رواية بقول ولا تقاطعني -52 البارت الاخير


رواية بقول ولا تقاطعني - غرام

رواية بقول ولا تقاطعني -52

دخلت لقيت طلال راقد..تقدمت له بـ خطوات بطيئه..لين وصلت عنده..سمعتـه يتمتم بـ"غلا"..

طلال:غلا..
مسكت يده..ياعمري مابعد صحـى..:غـلا..لاتموتين بموت معك ياغلا تخليني لحـالي..
نزلت دموعي يوم شفت دموعـه تنزل..دايم اسمع بـ دموع الرجال بس ماقد شفتها..والحين شفتها في خد اغلـى الرجال....طلال!
طلال:سامحيني ياغلا..


"منــــال وقت السحور"
- هاه يامنال..ان شالله مبسووطه
منال:الحمدالله يبـه..مره
فـرح:أكيـد دامها بتزوج واحد مثل سلطان..ريـال والنعم
ابو يعقوب:ايه والله..والنعم والله..الله يهنيكم
ابتسمت بـ خجل:آمين

- الحمدالله
فرح:شنو هذا يايعقوب..ماتسحرت
يعقوب ابتسم:شبعـت
ابو يعقوب:ترا هذا سحور مو غدا..اشبع بكـرا وراك صيـام
يعقوب:لا الحمدالله شبعــت
وطلـــع


"غ ـلآ"
ناظرت الشبــاك..النور بـادي يطلع..حطيت يدي على راس طلال وكملت قرايه قرآن .. اللي صار له ساعتين نايم..الدكتور طمني يقول هو بس انكتم..وانكسرت رجـله مع الطيـحه..بس بيعطونه اكسجين ويقوم بـ السـلامه

مـر وقت..وفتح عيونه طلب مويـه وجبت له
طلال:غلا صار لك شي
غلا بـ حنان:لا ماصار لي انا كانت جـوا اصلاً
طلال :يعني كنتـي طالعه؟؟..
هزيت راسي وانا اسب وألعن فـ نفسي..الطلـعه اللي كنت ابي اقهـر طلال فيها..صدق انا بقـره لوه ميت..ميت عشان يبي ينقذني بعيش طوول عمري فـ تأنيب الضمـير
طلال:الحمدالله يارب..الحمدالله
غلا:انا بروح..يقول ماجد ان الشقـه ماجاها شي لان الاتمـاس كان تحت بس
طلال:التمـاس؟؟..يعني مو حريق؟
غلا:لا..
طلال أسندح بـ راحه بس شي جواه مو مرتـاح..توها بتطلع ونادها:غلا
وقفت بس مالفت..شافها ماتبي تتكلم ولا له خلق..قال:خلااص روحي..
غلا:ترا ماجد هو بيجيبك..انا بروح البيـت..بيت اهلي
طلال ماعلق:على خير



"الع ـنود"
سمعت صوت الباب الظاهر سلطان جـا..رحت ركض بس شفت سلطان معطيني ظهـره وقدامي جاسم..طالعني بـ دهشه..وانا مصدوومه..وانحشششت على طووووووول

دخلت جـوا وطالعت نفسي بـ المرايه كنت لابسه بيجاما برمودا وبلوزه نص كم..يووه شافني وانا كذا؟ وشعري الله يخس العدو

- يالله ان تحيي نـدى.تو ماتبارك المكـان
ناظرت سلطان اللي داخل معاه ندى..جتنـي ندى وضمتني:خالتي عنووووود
شلتها:هههههههه وش جابك؟
سلطان:امحق استقبـال
العنود:ههههههههههههههههه.."تكلم ندى"..ندووش ياحبي لك وش هالزياره المفآجأه
ندى:مو مفآجأه..انا قلت لـ ابوي انك ماتبين تجين لـ الشقه..وقلت له انك تقولين تعالي عندي بـ الفندق...وانا قلت له
العنود:هههههههههه كنت امزح معك..بس والله أحلـــى زياره
ندى:انتي تحبيني ياعنود
العنود:هههههههههههههههههه الا اموت فيك..ليتك اختي ولا بنتي..
ندى:صيري امـي
العنود عقدت حواجبها:امك؟
ندى:يعني تتزوجين بابا جاسم..وتصيرين ماما.."وكملت بـ هدوء"..وتدخلين معـأي المدرسـه..اذا رحت تمهيدي

سلطان اللي كان مستمع من بعيـد:فكـره والله..خلااص ان شالله نروح نخطب ابوك من بكـره لـ عندل
ندى:بس هي بنت مايصلح
ضحكت بت احراج:ههههههههه ندوو تعالي نتسحر
سلطان:ايه صح..ابوها يقول بيتسحر مع اخويااه ويجي ياخذها
العنود:اوكي..يلله ناكل عشان نلعب انا وانتي
سلطـان:اول مره اشوفك مستحيـه ياعندل..هههههههههههه


"غـاليـه"
هـ الخبله مب راضيه تفهــم
غاليه:غلا حبيبتـي شلون يعني منتـي راجعة له؟
غلا:مقدر مقدر..ماأقدر انـسى
غاليه:غـلا..ايـاً كان اللي بينك انتي وزوجك ترا الدنيـا اكبر من كذا..اكبر من خيانه وغيره
غلا:انتي مب فاهمه شي
غاليه:ولا ابي افهـــم..اسمعيني ياما حريم سامحـوا رجالهم وهم مسوين بـلاوي مايعلمها الا الله..ورجعـوا سمن على عسـل..ترا ياغلا اذا رب العالميـن يسـامح ويغفر انا ليه مانغفر؟
غلا:اللي فـ قلبي شي اكبر
غاليه:اسمعـي..في حريم رجالهم سامحوا رجالهم وهم يسكرون..ويعرضون حريمهم على رجال غيرهم..في حريم سامحـوا رجالهم وهم راعين مخدارت وبـلآوي..وانتي مجرد شي أظن انه غلط صار فـ لحظة طيـش..قمتي كبرتي الدنيـا عليه
غلا:.........اوكي خلااص
غاليه:خـلاص ايش؟
غلا:بسـامحه بس ماني ناسيه
غاليـه:خطـوه حلوه منك


"منــال ومن بكـره"
نزلت الدرج وانا لابســه مخلصـه..تـوه مذن العشــا..
- بسم الله ماشالله الله يحفظج من كل عيـن
أبتسمت لـ امي:هههه حلو شكلي يعني؟
فرح:الا تهبليــن
×
×
- يمـه يلله يختـي بـ نتأخر
ام عبدالله تبخر ولدها:صدق انك ثـور ياولدي..اجل احد يحط ملكتـه فـ رمضان..اختزوا عييلنا من تالي
سلطان:ثور الله يكرمك بـ طاعته يمـه؟
العنود:ههههههههههه..تمزح امي
ام عبدالله يوم خلصت:أيـه هالحين تقدر تروح لـ مرتك
العنود:وش مـرته..مابعد ملكـوا
ام عبدالله:ايه بتصير مرتـه بعد ساعتين
العنود تتفحص شكل اخوها اللي لابس ثوب وغتـره:شكلك حلو الحين..خلني اجيب عبايتي
يــوم خلصـوا راحــوا لـ بيت ابو يعقـوب



"طـــــلآل"
طول وقتـي منسدح على الســرير..وغلا رايحه تجيب لي الاكل..ثـواني ودخلت
جلست قبـالي..وحطت الصينيه عشان آكل
قلت:غلا
طالعتني بـ عيونها البنيـه..وقلت :وو..ودي اعتذر منك..انا ندمـان..ونرجع زي اول
أبتسمت غلا: طلال..الله يحللك ويبـيحك..والله يعلم اني مسـامحتك..بس نرجع مثل اول أنســى
طلال:ليـش طيب؟..
مدت لي اللقمـه:أعـذرني مقدر قلبي الى الان مكسـور
بعدتها ولا آكلت..كملت هي: اللي انكسـر مايتصلح..
طلال:طيب ساعديني نصلحه..غلا انا.....
غلا:اسمـعني..انا ماأقدر اساعدك في شي..اللي اقدر اساعدك فيه شي واحد بس
طلال:وشو؟
غلا:انـي اعيـش معك..واصبر عليك..وأصبر على نزواتك الجايه..بس مب عشـانك..عشان هالروح اللي فـ بطني..
طلال مصدوووووم:........
غلا تقـوم عنـه وهي مبتسمه:ع العمـوم اقولها لك مـره ثـانيه..الله يحللك ويبيحك

~..وانتــهـى ذآك الغـرام..}


" أغِربَ حکِّـآيةَ حُبَ بِينَ الحَ ـکّآيآتَ فيهَـآ ( الخَ ـْيآلَ ) يروحَ لأبٍعَ ـْدَ نِطآقِهَ"

دخلت وانا مستحيـــه مررره ..كان جالس طالعني اول مادخلت
سلطان:يااهلا والله وغلا
أبتسمت لالا..سلطان متغير 180 درجــه..صاير يبتسم ويضحك ..ويهلي فيني
جلست في كنبـه..وبينـي وبنيـه كنبتين
سلطان:أفـا..لايكون ريحيتي شينه.."شم ثوبه"..ترا والله متروش متطيب وامي مبخرتني
ضحكت غصب عني..قمت وجلست ع الكنبـه وصار بيني وبينه كنبه وحده عشان يحس ان ريحته حلوه
سلطان:الـظاهر يبي لي اقرب انا..
قام وجلس جنبـي..مسك يدي..يييييييييييييييييييييي!..احد قد تخيل ان سلطـان يمسك يد منال؟؟
قرب لي وطبع بوسه على خدي..نزلت راسي لـ درجه اني حسيت ان راسي بيطيح فـ حظني..بطنـي جواه صاير حفـله..أنواع الفراشات..وجهي احسه احمر و مولع..

سلطان:ماوديك ترفعين راسك؟
رفعته وطالعته..ابتسم وقال بـ هدوء:حلـوه عيونك
منال:مقـدمه
سلطان: هاتيها
سكت..وبعدها ضحكت يوم شفته يضحك..
ضم يدي لـ يديه..وباسهم..طالعني انا عصب عني اذا طالعني انزل راسي..لو تشوفون عيونه..تصيحون..حسيت بـ شي حار عند خدي..كانت انفـاسه سمعته يقول:بقولك شي فـ خاطري من زمان ودي اقوله لك
بلعت ريقي الجاااااااااااااااااف..كمل بـ همس اوطـى من اللي قبل:أحبـك منال
منال:سلطاااان
ابتسم:وش فيك؟
منال:خلاص
تكتف وتسند ع الجدار:خلااص..بصير كذا زي الصنم..مانيب قايل شي هههه
طالعته..طارت عيني..وش يخثرق ذا:امــزح
سلطان:ههههههه تحسفتي
ولع وجهي مره ثـانيه..قمت:انا بروح اجيب العصير وأجي
سلطان:خذي راحتك.......بس مب كثير هاه
ضحكت ياحبي له والله
×
خلص رمضــان..وجـا العيد وهـذا النـأس الحين تطلع من الصـلاة
×
- خلصت صـلاة؟
قال وهو يتسند ع السرير:أيـه..وامي كانت معنـا وعندل..
منـال:انا ماقدرت اروح
سلطان:ليش؟
منال ارتبكت وقامت تسب فـ غباءها:هاه....لا..بس امي الله يهديها
سلطان فهم :اوكي انا بروح الحين لـ الفـلة امي عشان اكيد بيجون نـاس..
منال:اوكي..وانا بعد..اول ماتخلص اتصل علي

يوم سكـرت من منال..رحت لـ فلـة امي..لقيت طلال ومـرته جايين
راحت عندل مع غلا مرة طلال..وجلست انا وامي وطلال

ام عبدالله:عسـاك تحس بـ رجيلتك هالحين؟
طلال يناظر رجله:لا الحمدالله ..كل مالها وتخف
سلطان:يلله عقبـال مانشوفك تنطط
×
×
- شهالحـلاوه؟؟..وشهالزين؟
منال:عنونك الحلـوه والله..
غدير:شبقيتي لـ عرس يعقوب ؟..يمكن تغطين على ساره مرة يعقوب
منال:ههههههه..ياحبي لك والله..انتي الاحلـى

- عن المصـاله امشـوا تعيدوا ويانا
فوز:ايه صج..السنـه اليايه يمكن اتصير منال فـ السعوديه
غدير تضرب فخذ منال:صج سخيـفه..يعني يوم تعودنا عليج تروحين؟
منال:وش اسوي..اخاف تشتاق لي عندل وخالتي
فرح:الا صج..العنود مطلقـه مو؟
منال:الا
فرح:بو يعقوب يقول ان ندى دخلت فكـره الزواج فـ راس ابوها..وتبي عنود
فوز:صـــج؟؟..يعني عمي جاسم يتزوج؟
غدير:لالا..كذبة ابريـل فـ وقت غلط
فرح:لا صج..جاسم يفكـر
فوز:يفكـر يعني مابعد جا التطبيق
منال:هههههههههههههه أصبـروا على الرجـال

"الوليـــد"
فتحت عيـوني..شفت الوليد نايم جنبي..يووووووووووووووووه ماقومتـه لـ صلاة العيد.قمت وحسيت به يسحب يدي بـ قوه هالدفش..ههههههه..فديت الدفـشين..ماحسيت الا راسي على صدره
الوليد فاتح عين وحده:على وين
ريم بـ نعومه:كل عام وانت حبيبي
الوليد ابتسم وسكر عينه:وانتـي حبيبتي..ماقلتي لي على وين؟
ريم:وليد..سامحني!..ماقومتك لـ صلاة العيد
الوليد:لاعادي..بس انا جاااااااايع
ريم:اوكي..قم البس ثوب ونفطر..عشان نسـلم على جدتي
الوليد:اوكي

×
×
- محمد وش فيك انت..حتى العيد ماتبيها تطلع
محمد:قلت لك..مهيب معتبـه هالباب الا لين جا رجل يضفها
ام محمد:ان ماطلعت ماني مكلمتك
محمد:سامحيني يمـه..مقدر
وطلـــــــع

"ليـــان"
- ليــآن
لفيت لـ ياسر..كان جآيني..ويده ورا ظهـره..أبتسمت له
ليان:صليت العيد؟
ياسر:ايه..المهم ليـونتي
ليان:ههههه وش بغيت
انا حاسه انها عيديتي..قال:ابيك تسكرين عيونك
ليان:ليش؟
ياسر:ههههه لاحول..هديه ماراح تنســينها طوووول عمرك
ليان:بس انا احسها صغيره
ياسر:ان شفتيها احكمـي..هاه سكرتي
سكرت ليان عين وحده:ههههه ايه
ياسر يبتسم:ليــآنووه..بلا أستهبآل..
سكرت ليان عيونها..:اوكي..وهذي تسكيره
اخذ ياسر يد ليآن وضمـها له..ليان استغربت هو ماسك يدينها بـ يدينه.. طيب كيف ماسك الهديه؟؟
ليان وهي تفتح عيونها:يآسر ويلله عاد بـ....................................
سكت..هذا اللي اقدر اقوله ...سكتتت...يـ....ياسر؟..نزلت دموووعي..ماأصدق عيوني ابد
يآسر مبتسم:وش رآيك؟؟
ليان صاحت..وبدت تضحك..قم صاحت..ماتدري وش تسوي..:ياسر....انت تشوفني؟
ياسر:ههههههههه اشوفـك ياقلب ياسر
نزلت راسي مدري استحيت منه..يشوفني يانااااااس..هذا ياسر زوجي يشوفني..هههه طيب ليش استحي لانه يشوفني
ليان:يــآسر؟
ياسر يضم يدها له:عيـون ياسر..متفآجأه؟
ليان:بس انت..انت طلعت من عندي وانت
قاطعها وهو يضحك:أعمـى؟
ليان:ايه.."رفعت يدها المتوتره وحطتها على خده"..ياسر قلي اني ماأحلم
ياسر يحط يده فوق يدها:لا يالييـأن انتي ماتحلمين...انا اشوفك..وشاايفك من زمان
ليان بـ أبتسامه:من قلبك؟
ياسر:هههههههههههههههههههه الاثنـين..بـ قلبي وعيوني
ليـآن:انت مـ....ماكنت اعمـى
ضحك ياسر مره ثانيه..احس نفسي مثل الاطرش بـ الزفه وش السالفه:يعني ماعمرك فكرتي من كان يرسلك المسجات ايام الملكه؟؟..يعني مقعول اقدر ارسلك وانا أعمـى؟
ليآن:يـ...يمكن احد يكتب عنك
ياسر:معقوله؟..مقعوله اخلي احد يكتب مشاعري عني..مستحيل...مافكرتي كيف كنت اعرف لما تجين تولعيـن النور
ليان:الا فكـرت بس ماجا على بـآلي انك تشوف
ياسر:ههههههههه..حلوو انا ماكنت ابيك تعرفين اني مب أعــمى
ليان:يـ..."شهقت"..يعني انت طول الوقت كنت تشوفني؟
ياسر:من خطبتـك شفت كل شي..وكنتي اول يوم مكلتنا تبتسميـن لي..تعرفين ياليـآن انك فرحتيني بـ أبتساامتك..ماتدرين وش كثر حبيتك وحبيت تواضعك
ليآن:أي تواضع؟؟؟..انت كنت طول الوقت تلعب علي..كنت مخدووعه.."وصاحت اكثر"..كذا ياسر هذي اخرتها يعني؟؟..تلعب علي..وش بتستفيد يعني؟
تلاشت أبتسامة ياسر..ضـم ليآن لـ صدره..:كنت ادري انك بتشيلين بـ خاطرك علي بس.......
ليان:شايله كثـير
ياسر:طيب اسمعيني اول ثم تعالي لوميني!..اوكي؟
ليان:...

مسك يدي وجلـسني ع الكنب..:قبـل 7 سنيـن كان عندي اصدقاء كثآر..وكنت احس نفسي اسعد انسـآن لاني محبـوب..ظنيت هـ الحب كله لـ أخلاقي..وقفاتي مع بعض اصدقااي..بس لـ الاسف..جا ذاك اليوم..اللي هو اخر سنه لي بـ الجامعه وسويت حادث..وفقدت بصري..جلست بـ المستشفـى شهر..شهر ياليـآن ولا احد كان يزورني ويسأل عني الا أهلي بس..
ليان:وأصدقااك؟
ياسر بـ سخريه:مالهم حاجه بـ واحد أعمــى..اتضح انهم كانوا يبون ولد "فلآن"..مب ياسر..يبون فلوس ابوي..او يكشخـون بـ واحد مزيون هههه...

ابتست ليان غصب:........
ياسر يكمل:بس قدرت أتأقلم مع الوضع..جاب لي ابوي عبدالمجيد..اللي هو سواقي ومرافقي..بس في نظري كان صديق واخـو..عرفته وحبيته..أول سنه سافرت لـ الخارج اسوي عمليه بس مانجحت..اصرت علي امي اني اسوي عمليه مره ثـآنيه ..بس وقتها خلااص كنت عاايش تقريباً سنتين اعمى وكنت مرتاااح..كنت اشوف النااس بـ وضوح..صحيح اعمـى بس يبين لي معدن اللي قدامي..اظطريت اسافر مره ثانيه..بسبب الحاح امي وابوي..ونجحت العمليـه بس قلت لـ الدكتور لا يعلم احد..ألين انا اشوف الوقت المناسب..وماكان معي الا عبدالمجيد..وهو مايدري اني اشوف..حبيت احتفظ بهالسر لـ نفسي..مثلت اني اعمى قدام الكل..كنت أشوف..كنت اشوف ضحكت امي وأبوي واختي..وبس ألابتسامته اللي كان تنرسم لي..بس في الوقت نفسـه كنت اشوف أبتسامات مجامله..ابتسامات اتمنـى لو أني اظل اعمـى عشان لاأشوفها..
ليان:يعنـي انت ماكنت اعمـى يوم تخطبني..خمس سنين ياياسـر وانت مب اعمـى
ياسر:مسامحتني حيآتي
ليان:.............
يآسر:تزعلين يـآسرك؟
ليان:مقدر احس ملعوب علي..يعني كنت تبي تحتبرني مثلاً..تشوف اذا برضى فيك اعمى ولالا؟
ياسر مال لها وطبع بوسه على خدها:ليـآن..وربـي ماحبيت احد كثرك..انا مدين لك بـ عمري كله..انتي رضيتي فيني وانا أعمـى..رضيتي فيني زوج..وغيرك مارضـى فيني صديق..لو السعاده تنشـرى شريتها وعطيتك اياها
ليان:انت شريتها لي وخلصت
ياسر عقد حواجبه:......مافهمت؟
ليان:انت سـعادتي يا ياسر...اعمى ولا تشـوف..انت سعادتي كلهـآ
ياسر:يابعد عمـري انتي.."ابتسم"..اتمـنى ان العيديه اعجبتك
ليآن:احلـــــى عيديه




The end

مابعد النهايه

ماراح اقول انهم عـاشوا بـ سعاده..السعاده ان شالله بـ الجنه خخخ..
بس بعطيـكم مقتطفـات قبل أودع وتـودعون بقـول..اللي كانت جزء منـي..وانا بـ صرآحه مدينه لها لآنها ملت علي وقت فـراغي..اللي كـان طوويل..

*
دخلت منـال على سلطان اللي كان جالس ويفكــر..
منال:وش تفكر فيه؟
سلطان:مو شي مهم
منال:رجعنــــا لـ الكتمـان؟
سلطان:ههههههههه لاوالله بس افكر هاللي فـ كرشتك..وين نحط غرفته..عرفتي الحين
منال:يوووو سلطان لاتقول كرشتك..ترا يجينـي المرض والاحبـآط.."حطت يدها على بطنها"..قسم بـ الله ان ماصار عاقل بتجيني جلطه..بيخرب بطني ويطلع لي كرشـه..وآخرتها يبثرني
سلطان:ههههههههههه فديت الشغـالات لاقأموا يتحلطمون
منال:الحين انا شغـاله..ههههههه

هذي منال..طوول عمـرها ماتعرف تزعـل..لو مزح!..وسلطان أكتسبت شخصيته هدوء..بس عكس الكتمـان اللي كان قبل..كان كل شي يقـوله لـ منال اللي كانت تستقبله بـ صدر رحب

*
- ندى يلله يابنت تأخرنا
طلعت ندى مع العنـود:بابا ابي ماما عنود تجي معاي
جاسم:شنو تيي ويـآج..مو احنا قلنا بس اول يومين
العنود:خلنـــي اجي معها..بليـز لاتخسر خاطرها
جاسم ابتسم لـ عنود:خاطرها ولا خاطرج؟
العنود:ههه خاطري..اذا لي خاطر عندك
جاسم:افـا.."يغنـي"..خاطرك عندي يسوى مليووووون خاطر
ندى:ترا بنتـاخر
جاسم:اخ منج..ياليت من يحطج عند عبدالكريم..ونفتك منج..حتى شهر عسـل ماخلتنا
العنود:هههههههههههه عادي..مب لازم شهر عسـل..نأجله لين تقتنع هي
جاسم:مو هذي المشكلـه..يلله تأخرنا ع المدرسه

هذي عنـود الطيبـه..اللي وقفت مع منال فـ اصعب اوقـاتها..ولا بخلت عليها بـ أي نوع من المسـاعده..ربي رزقهـا بـ زوج صالح..وعوضها عن زوجها الاول..
*
جلس وهو ماسك يدهـا..:حبيبتي..انا مستحيـل آخذ عليك..مستعد اوديك بـرا نعالجك
مسحت دمعتها:لا ياعبدالمحسن..انت تبي عيـال ولازم تتزوج.."ابتسمت"..ترا الشرع محلل اربــع
عبدالمحسن:بس هيفـا حبيبتي..احنـا ماحولنا
هيفـا:احنا سألنا 5 دكاتره..كلهم يقولون البـلا مني.."مسكت يده"..انا من بكـره يدور لك بنت الحـلال
عبدالمحسن:عنيــــده..انا كم مره قلت لك اننا بنعـالج..وان شالله مع الدعـاء والعلاج ربي بيرزقنا
هيفـا:لا ياعبدالمحسن..هذا ابتـلاء من رب العالمين وانا راضيه..وانا عند كلامي..من بكــره بدور بنت الحلال اللي بتخيلك ابو.."وابتسمت"
عبدالمحسن تنهد بـ قل حيله :بس تأكدي..انك انتي اللي فـ القلب

هيفـا اللي حرمـها ربي من العيــال رزقهـا زوج اغلب البنـات يتمنونه..يمكن حرمـانها من العيـال بـ سبب ان مره من المـرآت منال دعت عليها..اظنكم تذكرون يوم حفل التخرج وهيفـا وزت عبـاية منال..وقلت لكم..ان دعـوة المظلـوم مستـجابه
وهـــذي هي..لو تحج ميـة حجـه دعـوة منال وراها لين تحللها..

*

دخلت الشـقه توني راجع من الشـغل فتحت الباب وكـ العاده مافي احد يستقبلـني الا ولدي عبدالرحمن..على اسم ابوي..دخلت لقيت غلا جالسه ع الكنب..
دحوم الصغير:بابا..خالي مادد..(ماجد)..سرا لي لعععبه
جلس طلال على الكنبـه عند غلا لكن مو جنبـها..راح عبدالرحمن يجيب اللعبـه
غلا:طلال
التفت لها وكأني مو مصدق انها نادتنـي
أبتسمت لي :شـرآيك نطلع الدحمي..صار له فتره ماطلع

ماراح اقولكم وش شـعور طلال من ابتسـامة غلا له..انتـوا قرروا..تتوقعـون القلوب تصافت؟..ولا الى الا في قلبها شي عليــه؟؟

خصلت بـقول..ويمكن بعضكم كان يتمنـى احداث قويـه فـ الاخير بين سلطان ومنال..ويمكن بعضكم يبي مواقف توقف القلب..لكن! من وجهة نظري خلااص جـا الوقت اللي يرتـاحون فيه .. انا حطيت نهـايه هاديه..نهـايه تدخل قلوبكم شوي شوي..
أن شالله أكـون عوضتكم بهـ النهـايه عن نهاية كبرتي المسـتعجل فيها..
أدعــولي ربي يوفقنـي بـ درآستـي ويهـون على امي..ويحقق امنيـاتي..

أحبكـــم لاتنــسون..!

وانتــظروني كــآني خلصتها فـ قصــتي..
" ثقيلــﮧ مزٍحــﮧ الدنيـآ "




تحياتي غموض بنيه
أحدث أقدم