رواية بين ثنايا الايام -6


رواية بين ثنايا الايام - غرام

رواية بين ثنايا الايام -6

كملنا سوالف .. لحد ما اذن الظهر .. رحت اصلي .. صليت .. ورجعت .. لقيت اختي نوره تسولف مع اخواني .. خالد وفارس .. رحت غرفتي .. قلت بدق على رهف .. الا ويجيني مسج .. من نفس الرقم .. فتحتها كان المسج ...


للزين عرش
صاحبته تلبس التاج
ومافيه غير
**الريم **
تستحقه
واللي لها بالفن خطه ومنهاج
واذا مشت تمشي على المسك والعاج
ومن هيبتها
تترك على الارض
عزه
,,M,,

^*^

ومافيه غير ....الــــــــــــريـــــم ؟؟؟


**** نهاية الجزء الرابع ****


دا الجزء الرابع بس اتمنى اشوووووووووووووف ردودكم لا تخلوني


تقبلو تحياتي دلوووعه مررره
انا مره زعلانه لانو عارفه انو في مشاهدات لكن بس يدخلو للقرائه والتشاااااو
ابغى اعرف ليش مااااااافي ردود
دحين بنزل الجزء الخامس والسادس بس اتمنى يااااااريت الاقي ردوووود


...:::][ الجزء الخامس ][:::...

_____________
بيت الريم .. الساعه : 5:30
_____________


**الريم **

جالسه امشط شعري .. صار لي ساعه .. يااارربي .. مشبك كله في بعضه .. تعبني .. ياليت شعري مثل رهـف .. ناعم مره .. مايبيله هالقعده .. وهالوقت .. انا صحيح الحمد الله .. شعري مو خشن ..شعري ناعم ومموج .. بس انا افكه لا جيت انام .. وتبدا عملية تداخل الشعر مع بعضه البعض ..
اوكي .. شعري حلو الحين .. لميت شعري وكنت بنزل افطر .. وقبل ما اطلع من الغرفه .. رجعت .. وحطيت يدي تحت المخده .. اخذت جوالي وفتحت المسج اللي امس .. هذي رساله من شخص اعرفه .. ايه صح .. بنت خالتي بسمه .. قالت لي قبل امس .. انها راح ترسل لي رساله .. من رقمها الجديد .. اكيد ميه بالميه هذي هي .. راح عن بالي

يوم طريت بسمه غمضت عيوني ..اتذكر اللي صار قبل امس ..

.
.
.

شافتني سرحانه ومتضايقه

قالت لي : وش فيك

قلت لها: رهف

قالت لي بقهر : وش فيها رهف بعد

قلت لها .. والضيق يملا عيوني : صرنا الحين بعاد عن بعض .. مو مثل اول .. صحيح حنا قراب لبعض بالقلوب .. بس

قاطعتني : انتي مايملا حياتك الا رهف .. وحنا وين رحنا

.
.
.

فتحت عيوني .. صحيح مايملا حياتي الا رهف


كنت برجع الجوال .. تحت المخده .. بس جاني مسج من رقم غريب .. فتحته .. كان


ابعتذر باسم الشعر

والقــوافــــــي

ان كان في حقك عن

الوصل قصـرت

لوهي بكيفي الذي

مايشــــــافــي

لانقل لك الفرحه هوى

وين مارحـت

ولكن وعد مني اناانسان

وافـــــــــــي

تبقى اعز انسان

ان جيـت وان رحـت

( ريوم انا بسمه هذا رقمي الجديد o.k )

 



اوووه هذي بسمه .. اجل اللي قبل مين .. اصلاً مو مهم اعرف .. وحده من البنات .. خل ادق على رهووفه .. اشوفها راحت المدرسه اولا ..,,.. ماترد اكيد نايمه .. او راحت المدرسه بدري ..

حطيت الجوال تحت المخده .. واخذت شنطتي .. وخليت كتاب الفيزياء بيدي .. لان عندنا امتحان ..اجلس اذاكر اكثر بالسياره .. احسن من اجلس فاضيه اشوف من الدريشه اللي رايح واللي جاي

فتحت الباب امي .. حطت يدها على فمها ..وقالت لي :يوووه ريووووم .. بعدك هنا .. مارحتي المدرسه

قلت لها : ليه وش فيك .. الساعه كم الحين

قالت لي وهي تناظر للساعه اللي بيدها : الساعه سبع

قلت لها وانا خايفه : ليه ماجيتي شفتيني .. رحت المدرسه او لا .. ليه

قالت لي : مدري والله يابنتي .. اخوك فارس .. قال جا الغرفه .. وماشافك .. قال انك .. اكيد رحتي مع رهف اليوم .. وكان مستعجل لان

قلت لها : لان اكيد مستعجل .. يبي يطلع .. حطها على رهف .. وبعدين مو قلت لكم .. رهف تزوجت خلاص

قالت لي : والله يروح عن بالنا .. طيب روحي بسرعه .. شوفي اخوك خالد راح اولا ؟.. بدال الكلام الزايد

اخذت العبايه .. وطلعت من الغرفه بسرعه .. فتحت باب غرفة خالد .. ياربي مو هنا .. اكيد مابيجلس للحين بالبيت .. اصلاً خالد الغبي .. صار له اسبوع .. مايوديني المدرسه .. وشهو السبب مدري .. المهم طلعت من الغرفه .. ونزلت تحت .. لبست العبايه .. وكنت بطلع .. بس امي ماخلتني

وقفت عند الباب وقالت لي : وين بتروحين

قلت لها : يمه .. بروح المدرسه بعد وين

قالت لي : من بيوديك

قلت لها : ياربي .. بروح .. بمشي

قالت لي بخوف : لا وش تمشين .. مافيه .. المدرسه بعيده .. والشارع يخوف .. غيبي

قلت لها : ما ابي اغيب .. عندي امتحان فيزياء

ماخلتني اروح .. والوقت بيضيع .. اضطريت اكذب عليها كذبه بيضا .. بما انها بسرعه تصدق

قلت لها : يمه على بالك بروح لحالي .. لا فيه بنت معانا بالصف وبيتهم قريب من بيتنا .. دوم تتاخر .. الحين تروح المدرسه.. بمر عليها وبنروح مع بعض

قالت لي : متأكده .. روحي معاها .. لا تروحين بروحك .. فاهمه

قلت لها : فاهمه

وطلعت من البيت ..تصدقون .. الشارع .. لا كان يخوف ولا شي .. بالعكس .. اللي رايح دوامه .. واللي يغسل سيارته .. يعني الوضع عادي .. لفيت عند بيت ابو يوسف .. لقيت الباب مفتوح .. وسياره شغاله عند الباب.. وكان سعد .. عند السياره .. ماسك عصا .. يلعب فيها بالرمل ..غريبه سعد للحين بالبيت .. الظاهر ما بيروح المدرسه .. او متاخر ..شافني واقفه عند الباب ..جاني بسرعه

قال لي : كيف حالك الريم

نزلت .. عشان اصير بطوله .. قلت له تمام .. نحمد الله .. وانت

قال لي : زين

قلت له : ليه مارحت المدرسه للحين

قال لي وهو منزل راسه : بروح المستشفى .. عشان سنوني

مسحت على خده وقلت له : ليه وش فيها سنونك .. تعورك

قال لي : لا .. ماتعورني .. عندي موعد .. والحين مودي .. بيوديني .. اشتري كوره

قلت له : من مودي ؟

قال لي : اخوي محمد

اهااا .. يعني محمد اللي بيوديه .. شوي الا وطلع محمد ..وكان يتلفت هنا وهناك .. الظاهر يدور .. سعد .. جالس يناظرنا .. يعني شافه .. ركب سيارته .. وجا عندنا .. نزل الدريشه وقال لي : السلام عليكم .. صباح الخير

قلت له : وعليكم السلام .. صباح النور

قال : يللا سعود حبيبي .. تعال اركب

راح سعد وركب .. رفع الدريشه وحرك .. مشيت اناشوي .. لقيته يرجع السياره على ورا .. وقفها بجنبي .. ونزل الدريشه مره ثانيه

قال لي وهو عاقد حواجبه :وين بتروحين ..قصدي يعني .. ليه تمشين

ياربي ..محمد بيضيع علي الوقت اكثر .. قلت له وانا مستحيه : بروح المدرسه .. بمشي

قال لي : لا .. وش تمشين لحالك .. ماتخافين على عمرك انتي

سكت .. وش تبوني اقول له يعني

قال لي : اركبي .. بوصلك

مجنون هذا .. اركب معه لحالي قلت له : لا مشكور .. لا تتعب حالك

قال لي وهو مبتسم : لا تعب ولا شي .. وترا سعد معانا

قلت بدون ما احس : حتى ولو

قال لي : لا تخافين .. بركبك فوق السياره .. وانا وسعد بنصير تحت ههههههههه

قال سعد وهو ميت ضحك: تخيل محمد .. سيارتك طابقين

وجلسوا يضحكون .. لا اكيد فاضين هذيلا .. انا ابي اروح المدرسه

لف محمد على سعد ..وقال له : سعد انت رجال صح

ضرب سعد على صدره ..وقال : صحين

قال له : اجل يللا .. انزل وصل الريم للمدرسه .. وبعدين انا بجي اخذك من هناك

قال طيب .. ونزل مستانس .. انا ماقلت شي .. يمشي معي سعد .. احسن من امشي لحالي .. المهم مشينا انا وسعد .. وكان سعد يسولف .. ويسولف .. مايشبع كلام هذا .. بس تراه يضحك ههههههههه .. خلاص قربنا للمدرسه .. وانا امشي .. لقيت واحد يمشي معانا ..طنشته .. وكملت مشي بسرعه وانا خايفه .. لا قصدي مو خايفه .. الا بموت من الخوف .. لكن كله منك ياريموه الله ياخذك ولا يوفقك .. تستاهلين ماجاك .. اوف لو انا سامعه كلام امي وغبت .. وش جابني مشي .. وهذا لمتى بيلاحقنا

قال لي بتميلح : ليه الغزال مايعبرنا

ياربي وش اسوي .. لازم اهدا ما ابيه يلاحظ اني خايفه واتراجف

قال له سعد .. بصوت طفولي : اقول .. انت رح مناك .. مو فاضيين لك

طنش سعد .. وقرب مني .. طلع ورقه .. ومدها لي وقال : طيب وقعي لي

من جد فاضي هذا .. على باله انا نانسي عجرم .. عشان اوقع له

قال له سعد : انت رح .. يللا رح

قال لسعد : اسكت .. يا البزر انت

سمعت صوت احد موقف سيارته .. قريب منا ..جا ومسك رقبت اللي يلاحقنا ويقول له بصوته الرجولي : خيرر انت .. وش عندك تكلم اختي .. تبيني اذبحك

هذا مـــحــمــد ..حسيت بارتياح يوم جا .. الله جابه

يتبع ,,,,
👇👇👇
أحدث أقدم