكلها مب وحده هذي واحد

- ههه ياحبي لك نوفتي قلبي
طالعت نوف اللي كانت مبسوطه مع الجلسه مع وحده زي كذا..تنحنحت..ولفت البنت الطرحه عليها..خوش غـظى والله..أصلاً هي معتبره نفسها رجال وشو له العبايه اساساً..أستغفر الله بس
نوف أرتبكت:أ...ألوليد انت هنا؟؟..على بالي انك عند عمك
عصبت منها مدري ليه..صاير ماأشتهي اشوف وجهها ابد:وانتي حضرتك ليش جالسه هنا؟؟.. ماتبين تجين؟؟؟؟؟؟؟
نوف:بس انا مالي دخل
الوليد:وليش ريم راحت؟
نوف عصبت منه لانه فشلها عند صديقتها:اول شي لاتجلس تقـآرني بـ وحده متخلفه زي هذي..ثانياً هذاك يصير عمـها كانك ماتدري
الوليد:مانيب مكلمك الحين وانتي عندك ..."طالعتها بـاحتقار..وهي رفعت حاجبها"..مع السـلآمه..
وطلعت وانا ضاااايق خلقـي منهـآ..عرفت الحين ان الحيـآ اللي كنت اكرهه في الحريم صار شي حلوو ولازم الواحد يدور عليه..لوها ريم ورفعت صوتي عليها كان سكتت..ولوأنها ماقد خلتني ارفع صوتي عليها..بس ريم......
الحين وانا وش فيني صاير أقـآرن بينهم كثير..ونوف قالتها بـ نفسها.."لاتجلس تقارن"..لان نوف هي زوجتي
بس ماعجبني انها تقول عن ريم متخلفه!!!!...مهمـآ كان هي زوجتي ولاأرضى عليها..

وصلـت المستشفـى


"ليـــآن"
- هآوووو..ليانووه وش فيتس؟
ليآن:مافيني شي..بس ياسر يمه
ام ليان:وش فيه ؟
ليان:كل ماكلمـني احسها اخر مره يكلمنـي فيها..
ام ليان:وراه؟؟..وش هالوساوس
ليان شوي وتصيح:مب وساوس يمـه..بس هو كل كلمه والثآنيه يقول انتـبهي لـ عمرك وسامحيني..
ام ليان:طيب هذا طبيعي لانه بيسـآفر
حاولت ليان تكذب شكوكها مع ان ياسر يدعمها..وتصدق امهاا..
ام ليان:طيب ماقالتس وش صار على عمليـته
ليان:لا معييّ يقولي..
ام ليان:خير ان شالله انتي بس لاتشيلين هم

"في المسـشفـى"

- اففففففف..لين متى واحنا هنـآ يعني؟
امل:قصري صوتك لاتسمعك امي..تسطرك..أستحي على وجهك
هيفـآ:مالك دخل
ام عبدالله:خليهـأ قليلة الحيا سامعتها..اصلا هي من يومها مافيها حيـآ
هيفآ:انا مافيني حيـآ؟؟؟؟؟؟
ام عبدالله:أيــه!!..مير وجهـتس ومقفاتس واحد..
ماقدرت امل تمسك ضحكتها وأنفجـرت هي وريم وعبير...والكل
ريم:هههههههههههههههههههه.."بـ همس لـ امل"..مسكينه فضيحتها في جلاجل
امل:احســن شوفي تفشلت عند محمد اخوك والوليد..كلهـم يضحكوون..
ريم طالعت الوليد اللي ماشـآل عينه عنـها..:من جد..

هيفـآ بـ قههر:شفتي يمه..كلهـم يضحكون علي
ام عبدالله:مزديـه فيتس..كودتس تعقلين..وبعدين محدن غاصبتس تجين..
هيفآ تكتفت ..وخبطت رجلها بـ الارض:.................افففف

التفت عندل وشافت منال جايه مع أمهاا..

- هذي شينة الحلايا جايه..بس من اللي معها؟
عبير:مدري والله
هيفا:سبحان الله انا كذا ماأتقبل الغرب
عبير:هذي مرة طلال..ولو انها مب مره معنـآ بس انك تحاليتي عليها
هيفا:ايه مرةطلال عسسل..شوفيها جــآيه لـ حد هنا عشان عم زوجها..يعني ياخال ابو حك ظهري
عبير:ههههههه الله يخس أبليسك..اقول اسكتي بس>يامصلي

منال:وش فيه
العنود:يقول الدكـتور انه تلقـى صدمه..وانه داخل في غيبوبه بس حالته مستقره
منال:الله يشفيــه يارب ويقوم بـ السلآمه
العنود:آآمين
فرح:بِشـري العنود..شنو قالكم الدكتور..

وأمي تسأل العنود..انا تقدمت لـ الغرفه وطليت عليه..بس المنظر اكبر مني..كان منسدح وحوله الاجهـزه..

{...تأكد إنك فـ بالي وتراك احساسي السادس ..! ..}

مــرت سـآعه ونص..وبـدت النـآس تروح..ام عبدالعزيز خذت بناتها وراحت..ومحمد اخذ اخته ..ولزم انه ياخذ معه ام عبدالله وعندل اللي رفضـوا بس وش يسوون قعدتهم مالها فايده.. وغلا مرهـآ اخوها..والوليد اخذ ريم..مـآبقـى الا اناوأمـي

دخلت الغـرفه..شآفتني امي..بس قدرت تقـرآ الترجي بـ عيوني..وتركتنـي..هذي آخر ساعات لي هنـآ بالرياض..ماقدرت احبس دموعي اكثر...نزلت غصب عني..يوم شفته مدد قدآمي..ألانسـآن اللي انقذ حيآتي..أكثر من مره..سـوا اللي مايتسـوى عشاني..ومعه احس بـ الامان..ألانسـآن اللي حبيـته رغم كل شي..رعم قسـوته..رغم صده لي..الحين هو مدد قدآمـي اول أسباب الامـآن بـ النسبه لي..أشـوفه بـ أضعف حالاته..كان لي رجآل و"ولـيّ" وأصير جاحده لو ماقلت عـزوه..

منال:سلطـآن..كان ودي اودعـك قبل آسـآفر..بس ربي ماكتبه..انا بسـآفر بس قلبي لا..قلبي بـ يجلس هنـآ جنبك لين تصحـى.."شهقت"..سلطان هي كلمه ودي أقولها...مالي حق..وأحسن لي وأحسـن لك تبقـى داخلي.."تنهدت"..لاتخاف ياسلطان..بـ دعي لك كل ليله وفي كل صلاة.."أبتسمت وسط دموعي"..ان ربي يشفيك وترجع لـ اهلك سالم..ترآ مالهم غيرك..محد مقآبلهم غيرك..

- منــآل يمـه..رحلتنـآ قرب وقتها لازم نكون بالمطار
لفيت لـ أمي:يمـه تكفين ادعي له
فرح تمد يدها تمسد يد منال:ان شالله ياقلبي..بس انتي لا تسوين جذي
مسحت دموعي:ان شالله يمـه..مشينـآ

قبـل لاأروح القيت نـظره ويمكن تكـون الاخيره...نظـره لـ اغلى رجل بـ حياتي..

ادعي علي بالموت ولا سمني
بس لاتفارقني دخيل الله وتغيب
طاري السفر يابعد عمري همني
شلون أودع فـ المطار أغلى حبيب
تعال قبل اتروح عني ضمني
اقرب من انفاسي ترا حالي صعيب
ابـ انتثر قدام عينك لمني
وابسئلك هل نلتقي عما قريب
نسيت حتى اسمي دخيلك سمني
باللي تسميني آلبيلك وأجيب
مجنون عاقل ماعلي من لامني
انا مع نفسي واحس إني غريب
الحظ الاوفـر للأسف ماعمني
ماعمني غير بعذابي والنحيب
يسئلني عنك العطر من بيشمني
من قلت بتسافر همل دمعه سكيب


وصلنــآ المطآر..
فرح:منال ليش هالحزن كلـه..خلي ايمانج بـ بربج قوي..
منال:............
فرح:ترا ازعل منج
منال:لايمــه..انا بس أفكــر
فرح:تفكـرين ولا توسوسين؟؟
هزيت راسي..

فمآنْ الله وأمآن الله عليكْ إن طآلت الغيبة....
تذكّر كل فرحّ مـر كنتْ أعظمْ أسبآبه...


"الوليد"
فصخت الثـوب اللي علي..وعمتـي طلاله فـ الحمام مابعد طلعت..شكل الدعـوه عنآد يعني..والله ان ماطلعت بعد خمس دقايق بروح عند ريم وخل تمووت قهـر

تنهدت من أعمـآآآآآقي..يـآأن نوف تقهر ونكديه بـ شكل..صايره كبريت ماغير تزعل وتصيح..ولما اقولها شي تقول ريم وريــم..الظاهر انها جالسه فوق رآسها..ولا تصرف عليها على هالنكد اللي مسـويته..ولا صديقتها البـويه..احد يمآشي هالاشكـآل

- آلووووووو وين رحت؟؟
طالعت فيها ولا رديت..قالت:ايه ادري عند ريم..الليله ليلـتي..بس الظاهر عقلك معها
طالعت فيها بـ عصبيه:لما تعرفين تتكلمـين تعالي كلمـيني..لاتحلمـين ارد عليك وانتي تكلميني بهالاسلووب
قربت لي..وجلست قرريب مني..لفت يدينها حول رقبـتي..وقالت بـ دلع:يعني انا عشاني اغار عليك حتى من ظلك هالشي يزعجك؟؟
الوليد:تغـآرين؟؟..تقولين عن بنت عمي متخلفه قدام صديقتك هذي غيره؟؟..وبعدين وش هالاشكآل اللي تماشينها
نوف:أأ....اممم..لا بس..البنت قالت لي بجيك صعبه اقولها لا يعني
الوليد:أسمعــي!..هالحركات ميب عندي..تدبرين نفسك..هالاشكآل ماتدخل بيتـي ولا والله يانوف مايحصل طيب
نوف:بس.."اخذت نفس"…ان شالله
الوليد:وأسمعك تقولين عن ريم متخلفه مره ثانيه
نوف:ماترضى؟؟
الوليد:ايه ماأرضـى
نوف:انت قلت ان زواجك منها بس عشان الوصيـه بس انا زوجك وحبيبتك
الوليد:.......ادري!..وهذا اللي جالس يصير
نوف:لا أنا اشوف العكــس
الوليد:نـوف انتي ليش صايره نكـديه؟؟..تراك بـ تطفشيني
نوف:أطفشك وتروح عند ريم مو؟
الوليد يقوم:ايه ولا يردني الا البـآب
نوف:أشوف الجلسـه معها صارت احلـى من الجلسـه معي؟
الوليد:أسألك مره ثانيه!...انتي ليش صايره نكديه؟؟
نوف:والله انا مب نكديـه بس انت من صرت تجلس مع ريم صرت مريض نفسيـاً
الوليد قـآم:انا مريض نفسيـاً..اوكي
اخذ ثـوبه..وطلع برآ الغرفه
نوف:لحــظه الوليد!!!!!
لحــقته..بس دخل غرفــة ريم
×
×
كنت جالسه اناظر التلفزيون..فجـأه دخل الوليد...بسـم الله وش جابه الليــله عند نوف مب عندي
ريم:الوليد؟
أبتسم لي:ايه وليد..ليش مستغـربه
ريم:بس اليوم عند نـوف
الوليد: يجلس ع الكنب ويتنهد:جـآبني الشوق..
طالعت التلفزيون ووجهها احمـر ومتفوخ من العصبيه هههه..فديتها لما تعصب..
الوليد:ههههههههههههههههههههههههههه
طالعت فيني:ليش تضحك؟
الوليد: ولا شي هههههههههههههههههههههههههههههههه
ريم:لا جد الوليد تضحك؟
الوليد:هههههههههههه
طالعت فيني وغصب عنها ضحكت معي..مدري ليه اضحك على شكلها هالبزر على ان مابيبنا الا 6 سنين الا اني احسـأ بيبي...
قربت لها وطبعت بوسه على رقبتهـأ..وهالشي خلآها تخاااااااااااااااااف..بس مب دايم كذا تخاف..
عقدت حواجبها بـ عصبيه وهي تفرك رقبتها:لعد تعودها الله يعافيك
هههه ياحبي لها لما تعصب
طالعت لبسـها
الوليد:الحين وش ذا اللبس؟
ريم:وش فيه؟
كانت لابسه جالبيه طوويله..لو ماترفعها بـ تتكرفس على وجهها..وكم طويل..تقول لبس عجوزه فـ الشتـآ..ورآبطه شعرها..هالشعر ماقد ماشفته مفكوك الا مره ولا مرتين
الوليد:انتي مالبسـتي من الملابس اللي شريتها لك؟
ريم:أي ملابس؟
الوليد يضرب راسه:يوووووه نسيت اقولك عليها..يوم اجيبك من الجامعه صح انا قلت لك اني بروح مشوار ساعه
ريم:ايوه
الوليد:كنت بروح اجيب لك ملابس..احسـن من ملابس العجر هاللي انتي جايبتها
ريم:وليه تشتـري لي ملابس؟؟
الوليد:انا احب الجنـز..يعجنـي..وودي اشوفك لابسته وشريت لك واحد
ريم:مارآح البس من ملابسك رجعها احسن
الوليد:هههههههههه ماحزرتي ان مالبستهيم انا بـ لبسك ياهم
ريم:لاوالله تهديد؟
الوليد يقوم:اعتبريه اللي تبين..المهم قوومي البسي اشوف
ريم:الوليد من جدك؟؟؟
الوليد:لا من عمــي..ايه من جدي..يللآ قــومي

قمت من غير رآي:ماراح البس...ولااني لابسه جـنز لك
راح لـ غرفة النوم وجاب كيس بيرشكـآ..مب سهل والله يعرف بيرشكـآ..وطلع منه جيـنز..مقآس 48 هذا وش عـرفه بـ مقاسي؟؟؟..>هع
الوليد يرمي الجنز لـ ريم:البسيــه..مع هالتيشيرت.."وطلع بلوزه حمرآ ورمآها"..بتطلعين شي
اخذت الجنز ورفعته بـ وجهه:تستهـبل؟؟...أللبس هذا؟
الوليد:ايه..يللا..انا بطلع بـرآ خمس دقايق.."رفع يده عشان اشوف ساعته"..ترا بـ حسبها..ان مالبستي..دخلت عليك ولبستك غصب
وطلــع ولا ترك لي مجال اقول شي..طالعت في الجنـز..اكيد عرف مقاسي ..شاف كم لبس من اللي عندي وعرف..والـتي شيرت ميديم..والله يقهـر جـني!!.. يعـرف مالت عليه..
جلست ع السرير..مابي البس وش اسوي

- تــرأ بآقـي لك دقيقتين يـلآآآ

اخذت الجنز ولبـسته..أخاف ينفد تهديده قلت لكم انه عنيـد واللي في رآسه يسويه
يوم خلصت دخل..
- آآآآآآآآآآلله..قمــر!!
كان الجنز ضيق..معروف جنوز بيرشكـآ..والتيشيرت لو أقول مدري وانا رافعه كتوفي يطلع بـنطي..كان سكني ولووست..
ههههههههه بس حلوه لو أقول مدري..
طالعت شكلي بـ المرآيه..أوووووووووه ماي قآآد..وش هذا..حمـر وجهي وحطيت يدي على خدودي عشان اخطي حمـرة خدودي..يعني جالس يشوفني وانا لابسه كذا؟؟..انا ماأتحمل أي رجال غريب يناظرني كذا..
امتلت عيوني دموع..وش أسوي اذا انا ماأبي ارخص نفسي له
حسيت به يضمنـي مع ورآ..:ريم ليش الدموع؟..عشاني قلت لك قمـر
ريم تشهق تصيح:لآ..احس اني رخيـصه وانك.........انا ماأحب اعرض جسمـي لـ رجآل
الوليد:أفـآآ..رخيصه!..انا زوجك مب احد غريب
ريم وخرت عنـي وطالعتني:بس انت زوج نوف
الوليد أبتسم لها:طيب انا تركت نوف وجيتك
ريم:..............
الوليد:ماأبي اشوف هالدموع مره ثانيه..اوكي؟
بس كـأني قلت لها صيحي اكثر..هالمره صاحت بـ خوف..المشكله اني مب فاهمها ليش تخاف مني وتصيـح..لو احد يفهمنــي..ويلعمني ريم وش تحس فيه..كان انا بخير
شلتها وهي لفت يديها حـول رقبـتي..حطيتها ع السرير وجلست عندها..أبتسمت لها بس ماردتها لي..قامت على حيلها..واخذت اللحاف..وغطت جسمها فيه..لين رقبتـها
آآآآه بس ..مافي فايده..:ريــم
ريم:..........
حطيت يدي على السرير..وقربت لها..:خآيفه؟
هزت رآسها بـ أيه...ثم أستوعبت..و هزته بـ لا..شفــتوا لين قلت لكم ماأفهمها..عجـزت

"منـــال"
كنت اطالع الشباك جنبي وافكر..احس بـ ضيقة صدر ياناااس..طالعت امي اللي كانت مسكره عيونها بس مب شكلها نايمه..
انا من زمان ودي اركب طياره بس الحيت ركبتها ولا حسيت بـ طعم الفرحه!

آلــوداع..آخر حروفـ"ن"...في خفـوقي شلتها..
ياتمــوت فـ وسط قلبي..!
يآأموت ان قلتـها ..يآللي حبك في حياتي كـآن حلمـ"ن"..وأنــتهـى
كـــآن حلمـ"ن"..وأنتــهى

×|آلفصـل العشرون|×

" الورد ما كل من يشوفه يشمه"

كلي ../ موادع .}
ماعاد باقي بالبلاد ../ بلآد .!

وصلــنا الكويت..
وهـذا اول يوم لي هنـآ بـ الكويت
- هذي غرفتج يمـه
ناظرت الغـرفه اللي كانت غرفه عاديـه جداً..ولاكأنها وحده من غرف هالبيت..لان زوج امي واضح من البيت والسيارات..انه غنــي
فرح:اسفه يمـه بس تدرين احنآ مادرينا انج بتيين الا اول امس
أبتسمت:لاعادي يمـه ترا كلها غرفه يعني مب شي
فرح:ادري يمـه..بس انتي بنتي وحيدتي ولازم يكون لج غرفه حلوو وكشخـه على قولتج.."طالعت ساعتها"..عمج بو يعقـوب اكيد قعد من نومه..امشي نروح له سلمي عليه
منال:ان شالله
نزلت تحت وامي قدامي..شفت رجآل اعطيـه بـ الـ 40..جالس ومعاه قهـوه ويقرآ الجريده..
فرح:السـلام عليكم يآبو يعقـوب
ابو يعقوب رفع رآسه..وأول ماشافني أبتسم:ياهلا ويامرحبـآ بـ أهل السعوديه..هذي نسخه منج يافرح
ضحكت امي وقالت وهي تطالعنـي:ههههه..سلمي عليه منال
تقدمت..وصافتتحه:هلا عمـي
ابو يعقـوب:لاتقـولين عمي يابنتي..قولي يبـه
أبتسمت له..صدق ينحب شكله طيب وعلى نيآته..
جلست مـعه شوي..وامي راحت تجيب الشاهي كان ودي اقوم عنها..يعني خبركم حركات السنع بس ماأعرف مكان المطبخ وأصلاً عمي......احم!..اقصد ابوي..عيّـآ علي خخخخ

"الـوليد"

يتبع ,,,,
👇👇👇
أحدث أقدم