رواية هوى قلبي -3

رواية هوى قلبي - غرام

رواية هوى قلبي -3


إبتسم مشعل وهو يقول بنفسه مو بس ملخبطتهم إلا معذبتهم يازينك يابنو ويازين كلامك

"البندري قلبها يدق من زمان ما شافته تحبه وهو قدامها غصب عليها شافته وماتت بإبتسامته وبعيونه الذباحه ولا السكسوكه خنجر وربي خنجر شكله يذبح أنواع التعذيب"
البندري :لحد يسرح وناظرت ب مشعل
ضحك مشعل:كيفي
البندري : المهم الهدنه إن حنا عازمينكم تسهرو معنا بداخل الخيمه لكن بشرط كل ولد رح يحط فلوس له ولوحده من البنات له أحقيه الإختيار أي بنت يبغى و يحاسب طلبه وطلبها
الشباب: هههه والله قرويات...تفشلون... مالت عليكم -إلا مشعل الوحيد اللي ماعلق بس قال- حلوه الفكره إي ليش لا
ضحكت له البندري : إنت رهيب والله
ردلها الإبتسامه
إفتحو البنات باب الخيمه وطلعت وجدان قالت ماما قالت تأخرت وسوري يابنوو
وبدت البندري...انا بكلمها بس لا تروحين
وجدان: لا والله مره ثانيه بليز وقالت بإذن البندري -جاييني خطاب-
البندري ههههههههه إحلفي وناسه
الشباب ماتو ضحك وجدان امبين شكلها ميته خوف و البندري تضحك


 بأمريكا

شجون:زايد مين اللي تو تكلمك
زايد وهو مستمتع بحرق أعصابها وبشكالها
زايد:مالك دخل
شجون:زااااايد والله لو ما تقولي لاتركلك البيت وانا لاول طياره عند أهلي
زايد:يالبزر
شجون دمعت عينها:انا بزر
زايد ماتهون عليه دمعتهاأبد:شجوني يا بعد قلبي وش فيك اليوم
شجون لفت وجها وبعدين رجعت ناظرته و حطت عينها بعينه وهي عينها تدمع
شجون:زاااايد
زايد:ياعونه وعيونه وحبه وقلبه وكل كونه
شجون غمضت عينها:طلقني



نرجع لسهرة الشباب والبنات

قالت البندري يالله تساوينا إنتو 9 وحنا 9
دخلو الشباب وقعدو البنات قدامهم كل وحده لافه حجابها ولابسين قمصان بكم وشوي طويله و جينزات
قعدت البندري يالله بالدور
أول شي راكاني الغالي ... ناظرها مشعل ولف وجها وأحمد نفس الشي
ركان : أسيل عشان إنتو ال3 أحبكم ما أقدر أخذ وحده والثنتين الباقين لا
اللي بعده
عبدالله: ريان
تركي:جود
سلطان:مشاعل
بندر:الجوري
مسفر :العنود
محمد :ساره
أحمد:طبعا البندري *وناظر مشعل بنضرة نصر وطبعا عصبت البندري وناضرت ب مشعل
مشعل: وأنا المزون
.. بنو إبتسمت للمزون إن ياحظك بس المزون وقفت وقالت لا والله أعترض انا و مشعل مستحيل أنا وأحمد أوكي بس ومشعل لا ما أحب أتفاهم معاه وقف راكان قال مشعل والبندري -- وأحمد والمزون * البندري كان ودها تبوس راكان وهو عارف القصه لانهم يشكون له ف عطاها غمزه وهي ضحكت
صارو كل واحد مع بنت قاعدين يتفقون على الوجبات و المبلغ وسالفه

طبعا ريان كانت بتموت وهي قريبه من عبدالله تحس بإحساس غريب معقوله تحبه وليه لا عبدالله مزيون و ماعليه كلام والبندري ماعندها كلام بدنياها إلا عبدالله وعبود وعبدالله و.....
طلبت اللي تبيه وهو حاط عينه بعينها
عبدالله:عيونك عدسات
ريان:ها لا من ربي
عبدالله:صح من أحنا وصغار وأنا أقول كيف تلونين عيونك يوم كبرت عرفت العدسات بس ماتعرفت عليهم بعينك
إرتبكت ريان: أوكي

البندري ومشعل
الإثنين ميتين وناسه ودهم يرقصون من الفرحه بس مشعل ما يبين للناس ولا للبندري هو قالها إنتهينا وخلاص ولازم يكون قد كلمته والبندري ودها تسأله عن سبب فراقهم بس ما تبي تنذل له
البندري : رقصك حلو
مشعل: إنت الأحلى أقصد شكرا
وصارت عينهم تتكلم إلى ما جات رساله للبندري وطبعا مشعل قرا معاها وضحك
كانت من المزون ((شكلكم رهيب الله يرجعكم لبعض على فكره بعذبه هالتافه احمدوو))
البندري:ليه تضحك
مشعل: إنتو يالبنات بجد إن كيدكن عظيم وبعدين الإنسان إذا طلع من حياة إنسان صعب يرجع
البندري: صح معك حق وعلى فكره ماأبي أي وجبه
مشعل: وباللي خلقني تطلبين ولا بجيبلك زنجر مثلي
*البندري بينها وبين نفسها قلبك على قلبي حياتي*
البندري:أوكي وقامت
مشعل بداخله... بتكونين حلال غيري شهر بالكثير وإنت له ليه تعلقيني وتعلقين نفسك ليه ليه يالبندري والله أحبك والله مابيدي أخطبك ولاشي أنا طالب للحين أدرس ليه أقطع بنصيبك


المزون & أحمد


أحمد بقرف:إطلبي
المزون:وجع إيش هذا الإسلوب
أحمد:أسف
المزون: إي خليك كذا
أحمد: ليه ماتبين مشعل
المزون: كذا .. وبعدين تعال بسألك سؤال إنت ليه لازق بالبندري أقسم بالله إنك لزقه وعلى فكره تكرهك البندري
أحمد بعصبيه:طلبي وإخلصي
المزون:أبي 3 وجبات زنجر و 1 مطافي
أحمد:قلنا وجبه ماقلنا إشتري لكل بيتكم
المزون: أنا هذي عندي بحساب وجبه كيفي أحب أكل
أحمد : طيب متأكده بتاكلينهم ؟
المزون : خايف تدفع
أحمد : لا خلاص راكان أحنا 3 زنجر و 2 مطافي ودفع الحساب

وكل واحد سجل الطلب ودفع ومشعل عطاهم الفلوس وطلع بره

سمع البندري وهي تقول فارس حبيبي وربي مو كذا القصه جمعه عاديه كان جيت إنت بعد إسمع حياتي كله ولا زعلك يالغلا ....هههههه....بجد......ماأقدر........أكلمك 12 بالضبط......أوكي يالحب باي


عبدالله
عبدالله:الو
البنت:نعم
عبدالله:إنت ماتقولين لي من تكونين؟كل يوم مسج تهديد وكل ساعه رقم
البنت:واالله لاخليك تندم ياعبدالله
عبدالله:من تكونين عشان تهددين ولو إنك واثقه لهدرجه من نفسك جيبي شرايح بإسم
البنت:إسمع هالكلمه تهديدي بيستمر لين أخذ حق كرامتي منك ..مو انا اللي ينقال لي *ياشين البنات اللي يتلصقون* فاهم و إسمع لو إنتقامي مو فيك ف بتشوفه بأحد تغليه
عبدالله عصب: إنـــ.. (ما أمداه يكمل لانها صكرت بوجهه)
--عبدالله بينه وبين نفسه ..حقيره بس لو أعرف من تكونين ااخ يالقهر--


من تكون البنت اللي تهدد عبدالله؟؟
وليه شجون تبي الطلاق؟؟
إيش ردة فعل مشعل؟
ومين فارس بحياة البندري؟حب جديد؟؟؟<<ليش لاء

مع حبـــــــــــــــــــــــــي.....
أنـــــثــــــــــــــى الخـــــــــــــــــيال


 في مكان ثاني وبنفس البيت 

لفت تبي ترجع بس صدمها الشخص اللي واقف وعيونه عليها
مشعل:حقيره حسافة حبي لك لعبتي علي وعلى أحمد وعلى فارس والله أعلم كم واحد من الشارع
البندري بصراخ: مشعل والله ماحبيت غيرك والله أحبــ
قاطعها مشعل: كذابه وخاينه وحقيره وتافهه خسارة حبي فيك يالبندري خسارته والله كــــــــــــذابه



بنفس الوقت ببريطانيا


فيصل : خلاص يا نواف بعترف لجنا بحبي
نواف:إستح على وجهك قلت ل لمى بنت عمك ول بشاير بنت خالتك ولدانيا اللي هنا والحين جنا أي حب هذا
فيصل : والله أحبهم
نواف: إقعد مكانك
فيصل : اووووووووووووووووف اقول نواف ب الفلاش ميموري حقك في صوره لبنت تجنن لابسه أخضر و
قاطعه نواف:نعم خير إيش لك فيها
فيصل:حبيتها ,,, يعني عجبتني
نواف : هذي إختي ريان إبعد عن طريقها لاذبحك وإنسى إنك شفتها
فيصل: يو والله أسف
نواف: مسموووح بس تعال نروح نسهر مع وليد
فيصل بخبث : اوكي
**طبعا الوليد عازمهم على السهره اليوم لانه مجمع بنات وشباب مسوي بيتهم ديسكوو وفيصل داري بس إذا قال لنواف بيرفض يروح ف سكت.... فيصل صحيح يكلم بنات بس بحدود طبعا**


 بالخيمه

دخل مشعل قعد وهو معصب الكل قاعد يتعشى وصلو الطلبات وطبعا خلو جنب وجبة مشعل وجبة بنوو بس دخلت وكانت مبينه صايحه وميته صياح بعد
مشعل بدون نفس: ذي وجبتك يالبندري
بنو:شبعانه
مشعل: أحسن
بنو قعدت الكل ياكل إلا هي طول الوقت سرحانه ومالها خلق أحد ودها تصارخ وتصيح تحبه هو وماتحب غيره
ضبو الأكل ومشعل قاعد يهز رجله وهو بداخله لاا يا بنو كذا تسوين فيني وين الوفا وين الحب حتى لو أنا قلتلك إنتهينا توها كلمتي ما صارلها 4 إشهور أمداك تعشقين أمداك تنسين
أما المزون حطت الوجبات قدامها قامت قالت ميري ميري وجات ميري قالتلها تعالي داخل شوي دخلت المزون إقعدت بينهم وطالعت مشعل وغمزتله و البندري وغمزتلها دخلت ميري
المزون:إيوه ميري هذي وجبة مطافي حق ماما أم عبدالله وزنجر حق إنت وزنجر حق زوج إنت وبالعافيه عليكم
أحمد:حركه بايخه
المزون بضحكه:طهر نفسك باموالك


بالسياره *طارق & فتون*

طارق: فتوو لا تقولين بترجعين الحين
فتون: إلا حبيبي والله ما عندي غير ساعه إلا ربع يادوب نرجع مع سواقتك البطيئه
طارق: طيب متى الطلعه الجايه
فتون:ممممممم الأربعا الجاي حلووو
طارق: بعيد مره وأنا أبيه قريب
فتون:عشان تشتاقلي
طارق بنفسه من زينك :أكيد حياتي
فتون:طيب ليه وقفت
طارق:أبي بوسه
فتون: نعم لا ياطارق أحنا ما إتفقنا كذا
طارق: اوكي براحتك بس انا لي سنه و ما طلبت إلا بوسه بس خلاص لا تزعلين
فتون:حبيبي ما يرضيني زعلك وقربت ولزقته بوسه
طارق: أه حياتي يازينك
*طارق بنفسه وع عليك حتى البوس ماتعرفين تبوسين الله يصبرني طلعه وحده وخلاص*
وصلها للبيت وقالت إن البندري مرجعتها بيتهم


عبدالله

كان قاعد وهو يفكر مين ممكن تكون هالبنت وليه حاقده كذا؟وليه تهدد؟وليه كل ساعه تكلم من رقم؟وبعدين تغيره؟
*سمع صوت مسج*
عبدالله:بندر تكفى ناولني جوالي لاهنت
بندر:ابشر يالشبيه يعني ماتقدر تمد يدك شوي ,,,*وأعطاه الجوال*
عبدالله:تسلم يابو هجرس
بندر:هههههههههههه أوقات تصير إنسان رائع وأوقات ودي أتفل بوجهك ههههه
عبدالله:هههههههههههه أخ يالثور أثاريك حاقد

*فتح عبدالله المسج وكان عباره عن*

-ها يا ولد أبوك أنا بيدي أسوي اللي وعدتك فيه ..إسمع اللي بقوله ..إنتقامي بيكون بالبندري أدري إنها نبض قلبك وإنها أكثر إخت تحبها ..لك مني تشوف بدموعها الدم عشان لاترفع صوتك على أسيادك-



_____مشاعل_____

مشاعل:أخ يا أسيل والله مو قادره أكتم إحساسي
أسيل:ميشو تكفين لاتسوين فيني كذا وربي مابيدي شي
مشاعل :عارفه والله عارفه بس مو قادره
أسيل:انا بكلمه الليله وربي حرام اللي يصير لك
مشاعل بحزن:لا أسووله ماأبغى منه شي عافه الخاطر


__ أمـــــريـــــــكــا ___

زايد:شجون إيش الكلام اللي تقولينه
شجون وهي تبكي:قلت طلقني
زايد عصب:شجون عن حركات البزران وين أطلقك وأحنا بيننا طفلتين وين أطلقك وانا عاشق هواك كيف أطلقك وإنت حبي و هواي كيف أط
قاطعته شجون:لاتكمل ولاتسوي نفسك محترم ..كل يوم أقول لو مايحبني ماخذاني ولو مايحبني ما قدمني على كل البنات ..ضحيت بمستقبلي وقلت بجي معك هنا و حبك هو اللي جابني معك ..(هئ هئ <<تشهق) انا بوشو قصرت معك؟
زايد بتعجب :وانا إيش قلت وربي ماسويت شي وإذا على المتصله تراهي وحده تدرس معي *قرب لها وضمها* نوني حياتي قلبي ما يسكنه غيرك والله العظيم القلب مابه غيرك
شجون:وهذا الورق إيش يكون؟؟
زايد بصدمه:شجون هــ ..ذ..ا هذا
شجون حطت يدها على إذنها:طلقنـــــــــي

___ نعود للخيمه___
الكل تجمعو وقررو يلعبون بس قبل كذا مسكو المايك كل واحد يجرب صوته بس وصل المايك عند مشعل وقف وقال أبي أهدي هالإغنيه لأعز مخلوق على قلبي كان شي بحياتي وصار تحت تحت في مستوى لايمكن يرتفع

البندري حست إن لها وغمضت عينها قبل لا تدمع و كانو جنبها ريان ومزون

البندري بصوت مكتوم: بيجرحني
مزون: شنوو
بنوو:سمعني أكلم فارس
ريان: يالغبيه ليه ما فهمتيه
مزوون: بجد حماره
بنو : صدقوني الإغنيه لي

بدا مشعل بصوته الرائع واللي أكثر من رائع عاش جو الإغنيه لانه يقصد كل كلمه فيها

قهر ماكنت أنا أدري تعيش بقلبي كذابه قهر توي عرفت إنك على الحبلين لعابه كذب كانت سواليفك وكل كلمه على كيفك وأنا اللي أحسبك روحي ولقلبي أقرب أحبابه ولقلبي أقرب أحبابه
وفيت لقلبك بعمري ولك ضحيت بايامي لقيتك للأسف كذبه أعيش بها مع أحلامي نعم صدقت كلماتك ولا أدري بنياتك وهذا اليوم انا كلي ندم من راسي لاقدامي ندم من راسي لاقدامي
خلاص الحين ابي أرحل وانا فيني الم غدرك أباخذ قلبي من قلبك وأخلي قلبك بصدرك بداوي روحي بروحي وبكتم فيني جروحي بعيش الدنيا من دونك وعيشي بالقهر عمرك وعيشي بالقهر عمرك

الكل يقول روعه و وااااو و وناسه إلا البندري وريان ومزون كانو محزنين وجوري طبعا بعد ما فهموها السالفه

قامت جوري بكل جرأتها و وقفت وراحت جنب الستيريو فتحت جوال البندري
الكل يناضر الجوري

جوري غمزت: البندري له ساعه يضوي جوالك أثاري هذا فارس المتصل


تحياااتي..
أنثى الخيــــــــــــــــــــــــــــال

&&&الفصــــــــــل الرابــــــــــــــــع &&&


جوري غمزت: البندري له ساعه يضوي جوالك أثاري هذا فارس المتصل

الكل صفطو الموضوع وماهتمو إلا 5 (مسفر-مشعل-أحمد-ساره-سلطان)

قامت وقفت البندري وقالت للي يطالعني بنظرة إني أكلم شباب لا والله غلطان وعافه الخاطر كل من يشك فيني بس أبي اللي ما يعرف يعرف فارس أخوي من الرضاعه وبيدي أقوله حبيبي وحياتي وكل شي
سكتوووو كلهم ليه هي إنفجرت كذا مره وحده

مشعل حس بالذنب *بداخله,,الله يلعنك يا إبليس ظلمت حبيبتي وبكيتها *

بدو اللعبه واللي هي لعبه جرأه و صراحه

لفو علبة الماي وجات السؤال على أحمد ولازم يسأل عبدالله

أحمد:عبدالله بكل صراحه جاوبني تعجبك حركات البندري مع شباب العيله؟
الكل إنصدم وعبدالله بغى يتفل بوجه أحمد بس مسك أعصابه
عبدالله:والله هي ماغلطت ولا سوت شي حرام عطني شي واحد تسويه بغيابي وماتسويه بحضوري كل شي أعرفه وبعدين أنا رافع راسي بالبندري واللي يحاول يقول أي كلمه عليها يعتبر عمره ميت

لفوووو الغرشه مره ثانيه وصار دور السؤال على جود وتجاوبها ساره

جود:مممم مدري شسالك بس انا دايم اتسائل إنت ليه تكرهين البندري وريان؟
ساره إنصدمت:أنا ما أكره ريان بس أشوفها مغروره وانا ما أحب المغرورين و البندري هدمت حياتي ودلوعه ومغروره وريان ومزون وإنت تساعدونها بعد
الجوري كانت رايقه : وأنا ما أساعدها
ساره : إلا إنت بعد
الجوري:وناسه بنات صرت وياكم بالمساعده
الكل هههههههه
الكل ضحك ع الجووري اللي قلبها مجرووح بس تكتم جروحها ودمعتها بإبتسامه

لفوووها وهالمره طلع السؤال لتركي واللي تجاوبه ريان.

تركي:مين تركي بحياة ريان؟
ريان: شخص ميت

الكل إستغرب إلا البندري قربت جنب إذن ريان قالت جبتيها ع الوتر ههههه


____ ببريطانيا ____

كانو بطيريقهم لبيت الوليد وكل واحد سارح بهمه
نواف:فيصلوو
فيصل:هاه
نواف:هاه بنص عينك كم مره اقولك قول نعم يالفاشل
فيصل:إسكت وربي فهيت طالع ذيك عليها لبس إلعن أمه من لبس
نواف سحبه من كم بلوزته
نواف:بجد ما تستحي إنت
فيصل:إسكت يالطاهر
نواف:أقول لا يكثر بس فيصل وربي عليها جسم يسدح
فيصل & نواف:ههههههههههههههههههههه


____نرجع للخيمه____

لفووها جات على العنود تسأل بندر

العنود:بندر عمرك 26 ليه للحين ماخطبت؟

الشباب والبنات يصرخوووووووووون

بندر: يطالع ب الجوري و البندري: محتار والله بس ناوي قريب ولا تسألوني مين

محمد لف على مشعل ومشعل نفس الشي

مشعل بصوت واطي:بذبحه لو كانت البندري والله
محمد والله انا اللي بقتله لو كانت الجوري
مشعل : ههههه حمود من وراي بس الجوري رهيبه والله

الجوري:أنا ولا إنت
البندري : إنشاءالله إنت

مشاعل قامت :لعبه سخيفه...أنا بروح أسيل تجين معي ولا معهم
أسيل : لا معك


رجعووو للعبه وصار دور سلطان يسال البندري

سلطان:أنا أبغاك تعطين كل واحد فينا كلمه تقصدينه فيها بكل صراحه ولاحظي إنها كلمه أو كلمتين بالكثير
البندري : أوكي

سلطان------التفاهم
راكان------الحب
بندر------- أخ
مسفر------ حنون
محمد------ غالي
أحمد-------اليأس
ساره------ (عادي)
ريان------- توأم روحي
مشعل------ الندم , الحسوف
العنود------ الثقه
الجود------- الإحساس
المزون----- التواضع
الجوري----- فرحتي
عبدالله------ كل شي بدنياي

الكل سكت طبعا لاتعليق بس الصدمه كانت لمشعل (الندم,الحسوف)


لفوها وصار لعبدالله يسأل المزون

عبدالله:بعمرك ندمتي على شخص يالمغروره!
المزون :للحقيقه إي قد شعر راسي (كانت تقصد نواف)

لفوها وطلع ساره تسأل البندري

ساره: بنو إيش إسمي وإسم أحمد وريان و مشعل بجوالك ؟
البندري: أنسحب

طبعا الكل ما وافقو قامت ساره حطت الجوال قالت كل واحد يعطيك رنه ونشوف ,,,,البندري إجمدت بس عبدالله عطاها نظره إن كيفها خليها

*للمعلوميه عبدالله يعرف باللي بقلب البندري لانها تجي تقوله كل شي*
ونزلت البندري عينها كان أصعب شي عليها هالحظه إحساس مشعل و ردة فعله و رد الموجودين


____بأمريكـــــــــــــا____

زايد بقمة عصبيته:شجون وربي هالورق وصلني نسخه منه والله العظــ
شجون بصراخ وبكى:لا تكذب انا قابلتها و قالت لي إنها حامل منك سمعتني صوتك وإنت تقول *حبيبتي إقعدي خلنا نتفاهم مايهون علي تروحين زعلانه ولا البيت ترى ما عاد أجيه...يهون عليك زيوود* هئ هئ هئ ليه يا زايد حلفتلي بحبك كثير و وعدتني تكون وفي معي وأنا ضحيت لجلك كثير ما حبيت غيرك وماعشقت غيرك وماحد أبكاني غيرك ليه القسى يا زايد
زايد وهو بعين قريبه للبكى:ورب البيت واللي خلقني مالي دخل هي اللي تلاحقني وهي اللي تبيني والله شجون قلبي مالي علاقه فيها ورب البيت إني مظلوم شجون انت اللي بقلبي ومابه حد غيــ
*ماكمل كلامه لأنه شاف حبيبته طاحت على الكنبه قدامه وهي ترجف و شفايفها تزيد بياض كل ساعه*
زايد:شجووووووووووووووووووووووووووووووووووووووووووو ووووووووووووووووون إصحي شجوووووون حبي
*ومن دون ما يفكر بشي حملها وطار فيها للمستشفى*


_____نرجع للخيمه____

ونزلت البندري عينها كان أصعب شي عليها هالحظه إحساس مشعل و ردة فعله و رد الموجودين

دقت ساره طلعلهم *ساره* وكانت النغمه *إزعاج صرصور*

دق أحمد طلع لهم *اللزقه* و النغمه *أنا صاحي لهم وعيني عنهم مش غافله دارس طبعهم وفاهم قصدهم والجاهله*

دقت ريان طلعلهم *توأم روحي* والنغمه *القلب سلم لك أمره بحالتي إنت ادرى يلي حنانك وطيبك ينحط ع الجرح يبرى*

دق مشعل بخوف وطلع *جارح فؤادي* والنغمه *طحت من عيني بعد ما كنت عالي حبك أرخصته بعد ما كان غالي*

الكل سكت إلا ساره قالت يووو ليش كذا

طبعا الكل طالع فيها لانها قاصده الحركه

وقفت البندري : انا ماأبغى ألعب
ريان: حتى أنا
الجوري + مزون + جود: حتى أحنا

وقامو الشباب و كل واحد ينادي إخته بس وقفت البندري
البنو:البنات بينامون عندي انا إستأذنت من أمهاتكم
طبعا كل البنات إستانسو إلا ساره
ساره..:يووو بنام هنا
البندري:ترى أخوك للحين ما راح
ساره:تطرديني
البندري:لاحول ولا قوه إلا بالله نامي يا بنت وبكره روحي حلو كذا
الجوري:ساره روحي بيتكم أحس الفراش ما بيعجبك هههههههه
البنات ...ههههههههههه
المزون:إيه بليز ساره و سكري الباب وراك
ساره بعصبيه : بروح يا بندري لاني ما أحب أنام عند وحده تلاحق واحد ما يبيها كلنا ندري إن مشعل ما يبيك
البندري :أنا بإشاره مني أجيب مشعل واللي أكبر من مشعل بس اللي يبيني حياه واللي ما يبيني بكيفه

جاهم صوت رجولي

مشعل:صادقه البندري وعلى فكره ساره محد يلحقني غيرك وانا اللي ميت والحق بنوو وهي اللي ماتبيني
الكل إنصدم
*كان مشعل داخل ياخذ جواله وبالصدفه سمعهم وعصب حبيبته تنهان لييييه؟؟ وبسببه ومن مين مين ساره؟؟*

طلع مشعل وطلعت ساره


_____ عند الملحق____

ريان:عبدالله بنام عندكم وناسه
الجوري:إي والله يا عبود حتى اليوم إنت دبر عمرك بأي مكان لان غرفتك محجوزه للتفتيش
عبدالله:إحلفي ...لا والمصيبه إن إنت مين عازمك
الجوري: ريان وبنوو
عبدالله ناظر بريان: لعيونها ما بطردك
ريان إستحت:إشفيك على عيوني
عبدالله:عاجبيني
الجوري:صحيح ما تعرف تغازل شوف شوف إيش لازم تسوي -- إلعب بحواجبك وقولها لعيونك يا أحلى عيووون انا الهيمان فيهم هههههه
عبدالله:هههههههههه جوري بكم الكورس حق المغازل عندك


____ غرفة مشعل____

مشعل :شسوي بنفسي انا اللي ضيعت حبها بيدي ......هي مازالت تحبني بس أنا كل يوم أجرحها أكثر من قبل ااااااه يا هوى قلبي كنت تسميني *غرامي الاول والاخير* وصرت جارح فؤادك ليه يا بنو ليه كله من متعب كله منه مالقى غيرك إنت .. كسرت بخاطرك بس وربي عجزت أنساك

**دق الباب**

مشعل :مين؟
مسفر:الشغاله,,بالله عليك يعني مين غيري انا وسليطن
مشعل:لحظه بصلي إستخاره إذا أدخلكم ولا لاء
فتح مسفر الباب:مصدق عمرك يالعبيط
مشعل:ههههه حتى بغرفتي أنسب
سليطن: سريرك وناسه شرايك نبادل الغرف
مشعل:لا أبدا لا

مسفر يلعب بالاب توب حق مشعل ويحط أغاني ويدور

مسفر: مشيعل ليه حاط باس ورد لملف *هوى قلبي*
مشعل : مالك دخل
سلطان غمز لمسفر: مشعل ما باركت لمسفر
مشعل : مبروك ليه
سلطان:أفا أنا ولد الثانويه وداري بالموضوع وإنت الكبير مو داري أخوك بما إنه صار كبير وخلاص إشتغل فقرر يخطب
مشعل:هههههه والله يا مسفر ماأتخيل شكلك بس ع البركه منك المال ومنها العيال
سلطان:ماتبي تعرفها؟
مشعل: إما من جيران الوالده ولا صديقات الجود
سلطان:قربت للجواب
مسفر: انا كلمة الوالده وخلاص بتخطبها قريب من شفتها اليوم ذبحني شكلها والله
مشعل ضاق صدره بس قال: لا تقول مشاعل
مسفر: لا وشو مشاعل ... مشاعل لك أحسكم مناسبين أنا عقلي مع اللي قالت ملخبطه قلوب خلق الله
مشعل وقف من الصدمه:ميــــــــن؟
مسفر : البندري
مشعل قعد على السرير وهو بقمة الصدمه: ليش يا مسفر ليش

____ ببريطانيا_____

دخلو بيت وليد وطبعا كان الوضع مصخره نواف إنصدم أول ما دخل
وليد:هلا نواف هلا والله بفصول وأخيرا جيتو
نواف وهو عاقد حواجبه: كل حفلاتك كذا
وليد : يا بابا إنت ببريطانيا يعني ما بتجيك الهيئه بالسعوديه حنا هنا فرررررررري
سكت نواف وفيصل راح يسلم على جنا ... قرب الوليد من نواف
الوليد: نواف والله بس رقص وسوالف مافي أشياء ثانيه
نواف: مافي شرب
الوليد : إلا للي يبي
نواف: كل الطرق تؤدي إلى روما يا حلو
الوليد: تعال بعرفك على واحد من الشباب هو سعودي ومن الشرقيه مثلك لا ونفس عايلتك
نواف: وينه؟ تخيل يطلع أبوي ههههههه
الوليد: لا هو باقيله شهر ويرجع للسعوديه مشاءالله عليه كان يدرس طب بأسبانيا وجاي هو وخويته عشان يعطيني باقي أغراض واحد من قرايبي كان معه وانا متعرف عليه من زمان
نواف : أهااا شوقتني اشوفه

راحووو للغرفه الثانيه وكانو بنات وشباب وماخذين راحتهم بزياده جدا

الوليد: هاي بعرفكم على بعض
نوااف بصدمه: متـــــــــعب؟؟؟إيش هذااااا؟؟


____غرفة البندري_____

بنووو:إسمعو خاطري أدخل النت وألعب على أحد
الجوري:وناسه يالله بس شوفو أنا اللي اتغزل فيه ههههه
المزون بتردد: بدر ولد خالتي ! ينفع؟

الكل لف عليها ليه تبي تلعب على ولد خالتها هي كانت إتدافع عنه ومبين حبها له

العنود: أحسن شي انا وجود و ريان جايبين ال لاب توبات حقونا بندخل منهم على النت وإنتو صرفو عمركم (تقصد الجوري&المزون)
البندري: لا شدعوه ألحين نجيب من مشاعل لاب توبها وأعطيه المزون و حق عبوود للجوري
الجوري: أخاف ما يرضى
بنووو : إذا ما رضا نجيب حق نادين اللي من سنتين وهو يغني ياطيبه
البنات ههههههههههههههه
الجوري: يلعن شكلكم أنواع المذله
البندري : بنوتات بليز كل وحده تحدد موقعها وين طبعا أنا وريونتي على السرير وإنتو ال 4 كل وحده تنقيلها فراش من اللي بالأرض ولا تبون غرف الضيوف أنا ماعندي مانع
الجوري : والله ما يصير دايم حنا على الارض ومستحيل نخليكم تنامون بروحكم أخاف تفوتني سالفه
الجود سرحانه وتغني (لو عيوني اللي بتراضي خاطرك لا مارضيتك او دموعي اللي بكت من فارقك لا ما بكيتك لو أجيلك كلي عاشق كلي عاشق ما وفيتك ..ماوفيتك ياحبيبي عمري كله ما وفيتك)
البنااااااات: أووووووووووووووه شعندها ما نستحمل
العنود:الإخت عاشقه؟
ضحكت البندري: خلووو جوودي لحالها
ريان: إي لازم تدافعين هذي إخت الحب
تغير وجه البندري: وربي أحبه بس الزمن قاسي
الجوري : بنات بنفسي شي

يتبع ,,,,
👇👇👇
أحدث أقدم